Neulasta
pegfilgrastim
pegfilgrastim
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew lill-infermier tiegħek.
Din il-mediċina ġiet mogħtija lilek biss. M'għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Neulasta u għalxiex jintuża
X’għandek tkun taf qabel ma tuża Neulasta
Kif għandek tuża Neulasta
Effetti sekondarji possibbli
Kif taħżen Neulasta
Kontenut tal-pakkett u informazzjoni oħra
Neulasta fih is-sustanza attiva Pegfilgrastim. Pegfilgrastim huwa proteina magħmula permezz tal- bijoteknoloġija f’batterja msejħa E. coli. Jappartjeni għal grupp ta’ proteini msejħa ċitokini, u hija simili ħafna għal proteina naturali (fattur li jistimula l-kolonja ta’ granuloċiti) magħmula mill-ġisem tiegħek stess.
Neulasta jintuża biex inaqqas id-dewmien ta’ newtropenija (għadd baxx ta’ ċelluli bojod fid-demm) u l-okkorrenza ta’ newtropenija bid-deni (għadd baxx ta’ ċelluli bojod fid-demm u deni) li jistgħu jkunu kkawżati minn kimoterapija ċitotossika (mediċini li jeqirdu ċ-ċelluli li jikbru malajr). Iċ-ċelluli bojod tad-demm huma importanti għaliex jgħinu lil ġismek jiġġieled l-infezzjonijiet. Dawn iċ-ċelluli huma sensittivi ħafna għall-effetti tal-kimoterapija li tista’ tikkawża tnaqqis fin-numru ta’ dawn iċ-ċelluli f’ġismek. Jekk iċ-ċelluli bojod jinżlu għal livell baxx għandu mnejn ma jkunx baqa’ biżżejjed fil- ġisem biex jiġġieldu kontra l-batterji u jista’ jkollok riskju ogħla ta’ infezzjoni.
It-tabib tiegħek tak Neulasta biex jgħin lill-mudullun (parti mill-għadma li tagħmel iċ-ċelluli tad- demm) jipproduċi aktar ċelluli bojod sabiex ġismek ikun jista’ jilqa’ għall-infezzjoni u jiġġildilha.
jekk inti allerġiku għal pegfilgrastim, filgrastim, jew għal xi sustanza oħra ta’ din il-mediċina.
Kellem lit-tabib, lill-ispiżjar jew lill-infermier tiegħek qabel tuża Neulasta:
jekk inti jkollok reazzjoni allerġika inkluż indeboliment, tbaxxija tal-pressjoni tad-demm, diffikultà biex tieħu n-nifs, nefħa fil-wiċċ (anafilassi) , ħmura u fwawar, raxx tal-ġilda u partijiet tal-ġilda bil-ħakk.
jekk inti għandek allerġija għal-latex. L-għatu tal-labra fuq is-siringa mimlija għal-lest fih derivat mill-latex u jista’ jikkawża reazzjonijiet allerġiċi severi.
jekk għandek allerġija għal kolla akrilika. L-injettatur li jeħel mal-ġisem juża kolla akrilika u jista’ jwassal għal reazzjoni allerġika.
jekk inti jkollok sogħla, deni u diffikultà biex tieħu nifs. Dan jista’ jkun sinjal ta’ Sindrome ta’ Distress Respiratorju Akut (ARDS - Acute Respiratory Distress Syndrome).
jekk għandek xi wieħed minn dawn li ġejjin jew kombinazzjoni ta l-effetti sekondarji li ġejjin:
- nefħa jew tħossok mimli, li jistgħu jkunu assoċjati ma li jgħaddi l-awrina inqas frekwenti, diffikultà biex tieħu nifs, nefħa addominali u tħossok mimli , u sensazzjoni ġenerali ta’ għeja.
Dawn jistgħu jkunu sintomi ta’ kondizzjoni msejħa “Sindrome ta’ Tnixxija Kapillari” li
tikkawża demm li jnixxi mill-vini ż-żgħar fil-ġisem tiegħek. Ara sezzjoni 4.
jekk inti jkollok uġigħ fuq in-naħa tax-xellug ta fuq tal-addome jew uġigħ fit-tarf tal-ispalla.
