Pantozol Control
pantoprazole
pantoprazole
Dejjem ħu din il-mediċina eżatt kif deskritt f’dan il-fuljett jew kif qallek it-tabib jew l-ispiżjar tiegħek.
Żomm dan il-fuljett. Jista’ jkollok bżonn terġa’ taqrah.
Staqsi lill-ispiżjar tiegħek jekk tkun trid aktar tagħrif jew pariri.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
Jekk ma tħossokx aħjar jew jekk tmur għall-agħar għandek tkellem tabib wara ġimagħtejn.
M’għandekx tieħu l-pilloli PANTOZOL Control għal iktar minn 4 ġimgħat mingħajr ma tkellem tabib.
X’inhu PANTOZOL Control u għalxiex jintuża
X’għandek tkun taf qabel ma tieħu PANTOZOL Control
Kif għandek tieħu PANTOZOL Control
Effetti sekondarji possibbli
Kif taħżen PANTOZOL Control
Kontenut tal-pakkett u informazzjoni oħra
PANTOZOL Control fih is-sustanza attiva pantoprazole, li timblokka l-’pompa’ li tipproduċi l-aċidu fl-istonku. Għaldaqstant inaqqas l-ammont ta’ aċidu fl-istonku tiegħek.
PANTOZOL Control jintuża għal trattament għal żmien qasir ta’ sintomi tar-rifluss (per eżempju qrusa fl-istonku, rigurġitazzjoni tal-aċidu) fl-adulti.
Rifluss hu fluss lura tal-aċidu mill-istonku għal ġol-gerżuma (“pajp tal-ikel”), li tista’ ssir infjammata u tuġgħek. Dan jista’ jikkawżalek sintomi bħal sensazzjoni ta’ ħruq bl-uġigħ fis-sider li jitla ‘l fuq
sal-gerżuma (qrusa fl-istonku) u togħma qarsa fil-ħalq (rigurġitazzjoni tal-aċidu).
Jista’ jkollok solliev mis-sintomi tar-rifluss tal-aċidu u tal-qrusa fl-istonku wara jum wieħed biss ta’ trattament b’PANTOZOL Control, iżda din il-mediċina mhijiex intenzjonata li tagħtik solliev immedjat. Jista’ jkun meħtieġ li tieħu l-pilloli għal 2-3 ijiem konsekuttivi biex ittaffi s-sintomi.
Għandek tkellem tabib jekk ma tħossokx aħjar jew jekk tmur għall-agħar wara ġimagħtejn.
jekk inti allerġiku għal pantoprazole jew għal xi sustanza oħra ta’ din il-mediċina (imniżżla
fis-sezzjoni 6).
jekk qed tieħu impedituri tal-protease ta’ HIV bħal atazanavir; nelfavir (għal trattament ta’
infezzjoni bl-HIV). Ara “Mediċini oħra u PANTOZOL Control).
Kellem lit-tabib jew lill-ispiżjar tiegħek qabel tieħu PANTOZOL Control
jekk kont ittrattat/a għal qrusa fl-istonku jew indiġestjoni kontinwament għal 4 ġimgħat jew
iktar.
jekk għandek iktar minn 55 sena u qed tieħu trattament ta’ kuljum għall-indiġestjoni mingħajr riċetta tat-tabib.
jekk għandek iktar minn 55 sena u għandek sintomi tar-rifluss ġodda jew sintomi li nbidlu dan
l-aħħar.
jekk kellek operazzjoni minħabba ulċera gastrika jew tal-istonku.
jekk għandek problemi tal-fwied jew suffejra (sfura tal-ġilda jew fl-għajnejn).
jekk regolarment tara lit-tabib tiegħek għal problemi jew kundizzjonijiet serji.
jekk ser ikollok endoskopija jew test tan-nifs imsejjaħ C-urea test.
jekk qatt kellek reazzjoni fil-ġilda wara trattament b’mediċina simili għal PANTOZOL Control
li tnaqqas l-aċtu fl-istonku.
inti wasalt biex ikollok test tad-demm speċifiku (Kromogranin A).
jekk qed tieħu impedituri ta’ protease ta’ HIV bħal atazanavir; nelfinavir (għat-trattament ta’
infezzjoni ta’ HIV) fl-istess waqt ma’ pantoprazole, staqsi lit-tabib għal parir speċifiku.
