Fortacin
lidocaine, prilocaine
lidocaine/prilocaine
Dejjem uża din il-mediċina eżatt kif deskritt f’dan il-fuljett jew kif qallek it-tabib jew l-ispiżjar
tiegħek.
Żomm dan il-fuljett. Jista’ jkollok bżonn terġa’ taqrah.
Staqsi lill-ispiżjar tiegħek jekk tkun trid aktar informazzjoni jew pariri.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
Jekk ma tħossokx aħjar jew jekk tmur għall-agħar għandek tkellem tabib.
X’inhu Fortacin u gћalxiex jintuża
X’għandek tkun taf qabel ma tuża Fortacin
Kif għandek tuża Fortacin
Effetti sekondarji possibbli
Kif taħżen Fortacin
Kontenut tal-pakkett u informazzjoni oħra
Fortacin huwa kombinazzjoni ta’ żewġ mediċini: lidocaine u prilocaine. Dawn jappartjenu għal grupp ta’ mediċini msejħa anestetiċi lokali.
Fortacin huwa indikat għat-trattament ta’ eġakulazzjoni prematura li sseħħ fl-irġiel adulti (li għandhom 18-il sena u aktar) mal-ewwel att sesswali. Dan jekk inti dejjem, jew kważi dejjem, tkun eġakulajt fi żmien minuta tal-att sesswali u dan iġiegħlek tħoss effetti emozzjonali negattivi. Fortacin jaħdem billi jnaqqas is-sensittività tar-ras tal-pene biex iżid il-ħin qabel l-eġakulazzjoni.
jekk inti jew is-sieħeb/sieħba tiegħek intom allerġiċi għal lidocaine jew prilocaine jew għal xi sustanza oħra ta’ din il-mediċina (imniżżla fis-sezzjoni 6).
jekk inti jew is-sieħeb/sieħba tiegħek għandkom storja ta’ allerġija jew sensittività għal anestetiċi lokali oħra li għandhom struttura simili (magħrufa bħala anestetiċi lokali tat-tip amide).
Kellem lit-tabib jew lill-ispiżjar tiegħek qabel tuża Fortacin.
jekk inti, jew is-sieħeb/sieħba tiegħek, ġejtu dijanjostikati b’marda ġenetika jew b’kondizzjoni oħra li taffettwa ċ-ċelloli tad-demm ħomor (defiċjenza ta’ glucose 6 phosphate, anemija jew methaemoglobinaemia);
jekk għandek storja ta’ sensittività għal mediċini, speċjalment jekk m’intix ċert liema mediċina tikkawża s-sensittività;
jekk issofri minn problemi severi fil-fwied.
L-eġakulazzjoni prematura jista’ jkun li sseħħ minħabba kundizzjoni li tkun teħtieġ sorveljanza medika. Jekk dan il-prodott li jintuża skont l-istruzzjonijiet ma jipprovdix serħan, ikkonsulta tabib.
Fortacin ma jistax jintuża ma’ kondoms tal-irġiel u tan-nisa bla latex magħmulin
mill-polyurethane minħabba li dawn il-kondoms jistgħu jiddeterjoraw meta jintużaw flimkien ma’ Fortacin u għalhekk jistgħu jonqsu milli jipproteġu kontra l-mard trażmess sesswalment jew it-tqala. Fortacin jista’ jintuża flimkien ma’ apparati ta’ kontraċezzjoni li jkunu magħmulin minn lastku tal-latex, polyisoprene, nitrile u silicone peress li ma ntwera l-ebda deterjorament-. Iċċekkja sewwa minn liema materjal hu magħmul il-kontraċettiv tiegħek jew tas-sieħeb/sieħba tiegħek qabel ma tuża dan il-prodott. Staqsi lill-ispiżjar tiegħek jekk m’intix ċert.
Jekk tuża Fortacin mal-kondoms, huwa aktar probabbli li ma tkunx tista’ tiżviluppa jew iżżomm erezzjoni. Huwa wkoll aktar probabbli li jkollok sensazzjoni mnaqqsa fil-pene u madwaru.
Meta tuża din il-mediċina, b’mod partikolari meta tħejji l-kontenitur, immira l-kontenitur ’il bogħod minn wiċċek biex tevita kuntatt aċċidentali mal-widnejn, l-għajnejn, l-imnieħer u l-ħalq.
Jekk xi mediċina aċċidentalment tidħol f’għajnejk jew għajnejn is-sieħeb/sieħba tiegħek, laħlaħ immedjatament b’ilma kiesaħ jew b’soluzzjoni salina u pprova żommhom mgħottijin kemm tista’sakemm kwalunkwe effett, bħal tnemnim, jitlaq. Kun af li l-mekkaniżmi protettivi normali, bħal teptip, jew sensazzjoni li daħlet xi ħaġa fl-għajn, jistgħu jkunu assenti sakemm jitlaq
it-tnemnin.
