Fuljett ta’ tagħrif: Informazzjoni għall-utent

Arava 10 mg pilloli miksija b’rita

leflunomide

Aqra sew dan il-fuljett kollu qabel tibda tieħu din il-mediċina peress li fih informazzjoni importanti għalik.

• Żomm dan il-fuljett. Jista’ jkollok bżonn terġa taqrah.

• Jekk ikollok aktar mistoqsijiet, staqsi lit-tabib jew lill-ispiżjar jew l-infermier tiegħek.

• Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.

• Jekk ikollok xi effett sekondarju kellem lit-tabib jew lill-ispiżjar jew l-infermier tiegħek. Dan

  jinkludi xi effett sekondarju possibli li m’huwiex elenkat f’dan il-fuljett. Ara sezzjoni 4.

  
  

  F’dan il-fuljett:

  1. X’inhu Arava u għalxiex jintuża

  2. X’għandek tkun taf qabel ma tieħu Arava

  3. Kif għandek tieħu Arava

  4. Effetti sekondarji possibbli

  1. Kif taħżen Arava

  2. Kontenut tal-pakkett u informazzjoni oħra

  
  

  1. X’inhu Arava u għalxiex jintuża

     
     

     Arava jappartjeni għall-grupp ta’ mediċini msejħa antirewmatiċi. Fih is-sustanza attiva leflunomide

     
     

     Arava huwa wżat biex jittratta pazjenti adulti b’artrite rewmatojde attiva jew b’artrite psorjatika attiva.

     
     

     Is-sintomi ta’ l-artrite rewmatika jinkludu infjammazzjoni tal-ġogi, nefħa, diffikultà fil-movimenti u uġigħ. Sintomi oħra li jistgħu jeffettwaw il-ġisem kollu huma n-nuqqas t’aptit, id-deni, nuqqas ta’ enerġija u anemija (nuqqas ta’ taċ-ċelluli ħomor tad-demm).

     
     

     Is-sintomi ta’ l-artrite psorjatika jinkludu infjamazzjoni tal-ġogi, nefħa, diffikultà fil-movimenti, uġigħ u ġilda bi rqajja’ ħomor u bil-qxur (leżjonijiet tal-ġilda).

     
     

  2. X’ għandek tkun taf qabel ma tieħu Arava Tiħux Arava

• jekk qatt kellek xi reazzjoni allerġika għal leflunomide (speċjalment xi reazzjoni serja tal- ġilda, spiss akkompanjata bid-deni, uġigħ fil-ġogi, tbajja’ ħomor tal-ġilda, jew infafet e.ż. is- sindrome ta’ Stevens-Johnson) jew għal xi wieħed mill-ingredjenti l-oħra ta’ din il-mediċina (elenkati fis-sezzjoni 6), jew jekk inti allerġiku/a għal teriflunomide (użat għat-trattament tal- isklerożi multipla).

• jekk għandek xi problemi fil-fwied

• jekk għandek xi problemi fil-kliewi ta’ grad moderat jew sever,

• jekk għandek livelli baxxi ħafna tal-proteini fid-demm (livelli baxxi ħafna tal-proteini fid- demm)

• jekk tbati minn xi problemi li taffettwalek id-difiża ta’ l-immunità tiegħek (e.g. AIDS),

• jekk għandek problema bil-mudullun tiegħek, jew jekk għandeknumru baxx ta’ ċelluli ħomor

  jew bojod fid-demm tiegħek, jew tnaqqis fin-numru ta’ plejtlits fid-demm,

• jekk qiegħed issofri minn xi infezzjoni serja,

• jekk inti tqila, taħseb li tista’ tkun tqila, jew qiegħda tredda’.