Tiħux dan il-prodott għal aktar minn 4 ġimgħat mingħajr ma tikkonsulta mat-tabib tiegħek. Jekk
is-sintomi tar-rifluss tiegħek (uġigħ fl-istonku jew regurġitazzjoni aċiduża) jippersistu għal aktar minn ġimagħtejn, ikkonsulta t-tabib tiegħek li ser jiddeċiedi dwar il-bżonn għal teħid fuq perijodu ta’ żmien
twil ta’ din il-mediċina.
Jekk ser tieħu PANTOZOL Control għal perijodi itwal, dan jista’ jikkaġuna riskji addizzjonali, bħal:
assorbiment imnaqqas ta’ Vitamina B12, u nuqqas ta’ Vitamina B12 jekk diġà għandek ħażna baxxa fil-ġisem ta’ Vitamina B12
ksur tal-ġenbejn, il-polz jew l-ispina dorsali jekk għandek l-osteoporożi (tnaqqis fid-densità
tal-għadam) jew jekk it-tabib qallek li inti f’riskju li jkollok l-osteoporożi (pereżempju, jekk qed tieħu l-isterojdi).
livelli tal-manjesju fid-demm tiegħek li jonqsu (sintomi potenzjali: għeja, kontrazzjonijiet
muskolari involontarji, diżorjentazzjoni, konvulżjonijiet, sturdament, rata ta’ taħbit aktar mgħaġġla tal-qalb). Livelli baxxi ta’ manjesju jistgħu jwasslu għal tnaqqis fil-livelli ta’ potassju jew kalċju fid-demm. Għandek tkellem lit-tabib tiegħek jekk ilek tuża dan il-prodott għal aktar minn 4 ġimgħat. It-tabib tiegħek għandu mnejn ikun irid jagħmel testijiet regolari tad-demm biex jissorvelja l-livelli ta’ manjesju tiegħek.
telf ta’ piż mhux intenzjonat (mhux marbut ma’ dieta jew programm ta’ eżerċizzju)
rimettar, partikularment jekk ikun ripetut
tirremetti d-demm; dan jista’ jidher bħala frak tal-kafè skur fir-rimettar tiegħek
tinnota d-demm fl-ippurgar tiegħek; li jista’ jidher iswed jew qisu qatran
diffikultà biex tibla’ jew uġigħ meta tibla’
tidher musfar u tħossok dgħajjef (anemija)
uġigħ fis-sider
uġigħ fl-istonku
dijarea severa u/jew persistenti, għax din il-mediċina kienet assoċjata ma’ żieda żgħira ta’ dijarea infettiva
jekk ikollok raxx fuq il-ġilda tiegħek, speċjalment f’postijiet li jiġu esposti għax-xemx kellem
lit-tabib tiegħek kemm jista’ jkun malajr, peress li jista’ jkollok bżonn twaqqaf it-trattament
tiegħek PANTOZOL Control. Tinsiex issemmi effetti ħżiena oħrajn bħal uġigħ fil-ġogi tiegħek.
It-tabib tiegħek jista’ jiddeċiedi li jkollok bżonn tagħmel xi testijiet.
Jekk tkun ser tagħmel test tad-demm, għid lit-tabib tiegħek li qed tieħu din il-mediċina.
Jista’ jkollok solliev mis-sintomi tar-rifluss tal-aċidu u tal-qrusa fl-istonku wara jum wieħed biss ta’ trattament b’PANTOZOL Control, iżda din il-mediċina mhijiex intenzjonata li tagħtik solliev immedjat.
M’għandekx tieħdu bħala miżura preventiva.
Jekk kont tbati minn qrusa ripetuta fl-istonku jew sintomi ta’ indiġestjoni għal xi żmien, ftakar biex
tara lit-tabib tiegħek regolarment.
PANTOZOL Control m’għandux jintuża fi tfal u adolexxenti li għadhom m’għalqux it-18-il sena
minħabba nuqqas ta’ tagħrif dwar is-sigurtà f’dan il-grupp ta’ etajiet iżgħar.
