Xagrid
anagrelide
anagrelide
Żomm dan il-fuljett. Jista' jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Xagrid u għalxiex jintuża
X’għandek tkun taf qabel ma tieħu Xagrid
Kif għandek tieħu Xagrid
Effetti sekondarji possibbli
Kif taħżen Xagrid
Kontenut tal-pakkett u informazzjoni oħra
Xagrid fih is-sustanza attiva, anagrelide. Xagrid huwa mediċina li jinterferixxi ma' l-iżvilupp tal- plejtlets. Huwa jnaqqas l-għadd ta' plejtlets magħmula fil-mudullun, li jirriżulta f'għadd imnaqqas ta' plejtlets fid-demm biex jintlaħaq livell aktar normali. Għal din ir-raġuni, huwa jintuża biex jittratta pazjenti bi tromboċitopenja essenzjali.
Tromboċitopenja essenzjali hija kondizzjoni li sseħħ meta l-mudullun jipproduċi wisq ċelluli tad- demm magħrufa bħala plejtlets. Għadd kbir ta' plejtlets fid-demm jistgħu joħolqu problemi serji fic- ċirkolazzjoni u fit-tagħqid tad-demm.
Jekk inti allerġiku għal anagrelide jew għal xi sustanza oħra ta' din il-mediċina (imniżżla fis-sezzjoni 6). Reazzjoni allerġika tista' tiġi rikonoxxuta b'raxx, ħakk, wiċċ jew xofftejn minfuħa jew qtugħ ta’ nifs;
Jekk għandek problemi moderati jew serji tal-fwied;
Jekk għandek problemi moderati jew serji tal-kliewi.
Kellem lit-tabib tiegħek qabel tieħu Xagrid:
Jekk għandek jew taħseb li jista' jkollok problema b'qalbek;
Jekk inti twelidt bi, jew għandek storja medika familjari ta’ intervall tal-QT imtawwal (li jidher fuq ECG, reġistrazzjoni elettrika tal-qalb), jew qed tieħu mediċini oħrajn li jirriżultaw f’tibdil mhux normali tal-ECG, jew jekk għandek livelli baxxi ta’ elettroliti, eż., potassium, magnesium jew calcium (ara sezzjoni “Mediċini oħra u Xagrid”);
Jekk għandek xi problemi bil-fwied jew il-kliewi tiegħek;
Flimkien ma’ acetylsalicylic acid (sustanza li tinsab f’ħafna mediċini li jintużaw għal-uġigħ u biex jitnaqqas id-deni, kif ukoll għall-prevenzjoni ta’ tagħqid tad-demm, magħrufa wkoll bħala aspirina), hemm żieda fir-riskju ta’ emorraġiji serji (ħruġ ta' demm) (ara sezzjoni “Mediċini oħra u Xagrid”).
Waqt li tkun qed tieħu Xagrid, għandek tieħu d-doża eżatta li ordnalek it-tabib tiegħek. Tiqafx tieħu l- mediċina mingħajr ma tkellem lit-tabib tiegħek l-ewwel. M’għandekx twaqqaf din il-mediċina f’daqqa mingħajr ma tikkonsulta lit-tabib tiegħek. It-twaqqif f’daqqa tal-mediċina jista’ jwassal għal riskju ogħla ta’ puplesija.
Is-sinjali u sintomi ta’ puplesija jistgħu jinkludu tnemnim jew dgħufija li jfeġġu f’daqqa fil-wiċċ, fid- driegħ, jew fir-riġel, speċjalment fuq naħa waħda tal-ġisem, konfużjoni li tfeġġ f’daqqa, diffikultà biex titkellem, jew diffikultà biex tifhem id-diskors, diffikultà li tfeġġ f’daqqa biex tara minn għajn waħda jew mit-tnejn li huma, diffikultà li tfeġġ f’daqqa biex timxi, sturdament, telf ta’ bilanċ, jew telf ta’ koordinazzjoni u wġigħ ta’ ras sever li jfeġġ f’daqqa mingħajr kawża magħrufa. Jekk jogħġbok fittex għajnuna medika immedjata.
