Clopidogrel Acino Pharma GmbH
clopidogrel
Clopidogrel
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina giet mogħtija lilek M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sintomi bħal tiegħek.
Jekk xi wieħed mill-effetti sekondarji jiggrava jew jekk tinnota xi effetti sekondarji li m’humiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
X’inhu Clopidogrel Acino Pharma GmbH u għalxiex jintuża
Qabel ma tieħu Clopidogrel Acino Pharma GmbH
Kif għandek tieħu Clopidogrel Acino Pharma GmbH
Effetti sekondarju li jista jkollu
Kif taħżen Clopidogrel Acino Pharma GmbH
Aktar tagħrif
Prodott mediċinali li m’għadux awtorizzat
Clopidogrel Acino Pharma GmbH fih is-sustanza attiva Clopidogrel li tifforma parti minn grupp ta’ mediċini msejħa prodotti mediċinali ta’ antiplejtlets. Plejtlets (hekk imsejħa tromboċiti) huma partijiet żgħar ħafna, li jinġemġħu flimkien waqt li jkun qed jagħqad id-demm. Il-prodotti mediċinali ta’ kontra l-plejtlets jilqgħu għal dan u jnaqqsu l-possibbiltajiet li jiffurmaw emboli tad-demm (proċess imsejjaħ trombożi).
Clopidogrel Acino Pharma GmbH jittieħed biex inaqqas ir-riskju li emboli tad-demm (trombi) jifformaw fl-arterji mwebbsin (arterji), proċess imsejjaħ aterotrombosi, li jista’ jwassal għal konsegwenzi aterotrombotiċi (bħal puplesija, attakk tal-qalb, jew mewt).
Ingħatajt Clopidogrel Acino Pharma GmbH biex inaqqas ir-riskju ta’ emboli tad-demm u l- konsegwenzi severi tagħhom għaliex:
Għandek kundizzjoni fejn l-arterji tiegħek qegħdin jibbiesu (magħrufa wkoll bħala aterosklerożi), u
Kellek attakk tal-qalb, puplesija jew kundizzjoni magħrufa bħala mard periferali arterjali (disturb fil-fluss tad-demm fid-dirgħajn jew riġlejn ikkawżat minn okklużjonijiet vaskulari)
Jekk inti allerġiku/a (tbati minn sensittività eċċessiva) għall-clopidogrel jew sustanzi oħra ta’ Clopidogrel Acino Pharma GmbH;
Jekk tbati minn kundizzjoni medika li fil-preżent qiegħda tikkawża fsada, bħal ulċera fl- istonku jew fsada ġewwa l-moħħ;
Jekk tbati minn mard sever tal-fwied.
Jekk taħseb li xi waħda minn dawn tgħodd għalik, jew jekk għandek xi dubju, ħu parir tat-tabib tiegħek qabel tibda tieħu Clopidogrel Acino Pharma GmbH.
Jekk xi sitwazzjoni msemmija hawn taħt tgħodd għalik, ħu parir tat-tabib tiegħek qabel tibda tieħu Clopidogrel Acino Pharma GmbH:
jekk tinsab f’riskju ta’ fsada bħal:
kundizzjoni medika li tpoġġik f’riskju ta’ fsada interna (bħal ulċera fl-istonku)
mard fid-demm li jwassal għal fsada interna (dmija f’xi tessuti, organi jew ġogi ta’
ġismek);
ferita serja riċenti;
operazzjoni riċenti (anki tas-snien);
operazzjoni li ser issirlek (anki tas-snien) fis-sebat ijiem li ġejjin.
jekk fl-aħħar sebat ijiem kellek ċappa ta' demm f'arterja f'moħħok (puplesija iskemika)
jekk tbati minn mard tal-kliewi jew tal-fwied.
Waqt li qiegħed/qiegħda tieħu Clopidogrel Acino Pharma GmbH:
Għandek tgħid lit-tabib tiegħek jekk għandek xi operazzjoni ppjanata (anki tas-snien).