  Twissijiet u prekawzjonijiet

  Kellem lit-tabib jew l-ispiżjar jew l-infermier tiegħek qabel tieħu Arava

• jekk qatt soffrejt minn infjammazzjoni tal-pulmun (mard interstizjali tal-pulmun)

• jekk qatt kellek it-tuberkulosi jew jekk ġejt f’kuntatt viċin ma xi ħadd li għandu jew kellu t- tuberkulosi. It-tabib tiegħek jista’ jagħmillek xi testijiet biex jara jekk għandekx it-tuberkulosi

• jekk int pazjent raġel u tixtieq li jkollok it-tfal.Minħabba li ma jistax jiġi eskluż li Arava jgħaddi fi semen, kontraċettiv effettiv għandu jintuża waqt it-trattament bl’Arava Dawk l-irġiel li jixtiequ jkollhom it-tfal għandhom ikellmu lit-tabib tagħhom li għandu mnejn jagħtihom parir biex jwaqqfu l-

  Arava u jieħdu ċerti mediċini biex ineħħu Arava malajr u biżżejjed minn ġisimhom. Ikollok bżonn ta’

  test tad-demm biex tiżgura li l-Arava tneħħa biżżejjed minn ġo ġismek u, wara dan, għandek tistenna għal mhux inqas minn 3 xhur oħra qabel taħseb biex ikollok it-tfal.

• jekk wasalt biex ikollok test tad-demm speċifiku (livell tal-kalċju). Livelli baxxi taʼ kalċju foloz

  jistgħu jiġu osservati.

  
  

  Kultant, l-Arava jista’ jikkawża xi problemi fid-demm, fil-kliewi, fil-pulmun jew fin-nervituri tad- dirgħin jew tar-riġlejn.Jista’ ukoll jikkawżaxi reazzjonijiet allergiċi severi (li jinkludu r-Reazzjoni għall-Mediċina b’Eosinofilja u Sintomi Sistemiċi [DRESS]), jew jiżdied iċ-ċans ta xi infezzjoni severa. Għal aktar informazzjoni fuq dawn il-problemi, jekk jogħhġbok aqra sezzjoni 4 (Effetti sekondarji possibbli)

  
  

  Fil-bidu DRESS tagħti sintomi li jixbħu dawk ta’ meta jkollok riħ flimkien ma’ raxx fuq il-wiċċ li mbagħad din testendi fuq partijiet oħra tal-ġisem u jkun hemm deni għoli, żieda fil-livelli tal-enzimi fil-fwied li jidhru fit-testijiet tad-demm u żieda f’tip ta’ ċelluli bojod tad-demm (eosinofilja) u glandoli limfatiċi minfuħin.

  
  

  It-tabib tiegħek sejjer jagħmillek it-testijiet tad-demm f’intervalli regolari, qabel u waqt it-trattament bl-Arava, biex jimmoniterja ċ-ċelluli tad-demm u l-fwied tiegħek. It-tabib tiegħek għandu jiċċekkja ukoll il-pressjoni tad-demm tiegħek regolarment għax Arava tista’ żżid il-pressjoni.

  
  

  Kellem lit-tabib tiegħek jekk ikollok dijarea kronika mhux spjegata. It-tabib tiegħek jista' jwettaq testijiet oħrajn għal dijanjosi differenzjali.

  
  

  Għid lit-tabib tiegħek jekk tiżviluppa ulċeri fil-ġilda waqt it-trattament b’Arava (ara wkoll sezzjoni 4).

  
  

  Tfal u adolexxenti

  Arava mhux irrakkomandat għall-użu fi tfal u adoloxxenti taħt it-18-il sena.

  
  

  Mediċini oħra u Arava

  Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra. Dan jinkludi mediċini li tista’ tieħu mingħajr riċetta.

  
  

  Dan huwa importanti speċjalment jekk qiegħed tieħu:

• mediċini oħra għall-artrite rewmatika bħal mediċini kontra l-malarja (e.g. chloroquine u hydroxychloroquine), deheb li jingħata sew fil-muskoli kif ukoll mill-ħalq, D-penicillamine, azathioprine u mediċini oħra li jrażżnu l-istat immuni (e.ż. methotrexate), peress li t-teħid ta’ dawn il-prodotti flimkien mhuwiex irrakkomandati.