Fortacin ma għandux jiġi f’kuntatt ma’ tambur tal-widnejn danneġġjat.
Fortacin jista’ jiġi wkoll f’kuntatt ma’ membrani mukużi oħrajn bħal ħalqek, imnieħrek jew griżmejk jew dawk tas-s-sieħeb/sieħba tiegħek, u dan jista’ jwassal biex tħosshom xi ftit imtarrxa għal xi ħin qasir. Peress li dan inaqqas il-kapaċità tiegħek li tħoss l-uġigħ f’dawn
il-partijiet, għandha tingħata aktar attenzjoni biex ma tagħmlilhomx ħsara sakemm jitlaq it-tnemnin.
Matul l-att sesswali, xi ammont żgħir ta’ din il-mediċina jista’ jiġi ttrasferit eż. lejn il-vaġina jew l-anus. Għalhekk, kemm inti kif ukoll is-sieħeb/sieħba tiegħek tistgħu tħossu tnemnim ħafif għal ħin qasir u għandkom toqogħdu attenti li ma tweġġgħux lilkom infuskom, b’mod partikolari waqt l-attività sesswali. Għal aktar informazzjoni rigward l-effetti sekondarji possibbli
fis-sieħeb/sieħba, ara sezzjoni 4.
Jekk inti jew is-sieħeb/sieħba tiegħek tiżviluppaw xi raxx jew irritazzjoni, waqqfu l-użu ta’ Fortacin. Jekk is-sintomi jippersistu, ikkonsulta tabib.
Din il-mediċina m’għandhiex tintuża fi tfal jew adolexxenti li għandhom anqas minn 18-il sena.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra. Huwa partikolarment importanti li tkellem lit-tabib tiegħek qabel ma tieħu Fortacin jekk tkun qed tieħu kwalunkwe waħda mill-mediċini li ġejjin li jistgħu jinteraġġixxu ma’ Fortacin:
anestetiċi lokali oħra
mediċini għall-qalb (mediċini anti-arritmijaċi)
mediċini magħrufa li jżidu r-riskju ta’ disturb li jnaqqas l-ammont ta’ ossiġnu fid-demm (methaemoglobinaemia), bħal dawk elenkati hawn taħt:
Benzocaine – anestetiku lokali li jintuża biex jittratta l-uġigħ u l-ħakk
Chloroquine, pamaquine, primaquine, quinine – li jintużaw biex jittrattaw il-malarja
Metoclopramide – li jintuża biex jittratta sintomi ta’ mard (dardir) u rimettar, inkluż f’pazjenti bl-emigranja
Glyceryl trinitrate (GTN, nitroglycerin), isosorbide mononitrate, erythrityl tetranitrate, pentaerythritol tetranitrate u mediċini oħra tan-nitrat u tan-nitrit li jintużaw biex tiġi ttrattata l-anġina (uġigħ fis-sider ikkawżat mill-qalb)
Sodium nitroprusside, isosorbide dinitrate – li jintużaw biex tiġi ttrattata pressjoni tad-demm għolja u insuffiċjenza tal-qalb
Nitrofurantoin – antibijotiku li jintuża biex jittratta infezzjonijiet urinarji u fil-kliewi
Sulphonamides (imsejħa wkoll mediċini sulpha), eż. sulfamethoxazole – antibjotiku li jintuża biex jiġu ttrattati infezzjonijiet fis-sistema urinarja, u sulfasalazine – li jintuża biex jittratta l-marda ta’ Crohn, il-kolite ulċerattiva u l-artrite idjopatika
Dapsone – li jintuża biex jiġu ttrattati kondizzjonijiet tal-ġilda bħal-lebbra u d-dermatite u anki biex tipprevjeni l-malarja u pnewmonja f’pazjenti b’riskju għoli
Phenobarbital, phenytoin – li jintużaw biex jittrattaw l-epilessija
Aċidu para-Aminosalicylic (PAS) – li jintuża biex jittrattaw t-tuberkulożi
Ir-risku ta’ methaemoglobinaemia jista’ jiżdied ukoll bl-użu ta’ ċerti żebgħat (żebgħa tal-anilina), jew il-naftalina tal-pestiċidi, għalhekk informa lit-tabib tiegħek jekk taħdem b’xi żebgħat jew pestiċidi kimiċi.
Fortacin mhuwiex approvat għall-użu min-nisa.
Ħu parir mingħand it-tabib jew l-ispiżjar tiegħek qabel ma tieħu xi mediċina.