Hemm informazzjoni limitata dwar l-użu ta’ Xagrid fit-tfal u fl-adolexxenti, u għalhekk din il- mediċina għandha tintuża bl-attenzjoni.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra. Għid lit-tabib tiegħek jekk qed tieħu xi waħda minn dawn il-mediċini li ġejjin:
Mediċini li jistgħu jibdlu r-ritmu tat-taħbit tal-qalb tiegħek eż., sotalol, amiodarone;
Fluvoxamine, li jintuża biex jittratta d-dipressjoni;
Ċertu tip ta’ antibijotiċi, bħal enoxacin, li jintuża biex jittratta infezzjonijiet;
Theophylline, li jintuża biex jittratta problemi severi ta’ l-ażżma u tan-nifs;
Mediċini li jintużaw biex jittratta disturbi tal-qalb, per eżempju, milrinone, enoximone,
amrinone, olprinone and cilostazol;
Acetylsalicylic acid (sustanza li tinsab f’ħafna mediċini li jiintużaw għal-uġigħ u biex jitnaqqas id-deni, kif ukoll għall-prevenzjoni ta’ tagħqid tad-demm, magħrufa wkoll bħala aspirina);
Mediċini oħrajn li jintużaw biex jittratta kundizzjonijiet li jaffettwaw il-plejtlits fid-demm tiegħek, eż., clopidogrel;
Omeprazole, li jintuża biex inaqqas l-ammont ta’ aċidu prodott fl-istonku;
Kontraċettivi orali: Jekk ikollok dijarea qawwija waqt li tkun qed tieħu din il-mediċina, din tista’ tnaqqas kemm jaħdem tajjeb il-kontraċettiv orali, u l-użu ta’ metodu ieħor addizzjonali ta’ kontraċezzjoni hu rakkomandat (eż., kondom). Ara l-istruzzjonijiet fil-fuljett ta’ tagħrif tal- pillola kontraċettiva li tkun qed tieħu.
Xagrid jew dawn il-mediċini jistgħu ma jaħdmux kif suppost jekk jittieħdu flimkien. Jekk m’intix ċert/a, kellem lit-tabib jew lill-ispiżjar tiegħek għall-parir.
Għid lit-tabib tiegħek jekk inti tqila jew qed tippjana biex tinqabad tqila. Xagrid m’għandux jingħata lil nisa tqal.Nisa li huma f'riskju li jinqabdu tqal għandhom ikunu ċerti li qed jużaw kontraċezzjoni effettiva meta jieħdu Xagrid. Kellem lit-tabib tiegħek jekk teħtieġ parir dwar kontraċezzjoni.
Għid lit-tabib tiegħek jekk qed tredda' jew qed tippjana li tredda' lit-tarbija tiegħek. Xagrid m'għandux jittieħed meta tkun qed tredda'. Għandek tieqaf tredda' jekk qed tieħu Xagrid.
Xi pazjenti rraportaw li kellhom sturdamenti meta kienu fuq Xagrid. La għandek issuq u lanqas tħaddem magni jekk tħossok stordut/a.
Lactose hu sustanza f’din il-mediċina. Jekk it-tabib tiegħek qallek li għandek intolleranza għal ċerti tipi ta’ zokkor, ikkuntattja lit-tabib tiegħek qabel tieħu din il-mediċina.
Dejjem għandek tieħu Xagrid skont il-parir eżatt tat-tabib tiegħek. Iċċekkja mat-tabib jew mal-ispiżjar tiegħek jekk ikollok xi dubju.
L-ammont ta' Xagrid li persuni jistgħu jieħdu jista' jkun differenti, u dan jiddependi mill-kundizzjoni tiegħek. It-tabib tiegħek ser jiktiblek l-aħjar doża adattata għalik.
Id-doża ta’ Xagrid li wieħed ġeneralment jibda biha hija ta' 1 mg. Għandek tieħu din id-doża bħala kapsula waħda ta’ 0.5 mg darbtejn kuljum, għal mill-inqas ġimgħa. Wara dan iż-żmien it-tabib tiegħek jista' jżid jew inaqqas in-numru ta' kapsuli li għandek tieħu sabiex tinstab l-aktar doża adattata għalik u li tittratta il-kundizzjoni tiegħek bl-aktar mod effettiv.
Il-kapsuli għandhom jinbelgħu sħaħ b'tazza ilma. Tgħaffiġx il-kapsuli jew tiddilwixxi l-kontenut f’likwidu. Tista’ tieħu l-kapsuli mal-ikel jew wara xi ikla jew fuq stonku vojt. L-aħjar hu li dawn il- kapsula(i) jittieħdu fl-istess ħin kuljum.
