Fuljett ta’ tagħrif: Informazzjoni għall-pazjent

Desloratadine ratiopharm 5 mg pilloli miksija b’rita

desloratadine

Għall-adulti

Aqra sew dan il-fuljett kollu qabel tibda tieħu din il-mediċina peress li fih informazzjoni importanti għalik.

Dejjem ħu din il-mediċina eżatt kif deskritt f’dan il-fuljett jew kif qallek it-tabib jew l-ispiżjar tiegħek.

• Żomm dan il-fuljett. Jista’ jkollok bżonn terġa’ taqrah.

• Staqsi lill-ispiżjar tiegħek jekk tkun trid aktar informazzjoni jew pariri.

• Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett

  sekondarju possibbli li mhuwiex elenkat f’dan il-fuljett. Ara sezzjoni 4.

• Jekk ma tħossokx aħjar jew jekk tmur għall-agħar għandek tkellem tabib wara 7 ijiem.

  
  

  F’dan il-fuljett

  
  

  1. X’inhu Desloratadine ratiopharm u għalxiex jintuża

  2. X’għandek tkun taf qabel ma tieħu Desloratadine ratiopharm

  3. Kif għandek tieħu Desloratadine ratiopharm

  1. Effetti sekondarji possibbli

  2. Kif taħżen Desloratadine ratiopharm

  3. Kontenut tal-pakkett u informazzjoni oħra

  
  

  1. X’inhu Desloratadine ratiopharm u għalxiex jintuża X’inhu Desloratadine ratiopharm

     Desloratadine ratiopharm fih desloratadine li hi antiistamin.

     
     

     Kif jaħdem Desloratadine ratiopharm

     Desloratadine ratiopharm hija mediċina kontra l-allerġiji li ma traqqdekx. Tgħinek tikkontrolla r- reazzjoni allerġika tiegħek u s-sintomi tagħha.

     
     

     Meta għandu jintuża Desloratadine ratiopharm

     Desloratadine ratiopharm itaffi s-sintomi assoċjati ma’ rajnajtis allerġiku (infjammazzjoni tal-passaġġi fl-imnieħer ikkawżata minn allerġija, per eżempju hay fever jew allerġija għad-dust mites) fl-adulti. Dawn is-sintomi jinkludu għatis, imnieħer inixxi jew ħakk fl-imnieħer, ħakk fis-saqaf tal-ħalq u ħakk, ħmura jew dmugħ fl-għajnejn.

     
     

     Desloratadine ratiopharm jintuża wkoll biex itaffi s-sintomi assoċjati ma’ urtikarja idjopatika kronika (kundizzjoni tal-ġilda b’kawża mhux magħrufa), inizjalment iddijanjostikata mit-tabib tiegħek. Dawn is-sintomi jinkludu ħakk u ħbiebeż.

     
     

     Is-serħan minn dawn is-sintomi jibqa’ ġurnata sħiħa u jgħinek terġa tibda l-attivitajiet ta’ kuljum u fl-

     irqad.

     
     

     Jekk ma tħossokx aħjar jew jekk tmur għall-agħar għandek tkellem tabib wara 7 ijiem. Jekk tinnota diffikultajiet fit-teħid tan-nifs jew nefħa fix-xufftejn, ilsien jew gerżuma għandek tkellem tabib minnufih.

     
     

  2. X’għandek tkun taf qabel ma tieħu Desloratadine ratiopharm Tiħux Desloratadine ratiopharm

     • jekk inti allerġiku għal desloratadine, loratadine jew għal xi sustanza oħra ta’ din il-mediċina (imniżżla fis-sezzjoni 6).

       Twissijiet u prekawzjonijiet

       Kellem lit-tabib jew lill-ispiżjar tiegħek qabel tieħu Desloratadine ratiopharm:

     • jekk il-funzjoni tal-kliewi hija batuta jew jekk għandek mard sever tal-fwied.

     • jekk għandek storja medika ta’ aċċessjonijiet jew storja ta’ aċċessjonijiet fil-familja.

       
       

       Jekk tbati minn urtikarja idjopatika kronika, din għandha tkun iddijanjostikata mit-tabib tiegħek qabel ma tieħu Desloratadine ratiopharm.

