Budesonide/Formoterol Teva
budesonide, formoterol
(budesonide/formoterol fumarate dihydrate)
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew l-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Ara sezzjoni 4.
X’ inhu Budesonide/Formoterol Teva u għalxiex jintuża (paġna 3)
X’ għandek tkun taf qabel ma tuża Budesonide/Formoterol Teva (paġna 5)
Kif għandek tuża Budesonide/Formoterol Teva (paġna 9)
Effetti sekondarji possibbli (paġna 18)
Kif taħżen Budesonide/Formoterol Teva (paġna 21)
Kontenut tal-pakkett u informazzjoni oħra (paġna 22)
Prodott mediċinali li m’għadux awtorizzat
Budesonide/Formoterol Teva fih żewġ sustanzi attivi differenti: budesonide u formoterol fumarate dihydrate.
Budesonide jappartjeni għal grupp ta’ mediċini msejħa kortikosterojdi’ magħrufin ukoll bħala ‘sterojdi’. Huwa jaħdem billi jnaqqas u jipprevjeni n-nefħa u l-infjammazzjoni fil-pulmuni tiegħek u jgħinek tieħu n-nifs aktar faċilment.
Formoterol fumarate dihydrate jappartjeni għal grupp ta’ mediċini msejħa’agonisti tal- adrenoriċetturi β2 li jaħdmu fit-tul’ jew ‘bronkodilaturi’ . Huwa jaħdem billi jirrilassa l-muskoli fil-passaġġi tal-arja tiegħek. Dan sejjer jgħin biex jiftaħ il-passaġġi tal-arja u sejjer jgħinek sabiex tieħu n-nifs aktar faċilment.
It-tabib tiegħek sejjer ordnalek din il-mediċina għall-kura tal-ażma jew mard kroniku ostruttiv tal- pulmuni (COPD).
Budesonide/Formoterol Teva jista’ jiġi ordnat f’żewġ modi differenti.
Uża Budesonide/Formoterol Teva kuljum. Din tgħin biex tipprevjeni s-sintomi tal-ażma bħal qtugħ ta’ nifs u tħarħir milli jseħħu.
Uża l-‘inalatur ta’ solljiev’ meta jiġuk is-sintomi tal-ażma, biex jagħmilha aktar faċli għalihom li jerġgħu jieħdu n-nifs.
Uża Budesonide/Formoterol Teva kuljum. Din tgħin biex tipprevjeni s-sintomi tal-ażma bħal qtugħ ta’ nifs u tħarħir milli jseħħu.
Uża Budesonide/Formoterol Teva meta tkun teħtieġ tieħu inalazzjonijiet jew puffs addizzjonali biex tistrieħ mis-sintomi tal-ażma u biex tagħmilha aktar faċli għalik biex terġa’ tieħu n-nifs. M’għandekx bżonn inalatur separat għal dan.
Is-COPD hija marda tal-passaġġi tal-arja fil-pulmuni fuq perjodu fit-tul, li sikwit hija kkawżata mit- tipjip. Sintomi jinkludu qtugħ ta’ nifs, sogħla, skumdità fis-sider u bili li jitilgħu mas-sogħla. Budesonide/Formoterol Teva jista’ jintuża wkoll biex jikkura s-sintomi ta’ COPD severa fl-adulti
Inti allerġiku għal budesonide, formoterol fumarate dihydrate, jew is-sustanza l-oħra ta’ din il- mediċina (elenkati fis-sezzjoni 6).
Kellem lit-tabib, l-ispiżjar jew l-infermier tiegħek qabel tieħu Budesonide/Formoterol Teva jekk
inti dijabetiku.
għandek infezzjoni fil-pulmun.
għandek pressjoni għolja tad-demm jew xi darba kellek problema b’qalbek (inkluż taħbita tal- qalb irregolari, polz mgħaġġel ħafna, tidjiq tal-arterji jew insuffiċjenza tal-qalb).
għandek problemi bil-glandoli tiegħek tat-tirojde jew adrenali.
għandek livelli baxxi ta’ potassju fid-demm.
