Quinsair
levofloxacin
levofloxacin
Dan il-prodott mediċinali huwa suġġett għal monitoraġġ addizzjonali. Dan ser jippermetti identifikazzjoni ta’ malajr ta’ informazzjoni ġdida dwar is-sigurtà. Inti tista’ tgħin billi tirrapporta kwalunkwe effett sekondarju li jista’ jkollok. Ara t-tmiem ta’ sezzjoni 4 biex tara kif għandek tirrapporta effetti sekondarji.
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’
tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Ara sezzjoni 4.
X’inhu Quinsair u għalxiex jintuża
X’għandek tkun taf qabel ma tuża Quinsair
Kif għandek tuża Quinsair
Effetti sekondarji possibbli
Kif taħżen Quinsair
Kontenut tal-pakkett u informazzjoni oħra
Quinsair fih mediċina antibijotika msejħa levofloxacin. Jappartjeni għall-grupp ta’ antibijotiċi msejħa
fluoroquinolones.
Quinsair jintuża biex jikkura infezzjonijiet tal-pulmun ikkawżati minn Pseudomonas aeruginosa f’adulti b’fibrożi ċistika. Huwa mediċina antibijotika li tinġibed man-nifs direttament fil-pulmuni fejn toqtol il-batterja li tikkawża l-infezzjoni. Dan jgħin biex itejjeb it-teħid tan-nifs f’persuni li għandhom fibrożi ċistika.
- jekk inti allerġiku għal levofloxacin, għal xi antibijotiċi oħrajn li fihom quinolone, bħal moxifloxacin, ciprofloxacin jew ofloxacin, jew għal xi sustanza oħra ta’ din il-mediċina (imniżżla fis-sezzjoni 6)
jekk qatt kellek problema fit-tendins (infjammazzjoni ta’ tendin jew tendin imċarrat) matul l- kura b’antibijotiku li fih quinolone jew fluoroquinolone
jekk tbati mill-epilessija
jekk inti tqila jew qed tredda’
Qabel ma tieħudin il-mediċina
M’għandekx tieħu mediċini antibatteriċi fluoroquinolones/quinolones, inkluż Quinsair, jekk qatt kellek xi reazzjoni avversa serja fil-passat meta ħadt quinolone jew fluoroquinolone. F’din is- sitwazzjoni, għandek tgħarraf lit-tabib tiegħek kemm jista’ jkun malajr.
Meta tieħudin il-mediċina
Uġigħ u nefħa fil-ġogi u infjammazzjoni jew tiċrit tat-tendins jistgħu jseħħu b’mod rari. Ir-riskju tiegħek jiżdied jekk inti anzjan/a (b’età ta’ aktar minn 60 sena), irċevejt trapjant ta’ organu, għandek problemi fil-kliewi jew jekk qed tiġi ttrattat b’kortikosterojdi. Infjammazzjoni u tiċrit tat-tendins jistgħu jseħħu fl-ewwel 48 siegħa tat-trattament u saħansitra sa diversi xhur wara li titwaqqaf it- terapija ta’ Quinsair. Mal-ewwel sinjal ta’ uġigħ jew infjammazzjoni ta’ tendin (per eżempju fl- għaksa, polz, minkeb, spalla jew irkoppa), waqqaf it-teħid ta’ Quinsair, ikkuntattja lit-tabib tiegħek u serraħ iż-żona fejn ikun hemm l-uġigħ. Evita kull eżerċizzju bla bżonn peress li dan jista’ jżid ir-riskju ta’ tiċrita f’tendin.
jekk għandek jew qatt kellek xi waħda minn dawn li ġejjin:
- Effetti sekondarji serji li jieħdufit-tul, li jinkapaċitawu potenzjalment irriversibbli
Mediċini antibatteriċi fluoroquinolones/quinolones, inkluż Quinsair, ġew assoċjati ma’ effetti
sekondarji rari ħafna iżda serji, li xi wħud minnhom damu għal tul ta’ żmien (komplew sa xhur jew snin), jinkapaċitaw jew potenzjalment irriversibbli. Dan jinkludi uġigħ fit-tendins, muskoli u ġogi tad-dirgħajn u r-riġlejn, diffikultà fil-mixi, sensazzjonijiet mhux normali bħal tingiż, titrix, tnemnim jew ħruq (parasteżija), disturbi fis-sensi inkluż indeboliment fil-vista, togħma u xamm, u smigħ, depressjoni, indeboliment fil-memorja, għeja kbira u disturbi severi fl-irqad. Jekk ikollok xi wieħed minn dawn l-effetti sekondarji wara li tieħu Quinsair, ikkuntattja lit-tabib tiegħek immedjatament qabel ma tkompli t-trattament. Int u t-tabib tiegħek se tiddeċiedu jekk tkomplix it-trattament b’konsiderazzjoni wkoll ta’ antibijotiku minn klassi oħra.
