Emselex
darifenacin hydrobromide
Darifenacin
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet prescritta ghalik biss. M’għandekx tgħaddiha lil persuni oħra. Tista’
tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju li possibilment mhuwiex elenkat f’dan il-fuljett. Ara sezzjoni 4.
1. X’inhu Emselex u għalxiex jintuża
X’għandek tkun taf qabel ma tieħu Emselex
Kif għandek tieħu Emselex
Effetti sekondarji possibbli
Kif taħżen Emselex
Kontenut tal-pakkett u informazzjoni oħra
Emselex inaqqas l-attività ta’ bużżieqa tal-awrina attiva żżejjed. Dan jippermetilek tistenna aktar qabel ma jkollok bżonn tmur it-tojlit u żżid l-ammont ta’ awrina li l-bużżieqa tal-awrina tiegħek tkun tiflaħ iżżomm.
Emselex huwa mediċina li tagħmel parti minn klassi ta’ mediċini li jirilassaw il-muskoli tal-bużżieqa
tal-awrina. Jintuża fl-adulti għall-kura ta’ sintomi li jkollok meta l-bużżieqa tal-awrina tkun attiva żżejjed – bħal meta tħoss bżonn urġenti li tmur tiġri t-tojlit, bżonn li tmur it-tojlit ta’ spiss u/jew ma tilħaqx tasal sat-tojlit fil-ħin u tagħmel taħtek (impuls tal-inkontinenza).
jekk int allerġiku/a għal darifenacin jew sustanzi oħra ta’ din il-mediċina (imniżżla fis- sezzjoni 6)..
jekk issofri minn retenzjoni tal-awrina (ma tistax tbattal il-bużżieqa tal-awrina).
jekk għandek retenzjoni gastrika (problemi biex tbattal li jkollok fl-istonku).
jekk tbati minn glawkoma tat-tip “narrow angle” li ma tkunx ikkontrollata (pressjoni għolja fl- għajnejn li ma tkunx ikkontrollata kif jixraq).
jekk għandek myasthenia gravis (marda kkaratterizzata minn għeja mhux tas-soltu u dgħufija ta’ xi wħud mill-muskoli).
jekk għandek kolite bl-ulċeri serja, jew megakolon tossiku (dilatazzjoni akuta tal-musrana l- kbira minħabba kumplikazzjoni ta’ infezzjoni jew infjammazzjoni).
jekk għandek problemi serji fil-fwied.
Jekk qed tieħu mediċini li jnaqqsu sew l-attivita` ta’ xi enżimi tal-fwied bħal ciclosporin (mediċina wżata fit-trapjanti biex tilqa’ kontra r-riġett tal-organu jew għal kundizzjonijiet oħra, eż. artrite rewmatika jew dermatite atopika), verapamil (mediċina wżata biex tbaxxi l-pressjoni tad-demm, biex tirregola r-ritmu tal-qalb jew biex tikkura anġina pectoris), mediċini kontra l- mard tal-moffa (eż.ketoconazole u itraconazole) u xi mediċini kontra mard virali (eż ritonavir)
ara paragrafu “Mediċini oħra u Emselex”.
Kellem lit-tabib tiegħek qabel tieħu Emselex
jekk għandek newropatija awtonomika (ħsara fin-nervituri li jikkomunikaw bejn il-moħħ u l- organi interni, il-muskoli, il-ġilda u l-vini u l-arterji biex jirregolaw funzjonijiet vitali, li jinkludu r-ritmu tal-qalb, il-pressjoni tad-demm u l-funzjoni tal-imsaren) – it-tabib tiegħek ikun qallek jekk għandekx din il-marda.
Jekk għandek kundizzjoni fejn wiehed jew iktar organi fl-addome tiegħek mexa` ‘il fuq f’sidrek minn ġo toqba fid-dijaframma tieghek, b’konsegwenza li għandek ħruq ta’ stonku u hafna tifwiq.
jekk tbati biex tgħaddi l-awrina jew tgħaddi fluss ta’ awrina dgħajjef ħafna.
jekk għandek stitikezza qawwija (tipporga darbtejn f’ġimgħa jew anqas).
jekk għandek disturb fil-motilità diġestiva.
jekk għandek xi disturb ta’ ostruzzjoni fis-sistema gastrointestinali (kwalunkwe imblokk tal- passaġġ tal-kontenut tal-musrana jew tal-istonku, bħal tidjieq tal-piloru, il-parti tan-naħa t’isfel tal-istonku) - it-tabib tiegħek ikun qallek jekk għandekx din.
jekk inti qed tieħu prodotti mediċinali li jistgħu jikkawżaw jew jaggravaw infjammazzjoni tal- esofagu bħal bisphosphonates mill-ħalq (klassi ta’ prodotti mediċinali li jilqgħu kontra t-telf tal- massa tal-għadam u li jintużaw biex jikkuraw l-ostejoporożi).
jekk qed tirċievi kura għall-glawkoma tat-tip narrow angle.
jekk għandek problemi tal-fwied.
jekk għandek infezzjoni fil-passaġġ urinarju jew problemi oħra tal-kliewi.
