Evotaz
atazanavir, cobicistat
Fuljett ta' tagħrif: Informazzjoni għall-utent
EVOTAZ 300 mg/150 mg pilloli miksijin b’rita
atazanavir/cobicistat
Aqra sew dan il-fuljett kollu qabel tibda tieħu din il-mediċina peress li fih informazzjoni importanti għalik.
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju, kellem lit-tabib, lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Ara sezzjoni 4.
F’dan il-fuljett:
X’inhu EVOTAZ u għalxiex jintuża
X’għandek tkun taf qabel ma tieħu EVOTAZ
Kif għandek tieħu EVOTAZ
Effetti sekondarji possibbli
Kif taħżen EVOTAZ
Kontenut tal-pakkett u informazzjoni oħra
X’inhu EVOTAZ u għalxiex jintuża
EVOTAZ fih żewġ sustanzi attivi:
atazanavir, mediċina antivirali (jew antiretrovirali). Huwa wieħed mill-grupp magħruf bħala inibituri ta’ protease. Dawn il-mediċini jikkontrollaw l-infezzjoni tal-virus tal-immunodefiċjenza umana (HIV) billi jwaqqfu l-produzzjoni ta’ proteina li l-HIV għandu bżonn biex ikun jista’ jimmultiplika. Huma jaħdmu billi jnaqqsu l-ammont ta’ HIV f’ġismek u dan, min-naħa tiegħu jsaħħaħ is-sistema ta’ immunità tiegħek. B’hekk atazanavir inaqqas ir-riskju li tiżviluppa mard assoċjat mal-infezzjoni tal-HIV.
cobicistat, rinforz (stimulant farmakokinetiku) biex jgħin itejjeb l-effetti ta’ atazanavir.
Cobicistat, ma jikkurax direttament l-HIV tiegħek, iżda jsaħħaħ il-livelli ta’ atazanavir fid-demm. Dan jagħmlu billi jnaqqas ir-ritmu ta’ tkissir ta’ atazanavir li jippermettilu jibqa’ fil-ġisem għal perjodu itwal.
EVOTAZ jista’ jintuża minn adulti u adolexxenti (ta’ età ta’ 12-il sena u aktar u li jiżnu mill-inqas
35 kg), li jkunu infettati bl-HIV, il-virus li jikkawża s-sindrome tal-immunodefiċjenza umana (AIDS). Dan jintuża flimkien ma’ mediċini oħra li jaħdmu kontra l-HIV biex jgħinek tikkontrolla l-infezzjoni tiegħek tal-HIV. It-tabib jiddiskuti miegħek x’mediċini flimkien ma’ EVOTAZ huma l-aħjar għalik.
X’għandek tkun taf qabel ma tieħu EVOTAZ Tiħux EVOTAZ
jekk inti allerġiku għal atazanavir, cobicistat jew għal xi sustanza oħra ta’ din il-mediċina (elenkati fis-sezzjoni 6)
jekk għandek problemi tal-fwied moderati għal serji
jekk qed tieħu xi waħda minn dawn il-mediċini: ara wkoll Mediċini oħra u EVOTAZ
rifampicin (antibijotiku li jintuża kontra t-tuberkulosi)
carbamazepine, phenobarbital u phenytoin (antiepilettiċi użati biex jipprevjenu aċċessjonijiet)
astemizole jew terfenadine (jintuża ħafna kontra sintomi ta’ allerġija, dawn il-mediċini jistgħu jingħataw mingħajr riċetta); cisapride (jintuża kontra rifluss gastriku, xi kultant imsejjaħ ħruq ta’ stonku); primozide (jintuża għall-iskizofrenija); amiodarone, dronedarone, quinidine, lidocaine (injetabbli) jew bepridil (użat biex jikkoreġi r-ritmu tal-qalb); ergotamine, dihydroergotamine, ergonovine, ergometrine u methylergonovine (użati biex jikkuraw uġigħ ta' ras) u alfuzosin (użat biex jikkura glandola prostatika minfuħa)
quetiapine (użat biex jikkura skizofrenja, disturb bipolari u disturb dipressiv maġġuri); lurasidone (użat għall-kura ta' skizofrenija)
mediċini li fihom John’s wort (Hypericum perforatum, preparazzjoni tal-ħxejjex).