Għandek ukoll tgħid lit-tabib tiegħek minnufih jekk tiżviluppa kundizzjoni medika (magħrufa wkoll bħala Purpura Trombotika Tromboċitopenika jew TTP) li tinkludi deni u tbenġil taħt il-ġilda li jidher bħal tikek ħomor irqaq, flimkien ma' jew mingħajr għeja kbira mhux spjegata, konfużjoni, sfurija tal-ġilda jew ta' l-għajnejn (suffejra) (ara sezzjoni 4 'EFFETTI SEKONDARJI LI JISTA' JKOLLU').
Jekk taqta' x'imkien jew tweġġa', id-demm jista' jdum aktar mis-soltu biex jieqaf. Dan minħabba l-mod ta' kif taħdem il-mediċina tiegħek billi ma tħallix li jiffurmaw iċ-ċapep tad-demm. Għal qtugħ u feriti żgħar eż. meta taqta' x'imkien, meta tqaxxar, normalment m'hemmx għax tinkwieta. Madanakollu, jekk id-demm li ħiereġ jinkwetak, għandek tkellem lit-tabib tiegħek minnufih (ara sezzjoni 4 'EFFETTI SEKONDARJI LI JISTA' JKOLLU').
Prodott mediċinali li m’għadux awtorizzat
It-tabib tiegħek jista' jordnalek testijiet tad-demm.
Clopidogrel Acino Pharma GmbH m’għandux jingħata lit-tfal jew lill-adolexxenti.
Jekk jogħġbok, għid lit-tabib jew lill-ispiżjar tiegħek jekk qiegħed tieħu jew ħadt dan l-aħħar xi mediċini oħra, anki dawk mingħajr riċetta.
Xi mediċini oħra jistgħu jeffettwaw l-użu ta’ Clopidogrel Acino Pharma GmbH u viċe-versa.
Għandek speċifikament tgħid lit-tabib tiegħek jekk qiegħed tieħu
sustanzi kontra l-koagulazzjoni tad-demm li jittieħdu mill-ħalq, mediċini li jraqqu d-demm,
mediċina li hija anti-infjammatorju li mhux sterojde, normalment użat biex jiġi ittrattat l-uġigħ u/jew kundizzjonijiet infjammatorji tal- muskoli jew tal-ġogi,
heparin jew xi mediċina oħra li tinjettaużata biex traqqaq id-demm,
omeprazole, esomeprazole jew cimetidine, mediċini għat-taqlib tal-istonku
fluconazole, voriconazole, ciprofloxacin, jew chloramphenicol, mediċini li jittrattaw infezzjonijiet tal-batterja u tal-fungu,
fluoxetine, fluvoxamine, jew moclobemide, mediċinii li jittrattaw d-dipressjoni,
carbamazepine, jew oxcarbazepine, mediċini li jittrattaw xi tip ta’ epilessija,
ticlopidine, sustanzi oħra kontra l-plejtlets.
Acetylsalicylic acid, sustanza inkorporata f’ħafna mediċini użati biex itaffu l-uġigħ u jnaqqsu d-deni: L-użu ta’ kultant ta’ acetylsalicylic acid (ta’ mhux aktar minn 1,000 mg f’perijodu ta’ 24 siegħa) ġeneralment m’għandux joħloq problema, iżda l-użu fit-tul f’cirkostanzi oħrajn għandu jiġi diskuss mat-tabib tiegħek.
Clopidogrel Acino Pharma GmbH jista’ jittieħed ma’ l-ikel jew mingħajru.
Huwa preferibbli li ma tiħux dan il-prodott waqt it-tqala.
Qabel ma tibda tieħu Clopidogrel Acino Pharma GmbH, għandek tinforma lit-tabib jew lill-ispiżjar/a tiegħek jekk inti tqila jew taħseb li inti tqila. Jekk toħroġ tqila waqt li qiegħda tieħu Clopidogrel Acino Pharma GmbH, għarraf minnufih lit-tabib tiegħek billi huwa rrakkomandat li ma tieħux clopidrogrel waqt it-tqala.
M’għandekx tredda’ waqt li qiegħda tuża din il-mediċina.