       
       

       Użu fi tfal u adolexxenti

       Tagħtix din il-mediċina lil adolexxenti u tfal iżgħar minn 18-il sena.

       
       

       Mediċini oħra u Desloratadine ratiopharm

       Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra. M’hemmx tagħrif dwar interazzjonijiet ta’ Desloratadine ratiopharm ma’ mediċini oħra.

       
       

       Desloratadine ratiopharm ma’ ikel, xorb u alkoħol Desloratadine ratiopharm jista’ jittieħed mal-ikel jew waħdu. Oqgħod attent meta tieħu Desloratadine ratiopharm mal-alkoħol.

       
       

       Tqala, treddigħ u fertilità

       Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.

       It-teħid ta’ Desloratadine ratiopharm mhuwiex rakkomandat jekk inti tqila.

       It-tabib tiegħek se jiddeċiedi jekk għandekx tieqaf tredda’ lit-tarbija tiegħek jew twaqqafx it-trattament b’Desloratadine ratiopharm.

       M’hemmx dejta disponibbli dwar il-fertilità tal-irġiel/tan-nisa.

       
       

       Sewqan u tħaddim ta’ magni

       Fid-doża rakkomandata, din il-mediċina mhijiex mistennija li taffettwa l-ħila tiegħek li ssuq jew li tħaddem magni. Għalkemm ħafna nies ma jesperjenzawx ħedla, huwa rakkomandat li ma tinvolvix

       ruħek f’attivitajiet li jeħtieġu prontezza mentali bħas-sewqan ta’ karozza jew tħaddim ta’ makkinarju

       qabel inti tkun stabbilixxejt ir-rispons tiegħek personali għall-prodott mediċinali.

       
       

       Desloratadine ratiopharm fih lactose u sodium

       Jekk it-tabib tiegħek qallek li għandek intolleranza għal ċerti tipi ta’ zokkor, ikkuntattja lit-tabib

       tiegħek qabel tieħu dan il-prodott mediċinali.

       
       

       Din il-mediċina fiha anqas minn 1 mmol sodium (23 mg) f’kull pillola, jiġifieri essenzjalment ‘ħieles

       mis-sodium’.

       
       

  3. Kif gћandek tieћu Desloratadine ratiopharm

     
     

     Dejjem għandek tieħu din il-mediċina eżatt kif deskritt f’dan il-fuljett jew skont il-parir tat-tabib jew tal-ispiżjar tiegħek. Iċċekkja mat-tabib jew mal-ispiżjar tiegħek jekk ikollok xi dubju.

     
     

     Id-doża rakkomandata hija pillola waħda kuljum mal-ilma.

     
     

     Il-pillola tista’ tittieħed mal-ikel jew fuq stonku vojt. Ibla’ l-pillola sħiħa.

     
     

     It-tul tat-trattament jiddependi mit-tip, it-tul u l-kors tas-sintomi tiegħek. Għandek tkellem tabib jekk ma tħossokx aħjar jew jekk tmur għall-agħar wara 7 ijiem. Jekk tinnota diffikultajiet fit-teħid tan-nifs jew nefħa fix-xufftejn, ilsien jew gerżuma għandek tkellem tabib immedjatament.

     Jekk is-sintomi tiegħek ta’ rinite allerġika kienu jdumu anqas minn 4 ijiem fil-ġimgħa jew anqas minn 4 ġimgħat fil-passat, jekk jogħġbok uża din il-mediċina sakemm is-sintomi tiegħek jgħaddu. Tista’ terġa’ tibda tuża din il-mediċina, meta jerġgħu jibdew is-sintomi.

     
     

     Jekk is-sintomi allerġiċi tiegħek kienu jdumu għal perjodu itwal fil-passat (4 ijiem fil-ġimgħa jew aktar u għal aktar minn 4 ġimgħat), jista’ jkun meħtieġ trattament kontinwu matul il-perjodu ta’ esponiment għall-allerġen.

     
     

     Għal urtikarja idjopatika kronika, jista’ jkun meħtieġ trattament għal aktar minn 6 ġimgħat, skont is- sintomi tiegħek. Jekk is-sintomi jerġgħu jitfaċċaw wara li twaqqaf it-trattament, tista’ terġa tieħu din il-mediċina mill-ġdid.

