Imbruvica
ibrutinib
ibrutinib
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew l-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew lill-infermier tiegħek. Dan
jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu IMBRUVICA u għalxiex jintuża
X’għandek tkun taf qabel ma tieħu IMBRUVICA
Kif għandek tieħu IMBRUVICA
Effetti sekondarji possibbli
Kif taħżen IMBRUVICA
Kontenut tal-pakkett u informazzjoni oħra
IMBRUVICA huwa mediċina kontra l-kanċer li fih is-sustanza attiva ibrutinib. Huwa jagħmel parti minn klassi ta’ mediċini msejħa impedituri tal-proteina kinase.
Huwa jintuża biex jittratta dawn il-kanċers fid-demm li ġejjin, fl-adulti:
Limfoma taċ-ċellula mantle (MCL - Mantle Cell Lymphoma), tip ta’ kanċer li jaffettwa l- għoqod tal-limfa, meta l-marda terġa’ tiġi lura jew ma tkunx irrispondiet għat-trattament.
Lewkimja limfoċitika kronika (CLL - Chronic Lymphocytic Leukaemia) tip ta’ kanċer li jaffettwa ċ-ċelluli bojod tad-demm msejħa limfoċiti li wkoll jinvolvi l-għoqod tal-limfa. IMBRUVICA jintuża f’pazjenti li ma kinux ġew ittrattati għal CLL qabel jew meta l-marda terġa’ tfiġġ mill-ġdid jew ma tkunx irrispondiet għat-trattament.
Makroglobulinemija ta’ Waldenström (WM), tip ta’ kanċer li jaffettwa ċ-ċelluli bojod tad-demm imsejħa limfoċiti. Huwa jintuża f’pazjenti li qabel ma kinux ġew trattati għal WM jew meta l- marda tfiġġ mill-ġdid jew ma tkunx irrispondiet għat-trattament jew f’pazjenti li għalihom kimoterapija mogħtija flimkien ma’ antikorp mhijiex terapija adattata.
F’MCL, CLL u WM, IMBRUVICA jaħdem billi jimblokka tyrosine kinase ta’ Bruton, proteina fil- ġisem li tgħin lil dawn iċ-ċelluli tal-kanċer jikbru u jibqgħu ħajjin. Billi jimblokka din il-proteina, IMBRUVICA jgħin biex joqtol u jnaqqas in-numru ta’ ċelluli tal-kanċer. Huwa jnaqqas ukoll ir-rata li biha l-kanċer imur għall-agħar.
jekk inti allerġiku għal ibrutinib jew għal xi sustanza oħra ta’ din il-mediċina (imniżżla fis- sezzjoni 6)
jekk inti qed tieħu mediċina magħmula mill-ħxejjex msejħa St. John’s Wort, li tintuża għad- depressjoni. Jekk mintix ċert/a dwar dan, kellem lit-tabib lill-ispiżjar jew lill-infermier tiegħek qabel tieħu din il-mediċina.
Kellem lit-tabib, lill-ispiżjar jew lill-infermier tiegħek qabel tieħu IMBRUVICA:
jekk qatt kellek tbenġil jew ħruġ ta’ demm mhux tas-soltu jew jekk qiegħed fuq kwalunkwe mediċina jew suppliment li jżidulek ir-riskju ta’ ħruġ ta’ demm (ara s-sezzjoni “Mediċini oħra u IMBRUVICA”)
jekk għandek qalb tħabbat b’mod irregolari jew għandek storja ta’ qalb tħabbat b’mod irregolari jew insuffiċjenza serja tal-qalb jew jekk tħoss xi waħda minn dawn li ġejjin: qtugħ ta’ nifs, dgħufija, sturdament, mejt, jagħtik ħass ħażin jew ikun kważi se jagħtik ħass ħażin, uġigħ fis- sider jew riġlejn minfuħin
jekk għandek problemi fil-fwied, inkluż jekk qatt kellek jew bħalissa għandek infezzjoni tal- epatite B (infezzjoni fil-fwied)
jekk għandek pressjoni għolja
jekk dan l-aħħar għamilt xi operazzjoni, speċjalment jekk din tista’ taffettwa l-mod kif tassorbi l-ikel jew il-mediċini mill-istonku jew mill-imsaren
jekk inti qed tippjana li tagħmel operazzjoni – it-tabib tiegħek jista’ jistaqsik biex tieqaf tieħu IMBRUVICA għal perjodu qasir ta’ żmien (minn 3 sa 7 ijiem) qabel u wara l-operazzjoni tiegħek
jekk għandek problemi fil-kliewi.