Problemi severi tal-kliewi.
Reazzjoni allerġikasevera. Is-sintomi huma elenkati f’sezzjoni 4.
Reazzjonijiet severi tal-ġilda
Jekk qed tiġi kkurat bi Quinsair, jista’ jkollok reazzjoni severa tal-ġilda bħal infafet jew
leżjonijiet. Għid it-tabib tiegħek jekk tinnota kwalunkwe reazzjonijiet tal-ġilda wara li tuża
Quinsair.
Problemi fil-fwied. Is-sintomi huma elenkati f’sezzjoni 4.
Anormalitajiet fir-ritmu tat-taħbittal-qalb
Quinsair jista’ jikkawża tibdil fir-ritmu tat-taħbit tal-qalb tiegħek, speċjalment jekk tkun qed
jieħdu kwalunkwe mediċini biex tikkura problemi tal-qalb jew livelli baxxi ta’ potassium jew magnesium fid-demm. In-nisa li jieħdu dawn it-tipi ta’ mediċini jistgħu jkunu aktar probabbli li jiġu affettwati. Jekk ikollok palpitazzjonijiet jew taħbit irregolari tal-qalb waqt li tkun qed tuża Quinsair, għandek tgħid lit-tabib tiegħek immedjatament.
Aċċessjonijietu konvulżjonijiet
Antibijotiċi li fihom quinolone, li jinkludu Quinsair, jistgħu jikkawżaw aċċessjonijiet jew
konvulżjonijiet (puplesiji). Jekk dan iseħħ, għandek tieqaf tuża Quinsair u tikkuntattja lit-tabib
tiegħek immedjatament.
Depressjoni jew problemi ta’ saħħamentali.
Ħsara fin-nervaturi
B’mod rari jista’ jkollok sintomi ta’ ħsara fin-nervituri (newropatija) bħal uġigħ, ħruq, tingiż,
tnemnim u/jew dgħufija speċjalment fis-saqajn u r-riġlejn jew fl-idejn u d-dirgħajn. Jekk jiġri dan, waqqaf it-teħid ta’ Quinsair u għarraf lit-tabib tiegħek immedjatament sabiex tevita l- iżvilupp ta’ kundizzjoni potenzjalment irriversibbli.
Marda li tikkawża dgħufija tal-muskoli u għeja li tissejjaħ mijastenija gravis.
Infjammazzjoni ta’ tendins li tikkawża wġigħ,ebusija u/jew nefħafil-ġogi (tendinite).
Jekk kellek diffikultà biex tieħun-nifs wara li rċivejt Quinsair, li tista’ tvarja minn ħafifa sa severa (bronkospażmu).
Tisgħolid-demm jew mukus imtebba’ bid-demm mill-passaġġi tan-nifs.
Defiċjenzata’ glucose-6-phosphate dehydrogenase
Antibijotiċi li fihom quinolone, bħal Quinsair, jistgħu jikkawżaw pazjenti b’defiċjenza ta’
glucose-6-phosphate dehydrogenase (marda ereditarja rari) li jkunu suxxettibbli għal komplikazzjonijiet tad-demm, u dan iwassal għal żieda f’daqqa fit-temperatura tal-ġisem, sfurija tal-ġilda u tal-membrani mukużi, awrina skura, sfura, għeja, nifs tqil u mgħaġġel, u polz dgħajjef u mgħaġġel. Kellem lit-tabib tiegħek jekk ikollok kwalunkwe mistoqsijiet dwar dan.
