Aubagio
teriflunomide
Żomm dan il-fuljett. Jista’ jkollok bżonn terġa' taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il- ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett
sekondarju possibbli li m’huwiex elenkat f’dan il-fuljett. Ara sezzjoni 4.
X'inhu AUBAGIO u għalxiex jintuża
X’għandek tkun taf qabel ma tieħu AUBAGIO
Kif għandek tieħu AUBAGIO
Effetti sekondarji possibbli
Kif taħżen AUBAGIO
Kontenut tal-pakkett u informazzjoni oħra
AUBAGIO fih is-sustanza attiva teriflunomide li hija sustanza immunomodulatorja u taġġusta s-sistema immuni sabiex trażżan l-attakki tagħha fuq is-sistema nervuża.
AUBAGIO jintuża fl-adulti u fit-tfal u fl-adolexxenti (10 snin t’età u aktar) għall-kura ta' sklerożi multipla (MS) li tirkadi u tbatti.
MS hi marda fit-tul li taffettwa s-sistema nervuża ċentrali (CNS). Is-CNS tikkonsisti mill-moħħ u mis-sinsla. Fi sklerożi multipla, l-infjammazzjoni teqred il-kisja protettiva (imsejħa myelin) madwar in-nervaturi fis- CNS. Dan it-telf ta’ myelin jissejjaħ dimijelinazzjoni. Dan iwaqqaf lin-nervaturi milli jaħdmu kif suppost.
Nies b'forma ta' sklerożi multipla li tirkadi se jkollhom attakki ripetuti (rikaduti) ta' sintomi fiżiċi kkawżati min-nervaturi tagħhom li ma jkunux qed jaħdmu kif suppost. Dawn is-sintomi jvarjaw minn pazjent għal pazjent iżda normalment jinvolvu:
diffikultà biex timxi
problemi fil-vista
problemi fil-bilanċ.
Is-sintomi jistgħu jisparixxu għal kollox wara li tgħaddi r-rikaduta, iżda maż-żmien, xi problemi jistgħu jibqgħu bejn ir-rikaduti. Dan jista' jikkawża diżabilitajiet fiżiċi li jistgħu jinterferixxu mal-attivitajiet tiegħek ta' kuljum.
jekk inti allerġiku għal teriflunomide jew għal xi sustanza oħra ta’ din il-mediċina (elenkati fis- sezzjoni 6),
jekk qatt ħariġlek raxx sever fil-ġilda jew tqaxxritlek il-ġilda, telgħulek ħafna nfafet u/jew feriti
madwar il-ħalq wara li ħadt teriflunomide jew leflunomide,
jekk għandek problemi severi fil-fwied,
jekk inti tqila, taħseb li tista’ tkun tqila, jew qed tredda',
jekk tbati minn problema serja li taffettwa lis-sistema immuni tiegħek eż. is-sindromu ta’
immunodefiċjenza akkwiżita (AIDS),
jekk għandek problema serja fil-mudullun jew jekk għandek numru baxx ta' ċelluli tad-demm ħomor
jew bojod fid-demm jew xi tnaqqis fin-numru ta' plejtlits fid-demm,
jekk qed tbati minn infezzjoni serja,
jekk għandek problemi severi fil-kliewi li jeħtieġu d-dijalisi,
jekk għandek livelli baxxi ħafna ta' proteini fid-demm (ipoproteinemija),
Jekk għandek xi dubju, kellem lit-tabib jew lill-ispiżjar tiegħek qabel ma tieħu din il-mediċina.
Kellem lit-tabib jew l-ispiżjar tiegħek qabel tieħu AUBAGIO jekk:
għandek problemi fil-fwied u/jew tixrob ammonti kbar ta’ alkoħol. It-tabib tiegħek se jagħmel testijiet tad-demm qabel u waqt il-kura biex jiċċekkja kemm il-fwied tiegħek qed jaħdem tajjeb. Jekk ir- riżultati tat-testijiet tiegħek juru problema fil-fwied, it-tabib tiegħek jista' jwaqqaf il-kura b'AUBAGIO. Jekk jogħġbok aqra sezzjoni 4.
għandek pressjoni tad-demm għolja (ipertensjoni) kemm jekk hija kkontrollata bil-mediċini jew le.