Jekk xi waħda minn dawn t’hawn fuq tapplika għalik (jew mintix ċert), kellem lit-tabib, lill-ispiżjar jew lill-infermier tiegħek qabel jew waqt li qed tieħu din il-mediċina (ara sezzjoni “Effetti sekondarji possibbli”).
Meta tieħu IMBRUVICA, għid lit-tabib minnufih jekk tinduna jew xi ħadd jinduna fuqek li jkollok: telf ta’ memorja, problema biex taħseb, diffikultà biex timxi jew telf tal-vista – dawn jistgħu jkunu minħabba infezzjoni rari ħafna imma serja tal-moħħ li tista’ tkun fatali (Lewkoenċefalopatija Multifokali Progressiva jew PML (Progressive Multifocal Leukoencephalopathy)).
Għid lit-tabib tiegħek immedjatament jekk tinnota jew xi ħadd ieħor jinnota fik: tnemnim jew dgħufija f’daqqa fid-dirgħajn u fir-riġlejn (speċjalment fuq naħa waħda tal-ġisem), konfużjoni f’daqqa, diffikultà biex titkellem jew tifhem id-diskors, telf tal-vista, diffikultà biex timxi, telf ta’ bilanċ jew nuqqas ta’ koordinazzjoni, uġigħ ta’ ras sever f’daqqa mingħajr l-ebda kawża magħrufa. Dawn jistgħu jkunu sinjali u sintomi ta’ puplesija.
Għid lit-tabib tiegħek immedjatament jekk tiżviluppa uġigħ in-naħa ta’ fuq tax-xellug taż-żaqq (addome), uġigħ taħt il-qafas tas-sider tax-xellug jew fit-tarf tal-ispalla tax-xellug (dawn jistgħu jkunu sintomi li nfaqgħet il-milsa) wara li tieqaf tieħu IMBRUVICA.
Għid lit-tabib tiegħek immedjatament jekk tinnota qtugħ ta’ nifs, diffikultà biex tieħu n-nifs meta timtedd, nefħa fis-saqajn, fl-għekiesi jew fir-riġlejn u dgħufija/għeja (dawn jistgħu jkunu sinjali ta’ insuffiċjenza tal-qalb) matul it-trattament b’IMBRUVICA.
Tista’ tesperjenza infezzjonijiet virali, batteriċi, jew fungali matul il-kura b’IMBRUVICA. Ikkuntattja lit-tabib tiegħek jekk ikollok deni, tertir ta’ bard, dgħufija, konfużjoni, uġigħ f’ġismek, sintomi qishom ta’ riħ jew tal-influwenza, tħossok għajjien jew ikollok qtugħ ta’ nifs, sfurija fil-ġilda jew fl-għajnejn (suffejra). Dawn jistgħu jkunu sinjali ta’ infezzjoni.
Limfoistċitożi emofagoċitika
Kien hemm rapporti rari ta’ attivazzjoni eċċessiva taċ-ċelluli bojod tad-demm assoċjati mal- infjammazzjoni (limfoċitożi emofagoċitika), li tista’ tkun fatali jekk ma tiġix iddijanjostikata u trattatata mill-bidu. Jekk tħoss diversi sintomi bħal deni, glandoli minfuħa, tbenġil jew raxx fil-ġilda, ikkuntattja lit-tabib tiegħek immedjatament.
Sindrome tal-lisi tat-tumur (Tumour Lysis Syndrome, TLS): Kien hemm livelli mhux tas-soltu ta’ kimiċi fid-demm ikkaġunati mit-tkisser ta’ ċelluli tal-kanċer waqt it-trattament għal kanċer u xi kultant
anke mingħajr trattament. Dan jista’ jwassal għal bidliet fil-funzjoni tal-kliewi, fit-taħbit ta’ qalb anormali, jew f’attakki pupletiċi. It-tabib tiegħek jew fornitur tal-kura tas-saħħa ieħor għandu mnejn jagħmel testijiet tad-demm biex jiċċekkja għal TLS.