Għid lit-tabib jew lill-ispiżjar tiegħek jekk qed tuża, użajt dan l-aħħar jew tista’ tuża xi mediċini oħra.
PANTOZOL Control jista’ jwaqqaf ċertu mediċini oħra milli jaħdmu sew. Partikolarment mediċini li
fihom xi wieħed mis-sustanzi attivi li ġejjin:
impedituri tal-protease tal-HIV bħal atazanavir, nelfinavir (għat-trattament ta’ infezzjoni ta’
HIV). M’għandekx tuża PANTOZOL Control jekk qed tieħu impedituri tal-protease tal-HIV. Ara ‘Tiħux PANTOZOL Control’
ketoconazole (użat għal infezzjonijiet fungali).
warfarin u phenprocoumon (jintużaw biex iraqqu d-demm u għall-prevenzjoni tal-emboli). Jista’ jkollok bżonn ta’ testijiet tad-demm addizzjonali.
methotrexate (użat għat-trattament ta’ artrite rewmatojdi, psorjasi, u kanċer) – jekk qed tieħu methotrexate t-tabib tiegħek għandu mnejn iwaqqaf it-trattament tiegħek bi PANTOZOL
Control peress li pantoprazole jista’ jgħolli l-livelli ta’ methotrexate fid-demm.
Tiħux PANTOZOL Control ma’ mediċini oħrajn li jillimitaw l-ammont ta’ aċidu li jiġi prodott
fl-istonku tiegħek, bħal inibitur tal-pompa tal-proton ieħor (omeprazole, lansoprazole jew rabeprazole)
jew antagonist ta’ H2 (eż. ranitidine, famotidine).
Madankollu, tista’ tieħu PANTOZOL Control ma’ antaċidi (eż. magaldrate, alginic acid, sodium bicarbonate, aluminium hydroxide, magnesium carbonate, jew kumbinazzjonijiet tagħhom), jekk ikun meħtieġ.
M’għandekx tieħu din il-mediċina jekk inti tqila jew qed tredda’.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina
Jekk ikollok effetti sekondarji bħal sturdament jew disturb fil-vista, m’għandekx issuq jew tuża magni.
Din il-mediċina fiha anqas minn 1 mmol sodium (23 mg) f’kull pillola, jiġifieri essenzjalment ‘ħieles
mis-sodium’.
Dejjem għandek tieħu din il-mediċina eżatt kif deskritt f’dan il-fuljett jew skont il-parir tat-tabib jew
tal-ispiżjar tiegħek. Iċċekkja mat-tabib jew mal-ispiżjar tiegħek jekk ikollok xi dubju.
Id-doża rakkomandata hija pillola waħda kuljum. Taqbiżx din id-doża rakkomandata ta’ 20 mg ta’ pantoprazole kuljum.
Għandek tieħu din il-mediċina għal mill-inqas 2-3 ijiem konsekuttivi. Għandek tieqaf tieħu PANTOZOL Control meta ma jkollokx aktar sintomi. Jista’ jkollok solliev mis-sintomi tar-rifluss tal-aċidu u tal-qrusa fl-istonku wara jum wieħed biss ta’ trattament b’PANTOZOL Control, iżda din il-mediċina mhijiex intenzjonata li tagħtik solliev immedjat.
Jekk ma jkollok l-ebda solliev tas-sintomi wara li tkun ħadt din il-mediċina għal ġimagħtejn kontinwament, kellem lit-tabib tiegħek.
Tiħux il-pilloli PANTOZOL Control għal iktar minn 4 ġimgħat mingħajr ma tkellem lit-tabib tiegħek. Ħu l-pillola qabel l-ikel, fl-istess ħin kuljum. Għandek tibla’ l-pillola sħiħa ma’ ftit ilma. Tomgħodx
jew taqsam il-pillola.
Għid lit-tabib jew lill-ispiżjar tiegħek jekk ħadt aktar mid-doża rakkomandata. Jekk hu possibbli ħu
l-mediċina u dan il-fuljett miegħek.