AUBAGIO jista' jikkawża żieda fil-pressjoni tad-demm. It-tabib tiegħek se jiċċekkja l-pressjoni tad- demm tiegħek qabel ma tibda t-trattament u b’mod regolari wara li tibdieh. Jekk jogħġbok aqra sezzjoni 4.
għandek infezzjoni. Qabel ma tieħu AUBAGIO, it-tabib tiegħek se jaċċerta ruħu li għandek biżżejjed ċelluli tad-demm bojod fid-demm. Minħabba li AUBAGIO jista’ jnaqqas in-numru ta’ ċelluli tad-
demm bojod fid-demm dan jista’ jaffettwa l-ħila li inti tiġġieled l-infezzjoni. It-tabib tiegħek jista' jagħmel testijiet tad-demm biex jiċċekkja ċ-ċelluli tad-demm bojod tiegħek jekk taħseb li għandek
infezzjoni. Jekk jogħġbok aqra sezzjoni 4.
għandek reazzjonijiet severi fil-ġilda.
għandek sintomi respiratorji.
għandek debbulizza, tnemnim u uġigħ fl-idejn u fis-saqajn.
tkun se tingħata tilqima.
tieħu leflunomide ma’ AUBAGIO.
qed/a tbiddel għal jew minn AUBAGIO.
għandek tieħu test tad-demm speċifiku (livell tal-kalċju). Jistgħu jinstabu livelli baxxi falzi tal-kalċju.
Għid lit-tabib tiegħek jekk għandek sogħla u dispnea (qtugħ ta’ nifs) li m’għandekx spjegazzjoni għalihom.
It-tabib tiegħek jista’ jordnalek iżjed testijiet.
AUBAGIO mhux intenzjonat għall-użu fit-tfal taħt l-10 snin t’età, peress li ma ġiex studjat f’pazjenti b’MS
f’dan il-grupp t’età.
It-twissijiet u l-prekawzjonijiet imniżżla fuq japplikaw ukoll għat-tfal. L-informazzjoni li ġejja hija importanti għat-tfal u l-kuraturi tagħhom:
ġiet osservata infjammazzjoni tal-frixa f’pazjenti li qed jirċievu teriflunomide. It-tabib tat-tifel/tifla
tiegħek jista’ jagħmel xi testijiet tad-demm jekk jiġi ssuspettat li hemm xi infjammazzjoni tal-frixa.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra. Dan jinkludi mediċini miksuba mingħajr riċetta.
B'mod partikulari, għid lit-tabib jew lill-ispiżjar tiegħek jekk qed tieħu xi mediċina minn dawn li ġejjin:
leflunomide, methotrexate u mediċini oħrajn li jaffettwaw is-sistema immuni (ta' spiss imsejħa immunosoppressanti jew immunomodulaturi)
rifampicin (mediċina li tintuża għall kura tat-tuberkulożi u infezzjonijiet oħrajn)
carbamazepine, phenobarbital, phenytoin għall-epilessija
St John’s wort (mediċina li ġejja mill-ħxejjex użata għad-dipressjoni)
repaglinide, pioglitazone, nateglinide, jew rosiglitazone għad-dijabete
daunorubicin, doxorubicin, paclitaxel, jew topotecan għall-kanċer
duloxetine għad-dipressjoni, għall-inkontinenza tal-awrina jew f’mard tal-kliewi fid-dijabetiċi
alosetron għall-immaniġġjar ta' dijarea severa
theophylline għall-ażma
tizanidine, rilassant tal-muskoli
warfarin, antikoagulant li jintuża biex jagħmel id-demm irqaq (i.e. iktar fluwidu) sabiex jiġi evitat tagħqid tad-demm
kontraċettivi orali (li fihom ethinylestradiol u levonorgestrel)
cefaclor, benzylpenicillin (penicillin G), ciprofloxacin għall-infezzjonijiet
indometacin, ketoprofen għall-uġigħ jew infjammazzjoni
furosemide għal mard tal-qalb
cimetidine biex jitnaqqas l-aċidu fl-istonku
zidovudine għal infezzjoni bl-HIV
rosuvastatin, simvastatin, atorvastatin, pravastatin għall-iperkolesterolemija (kolesterol għoli).
