Helicobacter Test INFAI
13C-urea
13C-urea
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Helicobacter Test INFAI u għalxiex jintuża
X’għandek tkun taf qabel ma tieħu Helicobacter Test INFAI
Kif għandek tieħu Helicobacter Test INFAI
Effetti sekondarji possibbli
Kif taħżen Helicobacter Test INFAI
Kontenut tal-pakkett u informazzjoni oħra
Helicobacter Test INFAI huwa għal użu dijanjostiku biss. Huwa test tan-nifs għal adoloxxenti mill-età ta’ 12-il sena u adulti sabiex tiġi stabbilita l-preżenza tal-batterju Helicobacter pylori fl-istonku.
Jista’ ikun li jkollok infezzjoni fl-istonku kkawżata minn batterju msejjaħ Helicobacter pylori. It-tabib tiegħek irrakomanda li inti jkollok Helicobacter Test INFAI minħabba wieħed mir-raġunijiet li ġejjin:
It-tabib tiegħek irid jikkonferma jekk intiex qed isofri minn infezzjoni ta’ Helicobacter pylori sabiex tgħinu fid-dijanjosi tal-kundizzjoni tiegħek.
Inti diġà ġejt determinat li int infettat b’Helicobacter pylori u qed tieħu mediċini mmirati sabiex tfejjaq l-infezzjoni. It-tabib tiegħek jixtieq jarha jekk it-trattment kienx ta’ suċċess.
L-ikel kollu fih sustanza msejjaħ carbon-13 (13C). Dan il-carbon-13 ġie intraċċat fid-Dijossidu Karboniku li int tonfoħ barra mill-pulmuni. L-ammont propju ta’ carbon-13 fin-nifs tiegħek għandu jiddependi fuq it-tip ta’ ikel li int tkun ħadt.
Inti ser tiġi mitlub biex tixrob “l-ikla tat-test”. Wara l-ikla, ser jittieħdu kampjuni minn nifs tiegħek. Ara “Struzzjonijiet speċjali għall-użu”). Dawn il-kampjuni ser jiġu analiżżati sabiex ikejlu l-ammont “normali” li jkun hemm ta’ carbon-13 fid-Dijossidu Karboniku fin-nifs tiegħek.
Inti mbagħad ser tkun mitlub tixrob taħlita likwida ta’ carbon-13 urea. Aktar kampjuni tan-nifs tiegħek ser jittieħdu nofs siegħa wara u l-ammont ta’ carbon-13 fil-kampjuni mkejjel bħal qabel. Ir- riżultati ser jiġu paragunati u żieda sinifikanti fl-ammont ta’ carbon-13 fit-tieni sett ta’ kampjuni, ser jindikaw lit-tabib tiegħek li Helicobacter pylori huwa preżenti.
jekk inti għandek jew tissuspetta li għandek infezzjoni fl-istonku jew ċerta infjammazzjoni tal-kisja tal-istonku (gastrite atropika)
Din l-infjammazzjoni tal-kisja tal-istonku tista’ tikkawża riżultati pożittivi mhux korretti tat-test tan-nifs tiegħek. Investigazzjonijiet addizzjonali jistgħu jkunu meħtieġa biex tiġi kkonfermata l- preżenza ta’ Helicobacter pylori.
Kellem lit-tabib jew l-ispiżjar tiegħek qabel tieħu Helicobacter Test INFAI jekk ikollok kwalunkwe kundizzjoni li tista’ taffettwa jew tiġi affwettata mit-test.
Anke jekk ir-riżultat minn Helicobacter Test INFAI huwa pożittiv, aktar testijiet għandhom mnejn ikunu meħtieġa qabel ma jkun jista’ jinbeda t-trattament għall-infezzjoni minn Helicobacter pylori. Dawn huma meħtieġa biex jiċċekkjaw għall-preżenza ta’ kwalunkwe kumplikazzjonijiet oħrajn, bħal:
ulċera fl-istonku
infjammazzjoni tal-kisja tal-istonku kkawżata mis-sistema immuni
tumuri
Qaghad m’hemmx biżżejjed informazzjoni fuq l-affidabilità dijanjostika ta’Helicobacter Test INFAI sabiex l-użu tiegħu jiġi wżat f'pazjenti bi tneħħija ta’ partijiet mill-istonku.
Jekk il pazjent jirremetti waqt il-proċedura tat-test, ir-ripetizzjoni tat-test hi meħtieġa. Dan għandu jsir f’kondizzjoni ta’ sawm u mhux qabel il-ġurnata ta’ wara.
Helicobacter Test INFAI huwa influwenzat minn mediċini li jinfluwenzaw
Helicobacter pylori (Ara sezzjoni 3, it-tieni paragrafu taħt “Metodu kif jintuża”)
l-enzima urease, li tistimula t-tnaqqis tal-urea
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Mhux mistenni li jekk tieħu t-test tan-nifs waqt it-tqala jew l-irdigħ ikun hemm xi effett ta’ ħsara.