• warfarin u mediċini orali oħra użati biex iraqqu d-demm, għax ikun hemm bżonn ta’ monitoraġġ

  sabiex jitnaqqas ir-riskju ta’ effetti sekondarji minn din il-mediċina

• teriflunomide għas-sklerożi multipla

• repaglinide, pioglitazone, nateglinide, jew rosiglitazone għad-dijabete

• daunorubicin, doxorubicin, paclitaxel, jew topotecan għal kanċer

• duloxetine għad-depressjoni, inkontinenza awrinarja jew għall-mard tal-kliewi fid-dijabetiċi

• alosetron għall-immaniġġar ta’ dijarea severa

• theophylline għall-ażma

• tizanidine, rilassant tal-muskoli

• kontraċettivi orali (li fihom ethinylestradiol u levonorgestrel)

• cefaclor, benzylpenicillin (penicillin G), ciprofloxacin għall-infezzjonijiet

• indomethacin, ketoprofen għall-uġigħ jew għall-infjammazzjoni

• furosemide għall-mard tal-qalb (dijuretiku, pillola tal-ilma)

• zidovudine għall-infezzjoni bl-HIV

• rosuvastatin, simvastatin, atorvastatin, pravastatin għall-iperkolesterolimja (kolesterol għoli)

• sulfasalazine għall-mard infjammatorju tal-imsaren jew artrite rewmatojdeja

• mediċina li tissejjaħ colestyramine (użata biex tnaqqas livell għoli ta’ kolesterol) jew charcoal attivat għax dawn il-mediċini jistgħu jnaqqsu l-ammont ta’ Leflunomide Winthrop li jiġi assorbit mill-ġisem.

  
  

  Jekk inti diġa’ qiegħed tieħu l-mediċina mhux sterojdi li jintużaw kontra l-infjammazzjoni (NSAIDs u/jew corticosteroids, dawn jistgħu jitkomplew wara li jinbeda Arava.

  
  

  Tilqim

  Jekk inti għandek bżonn titlaqqam, staqsi lit-tabib tiegħek għal-parir. Ċerta tilqim b’vaċċini m’għandux isir waqt li qed tieħu Arava, u għal xi żmien wara li titwaqqaf l-kura.

  
  

  Arava ma’ ikel, xorb u alkoħol

  Arava jista jittieħed ma’ l-ikel jew mingħajr ikel.

  Mhux irrakkomandat li tixrob l-alkoħol waqt il-kura b’Arava. Jekk tixrob l-alkoħol waqt li qiegħed

  fuq Arava tista’ iżied iċ-ċans ta’ ħsara fil-fwied.

  
  

  Tqala u Treddigħ

  Tiħux l-Arava jekk inti jew taħseb li inti tqila. Jekk inti tqila jew tinqabad tqila waqt li qed tieħu Arava, ir-riskju li jkollhom tarbija b’difetti tat-twelid serji jiżdied. Nisa li jistgħu joħorġu tqal m’għandhomx jieħdu l-Arava mingħajr jintuża mezz ta’ kontraċettiv effettiv.

  
  

  Għid lit-tabib tiegħek jekk qiegħda tippjana li toħroġ tqila wara li twaqqaf Arava, biex tkun żgura li it- traċċi kollha ta’ l-Arava ġew mneħħija minn ġismek qabel tipprova toħroġ tqila

  Dan jista’ jieħu żmien sa sentejn. Dan jista’ jitnaqqas għal ftit ġimgħat billi jittieħdu ċerti mediċini li

  jħaffu t-tneħħija ta’ Arava minn ġismek.

  Kull każ għandu jkun ikkonfermat b’test tad-demm li Arava tneħħa biżżejjed minn ġismek, u wara għandek tistenna għal mhux anqas minn xahar ieħor qabel ma toħroġ tqila.

