Fuljett ta’ tagħrif: Informazzjoni għall-utent

ECALTA 100 mg trab għal konċentrat għal soluzzjoni għall-infużjoni

Anidulafungin

Aqra sew dan il-fuljett kollu qabel ma inti jew it-tifel/tifla tiegħek tibdew tużaw din il-mediċina peress li fih informazzjoni importanti għalik.

• Żomm dan il-fuljett. Jista’ jkollok bżonn terġa’ taqrah.

• Jekk ikollok aktar mistoqsijiet, staqsi lit-tabib jew lill-ispiżjar jew lill-infermier tiegħek.

• Jekk inti jew it-tifel/tifla tiegħek ikollkom xi effetti sekondarji, kellem lit-tabib, jew lill-ispiżjar jew lill-infermier tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.

  
  

  F’dan il-fuljett:

  
  

  1. X’inhu ECALTA u għalxiex jintuża

  2. X’għandek bżonn tkun taf qabel ma inti jew it-tifel/tifla tiegħek tużaw ECALTA

  3. Kif għandek tieħu ECALTA

  4. Effetti sekondarji li jista’ jkollu

  5. Kif taħżen ECALTA

  6. Kontenut tal-pakkett u informazzjoni oħra

  
  

  1. X’inhu ECALTA u gћalxiex jintuża

     
     

     ECALTA fih is-sustanza attiva anidulafungin u jingħata fl-adulti u f’pazjenti pedjatriċi li jkollhom minn xahar sa inqas minn 18-il sena sabiex tiġi kkurata tip ta’ infezzjoni fungali fid-demm jew organi interni oħra msejjħa kandidjasi invażiva. L-infezzjoni hija kkawżata minn ċelloli fungali (ħmejjer) msejjħa Candida.

     
     

     ECALTA jappartjeni għal grupp ta’ mediċini msejjħa echinocandins. Dawn il-mediċini jintużaw sabiex jiġu kkurati infezzjonijiet fungali serji.

     
     

     ECALTA jinterferixxi mal-iżvilupp ta’ ħajt taċ-ċelloli fungali normali. Fil-preżenza ta’ ECALTA iċ- ċelloli jkollhom ħitan mhux sħaħ jew difettużi, li jagħmluhom fraġli jew mhux kapaċi li jikbru.

     
     

  2. X'għandek tkun taf qabel ma inti jew it-tifel/tifla tiegħek tużaw ECALTA M’għandekx tuża ECALTA

• jekk inti allerġiku/a għal anidulafungin, echinocandins oħra, (eż. caspofungin acetate) jew sustanzi oħra ta’ din il-mediċina (elenkati f’sezzjoni 6).

  
  

  Twissijiet u prekawzjonijiet

  Kellem lit-tabib jew lill-ispiżjar jew lill-infermier tiegħek qabel tuża ECALTA. It-tabib tiegħek għandu mnejn ikollu bżonn jimmonitorjak

• għall-funzjoni tal-fwied b’aktar reqqa jekk tiżviluppa xi problemi fil-fwied waqt it-trattament

• jekk tkun mogħti xi anestetiċi (loppju) waqt it-trattament b’ECALTA

• għal sinjali ta’ reazzjoni allerġika bħal ħakk, tħarħir, ġilda bi dbabar

• għal sinjali ta’ reazzjoni relatata mal-infużjoni li jistgħu jinkludu raxx, ħorriqija, ħakk, ħmura

• għal qtugħ ta’ nifs/diffikultà biex tieħu n-nifs, sturdament

  Tfal u adolexxenti

  
  

  ECALTA m’għandux jingħata lil pazjenti taħt l-età ta’ xahar.

  
  

  Mediċini oħra u ECALTA

  
  

  Għid lit-tabib jew lill-ispiżjar tiegħek jekk inti jew it-tifel/tifla tiegħek qed tieħdu, ħadtu dan l-aħħar jew tistgħu tieħdu xi mediċini oħrajn.

  
  

  Tqala u Treddigħ

  
  

  L-effett ta’ ECALTA f’nisa tqal mhux magħruf. Għalhekk, ECALTA mhux rakkomandat għall-użu fit- tqala. Għandha tintuża kontraċezzjoni effettiva min-nisa li jista’ jkollhom it-tfal. Ikkuntattja lit- tabib tiegħek immedjatament jekk tinqabad tqila waqt li tkun qiegħda tieħu ECALTA.

