Vaxxitek HVT+IBD
Infectious bursal disease and Marek’s disease vaccine (live recombinant)
Sid l-Awtorizzazzjoni tal-Kummerċ: Boehringer Ingelheim Vetmedica GmbH 55216 Ingelheim/Rhein
Il-Ġermanja
Isem u indirizz tal-manifattur responsabbli mill-ħruġ tal-lott. Boehringer Ingelheim Animal Health France SCS Laboratorju ta’ Lyon Porte des Alpes
Rue de l’Aviation 69800 Saint-Priest France
Vaxxitek HVT+IBD suspensjoni u solvent għal suspensjoni għal injezzjoni
Kull doża tal-vaċċin fiha: Ingredjent attiv:
Sustanza Attiva vHVT013-69 vajrus rikombinat, mill-inqas................................ 3.6 sa 4.4 log 10 PFU*
Ingredjent mhux attiv ......................................................................................................... qs doża waħda
Dilwent:
Dilwent ............................................................................................................................... qs doża waħda
*Plaque forming unit
Għall-immunizzazzjoni attiva tal-flieles:
Biex tipprevjeni mwiet u biex tnaqqas sinjali kliniċi u leżjonijiet tal-marda infettiva Bursal.
Il-protezzjoni tibda minn ġimgħatejn u testendi sa 9 ġimgħat.
Biex tnaqqas l-imwiet, sinjali kliniċi u leżjonijiet tal-marda ta’Marek.
Il-protezzjoni tibda minn erbat ijiem. Vaċċinazzjoni waħda hija biżżejjed biex tagħti protezzjoni waqt il-perjodu ta’ riskju.
Tużax fi tjur li qed ibid u fi tjur li jkun għar-riproduzzjoni.
L-ebda effett magħruf
Jekk tinnota xi effetti serji jew effetti oħra mhux msemmija f’dan il-fuljett, jekk jogħġbok informa lit- tabib veterinarju tiegħek.
Flieles ta’ ġurnata u bajd embrijonat ta’ 18-il ġurnata.
Taħt il- ġilda jew in ovo.
Għall-amministrazzjoni in ovo, jista jintuża apparat li jinjetta l-bajd awtomatikament. Għandu jkun ippruvat li l-apparat jwassal b’mod effettiv u mingħajr periklu, id-doża meħtieġa. Għandhom jiġu segwiti bir-reqqa l-istruzzjonijiet għall-użu ta’ dan l-apparat.
Taħt il-ġilda: injezzjoni waħda ta’ 0.2 ml għal kull fellus ta’ ġurnata.
In ovo: Injezzjoni waħda ta’ 0.05 ml għal kull bajda fit-18–il ġurnata ta’ embrijoniżżazzjoni
Ilbes ingwanti protettivi u nuċċali waqt li l-kontenut ta’ l-ampullett ikun qed idub u waqt il-ftuħ.
Neħħi mil-kontenitur tan-nitroġenu likwidu dawk l-ampulletti biss ji se jintużghu immedjatament. Meta dan il-prodott jitħallat mal-vaċċin kontra l-marda ta’ Marek li fih jew l- istrejn Rispens (CV 1988) jew l-istrejn RN1250, it-tnejn għandhom jiġu dilwiti fl-istess borża tas-solvent.
Dewweb il-kontenut tal-ampulletti malajr billi tħawwad fl-ilma f’temperatura ta’ bejn
25°C-30°C. Ipproċedi mmedjatament ghall-pass li jmiss.
Kif appena jdubu, iftaħ l-ampulletti waqt li żżommhom ‘il bogħod minnek sabiex tipprevjeni kull riskju li tweġġa jekk jinkiser xi ampullett.
Ladarba l-ampullett jinfetaħ, iġbed il-kontenut tiegħu f’siringa sterilizzata ta’ 5 ml.
Ittrasferixxi s-suspensjoni għal ġol-dilwent (Tużax jekk imdardar).
Iġbed 2 ml tal-kontenut tad-dilwent għal ġo s-siringa.
Laħlaħ l-ampullett b’dawn iż-2 ml umbagħad ittrasferixxi il-likwidu li laħlaħt bih fid-dilwent.
Irrepeti l-operazzjoni tat-tlaħliħ darba jew tnejn.
Irrepeti l-operazzjonijiet tat-tidwib, tal-ftuħ, tat-trasferiment u tat-tlaħliħ, ghan-numru approprijat ta’ ampulletti li għandhom jiġu rikostitwiti fid-dilwent; jew ampullet ta’ 1,000 doza ta’ vaċċin għal kull 200 ml ta’ dilwent (jew ampullet ta’ 2,000 doża ta’ vaċċin għal kull 400 ml ta’ dilwent) għall-użu taħt il-ġilda, jew 4 ampulletti ta’ 1,000 doża ta’ vaċċin għal kull 200 ml ta’ dilwent (jew 4 ampulletti ta’ 2,000 doża ta’ vaċċin għal kull 400 ml ta’ dilwent) għall–użu in ovo.
Ħawwad bil-mod il-vaċċin dilwit ippreparat kif hawn fuq deskritt sabiex ikun lest għall-użu.
Għandu jiġi wżat immedjatament wara li jiġi ppreparat (il- vaċċin dilwit kollu għandu jiġi wżat fi żmien siegħa). Din hi ir-raġuni għala is-suspensjoni tal- vaċċin għandu jiġi ppreparat kif u meta jinħtieġ biss.
