Irbesartan Teva
irbesartan
Irbesartan
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara s-sezzjoni 4.
X’inhu Irbesartan Teva u għal xiex jintuża
X’għandek tkun taf qabel ma tieħu Irbesartan Teva
Kif għandek tieħu Irbesartan Teva
Effetti sekondarji possibbli
Kif taħżen Irbesartan/Hydrochlorothiazide Teva
Kontenut tal-pakkett u informazzjoni oħra
Irbesartan Teva tappartjeni għal grupp ta’ mediċini magħrufa bħala antagonisti tar-riċetturi angiotensin-II. Angiotensin II hija sustanza li tiġi prodotta mill-ġisem u tingħaqad ma' riċettaturi fil- vażi tad-demm u ġgħallhom jissikaw. Dan jirriżulta f'żieda fil-pressjoni tad-demm. Irbesartan Teva timpedixxi t-taqgħid ta' angiotensin II għal dawn ir-riċettaturi, u b'hekk il-vażi tad-demm jirrilassaw u titnaqqas il-pressjoni tad-demm. Irbesartan Teva idewwem it-tnaqqas tal-funzjoni tal-kliewi f'pazjenti li għandhom pressjoni tad-demm għolja u dijabete ta' tip 2.
Irbesartan Teva jintuża f’pazjenti adulti
bħala trattament għal pressjoni tad-demm għolja (pressjoni tad-demm għolja essenzjali).
Biex tipproteġi l-kliewi f'pazjenti li għandhom pressjoni tad-demm għolja u dijabete ta' tip 2 u evidenza minn testijiet tal-laboratorju ta' funzjoni mxekkla tal-kliewi.
jekk inti allerġiku/a (tbati minn sensittività eċċessiva) għal irbesartan jew għal xi sustanza ta' din
il-mediċina (elenkati fis-sezzjoni 6)
jekk inti għandek aktar minn 3 xhur tqala (ikun aħjar ukoll li tevita Irbesartan Teva fl-istadji bikrija tat-tqala - ara t-taqsima ta' tqala)
jekk għandek id-dijabete jew funzjoni tal-kliewi indebolita u qed tiġi kkurat b’mediċina li tbaxxi
l-pressjoni tad-demm li fiha aliskiren.
Kellem lit-tabib tiegħek qabel ma tieħu Irbesartan Teva u jekk xi wieħed minn dawn li ġejjin japplika għalik:
jekk inti jkollok rimettar jew dijarea eċċessiva
jekk għandek problemi fil-kliewi
jekk tbati minn problemi tal-qalb
jekk tieħu Irbesartan Teva għal mard tal-kliewi minħabba d-dijabete. F'dan il-każ it-tabib tiegħek jista' jitlob li jsiru testijiet regolari tad-demm speċjalment dawk marbuta ma' livelli ta' potassju fid-demm f'każ ta' funzjoni tal-kliewi batuta
jekk taħseb li inti ser ikollok intervent kirurġiku (operazzjoni) jew ser tingħata xi loppju.
jekk qed tieħu xi waħda minn dawn il-mediċini li ġejjin li jintużaw għal kura ta’ pressjoni tad- demm għolja:
inibitur ta’ ACE (pereżempju enalapril, lisinopril, ramipril), b’mod partikulari jekk għandek
problemi tal-kliewi relatati mad-dijabete.
aliskiren
It-tabib tiegħek jista’ jiċċekkja l-funzjoni tal-kliewi tiegħek, il-pressjoni tad-demm, u l-ammont ta’
elettroliti (eż. potassium) fid-demm tiegħek f’intervalli regolari.
Ara wkoll l-informazzjoni taħt l-intestatura “Tiħux Irbesartan Teva”
Għandek tgħarraf lit-tabib tiegħek jekk taħseb li inti tqila (jew tista' tinqabad). Irbesartan Teva mhux rakkomandat biex jittieħed fl-ewwel stadji tat-tqala u m'għandux jittieħed jekk inti aktar minn 3 xhur tqila, peress li tista' toħloq ħsara serja lit-tarbija tiegħek, jekk tintuża f'dan l-istadju (ara s-sezzjoni tat- tqala).