  
  

  L-effett ta’ ECALTA waqt it-treddigħ mhux magħruf. Saqsi lit-tabib jew l-ispiżjar għal parir qabel ma tieħu ECALTA waqt it-treddigħ.

  
  

  Itlob parir mingħand it-tabib jew l-ispiżjar tiegħek qabel ma tieħu kwalunkwe mediċina.

  
  

  ECALTA fih fructose

  
  

  Din il-mediċina fiha 119 mg fructose (tip ta’ zokkor) f’kull kunjett. Jekk it-tabib tiegħek qallek li għandek intolleranza għal xi tipi ta’ zokkor, ikkuntattja lit-tabib tiegħek qabel ma tieħu dan il-prodott mediċinali.

  
  

  Jekk int (jew it-tifel/tifla tiegħek) ikollok intolleranza ereditarja għal fructose (hereditary fructose intolerance - HFI), disturb ġenetiku rari, int (jew it-tifel/tifla tiegħek) m’għandekx tieħu din il- mediċina. Pazjenti b’HFI ma jistgħux ikissru fructose f’din il-mediċina, li tista’ tikkawża effetti sekondarji serji.

  
  

  Għandek tgħid lit-tabib tiegħek qabel ma tirċievi din il-mediċina jekk int (jew it-tifel/tifla tiegħek) għandek HFI jew jekk it-tifel/tifla tiegħek ma jistgħux jieħdu ikel jew xorb ħelu għax iħossuhom imdardra, jirremettu jew ikollhom effetti mhux pjaċevoli bħal nefħa addominali, bugħawwieġ fl- istonku jew dijarea.

  
  

  ECALTA fih sodium

  
  

  Din il-mediċina fiha anqas minn 1 mmol sodium (23 mg) f’kull kunjett, jiġifieri essenzjalment ‘ħielsa mis-sodium’.

  
  

  1. Kif għandek tieħu ECALTA

     
     

     ECALTA dejjem se jiġi ppreparat u mogħti lilek jew lit-tifel/tifla tiegħek minn tabib jew professjonist fil-kura tas-saħħa (hemm aktar tagħrif dwar il-metodu ta’ preparazzjoni fl-aħħar ta’ dan il-fuljett fit- taqsima għal professjonisti mediċi u tal-kura tas-saħħa biss).

     
     

     Għall-użu fl-adulti, il-kura tibda b’200 mg fl-ewwel jum (doża qawwija tal-bidu). Din se tkun segwita minn doża ta’ kuljum ta’ 100 mg (doża ta’ manteniment).

     
     

     Għall-użu fi tfal u adolexxenti (età minn xahar sa inqas minn 18-il sena), il-kura tibda b’3.0 mg/kg (id- doża m’għandhiex taqbeż 200 mg) fl-ewwel jum (doża qawwija tal-bidu). Din se tkun segwita minn doża ta’ kuljum ta’ 1.5 mg/kg (m’għandhiex taqbeż 100 mg) (doża ta’ manteniment). Id-doża li tingħata tiddependi fuq il-piż tal-pazjent.

     ECALTA għandu jiġi mogħti lilek darba kuljum, b’infużjoni bil-mod (dripp) ġol-vina. Għall-adulti, dan għandu jieħu bejn siegħa u nofs għal doża ta’ manteniment u 3 sigħat fl-ewwel jum (doża qawwija tal-bidu). Għat-tfal u l-adolexxenti, l-infużjoni tista’ tieħu inqas ħin, skont kemm ikun jiżen il-pazjent.

     
     

     It-tabib tiegħek se jistabbilixxi t-tul tal-kura tiegħek u l-ammont ta’ ECALTA li għandek tirċievi kuljum u se jimmonitorja r-rispons u l-kundizzjoni tiegħek.

     
     

     B’mod ġenerali, il-kura tiegħek għandha tissokta għal mill-anqas 14-il jum wara s-sejba ta’ Candida

     fid-demm tiegħek.

     
     

     Jekk tieħu aktar ECALTA milli suppost

     
     

     Jekk tkun inkwetat li forsi ngħatajt aktar ECALTA milli suppost, għid lit-tabib tiegħek jew lil professjonist ieħor tal-kura tas-saħħa immedjatament.

