Omnitrope
somatropin
somatropin
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew l-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew l-infermier tiegħek. Dan
jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Omnitrope u għalxiex jintuża
X’għandek tkun taf qabel ma tuża Omnitrope
Kif għandek tuża Omnitrope
Effetti sekondarji possibbli
Kif taħżen Omnitrope
Kontenut tal-pakkett u informazzjoni oħra
Omnitrope hu ormon rikombinanti tat-tkabbir tal-bniedem (imsejjaħ ukoll somatropin). Għandu l- istess struttura bħal dik tal-ormon naturali tat-tkabbir tal-bniedem li hu meħtieġ biex l-għadam u l- muskoli jikbru. Jgħin ukoll biex ix-xaħam u t-tessut tal-muskoli tiegħek jiżviluppaw fl-ammonti korretti. Hu rikombinanti, li jfisser li mhuwiex magħmul minn tessut tal-bniedem jew tal-annimali.
Jekk m’intix qed tikber kif suppost u m’għandekx biżżejjed mill-ormon tat-tkabbir tiegħek stess.
Jekk għandek is-sindrome ta’ Turner. Is-sindrome ta’ Turner hu disturb ġenetiku fil-bniet li jista’ jaffettwa t-tkabbir tiegħek – it-tabib tiegħek ikun qallek jekk għandek din il-kundizzjoni.
Jekk għandek insuffiċjenza kronika renali (tal-kliewi). Billi l-kliewi jitilfu l-ħila tagħhom li
jaħdmu b’mod normali, dan jista’ jaffettwa t-tkabbir.
Jekk kont żgħira jew kont tiżen ftit wisq meta twelidt. L-ormon tat-tkabbir jista’ jgħinek titwal jekk ma stajtx tilħaq jew iżżomm rata normali ta’ tkabbir mill-età ta’ 4 snin ’il fuq.
Jekk għandek is-sindrome ta’ Prader-Willi (disturb kromosomali). L-ormon tat-tkabbir ser jgħinek titwal jekk għadek qed tikber, u ser itejjeb ukoll il-kompożizzjoni tal-ġisem tiegħek. Ix- xaħam eċċessiv li jkollok ser jonqos u l-massa mnaqqsa tal-muskoli ser titjieb.
jikkura persuni li jkollhom defiċjenza prominenti tal-ormon tat-tkabbir. Din tista’ tibda jew fil-
ħajja adulta jew tkompli minn żmien it-tfulija.
Jekk kont ikkurat b’Omnitrope għal defiċjenza tal-ormon tat-tkabbir matul żmien it-tfulija, l- istat tal-ormon tat-tkabbir tiegħek ser jiġi ttestjat mill-ġdid wara li ż-żmien li fih stajt tikber ikun għadda. Jekk tiġi kkonfermata defiċjenza severa tal-ormon tat-tkabbir, it-tabib tiegħek ser jissuġġerixxi t-tkomplija tal-kura b’Omnitrope
Għandek tingħata din il-mediċina biss minn tabib b’esperjenza fil-kura tal-ormon tat-tkabbir u li jkun ikkonferma d-dijanjosi tiegħek.
jekk inti allerġiku/a (tbati minn sensittività eċċessiva) għal somatropin jew sustanzi oħra ta’
Omnitrope.
u għid lit-tabib tiegħek jekk għandek tumur attiv (kanċer). It-tumuri m’għandhomx ikunu attivi u trid tkun spiċċajt il-kura kontra t-tumur qabel ma tibda l-kura tiegħek b’Omnitrope.
u għid lit-tabib tiegħek jekk tkun ingħatajt riċetta għal Omnitrop biex tistimula t-tkabbir imma
tkun diġà waqaft tikber (epifisi magħluq).
jekk inti marid serjament (pereżempju, ikollok komplikazzjonijiet wara operazzjoni bil-qalb miftuħa, operazzjoni fiż-żaqq, trawma aċċidentali, waqfien akut tan-nifs, jew kundizzjonijiet simili). Jekk dalwaqt ser issirlek, jew kellek, operazzjoni maġġuri, jew mort l-isptar għal kwalunkwe raġuni, għid lit-tabib tiegħek u fakkar lit-tobba l-oħrajn li qed jikkurawk li inti tuża l-ormon tat-tkabbir.