triazolam u midazolam orali (jittieħed mill-ħalq) (użat biex jgħin persuna torqod)
simvastatin, lovastatin u lomitapide (biex ibaxxu l-kolesterol fid-demm)
avanafil (użat biex jikkura disfunzjoni erettili)
colchicine (użat biex jikkura gotta), jekk għandek problemi bil-kliewi u/jew il-fwied
dabigatran u ticagrelor (użat biex jipprevjeni u jrattab id-demm)
prodotti li fihom grazoprevir, inkluż elbasvir/grazoprevir f’doża fissa kombinata, u glecaprevir/pibrentasvir f’doża fissa kombinata (jintużaw għall-kura ta’ infezzjoni kronika tal-epatite Ċ)
Tiħux sildenafil ma’ EVOTAZ meta sildenafil jintuża għall-kura ta’ pressjoni għolja arterjali pulmonari. Sildenafil jintuża wkoll għall-kura ta’ disfunzjoni erettili. Għid lit-tabib tiegħek jekk qed tuża sildenafil għall-kura ta’ disfunzjoni erettili.
Għid lit-tabib tiegħek minnufih jekk xi punt minn dawn japplika għalik.
Twissijiet u prekawzjonijiet
Xi drabi xi pazjenti jridu joqogħdu attenti ħafna qabel jew meta jieħdu EVOTAZ. Kellem lit-tabib jew l-ispiżjar tiegħek qabel tieħu EVOTAZ.
EVOTAZ mhuwiex kura għall-infezzjoni b’HIV. Jista’ jibqa’ jkollok infezzjonijiet u mard ieħor li għandhom x’jaqsmu mal-HIV. Xorta tista’ tgħaddi l-HIV lil persuni oħra meta tkun qiegħed tieħu din il-mediċina, għalkemm ir-riskju jonqos b’terapija antiretrovirali effettiva. Iddiskuti mat-tabib tiegħek il-prekawzjonijiet meħtieġa biex tipprevjeni li tinfetta persuni oħra.
Kun żgur li t-tabib tiegħek ikun jaf:
jekk għandek problemi fil-fwied
jekk tiżviluppa sinjali jew sintomi ta’ ġebel fil-marrara (uġigħ fuq in-naħa tal-lemin). Kien irrappurtat ġebel fil-marrara f’pazjenti li kienu qegħdin jieħdu atazanavir, li huwa komponent ta’ EVOTAZ.
jekk għandek emofilja tat-tip A jew B. Jaf tinnota żieda fil-fsada.
jekk għandek problemi bil-kliewi tiegħek jew teħtieġ emodijalisi. Kien irrappurtat ġebel fil- kliewi f’pazjenti li kienu qegħdin jieħdu atazanavir, li huwa komponent ta’ EVOTAZ. Jekk tiżviluppa sinjali jew sintomi ta’ ġebel fil-kliewi (uġigħ fil-ġnub tiegħek, demm fl-awrina, ugigħ meta tgħaddi l-awrina) jekk jogħġbok informa lit-tabib tiegħek minnufih
jekk qed tieħu kontraċettivi mill-ħalq (“il-Pill”) biex ma toħroġx tqila. Jekk fil-preżent tkun qed tuża kontraċettiv orali jew tuża kontraċettiv f’forma ta’ impjastru biex tevita tqala, għandek tuża tip addizzjonali jew differenti ta’ kontraċezzjoni (eż. kondom)
F’xi pazjenti b’infezzjoni HIV fi stat avvanzat (AIDS) u b’passat ta’ infezzjoni opportunistika, jista’ jkun hemm sinjali u sintomi ta’ infjammazzjoni minn infezzjonijiet ta’ qabel, ftit wara li tibda l-kura kontra l-HIV. Hu maħsub li dawn s-sintomi jseħħu minħabba titjib fir-rispons immunitarju tal-ġisem, li jagħtu s-setgħa lill-ġisem li jiġġieled infezzjonijiet li setgħu kienu preżenti mingħajr sintomi ovvji. Jekk tinnota xi sintomi ta’ infezzjoni, jekk jogħġbok informa lit-tabib tiegħek fil-pront. Flimkien mal- infezzjonijiet opportunistiċi, disturbi awtoimmuni (kundizzjoni li sseħħ meta s-sistema immuni tattakka tessut b’saħħtu tal-ġisem) jistgħu jseħħu wkoll wara li tibda tieħu mediċini għall-kura tal- infezzjoni tiegħek bl-HIV. Disturbi awtoimmuni jistgħu jseħħu ħafna xhur wara l-bidu tal-kura. Jekk
tinnota kwalunkwe sintomu ta’ infezzjoni jew sintomu ieħor bħal dgħufija fil-muskoli, dgħufija li tibda fl-idejn u fis-saqajn u li tinfirex ‘il fuq lejn il-tronk tal-ġisem, palpitazzjonijiet, rogħda jew attività eċċessiva, jekk jogħġbok informa lit-tabib tiegħek immedjatament biex tfittex il-kura meħtieġa.
