Memantine Accord
memantine
memantine hydrochloride
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi wieħed mill-effetti sekondarji, kellem lit-tabib jew l-ispiżjar tiegħek. Dan
jinkludi xi effett sekondarju li jista’ jkollu li mhuwiex imsemmi f’dan il-fuljett. Ara sezzjoni 4.
X’inhu Memantine Accord u għalxiex jintuża
X’għandek tkun taf qabel tieħu Memantine Accord
Kif għandek tieħu Memantine Accord
Effetti sekondarji li jista’ jkollu
Kif taħżen Memantine Accord
Kontenut tal-pakkett u informazzjoni oħra
Memantine Accord fih is-sustanza attiva memantine hydrochloride.
Memantine Accord jagħmel parti minn grupp ta’ mediċini magħrufa bħala mediċini kontra d- dimenzja.
It-telf tal-memorja fil-marda ta’ Alzheimer jiġi minħabba disturbi fis-sinjali tal-messaġġi fil-moħħ. Il-moħħ fih l-hekk imsejjħa riċetturi-N-mthyl D-aspartate (NMDA) li jieħdu sehem fit-trasmissjoni tas-sinjali fin-nervituri importanti għat-tagħlim u l-memorja. Memantine Accord jagħmel parti minn
grupp ta’ mediċini li jissejħu antagonisti tar-riċettur-NMDA. Memantine Accord jaħdem fuq dawn ir- riċetturi-NMDA u jtejjeb it-trasmissjoni tas-sinjali fin-nervituri u l-memorja.
Memantine Accord jintuża għall-kura ta’ pazjenti bil-marda ta’ Alzheimer minn moderata għal severa.
jekk inti allerġiku/a għal memantine hydrochloride jew għal xi sustanza oħra ta’ din il-mediċina
(elenkati fis-sezzjoni 6)
Kellem lit-tabib jew l-ispiżjar tiegħek qabel ma tieħu Memantine Accord
jekk fil-passat kellek aċċessjonijiet ta’ epilessija
jekk ftit ilu kellek xi infart mijokardijaku (attakk f’qalbek), jew jekk qed tbati minn insuffiċjenza
tal-qalb konġestiva jew minn pressjoni għolja li ma tistax tikkontrollha (pressjoni għolja
tad-demm).
F’dawn il-każijiet il-kura għandha tkun sorveljata bir-reqqa, u l-benefiċċju kliniku ta’ Memantine Accord jiġi evalwat mit-tabib tiegħek fuq bażi regolari.
Jekk tbati minn indeboliment renali (problemi bil-kliewi) it-tabib tiegħek għandu jżommlok il-funzjoni tal-kliewi taħt osservazzjoni mill-qrib u jekk ikun hemm bżonn jadatta d-dożi ta’ memantine kif ikun jixraq.
L-użu ta’ prodotti mediċinali msejjħa amantadine (għat-trattament tal-marda ta’ Parkinson), ketamine (sustanza li ġeneralment tingħata bħala loppju), dextromethorphan (ġeneralment użata għas-sogħla) u antagonisti oħra ta’ NMDA fl-istess ħin għandu jkun evitat.
Memantine Accord mhux rakkomandat fit-tfal u adolexxenti taħt it-18-il sena.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar, jew tista’ tieħu xi mediċina oħra.
B’mod partikolari, Memantine Accord jista’ jibdel l-effetti tal-mediċini li ġejjin u d-doża tagħhom jista’ jkollha bżonn tinbidel mit-tabib tiegħek.
amantadine, ketamine, dextromethorphan dantrolene, baclofen
cimetidine, ranitidine, procainamide, quinidine, quinine, nicotine
hydrochlorothiazide (jew kwalunkwe kombinazzjoni ma’ hydrochlorothiazide)
antikolinerġiċi (sustanzi li ġeneralment jintużaw għall-kura ta’ disturbi fil-movimenti jew spażmi
fl-imsaren)
mediċini kontra l-aċċessjonijiet (mediċini li jintużaw biex ikunu evitati jew iserrħu l-aċċessjonijiet) barbiturati (sustanzi li ġeneralment jintużaw biex jgħinuk torqod)
agonisti dopaminerġiċi (sustanzi bħal L-dopa, bromocriptine)
newrolettiċi (sustanzi li jintużaw għall-kura ta’ disturbi tal-moħħ) mediċini orali kontra l-koagulazzjoni tad-demm
Jekk tmur l-isptar għarraf lit-tabib tiegħek li qed tieħu Memantine Accord.