Fortacin- m’għandux jintuża waqt li s-sieħba tiegħek hija tqila sakemm inti ma tużax kondom tal-irġiel effettiv, kif indikat hawn fuq f’sezzjoni 2 “Użu mal-kondoms”, biex tevita l-esponiment tat-tarbija
fil-ġuf.
Din il-mediċina tista’ tintuża waqt li s-sieħba tiegħek tkun qed tredda’.
Fortacin jista’ jnaqqas il-possibbiltà li tinqabad tqila. Għalhekk, il-pazjenti li jixtieq ikollhom it-tfal, għandhom jew jevitaw li jużaw Fortacin, jew, jekk din il-mediċina hija essenzjali biex ikun hemm penetrazzjoni, għandhom jaħslu l-pene glans bl-akbar reqqa possibbli ħames minuti wara li jkun ġiet applikat Fortacin, iżda qabel l-att sesswali.
Dejjem għandek tuża din il-mediċina eżatt kif deskritt f’dan il-fuljett. Iċċekkja mat-tabib jew mal-ispiżjar tiegħek jekk ikollok xi dubju.
Id-doża rakkomandata ta’ Fortacin hija ta’ 3 sprejjaturi (3 sprejjaturi = doża waħda) fuq ir-ras tal-pene mill-inqas 5 minuti qabel l-att sesswali. Jistgħu jintużaw massimu ta’ 3 dożi fi żmien 24 siegħa
b’tal-anqas 4 sigħat bejn kull doża.
M’għandhiex tinqabeż id-doża massima rakkomandata (3 dożi fi żmien 24 siegħa).
Qabel l-ewwel użu, ħawwad il-kontenitur tal-isprej għal ftit sekondi u mbagħad ħejji
l-mekkaniżmu tal-pompa billi tisprejja l-valv tliet darbiet fl-arja. Immira l-kontenitur ’il bogħod minn wiċċek biex tevita kuntatt mal-għajnejn, l-imnieħer, il-ħalq u l-widnejn.
Qabel kull doża sussegwenti, ħawwad il-kontenitur tal-isprej għal ftit sekondi u mbagħad erġa’ ħejji l-pompa billi tisprejja darba fl-arja.
Iġbed lura kwalunkwe prepuzju mir-ras tal-pene. Billi żżomm il-landa wieqfa (il-valv ’il fuq), applika doża waħda (3 sprejjaturi) ta’ Fortacin fuq ir-ras kollha tal-pene, billi tkopri terz tiegħu b’kull sprejjatura.
Stenna 5 minuti mbagħad imsaħ kwalunkwe sprej żejjed qabel l-att sesswali. Jekk tuża kondom, hu importanti li timsaħ kwalunkwe sprej żejjed (ara wkoll sezzjoni 2 għal aktar informazzjoni importanti rigward l-użu mal-kondoms).
Jekk tapplika żżejjed, imsħu.
Is-sintomi ta’ meta Fortacin jintuża żżejjed huma elenkati hawn taħt. Ikkuntattja lit-tabib jew
lill-ispiżjar tiegħek jekk tesperjenza xi waħda minn dawn. Hemm probabbiltà żgħira ħafna li dawn iseħħu jekk jintuża kif indikat:
Tħossok mhux f’siktek jew sturdut
Tnemnim tal-ġilda madwar il-ħalq u tnemnim tal-ilsien
Togħma anormali
Vista mċajpra
Żarżir fil-widnejn
Hemm ukoll riskju ta’ disturb li jnaqqas l-ammont ta’ ossiġnu fid-demm (methaemoglobinaemia). Dan huwa aktar probabbli meta ċerti mediċini jkunu ttieħdu fl-istess ħin. Jekk jiġri dan, il-ġilda ssir griża fl-ikħal minħabba nuqqas ta’ ossiġnu.