Dan jista’ jkun sinjal ta’ problema fil-milsa tiegħek (splenomegalija).
jekk inti reċentement kellek infezzjoni serja tal-pulmun (pnewmonja), fluwidu fil-pulmuni (edima pulmonari) , infjammazzjoni tal-pulmun (marda tal-interstizju tal-pulmun ), jew x-ray mhux normali tas-sider (infiltrazzjoni fil-pulmun).
jekk inti konxju ta’ xi għadd taċ-ċelluli tad-demm mibdula (eż. żieda fiċ-ċelluli bojod tad-demm jew anemija ) jew għadd ta’ plejtlits fid-demm imnaqqas, li jnaqqas il-ħila tad-demm tiegħek biex jagħqad (tromboċitopenija ). It-tabib tiegħek tista’ jkun jixtieq li tissorveljak aktar mill- qrib.
jekk inti għandek anemija taċ-ċellula sickle. It-tabib tiegħek jista’ jimmonitorja l-kondizzjoni tiegħek aktar mill-qrib.
jekk inti pazjent b’kanċer tas-sider jew tal-pulmun, Neulasta flimkien ma’ kimoterapija u/jew terapija ta’ radjazzjoni jistgħu jżidu r-riskju tiegħek li tiżviluppa kundizzjoni tad-demm ta’ qabel il-kanċer li tissejjaħ sindrome majelodisplastika (MDS, myelodysplastic syndrome) jew kanċer tad-demm li jissejjaħ lewkimja majelojde akuta (AML, acute myeloid leukaemia). Is-sintomi jistgħu jinkludu għeja, deni, u tbenġil jew fsada malajr.
jekk inti għandek sinjali f’daqqa ta’ allerġija bħal raxx, ħakk jew ħorriqija fuq il-ġilda, nefħa tal- wiċċ, xofftejn, ilsien jew partijiet oħra tal-ġisem, qtugħ ta’ nifs, tħarħir jew diffikultà biex tieħu n-nifs, dawn jistgħu jkunu sinjali ta’ reazzjoni allerġika severa.
jekk għandek sintomi ta’ infjammazzjoni tal-aorta (l-arterja l-kbira tad-demm li tittrasporta d- demm mill-qalb għall-ġisem), din ġiet irrappurtata b’mod rari f’pazjenti bil-kanċer u f’donaturi f’saħħithom. Is-sintomi jistgħu jinkludu deni, uġigħ fl-addome, telqa, uġigħ fid-dahar u żieda fil-markaturi infjammatorji. Kellem lit-tabib tiegħek jekk ikollok dawn is-sintomi.
It-tabib tiegħek se jiċċekkjalek id-demm u l-awrina b’mod regolari peress li Neulasta jista’ tagħmel ħsara lill-filtri ċkejkna ġewwa l-kliewi tiegħek (glomerulonefrite).
Reazzjonijiet severi tal-ġilda (sindrome ta’ Stevens-Johnson) ġew irrappurtati bl-użu ta’ Neulasta. Ieqaf uża Neulasta u fittex attenzjoni medika immedjatament jekk inti tinnota kwalunkwe wieħed mis- sintomi deskritti fis-sezzjoni 4.
Int għandek tkellem lit-tabib tiegħek dwar ir-riskji tiegħek li tiżviluppa kanċers tad-demm. Jekk tiżviluppa jew għandek ċans li tiżviluppa kanċers tad-demm, m’għandekx tuża Neulasta, sakemm ma jgħidlekx it-tabib tiegħek.
Jekk ikollok telf ta’ rispons jew falliment li jinżamm rispons bi trattament ta’ pegfilgrastim, it-tabib tiegħek se jinvestiga r-raġunijiet għaliex, inkluż jekk żviluppajtx antikorpi li jinnewtralizzaw l-attività ta’ pegfilgrastim.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra.
Itlob il-parir tat-tabib jew tal-ispiżjar tiegħek qabel tieħu xi mediċina. Neulasta ma ġiex ittestjat f’nisa tqal. Huwa importanti li tgħid lit-tabib tiegħek jekk:
inti tqila;
taħseb li inti tqila; jew
qed tippjana biex ikollok tarbija.
Sakemm ma’ jgħidlekx it-tabib int għandek tieqaf tredda’ jekk qed tuża Neulasta.
