Xigris
drotrecogin alfa (activated)
Drotrecogin alfa (attivat)
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sintomi bħal tiegħek.
Jekk xi wieħed mill-effetti sekondarji jiggrava jew jekk tinnota xi effetti sekondarji li m’humiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
F’dan il-fuljett:
X’inhu Xigris u għalxiex jintuża
Qabel ma tieħu Xigris
Kif għandek tuża Xigris
Effetti sekondarji li jista’ jkollu
Kif taħżen Xigris
Aktar tagħrif
Prodott mediċinali li m’għadux awtorizzat
Xigris huwa simili ħafna għal proteina li tinsab naturali f’demmek. Din il-proteina tgħin biex jiġi kkontrollat it-tagħqid tad-demm u l-infjammazzjoni. Meta ġismek ikollu infezzjoni qawwija, demmek jista’ jifforma biċċiet magħqudin tad-demm. Dawn jistgħu jibblukkaw il-provvista tad-demm għal partijiet importanti ta’ ġismek bħall-kliewi u l-pulmuni. Dan jikkawża marda msejħa sepsis serja li tista’ tmarrdek ħafna. Xi nies imutu minn din il-marda. Xigris jgħin lil ġismek jeħles mill-biċċiet magħqudin tad-demm kif ukoll inaqqas l-infjammazzjoni kkawżata mill-infezzjoni.
Xigris jintuża għall-kura ta’ adulti b’sepsis serja.
jekk inti allerġiku/a (tbati minn sensittività eċċessiva) għal drotrecogin alfa (attivat), jew sustanzi oħra ta’ Xigris, jew trombina (proteina) bovina (ġejja mill-baqar)
jekk inti tifel/tifla taħt it-18-il sena
jekk għandek fsada interna
jekk għandek tumur fil-moħħ, jew pressjoni fuq il-moħħ
jekk qiegħed fuq terapija b’eparina fl-istess żmien (≥ 15 Unità Internazzjonali /kg/siegħa)
jekk għandek tendenza ta’ fsada mhux relatata mas-sepsis
jekk għandek problema serja fil-fwied li ilha ħafna
jekk l-għadd ta’ plejtlits (tip ta’ ċellola fid-demm) ikun baxx, anki jekk dan ikun żdied b’trasfużjoni
jekk għandek riskju kbir ta’ fsada (per eżempju):
jekk kellek kirurġija fi żmien tnax-il siegħa qabel ma tingħata Xigris, jew fsada minn kirurġija preċedenti, jew kirurġija fl-istess żmien li tkun qed tingħata Xigris
jekk dħalt fl-isptar minħabba trawma serja tar-ras, jew kellek kirurġija tal-moħħ jew ta’ l- ispina, jew kellek fsada fil-moħħ (puplesija emorraġika) fl-aħħar tliet xhur, jew għandek vini jew arterji anormali fil-moħħ, jew massa fir-ras; għandek kateter epidurali (tubu fl-ispina)
jekk għandek tendenzi ta’ fsada mit-twelid
jekk kellek fsada mill-imsaren fl-aħħar sitt ġimgħat, sakemm ma saritx il-kura neċessarja
jekk kellek inċident serju u għandek riskju akbar ta’ fsada
jekk qiegħed tieħu mediċini oħra li jaffettwaw kif jagħqad id-demm(per eżempju mediċini li jħollu l-koaguli tad-demm, iraqqu d-demm jew mediċini li jinibixxu l-plejtlits bħall-aspirina)
jekk fl-aħħar tliet xhur kellek puplesija minħabba biċċiet magħqudin tad-demm
jekk għandek problema ta’ fsada li taf biha
Xigris m’għandux jintuża jekk għandek xi tip inqas serju ta’ sepsis (insuffiċjenza ta’ organu wieħed biss) u reċentement kellek xi operazzjoni
Jekk jogħġbok għid lit-tabib jew lill-ispiżjar tiegħek jekk qiegħed tieħu jew ħadt dan l-aħħar xi mediċini oħra, anki dawk mingħajr riċetta. Trid toqgħod attent meta Xigris jingħata ma’ mediċini oħra
li jaffettwaw il-mod kif jgħaqqad id-demm (per eżempju mediċini li jħollu l-koaguli tad-demm, iraqqu
d-demm jew mediċini li jinibixxu l-plejtlits bħall-aspirina, mediċini antiinfjammatorji li m’humiex sterojdi jew clopidegrol).