     
     

     Jekk tinsa tieħu doża ta’ ECALTA

     
     

     Billi inti se tingħata din il-mediċina taħt sorveljanza medika mill-qrib, mhux probabbli li tista’ tintesa doża. Madankollu għid lit-tabib jew lill-ispiżjar tiegħek jekk taħseb li nqabżet doża.

     
     

     It-tabib m’għandux itik doża doppja.

     
     

     Jekk tieqaf tuża ECALTA

     
     

     Inti m’għandu jkollok l-ebda effett jekk it-tabib tiegħek iwaqqaf il-kura b’ECALTA.

     
     

     It-tabib tiegħek jista’ jordnalek mediċina oħra wara l-kura tiegħek b’ECALTA biex tkompli titratta l- infezzjoni fungali jew biex timpedixxi l-infezzjoni fungali tiegħek milli terġa’ titfaċċa.

     
     

     Jekk is-sintomi oriġinali tiegħek jerġgħu jitfaċċaw, għid lit-tabib tiegħek jew lil professjonist ieħor tal- kura tas-saħħa immedjatament.

     
     

     Jekk għandek aktar mistoqsijiet dwar l-użu ta’ din il-mediċina, staqsi lit-tabib, jew lill-ispiżjar jew lill- infermier tiegħek.

     
     

  2. Effetti sekondarji possibbli

     
     

     Bħal kull mediċina oħra, din il-mediċina jista’ jkollha effetti sekondarji, għalkemm ma jidhrux fuq kulħadd. Waqt il-monitoraġġ tar-rispons u l-kundizzjoni tiegħek, t-tabib tiegħek se jinnota xi effetti sekondarji minn dawn.

     
     

     Reazzjonijiet allerġiċi li huma ta’ periklu għal ħajja li jistgħu jinkludu diffikultà biex tieħu n-nifs bit- tħarħir jew raxx li jmur għall-agħar, kienu rrapurtati b’mod rari waqt l-amministrazzjoni b’ECALTA.

     
     

     Effetti sekondarji serji – għid lit-tabib tiegħek jew xi professjonist ieħor fil-qasam tas-saħħa immedjatament jekk ikollok xi effetti sekondarji minn dawn:

     
     

• Konvulżjoni (aċċessjoni)

• Fwawar

• Raxx, prurite (ħakk)

• Ħmura fil-wiċċ bil-fwawar

• Urtikarja (ħorriqija)

• Kontrazzjoni f'daqqa tal-muskoli madwar il-passaġġi tal-arja li jirriżulta fi tħarħir jew sogħla

• Diffikultà biex tieħu n-nifs

  Effetti sekondarji oħra

  
  

  Effetti sekondarji komuni ħafna (jistgħu jaffettwaw iktar minn 1 minn kull 10 persuni) huma:

  
  

• Potassju baxx fid-demm (ipokalimja)

• Dijarea

• Dardir

  
  

  Effetti sekondarji komuni (jistgħu jaffettwaw sa 1 minn kull 10 persuni) huma:

  
  

• Konvulżjoni (aċċessjoni)

• Uġigħ ta’ ras

• Rimettar

• Bidliet fit-testijiet tad-demm dwar il-funzjoni tal-fwied

• Raxx, prurite (ħakk)

• Bidliet fit-testijiet tad-demm dwar il-funzjoni tal-kliewi

• Fluss abnormali ta’ bili mill-bużżieqa tal-marrara għal ġol-imsaren (kolestażi)

• Zokkor għoli fid-demm

• Pressjoni tad-demm għolja

• Pressjoni tad-demm baxxa

• Kontrazzjoni f’daqqa tal-muskoli madwar il-passaġġi tal-arja li jirriżulta fi tħarħir jew sogħla

• Diffikultà biex tieħu n-nifs

  
  

  Effetti sekondarji mhux komuni (jistgħu jaffettwaw sa 1 minn kull 100 persuni) huma:

  
  

• Disturb tas-sistema ta’ tagħqid tad-demm

• Fwawar

• Ħmura fil-wiċċ

• Uġigħ fl-istonku

• Urtikarja (ħorriqija)

• Uġigħ fis-sit ta’ l-injezzjoni

  
  

  Mhux magħruf (frekwenza ma tistax tkun stimata mid-dejta disponibbli) huma

  
  

• Reazzjonijiet allerġiċi li huma ta’ periklu għal ħajja

  
  

  Rappurtar tal-effetti sekondarji

  
  

  Jekk ikollok xi effett sekondarju, kellem lit-tabib, jew lill-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.