Neulasta m’għandu l-ebda effett jew ftit li xejn għandu effett fuq il-ħila biex issuq u tħaddem magni.
Din il-mediċina fiha 30 mg sorbitol f’kull siringa mimlija għal-lest li hu ekwivalenti għal 50 mg/mL. Din il-mediċina fiha anqas minn 1 mmol sodium (23 mg) f’kull doża ta’ 6 mg, jiġifieri essenzjalment ‘ħielsa mis-sodium’.
Neulasta huwa għall-użu f’adulti minn 18-il sena ’l fuq.
Dejjem għandek tieħu Neulasta skont il-parir eżatt tat-tabib. Iċċekkja mat-tabib jew mal-ispiżjar tiegħek jekk ikollok xi dubju. Id-doża li ssoltu tingħata hija injezzjoni taħt il-ġilda ta’ 6 mg u li għandha tingħata mill-inqas 24 siegħa wara l-aħħar doża ta’ kimoterapija fit-tmiem ta’ kull ċiklu ta’ kimoterapija.
It-tabib jista’ jiddeċiedi li jkun aħjar għalik jekk tinjetta Neulasta inti stess. It-tabib jew l-infermier tiegħek se juruk kif tagħmel dan. Tippruvax tinjetta lilek innifsek jekk ma ġejtx mgħallem kif.
Għal aktar istruzzjonijiet dwar kif tinjetta lilek innifsek b’Neulasta, jekk jogħġbok aqra s-sezzjoni fi tmiem dan il-fuljett.
Tħawwadx Neulasta bis-saħħa għaliex dan jista’ jeffettwa l-attività tiegħu.
Jekk tuża Neulasta aktar milli suppost, għandek tgħarraf lit-tabib, lill-infermier jew lill-ispiżjar tiegħek.
Jekk qed tinjetta lilek innifsek u nsejt id-doża tiegħek ta’ Neulasta, għandek kellem lit-tabib tiegħek biex tiddiskuti meta għandek tinjetta d-doża li jmiss.
Jekk għandek aktar mistoqsijiet dwar l-użu ta’ din il-mediċini, saqsi lit-tabib, lill-ispiżjar jew lill- infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux fuq kulħadd.
Jekk jogħġbok għid lit-tabib tiegħek immedjatament jekk ikollok xi wieħed minn dawn li ġejjin jew kombinazzjoni tal-effetti sekondarji li ġejjin:
nefħa jew tpaħpiħ, li jistgħu jkunu assoċjati ma’ mogħdija inqas frekwenti tal-awrina, diffikultà biex tieħu n-nifs, nefħa addominali u tħossok mimli, u sensazzjoni ġenerali ta’ għeja. Dawn is- sintomi ġeneralment jiżviluppaw b’mod rapidu.
Dawn jistgħu jkunu sintomi ta’ kondizzjoni mhux komuni (tista’ taffettwa sa 1 minn kull 100 persuna) li tissejjaħ “sindrome ta’ tnixxija tal-kapillari” li tikkawża demm li jnixxi mill-vini ż-żgħar f’ġisemek u teħtieġ attenzjoni medika urġenti.
uġigħ fl-għadam. It-tabib tiegħek se jgħidlek x’tista’ tieħu biex ittaffi l-uġigħ fl-għadam.
tqalligħ u uġigħ ta’ ras.
raxx, ponot imqabżin ħomor u bil-ħakk (dermatite tal-kuntatt/reazzjonijiet lokali tal-ġilda) kienu osservati bl-injettatur li jeħel mal-ġisem.
uġigħ fil-post tal-injezzjoni.
reazzjonijiet fis-sit tal-applikazzjoni li jistgħu jinkludu ħmura, fsada, tbenġil, uġigħ u skumdità kienu osservati bl-injettatur li jeħel mal-ġisem.
uġigħ ġenerali u uġigħ fil-ġogi u fil-muskoli.
xi tibdiliet jistgħu jseħħu fid-demm tiegħek , iżda dawn se jiġu skoperti permezz ta’ testijiet tad- demm ta’ rutina. Għadd ta’ ċelluli bojod tad-demm jista’ jogħla għal perjodu qasir ta’ żmien. L- għadd ta’ plejtlits tiegħek jista’ jitbaxxa li jista’ jwassal għal tbenġil.
reazzjonijiet ta’ allerġija, inkluż ħmura u fwawar, raxx fil-ġilda, u partijiet tal-ġilda ibbuzzati li jqabbdu l-ħakk.
reazzjonijiet allerġiċi serji, inkluż anafilassi (debbulizza, pressjoni titbaxxa, tbatija biex tieħu n- nifs, nefħa fil-wiċċ).