sulfasalazine għal mard infjammatorju tal-imsaren jew artrite rewmatojde
cholestyramine għal kolesterol għoli jew għal serħan mill-ħakk f’mard tal-fwied
faħam attivat biex inaqqas l-assorbiment ta’ mediċini jew sustanzi oħra
Jekk it-tifla tiegħek tilħaq iż-żmien tal-menstrwazzjoni waqt li qed tieħu AUBAGIO, għandek tinforma lit- tabib tiegħek li se jipprovdi parir ta’ speċjalista fir-rigward ta’ kontraċezzjoni u l-possibbiltà ta’ riskji f’każ
ta’ tqala.
Għid lit-tabib tiegħek jekk qed tippjana li toħroġ tqila wara li twaqqaf il-kura b'AUBAGIO, għax se jkollok bżonn li taċċerta ruħek li l-biċċa l-kbira ta' din il-mediċina tkun ħarġet mill-ġisem tiegħek qabel ma tipprova toħroġ tqila. It-tneħħija tas-sustanza attiva tista’tieħu sa sentejn biex tiġri b’mod naturali. Il-ħin jista' jitnaqqas għal ftit ġimgħat billi jittieħdu ċerti mediċini li jħaffu t-tneħħija ta' AUBAGIO mill-ġisem tiegħek. Fi kwalunkwe każ, għandu jiġi kkonfermat permezz ta' test tad-demm li s-sustanza attiva tkun tneħħiet b’mod suffiċjenti minn ġismek u jkollok bżonn konferma mit-tabib li qed jikkurak li l-livell fid-demm ta' AUBAGIO huwa baxx biżżejjed biex jippermettilek li toħroġ tqila.
Għal aktar informazzjoni fuq l-ittestjar tal-laboratorju, jekk jogħġbok ikkuntattja lit-tabib tiegħek.
Jekk tissuspetta li inti tqila waqt li tkun qed tieħu AUBAGIO jew fis-sentejn ta' wara li tkun waqqaft il-kura, inti trid twaqqaf AUBAGIO u tikkuntattja lit-tabib tiegħek immedjatament għal test tat-tqala. Jekk it-test jikkonferma li inti tqila, it-tabib tiegħek jista' jissuġġerixxi kura b'ċerti mediċini biex AUBAGIO jitneħħa malajr u b’mod suffiċjenti mill-ġisem tiegħek, għax dan jista' jnaqqas ir-riskju lit-tarbija tiegħek.
Kontraċezzjoni
Trid tuża metodu effettiv ta' kontraċezzjoni matul u wara l-kura b'AUBAGIO. Teriflunomide jibqa' fid-
demm tiegħek għal żmien twil wara li tieqaf tieħdu. Kompli uża kontraċezzjoni effettiva wara li twaqqaf il- kura.
Agħmel dan sakemm il-livelli ta' AUBAGIO fid-demm tiegħek jkunu baxxi biżżejjed - it-tabib
tiegħek se jiċċekkja dan.
Tkellem mat-tabib tiegħek dwar l-aħjar metodu ta' kontraċezzjoni għalik u kwalunkwe bżonn ta’ tibdil fil-kontraċezzjoni li jista’jkun hemm.
Tiħux AUBAGIO meta tkun qed tredda', għax teriflunomide jgħaddi fil-ħalib tas-sider.
AUBAGIO jista' jġiegħlek tħossok stordut u dan jista' jnaqqas il-ħila tiegħek li tikkonċentra u tirreaġixxi. Jekk tkun affettwat, m'għandekx issuq jew tuża magni.
AUBAGIO fih lactose (tip ta' zokkor). Jekk it-tabib tiegħek ikun qallek li għandek intolleranza għal xi tipi ta’ zokkor, ikkuntattja lit-tabib tiegħek qabel ma tieħu din il-mediċina.
Din il-mediċina fiha inqas minn mmol 1 ta’ sodium (23 mg) f’kull pillola, jiġifieri tista’ tgħid prattikament “mingħajr sodium”.