Għandek tgħarraf lit-tabib tiegħek jekk dan l-aħħar bdilt id-dieta tiegħek jew bi ħsiebek tibdel id-dieta tiegħek b’mod sostanzjali (eż minn dieta normali għal waħda veġetarjana stretta) jew jekk qed tbati
minn stat ta’ aċidożi tubulari renali (RTA, jiżdiedu s-sustanzi li jiffurmaw l-aċidu fid-demm minħabba funzjoni ħażina renali (funjonament ħażin tal-kliewi)) jew infezzjonijiet severi tal-passaġġ awrinarju, (struttura li ġġorr l-awrina) għax it-tabib tiegħek jista’ jkollu bżonn jibdel id-doża tal-mediċina tiegħek.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Tqala
L-użu ta’ memantine f’nisa waqt it-tqala mhux rakkomandat.
Treddigħ
Nisa li qed jieħdu Memantine Accord m’għandhomx ireddgħu.
It-tabib tiegħel ser jgħidlek jekk il-marda tiegħek tħallikx issuq u tħaddem magni b’mod sigur. Minbarra hekk, Memantine Accord jista’ jibdillek il-ħila biex tirreaġixxi, u għalhekk ma jkunx xieraq li ssuq jew tħaddem magni.
Dan il-prodott mediċinali fih il-lattożju. Jekk it-tabib tiegħek qallek li jista’ jkollok xi intolleranza għal xi zokkor, jekk jogħġbok ikkuntattja lit-tabib tiegħek qabel ma tieħu dan il-prodott mediċinali. It-tabib tiegħek jagħtik parir.
Dejjem għandek tieħu din il-mediċina skont il-parir eżatt tat-tabib. Dejjem għandek taċċerta ruħek
mat-tabib jew mal-ispiżjar tiegħek jekk ikollok xi dubju. Dożaġġ
Id-doża rakkomandata ta’ Memantine Accord għall-adulti u pazjenti anzjani hija 20 mg darba kuljum. Sabiex tnaqqas ir-riskju ta’ effetti sekondarji din id-doża tinkiseb bil-mod bl-iskema ta’ kura ta’ kuljum kif ġej:
ġimgħa 1 | nofs pillola ta’ 10 mg |
ġimgħa 2 | pillola waħda ta’ 10 mg |
ġimgħa 3 | pillola u nofs ta’ 10mg |
minn ġimgħa 4 ’l quddiem | żewġ pilloli ta’ 10 mg darba kuljum |
Id-doża tas-soltu tal-bidu hija nofs pillola darba kuljum (1 x5 mg) għall-ewwel ġimgħa. Din tiżdied għal pillola waħda darba kuljum (1 x10 mg) fit-tieni ġimgħa u għal pillola 1 u nofs darba kuljum (1 x 15 mg) fit-tielet ġimgħa. Mir-4 ġimgħa ’l quddiem, id-doża li ġeneralment tingħata hija ta’ 2 pilloli 1 darba kuljum (1 x 20 mg).
Dożaġġ f’pazjenti b’indeboliment tal-funzjoni tal-kliewi
Jekk għandek indeboliment tal-funzjoni tal-kliewi, it-tabib tiegħek ser jiddeċiedi dwar doża li tkun tixraq għall-kundizzjoni tiegħek. F’dan il-każ, il-funzjoni tal-kliewi għandha tiġi eżaminata mit-tabib tiegħek f’intervalli speċifikati.
Kif jingħata
Memantine Accord għandha tingħata b’mod orali darba kuljum Biex tikseb benefiċċju mil-mediċina tiegħek, għandek tkompli teħodha kuljum fl-istess ħin tal-ġurnata. Il-pilloli għandhom jinbelgħu ma’ ftit ilma. Il-pilloli jistgħu jittieħdu mal-ikel jew fuq stonku vojt.
Kemm għandha ddum il-kura
Kompli ħu Memantine Accord sakemm tibqa tikseb benefiċċju minnu. It-tabib tiegħek għandu jevalwa
l-kura tiegħek fuq bażi regolari.
B’mod ġenerali, meta tieħu wisq Memantine Accord m’għandha tiġrilek l-ebda ħsara. Jista’
jkollok aktar sintomi li hemm imsemmija f’sezzjoni 4. ‘Effetti sekondarji li jista’ jkollu'.