Mhux magħruf jekk drotrecogin alfa (attivat) jagħmilx ħsara lit-tarbija fil-ġuf jew jekk jaffettwax l- abbiltà li jkollok tfal. Fit-tqala Xigris jingħata biss jekk ikun neċessarju.
Prodott mediċinali li m’għadux awtorizzat
Mhux magħruf jekk drotrecogin alfa (attivat) johroġx fil-ħalib tal-bniedem u għalhekk m’għandux isir treddigħ waqt il-teħid ta’ Xigris.
Għal kull kunjett dan il-prodott mediċinali fih madwar 68 mg ta’ sodium. Pazjenti li qegħdin fuq dieta ta’ restrizzjoni ta’ sodium għandhom jagħtu kas ta’ dan il-fatt.
Id-doża rrakkomandata ta’ Xigris hija 24 mikrogrammi (µg) kull kilogramm (kg) tal-piż tal-ġisem kull siegħa għal 96 siegħa.
Spiżjar fl-isptar, infermier jew tabib ikun ħall it-trab Xigris fl-ilma għall-injezzjonijiet u soluzzjoni ta’ sodium chloride. Dan il-likwidu mbagħad jgħaddi minn ġo borża permezz ta’ tubu għal ġo waħda mill-vini tiegħek għal perijodu ta’ 96 siegħa
Bħal kull mediċina oħra, Xigris jista’ jkollu effetti sekondarji, għalkemm ma jidhrux fuq kulħadd. Xigris jista’ jżid ir-riskju ta’ fsada li jista’ jkun serju jew ta’ periklu għall-ħajja. Fsada serja waqt il- perijodu ta’ l-infużjoni seħħet f’1% (1 minn kull 100) ta’ pazjenti b’sepsis serja u f’2.4% (madwar 1 minn kull 40) ta’ pazjenti kkurati b’Xigris, bil-parti l-kbira tal-fsada fiż-żewġ gruppi jkun fl-istonku u fl-imsaren.Fsada fil-moħħ ma kinitx komuni, seħħet f’0.2% (1 minn kull 500) ta’ pazjenti kkurati b’Xigris.
Jekk xi wieħed mill-effetti sekondarji jiggrava jew jekk tinnota xi effetti sekondarji li mhumiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
Żommu fejn ma jintlaħaqx u ma jidhirx mit-tfal. Tużahx wara d-data ta’ skadenza li tidher fuq it-tikketta
Aħżen fi friġġ (2°C – 8°C).
Żomm il-kunjett fil-kartuna sabiex tilqa’ mid-dawl.
Is-sustanza attiva hija 20 mg ta’ drotrecogin alfa (attivat) f’kull kunjett. Drotrecogin alfa huwa verżjoni ta’ Proteina Ċ Attivata li hija proteina naturali li tinsab fid-demm u huwa magħmul b’teknoloġija rikombinanti.
Is-sustanzi l-oħra huma sucrose, sodium chloride, sodium citrate, citric acid, hydrochloric acid u sodium hydroxide.
Xigris jiġi bħala trab għal soluzzjoni għall-infużjoni f’kunjett
Kunjett fih 20 mg ta’ drotrecogin alfa (attivat).Wara r-rikostituzzjoni b’10 ml ta’ Ilma għall- Injezzjonijiet kull ml fih 2 mg ta’ Drotrecogin alfa (attivat).
Prodott mediċinali li m’għadux awtorizzat
Id-Detentur ta’ L-Awtorizzazzjoni Għat-Tqegħid fis-Suq:Eli Lilly Nederland B.V., Grootslag 1-5, 3991 RA, Houten, L-Olanda
Manifattur:Lilly Pharma Fertigung und Distribution GmbH & Co. KG, Teichweg 3, D- 35396
Giessen, Il-Ġermanja.