  
  

  Għal aktar tagħrif fuq it-testijiet tal-laboratorju, jekk jogħġbok, ikkuntatja lit-tabib tiegħek.

  
  

  Jekk tissuspetta li inti tqila waqt li qiegħda tieħu Arava, jew f’dawk is-sentejn wara tkun waqaft il- kura, għandek tikkuntatja lit-tabib tiegħek minnufih biex tagħmel it-test tat-tqala. Jekk it-test jikkonferma li inti tqila’, it-tabib jista’ jissuġġerixxi kura b’ xi mediċini biex tneħħi Arava malajr u biżżejjed minn ġismek, għax dan jista’ jnaqqas ir-riskju għat-tarbija tiegħek.

  
  

  Tiħux l-Arava waqt li qiegħda tredda’, billi l-leflunomide jista’ jgħaddi fil-ħalib tas-sider.

  
  

  Sewqan u tħaddim ta’ magni

  Arava jista’ jikkawżalek sturdament li jistgħu jfixkluk milli tikkonċentra u tirreaġixxi. Jekk jaffettwak,

  issuqx jew tħaddem magni.

  
  

  Arava fih il-lactose

  Jekk it-tabib tiegħek qallek li int intolleranti għal xi tip ta’ zokkor, ikkuntattja lit-tabib tiegħek qabel tieħu din il-mediċina.

  
  

  1. Kif għandek tieħu Arava

     
     

     Dejjem għandek tieħu din il-mediċina skont il-parir tat-tabib jew l-ispiżjar tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.

     Is-soltu d-doża inizjali ta’Arava hija ta’ 100 mg leflunomide darba kuljum għall-ewwel tlett ijiem. Wara dan, il-maġġoranza tal-pazjenti jeħtieġu doża ta’:

     • Għall-artrite rewmatika: 10 mg jew 20 mg ta’ Arava darba kuljum , skont is-severità tal-marda.

     • Għall-artrite psorjatika: 20 mg Arava darba kuljum.

     
     

     Ibla’ l-pillola sħiħa b’ammont suffiċjenti ta’ ilma.

     
     

     Tista’ tieħu madwar 4 ġimgħat jew aktar qabel ma tibda tħossok aħjar. Xi pazjenti jistgħu wkoll ikollhom kambjament għall-aħjar wara 4 sa 6 xhur mill-bidu tal-kura.

     Normalment sejjer tieħu Arava għal perijodi twal.

     
     

     Jekk tieħu Arava aktar milli suppost

     Jekk tieħu l-Arava iżjed milli suppost, ikkuntatja lit-tabib tiegħek jew ħu parir mediku. Jekk huwa possibbli, ħu l-pilloli jew il-kaxxa miegħek biex turihom (turiha) lit-tabib.

     
     

     Jekk tinsa tieħu Arava:

     Jekk tinsa tieħu doża, ħudha hekk kif tiftakar, sakemm ma jkunx wasal il-ħin biex tieħu d-doża li

     tmiss. M’għandekx tieħu doża doppja biex tpatti għal dik li tkun insejt.

     
     

     Jekk għandek aktar mistoqsijiet dwar l-użu ta’din il-mediċina, staqsi lit-tabib jew lill-ispiżjar jew l- infermier tiegħek.

     
     

  2. Effetti sekondarji possibbli

     
     

     Bħal kull mediċina oħra, din il-mediċina tista tikkawża effetti sekondarji, għalkemm ma jidhrux

     f’kulħadd.