Jekk qiegħed fuq terapija ta’ sostituzzjoni bi glukokortikojdi, għandek tikkonsulta lit-tabib tiegħek b’mod regolari, għaliex jaf ikollok bżonn taġġusta d-doża tiegħek ta’ glukokortikojdi.
Jekk qiegħed f’riskju li tiżviluppa d-dijabete, it-tabib tiegħek ser ikollu bżonn jimmonitorja l- livell ta’ zokkor fid-demm tiegħek matul it-terapija b’somatropin.
Jekk għandek id-dijabete, għandek timmonitorja bir-reqqa l-livell ta’ zokkor fid-demm tiegħek matul il-kura b’somatropin u tiddiskuti r-riżultati mat-tabib tiegħek biex jiġi stabbilit jekk hemmx bżonn li tinbidel id-doża tal-mediċini tiegħek għall-kura tad-dijabete.
Wara li jibdew il-kura b’somatropin, xi pazjenti jista’ jkollhom bżonn li jibdew kura ta’
sostituzzjoni tal-ormon tat-tirojde.
Jekk qed tirċievi kura b’ormoni tat-tirojde, jista’ jkun hemm bżonn li d-doża tiegħek tal-ormon tat-tirojde tiġi aġġustata.
Jekk għandek pressjoni intrakranjali għolja (li tikkawża sintomi, bħal uġigħ ta’ ras qawwi,
disturbi tal-vista, jew rimettar) għandek tinforma lit-tabib tiegħek dwarha.
Jekk izzappap jew jekk tibda zzappap waqt il-kura tal-ormon tat-tkabbir tiegħek, għandek
tinforma lit-tabib tiegħek.
Jekk qed tirċievi somatropin għad-defiċjenza tal-ormon tat-tkabbir wara tumur (kanċer) fil- passat, għandek tiġi eżaminat regolarment għar-rikorrenza tat-tumur jew kwalunkwe kanċer ieħor.
Jekk ikollok uġigħ ta’ żaqq li jmur għall-agħar għandek tinforma lit-tabib tiegħek.
L-esperjenza f’pazjenti ta’ aktar minn 80 sena hi limitata. Persuni anzjani jistgħu jkunu iktar sensittivi għall-azzjoni ta’ somatropin, u għalhekk jistgħu jkunu aktar suxxettibbli li jiżviluppaw effetti sekondarji.
Omnitrope jista' jikkawża infjammazzjoni tal-frixa, li tikkawża uġigħ qawwi fl-addome u fid- dahar. Ikkuntattja lit-tabib tiegħek jekk int jew it-tifel / tifla tiegħek jiżviluppaw uġigħ fl-istonku wara li tieħu Omnitrope.
It-tabib tiegħek għandu jeżamina l-funzjoni tal-kliewi u r-rata ta’ tkabbir qabel ma tibda l-kura b’somatropin. Il-kura medika għall-kliewi tiegħek għandha titkompla. Il-kura b’somatropin għandha titwaqqaf malli jsir trapjant tal-kliewi.
It-tabib tiegħek ser jagħtik restrizzjonijiet tad-dieta li trid ssegwi biex tikkontrolla l-piż tiegħek.
It-tabib tiegħek ser jevalwak għal sinjali ta’ ostruzzjoni fin-naħa ta’ fuq tal-pajp tan-nifs, apnea waqt l-irqad (meta t-teħid tan-nifs jieqaf għal xi ħin waqt l-irqad), jew infezzjoni respiratorja qabel ma tibda l-kura b’somatropin.
Waqt il-kura b’somatropin, għid lit-tabib tiegħek jekk turi sinjali ta’ ostruzzjoni fin-naħa ta’ fuq tal-pajp tan-nifs (li jinkludi li tibda tonħor jew l-inħir imur għall-agħar), it-tabib tiegħek ser ikollu bżonn jeżaminak u jista’ jwaqqaf il-kura b’somatropin għal xi żmien.
Matul il-kura, it-tabib tiegħek ser jiċċekkjak għal sinjali ta’ skoljożi, tip ta’ deformità tas-sinsla tad-dahar.