Dijabete
Antibijotiċi li fihom quinolone, li jinkludu Quinsair, jistgħu jikkawżaw il-livelli tal-glucose fid-
demm li jkunu jew għoljin iżżejjed jew baxxi żżejjed. Jekk inti dijabetiku, għandek
timmonitorja l-livelli tal-glucose fid-demm b’attenzjoni.
Dijarea
Inti tista’ tiżviluppa dijarea matul jew wara l-kura tiegħek bi Quinsair. Jekk din issir severa jew
persistenti, jew jekk tinnota d-demm fl-ippurgar, għandek tieqaf tuża Quinsair immedjatament u tkellem lit-tabib tiegħek. M’għandek tieħu l-ebda mediċina biex tikkura d-dijarea mingħajr ma
l-ewwel tiċċekkja mat-tabib tiegħek.
Reżistenzagħall-antibijotiċi
Il-batterji jistgħu jsiru reżistenti għall-kura b’antibijotiku maż-żmien. Dan ifisser li Quinsair
m’għandux jintuża biex jipprevjeni infezzjonijiet tal-pulmun. Għandu jintuża biss biex jikkura infezzjonijiet tal-pulmun ikkawżati minn Pseudomonas aeruginosa. Kellem lit-tabib tiegħek jekk ikollok kwalunkwe tħassib jew mistoqsijiet dwar dan.
Superinfezzjonijiet
Kultant, il-kura fit-tul bl-antibijotiċi tista’ tfisser li se tiżviluppalek infezzjoni oħra kkawżata
minn batterji oħrajn li ma jiġux affettwati mill-antibijotiku (superinfezzjoni). Kellem lit-tabib
tiegħek jekk ikollok kwalunkwe tħassib jew mistoqsijiet dwar dan u kif tuża Quinsair.
Problemi tal-vista
Jekk tinnota kwalunkwe tibdil ieħor fil-vista jew kwalunkwe problemi oħrajn f’għajnejk waqt li
tkun qed tuża Quinsair, ikkuntattja lil speċjalista tal-għajnejn immedjatament.
Sensittività għad-dawl
Quinsair jista’ jagħmel il-ġilda tiegħek iktar sensittiva għad-dawl tax-xemx. Għandek tevita
espożizzjoni fit-tul għad-dawl tax-xemx jew dawl tax-xemx qawwi u m’għandekx tuża sunbeds jew kwalunkwe bozoz oħrajn tal-UV waqt li tkun tuża Quinsair u għal 48 siegħa wara li twaqqaf il-kura.
Riżultatifoloz tat-testijiet
Ċerti testijiet (eż. biex jikkonfermaw it-tuberkulożi jew skrining għal mediċini qawwija li jtaffu
l-uġigħ) jistgħu jagħtu riżultati foloz waqt li tkun qed tiġi kkurat bi Quinsair.
jekk ġejt dijanjostikat/a bi tkabbir jew “nefħa” ta’ vina tad-demm kbira (anewriżmu aortiku jew
anewriżmu periferali ta’ vina kbira).
jekk esperjenzajt episodju preċedenti ta’ dissezzjoni aortika (tiċrita fil-ħajt tal-aorta).
jekk ġejt iddijanjostikat/a b’valvi tal-qalb li jnixxu (rigurġitazzjoni tal-valv tal-qalb).
jekk inti għandek storja fil-familja ta’ anewriżmu aortiku jew dissezzjoni aortika jew mard konġenitali tal-valv tal-qalb, jew fatturi ta’ riskju oħrajn jew kundizzjonijiet li jippredisponu (eż. disturbi tat-tessut konnettiv bħas-sindromu ta’ Marfan, jew is-sindromu ta’ Ehlers-Danlos vaskulari, sindromu ta’ Turner, sindromu ta’ Sjögren [marda awtoimmuni infjammatorja], jew disturbi vaskulari bħal arterite Takayasu, arterite taċ-ċellula ġganteska, il-marda ta’ Behcet, pressjoni għolja, jew aterosklerożi magħrufa artrite rewmatika [marda tal-ġogi] jew endokardite [infezzjoni talqalb]).
Jekk tħoss uġigħ sever f’daqqa, fl-addome, f’sidrek jew f’dahrek, li jista’ jkun sintomu ta’ anewriżmu u dissezzjoni tal-aorta, mur minnufih l-emerġenza. . Ir-riskju tiegħek jista’ jiżdied jekk tkun qed tiġi ttrattat/a b’kortikosterojdi sistemiċi.