     
     

     Għid lit-tabib tiegħek minnufih u tieqaf tieħu l-Arava:

• jekk jkollok debbulizza, sturdament jew tara kollox idur bik jew għandek diffikulta’ bin-nifs,

  billi dawn jistgħu jkunu sinjali ta’ reazzjoni allerġika severa,

• jekk tiżviluppa raxx fil-ġilda jew ulċeri f’ħalqek, billi dawn jistgħu jindikaw reazzjonijiet severi u xi kultant fatali (e.ż. is-sindrome ta’ Stevens-Johnson, in-nekrosi tossika u esfoljattiva

  tal-ġilda, eritema multiforme, Reazzjoni għall-Mediċina b’Eosinofilja u Sintomi Sistemiċi

  [DRESS]), ara sezzjoni 2.

  
  

  Għid lit-tabib tiegħek minnufih jekk jkollok:

• ġilda pallida, għeja, jew tbenġil, billi dawn jistgħu jindikaw il-preżenza ta’ mard tad-demm ikkawżat minn żbilanċ f’diversi tipi ta’ ċelluli tad-demm,

• għeja, uġigħ addominali, jew suffejra (kulur isfar ta’ l-għajnejn u tal-ġilda), billi dawn jistgħu

  jindikaw kundizzjonijiet serji bħall-insuffiċjenza tal-fwied, li tista’ tkun fatali,

• xi sintomi ta’ infezzjoni bħal deni, griżmejk juġgħawk jew sola, billi din il-mediċina tista’ iżied iċ-ċans ta’ infezzjoni serja li tista’ tkun fatali,

• sogħla jew problemi bin-nifs billi dawn jistgħu jindikaw problemi fil-pulmun (mard

  interstizjali tal-pulmun jew ipertensjoni pulmonarja),

• tnemnim mhux tas-soltu, debulizza jew uġigħ f’idejk jew f’saqajk għax dawn jistgħu jindikaw xi problemi fin-nervituri tiegħek (newropatija periferika).

  
  

  Effetti sekondarji komuni (tista’ taffettwa sa 1 minn kull 10 persuni)

• tnaqqis żgħir fl-għadd taċ-ċelluli bojod tad-demm (lewkopenja),

• reazzjonijiet allerġiċi ħfief,

• nuqqas t’aptit, telf fil-piż (x’aktarx insinifikanti),

• għeja (astenja),

• uġigħ ta’ ras, sturdament,

• sensazzjonijiet abnormali fil-ġilda bħat-tnemnim (parasteżija),

• żieda ħafifa fil-pressjoni tad-demm,

• kolite

• dijarrea,

• tqalligħ, rimettar,

• infjammazzjoni tal-ħalq u ulċeri tal-ħalq,

• uġigħ ta’ żaqq,

• żieda fil-livelli ta’ xi testijiet tal-fwied,

• żieda fil-waqgħa tax-xagħar,

• ekżema, ġilda xotta, raxx, ħakk,

• infjammazzjoni ta’ l-għerq (uġigħ ikkawżat minn infjammazzjoni tal-membrana madwar l-

  għerq is-soltu fis-saqajn jew fl’idejn),

• żieda ta’ ċerta enżimi fid-demm (creatine phosphokinase)

• problemi fin-nervituri tad-dirgħin jew tar-riġlejn (newropatija periferika).

  
  

  Effetti sekondarji mhux komuni (tista’ taffettwa sa 1 minn kull 100 persuna)

• tnaqqis fl-għadd taċ-ċelluli ħomor tad-demm (anemija) u tnaqqis fl-għadd tal-plejtlets fid-demm (tromboċitopenja),

• tnaqqis fil-livell tal-potassju fid-demm,

• ansjetà,

• disturbi fit-tegħim,

• urtikarja (nettle rash),

• qtugħ ta’ l-għerq tal-muskolu,

• żieda fil-livelli tax-xaħam fid-demm (il-kolesterol u t-trigliċeridi),

• tnaqqis fil-livell tal-fosfat fid-demm.