Limfoċitosi: Testijiet tal-laboratorju jistgħu juru żieda fiċ-ċelluli bojod tad-demm (msejħa “limfoċiti”) fid-demm tiegħek fl-ewwel ftit ġimgħat ta’ trattament. Dan huwa mistenni u jista’ jdum għal xi ftit xhur Dan mhux neċessarjament ifisser li l-kanċer fid-demm tiegħek sejjer għall-agħar. It-tabib tiegħek se jiċċcekkja l-għadd tad-demm tiegħek qabel u waqt it-trattament u f’każijiet rari jista’ jkun li jkollhom ituk mediċina oħra. Kellem lit-tabib tiegħek dwar x’ifissru r-riżultati tat-testijiet tad-demm tiegħek.
Avvenimenti marbuta mal-fwied: It-tabib tiegħek se jgħammillek xi testijiet tad-demm biex jiċċekkja jekk il-fwied tiegħek huwiex qed jaħdem sew jew li inti m’għandekx infezzjoni fil-fwied, magħrufa bħala epatite virali, jew jekk l-epatite B saritx attiva mill-ġdid, li tista’ tkun fatali.
IMBRUVICA m’għandux jintuża fi tfal u adolexxenti. Dan minħabba li ma ġiex studjat f’dawn il- gruppi ta’ etajiet.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tuża xi mediċini oħra. Dan jinkludi mediċini miksuba mingħajr riċetta, mediċini magħmulin mill-ħxejjex u supplimenti. Dan minħabba li IMBRUVICA jista’ jaffettwa l-mod kif jaħdmu mediċini oħra. Ukoll xi mediċini oħra jistgħu jaffettwaw l-mod kif jaħdem IMBRUVICA.
acetyl salicylic acid u mediċini kontra l-infjammazzjoni mhux sterojdi (NSAIDs - non-steroidal anti-inflammatories) bħal ibuprofen jew naproxen
mediċini li jraqqu d-demm bħal warfarina, eparina jew mediċini oħra għal tagħqid tad-demm
supplimenti li jistgħu jżidu r-riskju li inti joħroġlok id-demm bħal żejt tal-ħuta, vitamina E jew żerriegħa tal-kittien.
Jekk xi waħda minn dawn t’hawn fuq tapplika għalik (jew mintix ċert), kellem lit-tabib, lill-ispiżjar jew lill-infermier tiegħek qabel tieħu IMBRUVICA.
mediċini msejħa antibijotiċi biex jittrattaw infezzjonijiet bil-batterji – clarithromycin, telithromycin, ciprofloxacin, erythromycin jew rifampin
mediċini għal infezzjonijiet bil-fungu – posaconazole, ketoconazole, itraconazole, fluconazole jew voriconazole
mediċini għal infezzjonijiet bl-HIV – ritonavir, cobicistat, indinavir, nelfinavir, saquinavir, amprenavir, atazanavir, jew fosamprenavir
mediċini biex jilqgħu kontra d-dardir u r-rimettar assoċjati mal-kimoterapija - aprepitant
mediċini għad-despressjoni - nefazodone
mediċini msejħa impedituri ta’ kinase għat-trattament ta’ kanċers oħra – crizotinib jew imatinib
mediċini msejħa imblokkaturi tal-kanali tal-kalċju għal pressjoni għolja jew uġigħ fis-sider,– diltiazem jew verapamil
mediċini msejħa statins biex jittrattaw livell għoli ta’ kolesterol - rosuvastatin
mediċini tal-qalb/kontra l-arritmija – amiodarone jew dronedarone.
mediċini biex jilqgħu kontra aċċessjonijiet jew biex jittrattaw l-epilessija, jew mediċini biex jittrattaw kundizzjoni bl-uġigħ fil-wiċċ imsejħa nevraġija triġeminali – carbamazepine jew phenytoin
Jekk xi waħda minn dawn t’hawn fuq tapplika għalik (jew mintix ċert), kellem lit-tabib, lill-ispiżjar jew lill-infermier tiegħek qabel tieħu IMBRUVICA.