Il-kura b'AUBAGIO se tiġi ssorveljata minn tabib b'esperjenza fil-kura ta' sklerożi multipla.
Dejjem għandek tieħu din il-mediċina skont il-parir eżatt tat-tabib tiegħek. Dejjem għandek taċċerta ruħek
mat-tabib tiegħek jekk ikollok xi dubju.
Id-doża rakkomandata hija ta' pillola waħda kuljum ta’ 14-il mg.
Id-dożatiddependi mil-piżtal-ġisem:
Tfal b’piż tal-ġisem aktar minn 40 kg: pillola waħda ta’ kuljum ta’ 14 -il mg.
Tfal b’piż tal-ġisem inqas minn jew ugwali għal 40 kg: pillola waħda ta’ kuljum ta’7 mg.
Tfaluadolexxentilijilħqupiżtal-ġisemstabbli l’l fuq minn 40 kgsejiġimgħarrfamit-tabibtagħhombiex jaqilbugħalpillolawaħdata’kuljumta’14-il mg.
Modta’kifumnejnjingħata
AUBAGIO hu gћall-użu orali. AUBAGIO jittieħed kuljum bħala doża waħda fi kwalunkwe ħin tal-ġurnata. Għandek tibla' l-pillola sħiħa ma' ftit ilma.
AUBAGIO jista' jittieħed mal-ikel jew fuq stonku vojt.
Jekk tkun ħadt iżżejjed AUBAGIO, ċempel lit-tabib tiegħek immedjatament. Inti jista’ jkollok effetti sekondarji li jixbħu dawk deskritti fis-sezzjoni 4 hawn taħt.
M’għandekx tieħu doża doppja biex tpatti għal kull pillola li tkun insejt tieħu. Ħu d-doża li jmiss fil-ħin li
suppost.
Tiqafx tieħu AUBAGIO jew tibdel id-doża tiegħek mingħajr ma tkellem lit-tabib tiegħek l-ewwel. Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
L-effetti sekondarji li ġejjin jistgħu jseħħu b'din il-mediċina.
Xi effetti sekondarji jistgħu jkunu jew jistgħu jsiru serji, jekk ikollok kwalunkwe wieħed minn dawn, għid lit-tabib tiegħek immedjatament.
infjammazzjoni tal-frixa li tista’ tinkludi sintomi ta’ wġigħ fin-naħa tal-addome, dardir jew rimettar (il-
frekwenza hija komuni f’pazjenti pedjatriċi u mhux komuni f’pazjenti adulti).
reazzjonijiet allerġiċi li jistgħu jinkludu sintomi ta’ raxx, urtikarja,nefħa tax-xufftejn, ilsien jew wiċċ jew diffikultà f’daqqa biex tieħu n-nifs
reazzjonijiet severi fil-ġilda li jistgħu jinkludu sintomi bħal raxx fil-ġilda, infafet, deni jew ulċeri fil- ħalq
infezzjonijiet severi jew sepsis (tip ta’ infezzjoni li tista’ tikkawża l-mewt) li tista’ tinkludi sintomi ta’ deni għoli, tregħid, tkexkix, tnaqqis fil-fluss tal-awrina jew konfużjoni
infjammazzjoni tal-pulmuni li tista’ tinkludi sintomi ta’ qtugħ ta’ nifs jew sogħla persistenti
mard serju fil-fwied li jista’ jinkludi sintomi ta’ sfurija tal-ġilda tiegħek jew tal-abjad ta' għajnejk,
awrina iktar skura min-normal, dardir u rimettar mhux spjegabbli jew uġigħ addominali
Uġigħ ta’ ras
Dijarea, tħossok imdardar
Żieda fl-ALT (żieda fil-livelli ta' ċerti enzimi tal-fwied fid-demm) li jidhru fit-testijiet
Xagħar jeħfief
Influwenza, infezzjoni fin-naħa ta’ fuq tal-apparat respiratorju, infezzjoni fl-apparat tal-awrina bronkite, sinożite, uġigħ fil-griżmejn u skonfort meta tibla', ċistite, gastroenterite virali, erpete orali, infezzjoni fis-snien, larinġite, infezzjoni fungali tas-sieq
Valuri ta’ laboratorju: tnaqqis fin-numru taċ-ċelluli ħomor tad-demm (anemija), ġew osservati tibdil fir-riżultati tat-testijiet tal-fwied u taċ-ċelluli bojod fid-demm (ara sezzjoni 2), kif ukoll żidiet f’enzima
tal-muskolu (creatine phophokinase).