     
     

     Jekk tieħu Desloratadine ratiopharm aktar milli suppost

     Mhux mistennija problemi serji b’doża eċċessiva aċċidentali. Madankollu, jekk tieħu aktar

     Desloratadine ratiopharm milli suppost, għid lit-tabib jew lill-ispiżjar tiegħek minnufih.

     
     

     Jekk tinsa tieħu Desloratadine ratiopharm

     Jekk tinsa tieħu id-doża fil-ħin, ħudha malli tiftakar u mbagħad erġa’ lura għall-iskeda regolari

     tiegħek. M’għandekx tieħu doża doppja biex tpatti għal kull doża li tkun insejt tieħu.

     
     

     Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.

     
     

  4. Effetti sekondarji possibbli

     
     

     Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux

     f’kulħadd.

     
     

     L-effetti sekondarji li ġejjin huma rari ħafna, iżda għandek tieqaf tieħu din il-mediċina u tfittex parir mediku urġenti minnufih jekk tinnotahom:

     reazzjonijiet allerġiċi qawwija (diffikultà fit-teħid tan-nifs, tħarħir, ħakk, ħorriqija u nefħa).

     
     

     Effetti sekondarji oħra li jistgħu jseħħu:

     
     

     Komuni (jistgħu jaffettwaw sa persuna waħda minn kull 10)

     • għeja kbira

     • ħalq xott

     • uġigħ ta’ ras

       
       

       Rari ħafna (jistgħu jaffettwaw sa persuna 1 minn kull 10,000)

     • raxx

     • qalb tħabbat b’mod qawwi jew irregolari, qalb tħabbat b’mod mgħaġġel

     • uġigħ fl-istonku, tħossok se tirremetti (dardir), rimettar, stonku mdardar, dijarea

     • sturdament, ngħas, ma tkunx tista’ torqod, aċċessjonijiet, irrekwitezza b’żieda fil-moviment tal-

       ġisem

     • uġigħ fil-muskoli

     • alluċinazzjonijiet

     • infjammazjoni tal-fwied, testijiet tal-funzjoni tal-fwied mhux normali

       
       

       Mhux magħruf (ma tistax tittieħed stima tal-frekwenza mid-data disponibbli)

     • dgħufija mhux tas-soltu

     • il-ġilda u/jew l-abjad tal-għajnejn jisfaru

     • żieda fis-sensittività tal-ġilda għax-xemx, anke f’każ ta’ xemx imċajpra, u għal dawl UV, per eżempju għal dwal UV ta’ solarju

     • qalb tħabbat bil-mod, bidliet fil-mod kif tħabbat il-qalb

     • imġiba mhux normali, aggressjoni

     • żieda fil-piż, żieda fl-aptit

     • burdata depressa

     • għajnejn xotti

     
     

     Rappurtar tal-effetti sekondarji

     

     Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.

     
     

  5. Kif taħżen Desloratadine ratiopharm

     
     

     Żomm din il-mediċina fejn ma tidhirx u ma tintlaħaqx mit-tfal.

     
     

     Tużax din il-mediċina wara d-data ta’ meta tiskadi li tidher fuq il-kartuna u l-folja wara EXP. Id-data ta’ meta tiskadi tirreferi għall-aħħar ġurnata ta’ dak ix-xahar.

     
     

     Taħżinx f’temperatura ’l fuq minn 30°C.

     Aħżen fil-pakkett oriġinali sabiex tilqa’ mill-umdità.

     
     

     Tużax din il-mediċina jekk tinnota xi tibdil fid-dehra tal-pilloli.

     
     

     Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif

     għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.

     
     

  6. Kontenut tal-pakkett u informazzjoni oħra X’fih Desloratadine ratiopharm

• Is-sustanza attiva hi desloratadine. Kull pillola miksija b’rita fiha 5 mg desloratadine.

• Is-sustanzi l-oħra huma:

Il-qalba tal-pillola: poloxamer tip 188, citric acid monohydrate, microcrystalline cellulose, maize starch, croscarmellose sodium, lactose monohydrate (ara sezzjoni 2 “Desloratadine ratiopharm fih lactose u sodium”), talc.

