Voriconazole Accord
voriconazole
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar jew l-infermier tiegħek.
Din il-mediċina ġiet preskritta lilek biss. Tagħtihiex lil ħaddieħor. Tista’ tagħmlilhomil-ħsara,
anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, jew lill-ispiżjar jew l-infermier tiegħek. Dan jinkludi xi effett sekondarju possibbli li m’huwiex elenkat f’dan il-fuljett. (Ara sezzjoni 4).
X'inhu Voriconazole Accord u għalxiex jintuża
X’għandek tkun taf qabel ma tieħu Voriconazole Accord
Kif għandek tieħu Voriconazole Accord
Effetti sekondarji possibbli
Kif taħżen Voriconazole Accord
Kontenut tal-pakkett u informazzjoni oħra
Voriconazole Accord fih is-sustanza attiva voriconazole. Voriconazole Accord huwa mediċina antifungali. Huwa jaħdem billi joqtol jew iwaqqaf it-tkabbir tal-fungi li jikkawżaw l-infezzjonijiet.
Huwa jintuża għat-trattament tal-pazjenti (adulti u tfal li għandhom aktar minn sentejn) li għandhom:
aspergillosis invażiva (tip ta’ infezzjoni fungali b’Aspergillus sp),
candidaemia (tip ieħor ta’ infezzjoni fungali minħabba Candida sp) f’pazjenti li m’għandhomx newtropenja (pazjenti li m’għandhomx għadd ta’ ċelloli bojod tad-demm baxx mhux normali),
infezzjonijiet invażivi serji ta’ Candida sp. fejn il-fungus huwa reżistenti għal fluconazole (mediċina antifungali oħra),
infezzjonijiet fungali serji kkawżati minn Scedosporium spp. u Fusarium spp. (żewġ speċi
differenti ta’ fungus).
Voriconazole Accord huwa maħsub għal pazjenti b’infezzjonijiet fungali li qed immorru għall-agħar, li jistgħu jkunu ta' periklu għall-ħajja.
Prevenzjoni ta’ infezzjonijiet fungali f’pazjenti li jkunu ngħataw trapjant tal-mudullun u li jkunu
f’riskju għoli.
Dan il-prodott għandu jittieħed biss taħt is-superviżjoni ta' tabib.
Jekk inti allerġiku għal voriconazole jew għal xi sustanzi oħra ta' din il-mediċina (elenkati fis- sezzjoni 6).
Huwa importanti ħafna li tinforma lit-tabib jew spiżjar tiegħek jekk qiegħedtieħu jew ħadt dan l-aħħar xi mediċini oħra, anki dawk mingħajr riċetta, jew mediċini erbali.
Il-mediċini fil-lista segwenti m'għandhomx jittieħdu waqt il-kura tiegħek b'Voriconazole Accord:
Terfenadine (użat għal allerġija)
Astemizole (użat għal allerġija)
Cisapride (użat għal problemi ta' l-istonku)
Pimozide (użat għall-kura ta' mard mentali)
Quinidine (użat għaltaħbit tal-qalb irregolari)
Ivabradine (użat għal sintomi ta’ insuffiċjenza kronika tal-qalb)
Rifampicin (użat għall-kura tat-tuberkulosi)
Efavirenz (użat għall-kura tal-HIV) f’dożi ta’ 400 mg u aktar darba kuljum
Carbamazepine (użat għall-kura ta' attakki ta' puplesija )
Phenobarbital (użat għal nuqqas ta' rqad sever u attakki ta' puplesija)
Alkalojdi ta' l-ergotina (e.g., ergotamine, dihydroergotamine; użati għall-emigranja)
Sirolimus (użat f'pazjenti tat-trapjanti)
Ritonavir (użat għall-kura ta' l-HIV) f'dożi ta' 400 mg u aktar darbtejn kuljum
St. John’s Wort (fexfiex) (suppliment erbali)
Naloxegol (użat biex jittratta stitikezza kkawżata speċifikament minn mediċini tal-uġigħ, imsejħa
opjojdi, (eż., mofina, oxycodone, fentanyl, tramadol, kodeina))
Tolvaptan (użat biex jittratta iponatremija (livelli baxxi ta’ sodium fid-demm tiegħek) jew biex
idewwem it-tnaqqis fil-funzjoni tal-kliewi f’pazjenti b’marda poliċistika tal-kliewi)
Lurasidone (użat biex jittratta d-dipressjoni)
Venetoclax (użat għat-trattament ta’ pazjenti b’lewkimja linfoċitika kronika-CLL)
Kellem lit-tabib lill-ispiżjar jew l-infermier tiegħek qabel tieħu Voriconazole Accord:
jekk kellek reazzjoni allerġika għal azoli oħrajn.