Xi pazjenti li jieħdu terapija antiretrovirali mħallta jistgħu jiżviluppaw marda tal-għadam imsejħa osteonekrożi (mewta tat-tessuti tal-għadam ikkawżata minn telf fil-provvista tad-demm lejn l- għadam). It-tul tat-terapija antiretrovirali ta’ kombinazzjoni, l-użu ta’ kortikosterojdi, konsum ta’ alkoħol, immunosoppressjoni gravi, indiċi tal-massa tal-ġisem ogħla, fost oħrajn, jistgħu jkunu xi wħud mill-ħafna fatturi ta’ riskju għall-iżvilupp ta’ din il-marda. Sinjali ta’ osteonekrożi huma ebusija fil-ġogi, uġigħ (speċjalment fil-ġenbejn, għarkuptejn u spalel) u diffikultà biex tiċċaqlaq. Jekk tinnota xi sintomi minn dawn, jekk jogħġbok avża lit-tabib tiegħek.
Iperbilirubinimja (żieda fil-livell tal-bilirubina fid-demm) seħħet f’pazjenti li kienu qegħdin jirċievu EVOTAZ. Is-sinjali jistgħu jkunu sfurija tal-ġilda jew tal-għajnejn. Jekk tinnota xi sintomi minn dawn, jekk jogħġbok avża lit-tabib tiegħek.
Raxx serju tal-ġilda, inkluż is-Sindrome ta’ Stevens-Johnson, jista’ jiżviluppa f’pazjenti li jieħdu EVOTAZ. Jekk tiżviluppa raxx, informa lit-tabib tiegħek minnufih.
EVOTAZ jista’ jaffettwa kemm jaħdmu tajjeb il-kliewi tiegħek.
Jekk tinnota bidla fil-mod kif tħabbat qalbek (bidla fir-ritmu tal-qalb), jekk jogħġbok avża lit-tabib tiegħek.
Tfal u adolexxenti
Tagħtix din il-mediċina lil tfal li għandhom inqas minn 12-il sena jew li jiżnu inqas minn 35 kg, għax l-użu ta’ EVOTAZ ma ġiex studjat f’din il-popolazzjoni.
Mediċini oħra u EVOTAZ
M’għandekx tieħu EVOTAZ ma’ ċerti mediċini. Dawn huma elenkati taħt Tiħux EVOTAZ, fil- bidu ta’ sezzjoni 2.
Hemm xi mediċini oħra li ma jistgħux jittieħdu flimkien jew jistgħu jkunu jeħtieġu bidla fil-mod kif jingħataw meta jittieħdu ma’ EVOTAZ. Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra. Huwa ferm importanti li dawn li ġejjin jissemmgħu:
mediċini li fihom ritonavir jew cobicistat (sustanzi ta’ tisħiħ)
mediċini oħrajn għall-kura tal-infezzjoni tal-HIV (eż. indinavir, didanosine, tenofovir disoproxil, tenofovir alafenamide, efavirenz, etravirine, nevirapine u maraviroc)
sofosbuvir/velpatasvir/voxilaprevir (jintużaw għall-kura tal-epatite Ċ)
sildenafil, vardenafil u tadalafil (użati mill-irġiel kontra l-impotenza [disfunzjoni erettili])
jekk qed tieħu kontraċettiv mill-ħalq (“il-Pill”). Għandek tuża wkoll kontraċezzjoni addizzjonali jew tip differenti ta' kontraċezzjoni (eż. kondom).