  
  

  Effetti sekondarji rari (tista’ taffettwa sa 1 minn kull 1000 persuna)

• żieda fl-għadd ta’ tip ta’ ċelluli tad-demm, hekk imsejħa eosinofiliċi (eosinophilia); tnaqqis ħafif

  fl-għadd taċ-ċelluli bojod tad-demm (lewkopenja); tnaqqis fl-għadd tat-tipi kollha taċ-ċelluli tad-

  demm (panċitopenja),

• żieda qawwija fil-pressjoni tad-demm,

• infjammazzjoni tal-pulmun (mard interstizjali tal-pulmun),

• żieda fil-livelli ta’ xi testijiet tal-fwied li jistgħu jiżviluppaw f’kundizzjonijiet serji bħall-epatite u s-suffejra,

• infezzjonijiet qawwija msejħa s-sepsis, li tista’ tkun fatali,

• żieda ta’ ċerta enżimi fid-demm (lactate dehydrogenase).

  
  

  Effetti sekondarji rari ħafna (tista’ taffettwa sa 1 minn kull 10,000 persuna)

• tnaqqis immarkat fl-għadd ta’ xi tipi ta’ ċelluli bojod tad-demm (agranuloċitosi),

• reazzjonijiet allerġiċi severi u potenzjalment serji,

• infjammazzjoni tal-kanali li minnhom jgħaddi d-demm (vaskulite, li tinkludi l-vaskulite nekrotika tal-ġilda),

• infjammazzjoni tal-frixa (pankreatite),

• leżjoni serja fil-fwied bħal insuffiċjenzja tal-fwied jew nekrosi li tista’ tkun fatali,

• reazzjonijiet severi, x’imdaqqiet fatali (is-sindrome ta’ Stevens-Johnson, in-nekrosi tossika u esfoljattiva tal-ġilda, eritema multiforme).

  
  

  Effetti sekondarji oħra bħal insuffiċjenza tal-kliewi, tnaqqis fil-livell ta’ l-aċidu uriku fid-demm tiegħek, ipertensjoni pulmonarja, infertilità maskili (li hija riversibbli ġaladarba t-trattament b’din il- mediċina titwaqqaf), lupus kutanju (ikkaratterizzat minn raxx/eritema fuq dawk il-partijiet tal-ġilda esposti għax-xemx) psorijażi (tal-ewwel darba jew li tmur għall-agħar), DRESS u ulċera fil-ġilda (ferita miftuħa u tonda fil-ġilda li minnha jistgħu jidhru t-tessuti li hemm taħt il-ġilda), jistgħu jseħħu wkoll b’frekwenza mhux magħrufa.

  
  

  Rappurtar tal-effetti sekondarji

  

  Jekk ikollok xi effett sekondarju, kellem lit-tabib lill-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.

  1. Kif taħżen Arava

     
     

     Żomm din il-mediċina fejn ma tidhirx u ma tintlaħaqx mit-tfal.

     
     

     Tużax din il-mediċina wara d-data ta’ meta tiskadi li tidher fuq il-kartuna ta’ barra. Id-data ta’ meta tiskadi tirreferi għall-aħħar ġurnata ta’dak ix-xahar.

     
     

     Folja: Żomm fil-pakkett oriġinali. Flixkun: Żomm il-flixkun magħluq sew.

     Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif

     għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent

     
     

  2. Kontenut tal-pakkett u informazzjoni oħra X’fih Arava

  - Is-sustanza attiva hija leflunomide. Kull pillola miksija b’rita fiha 10 mg ta’ leflunomide

• Is-sustanżi l-oħra huma: maize starch, povidone (E1201), crospovidone (E1202), silica colloidal anhydrous, magnesium stearate (E470b), u lactose monohydrate fil-qalba tal-pillola, kif ukoll,

talc (E553b), hypromellose (E464), titanium dioxide (E171), u macrogol 8000 fir-rita tal-pillola.

Kif jidher Arava u l-kontenut tal-pakkett

Arava 10 mg pilloli miksija b’rita, huma bojod jew kważi bojod tondi b’dijametru ta’ madwar 7 mm.