jekk għandek, jew xi darba kellek mard tal-fwied. Jekk għandek mard tal-fwied, it-tabib tiegħek jista' jordnalek doża aktar baxxa ta' Voriconazole Accord. It-tabib tiegħek għandu wkoll jimmonitorja l-funzjoni tal-fwied tiegħek waqt li tkun qed tiġi kkurat/a b'Voriconazole Accord billi jagħmillek testijiet tad-demm.
jekk huwa magħruf li għandek kardjomijopatija, taħbit irregolari tal-qalb, taħbit tal-qalb bil-mod jew anormalità ta' l-elettrokardjogramma (ECG) imsejħa ‘sindrome tal-QTc twil’.
Għandek tevita d-dawl tax-xemx u esponiment għax-xemx waqt li qed tingħata l-kura. Importanti li
tgħatti il-partijiet tal-ġilda esposti għax-xemx u li tuża skrin biex jipproteġik mix-xemxb’ċans tajjeb
ta’ protezzjoni kontra x-xemx (SPF - sun protection factor), billi jista' jkun hemm sensittività akbar tal-
ġilda għar-raġġi UV tax-xemx.Dawn il-prekawzjonijiet japplikaw ukoll għat-tfal.
Waqt li tkun qed tingħata kura b'Voriconazole Accord:
għid lit-tabib tiegħek immedjatament jekk tiżviluppa
ħruq mix-xemx
raxx sever tal-ġilda jew infafet
uġigħ fl-għadam.
Jekk tiżviluppa disturbi tal-ġilda kif deskritt hawn fuq, it-tabib tiegħek jista’ jirreferik għand dermatologu, li wara konsultazzjoni jista’ jiddeċiedi li jkun importanti għalik li tibqa’ tmur għandu fuq bażi regolari. Hemm possibbilità żgħira li jista’ jiżviluppa kanċer tal-ġilda bl-użu fit-tul ta’ Voriconazole Accord.
Jekk tiżvluppa sinjali ta’ “insuffiċjenza adrenali” fejn il-glandoli adrenali ma jipproduċux ammonti adegwati ta’ ċerti ormoni ta’ sterojdi bħal cortisol li jistgħu jwasslu għal sintomi bħal: għeja kronika
jew li ddum, dgħufija fil-muskoli, telf ta’ aptit, telf fil-piż, uġigħ addominali, jekk jogħġbok għid lit- tabib tiegħek.
Jekk tiżviluppa sinjali ta’ “sindrome ta’ Cushing” fejn il-ġisem jipproduċi wisq mill-ormon cortisol li jista’ jwassal għal sintomi bħal: żieda fil-piż, boċċa bix-xaħam bejn l-ispallejn, wiċċ fit-tond, tiskura l- ġilda fuq l-istonku tiegħek, il-ġilda fuq il-koxox, is-sider, u d-dirgħajn tirqaq, titbenġel malajr, zokkor għoli fid-demm, tkabbir ta’ xagħar eċċessiv, għaraq eċċessiv, jekk jogħġbok għid lit-tabib tiegħek.
It-tabib tiegħek għandu jimmonitorja l-funzjoni tal-fwied tiegħek billi jagħmillek testijiet tad-demm.
Voriconazole Accord m’għandux jingħata lit-tfal ta’ anqas minn sentejn.
Jekk jogħġbok, għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċini oħra, anki dawk mingħajr riċetta.
Ċerti mediċini, meta jittieħdu fl-istess ħin ma' Voriconazole Accord, jistgħu jaffettwaw il-mod kif
jaħdem Voriconazole Accord jew Voriconazole Accord jista' jaffettwa l-mod kif jaħdmu.