Matul il-kura, jekk tiżviluppa infezzjoni fil-pulmun, għid lit-tabib tiegħek biex ikun jista’
jikkura l-infezzjoni.
Jekk kont żgħir wisq jew kont tiżen ftit wisq meta twelidt, u għandek bejn 9 u 12-il sena, staqsi lit-tabib tiegħek għal pariri speċifiċi relatati mal-pubertà u l-kura b’din il-mediċina.
Il-kura għandha titkompla sakemm tieqaf tikber.
It-tabib tiegħek ser jiċċekkjalek il-livelli taz-zokkor fid-demm u tal-insulina qabel il-bidu tal- kura u kull sena matul il-kura.
Għid lit-tabib jew lill-ispiżjar tiegħek jekk qed tuża, użajt dan l-aħħar, jew tista’ tuża xi mediċina oħra. B’mod speċjali, avża lit-tabib jekk qed tieħu jew jekk ħadt dan l-aħħar kwalunkwe waħda minn dawn
il-mediċini li ġejjin. It-tabib tiegħek jaf ikollu bżonn jaġġusta d-doża ta’ Omnitrope jew tal-mediċni l- oħrajn:
mediċina għall-kura tad-dijabete,
ormoni tat-tirojde,
mediċini li jikkontrollaw l-epilessija (mediċini kontra l-konvulżjonijiet),
ciclosporin (mediċina li ddgħajef lis-sistema immuni wara trapjant),
estroġenu li jittieħed mill-ħalq jew ormoni tas-sess oħrajn,
ormoni adrenali sintetiċi (kortikosterojdi).
It-tabib tiegħek jista’ jkollu bżonn jaġġusta d-doża ta’ dawn il-mediċini jew id-doża ta’ somatropin.
M’għandekx tuża Omnitrope jekk inti tqila jew jekk qed tipprova toħroġ tqila.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Dan il-prodott mediċinali fih inqas minn 1 mmol sodium (23 mg) f’kull mL, jiġifieri essenzjalment ‘ħieles mis-sodium’.
Dejjem għandek tieħu din il-mediċina skont il-parir eżatt tat-tabib, l-ispiżjar jew l-infermier tiegħek. Dejjem għandek taċċerta ruħek mat-tabib, l-infermier jew l-ispiżjar tiegħek jekk ikollok xi dubju.
Id-doża tiddependi fuq id-daqs tiegħek, il-kundizzjoni li għaliha qed tirċievi l-kura u kemm jaħdem tajjeb għalik l-ormon tat-tkabbir. Kulħadd hu differenti. It-tabib tiegħek ser jagħtik parir dwar id-doża
individwalizzata tiegħek ta’ Omnitrope f’milligrammi (mg) jew skont il-piż ta’ ġismek f’kilogrammi
(kg) jew skont l-erja tas-superfiċje ta’ ġismek ikkalkulata mit-tul u mill-piż tiegħek f’metri kwadri
(m2), kif ukoll l-iskeda tal-kura tiegħek. Tibdilx id-dożaġġ u l-iskeda tal-kura mingħajr ma tikkonsulta lit-tabib tiegħek.
0.025-0.035 mg/kg ta’ piż tal-ġisem kuljum jew 0.7-1.0 mg/m2 ta’ erja tas-superfiċje tal-ġisem kuljum. Dożi ogħla jistgħu jintużaw. Meta d-defiċjenza tal-ormon tat-tkabbir tkompli fl-adolexxenza, il-kura
b’Omnitrope għandha titkompla sa meta l-iżvilupp fiżiku jkun intemm.
0.045-0.050 mg/kg ta’ piż tal-ġisem kuljum jew 1.4 mg/m2 ta’ erja tas-superfiċje tal-ġisem kuljum.
0.045-0.050 mg/kg ta’ piż tal-ġisem kuljum jew 1.4 mg/m2 ta’ erja tas-superfiċje tal-ġisem kuljum. Dożi ogħla jistgħu jkunu meħtieġa jekk ir-rata tat-tkabbir tkun baxxa wisq. Jista’ jkun hemm bżonn ta’
aġġustament fid-dożaġġ wara 6 xhur ta’ kura.