kull mediċina użata biex tikkura mard relatat mal-aċidu fl-istonku (“ħruq ta’ stonku”) (eż. antaċidi, imblokkaturi ta’ H2 bħal famotidine u inibituri ta’ proton pump bħal omeprazole)
disopyramide, flecainide, mexiletine, propafenone, digoxin, bosentan, amlodipine, felodipine,
nicardipine, nifedipine, verapamil, diltiazem, metoprolol u timolol (mediċini biex ibaxxu l- pressjoni, ir-rata tat-taħbit tal-qalb, jew biex jikkoreġu r-ritmu tat-taħbit tal-qalb)
atorvastatin, pravastatin, fluvastatin, pitavastatin u rosuvastatin (użati biex ibaxxu l-livell tal- kolesterol fid-demm)
salmeterol (użat għall-kura tal-ażżma)
ciclosporin, tacrolimus, u sirolimus (mediċini biex inaqqsu l-effetti tas-sistema immunitarja tal- ġisem)
xi antibijotiċi (rifabutin, clarithromycin)
ketoconazole, itraconazole, voriconazole u fluconazole (antifungali)
metformin (użat għall-kura ta’ dijabete mellitus ta’ tip 2)
warfarin, apixaban, edoxaban u rivaroxaban (użati biex irattbu d-demm)
irinotecan, dasatinib, nilotinib, vinblastine u vincristine (użati fil-kura tal-kanċer)
trazodone (użat biex jikkura d-depressjoni)
perphenazine, risperidone, thioridazine, midazolam (li jingħataw b’injezzjoni), buspirone, clorazepate, diazepam, estazolam, flurazepam u zolpidem (użati biex jikkuraw disturbi fis-sistema nervuża)
buprenorphine (użat biex jikkura dipendenza fuq l-opjojde u uġigħ)
Hu importanti li tgħid lit-tabib tiegħek jekk qed tieħu:: Kortikosterojdi inklużi betamethasone, budesonide, fluticasone, mometasone, prednisone, triamcinolone. Dawn il-mediċini jintużaw biex jikkuraw allerġiji, ażma, mard ta' infjammazzjoni tal-imsaren, kundizzjonijiet infjammatorji tal- għajnejn, ġogi u muskoli u kundizzjonijiet infjammatorji oħrajn. Jekk ma jkunux jistgħu jintużaw alternattivi, l-użu tiegħu għandu jseħħ biss wara evalwazzjoni medika u taħt monitoraġġ mill-qrib mit- tabib tiegħek għal effetti sekondarji tal-korikosterojdi.
Tqala u treddigħ
EVOTAZ m’għandux jintuża waqt it-tqala, għax il-livelli tal-mediċina fid-demm tiegħek jistgħu jkunu aktar baxxi waqt it-tqala u jistgħu ma jibqgħux għoljin biżżejjed biex jikkontrollaw l-HIV. It-tabib tiegħek jista’ jippreskrivi mediċini differenti jekk toħroġ tqila waqt li tkun qed tieħu EVOTAZ.
Atazanavir, komponent ta' EVOTAZ, huwa eliminat mill-ħalib tas-sider tal-bniedem. Mhuwiex magħruf jekk cobicistat, il-komponent l-ieħor ta' EVOTAZ, jiġix eliminat fil-ħalib tas-sider tal- bniedem, iżda ntwera fl-annimali li dan jiġi eliminat fil-ħalib. Kellem lit-tabib tiegħek dwar it-treddigħ jekk qiegħda tieħu EVOTAZ. Il-pazjenti ma għandhomx ireddgħu waqt li jkunu qegħdin jieħdu EVOTAZ. Huwa rrakkomandat li n-nisa infettati bl-HIV ma jreddgħux minħabba li l-virus jista’ jiġi trasmess mill-ħalib tas-sider.
Sewqan u tħaddim ta’ magni
Xi pazjenti rrapportaw sturdament meta ħadu atazanavir jew cobicistat, sustanzi attivi ta’ EVOTAZ. Jekk tħossok stordut/a jew mhux f’siktek, issuqx, tużax xi għodda jew tħaddem magni u kkuntattja lit- tabib tiegħek minnufih.
Kif għandek tieħu EVOTAZ
Dejjem għandek tieħu din il-mediċina skont il-parir eżatt tat-tabib. Dejjem għandek taċċerta ruħek mat-tabib tiegħek jekk ikollok xi dubju. B’hekk il-mediċina tkunlek effettiva u jonqos ir-riskju li l- virus tal-HIV jiżviluppa reżistenza għall-kura.