żieda fid-daqs tal-milsa.
milsa mifqugħha. Xi każijiet ta’ milsa mifqugħha kienu fatali. Huwa importanti li tgħarraf lit- tabib tiegħek immedjatament jekk ikollok uġigħ fin-naħa ta’ fuq fix-xellug tal-addome jew uġigħ fl-ispalla xellugija, peress li dan jista’ jkun relatat ma’ problema fil-milsa tiegħek.
problemi biex tieħu n-nifs. Jekk taqbdek is-sogħla, jitlagħlek id-deni jew ikollok problemi biex tieħu n-nifs jekk jogħġbok, għid lit-tabib tiegħek.
seħħet is-sindrome ta’ Sweet (leżjonijiet ibbuzzati, li jweġgħu ta’ kulur aħmar skur fil-vjola fuq ir-riġlejn u d-dirgħajn u xi drabi fil-wiċċ u fl-għonq bid-deni) imma fatturi oħra jistgħu jkollhom sehem f’dan.
vaskulite fil-ġilda (infjammazzjoni fil-vini/arterji taħt il-ġilda).
ħsara lill-filtri ċkejkna ġewwa l-kliewi tiegħek (glomerulonefrite).
ħmura fis-sit tal-injezzjoni.
sogħla tad-demm (emoptiżi).
disturbi fid-demm (sindrome majelodisplastika [MDS] jew lewkimja majelojde akuta [AML]).
infjammazzjoni tal-aorta (l-arterja l-kbira tad-demm li tittrasporta d-demm mill-qalb għall- ġisem), ara sezzjoni 2.
fsada mill-pulmun (emorraġija pulmonari).
Sindrome ta’ Stevens-Johnson, li tista’ tidher bħala rqajja’ ċirkulari ħomor li jixbhu l-bersalli, ħafna drabi b’infafet ċentrali fuq it-torso, tqaxxir tal-ġilda, ulċeri fil-ħalq, il-griżmejn, l- imnieħer, il-ġenitali u l-għajnejn u li tista’ tibda b’deni u sintomi li jixbhu l-influwenza. Ieqaf uża Neulasta jekk tiżviluppa dawn is-sintomi u kkuntattja lit-tabib tiegħek jew fittex attenzjoni medika immedjatament. Ara wkoll sezzjoni 2.
Jekk ikollok xi effett sekondarju, kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V*. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma jidhirx u ma jintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u fuq it-tikketta tas-siringa (wara EXP). Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen fi friġġ (2°C – 8°C).
Tista’ toħroġ Neulasta mill-friġġ u żżommu f’temperatura ambjentali (mhux aktar minn 30°C) għal mhux aktar minn 3 ijiem. La darba s-siringa tkun tneħħiet mill-friġġ u tkun laħqet temperatura ambjentali (mhux aktar minn 30°C) għandha tintuża fi żmien 3 ijiem jew tintrema.
Tagħmlux fil-friża. Neulasta jista’ jintuża jekk jiġi ffriżat bi żball għal perijodu wieħed ta’ inqas minn 24 siegħa.
Żomm il-kontenitur fil-pakkett ta’ barra sabiex tilqa’ mid-dawl.
Tużax din il-mediċina jekk tinnota li hija imdardra jew jekk tara xi frak ġo fiha.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi pegfilgrastim. Kull siringa mimlija għal-lest fiha 6 mg ta’ pegfilgrastim f’0.6 mL ta’ soluzzjoni.
Is-sustanzi l-oħra huma sodium acetate, sorbitol (E420), polysorbate 20 u ilma għall-injezzjoni.
Ara sezzjoni 2.