Prodott mediċinali li m’għadux awtorizzat
għandek problemi severi fil-fwied.
Jekk kont qed tieħu pilloli tal-isterojdi għall-ażma jew COPD tiegħek, it-tabib tiegħek jista’ jnaqqas in-numru tal-pilloli li tieħu, ladarba tibda tuża Budesonide/Formoterol Teva. Jekk kont qed tieħu pilloli orali tal-isterojdi għal żmien twil, it-tabib tiegħek jista’ jkun iridek tagħmel testijiet tad- demm regolari. Meta tnaqqas il-pilloli tal-isterojdi, tista’ tħossok ġeneralment mhux f’siktek anki jekk is- sintomi ta’ sidrek jistgħu jkunu qegħdin jitjiebu. Jista’ jkollok sintomi bħal imnieħer misdud jew inixxi, dgħufija jew uġigħ fil-ġogi jew fil-muskoli u raxx (ekżema). Jekk xi wieħed minn dawn is- sintomi jinkwetak, jew jekk ikollok sintomi bħal uġigħ ta’ ras, għeja, dardir (tħossok ma tiflaħx) jew
rimettar (tkun ma tiflaħx), jekk jogħġbok ikkuntattja lit-tabib tiegħek mill-ewwel. Jista’ jkollok bżonn tiegħu mediċini oħra jekk tiżviluppa sintomi allerġiċi jew tal-artrite. Għandek tkellem lit-tabib tiegħek jekk inti inkwetat dwar jekk għandekx tkompli tuża Budesonide/Formoterol Teva.
It-tabib tiegħek jista’ jikkunsidra li jżidlek pilloli tal-isterojdi mal-kura tiegħek tas-soltu matul perjodi ta’ stress (pereżempju, meta jkollok infezzjoni f’sidrek jew qabel operazzjoni).
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra.
B’mod partikolari, għid lit-tabib jew lill-ispiżjar tiegħek jekk qiegħed tieħu xi waħda mill-mediċini li ġejjin:
β-imblokkaturi (bħal atenolol jew propranolol għall-pressjoni għolja tad-demm jew għal kundizzjoni tal-qalb), inkluż qtar tal-għajnejn (bħal timolol għall-glawkoma).
Mediċini għal taħbit tal-qalb mgħaġġel jew irregolari (bħal quinidine, disopyramide u procainamide).
Mediċini bħal digoxin, sikwit użati għall-kura ta’ insuffiċjenza tal-qalb.
Dijuretiċi, magħrufin ukoll bħala’pilloli tal-ilma’ (bħal furosemide). Dawn jintużaw għall-kura tal-pressjoni għolja tad-demm.
Mediċini sterojdi li tista’ tieħu mill-ħalq (bħal prednisolone).
Mediċini xanthine (bħal theophylline jew aminophylline). Dawn ta’ sikwit jintużaw għall-kura tal-ażma.
Bronkodilaturi oħra (bħal salbutamol).
Antidepressanti triċikliċi (bħal amitriptyline) u l-antidepressant nefazodone.
Mediċini msejħa inibituri tal-monoamine oxidase (bħal phenelzine, furazolidone u procardazine).
Mediċini tal-phenothiazine (bħal chlorpromazine u prochlorperazine).
Mediċini msejħa ‘inibituri tal-protease tal-HIV’ (bħal ritonavir) għall-kura ta’ infezzjoni tal- HIV.
Mediċini għall-kura ta’ infezzjonijiet (bħal ketoconazole, itraconazole, voriconazole, posaconazole, clarithromycin u telithromycin).
Mediċini għall-marda ta’ Parkinson (bħal levodopa).
Mediċini għal problemi tat-tirojde (bħal levothyroxine).
Mediċini għall-allerġiji jew antistamini (bħal terfenadine).