F’każijiet serji ta’ doża eċċessiva, is-sintomi jistgħu jinkludu aċċessjonijiet, pressjoni tad-demm baxxa, diffikultà biex tieħu nifs, qtugħ ta’ nifs u taħbit tal-qalb mibdul. Dawn l-effetti jistgħu jkunu fatali.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Inkapaċità li tiġi żviluppata jew tinżamm erezzjoni
sensazzjoni mnaqqsa fil-pene jew madwaru
sensazzjoni ta’ ħruq fil-pene jew madwaru
uġigħ ta’ ras
irritazzjoni lokali tal-griżmejn (jekk jinxtamm)
irritazzjoni tal-ġilda
ħmura fuq il-pene u madwaru
nuqqas ta’ eġakulazzjoni matul l-att sesswali
orgażmu anormali
tnemnim fil-pene u madwaru
uġigħ jew skumdità fil-pene u madwaru
ħakk fil-pene u madwaru
temperatura għolja
sensazzjoni ta’ ħruq fil-vaġina u madwarha
sensazzjoni mnaqqsa fil-vaġina u madwarha
uġigħ ta’ ras
irritazzjoni lokali tal-griżmejn (jekk jinxtamm)
infezzjoni (Candida) tat-traxx tal-vaġina
skumdità fl-anus u l-warrani
telf ta’ sensazzjoni fil-ħalq;
diffikultà jew uġigħ waqt li tgħaddi l-awrina
uġigħ fil-vaġina
skumdità jew ħakk fil-vulva u l-vaġina
Jekk inti jew is-sieħeb/sieħba sesswali tiegħek ikollkom xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistemata’rappurtarnazzjonali mniżżla f’Appendiċi V*. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq it-tikketta tal-kontenitur tal-isprej u l-kartuna wara “JIS”. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen f’temperatura taħt 25 °C. Tagħmlux fil-friża. Għandek tarmi l-kontenitur 12-il ġimgħa wara li tużah l-ewwel darba.
Il-kontenitur tal-metall huwa taħt pressjoni. Ittaqbux, tkissrux u taħarqux anki jekk ikun jidher vojt. Wara li jkunu ngħataw id-dożi kollha, fil-kontenitur ikun jifdal volum ta’fluwidu żejjed li ma jkunx jista’ jintuża.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanzi attivi huma lidocaine u prilocaine.
Kull mL tas-soluzzjoni fih 150 mg lidocaine u 50 mg prilocaine.
Kull sprej jagħti 50 mikrolitru li fih 7.5 mg lidocaine u 2.5 mg prilocaine.
Doża waħda hija ugwali għal 3 attwazzjonijiet.
Is-sustanza mhux attiva l-oħra hija norflurane.
Fortacin huwa sprej għal fuq il-ġilda bla kulur li jagħti fl-isfar ċar, soluzzjoni f’kontenitur tal-isprej tal-aluminju b’valv ta’ dożaġġ.
Kull pakkett fih kontenitur tal-isprej wieħed b’6.5 mL jew 5 mL ta’ soluzzjoni.
Kull kontenitur tal-isprej ta’ 6.5 mL jagħti minimu ta’ 20 doża.
Kull kontenitur tal-isprej ta’ 5 mL jagħti minimu ta’ 12-il doża.
Recordati Ireland Ltd. Raheens East Ringaskiddy Co. Cork L-Irlanda
Recordati Industria Chimica e Farmaceutica S.p.A. Via Matteo Civitali 1
20148 Milano L-Italja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Recordati Ireland Ltd. Tel: + 353 21 4379400
Recordati Ireland Ltd. Teл.: + 353 21 4379400
Recordati Ireland Ltd. Tlf: + 353 21 4379400
Recordati Ireland Ltd. Tel: + 353 21 4379400
Recordati Pharma GmbH Tel: + 49 (0) 731 7047 0
Recordati Ireland Ltd. Tel: + 353 21 4379400
Recordati Ireland Ltd. Tel: + 353 21 4379400
Recordati Ireland Ltd. Tlf: + 353 21 4379400
Recordati Hellas Pharmaceuticals A.E. Τηλ: + 30 210-6773822
Recordati Ireland Ltd. Tel: + 353 21 4379400
Casen Recordati, S.L. Tel: + 34 91 659 15 50
RECORDATI POLSKA sp. z o.o. Tel.: + 48 22 206 84 50
Laboratoires BOUCHARA-RECORDATI Tél: + 33 1 45 19 10 00
Jaba Recordati, S.A. Tel: + 351 21 432 95 00
Recordati Ireland Ltd. Tel: + 353 21 4379400
Recordati România S.R.L. Tel: + 40 21 667 17 41
Recordati Ireland Ltd. Tel: + 353 21 4379400
Recordati Ireland Ltd. Tel: + 353 21 4379400
Recordati Ireland Ltd. Sími: + 353 21 4379400
Recordati Industria Chimica e Farmaceutica S.p.A.
Tel: + 39 02 487871
Recordati Ireland Ltd. Puh/Tel: + 353 21 4379400
Recordati Ireland Ltd. Τηλ: + 353 21 4379400
Recordati Ireland Ltd. Tel: + 353 21 4379400
Recordati Ireland Ltd. Tel: + 353 21 4379400
Recordati Ireland Ltd. Tel: + 353 21 4379400
Informazzjoni dettaljata u aġġornata dwar din il-mediċina hi disponibbli billi tiskennja l-kodiċi QR t’hawn taħt u l-kartuna ta’ barra bi smartphone.
L-istess informazzjoni hi disponibbli wkoll fuq il-URL li ġej: www.fortacin.eu KodiċiQR www.fortacin.eu