Jekk tieħu doża eċċessiva kbira ta’ Memantine Accord, għamel kuntatt mat-tabib tiegħek jew ikseb parir mediku, għax jista’ jkollok bżonn attenzjoni medika.
Jekk tinduna li nsejt tieħu doża ta’ Memantine Accord, stenna u ħu d-doża li jmissek fil-ħin tas- soltu.
M’għandekx tieħu doża doppja biex tpatti għal kull doża li tkun insejt tieħu.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
B’mod ġenerali, l-effetti sekondarji li jidhru jkunu ħfief għal moderati.
Komuni (jistgħu jaffettwaw sa wieħed minn kull 10 persuni):
Uġigħ ta’ ras, ngħas, stitkezza, testijiet tal-funzjoni tal-fwied għoljin, sturdament, disturbi tal-
bilanċ, qtugħ ta’ nifs, pressjoni għolja tad-demm u sensittivita' eċċessiva għal-mediċini.
Mhux komuni (jistgħu jaffettwaw sa wieħed minn kull 100 persuna):
Għeja, infezzjonijiet tal-moffa, konfużjoni, alluċinazzjonijiet, rimettar, mixja anormali, insuffiċjenza tal-qalb u emboli tad-demm fil-vini (trombożi/tromboemboliżmu)
Rari ħafna (jistgħu jaffettwaw sa wieħed minn kull 10,000 persuna):
Aċċessjonijiet.
Mhux magħruf (il-frekwenza ma tistax tiġi stmata mit-tagħrif disponibbli):
Infjammazzjoni tal-frixa, infjammazzjoni tal-fwied u reazzjonijiet psikotiċi
Il-marda ta’ Alzheimer kienet assoċjata ma’ dipressjoni, ħsibijiet ta’ suwiċidju u suwiċidju. Dawn il-kazijiet gew irrapurtati minn pazjenti li ħadu memantine.
Rappurtar tal-effetti sekondarji
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u tintlaħaqx mit-tfal.
Tużax Memantine Accord wara d-data ta’ skadenza li tidher fuq il-kartuna u l-folja wara JIS. Id-data ta’ skadenza tirreferi għall-aħħar ġurnata ta’ dak ix-xahar.
Dan il-prodott mediċinali m’għandux bżonn ta’ xi kundizzjonijet ta’ ħażna speċjali.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent .
Is-sustanza attiva hi memantine hydrochloride. Kull pillola miksija b’rita fiha 10 mg
memantine hydrochloride li hi ekwivalenti għal 8.31 mg memantine.
Is-sustanzi l-oħra huma lactose monohydrate, microcrystalline cellulose, colloidal anhydrous silica, crospovidone, magnesium stearate, kollha fil-qalba tal-pillola; hypromellose, polysorbate 80, macrogol 400, titanium dioxide (E 171), kollha fil-kisja tal-pillola.
Il-pilloli miksija b'rita ta' Memantine Accord jiġu bħala pilloli bojod mmarkati u miksija, b’forma tawwilija, imnaqqxa bl-ittri “MT”, maqsuma biċ-ċifra fuq naħa waħda u “10” maqsuma biċ-ċifra fuq in-naħa l-oħra. Il-pillola tista’ tinqasam f’dożi indaqs.
Il-pilloli miksija b’rita ta Memantine Accord huma disponibbli f'pakketti b'folji ta' 14 pillola,
28 pillola, 30 pillola, 42 pillola, 50 pillola, 56 pillola, 98 pillola, 100 pillola u 112 pillola (folja tal- aluminju-PVC/PE/PVDC). Memantine Accord pilloli miksijin b’rita huma disponibbli wkoll f’folji perforati ta’ doża waħda b’kalendarju f’daqsijiet tal-pakkett ta’ 14x1, 28x1, 56x1 jew 98x1 pillola.
Jista’ jkun li mhux il-pakketti kollha jkunu għal skop kummerċjali.
Accord Healthcare S.L.U.
World Trade Center, Moll de Barcelona, s/n, Edifici Est 6ª planta,
08039 Barcelona,
Spanja
Delorbis Pharmaceuticals Ltd 17, Athinon Street
Ergates Industrial Area, 2643 Nicosia
Ċipru
Accord Healthcare Polska Sp.z o.o.,
ul. Lutomierska 50,95-200 Pabianice, Il-Polonja