Jekk xi waħda minn dawn ta’ hawn fuq tapplika għalik, jew jekk m’ intix ċert, kellem lit-tabib, lill- ispiżjar jew lill-infermier tiegħek qabel tuża Budesonide/Formoterol Teva .
Għid ukoll lit-tabib, lill-ispiżjar jew lill-infermier tiegħek jekk se tieħu anestetiku ġenerali għal operazzjoni jew għal xogħol tas-snien.
Prodott mediċinali li m’għadux awtorizzat
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib, tal-ispiżjar jew tal-infermier tiegħek qabel tieħu Budesonide/Formoterol Teva
– TUŻAX din il-mediċina sakemm it-tabib tiegħek ma jgħidlekx biex tagħmel dan.
Jekk tinqabad tqila waqt li tkun qed tuża Budesonide/Formoterol Teva, TIQAFX tuża Budesonide/Formoterol Teva iżda kellem lit-tabib tiegħek mill-ewwel.
Budesonide/Formoterol Teva mhuwiex probabbli li jaffettwa l-ħila tiegħek biex issuq jew tħaddem għodda jew magni.
Il-lactose huwa tip ta’ zokkor li jinstab fil-ħalib. Il-lactose fih ammonti żgħar ta’ proteina tal-ħalib li tista’ tikkawża reazzjonijiet allerġiċi. Jekk it-tabib qallek li għandek intolleranza għal ċerti tipi ta’ zokkor, ikkuntattja lit-tabib tiegħek qabel tieħu dan il-prodott mediċinali.
Dejjem għandek tuża din il-mediċina skont il-parir eżatt tat-tabib jew l-ispiżjar tiegħek. Dejjem għandek taċċerta ruħek mat-tabib, mal-ispiżjar jew mal-infermier tiegħek jekk ikollok xi dubju.
Huwa importanti li tuża Budesonide/Formoterol Teva kuljum, anki jekk ma jkollokx sintomi tal-ażma jew COPD f’dak il-ħin.
Jekk qed tuża Budesonide/Formoterol Teva għall-ażma, it-tabib tiegħek ikun irid jiċċekkja regolarment is-sintomi tiegħek.
Adulti (18-il sena u aktar)
jew 2 inalazzjonijiet (attwazzjonijiet), darbtejn kuljum.
It-tabib tiegħek jista’ jżid dan għal 4 inalazzjonijiet, darbtejn kuljum.
Jekk is-sintomi tiegħek ikunu kkontrollati tajjeb, it-tabib tiegħek jista’ jitolbok tieħu l-mediċina tiegħek darba kuljum.
It-tabib tiegħek se jgħinek timmaniġġa l-ażma tiegħek u sejjer jaġġusta d-doża ta’ din il-mediċina għall-aktar doża baxxa li tikkontrolla l-ażma tiegħek. Jekk it-tabib tiegħek iħoss li inti teħtieġ doża
aktar baxxa milli hemm disponibbli għalik minn Budesonide/Formoterol Teva tiegħek, it-tabib tiegħek jista’ jagħtik inalatur alternattiv li jkun fih l-istess sustanzi attivi bħal Budesonide/Formoterol Teva tiegħek, iżda b’doża iktar baxxa ta’ kortikosterojde. Madankollu, m’għandekx taġġusta n-numru ta’ inalazzjonijiet li jkun tak it-tabib tiegħek qabel ma l-ewwel titkellem mat-tabib tiegħek.
Dejjem żomm Budesonide/Formoterol Teva miegħek u użah sabiex isserraħ minn attakki f’daqqa ta’ qtugħ nifs u tħarħir. Tużax Budesonide/Formoterol Teva biex tikkura dawn is-sintomi tal-ażżma.