0.035 mg/kg ta’ piż tal-ġisem kuljum jew 1.0 mg/m2 ta’ erja tas-superfiċje tal-ġisem kuljum. Id-doża ta’ kuljum m’għandhiex taqbeż 2.7 mg. Il-kura m’għandhiex tintuża fi tfal li jkunu kważi waqfu jikbru
wara l-pubertà.
0.035 mg/kg ta’ piż tal-ġisem kuljum jew 1.0 mg/m2 ta’ erja tas-superfiċje tal-ġisem kuljum. Hu
importanti li l-kura titkompla sakemm jintlaħaq it-tul finali. Il-kura għandha titwaqqaf wara l-ewwel sena jekk ma tkunx qed tirrispondi għaliha jew jekk tkun ilħaqt it-tul finali tiegħek u waqaft tikber.
Jekk inti tkompli Omnitrope wara kura matul it-tfulija, għandek tibda b’doża ta’ 0.2-0.5 mg kuljum.
Dan id-dożaġġ għandu jiżdied jew jitnaqqas gradwalment skont ir-riżultati tat-testijiet tad-demm kif ukoll ir-rispons kliniku u l-effetti sekondarji.
Jekk id-defiċjenza tal-ormon tat-tkabbir tiegħek tibda waqt il-ħajja adulta, għandek tibda l-kura b’0.15-0.3 mg kuljum. Dan id-dożaġġ għandu jiżdied gradwalment skont ir-riżultati tat-testijiet tad-
demm kif ukoll ir-rispons kliniku u l-effetti sekondarji. Id-doża ta’ manteniment ta’ kuljum rari taqbeż
1.0 mg kuljum. In-nisa jista’ jkollhom bżonn ta’ dożi ogħla minn dawk tal-irġiel. Id-dożaġġ għandu jiġi mmonitorjat kull 6 xhur. Persuni li għandhom iktar minn 60 sena għandhom jibdew b’doża ta’
0.1-0.2 mg kuljum li għandha tiżdied bil-mod skont il-ħtiġijiet individwali. Id-doża minima effettiva
għandha tintuża. Id-doża ta’ manteniment rari taqbeż 0.5 mg kuljum. Segwi l-istruzzjonijiet mogħtija
lilek mit-tabib tiegħek.
Injetta l-ormon tat-tkabbir tiegħek bejn wieħed u ieħor fl-istess ħin kuljum. Ħin l-irqad hu ħin tajjeb għax hu faċli biex tiftakar. Hu wkoll naturali li jkollok livell ogħla ta’ ormon tat-tkabbir bil-lejl.
Omnitrope hu intenzjonat għall-użu taħt il-ġilda. Dan ifisser li jkun injettat minn ġo labra qasira tal- injezzjoni ġot-tessut tax-xaħam kemm kemm taħt il-ġilda tiegħek. Il-biċċa l-kbira tan-nies jagħtu l- injezzjonijiet tagħhom fil-koxxa jew fil-warrani tagħhom. Agħti l-injezzjoni tiegħek fil-post fejn ġejt muri mit-tabib tiegħek. Tessut xaħmi tal-ġilda jista’ jiċkien fis-sit tal-injezzjoni. Sabiex tevita dan, uża post kemxejn differenti għall-injezzjoni tiegħek kull darba. Dan jagħti lill-ġilda u ż-żona taħt il-ġilda tiegħek il-ħin biex jirkupraw minn injezzjoni waħda qabel ma jirċievu oħra fl-istess post.
It-tabib tiegħek suppost li diġà wriek kif tuża Omnitrope. Dejjem għandek tinjetta Omnitrope skont il- parir eżatt tat-tabib. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
L-istruzzjonijiet li ġejjin jispjegaw kif inti stess għandek tinjetta Omnitrope 1.3 mg/mL. Jekk jogħġbok aqra l-istruzzjonijiet b’attenzjoni u segwihom pass pass. It-tabib jew infermiera tiegħek ser juruk kif għandek tinjetta Omnitrope. Tippruvax tinjetta ħlief jekk inti ċert/a li tifhem il-proċedura u l- ħtiġijiet għall-injezzjoni.