Għid lit-tabib tiegħek jekk qed tieħu l-mediċina li ġejja, billi jekk ikun possibbli għandha tiġi evitata
kura b'Voriconazole Accord fl-istess ħin:
Ritonavir (użat għall-kura ta' l-HIV) f'dożi ta' 100 mg u aktar darbtejn kuljum
Glasdegib (użat għall-kura tal-kanċer) – jekk għandek bżonn tuża ż-żewġ mediċini, it-tabib tiegħek se jimmonitorja r-ritmu tal-qalb tiegħek b’mod frekwenti
Għid lit-tabib tiegħek jekk qed tieħu xi waħda minn dawn iż-żewġ mediċini li ġejjin, billi jekk ikun possibbli għandha tiġi evitata kura b'Voriconazole Accord fl-istess ħin, u jista' jkun meħtieġ aġġustament fid-doża ta' voriconazole:
Rifabutin (użat għall-kura tat-tuberkulosi). Jekk diġa' qed tiġi ikkurat/a b’Rifabutin l-għadd tad- demm tiegħek u l-effetti sekondarji għal rifabutin iridu jiġu mmonitorjati.
Phenytoin (użat għall-kura ta' l-epilessija). Jekk diġa' qed tiġi kkurat/a b'phenytoin il- konċentrazzjoni ta' phenytoin fid-demm tiegħek trid tiġi mmonitorjata matul il-kura tiegħek b'Voriconazole Accord u d-doża tiegħek tista' tiġi aġġustata.
Għid lit-tabib tiegħek jekk qed tieħu xi waħda mill-mediċini li ġejjin, billi jista' jkun meħtieġ aġġustament fid-doża jew monitoraġġ sabiex jiġi aċċertat li l-mediċini u/jew Voriconazole Accord ikunu għadhom qed ikollhom l-effett mixtieq:
Warfarin u sustanzi oħra kontra l-koagulazzjoni tad-demm (p.e., phenprocoumon,
acenocoumarol; użati biex jirritardjaw it-tagħqid tad-demm)
Ciclosporin (użat f'pazjenti tat-trapjanti)
Tacrolimus (użat f'pazjenti tat-trapjanti)
Sulfonylureas (p.e., tolbutamide, glipizide, u glyburide) (użati għad-dijabete)
Statins (p.e., atorvastatin, simvastatin) (użati biex ibaxxu l-kolesterol)
Benzodiazepines (p.e., midazolam, triazolam) (użati għal nuqqas ta' rqad sever u stress)
Omeprazole (użat għall-kura ta' l-ulċeri)
Kontraċettivi orali (jekk tieħu Voriconazole Accord waqt li tkun qed tuża kontraċettivi orali, jista' jkollok effetti mhux mixtieqa bħal dardir u disturbi mestrwali)
Alkalojdi vinka (p.e., vincristine u vinblastine) (użati fil-kura tal-kanċer)
Inibituri tat-tirożina kinażi (eż., axitinib, bosutinib, cabozantinib, ceritinib, cobimetinib, dabrafenib, dasatinib, nilotinib, sunitinib, ibrutinib, ribociclib) (użat għall-kura tal-kanċer)
Tretinoin (użat għall-kura tal-lewkimja)
Indinavir u inibituri oħra tal-protease ta' l-HIV (użati għall-kura ta' l-HIV)
Non-nucleoside reverse transcriptase inhibitors (p.e., efavirenz, delavirdine, nevirapine) (użati għall-kura ta' l-HIV) (ċerti dożi ta’ efavirenz MHUX suppost jittieħdu fl-istess ħin ma voriconazole)
Methadone (użat għat-trattament tal-vizzju tat-teħid ta' l-eroina)
Alfentanil u fentanyl u opiates oħra li jaħdmu fuq qasir żmien bħal sulfentanil (mediċini kontra
l-uġiegħ li jintużaw għal proċeduri kirurġiċi)
Oxycodone u opiates oħra li jaħdmu fuq tul ta’ żmien bħal hydrocodone (użati kontra l-uġigħ moderat u sever)
Mediċini anti-infjammatorji non-sterojdali (e.ż. ibuprofen, diclofenac) (użati kontra l-uġigħ u
infjammazzjoni)
Fluconazole (użat għal infezzjonijiet fungali)
Everolimus (użat għal trattament ta’ kanċer avanzat fil-kliewi u f’pazjenti bi trapjanti).