Jekk inti qed tieħu digoxin, mediċina li tintuża għal problemi fil-qalb, jew methotrexate, mediċina użata biex titratta kanċers oħra u biex tnaqqas l-attività tas-sistema immuni (eż., għall-artrite rewmatojde jew għall-psorjasi), din għandha titteħed mill-inqas 6 sigħat qabel jew wara IMBRUVICA.
Tinqabadx tqila waqt li tkun qed tieħu din il-mediċina.
IMBRUVICA m’għandux jintuża waqt it-tqala. Ma hemm l-ebda informazzjoni dwar is-sigurtà ta’ IMBRUVICA f’nisa tqal.
Nisa f’età li jista’ jkollhom it-tfal għandhom jużaw metodu effettiv ħafna ta’ kontroll tat-tqala waqt u għal tliet xhur wara li jirċievu IMBRUVICA, biex jevitaw li jinqabdu tqal waqt li jkunu qed jiġu ttrattati b’IMBRUVICA.
Għid lit-tabib tiegħek immedjatament jekk inti tinqabad tqila.
Treddax waqt li tkun qed tieħu din il-mediċina.
Inti tista’ tħossok għajjien/a jew stordut/a wara li tieħu IMBRUVICA, li jista’ jaffettwa l-ħila li inti ssuq jew tħaddem kwlaunkwe għodda jew magna.
IMBRUVICA fih inqas minn 1 mmol ta’ sodium (23 mg) f’kull doża, li tista’ tgħid huwa essenzjalment ‘mingħajr sodium’.
Dejjem għandek tieħu din il-mediċina skont il-parir eżatt tat-tabib, tal-ispiżjar jew tal-infermier tiegħek. Iċċekkja mat-tabib, mal-ispiżjar jew mal-infermier tiegħek jekk ikollok xi dubju.
Id-doża rrakkomandata ta’ IMBRUVICA hija erba’ kapsuli (560 mg) darba kuljum.
Id-doża rrakkomandata ta’ IMBRUVICA hija tliet kapsuli (420 mg) darba kuljum. It-tabib tiegħek jista’ jaġġustalek id-doża.
Ħu l-kapsuli mill-ħalq ma’ tazza ilma.
Ħu l-kapsuli madwar l-istess ħin kuljum.
Ibla’ l-kapsuli sħaħ. Tiftaħhomx, tfarrakhomx u tomgħodhomx.
Jekk tieħu IMBRUVICA aktar milli suppost, kellem tabib jew mur fi sptar minnufih. Ħu l-kapsuli u dan il-fuljett miegħek.
Jekk tinsa tieħu doża, hija tista’ tittieħed kemm jista’ jkun malajr dakinhar filwaqt li tmur lura għall-iskeda normali l-għada.
M’għandekx tieħu doża doppja biex tpatti għal kull doża li tkun insejt tieħu.
Jekk mintix ċert, kellem lit-tabib, lill-ispiżjar jew lill-infermier tiegħek dwar meta għandek tieħu d-doża li jmissek.
M’għandekx tieqaf tieħu din il-mediċina sakemm ma jgħidlikx tagħmel dan it-tabib tiegħek.
Jekk għandek aktar mistoqsijiet dwar l-użu ta’ din il-mediċina, staqsi lit-tabib, lill-ispiżjar jew lill- infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
L-effetti sekondarji li ġejjin jistgħu jseħħu b’din il-mediċina:
raxx bil-ħakk u mqabbeż, diffikultà biex tieħu n-nifs, nefħa f’wiċċek, f’xofftejk, fi lsienek jew fil- gerżuma – jista’ jkun li inti qed ikollok reazzjoni allerġika għall-mediċina.