Wara r-rikostituzzjoni, Omnitrope jingħata bħala injezzjoni taħt il-ġilda.
Eżamina b’attenzjoni s-soluzzjoni qabel ma tinjettaha u użaha biss jekk tkun ċara u bla kulur.
Ibdel is-siti tal-injezzjoni biex timminimizza r-riskju ta’ lipoatrofija lokali (tnaqqis lokali ta’ tessut tax-xaħam taħt il-ġilda).
Iġbor l-oġġetti meħtieġa qabel ma tibda:
kunjett bit-trab Omnitrope 1.3 mg/mL trab għal soluzzjoni għall- injezzjoni.
kunjett bis-solvent (likwidu) għal Omnitrope 1.3 mg/mL
siringa sterili, li tintrema wara li tintuża (eż. siringa ta’ 2 mL) u
labra (eż. 0.33 mm x 12.7 mm) biex tiġbed is-solvent mill-kunjett (mhux fornuti fil-pakkett).
siringa sterili, li tintrema wara li tintuża, ta’ daqs adattat (eż. siringa ta’ 1 mL) u labra tal-injezzjoni (eż. 0.25 mm x 8 mm) għall- injezzjoni taħt il-ġilda (mhux fornuti fil-pakkett).
2 biċċiet li jnaddfu (mhux fornuti fil-pakkett).
Aħsel idejk qabel ma tkompli bil-passi li jmiss.
Neħħi l-għatjien protettivi miż-żewġ kunjetti fil-kaxxa. Bil-biċċa li
tnaddaf, iddiżinfetta l-membrani tal-lastku kemm tal-kunjett mimli bit-trab, kif ukoll tal-kunjett mimli bis-solvent.
Ħu l-kunjett bis-solvent u s-siringa sterili, li tintrema wara li tintuża (eż. siringa ta’ 2 mL u labra (eż. 0.33 mm x 12.7 mm). Imbotta l- labra mwaħħla mas-siringa minn ġol-membrana tal-lastku.
Dawwar il-kunjett bis-solvent ta’ taħt fuq u iġbed is-solvent kollu minn ġol-kunjett.
Ħu l-kunjett bit-trab u imbotta l-labra minn ġol-membrana tal- lastku tal-kunjett. Injetta s-solvent bil-mod. Immira t-tnixxija tal- likwidu lejn il-ġenb tal-ħġieġ biex tevita l-formazzjoni tar-ragħwa. Neħħi s-siringa u l-labra.
Dawwar il-kunjett rikostitwit bil-mod sakemm il-kontenut jinħall kollu. Tħawwadx.
Jekk is-soluzzjoni tkun imċajpra (u ma tgħibx wara għaxar minuti) jew ikun fiha l-partikuli, din m’għandhiex tintuża. Il-kontenut għandu jkun ċar u bla kulur.
Uża s-soluzzjoni immedjatament.
Ħu s-siringa sterili, li tintrema wara li tintuża, ta’ daqs adattat (eż.
siringa ta’1 mL) u l-labra tal-injezzjoni (eż. 0.25 mm x 8 mm).
Imbotta l-labra minn ġot-tapp tal-lastku tal-kunjett bis-soluzzjoni
rikostitwita.
Aqleb il-kunjett u s-siringa ta’ taħt fuq f’id waħda. 
Kun żgur li t-tarf tas-siringa ikun ġos-soluzzjoni rikostitwita ta’ Omnitrope. Idek l-oħra ser tkun ħielsa biex tħarrek il-planġer.
Iġbed il-planġer lura bil-mod u iġbed ġos-siringa ftit iktar mid-doża li għaliha tak riċetta t-tabib tiegħek.
Żomm is-siringa bil-labra fil-kunjett tipponta ’l fuq u neħħi s-
siringa mill-kunjett.
Iċċekkja għal bżieżaq tal-arja fis-siringa. Jekk tara xi bżieżaq, iġbed
il-planġer ftit lura; tektek is-siringa bil-mod, bil-labra tipponta ’l fuq, sakemm il-bżieżaq jgħibu. Imbotta l-planġer bil-mod ’il fuq lura sad-doża korretta.
Eżamina viżwalment s-soluzzjoni rikostitwita qabel l-għoti.