Jekk tibda tesperjenza bidu rapidu ta’ qtugħ ta’ nifs, speċjalment meta timtedd fis-sodda tiegħek, jew tinnota nefħa fl-għekiesi, fis-saqajn jew fiż-żaqq tiegħek, jew bidu ġdid ta’ palpitazzjonijiet tal-qalb (sensazzjoni ta’ taħbit tal-qalb mgħaġġel jew irregolari), għandek tinforma tabib immedjatament.
Quinsair m’għandux jingħata lil tfal u adolexxenti li għandhom inqas minn 18-il sena għax m’hemmx informazzjoni biżżejjed dwar l-użu tiegħu f’dan il-grupp ta’ età.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra.
Dawn il-mediċini jistgħu jinterferixxu mal-effetti ta’ Quinsair.
Antagonisti ta’ vitamina K bħal warfarin (jintuża biex jipprevjeni emboli tad-demm). Li tieħu dawn il-mediċini ma’ Quinsair jista’ jwassal għal żieda fil-ħruġ ta’ demm. it-tabib tiegħek jista’ jkollu bżonn li jagħmillek testijiet regolari tad-demm biex jiċċekkja kemm jista’ jagħqad tajjeb id-demm tiegħek.
Mediċini bħal probenecid (jintuża biex jipprevjeni l-gotta) jew cimetidine (jintuża biex jikkura l- ulċeri). Li tieħu Quinsair fl-istess ħin ma’ dawn il-mediċini jista’ jaffettwa l-mod li bih il-kliewi tiegħek jaġixxu fuq il-mediċina, li hu partikularment importanti jekk inti tbati minn problemi
tal-kliewi.
Quinsair ma jridx jintuża waqt li mara tkun tqila jew tkun qed tredda’. Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib tiegħek qabel tieħu din il-mediċina.
Quinsair jista’ jġiegħlek tħossok stordut, għajjien jew dgħajjef, jew jikkawża problemi fil-vista. Jekk dan jiġri lilek, issuqx u tużax għodda jew makkinarju.
Dejjem għandek tuża din il-mediċina eżatt skont il-parir tat-tabib tiegħek. Iċċekkja mat-tabib tiegħek
jekk ikollok xi dubju.
Iġbed man-nifs il-kontenut ta’ ampulla waħda (240 mg) darbtejn kuljum billi tuża s-Sistema tan-Nebulizzatur Zirela. Se ddum madwar 5 minuti biex tiġbed man-nifs il-mediċina billi tuża n-nebulizzatur.
Li tiġbed man-nifs lil Quinsair fl-istess ħin kuljum se jgħinek tiftakar meta għandek tieħu l-mediċina. Iġbed man-nifs il-mediċina tiegħek kif ġej:
ampulla 1 filgħodu billi tuża n-Nebulizzatur Zirela
ampulla 1 filgħaxija billi tuża n-Nebulizzatur Zirela
L-aħjar metodu hu li tħalli intervall qrib it-12-il siegħa bejn id-dożi tiegħek.
Għandek tuża Quinsair kuljum għal 28 jum, imbagħad ma tiħux mediċina għal 28 jum (matul dawn it- 28 jum ma tiġbidx man-nifs kwalunkwe Quinsair). Imbagħad għandek tibda kors ieħor ta’ kura.
Hu importanti li tkompli tuża l-mediċina darbtejn kuljum matul it-28 jum li fihom tkun qed tieħu
l-kura, u li żżomm iċ-ċiklu ta’ 28 jum fuq il-kura segwiti minn 28 jum mingħajr kura għal kemm it- tabib tiegħek jgħidlek biex tagħmel hekk.
Irrepeti ċ-ċiklu
Użah darbtejn kuljum
għal 28 jum
Jekk ikollok diffikultajiet biex tieħu n-nifs wara li tuża Quinsair, it-tabib tiegħek jista’ jagħtik riċetta għal inalatur li jkun fih mediċina għal bronkodilatur (eż. salbutamol). Iġbed man-nifs din il-mediċina mill-inqas 15 minuta jew għal sa 4 sigħat qabel id-doża tiegħek li jkun imiss ta’ Quinsair.