  
  

  1. Kif taħżen ECALTA

     
     

     Żommu din il-mediċina fejn ma tidhirx u ma tintlaħaqx mit-tfal.

     
     

     Tużax din il-mediċina wara d-data ta’ skadenza li tidher fuq it-tikketta. Id-data ta’ skadenza tirreferi għall-aħħar ġurnata ta’ dak ix-xahar.

     
     

     Żomm fi friġġ (2oC- 8oC).

     
     

     Is-soluzzjoni rikostitwita tista’ tinżamm f’temperatura sa 25oC, sa massimu ta’ 24 siegħa. Is-soluzzjoni għall-infużjoni tista’ tinżamm f’temperatura ta’ 25oC (temperatura normali) għal 48 siegħa (tagħmlux fil-friża) u tkun amministrata f’temperatura ta’ 25oC (temperatura normali) fi żmien 48 siegħa.

     Tarmix l-ebda mediċina mal-ilma tad-dranaġġ jew ma’ l-iskart domestiku.

     
     

  2. Kontenut tal-pakkett u informazzjoni oħra X’fih ECALTA

• Is-sustanza attiva hija anidulafungin. Kull kunjett ta’ trab fih 100 mg anidulafungin.

• Is-sustanzi l-oħra huma fructose (ara sezzjoni 2 “ECALTA fih fructose”), mannitol, polysorbate 80, tartaric acid, sodium hydroxide (għal aġġustament tal-pH) (ara sezzjoni 2 “ECALTA fih

  sodium”), hydrochloric acid (għal aġġustament tal-pH)

  
  

  Id-dehra ta’ ECALTA u l-kontenut tal-pakkett:

  
  

  ECALTA jiġi bħala kaxxa li fiha kunjett b’100 mg trab għal konċentrat għal soluzzjoni għal infużjoni. It-trab hu abjad għal abjad fil-griż.

  Detentur tal-Awtorizzazzjoni għat-Tqegħid fis-Suq

  
  

  Pfizer Europe MA EEIG, Boulevard de la Plaine 17, 1050 Bruxelles, Il-Belġju

  
  

  Manifattur

  
  

  Pfizer Manufacturing Belgium NV, Rijksweg 12, 2870 Puurs, Il-Belġju

  
  

  Għal kull informazzjoni dwar din il-mediċina, jekk jogħġbok ikkuntattja lir-rappreżentant lokali tad- Detentur ta’ l-Awtorizzazzjoni għat-Tqegħid fis-Suq:

  
  

  België/Belgique/Belgien Luxembourg/Luxemburg Pfizer NV/SA

  Tél/Tel: +32 (0)2 554 62 11

  Lietuva

  Pfizer Luxembourg SARL filialas Lietuvoje

  Tel. +3705 2514000

  
  

  България

  Пфайзер Люксембург САРЛ, Клон България Тел.: +359 2 970 4333

  Magyarország

  Pfizer Kft.

  Tel. + 36 1 488 37 00

  
  

  Česká republika

  Pfizer, spol. s r.o.

  Tel: +420-283-004-111

  Malta

  Vivian Corporation Ltd. Tel : +356 21344610

  
  

  Danmark

  Pfizer ApS

  Tlf: +45 44 20 11 00

  Nederland

  Pfizer bv

  Tel: +31 (0)10 406 43 01

  
  

  Deutschland

  PFIZER PHARMA GmbH Tel: +49 (0)30 550055-51000

  Norge

  Pfizer AS

  Tlf: +47 67 52 61 00

  
  

  Eesti

  Pfizer Luxembourg SARL Eesti filiaal Tel: +372 666 7500

  Österreich

  Pfizer Corporation Austria Ges.m.b.H. Tel: +43 (0)1 521 15-0

  Ελλάδα

  Pfizer ΕΛΛΑΣ A.E. Τηλ.: +30 210 6785 800

  Polska

  Pfizer Polska Sp. z o.o., Tel.: +48 22 335 61 00

  
  

  España

  Pfizer, S.L.