M’għandekx tieħu doża doppja biex tpatti għal kull doża li tkun insejt tieħu. Ħu d-doża normali li jkun
imiss l-għada, fil-ħin tas-soltu.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux fuq kulħadd.
jista’ jkun li tinnota wieħed minn dawn li ġejjin - raxx flimkien ma’ nefħa, infafet jew tqaxxir
tal-ġilda, telf ta’ ġilda u ħruġ ta’ demm madwar l-għajnejn, imnieħer, ħalq jew fil-partijiet ġenitali, u deterjorament mgħaġġel tas-saħħa ġenerali tiegħek, jew raxx partikolarment f’żoni tal-ġilda li jkunu esposti għax-xemx. Jista’ jkollok ukoll uġigħ fil-ġogi jew sintomi li jixbhu dawk
tal-influwenza, deni, glandoli minfuħin (eż. fl-abt) u testijiet tad-demm jistgħu juru bidliet f’ċerti ċelluli bojod tad-demm jew enżimi tal-fwied.
sfurija tal-ġilda u l-għajnejn (minħabba ħsara severa fil-fwied), jew deni, raxx, u tkabbir tal-
kliewi li xi drabi jkun akkumpanjat minn uġigħ biex tgħaddi l-awrina, u wġigħ fin-naħa t’ isfel tad-dahar (infjammazzjoni serja tal-kliewi), li possibbilment iwassal għal insuffiċjenza tal- kliewi.
Effetti sekondarji oħra jinkludu
uġigħ ta’ ras; sturdament; dijarea; dardir, rimettar; nefħa u gass fl-istonku; stitikezza; ħalq xott; uġigħ ta’ żaqq u skonfort; raxx tal-ġilda jew urtikarja; ħakk; tħossok dgħajjef, għajjien jew ġeneralment ma tħossokx tajjeb; problemi biex torqod; żieda fl-enzimi tal-fwied f’test
tad-demm, ksur fil-ġenbejn, il-polz jew l-ispina dorsali.
sens ta’ togħma distort jew jitlaq għal kollox, disturbi fil-vista bħal vista mċajpra; uġigħ
fil-ġogi; uġigħ fil-muskoli; tibdil fil-piż; temperatura għolja tal-ġisem; nefħa tal-estremitajiet; depressjoni; żieda fil-livelli tal-bilirubina u x-xaħam fid-demm (kienu osservati f’testijiet
tad-demm), sider li jikber fl-irġiel, deni għoli u tnaqqis f’daqqa f’ċelluli granulari tad-demm
bojod fiċ-ċirkolazzjoni (kif jidher fit-testijiet tad-demm).
diżorjentament; tnaqqis fin-numru ta’ plejtlits fid-demm, li jista’ jikkawża li joħroġlok id-demm jew titbenġel iktar mis-soltu; tnaqqis fin-numru ta’ ċelluli bojod tad-demm, li jista’ jwassal għal infezzjonijiet iktar frekwenti, bi tnaqqis koeżistenti mhux normali fl-għadd ta’ ċelluli tad-demm bojod u ħomor, kif ukoll fil-plejtlits (kif jidher fit-testijiet tad-demm).
Frekwenza mhux magħrufa (ma tistax tiġi stmata mid-data disponibbli)
alluċinazzjoni, konfużjoni (speċjalment f’pazjenti bi storja medika ta’ dawn is-sintomi); tnaqqis fil-livell ta’ sodium, magnesium, calcium jew potassium fid-demm (ara sezzjoni 2); raxx,
possibbilment b’uġigħ fil-ġogi; sensazzjoni ta’ tnemnim, tingiż, qisu xi ħadd qed iniggżek
bil-labar, sensazzjoni ta’ ħruq jew tmewwit, infjammazzjoni fil-musrana l-kbira, li tikkawża dijarea maħlula persistenti.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett
sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u fuq il-folja wara ‘EXP’. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen fil-pakkett oriġinali sabiex tilqa’ mill-umdità.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għandekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi pantoprazole. Kull pillola fiha 20 mg ta’ pantoprazole (bħala sodium
sesquihydrate).
Is-sustanzi mhux attivi l-oħra huma:
Qalba: sodium carbonate (anhydrous), mannitol (E421), crospovidone, povidone K90,
calcium stearate.
Kisja: hypromellose, povidone, titanium dioxide (E171), yellow iron oxide (E172), propylene glycol, methacrylic acid-ethyl acrylate copolymer, sodium lauril sulfate, polysorbate 80, triethyl citrate.