Stampati fuq faċċata waħda: ZBN

Il-pilloli huma ppakkjati fl-istrixxi tal-fojl jew fil-fliexken. Pakketti ta’ 30 u 100 pilloli huma disponibbli.

Jista’ jkun li mhux il-pakketti tad-daqsijiet kollha jkunu għall-skop kummerċjali.

Detentur tal-Awtorizzazzjoni għat-Tqegħid fis-Suq

Sanofi-Aventis Deutschland GmbH D-65926 Frankfurt am Main

Il-Ġermanja

Il-Manifattur

Opella Healthcare International SAS

56, Route de Choisy 60200 Compiègne Franza

Għal kull tagħrif dwar dan il-prodott mediċinali, jekk jogħġbok, għamel kuntatt mar-rappreżentant lokali tad-Detentur tal-Awtorizzazzjoni għat-Tqegħid fis-Suq.

België/Belgique/Belgien

Sanofi Belgium

Tél/Tel: +32 (0)2 710 54 00

Lietuva

Swixx Biopharma UAB

Tel: +370 5 236 91 40

България

Swixx Biopharma EOOD

Тел.: +359 (0)2 4942 480

Luxembourg/Luxemburg

Sanofi Belgium

Tél/Tel: +32 (0)2 710 54 00 (Belgique/Belgien)

Česká republika sanofi-aventis, s.r.o. Tel: +420 233 086 111

Magyarország

SANOFI-AVENTIS Zrt. Tel.: +36 1 505 0050

Danmark

Sanofi A/S

Tlf: +45 45 16 70 00

Malta

Sanofi S.r.l.

Tel: +39 02 39394275

Deutschland

Sanofi-Aventis Deutschland GmbH Tel.: 0800 52 52 010

Tel. aus dem Ausland: +49 69 305 21 131

Nederland

Genzyme Europe B.V. Tel: +31 20 245 4000

Eesti

Swixx Biopharma OÜ

Tel: +372 640 10 30

Norge

sanofi-aventis Norge AS

Tlf: +47 67 10 71 00

Ελλάδα

sanofi-aventis AEBE

Τηλ: +30 210 900 16 00

Österreich

sanofi-aventis GmbH

Tel: +43 1 80 185 – 0

España

sanofi-aventis, S.A.

Tel: +34 93 485 94 00

Polska

sanofi-aventis Sp. z o.o.

Tel.: +48 22 280 00 00

France

sanofi-aventis france Tél: 0 800 222 555

Appel depuis l’étranger : +33 1 57 63 23 23

Portugal

Sanofi - Produtos Farmacêuticos, Lda Tel: +351 21 35 89 400

Hrvatska

Swixx Biopharma d.o.o. Tel: +385 1 2078 500

România

Sanofi Romania SRL

Tel: +40 (0) 21 317 31 36

Ireland

sanofi-aventis Ireland Ltd. T/A SANOFI

Tel: +353 (0) 1 403 56 00

Slovenija

Swixx Biopharma d.o.o. Tel: +386 1 235 51 00

Ísland

Vistor hf.

Sími: +354 535 7000

Slovenská republika Swixx Biopharma s.r.o. Tel: +421 2 208 33 600

Italia

Sanofi S.r.l.

Tel: 800 536389

Suomi/Finland

Sanofi Oy

Puh/Tel: +358 (0) 201 200 300

Κύπρος

C.A. Papaellinas Ltd. Τηλ: +357 22 741741

Sverige

Sanofi AB

Tel: +46 (0)8 634 50 00

Latvija

Swixx Biopharma SIA

Tel: +371 6 616 47 50

United Kingdom (Northern Ireland) sanofi-aventis Ireland Ltd. T/A SANOFI Tel: +44 (0) 800 035 2525

Dan il-fuljett kien rivedut l-aħħar f’{XX/SSSS}

eu