Neulasta huwa soluzzjoni ċara u bla kulur, għall-injezzjoni ġo siringa mimlija għal-lest (6 mg/0.6 mL). Kull pakkett fih siringa waħda mimlija għal-lest tal-ħġieġ ma’ labra tal-azzar li ma jissaddadx
imwaħħla u għatu tal-labra.
Is-siringa mimlija għal-lest (bi jew mingħajr ippakkjar tal-folja) tista’ tiġi pprovduta wkoll bi protezzjoni awtomatika tal-labra.
Amgen Europe B.V. Minervum 7061
4817 ZK Breda
The Netherlands
Amgen Europe B.V. Minervum 7061
4817 ZK Breda
L-Olanda
Amgen Technology (Ireland) Unlimited Company Pottery Road
Dun Laoghaire
Co Dublin L-Irlanda
1831 Diegem
Il-Belġju
Għal kull tagħrif dwar din il-prodott mediċina, jekk jogħġbok ikkuntattja lir-rappreżentant lokali tad- Detentur tal-Awtorizzazzjoni għat-Tqegħid fis-Suq:
s.a. Amgen n.v.
Tel/Tél: +32 (0)2 7752711
Amgen Switzerland AG Vilniaus filialas Tel: +370 5 219 7474
Амджен България ЕООД Тел.: +359 (0)2 424 7440
s.a. Amgen Belgique/Belgien
Tel/Tél: +32 (0)2 7752711
Amgen s.r.o.
Tel: +420 221 773 500
Amgen Kft.
Tel.: +36 1 35 44 700
Amgen, filial af Amgen AB, Sverige Tlf: +45 39617500
Tel: +39 02 6241121
Amgen GmbH
Tel.: +49 89 1490960
Amgen B.V.
Tel: +31 (0)76 5732500
Amgen Switzerland AG Vilniaus filialas Tel: +372 586 09553
Amgen AB
Tel: +47 23308000
Amgen Ελλάς Φαρμακευτικά Ε.Π.Ε. Τηλ.: +30 210 3447000
Amgen GmbH
Tel: +43 (0)1 50 217
Amgen S.A.
Tel: +34 93 600 18 60
Amgen Biotechnologia Sp. z o.o. Tel.: +48 22 581 3000
Amgen S.A.S.
Tél: +33 (0)9 69 363 363
Amgen Biofarmacêutica, Lda. Tel: +351 21 422 0606
Amgen d.o.o.
Tel: +385 (0)1 562 57 20
Amgen România SRL Tel: +4021 527 3000
Amgen Ireland Limited Tel: +353 1 8527400
AMGEN zdravila d.o.o. Tel: +386 (0)1 585 1767
Vistor hf.
Sími: +354 535 7000
Amgen S.r.l.
Tel: +39 02 6241121
Amgen AB, sivuliike Suomessa/Amgen AB, filial i Finland
Puh/Tel: +358 (0)9 54900500
C.A. Papaellinas Ltd Τηλ.: +357 22741 741
Amgen AB
Tel: +46 (0)8 6951100
Amgen Switzerland AG Rīgas filiāle Tel: +371 257 25888
Amgen Limited
Tel: +44 (0)1223 420305
---------------------------------------------------------------------------------------------------------------------------
Din il-parti tal-fuljett tinkludi tagħrif dwar kif tagħti injezzjoni ta’ Neulasta lilek innifsek. Importanti li ma tippruvax tagħti l-injezzjoni lilek innifsek jekk ma tkunx irċevejt taħriġ speċjali mit-tabib, mill- infermier jew mill-ispiżjar tiegħek. Jekk għandek xi mistoqsijiet dwar kif tinjetta, jekk jogħġbok staqsi lit-tabib, lill-infermiera jew lill-ispiżjar għall-għajnuna.
Se jkollok bżonn tagħti injezzjoni lilek innifsek fit-tessut eżatt taħt il-ġilda. Din hija magħrufa bħala injezzjoni taħt il-ġilda.
Biex tagħti injezzjoni taħt il-ġilda lilek innifsek teħtieġ:
siringa mimlija għal-lest b’Neulasta; u
imsielaħ tal-alkoħol jew simili.
Oħroġ s-siringa mimlija għal-lest b’Neulasta mill-friġġ.
Tħawwadx is-siringa mimlija għal-lest.