Dan il-prodott mediċinali ma għandux jingħata lil tfal li għandhom inqas minn 18-il sena minħabba li s-sigurtà u l-effikaċja tiegħu ma ġewx determinati s’issa. Jekk tifel jew tifla jibilgħu xi pilloli, ikkuntattja lit-tabib minnufih.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista' tieħu xi mediċina oħra.
It-tabib tiegħek jista’ jkollu bżonn jibdel id-doża tiegħek u/jew jieħu prekawzjonijiet oħrajn: Jekk qed tieħu inibitur ta’ ACE jew aliskiren (ara wkoll l-informazzjoni taħt l-intestaturi “Tiħux
Irbesartan Teva” u “Twissijiet u prekawzjonijiet”)
Għandu mnejn ukollok bżonn tagħmel testijiet tad-demm jekk qed tieħu:
supplimenti tal-potassju
sustanzi tal-imluħa li jissostitwixxu l-potassju
mediċini li jimpedixxu t-tnixxija ta' potassju (bħal ċertu dijuretiċi)
mediċini li fihom il-litju
Jekk qed tieħu ċertu pilloli li jaqtgħu l-uġigħ, li jissejħu mediċini mhux sterojdi ta' kontra l- infjammazzjoni, l-effett ta' irbesartan jista' jitnaqqas.
Għandek tgħarraf lit-tabib tiegħek jekk inti tqila (jew taħseb li tista' tinqabad tqila). It-tabib tiegħek
ġeneralment jista' jagħtik parir biex tieqaf tieħu Irbesartan Teva qabel ma inti tinqabad tqila jew kif tkun taf. Irbesartan Teva mhux rakkomandat fl-ewwel fażijiet tat-tqala, u m'għandux jittieħed wara tliet xhur tqala, peress li jista' jikkawża sfreġju serju lit-tarbija tiegħek jekk jittieħed wara t-tielet xahar ta' tqala.
Għarraf lit-tabib tiegħek jekk inti tkun qed tredda' jew ser tibda tredda'. Irbesartan Teva mhux rakkomandat għal ommijiet li jkunu qed ireddgħu u t-tabib tiegħek jista' jagħżel trattament ieħor jekk inti tkun tixtieq tredda', speċjalment jekk it-tarbija għadha titwieled, jew twieldet qabel iż-żmien.
Irbesartan Teva mhux probabbli li jaffettwa l-ħila biex issuq jew tuża magni. Madankollu, jista' jkun hemm kull tant żmien sturdament jew għeja waqt it-trattament għal pressjoni għolja. Jekk tesperjenza dawn, għid lit-tabib tiegħek qabel ma tiddeċiedi ssuq jew tuża l-magni.
Irbesartan Teva fih sodium
Din il-mediċina fiha anqas minn 1 mmol sodium (23 mg) f’kull pillola miksija b’rita, jiġifieri essenzjalment ‘ħieles mis-sodium’.
Dejjem għandek tieħu din il-mediċina skont il-parir eżatt tat-tabib. Dejjem għandek taċċerta ruħek
mat-tabib jew mal-ispiżjar tiegħek jekk ikollok xi dubju.
Kif u mnejn għandu jittieħed
Irbesartan Teva għandu jittieħed mill-ħalq. Ibla' l-pilloli b'ammont suffiċjenti ta' fluwidu (eż. Tazza ilma). Tista' tieħu Irbesartan Teva mal-ikel jew fuq stonku vojt. Ipprova ħu d-doża ta' kuljum tiegħek fl-istess ħin kuljum. Huwa importanti li tibqa' tieħu Irbesartan Teva sakemm it-tabib tiegħek jgħidlek mod ieħor.
Id-doża li ġeneralment tingħata hi ta' 150 mg darba kuljum. Id-doża tista' mbagħad tiżdid għal
300 mg darba kuljum skont ir-rispons fuq il-pressjoni tad-demm.
It-tabib tiegħek għandu mnejn jirrakomanda doża inqas, speċjalment fil-bidu tat-trattament f'ċertu pazjenti, bħal dawk li qegħdin fuq emodijalisi, jew li l-eta tagħhom hi fuq 75 sena.