deni, tkexkix ta’ bard, uġigħ fil-ġisem, tħossok għajjien/a, sintomi ta’ riħ jew tal-influwenza,
ikollok qtugħ ta’ nifs – dawn jistgħu jkunu sinjali ta’ infezzjoni (virali, batterjali jew fungali). Dawn jistgħu jinkludu infezzjonijiet tal-imnieħer, tas-sinus jew tal-gerżuma (infezzjoni fin-naħa
ta’ fuq tal-apparat tan-nifs), jew tal-pulmun, jew tal-ġilda
tbenġil jew tendenza akbar ta’ tbenġil
feriti fil-ħalq
tħossok stordut
uġigħ ta’ ras
stitikezza
tħossok imdardar jew tirremetti (nawsja jew rimettar)
dijarea, it-tabib tiegħek jista’ jkollu bżonn jagħtik sostituzzjoni ta’ fluwidi u melħ jew mediċina oħra
raxx fil-ġilda
uġigħ fid-dirgħajn jew fir-riġlejn
uġigħ fid-dahar jew fil-ġogi
bugħawwiġijiet, uġigħ jew spażmi fil-muskoli
numru baxx ta’ ċelluli li jgħinu d-demm jagħqad (plejtlits), numru baxx ħafna ta’ ċelluli bojod tad-demm – jidhru fit-testijiet tad-demm
żieda fin-numru jew fil-proporzjon ta’ ċelluli bojod tad-demm li jidhru fit-testijiet tad-demm
livell għoli ta’ “aċidu uriku” fid-demm (jidher fit-testijiet tad-demm), li jista’ jikkawża l-gotta.
idejn, għekiesi jew saqajn minfuħin
pressjoni tad-demm għolja
żieda fil-livell tal-kreatinina fid-demm.
infezzjonijiet qawwija mal-ġisem kollu (sepsi)
infezzjonijiet fil-passaġġ tal-awrina
tinfaġar, tikek żgħar ħomor jew vjola kkawżati minn ħruġ ta’ demm taħt il-ġilda
demm fl-istonku, ġewwieni, ippurgar jew fl-awrina tiegħek, menstrwazzjoni qawwija aktar mis- soltu jew ħruġ ta’ demm li ma tistax twaqqfu minn ferita
insuffiċjenza tal-qalb
rata mgħaġġla ta’ taħbit tal-qalb, taħbit tal-qalb maqbuż, polz dgħajjef jew mhux regolari, mejt, qtugħ ta’ nifs, skumdità fis-sider (sintomi ta’ problemi tar-ritmu tal-qalb)
għadd baxx ta’ ċelluli bojod tad-demm bid-deni (newtropenija bid-deni)
kanċer tal-ġilda li mhuwiex melanoma, b’mod l-aktar frekwenti jkun kanċer tal-ġilda taċ-ċelluli skwamużi jew taċ-ċelluli tal-bażi
vista mċajpra
ħmura fil-ġilda
infjammazzjoni fil-pulmun li tista’ twassal għal ħsara permanenti.
id-dwiefer jinkissru
dgħufija, titrix, tnemnim jew uġigħ f’idejk jew f’saqajk jew f’partijiet oħra tal-ġisem (newropatija periferali).
insuffiċjenza tal-fwied, inkluż avvenimenti b’riżultat fatali
infezzjonijiet severi bil-fungu
konfużjoni, uġigħ ta’ ras b’taħdit ma jiftiehmx jew tħossok se jtik ħass ħażin – dawn jistgħu jkunu sinjali ta’ ħruġ ta’ demm serju fil-moħħ
livelli mhux tas-soltu ta’ kimika fid-demm ikkawżata mid-diżintegrazzjoni mgħaġġla taċ-ċelluli tal-kanċer seħħew matul it-trattament tal-kanċer u xi drabi anke mingħajr trattament (sindrome
ta’ lisi tat-tumur)
reazzjoni allerġika, xi drabi severa, li tista’ tinkludi wiċċ, xofftejn, ħalq, ilsien jew gerżuma minfuħa, diffikultà biex tibla’ jew biex tieħu n-nifs, raxx bil-ħakk (ħorriqija).
infjammazzjoni tat-tessut xaħmi ta’ taħt il-ġilda
episodju temporanju ta’ tnaqqis fil-funzjoni tal-moħħ jew tan-nervituri kkawżata minn telf ta’ fluss tad-demm, puplesija
ħruġ ta’ demm fl-għajn (f’xi każijiet assoċjat ma’ telf tal-vista)
ulċerazzjoni bl-uġigħ fil-ġilda (pajoderma gangrenosum) jew rqajja’ ħomor, imqabbża u bl- uġigħ fil-ġilda, deni, u żieda fiċ-ċelluli bojod tad-demm (dawn jistgħu jkunu sinjali ta’ dermatożi newtrofilika bid-deni jew sindrom ta’ Sweet).