Letermovir (użat għall-prevenzjoni tal-marda ta’ ċitomegalovirus (CMV) wara trapjant tal- mudullun)
Ivacaftor: użat għat-trattament ta’ fibrożi ċistika
Voriconazole Accord m'għandux jittieħed waqt it-tqala, sakemm ma jkunx indikat mit-tabib tiegħek. Għandha tintuża kontraċezzjoni effettiva fin-nisa li jistgħu jinqabdu tqal. Ikkuntattja lit-tabib tiegħek immedjatament jekk tinqabad tqila waqt li tkun qiegħda tieħu Voriconazole Accord.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Voriconazole Accord jista' jikkawża vista mċajpra jew sensittività skomda għad-dawl. Issuqx jew
tħaddem għodod jew magni waqt li tkun affettwat. Ikkuntattja lit-tabib tiegħek jekk tesperjenza dan.
Jekk it-tabib tiegħek qallek li għandek xi intolleranza għal xi tipi ta' zokkor, għid lit-tabib tiegħek qabel ma tieħu Voriconazole Accord.
Din il-mediċina fiha anqas minn 1 mmol sodium (23 mg) f’kull pillola ta’ 50 mg, jiġifieri essenzjalment ‘ħielsa mis-sodium’.
Din il-mediċina fiha anqas minn 1 mmol sodium (23 mg) f’kull pillola ta’ 200 mg, jiġifieri essenzjalment ‘ħielsa mis-sodium’.
Dejjem għandek tieħu din il-mediċina skont il-parir eżatt tat-tabib tiegħek. Dejjem għandek taċċerta ruħek mat-tabib tiegħek jekk ikollok xi dubju.
It-tabib tiegħek jistabbilixxi d-doża tiegħek skont il-piż u t-tip ta' infezzjoni li għandek. Id-doża rrakkomandata għall-adulti (inkluż pazjenti anzjani) hija kif ġej:
Pilloli | ||
Pazjenti li jiżnu 40 kg u aktar | Pazjenti li jiżnu anqas minn 40 kg | |
Doża għall-ewwel 24 siegħa (Doża inizjali aktar qawwija) | 200 mg kull 12-il siegħa għall-ewwel 24 siegħa |
400 mg kull 12- il siegħagħall-ewwel 24 siegħa | ||
Doża wara l-ewwel 24 siegħa (Doża ta' Manteniment) | 200 mg darbtejn kuljum | 100 mg darbtejn kuljum |
Skont ir-rispons tiegħekgħall-kura, it-tabib tiegħek jista' jżid id-doża tiegħek tal-ġurnata għal 300 mg darbtejn kuljum.
It-tabib jista' jiddeċiedi li jnaqqas id-doża jekk inti jkollok ċirrożi ħafifagħal moderata.
Id-doża rrakkomandatagħat-tfal u teenagers hija kif ġej:
Pilloli | ||
Tfal minn 2 sa anqas minn 12-il sena u teenagers ta’ bejn 12 u 14-il sena li jiżnu anqas minn 50 kg | Teenagers ta’ bejn 12 u 14-il sena li jiżnu 50 kg jew aktar; u t-teenagers kollha ta’ aktar minn 14- il sena | |
Doża għall-ewwel 24 siegħa (Doża inizjali aktar qawwija) | It-trattament tiegħek ser jinbeda b’infużjoni | 400 mg kull 12-il siegħa għall-ewwel 24 siegħa |
Doża wara l-ewwel 24 siegħa (Doża ta' Manteniment) | 9 mg/kg darbtejn kuljum (doża massima ta’ 350 mg darbtejn kuljum) | 200 mg darbtejn kuljum |
Skont ir-rispons tiegħekgħall-kura, it-tabib jista' jżid id-doża tiegħek tal-ġurnata.
Il-pilloli għandhom jingħataw biss jekk it-tifel/tifla jkunu kapaċi jibilgħuhom.