Iċċekkja d-data ta’ skadenza fuq it-tikketta tas-siringa mimlija għal-lest (EXP). Tużax jekk id- data tkun qabżet l-aħħar ġurnata tax-xahar muri.
Iċċekkja d-dehra ta’ Neulasta. Dan għandu jkun likwidu ċar u mingħajr kulur. Jekk ikun fih xi frak, m’għandekx tużaħ.
Għall-injezzjoni aktar komda, ħalli is-siringa mimlija għal-lest toqgħod għal 30 minuta sabiex tilħaq temperatura ambjentali, jew żomm is-siringa mimlija għal-lest delikatament f’idejk għal ftit minuti. Issaħħanx Neulasta bl-ebda mod ieħor (eżempju: issaħħanx fil-majkrowejv jew f’ilma jaħraq).
Aħsel idejk sew.
Sib post komdu, imdawwal sew, u nadif u poġġi dak kollu li għandek bżonn fejn tista’ tilħaqhom.
Qabel ma tinjetta Neulasta għandek tagħmel dan li ġej:
Żomm it-tubu tas-siringa u bil-mod aqla’ l-għatu minn mal- labra mingħajr ma ddawwar. Iġbed dritt kif muri fi stampi 1 u 2. Tmissx il-labra u timbuttax il-planġer.
Jista’ jkun li tinnota bużżieqa tal-arja żgħira ġewwa s-siringa mimlija għal-lest. M’hemmx bżonn tneħħi l-bużżieqa tal-arja qabel ma tinjetta. Li tinjetta s-soluzzjoni bil-bużżieqa tal-arja mhux ta’ ħsara.
Issa tista’ tuża is-siringa mimlija għal-lest.
L-aħjar postijiet fejn tinjetta lilek innifsek huma:
in-naħa ta’ fuq ta’ kuxxtejk; u
l-addome, minbarra l-parti ta’ madwar iż-żokkra.
Jekk xi ħadd ieħor qed jinjettak, jista’ juża wkoll in-naħa ta’ wara ta’ idejk.
Naddaf il-ġilda billi tuża mselħa tal-alkoħol.
Oqros (mingħajr ma tagħfas) il-ġilda bejn sebgħek il-kbir u sebgħek il-werrej. Daħħal il-labra fil-ġilda.
Imbotta l-planġer ’l isfel bi pressjoni kostanti u bil-mod. Imbotta l-planġer s’isfel nett biex tinjetta l-likwidu kollu.
Wara li tinjetta l-likwidu, neħħi l-labra u itlaq il-ġilda.
Jekk tinnota xi qatra demm fil-post tal-injezzjoni, imsaħha b’biċċa tajjar jew tixxju. Togħrokx il-post tal-injezzjoni. Jekk hemm bżonn, tista’ tgħatti l-post tal-injezzjoni bi stikk.
M’għandekx tuża xi Neulasta li jkun baqa’ fis-siringa.
Uża kull siringa għal injezzjoni waħda biss. Jekk għandek xi problemi, jekk jogħġbok saqsi lit-tabib jew lill-infermiera tiegħek għal għajnuna jew parir.
Terġax tqiegħed it-tapp fuq labar użati.
Żomm siringi wżati fejn ma jidhrux u ma jintlaħqux mit-tfal.
Is-siringi wżati għandhom jintremew kif jitolbu l-liġijiet lokali. Staqsi lill-ispiżjar dwar kif għandek tarmi mediċini li m’għandekx bżonn. Dawn il-miżuri jgħinu għall-protezzjoni tal- ambjent.