Jekk qiegħda tredda’ jew qiegħda taħseb biex tredda’, tkellem mat-tabib tiegħek qabel ma tieħu din il- mediċina.
Itlob il-parir tat-tabib jew ta’ l-ispiżjar tiegħek qabel tieħu xi mediċina.
Clopidogrel Acino Pharma GmbH m’għandux jaffettwa is-sewqan jew it-tħaddim ta’ magni.
Dejjem għandek tieħu Clopidogrel Acino Pharma GmbH skond il-parir tat-tabib. Dejjem għandek taċċerta ruħek mat-tabib jew ma’ l-ispżjar tiegħek jekk ikollok xi dubju.
Prodott mediċinali li m’għadux awtorizzat
Id-doża normali hija ta’ pillola waħda ta’ 75 mg Clopidogrel Acino Pharma GmbH kuljum li għandha tittieħed mill-ħalq ma’ l-ikel jew fuq stonku vojt u fl-istess ħin kull ġurnata.
Għandek tieħu Clopidogrel Acino Pharma GmbH sakemm it-tabib jibqa’ jagħmillek ir-riċetta.
Għarraf lit-tabib jew mur fid-dipartiment ta’ l-emerġenza ta’ l-eqreb sptar minħabba r-riskju ogħla ta’ fsada.
Jekk tinsa tieħu xi doża ta’ Clopidogrel Acino Pharma GmbH, iżda tiftakar fit-12-il siegħa ta’ wara, ħu l-pillola mill-ewwel, imbagħad ħu l-pillola li jkun imiss fil-ħin tas-soltu. Jekk tinsa tieħu Clopidogrel Acino Pharma GmbH għal aktar minn 12-il siegħa, sempliċiment ħu d-doża waħda li jkun imiss fil-ħin
tas-soltu. Tiħux doża doppja biex tagħmel tajjeb għad-doża li tkun insejt tieħu.
Jekk għandek aktar mistoqsijiet dwar l-użu ta’ dan il-prodott, staqsi lit-tabib jew lill-ispiżjar tiegħek.
Bħal kull mediċina oħra, Clopidogrel Acino Pharma GmbH jista’ jkollu effetti sekondarji, għalkemm ma jidhrux fuq kulħadd.
L-effetti sekondarji jistgħu jseħħu b’ċerti frekwenzi, li huma mfissrin kif ġej:
Komuni ħafna (taffettwa aktar minn 1 f’kull 10 li jeħduh)
Komuni (taffettwa minn 1 sa 10 f’kull 100 li jeħduh)
Mhux komuni (taffettwa minn 1 sa 10 f’kull 1,000 li jeħduh)
Rari (taffettwa minn 1 sa 10 f’kull 10,000 li jeħduh)
Rari ħafna (taffettwa anqas minn 1 f’kull 10,000 li jeħduh)
Mhux magħruf (il-frekwenza ma tistax tiġi stmata mit-tagħrif disponibbli)
jitlagħlek id-deni, ikollok sinjali ta’ infezzjoni jew ħafna għeja. Dawn jista’ jkunu minħabba tnaqqis rari ta’ xi ċelluli tad-demm.
sinjali ta’ mard tal-fwied bħal sfurija tal-ġilda u/jew ta’ l-għajnejn (suffejra), kemm jekk dan huwa assoċjat jew le ma’ emoraġija li tidher taħt il-ġilda bħala tikek ħomor irqaq u/jew konfużjoni (ara sezzjoni 2 'Oqgħod attent ħafna b'Clopidogrel Acino Pharma
GmbH').
nefħa fil-ħalq jew disturbi fil-ġilda bħal raxxijiet u ħakk, infafet fil-ġilda. Dawn jistgħu jkunu sinjali ta' reazzjoni allerġika.
L-iżjed effett komuni irrappurtat bi clopidogrel hija l-fsada. Din tista' sseħħ bħala fsada fl-istonku jew fl-imsaren, tbenġil, ematoma (fsada jew tbenġil mhux tas-soltu taħt il-ġilda), tinfaraġ, demm fl- awrina. F’numru żgħir ta’ każijiet oħra ġew irrappurtati fsada fl-għajn, fir-ras, fil-pulmun jew fil-ġogi.