Għal kull tagħrif dwar dan il-prodott mediċinali, jekk jogħġbok ikkuntattja lir-rappreżentant lokali tad- Detentur ta’ l-Awtorizzazzjoni għat-tqegħid fis-Suq:
Eli Lilly Benelux S.A./N.V. Tél/Tel: + 32-(0)2 548 84 84
ТП "Ели Лили Недерланд" Б.В. - България тел. + 359 2 491 41 40
ELI LILLY ČR, s.r.o. Tel: + 420 234 664 111
Eli Lilly Danmark A/S Tlf: +45 45 26 60 00
Lilly Deutschland GmbH Tel. + 49-(0) 6172 273 2222
Eli Lilly Holdings Limited Eesti filiaal Tel: +3726441100
ΦΑΡΜΑΣΕΡΒ-ΛΙΛΛΥ Α.Ε.Β.Ε. Τηλ: +30 210 629 4600
Lilly Hungária Kft. Tel: + 36 1 328 5100
Charles de Giorgio Ltd. Tel: + 356 25600 500
Eli Lilly Nederland B.V. Tel: + 31-(0) 30 60 25 800
Eli Lilly Norge A.S. Tlf: + 47 22 88 18 00
Eli Lilly Ges. m.b.H. Tel: + 43-(0) 1 711 780
Eli Lilly Polska Sp. z o.o. Tel.: +48 (0) 22 440 33 00
Lilly S.A.
Tel: +34- 91 749 76 98
Lilly France SAS
Tél: +33-(0) 1 55 49 34 34
Eli Lilly and Company (Ireland) Limited Tel: + 353-(0) 1 661 4377
Eli Lilly Danmark A/S, Útibú á Íslandi Sími: + 354 520 34 00
Eli Lilly Italia S.p.A. Tel: + 39- 055 42571
Phadisco Ltd
Τηλ: +357 22 715000
Eli Lilly Holdings Limited pārstāvniecība Latvijā Tel: +371 7364000
Prodott mediċinali li m’għadux awtorizzat
Eli Lilly Holdings Limited atstovybė Tel. +370 (5) 2649600
Lilly Portugal Produtos Farmacêuticos, Lda Tel: + 351-21-4126600
Eli Lilly România S.R.L. Tel: + 40 21 4023000
Eli Lilly farmacevtska družba, d.o.o.Tel: +386 (0)1 580 00 10
Eli Lilly Slovakia, s.r.o. Tel: + 421 220 663 111
Oy Eli Lilly Finland Ab Puh/Tel: + 358-(0) 9 85 45 250
Eli Lilly Sweden AB Tel: + 46-(0) 8 7378800
Eli Lilly and Company Limited Tel: + 44-(0) 1256 315999
Din il-mediċina kienet awtorizzata taħt ‘Ċirkustanzi ta’ Eċċezzjoni’.Dan ifisser li għal raġunijiet xjentifiċi kien impossibbli li tinkiseb informazzjoni kompleta dwar din il-mediċina. L-Aġenzija Ewropeja dwar il-Mediċini (EMEA) ser tirrevedi kull tip ta’ informazzjoni ġdida li toħroġ kull sena u dan il-fuljett ser jiġi aġġornat, skond il-bżonn.
<---------------------------------------------------------------------------------------------------------------------
It-tagħrif li jmiss qed jingħata biss għall-professjonisti fil-qasam mediku:
Uża teknika asettika adattata matul il-preparazzjoni biex Xigris jingħata fil-vina.
Ikkalkula d-doża u n-numru ta’ kunjetti ta’ Xigris meħtieġa.
Kull kunjett ta’ Xigris fih 20 mg drotrecogin alfa (attivat).
Il-kunjett fih drotrecogin alfa (attivat) żejjed biex jiffaċilita li jingħata l-ammont imsemmi fuq it-tikketta.
Qabel jingħata, il-kunjetti ta’ 20 mg ta’ Xigris għandhom jiġu rikostitwiti b’10 ml Ilma Sterili għall-Injezzjoni, li jirriżulta f’soluzzjoni b’konċentrazzjoni ta’ madwar 2 mg/ml drotrecogin alfa (attivat).