  Tel: +34 91 490 99 00

  Portugal

  Laboratórios Pfizer, Lda. Tel: + 351 214 235 500

  
  

  France

  Pfizer

  Tél: +33 (0)1 58 07 34 40

  România

  Pfizer România S.R.L Tel: +40 (0)21 207 28 00

  
  

  Hrvatska

  Pfizer Croatia d.o.o. Tel: + 385 1 3908 777

  Slovenija

  Pfizer Luxembourg SARL

  Pfizer, podružnica za svetovanje s področja farmacevtske dejavnosti, Ljubljana

  Tel: + 386 (0)152 11 400

  
  

  Ireland

  Pfizer Healthcare Ireland Tel: 1800 633 363 (toll free)

  Tel: +44 (0)1304 616161

  Slovenská republika

  Pfizer Luxembourg SARL, organizačná zložka Tel: +421-2-3355 5500

  
  

  Ísland

  Icepharma hf.,

  Sími: + 354 540 8000

  Suomi/Finland

  Pfizer Oy

  Puh/Tel: +358(0)9 43 00 40

  
  

  Italia

  Pfizer S.r.l.

  Tel: +39 06 33 18 21

  Sverige

  Pfizer AB

  Tel: +46 (0)8 5505 2000

  
  

  Kύπρος

  Pfizer ΕΛΛΑΣ Α.Ε. (Cyprus Branch) Τηλ: +357 22 817690

  United Kingdom (Northern Ireland)

  Pfizer Limited

  Tel: +44 (0)1304 616161

  
  

  Latvija

  Pfizer Luxembourg SARL Filiāle Latvijā

  Tel: +371 670 35 775

  
  

  Dan il-fuljett kien rivedut l-aħħar f’{XX/SSSS}.

  
  

  
  

  --------------------------------------------------------------------------------------------------------------------------

  
  

  It-tagħrif li jmiss qed jingħata biss għall-professjonisti fil-qasam mediku u tal-kura tas-saħħa u japplika biss għall-presentazzjoni ta’ kunjett wieħed ta’ ECALTA 100 mg trab għal konċentrat għal soluzzjoni għall-infużjoni

  
  

  Il-kontenut tal-kunjett jrid jiġi rikostitwit f’ilma għall-injezzjoni u wara jiġi dilwit BISS b’9 mg/mL (0.9%) sodium chloride għal infużjoni jew 50 mg/mL (5%) glukożju għal infużjoni. Il-kompatibilità ta’ ECALTA rikostitwit ma’ sustanzi, addittivi, jew mediċini għal ġol-vina għajr 9 mg/mL (0.9%)

  sodium chloride għal infużjoni jew 50 mg/mL (5%) glukożju għal infużjoni ma ġietx stabbilita. Is- soluzzjoni għal infużjoni m’għandhiex titpoġġa fil-friża.

  
  

  Rikostituzzjoni

  Irrikostitwixxi b’mod asettiku kull kunjett fi 30 mL ilma għall-injezzjoni biex jipprovdi konċentrazzjoni ta’ 3.33 mg/mL. Il-ħin tar-rikostituzzjoni jista’ jieħu sa 5 minuti. Wara dilwizzjoni suċċessiva, is-soluzzjoni għandha tintrema jekk jinstab frak jew tidnis tal-kulur.

  
  

  Is-soluzzjoni rikostitwita tista’ tinħażen f’temperatura sa 25oC għal massimu ta’ 24 siegħa qabel ma tkun dilwita aktar.

  
  

  Dilwizzjoni u infużjoni

  Prodotti mediċinali parenterali għandhom jiġu eżaminati viżwalment għal frak u bdil fil-kulur qabel ma jiġu amministrati, kull meta s-soluzzjoni u l-kontenitur jippermettu. Jekk tidentifika frak jew bdil fil-kulur, armi s-soluzzjoni.

  
  

  Pazjenti Adulti

  
  

  Ittrasferixxi b’mod asettiku l-kontenut tal-kunjett(i) rikostitwit(i) ġo borża (jew flixkun) għal ġol-vini li jkun fiha 9 mg/mL (0.9%) sodium chloride għal infużjoni jew 50 mg/mL (5%) glukożju għal infużjoni biex tikseb il-konċentrazzjoni xierqa ta’ anidulafungin. It-tabella ta’ hawn taħt tipprovdi d-

  dilwizzjoni għal konċentrazzjoni ta’ 0.77 mg/mL għas-soluzzjoni għall-infużjoni finali u istruzzjonijiet

  għall-infużjoni għal kull doża.