Helicobacter Test INFAI m’għandu l-ebda effett fuq il-ħila biex issuq u tħaddem magni.
Dejjem għandek tieħu din il-mediċina skont il-parir eżatt tat-tabib. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
Għandek twettaq it-test fil-preżenza tat-tabib tiegħek jew xi persuna kkwalifikata oħra.
Pazjenti mill-età ta’ 12-il sena jridu jieħdu l-kontenut ta’ vażett għal test wieħed.
Trid tkun sajjem għal 6 sigħat qabel it-teħid, preferibilment wara lejl. Staqsi lit-tabib tiegħek jekk is- sawm problema, eż. għal pazjenti dijabettiċi.
Il-proċedura tat-test tieħu madwar 40 minuta. It-test għandu jitwettaq wara ta’ l-anqas:
erba’ ġimgħat ta’ terapija kontra infezzjoni batterjali
ġimagħtejn wara l-aħħar amministrazzjoni ta’ mediċina biex tnaqqas it-tnixxija ta’ aċidu tal- istonku
Iż-żewġ gruppi ta’ mediċini jistgħu jaffetwaw ir-riżultati ta’ Helicobacter Test INFAI. Dan hu partikolarment minnu wara terapija biex tneħħi Helicobacter pylori. Huwa importanti li l- istruzzjonijiet jiġu segwit b’mod eżatt, inkella r-riżultat ma’ jkunx affidabbli.
Qabel ma jitwettaq it-test tan-nifs, tittieħed ikla likwida sabiex tittardja l-istonku milli jitbattal. L-ikla bħala test mhijiex provduta mas-sett. Dawn li ġejjin huma adattati bħala ikliet tat-test:
200 ml 100 % meraq tal-larinġ jew
1 g ta’ aċidu ċitriku maħlul f’ 200 ml ta’ ilma
Jekk ma tistax tieħu xi wieħed minn dawn l-ikliet, jekk jogħġbok għarraf lit-tabib tiegħek, li jissuġerixxi xi alternattiva. Reċipjent tax-xorb u ilma tal-vit huma meħtieġa sabiex jinħall it-trab 13C- urea. Jekk hemm bżonn li t-test jiġi ripetut, dan m'għandux isir qabel 'l għada.
It-test għandu jsir wara istruzzjonijiet minn professjonist tal-kura tas-saħħa u taħt superviżjoni medika xierqa. Id-dejta tal-pazjent għandha tkun dokumentata billi tuża l-folja ta’ informazzjoni fornuta. Huwa rakkomandat li tieħu t-test f' pożizzjoni ta’ serħan.
It-test għandu jitwettaq wara sawm ta’ 6 sigħat qabel l-applikazzjoni, preferibbilment wara lejl.
Jekk it-test għandu jsir aktar tard matul il-ġurnata, bukkin żgħir bħal te u towst huwa rakkomandat.
It-test jibda bil-ġbir ta’ kampjuni sabiex jiġi stabbilit il-valur ta’ referenza bażi.
L-l-istrô u t-tubi tal-kampjuni bit-tikketta “Ħin ta’ kampjunar: 00-minuti-valur” jittieħdu mis-sett tat-test.
Neħħi t-tapp minn wieħed millkontenituri tal-kampjuni u poġġi l-istrô mhux imġeżwra ġol-kontenitur.
Issa ħu n-nifs bil-mod minn ġo l-istrô għal ġol-kontenitur tal-kampjun sakemm in-naħa ta’ ġewwa tal-kontenitur tal-kampjun tiċċajpar bil-fwar.
Kompli ħu n-nifs minn ġo l-istrô waqt li qed jitneħħa mill-kontenitur tal-kampjun, imbagħad immedjatament agħlaq il-kontenitur tal-kampjun bit-tapp tiegħu.
Kemm-il darba il-kontenitur tal-kampjun jibqa’ miftuħ għal aktar minn 30 sekonda, ir- riżultat tat-test jista’ ma jkunx preċiż.
Żomm il-kontenitur tal-kampjun 'il fuq u t-tikketta tal-kodiċi żbarrati mmarkata “00-
minuti-valur” se titwaħħal madwar il-kontenitur tal-kampjun biex b’hekk il-linji tal- kodiċi żbarrati jkunu orizzontali.
Imla t-tieni tubu bil-kampjun (tikketta: “Ħin ta’ kampjunar: 00-minuta-valur”) bin-nifs billi tuża
l-istess proċedura deskritta hawn fuq.
Ser tiġi mitlub tixrob l-ikla rakkomandata tat-test (200 ml ta’ 100 % meraq tal-larinġ jew 1 g ta’ aċidu ċitriku f’ 200 ml ilma).