1el Bronkodilaturi 2ni Dornase alfa
3et Tekniki ta’ kklerjar tal-passaġġ tal-arja 4ba’ Quinsair
5es Sterojdi li jinġibdu man-nifs
Quinsair għandu jittieħed permezz tal-ġbid man-nifs billi tuża Sett tal-Idejn tan-Nebulizzatur Zirela (li jinkludi Zirela Aerosol Head). Dan għandu jiġi kkonnettjat jew ma’ eBase Controller jew ma’ eFlow rapid Control Unit.
Kull ampulla hi biex tintuża darba biss. Ġaladarba ampulla tinfetaħ, il-kontenut għandu jintuża immedjatament.
Tużax Quinsair jekk tinnota li l-qartas fil-fojl issiġillat jew l-ampulla jkunu ġew imbagħbsa.
Tużax Quinsair jekk tinnota li jkun imċajpar jew jekk ikun hemm il-frak fis-soluzzjoni.
Tpoġġix kwalunkwe mediċini oħrajn ħlief Quinsair fis-Sett tal-Idejn tan-Nebulizzatur Zirela.
Tippruvax tiġbed man-nifs lil Quinsair billi tuża kwalunkwe tip ieħor ta’ sett tal-idejn
tan-nebulizzatur.
Iċċekkja li s-Sistema tan-Nebulizzatur Zirela tiegħek tkun taħdem kif suppost qabel ma tibda l-kura.
Tiblax il-likwidu fl-ampulla.
Aqra b’attenzjoni l-Istruzzjonijiet tal-Użu tal-Manifattur li huma pprovduti mas-Sett tal-Idejn
tan-Nebulizzatur Zirela tiegħek.
tan-Nebulizzatur Zirela (Figura 1). Żgura li tkunx battalt kompletament l-ampulla, billi ttektikha bil-mod mal-ġenb tal-kontenitur jekk ikun meħtieġ.
Kontenituri tal-mediċina
tal-kontenitur (a). Agħfas l-għatu ’l isfel u dawru lejn il-lemin sakemm tista’ (b, Figura 2b).
Tab
Tab Slot
xufftejk madwarha (Figura 3).
Figura 3
tiħux nifs minn imnieħrek. Kompli ħu n-nifs ’il ġewwa u ’l barra bil-kumdità sakemm
is-sessjoni tal-kura tintemm. Se ddum madwar 5 minuti biex tiġbed man-nifs il-mediċina billi
tuża n-nebulizzatur.
l-kura mill-ġdid, minn pass 1.
Jekk għal xi raġuni tkun trid twaqqaf il-kura qabel ma tkun lesta, agħfas u żomm il-buttuna on/off
tal-kontrollur għal sekonda waħda. Wara li t-tagħmir ikun intefa awtomatikament u meta tkun lest biex terġa’ tibda, agħfas u żomm il-buttuna on/off għal sekonda waħda mill-ġdid. Il-kura se tibda mill-ġdid. Inti trid tieħu n-nifs ’il ġewwa u ’l barra minn ġol-biċċa tal-ħalq bħal qabel.
Sett tal-idejn wieħed tan-nebulizzatur għandu jintuża għal kors ta’ kura wieħed ta’ 28 jum. Jekk
jogħġbok irreferi għall-Istruzzjonijiet tal-Użu tal-Manifattur għal dettalji dwar kif tnaddfu u taħżnu.
Jekk tuża Quinsair aktar milli suppost, għid lit-tabib tiegħek kemm jista’ jkun malajr. Jista’ jkollok sintomi bħal taħbit irregolari tal-qalb, li jeħtieġ jiġi ċċekkjat mit-tabib tiegħek. Jekk il-kontenut tal- ampulla jinbela’, tinkwetax, iżda għid lit-tabib tiegħek kemm jista’ jkun malajr.
Jekk tinsa tieħu doża, uża t-tagħmir hekk kif tiftakar, sakemm ikun hemm intervall ta’ 8 sigħat qabel tiġbed man-nifs id-doża li jkun imiss. Madankollu, jekk ikun kważi sar il-ħin għad-doża li jmiss, tiħux id-doża li tkun qbiżt.