Żid l-Ilma Sterili għall-Injezzjoni fil-kunjett bil-mod u evita li taqleb ta’ taħt fuq jew li tħawwad il-kunjett. Dawwar bil-mod kull kunjett sakemm it-trab jinħall kompletament.
Prodott mediċinali li m’għadux awtorizzat
Is-soluzzjoni ta’ Xigris rikostitwit trid tkompli tiġi dilwita b’injezzjoni sterili ta’ 0.9% sodium chloride. Iġbed bil-mod l-ammont xieraq ta’soluzzjoni ta’ drotrecogin alfa (attivat) rikostitwit mill-kunjett. Żid d-drotrecogin alfa (attivat) rikostitwit f’borża ta’ infużjoni ppreparata b’ 0.9% sodium chloride sterili. Meta tkun qed iżżid d-drotrecogin alfa (attivat) rikostitwit fil-borża ta’ infużjoni, iddirezzjona s-soluzzjoni lejn il-ġenb tal-borża biex tnaqqas kemm jista’ jkun l- aġitazzjoni tas-soluzzjoni. Aqleb bil-mod il-borża rasha ’l isfel biex ikollok soluzzjoni omoġena. Tmexxix il-borża ta’ infużjoni minn post għall-ieħor billi tuża sistemi tat-trasport mekkaniċi
Wara r-rikostituzzjoni, huwa rrakkomandat li l-prodott jintuża immedjatament. Madanakollu, s- soluzzjoni rikostitwita fil-kunjett tista’ tinżamm sa 3 sigħat fit-temperatura ambjentali (15 sa 30ºC).
Wara l-preparazzjoni, is-soluzzjoni għall-infużjoni fil-vina tista’ tintuża fit-temperatura ambjentali (15 sa 30ºC) għal perijodu sa 14-il siegħa.
Prodotti mediċinali parenterali għandhom ikunu spezzjonati viżwalment għal xi frak u tibdil fil- kulur qabel jingħataw.
Huwa rrakomandat li Xigris jiġi infuż b’pompa għall-infużjoni sabiex tiġi kkontrollata bi preċiżjoni r-rata ta’ infużjoni. Is-soluzzjoni ta’ Xigris rikostitwit għandha tiġi dilwita f’borża ta’ infużjoni li fiha injezzjoni sterili ta’ 0.9% Sodium Chloride sakemm tintlaħaq konċentrazzjoni finali ta’ bejn 100 μg/ml u 200 μg/ml.
Meta jingħata drotrecogin alfa (attivat) b’rati ta’ infużjoni baxxi (inqas minn madwar
5 ml/siegħa), is-sett ta’ l-infużjoni għandu jkun imħejji għal perijodu ta’ madwar 15-il minuta b’rata ta’ infużjoni ta’ madwar 5 ml/siegħa.
Xigris għandu jingħata permezz ta’ linja minn ġol-vina apposta jew lumen apposta ta’ kateter ċentrali fil-vina multilumen. Mill-istess linja jistgħu jingħataw BISS is-soluzjonijiet li ġejjin: Injezzjoni ta’ 0.9% Sodium Chloride, Injezzjoni ta’ Ringer Lactated, Dextrose jew taħlititiet ta’ Dextrose u Ilma bil-Melħ.
Evita li tesponi s-soluzzjoni ta’ drotrecogin alfa (attivat) għas-sħana u/jew id-dawl tax-xemx dirett. Ma ġewx innutati inkompatibilitajiet bejn drotrecogin alfa (attivat) u fliexken ta’ l- infużjoni tal-ħġieġ jew boroż ta’ l-infużjoni magħmulin minn polyvinylchloride, polyethylene,
polypropylene, jew polyolefin. L-użu ta’ tipi oħra ta’ settijiet ta’ l-infużjoni jista’ jkollhom impatt negattiv fuq l-ammont u l-qawwa ta’ drotrecogin alfa (attivat) li jiġi mogħti.
Prodott mediċinali li m’għadux awtorizzat
Trid tittieħed attenzjoni biex Xigris jingħata b’rata adattata, ikkalkulata fuq bażi tal-piż tal- ġisem f’kg u infuża għal tul ta’ żmien korrett. Huwa rrakkomandat li l-borża jkollha t-tiketta kif xieraq.