Prodott mediċinali li m’għadux awtorizzat
L-użu tal-‘inalatur ta’ solliev’ tiegħek ma għandux jaqbeż 8 inalazzjonijiet (puffs) fi kwalunkwe 24 siegħa u inti ma għandekx tuża l-‘inalatur ta’ solliev’ tiegħek aktar spiss minn kull 4 sigħat. Jekk b’mod regolari jkollok bżonn tuża sa 8 inalazzjonijiet fil-ġurnata, jew ikollok bżonn iżżid l-ammont ta’ ‘inalatur ta’ solliev’ li tkun teħtieġ, għandek tara lit-tabib tiegħek mill-iktar fis. It-tabib jista’ jkollu bżonn ibiddel il-kura tiegħek sabiex inaqqas is-sintomi tiegħek tal-ażżma (qtugħ ta’ nifs, tħarħir u sogħla) u ttejjeb il-kontroll tal-ażżma tiegħek u tagħmel it-teħid tan-nifs tiegħek aktar faċli.
Jekk qed tagħmel l-eżerċizzju u jiġuk is-sintomi tal-ażma, uża Budesonide/Formoterol Teva kif deskritt hawnhekk. Madankollu, tużax Budesonide/Formoterol Teva eżatt qabel l-eżerċizzju biex twaqqaf is-sintomi milli jseħħu, uża l-‘inalatur ta’ solljiev’ separat tiegħek.
Adulti (18-il sena u aktar)
inalazzjonijiet darbtejn kuljum.
It-tabib tiegħek jista’ jordnalek ukoll (mediċini) bronkodilaturi oħra, pereżempju antikolinerġiċi (bħal tiotropium jew ipratropium bromide) għall-marda tas-COPD tiegħek.
Qabel tuża Budesonide/Formoterol Teva tiegħek għall-ewwel darba, trid tippreparah għall-użu if ġej:
Iċċekkja l-indikatur tad-dożi biex tara li hemm 120 inalazzjoni fl-inalatur.
Ikteb id-data meta ftaħt il-borża tal-fojl fuq it-tikketta tal-inalatur.
Tħawwadx l-inalatur tiegħek qabel l-użu.
Kull darba li tkun trid tieħu inalazzjoni, segwi l-istruzzjonijiet ta’ hawn taħt.
Iftaħ l-għatu tal-biċċa tal-ħalq billi tniżżlu ’l isfel sakemm tisma’ tifqigħa b’qawwija. Il-mediċina tiegħek hija mkejla b’mod attiv. L-inalatur tiegħek issa huwa lest għall-użu.
Prodott mediċinali li m’għadux awtorizzat
Ħu nifs ’il barra bil-mod (safejn huwa komdu). Tiħux nifs ’il barra minn ġol-inalatur tiegħek.
Poġġi l-biċċa tal-ħalq bejn snienek. Agħlaq xofftejk madwar il-biċċa tal-ħalq. Tigdimx il-biċċa tal-ħalq. Oqgħod attent biex ma timblokkax il-fetħiet tal-arja.
Ħu nifs ’il ġewwa minn ħalqek fil-fond u bis-saħħa kemm tista’.
Żomm in-nifs għal 10 sekondi jew sakemm tista’ b’mod komdu.
Neħħi l-inalatur minn ħalqek. Tista’ tinnota togħma meta tieħu l-inalazzjoni tiegħek.
Jekk se tieħu t-tieni inalazzjoni, irrepeti l-passi minn 1 sa 7.
Laħlaħ ħalqek bl-ilma wara kull doża, u obżqu ’l barra.
Tippruvax tiftaħ l-inalatur tiegħek, tneħħi jew tgħawweġ l-għatu tal-biċċa tal-ħalq, dan huwa mwaħħal mal-inalatur tiegħek u m’għandux jitneħħa. Tużax l-iSpiromax tiegħek jekk tkun saritlu l-ħsara jew jekk il-biċċa tal-ħalq inqalgħet minn mal-iSpiromax tiegħek. Toqgħodx tiftaħ u tagħlaq l-għatu tal- biċċa tal-ħalq sakemm ma tkunx wasalt biex tuża l-inalatur tiegħek.