  
  

  Rekwiżiti tad-dilwizzjoni għall-għoti ta’ ECALTA

  
  

  Doża	Numru ta’ kunjetti ta’ trab	Volum totali rikostitwit	Volum ta’ l-infużjoni A	Volum totali ta’ l- infużjoni B	Rata ta’ l- infużjoni	Ħin minimu ta’ Infużjoni
  100 mg	1	30 mL	100 mL	130 mL	1.4 mL/min jew 84 mL/siegħa	90 min
  200 mg	2	60 mL	200 mL	260 mL	1.4 mL/min jew 84 mL/siegħa	180 min

  A Jew 9 mg/mL (0.9%) sodium chloride għal infużjoni jew 50 mg/mL (5%) glukożju għal infużjoni.

  1. Konċentrazzjoni tas-soluzzjoni ta’ l-Infużjoni hija 0.77 mg/mL

     
     

     Ir-rata ta’ infużjoni ma għandiex tkun iktar minn 1.1 mg/min (li hija ekkwivalenti għal 1.4 mL/min jew 84 mL/siegħa meta rikostitwita u dilwita skont l-istruzzjonijiet).

     
     

     Pazjenti Pedjatriċi

     
     

     Għal pazjenti pedjatriċi li għandhom minn xahar sa < 18-il sena, il-volum tas-soluzzjoni għall- infużjoni meħtieġ biex tingħata d-doża jvarja skont il-piż tal-pazjent. Is-soluzzjoni rikostitwita teħtieġ dilwizzjoni addizzjonali għal konċentrazzjoni ta’ 0.77 mg/mL għas-soluzzjoni finali għall-infużjoni. Hi rakkomandata siringa li tista’ tiġi pprogrammata jew pompa għall-infużjoni. Ir-rata ta’ infużjoni m’għandhiex taqbeż il-1.1 mg/minuta (ekwivalenti għal 1.4 mL/minuta jew 84 mL/siegħa meta tiġi rikostitwita u dilwita skont l-istruzzjonijiet).

     
     

     1. Ikkalkula d-doża għall-pazjent u rrikostitwixxi l-kunjett(i) meħtieġ(a) skont l-istruzzjonijiet għar-rikostituzzjoni biex tipprovdi konċentrazzjoni ta’ 3.33 mg/mL

        
        

     2. Ikkalkula l-volum (mL) ta’ anidulafungin rikostitwit meħtieġ:

        
        

        • Volum ta’ anidulafungin (mL) = Doża ta’ anidulafungin (mg)  3.33 mg/mL

     3. Ikkalkula l-volum totali tas-soluzzjoni għad-dożaġġ (mL) meħtieġa biex tipprovdi konċentrazzjoni finali ta’ 0.77 mg/mL:

        
        

        • Volum totali tas-soluzzjoni għad-dożaġġ (mL) = Doża ta’ anidulafungin (mg)

          ÷ 0.77 mg/mL

          
          

     4. Ikkalkula l-volum ta’ dilwent [Injezzjoni ta’ 5% Dextrose, USP jew Injezzjoni ta’ 0.9% Sodium Chloride, USP (soluzzjoni bil-melħ normali)] meħtieġ biex tipprepara s-soluzzjoni għad-dożaġġ:

        
        

        • Volum ta’ dilwent (mL) = Il-volum totali tas-soluzzjoni għad-dożaġġ (mL) – Volum ta’ anidulafungin (mL)

          
          

     5. Ittrasferixxi, b’mod asettiku, il-volumi (mL) meħtieġa ta’ anidulafungin u Injezzjoni ta’ 5% Dextrose, USP jew Injezzjoni ta’ 0.9% Sodium Chloride, USP (soluzzjoni bil-melħ normali) f’siringa għall-infużjoni jew f’borża ta’ infużjoni IV meħtieġa għall-għoti.

Jintuża darba biss. Kull skart li jibqa’ wara li jintuża l-prodott għandu jintrema kif jitolbu l-liġijiet lokali.