Ħu l-pillola tiegħek mill-anqas siegħa qabel, jew siegħa wara ikla. Ibla' l-pillola sħiħa bi ftit ilma.
Jekk inti jew it-tifel/tifla tiegħek qed tieħdu Voriconazole Accord għall-prevenzjoni ta’ infezzjonijiet fungali, it-tabib tiegħek jista’ jwaqqaf it-trattament Voriconazole Accord jekk inti jew it-tifel/tifla tiegħek tiżviluppaw effetti sekondarji assoċjati mat-trattament.
Jekk tieħu pilloli aktar milli ordnat (jew jekk xi ħadd ieħor jieħu l-pilloli tiegħek) għandek tfittex parir mediku jew tmur fid-dipartiment ta' l-emerġenz ta' l-eqreb sptar immedjatament. Ħu miegħek il-kaxxa tal-pilloli Voriconazole Accord tiegħek. Tista’ tespejenza intolleranza mhux normali għad-dawl bħala riżultat li tkun ħadt aktar Voriconazole Accord milli suppost.
Huwa importanti li tieħu l-pilloli Voriconazole Accord tiegħek regolarment fl-istess ħin kuljum. Jekk tinsa tieħu doża, ħu d-doża tiegħek li jmiss meta dovut. Tiħux doża doppja biex tpatti għad-doża li nsejt.
Ġie ppruvat li t-teħid tad-dożi kollha fil-ħinijiet xierqa jista' jżid l-effikaċja tal-mediċina tiegħek b'mod sinifikanti. Għalhekk sakemm it-tabib tiegħek ma jordnalekx biex twaqqaf il-kura, huwa importanti li tkompli tiegħu Voriconazole Accord sewwa, kif deskritt fuq.
Ibqa’ ħu Voriconazole Accord sakem it-tabib tiegħek jgħidlek biex tieqaf. Twaqqafx it-trattament kmieni għax l-infezzjoni tkun għadha m’għaddietlekx. Pazjenti li għandhom is-sistema immunitarja dgħajfa, jew dawk b’infezzjonijiet diffiċli, jista’ jkollom bżonn trattament aktar fit-tul sabiex l- infezzjoni ma terġax tfeġġ.
Meta l-kura b'Voriconazole Accord tiġi mwaqqfa mit-tabib tiegħek inti m'għandek tesperjenza ebda
effetti.
Jekk għandek aktar mistoqsijiet dwar l-użu ta’ din il-mediċina, staqsi lit-tabib, lill-ispiżjar jew l- infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Jekk ikun hemm xi effetti sekondarji, il-biċċa l-kbira tagħhom aktarx li jkunu żgħar u temporanji. Madankollu, xi wħudjistgħu jkunu serji u jeħtieġu attenzjoni medika.
Raxx
Suffejra;
Bidla fit-testijiet tad-demm jew tal-funzjoni tal-fwied
Pankrejatite
Komuni ħafna: li jistgħu jeffetwaw sa 1 kull 10 pazjenti
Indeboliment viżiv (tibdil fil-vista li jinkludi vista mċajpra, tibdil fil-kulur viżiv, intollerenza mhux normali għal perċezzjoni viżiva tad-dawl, problemi fir-rikonoxximent tal-kuluri, disturbi fl-għajnejn, viżjoni halo, ma tibqax tara bil-lejl, viżjoni bħal waqt tbandil, tara xrar, sensazzjoni viżiva, tnaqqis fl-akutezza viżiva, luminożità viżiva, telf ta’ parti mill-kamp viżiv tas-soltu, tara tikek quddiem għajnejk)
Deni
Raxx
Dardir, rimettar, dijarea
Uġigħ ta' ras
Nefħa ta' l-estremitajiet
Uġigħ fl-istonku
Diffikultajiet biex tieħu n-nifs
Żieda fl-enzimi fil-fwied
Komuni: li jistgħu jeffetwaw sa persuna 1 minn kull 10
Infjammazzjoni tas-sinus, infjammazzjoni tal-ħanek, kesħa, indeboliment