Agħżel is-sit tal-injezzjoni. L-aħjar postijiet għall-injezzjoni huma
tessuti b’saff ta’ xaħam bejn il-ġilda u l-muskoli, bħall-koxxa jew
iż-żaqq (ħlief iż-żokra jew il-qadd).
Aċċerta ruħek li tinjetta mill-inqas 1 ċm ’il bogħod mis-sit tal-aħħar injezzjoni tiegħek u li tibdel il-postijiet fejn tinjetta, kif għallmuk
tagħmel.
Qabel ma tagħmel injezzjoni, naddaf il-ġilda tiegħek sewwa b’biċċa li tnaddaf bl-alkoħol. Stenna sakemm iż-żona tinxef.
B’id waħda, oqros parti merħija tal-ġilda. Bl-id l-oħra, żomm is- siringa kif iżżomm lapes. Daħħal il-labra ġol-ġilda l-maqrusa f’angolu ta’ 45° sa 90°. Wara li l-labra tkun daħlet, neħħi l-id li tkun tkun qed toqros il-ġilda u użaha biex iżżomm il-bettija tas- siringa. Iġbed lura l-planġer kemxejn b’id waħda. Jekk jidħol id- demm ġos-siringa, il-labra tkun daħlet ġo vina. Tinjettax f’dan is- sit; iġbed il-labra ’l barra u rrepeti dan il-pass. Injetta s-soluzzjoni billi timbotta l-planġer kollu kemm hu ’l isfel bil-mod.
Iġbed il-labra bi dritt ’il barra minn ġol-ġilda.
Wara l-injezzjoni, agħfas is-sit tal-injezzjoni bi stikka żgħira jew b’garża sterili għal diversi sekondi. Timmassaġġjax is-sit tal-
injezzjoni.
Is-soluzzjoni, kunjetti u materjali tal-injezzjoni residwi li huma
maħsuba biex jintużaw darba biss għandhom jintremew. Armi s-
siringi b’mod sikur f’kontenitur magħluq.
Jekk tinjetta aktar milli suppost, ikkuntattja lit-tabib jew lill-ispiżjar tiegħek malajr kemm jista’ jkun. Il-livell taz-zokkor fid-demm tiegħek jista’ jinżel iżżejjed u aktar tard jitla’ żżejjed. Tista’ tħoss rogħda, tixxarrab bl-għaraq, tħossok bi ngħas jew “qisek persuna oħra”, u jista’ jħossok ħażin.
M’għandekx tieħu doża doppja biex tpatti għal doża li tkun insejt tieħu. L-aħjar mod hu li tuża l- ormon tat-tkabbir tiegħek regolarment. Jekk tinsa tieħu doża, ħu l-injezzjoni li jkun imiss fil-ħin
normali l-għada. Ħu nota ta’ kwalunkwe injezzjonijiet li tkun insejt tieħu u għid lit-tabib tiegħek fiċ- check-up li jkun imiss.
Staqsi lit-tabib tiegħek għal parir qabel ma tieqaf tieħu Omnitrope.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar jew l- infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd. L-effetti sekondarji komuni ħafna u komuni fl-adulti jistgħu jibdew matul l-ewwel xhur tal- kura u jistgħu jew jieqfu spontanjament jew jekk id-doża tiegħek titnaqqas.
Uġigħ fil-ġogi
Żamma ta’ ilma (li tidher bħala swaba’ jew għekiesi minfuħin għal xi żmien fil-bidu tal-kura)
Ħmura, ħakk jew uġigħ fil-parti fejn tingħata l-injezzjoni
Nefħiet fuq il-ġilda mqabbżin bil-ħakk.
RaxxTmewwit/tnemnim
Ebusija fid-dirgħajn u riġlejn, uġigħ fil-ġogi, uġigħ fil-muskoli
Uġigħ jew sensazzjoni ta’ ħruq fl-idejn jew taħt id-dirgħajn (magħruf bħala s-sindrome tal- Carpal Tunnel)
Tkabbir tas-sider (ġinekomastja)
Ħakk
Lewkimja (Din ġiet irrappurtata f’numru żgħir ta’ pazjenti b’defiċjenza tal-ormon tat-tkabbir, li
xi wħud minnhom ġew ikkurati b’somatropin. Madankollu, m’hemm l-ebda evidenza li l-
inċidenza ta’ lewkimja tiżdied f’persuni li jirċievu l-ormon tat-tkabbir mingħajr fatturi ta’
predisposizzjoni.)