L-effett sabiex titnaqqas il-pressjoni massima tad-demm għandu jintlaħaq fi żmien 4-6 ġimgħat wara l- bidu tat-trattament.
Jekk inti b'mod aċċidentali tieħu wisq pilloli, ikkuntattja lit-tabib tiegħek minnufih,.
Jekk b’mod aċċidentali tonqos milli tieħu d-doża ta’ kuljum tiegħek, ħu d-doża li jmiss bħas-soltu. M'għandekx tieħu doża doppja biex tpatti għal kull doża li tkun insejt tieħu.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina jista’ jkollha effetti sekondarji, għalkemm ma jidhrux fuq kulħadd. Xi wħud minn dawn l-effetti jistgħu jkunu serji u jeħtieġu attenzjoni medika.
Bħal fil-każ ta' mediċini simili, każijiet rari ta' reazzjonijiet allerġiċi tal-ġilda (raxx, urtikarja), kif ukoll nefħa lokalizzata tal-wiċċ, ix-xofftejn u /jew l-ilsien ġew rapportati f'pazjenti li kienu qed jieħdu irbesartan. Jekk ikollok xi wieħed minn dawn is-sintomi, jew tibda taqta' nifsek, waqqaf it-teħid ta' Irbesartan Teva u kkuntattja lit-tabib tiegħek minnufih.
Lista ta’ effetti sekondarji:
Komuni ħafna (jista’ jaffettwa aktar minn persuna 1 minn kull 10): jekk tbati minn pressjoni tad-
demm għolja u dijabete ta' tip 2 bil-mard tal-kliewi, testijiet tad-demm jistgħu juru livell ogħla
ta' potassju.
Komuni (jista’ jaffettwa sa persuna 1 minn kull 10): sturdament, tħossok ma tiflaħx/remettar, għeja u testijiet tad-demm jistgħu juru livelli mgħollija ta' enżim li jkejjel il-funzjoni al-muskolu u tal-qalb (enżin ta' creatine kinase). F'pazjenti li għandhom pressjoni tad-demm għolja u dijabete ta' tip 2 b'mard tal-kliewi, sturdamenti meta tqum bilwieqfa wara li tkun qed timtedd jew tpoġġi bilqiegħda, pressjoni baxxa tad-demm meta tqum minn pożizzjoni fejn tkun qed timtedd jew bilqiegħda, uġigħ fil-ġogi jew il-muskoli u livell imnaqqas ta' proteina fiċ-ċelluli ħomor tad-demm (emoglobina) kienu rraportati wkoll.
Mhux komuni (jista’ jaffettwa sa persuna1 minn kull 100): rata ta' taħbit tal-qalb ogħla. Fwawar, sogħla, dijarea, indiġestjoni/uġigħ fl-istonku, impotenza (problemi bil-prestazzjoni sesswali), uġigħ fis-sider.
Mhux magħruf (il-frekwenza ma tistax tiġi stmata mid-data disponibbli): sensazzjoni ta’ tidwir, uġigħ ta' ras, disturbi fit-togħma, ċenċil fil-widnejn, bugħawwieġijiet, uġigħ fil-ġogi u l-muskoli, tnaqqis fin- numru ta’ plejtlits, funzjoni mhix normali tal-fwied, livelli ogħla ta' potassju fid-demm, funzjoni indebolita tal-kliewi, infjammazzjoni tal-vażi ż-żgħar tad-demm li prinċipalment jaffettwaw il-ġilda (kundizzjoni magħrufa bħala vaskulite lewkoċitiklastika) u reazzjonijiet allerġiċi severi (xokk anafilattiku). Każijiet mhux komuni ta’ suffejra (sfurija tal-ġilda u/jew tal-abjad tal-għajnejn) ġew irrapportati wkoll.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti
sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ skadenza li tidher fuq il-kartuna u fuq il-folja wara EXP. Id-data ta’ skadenza tirreferi għal l-aħħar ġurnata ta’ dak ix-xahar.
Dan il-prodott mediċinali ma jeħtieġ ebda kundizzjoni ta' ħażna speċjali.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar dwar kif għandek tarmi mediċini li m’għandekx tuża. Dawn il-miżuri jgħinu għall- protezzjoni ta’ l-ambjent.