Żomm l-iSpiromax tiegħek nadif u xott.
Jekk ikun meħtieġ, inti tista’ timsaħ il-biċċa tal-ħalq tal-iSpiromax tiegħek wara li tużah, b’biċċa niexfa jew tissue.
L-indikatur tad-dożi jgħidlek kemm baqagħlek dożi (inalazzjonijiet) fl-inalatur tiegħek, billi jibda b’120 inalazzjoni meta jkun mimli.
Prodott mediċinali li m’għadux awtorizzat
L-indikatur tad-dożi, fuq wara tal-apparat, juri n-numru ta’ inalazzjonijiet li fadal f’numri biż- żewġ biss.
Għal inalazzjonijiet li jifdal minn 20 ’l isfel sa ‘8’ ,’ 6’ ,’ 4’ ,’ 2’ ‘in-numri jintwerew bl-aħmar fuq sfond abjad. Meta n-numri jsiru ħomor fit-tieqa, inti għandek tikkonsulta lit-tabib tiegħek u tikseb inalatur ġdid.
Nota:
Il-biċċa tal-ħalq xorta se’tfaqqa’ anki meta l-iSpiromax tiegħek ikun vojt. Jekk tiftaħ u tagħlaq il-biċċa tal-ħalq mingħajr ma tieħu l-inalazzjoni tiegħek, l-indikatur tad-dożi se jirreġistraha bħala għadd. Din id-doża se tinżamm b’mod sigur fl-inalatur għal meta jkun imissek l- inalazzjoni li jmiss. Huwa impossibbli li b’mod aċċidentali tieħu mediċina żejda jew doża doppja f’inalazzjoni waħda. Żomm il-biċċa tal-ħalq magħluqa f’kull ħin sakemm ma tkunx wasalt biex tuża l-inalatur tiegħek.
Jekk tħoss in-nifs jinqatagħlek jew tibda tħarħar waqt li tkun qed tuża Budesonide/Formoterol Teva, inti għandek tkompli tuża Budesonide/Formoterol Teva iżda tmur tara lit-tabib tiegħek kemm jista’ jkun malajr, billi jista’ jkollok bżonn kura addizzjonali.
Ikkuntattja lit-tabib tiegħek immedjatament jekk:
In-nifs tiegħek sejjer għall-agħar jew tqum ta’ spiss billejl bi qtugħ ta’ nifs u ażma.
Tibda tħoss sidrek issikkat filgħodu jew l-issikkar ta’ sidrek idum aktar mis-soltu.
Dawn is-sinjali jistgħu jfissru li l-ażma jew il-COPD tiegħek ma jkunux qed jiġu kkontrollati tajjeb u jista’ jkollok bżonn kura differenti jew addizzjonali immedjatament.
Ladarba l-ażma tiegħek tkun ikkontrollata tajjeb, it-tabib tiegħek jista’ jħossu xieraq li jnaqqaslek b’mod gradwali d-doża ta’ Budesonide/Formoterol Teva.
Huwa importanti li tieħu d-doża tiegħek kif jgħidlek it-tabib. M’għandekx taqbeż id-doża ordnata tiegħek mingħajr ma tfittex parir mediku.
Jekk tuża Budesonide/Formoterol Teva aktar milli suppost, ikkuntattja lit-tabib, lill-ispiżjar jew lill- infermier tiegħek għal parir.
L-aktar sintomi komuni li jistgħu jseħħu wara jekk tuża Budesonide/Formoterol Teva aktar milli suppost huma rogħda, uġigħ ta’ ras jew taħbita tal-qalb mgħaġġla.
Prodott mediċinali li m’għadux awtorizzat
Jekk tinsa tieħu doża, ħudha kemm jista’ jkun malajr malli tiftakar. Madankollu, m’għandekx tieħu doża doppja biex tpatti għal kull inalazzjoni li tkun insejt tieħu. Jekk ikun kważi l-ħin għad-doża li
jmiss tiegħek, sempliċement ħu d-doża li jmissek fil-ħin tas-soltu.