It-tabib tiegħek ser jgħidlek biex tagħmel testijiet tad-demm b'mod regolari sabiex jiċċekkja li l-mediċina qed taħdem b'mod effettiv u li l-fwied u l-kliewi tiegħek ikunu qed jaħdmu tajjeb.
Jekk tieħu Xagrid aktar milli suppost jew jekk xi ħadd ieħor ħa l-mediċina tiegħek, kellem lit-tabib jew lill-ispiżjar tiegħek minnufih. Urihom il-pakkett ta' Xagrid.
Ħu l-kapsuli tiegħek malli tiftakar. Ħu d-doża li jmiss fil-ħin li suppost. M’għandekx tieħu doża doppja biex tpatti għal kull doża li tkun insejt tieħu.
Bħal kull mediċina oħra, Xagrid jista’ jikkawża effetti sekondarji, għalkemm ma jidhrux f’kulħadd. Jekk qed tinkwieta, kellem lit-tabib tiegħek.
Effetti sekondarji serji:
Mhux komuni: Insuffiċjenza tal-qalb (sinjali jinkludu qtugħ tan-nifs, uġigħ fis-sider, nefħa fis-saqajn minħabba akkumulazzjoni ta’ fluwidu), problema serja bit-rata jew ritmu ta’ taħbit tal-qalb
(takikardija ventrikulari, takikardija supraventrikulari jew fibrillazzjoni atrijali), infjammazzjoni tal-
frixa li tikkawża wġigħ ta’ żaqq qawwi u wġigħ ta’ dahar (pankreatite), tirremetti d-demm, jew ikollok
ippurgar bid-demm jew iswed, tnaqqis sever fiċ-ċelluli tad-demm li jista’ jikkawża dgħufija, tbenġil, ħruġ ta’ demm jew infezzjonijiet (panċitopenija), pressjoni tad-demm pulmonari għolja (is-sinjali jinkludi qtugħ ta’ nifs, infiħ tar-riġlejn jew l-għekiesi, u x-xufftejn u l-ġilda jistgħu jsiru ta’ kulur blu). Rari: Insuffiċjenza tal-kliewi (meta tagħmel ftit jew xejn awrina), attakk tal-qalb.
immedjatament.
Effetti sekondarji komuni ħafna: jistgħu jaffettwaw iktar minn persuna 1 f’10
Uġigħ ta’ ras.
Effetti sekondarji komuni: jistgħu jaffettwaw sa 1 minn kull 10 persuni
Sturdament, għeja, taħbit tal-qalb mgħaġġel, taħbit tal-qalb irregolari jew qawwi (palpitazzjonijiet), tħossok imdardar (dardir), dijarea, uġigħ fl-istonku, indiġestjoni u gass, tirremetti (rimettar), tnaqqis
żgħir fl-għadd ta' ċelloli ħomor tad-demm (anemija), akkumulazzjoni ta' fluwidu jew raxx.
Effetti sekondarji mhux komuni: jistgħu jaffettwaw sa 1 minn kull 100 persuna
Tħossok debboli jew ma tħossokx f'tiegħek, pressjoni għolja tad-demm, taħbit tal-qalb irregolari, ħass ħażin, sried jew deni, indiġestjoni, telf ta’ aptit, stitikezza, tbenġil, ħruġ ta’ demm, nefħa (edema), telf
ta' piż, uġigħ fil-muskoli, ġogi muġugħa, uġigħ fid-dahar, tnaqqis jew telf ta’ ħass jew sensazzjoni
bħal tnemnim, speċjalment fil-ġilda, sensazzjoni anormali jew sensazzjoni bħal tnemmin u sensazzjoni bħal qisu xi ħadd qed iniggżek bil-labar, ngħas, dipressjoni, konfużjoni, nervi, ħalq xott, telf ta' memorja, nuqqas ta' nifs, l-imnieħer jinfaraġ, infezzjoni serja fil-pulmun bid-deni, qtugħ ta’ nifs, sogħla, imħat li jinqata’ mas-sogħla; telf ta' xagħar, ħakk fil-ġilda jew tibdil fil-kulur, impotenza,
uġigħ fis-sider, tnaqqis fil-plejtlits tad-demm, li jżid ir-riskju ta’ ħruġ ta’ demm jew tbenġil (tromboċitopenija), akkumulazzjoni ta’ fluwidu madwar il-pulmun jew żieda fl-enżimi tal-fwied. It-
tabib tiegħek għandu mnejn jagħmel test tad-demm li jista’ juri żieda fil-livelli ta' l-enżimi tal-fwied
tiegħek.