Reazzjonijiet allerġiċi ħfief
Tħossok ansjuż
Tingiż u tnemnin, tħossok dgħajjef, titrix, tnemnim jew uġigħ fin-naħa t'isfel tad-dahar jew tar-riġel (xjatika), sensazzjoni ta' titrix, ħruq, tnemnim jew uġigħ fl-idejn u fis-swaba' (sindrome tal-carpal
tunnel)
Tħoss qalbek tħabbat
Żieda fil-pressjoni tad-demm
Tħossok imdardar (tirremetti), uġigħ fis-snien, uġigħ fin-naħa ta’ fuq tal-addome
Raxx, akne
Uġigħ fit-tendini, fil-ġogi, fl-għadam, uġigħ fil-muskoli (uġigħ muskoluskeletriku),
Ikollok bżonn tgħaddi l-awrina iktar mis-soltu
Mestrwazzjoni bi ħruġ ta' demm eċċessiv
Uġigħ
Nuqqas ta’ enerġija jew tħossok debboli (astenja)
Tnaqqis fil-piż
Tnaqqis fin-numru ta' plejtlits fid-demm (tromboċitopenija ħafifa)
Żieda fis-sens tal-mess jew tas-sensittività, speċjalment fil-ġilda; uġigħ qisu daqqiet ta' stallett jew qisu tektik kontinwu tul nerv wieħed jew aktar nervaturi, problemi fin-nervaturi tad-dirgħajn jew tar-riġlejn (newropatija periferali)
Disturbi fid-dwiefer, reazzjonijiet severi fil-ġilda
Uġigħ wara xi avveniment trawmatiku
Psorjasi
Infjammazzjoni tal-ħalq/xufftejn
Livelli mhux normali ta’ xaħmijiet (lipidi) fid-demm
Infjammazzjoni tal-kolon (kolite)
Infjammazzjoni jew ħsara fil-fwied
- Ipertensjoni respiratorja
L-effetti sekondarji mniżżla hawn fuq japplikaw ukoll għat-tfal u l-adolexxenti. L-informazzjoni miżjuda li ġejja hija importanti għat-tfal, l-adolexxenti u l-kuraturi tagħhom:
Infjammazzjoni tal-frixa
Jekk ikollok xi effett sekondarju, kellem lit-tabib tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna, l-envelopp protettiv, u l-portafoll wara “JIS’’. Id-data ta’ meta tiskadi tirreferi għall-aħħar ġurnata ta’ dak ix-xahar.
Din il-mediċina m’għandhiex bżonn ħażna speċjali.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi teriflunomide
AUBAGIO pilloli miksija b’rita ta’ 7 mg
Kull pillola fiha 7 mg ta' teriflunomide.
Is-sustanzi l-oħra huma lactose monohydrate, maize starch, microcrystalline cellulose, sodium starch glycolate (Tip A), hydroxypropylcellulose, magnesium stearate, hypromellose, titanium dioxide
(E171), talc, macrogol 8000, indigo carmine aluminum lake (E132) u iron-oxide isfar (E172) (ara
sezzjoni 2 “Aubagio fih lactose”).
AUBAGIO pilloli miksija b’rita ta’ 14 -il mg
Kull pillola fiha 14-il mg ta' teriflunomide.
Is-sustanzi l-oħra huma lactose monohydrate, maize starch, microcrystalline cellulose, sodium starch glycolate (Tip A), hydroxypropylcellulose, magnesium stearate, hypromellose, titanium dioxide (E171), talc, macrogol 8000, indigo carmine aluminum lake (E132) (ara sezzjoni 2 “Aubagio fih lactose”).