Linka tal-istampar: shellac, red, black and yellow iron oxide (E172), u soluzzjoni
tal-ammonja, ikkonċentrata.
Il-pilloli gastro-reżistenti huma pilloli sofor, ovali, bikonvessi, miksija b’rita u stampati bi “P20” fuq naħa waħda.
PANTOZOL Control hu disponibbli f’folji Alu/Alu bi jew mingħajr cardboard reinforcement.
Il-pakketti fihom 7 jew 14-il pillola gastro-reżistenti. Jista’ jkun li mhux il-pakketti tad-daqsijiet kollha jkunu għall-skop kummerċjali.
Takeda GmbH
Byk-Gulden-Straße 2, 78467 Konstanz
Il-Ġermanja
Takeda GmbH
Sit tal-produzzjoni Oranienburg Lehnitzstraße 70-98, 16515 Oranienburg
Il-Ġermanja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Takeda Belgium
Tél/Tel: + 32 2 464 06 11
Takeda, UAB
Tel: +370 521 09070
Такеда България
Teл.: + 359 2 958 27 36
Takeda Belgium
Tél/Tel: + 32 2 464 06 11
Takeda Pharmaceuticals Czech Republic s.r.o. Tel: + 420 234 722 722
Takeda Pharma A/S Tlf: + 45 46 77 11 11
TAKEDA HELLAS S.A Τηλ: +30 210 6387800
DR. KADE Pharmazeutische Fabrik GmbH
Rigistrasse 2
12277 Berlin
Tel: +49 (0)30 720820
Takeda Nederland B.V.
Tel: +31 20 203 5492
Takeda Pharma AS Tel: +372 617 7669
Takeda AS
Tlf: + 47 6676 3030
TAKEDA ΕΛΛΑΣ Α.Ε
Τηλ: +30 210 6387800
Takeda Pharma Ges.m.b.H.
Tel: +43 (0)800-20 80 50
Takeda Farmacéutica España S.A.
Tel: + 34 917 90 42 222
Takeda Pharma sp. z o.o.
Tel.: + 48 22 608 13 00
Takeda France S.A.S.
Tél: +33 1 40 67 33 00
Takeda - Farmacêuticos Portugal, Lda.
Tel: + 351 21 120 1457
Takeda Pharmaceuticals Croatia d.o.o.
Tel: +385 1 377 88 96
Takeda Pharmaceuticals SRL
Tel: + 40 21 335 03 91
Takeda Products Ireland Limited
Tel: 1800 937 970
Takeda Pharmaceuticals farmacevtska družba d.o.o. Tel: + 386 (0) 59 082 480
Vistor hf.
Sími: +354 535 7000
Takeda Pharmaceuticals Slovakia s.r.o.
Tel: +421 (2) 20 602 600
Takeda Italia S.p.A.
Tel: +39 06 502601
Takeda Oy
Puh/Tel: + 358 20 746 5000
TAKEDA ΕΛΛΑΣ Α.Ε Τηλ: +30 210 6387800
Takeda Pharma AB Tel: + 46 8 731 28 00
Takeda Latvia SIA Tel: + 371 67840082
Takeda UK Ltd
Tel: +44 (0) 2830 640 902
Ir-rakkomandazzjonijiet li ġejjin għal tibdil fl-istil ta’ ħajja u fid-dieta jistgħu wkoll jgħinu biex itaffu
l-qrusa fl-istonku jew sintomi marbuta mal-aċidu.
Evita ikliet kbar
Kul bil-mod
Tpejjipx iżjed
Naqqas il-konsum tal-alkoħol u tal-kafeina
Naqqas il-piż (jekk inti oħxon/ħoxna)
Evita ħwejjeġ jew ċintorini ssikkati
Tikolx inqas minn tliet sigħat qabel tmur torqod
Tella’ l-bedhead (jekk tbati minn sintomi ta’ bil-lejl)
Naqqas l-ammont ta’ ikel li tiekol li jista’ jikkawża qrusa fl-istonku. Dan jista’ jinkludi: Ċikkulata, peppermint, spearmint, ikel imxaħħam u moqli, ikel aċiduż, ikel imħawwar, frott taċ-ċitru u ġjus tal-frott, tadam.