Id-doża rakkomandata għall-adulti u l-adolexxenti (ta’ età ta’ 12-il sena u aktar li jiżnu mill-inqas
35 kg) ta’ EVOTAZ hija pillola waħda kuljum mill-ħalq u mal-ikel, flimkien ma’ mediċini oħrajn ta’ kontra l-HIV. Il-pilloli għandhom togħma ħażina, għaldaqstant ibla’ l-pillola sħiħa; ma għandekx tfarrak jew tomgħod il-pilloli. Dan jgħin biex jiġi żgurat li inti tieħu d-doża kollha.
Jekk tieħu EVOTAZ aktar milli suppost
Jekk bi żball tieħu EVOTAZ aktar milli għandek tieħu, kellem lit-tabib tiegħek immedjatament jew mur l-eqreb sptar għal parir.
Jekk tinsa tieħu EVOTAZ
Jekk taqbeż doża ta’ EVOTAZ bi 12-il siegħa jew inqas, ħudha mill-ewwel mal-ikel u mbagħad ħu d- doża skedata li jmiss tiegħek fil-ħin tas-soltu. Jekk taqbeż doża u jkunu għaddew aktar minn 12-
il siegħa minn meta suppost ħadt EVOTAZ, tiħux id-doża li tkun insejt tieħu. Stenna u ħu d-doża li jmiss fil-ħin tas-soltu tagħha. Tirduppjax id-doża li jmiss. Huwa importanti li ma taqbiżx dożi ta’ EVOTAZ jew mediċini oħrajn tiegħek kontra l-HIV.
Jekk tieqaf tieħu EVOTAZ
Tiqafx tieħu EVOTAZ qabel tkellem lit-tabib tiegħek.
Jekk għandek aktar mistoqsijiet dwar l-użu ta’ din il-mediċina, staqsi lit-tabib tiegħek.
Effetti sekondarji possibbli
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd. Għid lit-tabib tiegħek jekk tinnota xi ħaġa mhux tas-soltu dwar saħħtek.
L-effetti sekondarji li ġejjin jistgħu jseħħu meta tieħu EVOTAZ
Komuni ħafna (jistgħu jaffettwaw lil aktar minn persuna 1 minn kull 10)
sfurija tal-ġilda jew fil-parti l-bajda ta’ għajnejk
dardir
Komuni (jistgħu jaffettwaw sa persuna 1 minn kull 10)
żieda fil-livelli tal-bilirubina fid-demm
rimettar, dijarea, uġigħ jew skumdità fl-istonku, diġestjoni, żaqq (addome) minfuħa jew bi pressjoni, gass (flatulenza)
uġigħ ta’ ras, sturdament
għeja tremenda
żieda fl-aptit, indeboliment tas-sens tat-togħma, ħalq xott
diffikultà fl-irqad, ħolm stramb, ngħas
raxx
Mhux komuni (jistgħu jaffettwaw sa persuna 1 minn kull 100)
taħbit irregolari tal-qalb li huwa ta’ theddida għall-ħajja (torsade de pointes)
reazzjoni allerġika (sensittività eċċessiva)
infjammazzjoni tal-fwied
infjammazzjoni tal-frixa, infjammazzjoni tal-istonku
reazzjonijiet allerġiċi inkluż raxx, temperatura tal-ġisem għolja, żieda fil-livelli tal-enzimi tal- fwied li tidher fit-testijiet tad-demm, żieda f’tip ta’ ċellola bajda tad-demm [esosinofilja] u/jew limfonodi mkabbra (ara sezzjoni 2)
nefħa severa tal-ġilda u tessuti oħra ħafna drabi x-xufftejn jew l-għajnejn
ħass ħażin, pressjoni tad-demm għolja
uġigħ fis-sider, kundizzjoni ġenerali ħażina, deni
qtugħ ta’ nifs
formazzjoni tal-ġebla fil-kliewi, infjammazzjoni tal-kliewi, demm fl-awrina, proteina eċċessiva fl- awrina, żieda fil-frekwenza ta’ meta tgħaddi l-awrina, marda kronika tal-kliewi (kemm jaħdmu tajjeb il-kliewi tiegħek)
ġebla fil-marrara
jiċkienu l-muskoli, uġigħ fil-ġogi, uġigħ fil-muskoli
tkabbir tas-sider fl-irġiel
dipressjoni, ansjetà, disturbi fl-irqad
għeja jew dgħufija mhux tas-soltu
telf ta’ aptit, telf fil-piż, żieda fil-piż
disorjentament, telf ta’ memorja
truxija, dgħjufija, tagħrix jew uġigħ fid-dirgħajn u fis-saqajn
ulċeri fil-ħalq u ponot tad-deni
raxx bil-ħakk, titlef ix-xagħar jew jirqaq b’mod mhux normali, ħakk
Rari (jistgħu jaffettwaw sa persuna 1 minn kull 1,000)
reazzjonijiet allerġiċi li jinkludu raxx serju tal-ġilda, temperatura tal-ġisem għolja, limfonodi mkabbra (sindrome ta’ Stevens-Johnson, ara sezzjoni 2).