Jekk tibda tħarħar jew jinqatagħlek nifsek, jew tiżviluppa sintomi oħra ta’ attakk tal-ażma, uża l- ‘inalatur ta’ solljiev’ tiegħek, imbagħad fittex parir mediku.
Jekk tibda tħarħar jew jinqatagħlek nifsek, jew tiżviluppa sintomi oħra ta’ attakk tal-ażma, uża l- inalatur ta’ solljiev tiegħek, imbagħad fittex parir mediku.
Mgħandekx tieqaf tuża l-inalatur tiegħek qabel ma l-ewwel tgħid lit-tabib.
Jekk għandek aktar mistoqsijiet dwar l-użu ta’ din il-mediċina, staqsi lit-tabib, spiżjar jew infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Nefħa fil-wiċċ, b’mod partikolari madwar il-ħalq (ilsien u/jew gerżuma u/jew diffikultà biex tibla’) jew ħorriqija flimkien ma’ diffikultajiet biex tieħu n-nifs (anġjoedima) u/jew sensazzjoni f’daqqa ta’ ħass ħażin. Dan jista’ jfisser li qiegħed ikollok reazzjoni allerġika, li tista’ tinkludi wkoll raxx u ħakk.
Bronkospażmu (issikkar tal-muskoli fil-passaġġi tal-arja li jikkawża tħarħir u qtugħ ta’ nifs).
Jekk it-tħarħir jiġi f’daqqa wara li tuża din il-mediċina, ieqaf tużaha u kellem lit-tabib tiegħek
Tħarħir akut f’daqqa u/jew qtugħ ta’ nifs immedjatament wara li tuża l-inalatur tiegħek (issir referenza għalih ukoll bħala ‘bronkospażmu paradossikali’. Jekk ikollok xi wieħed minn dawn is-sintomi, ieqaf tuża Budesonide/Formoterol Teva mill-ewwel u uża l-‘inalatur ta’ solljiev’
tiegħek. Ikkuntattja lit-tabib tiegħek mill-ewwel billi jista’ jkollok bżonn tbiddel il-kura tiegħek.
Palpitazzjonijiet (tħoss qalbek tħabbat), rogħda jew ċaqliq. Jekk iseħħu dawn l-effetti, dawn ġeneralment ikunu ħfief u ġeneralment jitilqu malli tkompli tuża Budesonide/Formoterol Teva.
Traxx (infezzjoni fungali) fil-ħalq. Dan huwa anqas probabbli li jseħħ jekk tlaħlaħ ħalqek bl- ilma wara li tuża l-mediċina tiegħek.
Uġigħ ħafif fil-gerżuma, sogħla u vuċi maħnuqa.
Uġigħ ta’ ras.
Pulmonite (infezzjoni tal-pulmun) f’pazjenti b’COPD (effett sekondarju komuni)
Għid lit-tabib tiegħek jekk ikollok kwalunkwe minn dawn li ġejjin waqt li tkun qed tieħu Budesonide/Formoterol Teva għax jistgħu jkunu sintomi ta’ infezzjoni tal-pulmun:
deni jew tertir ta’ bard
żieda fil-produzzjoni tal-mukus, bidla fil-kulur tal-mukus
Prodott mediċinali li m’għadux awtorizzat
żieda fis-sogħla jew żieda fil-problemi biex tieħu n-nifs
Tħossok bla kwiet, nervuż, aġitat, ansjuż jew irrabjat.
Disturb tal-irqad.
Tħossok stordut.
Dardir (tħossok ma tiflaħx).
Taħbita tal-qalb mgħaġġla.
Tbenġil fil-ġilda.
Bugħawwieġ.
Livelli baxxi ta’ potassju fid-demm tiegħek.