Ammonti baxxi ta’ xi tip, inklużi qawwija, ta’ ċelloli ħomor (xi drabi relatati mas-sistema immuni) u /jew bojod (xi drabi bid-deni) tad-demm, ammonti baxxi ta' ċelluli msejħa pjastrini li jgħinu lid-demm biex jagħqad
Livell baxx ta’ zokkor fid-demm, livell baxx ta’ potassium fid-demm, livell baxx ta’ sodium fid- demm
Ansjetà, depressjoni, konfużjoni, aġitazzjoni, ma tkunx tista’ torqod, alluċinazzjonijiet
Aċċessjonijiet, rogħda jew movimenti tal-muskoli mhux ikkontrollati, tnemnim jew sensazzjonijiet mhux normali tal-ġilda, żieda fit-ton tal-muskoli, ngħas, sturdament
Ħruġ ta’ demm fl-għajnejn
Problemi fir-ritmu tal-qalb li jinkludu taħbit tal-qalb mgħaġġel ħafna, taħbit tal-qalb bil-mod ħafna, ħass ħażin, pressjoni tad-demm baxxa, infjammazzjoni ta' vina (li tista' tkun assoċjata mal-ħolqien ta' embolu)
Diffikultà akuta biex tieħu nifs, uġigħ tas-sider, nefħa tal-wiċċ (ħalq, xufftejn u madwar l- għajnejn), akkumulazzjoni ta' fluwidu fil-pulmuni
Stitikezza, indiġestjoni, infjammazzjoni tax-xufftejn
Suffejra, infjammazzjoni tal-fwied u ħsara fil-fwied
Raxx tal-ġilda li jista’ jwassal għal infafet severi u tqaxxir tal-ġilda ikkaratterizzat minn parti
ċatta u ħamra fuq il-ġilda li tkun miksija b’ħafas żgħir konfluwenti, ħmura tal-ġilda.
Ħakk
Twaqqigħ tax-xagħar
Uġigħ tad-dahar
Insuffiċjenza tal-kliewi, demm fl-awrina, bidliet fit-testijiet tal-funzjoni tal-kliewi Mhux komuni: jistgħu jaffetwaw sa persuna 1 minn kull 100
Sintomi qishom tal-influwenza, irritazzjoni u infjamazzjoni tal-passaġġ gastrointestinali, infjammazzjoni tas-sistema gastrointestinali li tikkawża dijarea assoċjata mal-antibijotiċi, infjammazzjoni tal-vini limfatiċi
Infjammazzjoni tat-tessut irqiq li jiksi l-ħajt intern taż-żaqq u jiksi l-organi addominali
Tkabbir tal-glandola limfatika (xi kultant bl-uġigħ), insuffiċjenza tal-mudullun, żieda fl- eosinofili
Funzjoni depressa tal-glandola adrenali, glandola tat-tirojde mhux attiva biżżejjed
Funzjoni mhux normali tal-moħħ, sintomi qishom tal-marda ta’ Parkinson, ferita fin-nervaturi li
tirriżulta fi tmewwit, uġigħ, tnemnim jew ħruq fl-idejn jew fis-saqajn
Problemi bil-bilanċ jew koordinazzjoni
Nefħa tal-moħħ
Tara doppju, kundizzjonijiet serji tal-għajnejn li jinkludu: uġigħ u infjammazzjoni ta' l-għajnejn u tal-kpiepel ta' l-għajnejn, moviment mhux normali tal-għajnejn, ħsara lin-nervaturi tal- għajnejn li tirriżulta f’indeboliment tal-vista, nefħa fid-disk tal-għajnejnSensittività mnaqqsa għall-mess
Sens anormali tat-togħma
Diffikultajiet fis-smigħ, tisfir fil-widnejn, sturdament
Infjammazzjoni ta’ ċerti organi interni - il-frixa u d-duwodenu, nefħa u infjammazzjoni tal- ilsien
Fwied akbar, insuffiċjenza tal-fwied, mard tal-bużżieqa tal-marrara, ġebel fil-marrara
Infjammazzjoni fil-ġogi, infjammazzjoni tal-vini taħt il-ġilda (li tista’ tiġi assoċjata mal- formazzjoni ta’ embolu tad-demm)