żieda kbira fl-għadd ta’ ċelluli bojod tad-demm li tista’ tikkawża li ċ-ċelluli jeħlu flimkien
raxx sever b’infafet u tqaxxir tal-ġilda, partikolarment madwar il-ħalq, l-imnieħer, l-għajnejn u l-partijiet intimi (Sindrome ta’ Stevens-Johnson).
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti
sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi
tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u t-tikketta tal-flixkun wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
Din il-mediċina m’għandhiex bżonn ħażna speċjali.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi ibrutinib. Kull kapsula iebsa fiha 140 mg ta’ ibrutinib.
Is-sustanzi l-oħra huma:
kontenut tal-kapsula: croscarmellose sodium, magnesium stearate, microcrystalline cellulose u sodium lauril sulfate (E487)
qoxra tal-kapsula: gelatin u titanium dioxide (E171)
linka tal-istampar: shellac, iron oxide iswed (E172), u propylene glycol (E1520).
IMBRUVICA huma kapsuli ibsin bojod opaki, immarkati b’“ibr 140 mg” b’linka sewda fuq naħa waħda.
Il-kapsuli huma pprovduti fi flixkun tal-plastik b’għatu tal-polypropylene li ma jistax jinfetaħ mit-tfal. Kull flixkun fih 90 jew 120 kapsula. Kull pakkett fih flixkun wieħed.
Janssen-Cilag International NV Turnhoutseweg 30
B-2340 Beerse
Il-Belġju
Janssen Pharmaceutica NV Turnhoutseweg 30
B-2340 Beerse
Il-Belġju
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
UAB "JOHNSON & JOHNSON" Tel: +370 5 278 68 88
„Джонсън & Джонсън България” ЕООД Тел.: +359 2 489 94 00
Janssen-Cilag NV Tél/Tel: +32 14 64 94 11
Janssen-Cilag A/S Tlf: +45 4594 82 82
AM MANGION LTD. Tel: +356 2397 6000
Janssen-Cilag GmbH Tel: +49 2137 955 955
Janssen-Cilag B.V. Tel: +31 76 711 1111
UAB "JOHNSON & JOHNSON" Eesti filiaal Tel: +372 617 7410
Janssen-Cilag AS Tlf: +47 24 12 65 00
Janssen-Cilag Φαρμακευτική Α.Ε.Β.Ε. Tηλ: +30 210 80 90 000
Janssen-Cilag Pharma GmbH Tel: +43 1 610 300
Janssen-Cilag, S.A. Tel: +34 91 722 81 00
Janssen-Cilag Polska Sp. z o.o. Tel.:+48 22 237 60 00
Janssen-Cilag
Tél: 0 800 25 50 75 / +33 1 55 00 40 03
Janssen-Cilag Farmacêutica, Lda. Tel: +351 214 368 600
Johnson & Johnson S.E. d.o.o. Tel: +385 1 6610 700
Johnson & Johnson România SRL Tel: +40 21 207 1800
Janssen Sciences Ireland UC Tel: +353 1 800 709 122
Johnson & Johnson d.o.o. Tel.: +386 1 401 18 00
Janssen_safety_slo@its.jnj.com
Janssen-Cilag AB c/o Vistor hf
Sími: +354 535 7000
Janssen-Cilag SpA
Tel: 800 688 777 / +39 02 2510 1
Janssen-Cilag Oy
Puh/Tel: +358 207 531 300
Βαρνάβας Χατζηπαναγής Λτδ Τηλ: +357 22 207 700
Janssen-Cilag AB Tfn: +46 8 626 50 00
UAB "JOHNSON & JOHNSON" filiāle Latvijā Tel: +371 678 93561
Janssen Sciences Ireland UC Tel: +44 1 494 567 444