Is-sustanza attiva hi irbesartan.
Kull Irbesartan Teva 75 mg pillola miksija b’rita fiha 75 mg irbesartan
Is-sustanzi l-oħra huma:
Qalba tal-pillola: povidone, pregelatinized starch (qamħirrun), poloxamer 188, microcrystalline cellulose, croscarmellose sodium, silika idrat kollojdali u magnesium stearate.
Il-kisi tal-pillola: polydextrose, titanium dioxide, hypromellose u macrogol 4000.
Irbesartan Teva 75 mg pilloli miksija b'rita jikkonsistu minn pillola miksija b'rita ta' lewn bajdani għal ofwajt f'għamla ta' kapsula. Naħa waħda tal-pillola għandha intaljata fuqha l-kodiċi “93”. In-naħa l- oħra tal-pillola hija intaljata bil-kodiċi “7464”.
Irbesartan Teva jiġu f’kaxxi ta’ 7 pilloli, 14-il pillola, 28, 30, 56, 60, 80, 84, 98 u 100 pillola miksija b’rita u f’folji mhux ipperforati; pakketti b’daqsijiet ta’ 50 x 1 u 56 x 1 pilloli miksija b’rita f’folji ta’ doża unika u pakketti b’daqsijiet ta’ 28 pillola miksija b’rita f'folji mhux ipperforati b’kalendarju.
Jista’ jkun li mhux il-pakketti tad-daqsijiet kollha jkunu għall-skop kummerċjali
Teva B.V.
Swensweg 5 2031GA Haarlem L-Olanda
Teva Operations Poland Sp.z.o.o
ul. Mogilska 80
31-546 Kraków Il-Polonja
Teva Pharmaceutical Works Private Limited Company
Pallagi út 13 Debrecen H-4042 L-Ungerija
Pharmachemie B.V.
Swensweg 5
2031 GA Haarlem L-Olanda
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-tqegħid fis-Suq:
Teva Pharma Belgium N.V./S.A./AG
Tél/Tel: +32 38207373
Teva Pharma Belgium N.V./S.A./AG
Belgique/Belgien Tél/Tel: +32 38207373
Тева Фарма ЕАД Teл: +359 24899585
Teva Gyógyszergyár Zrt. Tel: +36 12886400
Teva Pharmaceuticals CR, s.r.o.
Tel: +420 251007111
Teva Pharmaceuticals Ireland L-Irlanda
Τel: +44 2075407117
Teva Denmark A/S Tlf: +45 44985511
Teva Nederland B.V.
Tel: +31 8000228400
TEVA GmbH
Tel: +49 73140208
Teva Norway AS Tlf: +47 66775590
UAB Teva Baltics Eesti filiaal
Tel: +372 6610801
ratiopharm Arzneimittel Vertriebs-GmbH Tel: +43 1970070
Specifar A.B.E.E. Τηλ: +30 2118805000
Teva Pharmaceuticals Polska Sp. z o.o. Tel: +48 223459300
Teva Pharma, S.L.U. Tel: +34 913873280
Teva Pharma - Produtos Farmacêuticos, Lda.
Tel: +351 214767550
Teva Santé
Tél: +33 155917800
Teva Pharmaceuticals S.R.L. Tel: +40 212306524
Pliva Hrvatska d.o.o Tel: +385 13720000
Teva Pharmaceuticals Ireland Tel: +44 2075407117
Pliva Ljubljana d.o.o. Tel: +386 15890390
TEVA Pharmaceuticals Slovakia s.r.o.
Tel: +421 257267911
Teva Finland Oy
Finnland
Sími: +358 201805900
Teva Finland Oy
Puh/Tel: +358 201805900
Teva Italia S.r.l. Tel: +39 028917981
Teva Sweden AB Tel: +46 42121100
Specifar A.B.E.E. Ελλάδα
Τηλ: +30 2118805000
Teva Pharmaceuticals Ireland Ireland
Tel: +44 2075407117
UAB Teva Baltics filiāle Latvijā
Tel: +371 67323666
UAB Teva Baltics Tel: +370 52660203