Infjammazzjoni tal-kliewi, proteini fl-awrina, ħsara fil-kliewi
Rata mgħaġġla ħafna ta’ taħbit tal-qalb jew il-qalb titlef xi taħbit, xi kultant b’impulsi elettriċi erratiċi
Elettrokardjogramm (ECG) anormali
Żieda fil-livell ta’ kolesterol fid-demm, żieda fil-livell ta’ urea fid-demm
Reazzjonijiet allerġiċi tal-ġilda (xi kultant severi), li jinkludu kundizzjoni tal-ġilda ta’ periklu
għall-ħajja li tikkawża bżieżaq u selħiet bl-uġigħ fil-ġilda u fil-membrani mukużi, speċjalment fil-ħalq urtikarja, ħruq mix-xemx jew reazzjoni severa tal-ġilda wara esponiment għad-dawl jew għax-xemx, ħmura u irritazzjoni tal-ġilda, tibdil fil-kulur aħmar jew vjola tal-ġilda li jista’ jiġi kkawżat minn għadd baxx ta’ pjastrini, ekżema
Reazzjoni fis-sit tal-infużjoni
Reazzjoni allerġika jew rispons immunitarju esaġerat
Rari: jistgħu jaffetwaw sa persuna 1 minn kull 1,000
Glandola tat-tirojde attiva ħafna
Deterjorament tal-funzjoni tal-moħħ li hi kumplikazzjoni serja ta’ mard tal-fwied
Telf tal-biċċa l-kbira tal-fibri fin-nerv ottiku, tiċpir tal-kornea, moviment involontarju tal-għajn
Ħsara fin-nerv tal-għajnejn li jwassal għal problemi fil-vista
Sensittività għad-dawl bil-formazzjoni ta’ nfafet
Disturb li fih is-sistema immuni tal-ġisem tattakka parti mis-sistema nervuża periferali
Problemi fil-konduzzjoni jew fir-ritmu ta’ taħbit tal-qalb (xi drabi b’periklu għall-ħajja)
Reazzjoni allerġika ta’ periklu għall-ħajja
Disturb fl-għaqid tad-demm
Reazzjonijiet allerġiċi tal-ġilda (xi kultant severi), inkluż nefħa mgħaġġla (edema) tad-dermis, tat-tessut taħt il-ġilda, il-mukoża u t-tessuti fis-submokoża, rqajja ta’ ġilda ħoxna u ħamra b’ħakk jew b’uġigħ u b’qoxra kulur il-fidda, irritazzjoni tal-ġilda u l-membrani mukużi, kundizzjoni tal-ġilda ta’ periklu għall-ħajja li twassal biex partijiet kbar mill-epidermide, is-saff ta’ barra nett tal-ġilda, jinqalgħu mis-saffi tal-ġilda ta’ taħthom
Dbabar tal-ġilda żgħar bil-qoxra u xotta, xi kultant miżgħuda b’imsiemer jew ‘qrun’
Effetti sekondarji bi frekwenza mhux magħrufa:
Nemex u tikek pigmentati
Effetti sekondarji sinifikanti oħrajn li l-frekwenza tagħhom mhijiex magħrufa, iżda li għandhom jiġu
rrappurtati lit-tabib tiegħek immedjatament:
Kanċer tal-ġilda
Infjammazzjoni tat-tessut ta’ madwar l-għadam
Irqajja’ ħomor bil-qxur jew leżjonijiet tondi fuq il-ġilda li jistgħu jkunu sintomi ta’ marda awtoimmuni msejħa lupus erythematosus tal-ġilda
Billi huwa magħruf li Voriconazole Accord jaffettwa l-fwied u l-kliewi, it-tabib tiegħek għandu jimmonitorja l-funzjoni tal-fwied u l-kliewi tiegħek billi jagħmillek testijiet tad-demm. Jekk jogħġbok avża lit-tabib tiegħek jekk ikollok xi wġigħ fl-istonku jew jekk il-purgar tiegħek ikollu konsistenza differenza.
Kien hemm rapport ta’ karċinoma fiċ-ċelluli skwamużi tal-ġilda f’pazjenti kkurati b'Voriconazole Accord għal-perjodi twal ta’żmien.