AUBAGIO pillola miksija b'rita ta’ 7 mg(pilloli)
Il-pilloli miksija b’rita huma pilloli eżagonali miksija b'rita ta' lewn griż jagħti fil-blu fl-aħdar ċar ħafna sa blu fl-aħdar ċar, stampata fuq naħa waħda (‘7’) u mnaqqxa b'logo tal-korporazzjoni fuq in-naħa l-oħra.
AUBAGIO 7 mg pilloli miksija b’rita huma disponibbli f'kaxxi tal-kartun li fihom 28 pillola f'pakketti portafoll bil-folji integrati.
AUBAGIO pillola miksija b'rita ta’ 14-il mg (pilloli)
Il-pilloli miksija b’rita huma pilloli, ta' lewn blu ċar sa blu pastell, miksijin b’rita b’forma pentagonali, stampati fuq naħa waħda b’(‘14’) u mnaqqxa b'logo tal-korporazzjoni fuq in-naħa l-oħra.
AUBAGIO 14 -il mg pilloli miksija b’rita huma disponibbli f'kaxxi tal-kartun li fihom:
14, 28, 84 u 98 pillola f'pakketti portafoll bil-folji integrati;
10xpillola 1 f'folji imtaqqbin ta’ doża waħda.
Jista’ jkun li mhux il-pakketti tad-daqsijiet kollha jkunu fis-suq
sanofi-aventis groupe 54, rue La Boétie
F-75008 Paris
Franza
Opella Healthcare International SAS
56, Route de Choisy
60200
Compiègne
Franza
Sanofi Winthrop Industrie 30-36, avenue Gustave Eiffel 37100 Tours
Franza
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-
Awtorizzazzjoni għat-Tqegħid fis-Suq.
Sanofi Belgium
Tel/Tél/Tel: +32 (0)2 710 54 00
Swixx Biopharma UAB
Tel: +370 5 236 91 40
Swixx Biopharma EOOD Тел.: +359 (0)2 4942 480
Sanofi Belgium
Tél/Tel: +32 (0)2 710 54 00 (Belgique/Belgien)
SANOFI-AVENTIS Zrt. Tel: +36 1 505 0050
Sanofi A/S
Tlf: +45 45 16 70 00
Sanofi S.r.l.
Tel: +39 02 39394275
Sanofi-Aventis Deutschland GmbH
Tel.: 0800 04 36 996
Tel. aus dem Ausland: +49 69 305 70 13
Genzyme Europe B.V.
Tel: +31 20 245 4000
Swixx Biopharma OÜ
Tel: +372 640 10 30
sanofi-aventis Norge AS
Tlf: +47 67 10 71 00
sanofi-aventis AEBE Τηλ: +30 210 900 16 00
sanofi-aventis GmbH
Tel: +43 1 80 185 – 0
sanofi-aventis S.A.
Tel: +34 93 485 94 00
sanofi-aventis Sp. z o.o.
Tel: +48 22 280 00 00
sanofi-aventis France Tél: 0 800 222 555
Appel depuis l’étranger: +33 1 57 63 23 23
Sanofi - Produtos Farmacêuticos, Lda
Tel: +351 21 35 89 400
Swixx Biopharma d.o.o.
Tel: +385 1 2078 500
Sanofi Romania SRL
Tel: +40 (0) 21 317 31 36
sanofi-aventis Ireland Ltd. T/A SANOFI
Tel: +353 (0) 1 403 56 00
Swixx Biopharma d.o.o.
Tel: +386 1 235 51 00
Vistor hf.
Sími: +354 535 7000
Sanofi S.r.l.. Tel: 800536389
Sanofi Oy
Puh/Tel: +358 (0) 201 200 300
C.A. Papaellinas Ltd.
Τηλ: +357 22 741741
Sanofi AB
Tel: +46 (0) 8 634 5000
Swixx Biopharma SIA
Tel: +371 6 616 47 50
Tista’ wkoll issib kopja tal-fuljett ta’ tagħrif u biljett tal-pazjent b’informazzjoni dwar is-sigurtà fil-kodiċi
QR imsemmi hawn isfel.
Biexjiġiinklużil-KodiċiQR+ www.qr-aubagio-sanofi.eu