Tiġbidx man-nifs il-kontenut ta’ iktar minn ampulla biex tpatti għal kull doża li tkun insejt tieħu.
Tiqafx tuża Quinsair mingħajr ma l-ewwel titkellem mat-tabib tiegħek, għax l-infezzjoni tal-pulmun tista’ taggrava.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux
f’kulħadd.
Ikseb kura medika urġenti immedjatament jekk tinnota reazzjoni allerġika severa wara li tiġbed
man-nifs Quinsair. Is-sintomi jinkludu:
Ħakk ġenerali u tħoss is-sħana - dawn jaffettwaw speċjalment lill-qorriegħa, il-ħalq, il-gerżuma,
il-pali tal-idejn jew il-qiegħ tas-saqajn
Tħarħir sever, jew nifs bil-ħsejjes jew diffikultà biex tieħu n-nifs
Urtikarja/ħorriqija severa
Nefħa fix-xufftejn, fil-wiċċ, fil-gerżuma jew fl-ilsien
Kulur tal-ġilda pallidu jew li jagħti fil-griż
Taħbit mgħaġġel tal-qalb
Iħossok ħażin jew tintilef minn sensik
jekk ikollok uġigħ, ebusija u/jew nefħa fil-ġogi
jekk tiżviluppa problemi tal-fwied. Is-sintomi jinkludu:
Telf ta’ aptit
Sfurija tal-ġilda u tal-għajnejn (suffejra)
Awrina skura
Ħakk
Sensittività (uġigħ) madwar l-istonku (iż-żaqq)
Effetti sekondarji oħra jistgħu jinkludu:
Sogħla
Sens mhux normali tat-togħma
Għeja, dgħufija u tolleranza aktar baxxa għall-eżerċizzju
Telf ta’ aptit
Qtugħ ta’ nifs
Tibdil fl-ammont u l-ħxuna tal-mukus/imħat
Tisgħol id-demm
Tnaqqis fl-ammont ta’ arja li jintefa’ ’l barra man-nifs f’sekonda (tnaqqis fit-test tal-FEV1)
Infezzjoni fungali madwar il-vaġina
Insomnija jew diffikultà biex torqod
Uġigħ ta’ ras
Sturdament
Żanżin jew ħsejjes fil-widnejn (tinnite)
Tibdil fil-vuċi
Dardir u rimettar
Uġigħ ta’ żaqq
Dijarea
Stitikezza
Raxx
Uġigħ fil-ġogi jew fil-muskoli
Deni
Testijiet tad-demm b’riżultat mhux normali (żieda fil-livelli ta’ ċerti enzimi tal-fwied jew
bilirubina fid-demm u tnaqqis fit-test tal-funzjoni tal-kliewi)
Tnaqqis fit-test tal-funzjoni tal-pulmun
Żieda jew tnaqqis fl-ammont ta’ zokkor (glucose) fid-demm
Ħsejjes mhux normali tan-nifs
Infezzjoni fungali tal-ħalq
Numri baxxi ta’ ċelluli ħomor fid-demm (anemija) jew taċ-ċelluli fid-demm li jgħinuh biex
jagħqad (plejtlits)
Numri baxxi jew għoljin ta’ ċelluli bojod fid-demm
Tħossok ansjuż, bla kwiet u aġitat u/jew depress
Tnaqqis fis-sens tax-xamm
Tħossok bi ngħas
Tibdil fil-vista
Telf ta’ smigħ
Żieda fit-taħbit tal-qalb
Diffikultà biex tieħu n-nifs
Dardir
Indiġestjoni
Ikollok il-gass
Ħakk/ħorriqija u ħakk
Uġigħ fil-ħajt tas-sider
Insuffiċjenza tal-kliewi
Tibdil fir-ritmu ta’ taħbit tal-qalb
Uġigħ, ħruq, tnemnim, tmewwit u/jew debbulizza fir-riġlejn jew fid-dirgħajn (newropatija)
L-effetti sekondarji li ġejjin ġew irrappurtati wkoll wara t-teħid tal-pilloli jew infużjoni ġol-vini li jkun fiha levofloxacin, u għalhekk jistgħu possibbilment iseħħu wara l-użu ta’ Quinsair:
Tħossok konfuż jew nervuż
Roghda
Sensazzjoni ta’ sturdament, mejt jew li tkun qed taqa’ (vertigo)
Għaraq eċċessiv