Ħruq mix-xemx jew reazzjoni severa tal-ġilda wara esponiment għad-dawl jew għax-xemx ġew esperjenzati b’mod iktar frekwenti fit-tfal. Jekk inti jew it-tifel/tifla tiegħek tiżviluppaw disturbi tal- ġilda, it-tabib tiegħek jista’ jirreferikom għand dermatologu, li wara konsultazzjoni jista’ jiddeċiedi li jkun importanti għalik jew għat-tifel/tifla tiegħek li tiġu osservati fuq bażi regolari. Kienet osservata wkoll żieda fl-enzimi fil-fwied l-iktar ta’ spiss fit-tfal.
Jekk xi wieħed minn dawn l-effetti sekondarji jippersisti jew idejqek, jekk jogħġminngħid lit-tabib tiegħek.
Jekk ikollok xi effett sekondarju, kellem lit-tabib, lill-ispiżjar jew lill-infermiertiegħek. Dan jinkludi xi
effett sekondarju possibbli li mhuwiex elenkat f’dan il-fuljett.
Rappurtar ta’ reazzjonijiet avversi suspettati
Jekk ikollok xi effett sekondarju, kellem lit-tabib jew lill-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’ Appendiċi V*. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta' meta tiskadi li tidher fuq it-tikketta. Id-data ta’ meta tiskadi
tirreferi għall-aħħar ġurnata ta’ dak ix-xahar.
Din il-mediċina m’għandhiex bżonn ħażna speċjali.
Tarmix mediċini mal-ilma tad-dranaġġ jew mal-iskart domestiku.Staqsi lill-ispiżjar tiegħek dwar kif għandek tarmi mediċini li m’għadekx tuża.Dawn il-miżuri jgħinugħall-protezzjoni tal-ambjent.
Is-sustanza attiva hi voriconazole. Kull pillola fiha jew 50 mg (għal Voriconazole Accord 50 mg pilloli miksija b’rita) jew 200 mg (għal Voriconazole Accord 200 mg pilloli miksija b’rita) ta' voriconazole.
Is-sustanzi l-oħra huma lactose monohydrate, pregelatinised starch, croscarmellose sodium, povidone u magnesium stearate li jiffurmaw il-qalba tal-pillola u hypromellose, titanium dioxide (E171), lactose monohydrate u triacetin li jiffurmaw il-kisja tar-rita (ara sezzjoni 2, Voriconazole Accord 50 mg pilloli miksija b’rita jew Voriconazole Accord 200 mg pilloli miksija b’rita fihom lactose u sodium).
Kif jidher Voriconazole Accord u l-kontenut tal-pakkett
Voriconazole Accord 50 mg pilloli miksija b’rita huma fornuti bħala pilloli tondi ta’ kulur abjad għal
offwajt miksijin b'rita, b’dijametru ta’ 7.0mm, b’‘V50’ imnaqqax fuq naħa u n-naħal-oħra lixxa.
Voriconazole Accord 200 mg pilloli miksija b’rita huma fornuti bħala pilloli ovali ta’ kulur abjad għal offwajt b’tul ta’ madwar 15.6 mm u wiesgħin madwar 7.8 mm b’‘V200’ imnaqqxa fuq naħa u n-naħal- oħra lixxa.
Il-pilloli Voriconazole Accord 50 mg miksijin b'rita u l-pilloli Voriconazole Accord 200 mg miksijin b'rita huma disponibbli bħala pakketti ta' 2, 10, 14, 20, 28, 30, 50, 56 u 100 jew pakketti ta’ folji ta’ doża waħda (PVC / Aluminju) li fihom 10x1, 14x1, 28x1, 30x1, 56x1 jew 100x1 pilloli miksijin b’rita.
Jista' jkun li mhux il-pakketti tad-daqsijiet kollha jkunu fis-suq.
Accord Healthcare S.L.U.
World Trade Center, Moll de Barcelona, s/n, Edifici Est 6ª planta,
08039 Barcelona,
Spanja
Pharmadox Healthcare Ltd. KW20A Kordin Industrial Park, Paola, PLA 3000
Malta
Accord Healthcare Polska Sp.z o.o.,
ul. Lutomierska 50,95-200 Pabianice, Il-Polonja
Accord Healthcare B.V.,
Winthontlaan 200,
3526 KV Utrecht, L-Olanda