Xejn.
Żomm fejn ma jidhirx u ma jintlaħaqx mit-tfal. Aħżen il-vaċċin fin-nitroġenu likwidu.
Tużax wara d-data tal-iskadenza fuq l-ampullett.
Żmien li l-vaċċin jibqa' tajjeb wara li jiġi rikostitwit: sa sagħtejn f’temperatura taħt il- 25°C
Prekawzjonijiet speċjali għal kull speċi li għaliha hu indikat il-prodott: Laqqam biss tjur li huma f’saħħithom
Prekawzjonijiet speċjali għall-użu fl-annimali:
Applika il-prekawzzjonijiet asettiċi tas-soltu għall-proċeduri kollha ta’ amministrazzjoni.
Bħala vaċċin ħaj, dan jista jinxtered għad-dundjani mill-eskrement tat-tjur vaċċinati. Testijiet għas-safety u għar-riverżjoni għall-virulenza urew li t-tip ta’ vaċċin m’hux ta’periklu għad-dundjani. Madanakollu miżuri ta’ prekawzzjoni għandhom jittieħdu sabiex jiġi evitat kuntatt dirett jew indirett bejn flieles vaċċinati u dundjani.
Prekawzjonijiet speċjali li għandhom jittieħdu mill-persuna li tamministra l-prodott mediċinali
veterinarju lill-annimali:
Ilbes ingwanti protettivi u nuċċali waqt li l-kontenut ta’ l-ampullett ikun qed idub u waqt li qed tiftaħ
il-prodott.
Tqala u treddigħ:
Tużax fi tjur li qed ibidu u fi tjur li jkun għar-riproduzzjoni.
Interazzjoni ma’ prodotti mediċinal oħrajn u forom oħrajn ta’ interazzjoni:
Għal taħt il-ġilda:
Hemm informazzjoni ta’sigurtà u effikaċja li turi li dan il-vaċċin jista jitħallat ma vaċċini attenwati tal- Boehringer Ingelheim kontra l-marda ta’ Marek li fihom jew l-istrejn tar-Rispens (CV1988) jew l- istrejn RN1250. Tiġieġ li għandhom antikorpi derivati mill-omm kontra l-marda ta’ Marek , meta jitlaqqmu bil-prodotti mħallta, jista’ jkollhom dewmien fil-bidu tal-immunità kotra l-Infectious Bursal Disease.
Hemm informazzjoni ta’ sigurta u effikaċja li turi li din it-tilqima tista’ tiġi amministrata fl-istess ġurnata imma mhux imħallta ma vaċċini attenwati tal-Boehringer Ingelheim kontra il-marda ta’ Newcastle u l-Bronkite Infettiva.
M'hemmx informazzjoni dwar is-sigurtà u l-effikaċja ta’ din it-tilqima meta tintuża flimkien ma kwalunkwe prodott mediċinali veterinarju ħlief dawk il-prodotti hawn fuq imsemmija. Id-deċiżjoni sabiex tintuża din it-tilqima qabel jew wara xi prodott mediċinali veterinarju ieħor għaldaqstant għandha tittieħed każ b’każ.
Bil-metodu in ovo:
Fin-nuqqas ta’ studji speċifiċi, l-ebda prodott mediċinali veterinarju ieħor m’għandu jiġi amministrat fl-istess żmien ma dan il-prodott.
Armi dawk l-ampulletti li ġew imdewwba bi żball. Terġax tiffriżhom taħt l-ebda ċirkostanza. Terġax tuża kontenituri miftuħa tal-vaċċin dilwit.
Xi prodott veterinarju mediċinali mhux użat jew xi materjal idderivat minn dawn il-prodotti veterinarji
mediċinali għandhom jintremew skont kif jitolbu r-regolamenti lokali.
Informazzjoni dettaljata dwar dan il-prodott mediċinali veterinarju tinstab fuq il-websajt tal-Aġenzija Ewropea dwar il-Mediċini /.
Vaccin attiv rikombinat kontra il-Marda Infettiva Bursal u l-Marda ta’ Marek.
It-tip ta’ vaċċin huwa il-Herpesvirus rikombinat tad-dundjani (HVT) li jesprimi l-antiġen protettiv (VP2) tal-Faragher 52/70 strain tal-virus (IBDV) tal-Marda Infettiva Bursal.
Il- vaċċin jinduċi immunita’ attiva u azzjoni seroloġika kontra il-Marda Infettiva Bursal u kontra il-
Marda ta’ Marek fit-tiġieġ.
ampullett (tal-ħġieġ) ta’ 1000 doża ta’ vaċċin, kontenitur ta’ 5 ampulletti.
ampullett (tal-ħġieġ) ta’ 2000 doża ta’ vaċċin, kontenitur ta’ 4 ampulletti.
Il-kontenituri tal-ampulletti huma maħzuna ġo kanister, u ġo kontenituri bin-nitroġenu likwidu.
Flixkun (tal-polypropylene) ta’ 200 ml ta’ dilwent.
borża (tal-polyvinychloride) ta’ 200 ml, 400ml, 600 ml, 800ml, 1000ml, 1200ml, 1400ml, 1600ml 1800ml jew 2400 ml ta’ dilwent
Mhux id-daqsijiet kollha tal-pakketti jistgħu jitpoġġew fis-suq Prodott veterinarju mediċinali suġġett għar-ricetta.