Taħbita tal-qalb irregolari.
Depressjoni.
Bidliet fl-imġiba, b’mod speċjali fit-tfal.
Uġigħ fis-sider jew issikkar fis-sider (angina pectoris).
Disturb fis-sistema elettrika tal-qalb (titwil tal-intervall QTc)
Żieda fl-ammont taz-zokkor (glukożju) fid-demm tiegħek.
Bidliet fit-togħma, bħal togħma ħażina fil-ħalq.
Bidliet fil-pressjoni tad-demm tiegħek.
Il-kortikosterojdi li jittieħdu man-nifs jistgħu jaffettwaw il-produzzjoni normali tal-ormoni sterojdi fil-ġisem tiegħek, b’mod partikolari jekk tuża dożi għoljin għal żmien twil. L-effetti jinkludu:
bidliet fid-densità minerali tal-għadam (traqqiq tal-għadam)
katarretti (tidnis tal-lenti fil-għajn)
glawkoma (żieda fil-pressjoni tal-għajn)
tnaqqis fir-rata ta’ tkabbir tat-tfal u adolexxenti
effett fuq il-glandola adrenali (glandola żgħira ħdejn il-kliewi).
Dawn l-effetti jseħħu b’mod rari ħafna u huma ferm anqas probabbli li jseħħu b’kortikosterojdi li jittieħdu man-nifs milli b’pilloli tal-kortikosterojdi.
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett.
Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna jew fuq it-tikketta tal- inalatur tiegħek wara JIS/EXP. Id-data ta’ meta tiskadi tirreferi għall-aħħar ġurnata ta’ dak ix- xahar.
Taħżinx f’temperatura ’l fuq minn 25oC. Żomm l-għatu tal-biċċa tal-ħalq magħluq wara li tneħħih mit-tgeżwira tal-fojl.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni
Prodott mediċinali li m’għadux awtorizzat
tal-ambjent.
Is-sustanzi attivi huma budesonide u formoterol fumarate dihydrate. Kull doża mogħtija (miġbuda man-nifs) fiha 160 mikrogramma ta’ budesonide u 4.5 mikrogrammi ta’ formoterol fumarate dihydrate. Dan huwa ekwivalenti għal doża mkejla ta’ 200 mikrogramma ta’ budesonide u 6 mikrogrammi ta’ formoterol fumarate dihydrate.
Is-sustanza l-oħra hi lactose monohydrate (ara sezzjoni 2 taħt’Budesonide/Formoterol Teva fih il-lactose’)
Budesonide/Formoterol Teva huwa trab li jittieħed man-nifs.
Kull inalatur Budesonide/Formoterol Teva fih 120 inalazzjoni u għandu korp abjad b’għatu tal-biċċa tal-ħalq aħmar lewn l-inbid, semi-trasparenti.
Kull pakkett fih inalatur wieħed.
Teva Pharma B.V.
Swensweg 5, 2031GA Haarlem,Il-Pajjiżi l-Baxxi
Norton (Waterford) Limited T/A Teva Pharmaceuticals L-Irlanda Unit 27/35, IDA Industrial Park, Cork Road, Waterford, L-Irlanda
Teva Pharmaceuticals Europe B.V., Swensweg 5, 2031 GA Haarlem, Il-Pajjiżi l-Baxxi
(Għall-Polonja biss) Teva Operations Poland Sp. z o.o., Mogilska 80 Str., 31-546 Kraków, Il-Polonja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Teva Nederland B.V. | |||
Tel: +31 800 0228 400 |
Prodott mediċinali li m’għadux awtorizzat
Teva Pharma S.L.U. | |||
Tél: +34 91 387 32 80 |
Tel: +39 028 917 981 Puh/Tel: +358 20 180 5900
Pliva Hrvatska d.o.o | |||
Tel: + 385 1 37 20 000 |
Prodott mediċinali li m’għadux awtorizzat