Prodott mediċinali li m’għadux awtorizzat
Effetti sekondarji komuni:
Dijarea, uġigħ addominali, indiġestjoni jew ħruq fl-istonku.
Effetti sekondarji mhux komuni:
Uġigħ ta’ ras, ulċera fl-istonku, rimettar, tqalligħ, stitikezza, gass żejjed fl-istonku jew fl- imsaren, raxxijiet, ħakk, sturdament, sensazzjoni ta’ tnemnim u tirżiħ.
Effetti sekondarji rari: Vertigo.
Effetti sekondarji rari ħafna:
suffejra; uġigħ addominali qawwi flimkien ma' jew mingħajr uġigħ fid-dahar; deni, diffikultajiet fin-nifs kultant assoċjati mas-sogħla; reazzjonijiet allerġiċi ġeneralizzati; nefħa fil-ħalq; infafet fil-ġilda; reazzjoni allerġika fil-ġilda; infjammazzjoni tal-ħalq (stomatite); tnaqqis fil-pressjoni tad-demm; konfużjoni; alluċinazzjonijiet; uġigħ fil-ġogi; uġigħ muskolari; tibdiliet fil-mod ta’
kif jintegħmu l-affarijiet.
Barra minn hekk, it-tabib tiegħek jista’ jinduna b’xi tibdil fir-riżultati tat-testijiet tad-demm jew ta’ lawrina tiegħek.
Jekk xi wieħed mill-effetti sekondarji jiggrava, jew jekk tinnota xi effetti sekondarji li m’humiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
Aħżen fil-folja oriġinali sabiex tilqa' mill-umdità.
Żommu fejn ma jintlaħaqx u ma jidhirx mit-tfal.
Tużax Clopidogrel Acino Pharma GmbH wara d-data ta’ skadenza li tidher fuq il-kaxxa few fuq il- folja wara JIS. Id-data ta’ skadenza tirreferi għall-aħħar ġurnata ta’ dak ix-xahar.
Tużax Clopidogrel Acino Pharma GmbH jekk tinnota kwalunkwe sinjali viżibbli ta' ħsara fil-folja jew fil-pilloli miksija b’rita.
Il-mediċini m’għandhomx jintremew ma’ l-ilma tad-dranaġġ jew ma’ l-iskart domestiku. Staqsi lillispiżjar dwar kif għandek tarmi mediċini li m’għandekx bżonn. Dawn il-miżuri jgħinu għal protezzjoni ta’ l-ambjent.
Is-sustanza attiva hi clopidogrel. Kull pillola fiha 75 mg ta’Clopidogrel (bħala besilate). Is-sustanzi l-oħra huma:
Rita tal-pillola:
Macrogol,
Prodott mediċinali li m’għadux awtorizzat
Cellulose, microcrystalline (E460) Crospovidone type A
Castor oil, hydrogenated
Kisja tar-rita: Macrogol 6000 Ethylcellulose (E462)
Titanium dioxide (E171)
Il-pilloli miksija b’rita Clopidogrel Acino Pharma GmbH huma bojod sa abjad jagħti fil-griż, qishom irħam u bikonvessi. Huma fornuti f’kaxex tal-kartun li fihom 14, 28, 30, 50, 84, 90 u 100 pillola ġo folji tal-aluminju. Jista’ jkun li mhux il-pakketti tad-daqsijiet kollha jkunu għall-skop kummerċjali.
Acino Pharma GmbH Am Windfeld 35
83714 Miesbach Il-Ġermanja
Acino AG
Am Windfeld 35
83714 Miesbach Il-Ġermanja
Għal kull tagħrif dwar din il-mediċina, jekk jogħġbok ikkuntattja lid-Detentur ta’ l-Awtorizzazzjoni għat-tqegħid fis-Suq.
Prodott mediċinali li m’għadux awtorizzat