Issa jmiss il-preparazzjoni tas-soluzzjoni tat-test:
Il-vażett bit-tikketta “13C trab tal-urea” jiġi meħud mis-sett tat-test, jinfetaħ u jimtela sa tlett kwarti minnu b'ilma tal-vit.
Agħlaq il-vażett u ħallat b’attenzjoni sakemm it-trab kollu jkun inħall.
Ferragħ il-kontenut f’tazza, imla l-vażett 13C-urea sax-xifer b’ilma għat-tieni u tielet darba u ferragħ dawn il-kontenut ta’ dawn fit-tazza sabiex int ikollok volum totali ta’ madwar 30 ml ta’ taħlita likwida tat-test.
Is-soluzzjoni tat-test għandha tinxtorob minnufih mill-pazjent. Il-ħin ta’ teħid għandu jitniżżel.
Tletin minuta wara t-teħid tas-soluzzjoni tat-test (punt 6), iġbor il-kampjuni ta’ 30 minuta-valur fiż-żewġ kontenituri li qegħdin fil-pakkett tat-test (bit-tikketta: “Ħin ta' kampjunar: 30-minuta- valur”), kif deskritt taħt punti 2 u 3.
Uża t-tikketti tal-kodiċi żbarrata mmarkati “30-minuta-valur” għal dawn il-kampjuni.
Qiegħed it-tikketta rilevanti bil-kodiċi żbarrata fuq il-folja tal-informazzjoni għad- dokumentazzjoni tal-pazjent. Il-kontenituri kollha tal-kampjuni tan-nifs għandhom jitpoġġew lura fl-ippakkjar oriġinali. Fl-aħħar issiġġilla l-pakkett bl-istiker li baqa’.
Il-pakkett għandu jintbagħat f’laboratorju kkwalifikat għal analiżi.
Professjonisti fil-qasam mediku jew tal-kura tas-saħħa jistgħu jsibu informazzjoni dettaljata fuq l- analiżi ta’ kampjuni tan-nifs u l-ispeċifikazzjonijiet tal-ittestjar għal-laboratorji f’sezzjoni 6.6 tas- Sommarju tal-Karatteristiċi tal-Prodott.
Minħabba li 75 mg 13C-urea ibiss huwa provdut mhux mistenni li jkun hemm doża eċċessiva.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
L-ebda effett ieħor m’huwa magħruf.
Jekk ikollok xi effett sekondarju, kellem lit-tabib jew lill-ispiżjar tiegħek. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq it-tikketta u il-kartuna wara JIS. Id- data ta’ meta tiskadi tirreferi għall-aħħar ġurnata ta’ dak ix-xahar.
Taħżinx f’temperatura ’l fuq minn 25C.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi 13C-urea.
Vażett wieħed fih 75 mg 13C-urea
M’hemmx sustanzi oħra.
Helicobacter Test INFAI hu trab abjad u kristallin għal soluzzjoni orali.
Kontenut tal-kitt tas-sett:
Nru. | Komponent | Kwantità |
1 | Vażett (volum ta’ 10 ml, tap li jinqasam tal-polystyrene ma’ polyethylene) li jkun fih 75 mg 13C trab tal-urea għal soluzzjoni li tittieħed mill-ħalq | 1 |
2 | Reċipjenti bit-tikketta tal-ħġieġ jew plastik għal kampjunar, ħażna u ġarr tal-kampjuni tan-nifs għal analiżi: Ħin ta’ kampjunar: 00-minuti-valur Ħin ta’ kampjonar: 30-minuta-valur | 2 2 |
3 | Strô li jitgħawweġ għal ġbir ta’ kampjuni tan-nifs fil-kontenituri tal- kampjuni rispettivi | 1 |
4 | Folja ta’ l-informazzjoni tal-pazjent għad-dokumentazzjoni. | 1 |
5 | Fuljett ta’ tagħrif | 1 |
6 | Paġna bit-tikketti ta’ kodiċi żbarrati u stiker | 1 |
INFAI GmbH
Riehler Str. 36 D-50668 Köln
Il-Ġermanja
INFAI GmbH
An der Kohlenbahn 39 D-58135 Hagen
Il-Ġermanja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq.
INFAI GmbH, Tel / Tél / Teл. / Τηλ / Puh / Sími / Tlf.: +49 221 880 443
Deutschland / Allemagne / Германия / Německo / Tyskland / Saksamaa / Saksa / Þýskaland / Germania / Vokietija / Vācija / Il-Ġermanja / Duitsland
Helicobacter Test INFAI
INFAI GmbH
Riehler Str. 36 D-50668 Köln
Il-Ġermanja
Data tat-test
Numru tal-Identifikazzjoni tal-Pazjent Data tat-twelid
Barcode
Tabib/Indirizz ta’ l-Isptar