---------------------------------------------------------------------------------------------------------------------------
Instruzjonijiet għall-użu: |
Gwida għall-partijiet
Qabel l-użu Wara l-użu
Planġer
Planġer użat
Tikketta tas-siringa
Kanna tas-siringa użata
Post fejn tpoġġi s-
swaba
Tikketta tas-siringa Kanna tas-Siringa
Gwardja protettiva
tas-siringa
Molla protettiva tal-
labra
Labra użata
Molla protettiva tal- labra użata
Tapp tal-labra griż
Tapp tal-labra griż imneħħi
Importanti | |
Qabel tuża Neulasta siringa mimlija għal-lest li għandha labra awtomatika protetta, aqra dan l- | |
informazzjoni important: | |
Ċempel lit-tabib tiegħek jew professjonist fil-qasam tas-saħħa jekk għandek xi mistoqsijiet. | |
Pass 1: Preparazjoni | |||
A | Neħħi it-trej tas-siringa mimlija għal-lest mill-pakkett u iġbor l-affarjiet li għandek bżonn | ||
għall-injezzjoni:- biċċiet bl-alkoħol, ballun tat-tajjar jew garża, ġibs u kontenitur għar-rimi ta’ | |||
sharps (mhux inklużi). | |||
Għal injezzjoni aktar komda, ħalli is-siringa mimlija għal-lest fit-temperatura tal-kamra għal madwar | |||
30 minuta qabel tinjeta. Aħsel idejk sew bis-sappun u l-ilma. | |||
Fuq wiċċ nadif, u mdawwal sew, poġġi is-siringa mimlija għal-lest u affarjiet oħra.
| |||
B | Iftaħ it-trej, billi tqaxxar l-għatu. Aqbad il-gwardja prottetiva tas-siringa mimlija għal-lest biex | |
tneħħi s-siringa mimlija għal-lest mit-trej. | ||
Aqbad hawn Għal raġunijiet ta’ sigurta:
| ||
C | Spezjona il-mediċina u is-siringa mimlija għal-lest. |
Mediċina
| |
| |
Pass 2: Kun Lesta | |
A | Aħsel idejk sew. Ipprepara u naddaf is-sit ta’ injezzjoni. |
Driegħ ta’ fuq Zaqq Koxxa ta’ fuq Tista’ Tuża:
Tinjettax go positijiet fejn il-ġilda hija tarija, imbenġla, ħamra, jew iebsa. Evita li tinjetta ġo positijiet li fihom xi ċikatriċi jew stretch marks. | |
B | B’attenzjoni iġbed it-tapp griz tal-labra bi-dritt il-barra u l-bogħod minn ġismek. |
| |
C | Oqros is-sit ta’ injezzjoni tiegħek biex tikreja wiċċ sod. |
| |
Pass 3: Injezzjoni | |
A | Zomm il-qarsa. DAĦĦAL il-labra ġol ġilda. |
| |
B | IMBOTTA l-planġer bill-mod u b’ pressjoni konstanti sakemm tħoss u tisma “tfaqqiħa”. | |
Imbotta sa isfel nett fit-tfaqqiħa. | ||
“TFAQQIĦA”
| ||
C | IRĦI subajk iż-żgħir. Imbgħad GĦOLLI s-siringa minn fuq il-ġilda. |
Wara li tirħi l-planġer, il-gwardja protettiva tas-siringa mimlija għal-lest tkun qed tagħtti b’mod sikur il-labra tal-injezzjoni.
| |
Professionisti tas-Saħħa biss | |||
L-isem kummerċjali tal-prodott amministrat għandu jiġu rreġistrat b'mod ċar fil-fajl tal-pazjent. | |||
Neħħi u erfa’ it-tikketta tas-siringa mimlija għal-lest.
Dawwar il-planġer biex tmexxi t-tikketta ġo pożizzjoni fejn int tkun tista’ tneħħi t-tikketta tas-siringa. | |||
Pass 4: Tmiem | |
A | Armi is-siringa mimlija għal-lest u affarjiet oħra fil-kontenitur biex tarmi l-affarjiet ippuntati. |
Il-mediċini għandhom jiġu mormija skont kif inhu meħtieġ lokalment. Saqsi lill-ispiżjar tiegħek kif għandek tarmi l-mediċini li m’ġħandekx bżonnhom aktar. Dawn il-miżuri jgħinu biex jipproteġu l- ambjent. Żomm is-siringi u l-kontenitur biex tarmi l-affarjiet ippuntanti fejn ma jidrux u ma jintaħqux mit-tfal.
| |
B | Eżamina is-sit ta’ injezzjoni. | |
Jekk hemm id-demm, agħfas ballun tat-tajjar jew biċċa garża fuq is-sit ta’ injezzjoni. Togħrokx is-sit | ||
ta injezzjoni. Applika stikka jekk hemm bzonn. | ||