Effetti sekondarji rari: jistgħu jaffettwaw sa 1 minn kull 1,000 persuna
Fsada fil-ħanek, żieda fil-piż, uġigħ sever fis-sider (anġina pectoris), mard fil-muskolu tal-qalb (sinjali jinkludu għeja, uġigħ fis-sider u palpitazzjonijiet), qalb imkabbra, akkumulazzjoni ta’ fluwidu madwar il-qalb, spażmu tal-kanali tad-demm ta’ fuq il-qalb li jikkawża wġigħ (waqt il-mistrieħ, normalment billejl jew kmieni filgħodu) (anġina ta’ Prinzmetal), telf fil-koordinazzjoni, diffikultà meta wieħed jitkellem, ġilda xotta, emigranja, disturbi fil-vista jew vista doppja, ċenċil fil-widnejn, sturdament
meta tqum bilwieqfa (speċjalment meta tqum minn pożizzjoni bilqiegħda jew mimduda), bżonn aktar ta' spiss biex tagħmel l-awrina bil-lejl, uġigħ, sintomi bħal tar-riħ / l-influwenza, ngħas, twessigħ tal- vini/arterji tad-demm, infjammazzjoni tal-musrana l-kbira (sinjali jinkludu: dijarea, normalment bid- demm u mukus, uġigħ fl-istonku, deni), infjammazzjoni tal-istonku (sinjali jinkludu: uġigħ, dardir, rimettar), żona ta’ densità mhux normali fil-pulmun, żieda fil-livell tal-krejatinina fit-testijiet tad- demm, li tista’ tkun sinjal ta’ problemi fil-kliewi.
L-effetti sekondarji li ġejjin ġew irrappurtati, iżda mhux magħruf eżattament kemm iseħħu ta' spiss:
Taħbit irregolari tal-qalb potenzjalment fatali (Torsade de pointes);
Infjammazzjoni tal-fwied; is-sintomi jinkludu dardir, rimettar, ħakk, sfura tal-ġilda u l-għajnejn,
tibdil tal-kulur fl-ippurgar u fl-awrina (epatite);
Infjammazzjoni tal-pulmun (sinjali jinkludu deni, sogħla, diffikultà biex tieħu n-nifs, tħarħir; li tikkawża ċikatriċi tal-pulmun) (alveolite allerġika, li tinkludi mard interstizjali tal-pulmun, pnewmonite);
Infjammazzjoni tal-kliewi (Nefrite tubulointerstizjali).
Puplesija (ara sezzjoni 2).
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l-
effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u t-tikketta tal-flixkun wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
Din il-mediċina m’għandhiex bżonn ħażna speċjali.
Jekk it-tabib tiegħek iwaqqaflek il-mediċina tiegħek, iżżomx il-kapsuli li jibqalek sakemm ma jkunx qallek biex iżżommhom it-tabib.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi anagrelide. Kull kapsula fiha 0.5 mg ta’anagrelide (bħala anagrelide
hydrochloride).
Is-sustanzi mhux attivi l-oħra huma:
Il-kontenut tal-kapsula: povidone (E1201); crospovidone; lactose, anhydrous; lactose monohydrate; cellulose, microcrystalline (E460) u magnesium stearate.
Qoxra tal-kapsula: gelatin u titanium dioxide (E171).
Linka ta’ l-istampar: shellac; strong ammonium solution, potassium hydroxide (E525); black iron oxide (E172).
Xagrid hu pprovdut bħala kapsuli opaki, bojod u ibsin. Huma mmarkati b’‘S 063’.
Il-kapsuli huma pprovduti fi fliexken li fihom 100 kapsula iebsa. Il-flixkun fih ukoll kontenitur żgħir issiġillat. Dan fih sustanza li tnixxef biex iżżomm il-kapsuli nexfin. Żomm il-kontenitur issiġillat fil-
flixkun. Tneħħix u tikolx is-sustanza li tnixxef.
Takeda Pharmaceuticals International AG Ireland Branch Block 3 Miesian Plaza
50 – 58 Baggot Street Lower
Dublin 2 L-Irlanda
Tel: +800 66838470
E-mail: medinfoEMEA@takeda.com
. Hemm ukoll links għal siti elettroniċi oħra dwar mard rari u trattamenti.