Alluċinazzjonijiet u/jew tħossok paranojde
Tħossok aġitat
Ħolm mhux tas-soltu jew ħmar il-lejl
Konvulżjonijiet (puplesiji)
Sensazzjoni ta’ tnemnim (qisu xi ħadd qed iniggżek bil-labar) u/jew tmewwit
Palpitazzjonijiet
Pressjoni baxxa
Dgħufija fil-muskoli
Sindrome assoċjat ma’ indeboliment fit-tneħħija tal-ilma u livelli baxxi ta’ sodium (SIADH)
Raxx madwar il-ġisem kollu, deni għoli, żidiet fl-enzimi tal-fwied, anormalitajiet fid-demm
(eosinofilja), glandoli limfatiċi minfuħin u l-involviment ta’ organi oħra tal-ġisem (Reazzjoni
għall-Mediċina b’eosinofilja u Sintomi Sistemiċi)
Tbajja’ eritematożi, iddemarkati sew b’infafet jew mingħajrhom
Numri baxxi ta’ kull tip ta’ ċelluli fid-demm
Koma dijabetika
Problemi mentali severi (li f’każijiet rari ħafna jistgħu jwasslu għal ħsara li ssir minn dak li jkun
fuqu nnifsu)
Uġigħ, ħruq, tnemnim, tmewwit u/jew debbulizza fir-riġlejn jew fid-dirgħajn (newropatija)
Movimenti involontarji tal-muskoli, kontrazzjonijiet jew spażmi tal-muskoli
Ħass ħażin
Uġigħ ta’ ras qawwi ħafna b’telf tal-vista
Telf temporanju tal-vista
Taħbit tal-qalb mgħaġġel jew mhux normali
Infjammazzjoni tal-pulmun
Reazzjonijiet severi tal-ġilda bħal infafet jew leżjonijiet bl-uġigħ, possibbilment fil-ħalq, fl-
imnieħer jew fil-vaġina
Żieda fis-sensittività tal-ġilda għax-xemx jew dawl UV (sunbeds jew lampi UV oħrajn)
Infjammazzjoni tal-vini jew arterji
Nefħa tal-ħalq jew tax-xufftejn
Tkissir mgħaġġel tal-muskoli
Infjammazzjoni ta’ tendin jew tendin miksur
Uġigħ li jinkludi wġigħ fid-dahar, fis-sider, fid-dirgħajn u fir-riġlejn
Każijiet rari ħafna ta’ reazzjonijiet avversi tal-medicina li jieħdu fit-tul (sa xhur jew snin) jew permanenti, bħal infjammazzjonijiet tat-tendins, tiċrit tat-tendins, uġigħ fil-ġogi, uġigħ fir-riġlejn u/jew dirgħajn, diffikultà fil-mixi, sensazzjonijiet mhux normali bħal tingiż, titrix, ħruq, depressjoni, għeja, disturbi fl-irqad, indeboliment fil-memorja, kif ukoll indeboliment fis-smigħ, vista, u togħma u xamm ġew assoċjati mal-għoti ta’ antibijotiċi quinolones u fluoroquinolones, f’xi każijiet irrispettivament minn fatturi ta’ riskju eżistenti minn qabel.
Ġew irrappurtati każijiet ta’ tkabbir u dgħufija tal-ħajt aortiku jew tiċrita fil-ħajt aortiku (anewriżmi u dissezzjonijiet), li jistgħu jiċċarrtu u jistgħu jkunu fatali, u ta’ valvi tal-qalb li jnixxu f’pazjenti li rċivew fluoroquinolones. Ara wkoll sezzjoni 2.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq l-ampulla, il-qartas tal-fojl u l-kaxxi wara EXP. Id-data ta’ meta tiskadi tirreferi għall-aħħar ġurnata ta’ dak ix-xahar.
Kull ampulla hi biex tintuża darba biss. Ġaladarba ampulla tinfetaħ, il-kontenut għandu jintuża immedjatament. Kwalunkwe prodott mhux użat irid jintrema. Poġġi lura f’posthom kwalunkwe ampulli mhux użati u mhux miftuħin mill-istrixxa lura ġol-qartas sabiex tilqa’ mid-dawl.