taħbit tal-qalb mgħaġġel jew irregolari (titwil tal-QTc)
tkabbir tal-fwied u tal-milsa
infjammazzjoni fil-marrara
uġigħ fil-kliewi
nefħa
akkumulazzjoni viżibbli tal-fluwidu taħt il-ġilda, raxx tal-ġilda, twessigħ tal-vini
mod mhux tas-soltu ta’ kif timxi
uġigħ fil-muskoli, sensittivitа fil-muskoli jew dgħjufija, mhux ikkawżata minn eżerċizzju
Matul it-terapija kontra l-HIV jista’ jkun hemm żieda fil-piż u fil-livelli ta’ lipidi u glukożju fid-demm. Dan huwa parzjalment marbut mas-saħħa u mal-istil ta’ ħajja mreġġa’ lura, u fil-każ ta’ lipidi fid- demm xi kultant mal-mediċini kontra l-HIV infushom. It-tabib tiegħek ser jittestja għal dawn il-bidliet.
Rappurtar tal-effetti sekondarji
Jekk ikollok xi effett sekondarju, kellem lit-tabib, lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Kif taħżen EVOTAZ
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq it-tikketta u l-kartuna wara ‘JIS’. Id- data ta’ meta tiskadi tirreferi għall-aħħar ġurnata ta’ dak ix-xahar.
Taħżinx f’temperatura ‘l fuq minn 30°C.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Kontenut tal-pakkett u informazzjoni oħra X’fih EVOTAZ
Is-sustanzi attivi huma atazanavir u cobicistat. Kull pillola miksija b’rita fiha 300 mg ta’ atazanavir (bħala sulphate), u 150 mg ta’ cobicistat.
Is-sustanzi l-oħra huma:
Qalba tal-pillola - cellulose, microcrystalline (E460(i)), croscarmellose sodium (E468), sodium starch glycolate, crospovidone (E1202), stearic acid (E570), magnesium stearate (E470b), hydroxypropyl cellulose (E463), silica (E551)
Kisja tar-rita - hypromellose (hydroxypropyl methyl cellulose, E464), titanium dioxide (E171), talc (E553b), triacetin (E1518), red iron oxide (E172)
Kif jidher EVOTAZ u l-kontenut tal-pakkett
Il-pilloli miksijin b’rita ta’ EVOTAZ huma roża, ovali, bikonvessi b’dimensjonijiet ta’ madwar 19 mm x 10.4 mm, imnaqqxa b’“3641” fuq naħa waħda u b’wiċċhom vojt fuq in-naħa l-oħra.
EVOTAZ pilloli miksijin b’rita jiġu fi fliexken ta’ 30 pillola. Huma disponibbli d-daqsijiet tal-pakkett li ġejjin: kartuniet ta’ barra li fihom 1 flixkun ta’ 30 pillola miksija b’rita u kartuniet ta’ barra li fihom 90 (3 fliexken ta’ 30) pillola miksija b’rita.
Jista’ jkun li mhux il-pakketti tad-daqsijiet kollha jkunu fis-suq.
Detentur tal-Awtorizzazzjoni għat-Tqegħid fis- Suq
Bristol-Myers Squibb Pharma EEIG
Plaza 254
Blanchardstown Corporate Park 2 Dublin 15, D15 T867
L-Irlanda
Manifattur
CATALENT ANAGNI S.R.L.
Loc. Fontana del Ceraso snc Strada Provinciale 12 Casilina, 41
03012 Anagni (FR)
Italja
Swords Laboratories Unlimited Company T/A Bristol-Myers Squibb Pharmaceutical Operations, External Manufacturing
Plaza 254
Blanchardstown Corporate Park 2 Dublin 15, D15 T867
L-Irlanda
Dan il-fuljett kien rivedut l-aħħar f’