Żieda fil-pressjoni intrakranjali (li tikkawża sintomi, bħal uġigħ ta’ ras qawwi, disturbi tal-vista jew rimettar)
Dijabete ta’ Tip 2
Tnaqqis fil-livelli tal-ormon Cortisol fid-demm tiegħek
Nefħa fil-wiċċ
Uġigħ ta’ ras
Ipotirojdiżmu
Żieda fil-pressjoni intrakranjali (li tikkawża sintomi, bħal uġigħ ta’ ras qawwi, disturbi tal-vista, jew rimettar)
Formazzjoni ta’ antikorpi għall-ormon tat-tkabbir li jkun ġie injettat, iżda ma jidhirx li dawn iwaqqfu
l-ormon tat-tkabbir milli jaħdem.
Il-ġilda madwar iż-żona tal-injezzjoni tista’ ma tibqax lixxa jew tintefaħ, iżda dan m’għandux jiġri
jekk tkun injettajt f’post differenti kull darba.
Kien hemm każijiet rari ta’ mewt f’daqqa f’pazjenti bis-Sindrome ta’ Prader-Willi. Madankollu, ma saret l-ebda assoċjazzjoni bejn dawn il-każijiet u l-kura b’Omnitrope.
Slipped capital femoral epiphysis u l-marda ta’ Legg-Calvé-Perthes jistgħu jiġu kkunsidrati mit-tabib tiegħek jekk ikollok skonfort jew uġigħ fil-ġenbejn jew fl-irkoppa waqt li tkun qed tiġi kkurat b’Omnitrope.
Effetti sekondarji oħrajn possibbli relatati mal-kura tiegħek bl-ormon tat-tkabbir jistgħu jinkludu dawn
li ġejjin:
Inti (jew it-tarbija tiegħek) jista’ jkollkom livell għoli ta’ zokkor fid-demm jew tnaqqis fil-livelli ta’ ormon tat-tirojde. Dan jista’ jiġi ttestjat mit-tabib tiegħek u jekk ikun meħtieġ, it-tabib tiegħek se jordnalek il-kura adegwata. B’mod rari, ġiet irrappurtata infjammazzjoni tal-frixa f’pazjenti kkurati b’ormon tat-tkabbir.
Jekk ikollok xi effett sekondarju, kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq it-tikketta u l-kartuna wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
Żommu kiesaħ waqt il-ħażna u l-ġarr (2°C-8°C).
Tagħmlux fil-friża.
Aħżen fil-pakkett oriġinali sabiex tilqa’ mid-dawl.
Wara r-rikostituzzjoni, mill-aspett mikrobijoloġiku, il-prodott għandu jintuża immedjatament.
Madankollu, l-istabbiltà waqt l-użu ntweriet għal 24 siegħa f’temperatura ta’ 2°C-8°C fil-
pakkett oriġinali.
Jintuża darba biss.
Tużax Omnitrope jekk tinnota li s-soluzzjoni hi mċajpra.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva ta’ Omnitrope hi somatropin.
Kunjett wieħed fih 1.3 mg (li jikkorrispondu għal 4 IU) ta’ somatropin wara r-rikostituzzjoni b’1 mL ta’ solvent.
Is-sustanzi l-oħra huma:
Trab:
glycine
disodium hydrogen phosphate heptyhydrate sodium dihydrogen phosphate dihydrate
Solvent:
ilma għall-injezzjonijiet
Trab u solvent għal soluzzjoni għall-injezzjoni (trab f’kunjett (1.3 mg) u solvent f’kunjett (1 mL)). Daqs tal-pakkett ta’ 1.
It-trab hu abjad u s-solvent hu soluzzjoni ċara u bla kulur.
Sandoz GmbH Biochemiestr. 10 A-6250 Kundl
L-Awstrija
Sandoz GmbH Biochemiestr. 10
A-6336 Langkampfen
L-Awstrija