Aħżen fil-pakkett oriġinali sabiex tilqa’ mid-dawl. Din il-mediċina m’għandhiex bżonn l-ebda kundizzjoni ta’ temperatura speċjali għall-ħażna.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif
għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi levofloxacin. Ampulla waħda fiha levofloxacin hemihydrate ekwivalenti
għal 240 mg ta’ levofloxacin.
Is-sustanzi l-oħra huma magnesium chloride hexahydrate u ilma għall-injezzjonijiet.
Quinsair hu soluzzjoni għan-nebulizzatur ċara, ta’ lewn isfar ċara.
Il-mediċina tiġi f’ampulli żgħar tal-plastik ta’ 3 mL. Erba’ ampulli huma ssiġillati f’qartas tal-fojl. Quinsair hu fornut bħala pakkett ta’ 28 jum (li jkun fiha kaxxa ta’ ġewwa tal-kartun ta’ 56 (14-il qartas ta’ 4) ampulla) jew bħala pakkett ta ’4 ijiem (li jkun fiha 8 (2-il qratas ta’ 4) ampulli) u kaxxa waħda li jkun fiha Sett tal-Idejn tan-Nebulizzatur Zirela flimkien mal-Istruzzjonijiet tal-Użu tal-Manifattur. Jista’ jkun li mhux il-pakketti tad-daqsijiet kollha jkunu fis-suq.
L-ampulla fiha tikketta bl-Ingliż biss. L-informazzjoni li tidher fuq l-ampulla hi:
Quinsair 240 mg Soluzzjoni tan-Nebulizzatur Levofloxacin
Għal biex jinġibed man-nifs 2.4 mL
Lot EXP
Chiesi Farmaceutici SpA. Via Palermo, 26/A
43122 Parma L-Italja
Adare Pharmaceuticals S.r.l. Via Martin Luther King, 13
20060 Pessano con Bornago (MI) L-Italja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Chiesi sa/nv
Tél/Tel: + 32 (0)2 788 42 00
Chiesi Pharmaceuticals GmbH Tel: + 43 1 4073919
Chiesi Bulgaria EOOD
Teл.: + 359 29201205
Chiesi sa/nv
Tél/Tel: + 32 (0)2 788 42 00
Chiesi CZ s.r.o.
Tel: + 420 261221745
Chiesi Pharma AB Tlf: + 46 8 753 35 20
Chiesi Farmaceutici S.p.A. Tel: + 39 0521 2791
Chiesi GmbH
Tel: + 49 40 89724-0
Chiesi Pharmaceuticals B.V. Tel: + 31 88 501 64 00
Chiesi Pharmaceuticals GmbH Tel: + 43 1 4073919
Chiesi Pharma AB Tlf: + 46 8 753 35 20
Chiesi Hellas AEBE
Τηλ: + 30 210 6179763
Chiesi Pharmaceuticals GmbH Tel: + 43 1 4073919
Chiesi España, S.A.U. Tel: + 34 93 494 8000
Chiesi Poland Sp. z.o.o. Tel.: + 48 22 620 1421
Chiesi S.A.S.
Tél: + 33 1 47688899
Chiesi Farmaceutici S.p.A. Tel: + 39 0521 2791
Chiesi Pharmaceuticals GmbH Tel: + 43 1 4073919
Chiesi Romania S.R.L. Tel: + 40 212023642
Chiesi Farmaceutici S.p.A. Tel: + 39 0521 2791
Chiesi Slovenija d.o.o.
Tel: + 386-1-43 00 901
Chiesi Pharma AB Sími: +46 8 753 35 20
Chiesi Italia S.p.A. Tel: + 39 0521 2791
Chiesi Pharma AB Puh/Tel: +46 8 753 35 20
Chiesi Farmaceutici S.p.A.
Τηλ: + 39 0521 2791
Chiesi Pharma AB Tel: +46 8 753 35 20
Chiesi Pharmaceuticals GmbH Tel: + 43 1 4073919
Chiesi Farmaceutici S.p.A. Tel: + 39 0521 2791
. Hemm ukoll links għal siti elettroniċi oħra dwar mard rari u kura.