Il-kisja tal-pillola: polyvinyl alcohol (part. hydrolysed), titanium dioxide (E171), macrogol/PEG

3350, talc u indigo carmine aluminium lake (E132).

Kif jidher Desloratadine ratiopharm u l-kontenut tal-pakkett

Pilloli tondi, bikonvessi u blu miksija b’rita.

Desloratadine ratiopharm pilloli ta’ 5 mg miksija b’rita jiġu f’pakketti b’folji tal-PVC/PVdC/aluminju ta’ 7, 10, 14, 15, 20 u 30 pillola miksija b’rita. Jista’ jkun li mhux il-pakketti tad-daqsijiet kollha jkunu fis-suq.

Detentur tal-Awtorizzazzjoni għat-Tqegħid fis-Suq

ratiopharm GmbH Graf-Arco-Straße 3

89079 Ulm

Il-Ġermanja

Manifattur

Merckle GmbH

Ludwig-Merckle-Straße 3

89143 Blaubeuren

Il-Ġermanja jew

Teva Pharmaceutical Works Private Limited Company Pallagi út 13

4042 Debrecen

L-Ungerija jew

Pharmachemie B.V.

Swensweg 5

2031 GA Haarlem

L-Olanda jew

Teva Czech Industries s.r.o.

Ostravaská 29, c.p. 305

74770 Opava-Komárov Ir-Repubblika Ċeka

jew

Teva Operations Poland Sp. z o.o.

ul. Mogilska 80

31-546 Kraków Il-Polonja

Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:

België/Belgique/Belgien

Teva Pharma Belgium N.V./S.A./AG Tél/Tel: +32 38207373

Lietuva

UAB Teva Baltics Tel: +370 52660203

България

Тева Фарма ЕАД Тел: +359 24899585

Luxembourg/Luxemburg ratiopharm GmbH Allemagne/Deutschland Tél/Tel: +49 73140202

Česká republika

Teva Pharmaceuticals CR, s.r.o. Tel: +420 251007111

Magyarország

Teva Gyógyszergyár Zrt.

Tel: +36 12886400

Danmark

Teva Denmark A/S

Tlf: +45 44985511

Malta

Teva Pharmaceuticals Ireland L-Irlanda

Tel: +44 2075407117

Deutschland ratiopharm GmbH Tel: +49 73140202

Nederland

Teva Nederland B.V. Tel: +31 8000228400

Eesti

UAB Teva Baltics Eesti filiaal

Norge

Teva Norway AS

Tel: +372 6610801 Tlf: +47 66775590

Ελλάδα

Specifar Α.Β.Ε.Ε. Τηλ: +30 2118805000

Österreich

ratiopharm Arzneimittel Vertriebs-GmbH Tel: +43 1970070

España

Teva Pharma, S.L.U.

Tel: +34 913873280

Polska

Teva Pharmaceuticals Polska Sp. z o.o. Tel: +48 223459300

France

Teva Santé

Tél: +33 155917800

Portugal

ratiopharm - Comércio e Indústria de Produtos

Farmacêuticos, Lda. Tel: +351 214767550

Hrvatska

Pliva Hrvatska d.o.o.

Tel: +385 13720000

România

Teva Pharmaceuticals S.R.L.

Tel: +40 212306524

Ireland

Teva Pharmaceuticals Ireland Tel: +44 2075407117

Slovenija

Pliva Ljubljana d.o.o.

Tel: +386 15890390

Ísland

Teva Pharma Iceland ehf.

Sími: +354 5503300

Slovenská republika

TEVA Pharmaceuticals Slovakia s.r.o. Tel: +421 257267911

Italia

Teva Italia S.r.l.

Tel: +39 028917981

Suomi/Finland

Teva Finland Oy

Puh/Tel: +358 201805900

Κύπρος

Specifar Α.Β.Ε.Ε. Ελλάδα

Τηλ: +30 2118805000

Sverige

Teva Sweden AB

Tel: +46 42121100

Latvija

UAB Teva Baltics filiāle Latvijā

Tel: +371 67323666

United Kingdom (Northern Ireland)

Teva Pharmaceuticals Ireland

Ireland

Tel: +44 2075407117

Dan il-fuljett kien rivedut l-aħħar f’

.