Jekk għandek il-muskolu li jikkontrolla t-tbattal tal-bużżieqa tal-awrina attiv iżżejjed, li jista’ jikkawwża l-passaġġ tal-awrinab’mod aċċidentali (din hija kundizzjoni li tissejjah detrusor hyperreflexia) - it-tabib tiegħek ikun qallek jekk għandekx din.
jekk għandek mard tal-qalb.
Jekk xi waħda minn dawn tgħodd għalik, għid lit-tabib tiegħek qabel tieħu Emselex.
Matul il-kura b’Emselex, għid lit-tabib tiegħek minnufih u waqqaf l-Emselex jekk tesperjenza nefħa tal-wiċċ, tax-xofftejn, l-ilsien u/jew il-gerżuma (sinjali ta’ anġjoedima).
Emselex mhuwiex irrakkomandat ghall-użu fit-tfal u adolexxenti (<18-il sena).
Jekk jogħġbok għid lit-tabib jew lill-ispiżjar tiegħek jekk qiegħed tieħu jew ħadt dan l-aħħar xi mediċini oħra, anki dawk mingħajr riċetta. Dan huwa importanti b’mod partikolari jekk inti qed tieħu kwalunkwe minn dawn li ġejjin minħabba li t-tabib tiegħek jista’ jkollu bżonn jaġġustalek id-doża tiegħek ta’ Emselex u/jew tal-prodott l-ieħor:
ċerti antibijotiċi (eż. erythromycin, clarithromycin, telithromycin u rifampicin),
mediċini kontra l-mard tal-moffa (eż. ketoconazole u itraconazole – ara paragrafu “Tieħux
Emselex”, fluconazole, terbinafine),
mediċini użati biex inaqqsu l-attivita` tas-sistema immunitarja, per eżempju, wara trapjant ta’ organu (eż. Ciclosporin – ara paragrafu “Tieħux Emselex”),
mediċini kontra mard virali (eż. ritonavir - – ara paragrafu “Tieħux Emselex”),
mediċini antipsikotiċi (eż. thioridazine),
ċerti mediċini kontra d-dipressjoni (eż. Imipramine u paroxetine),
ċerti mediċini kontra l-aċċessjonijiet(carbamazepine, barbiturates),
ċerti mediċini li jintużaw għal problemi tal-qalb (eż. verapamil – ara paragrafu “Tieħux
Emselex”, flecainide digoxin u quinidine),
ċerti mediċini li jintużaw għal problemi tal-istonku (eż. Cimetidine)
mediċini antimuskariniċi oħrajn (eż. tolterodine, oxybutynin u flavoxate).
Jekk jogħġbok informa wkoll lit-tabib tiegħek jekk qed tieħu prodotti li fihom is-St John’s wort.
L-ikel m’għandu l-ebda effett fuq Emselex. Il-meraq tal-grejpfrut jista’ joħloq interazzjoni ma’
Emselex. Għid lit-tabib tiegħek jekk qed tieħu meraq tal-grejpfrut regolarment.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir
tat-tabib tiegħek qabel tieħu din il-mediċina. Emselex mhux irrakkomandat waqt it-tqala.
Emselex għandu jittieħed b’attenzjoni waqt it-treddigħ.
Emselex, jista’ jikkawża effetti bħal sturdament, tara mċajpar, problemi ta’ rqad jew tħeddil. Jekk ikollok xi sintomi minn dawn waqt li qed tieħu Emselex, ikkonsulta mat-tabib tiegħek biex tieħu parir dwar tibdil fid-doża jew possibiltà li tieħu xi mediċina oħra minfloku. M’għandekx issuq jew tħaddem magni jekk tiġi effettwat minn xi sintomu minn dawn. Għal Emselex, dawn l-effetti sekondarji kienu rrapurtati li ma kinux komuni (ara sezzjoni 4).
Dejjem għandek tieħu Emselex skond il-parir eżatt tat-tabib. Dejjem għandek taċċerta ruħek mat-tabib jew ma’ l-ispiżjar tiegħek jekk ikollok xi dubju. Jekk għandek l-impressjoni li l-effett ta’ Emselex huwa qawwi żżejjed jew dgħajjef wisq, kellem lit-tabib jew l-ispiżjar tiegħek.
Id-doża tal-bidu rrakkomandata, inkluż għall-pazjenti li għandhom aktar minn 65 sena, hija 7.5 mg kuljum. Skont ir-rispons tiegħek għal Emselex, it-tabib tiegħek jista’ jżidlek id-doża għall-15 mg kuljum, ġimagħtejn wara li tibda t-terapija.
Dawn id-dożi jgħoddu għal persuni bi problemi ħfief tal-fwied jew għal persuni bi problemi tal-kliewi. Ħu l-pilloli ta’ Emselex darba kuljum ma’ likwidi, bejn wieħed u ieħor fl-istess ħin tal-ġurnata kuljum.
Il-pillola tista’ teħodha mal-ikel jew mingħajr ikel. Ibla’ l-pillola sħiħa. M’għandekx tomgħodha, taqsamha jew tfarrakha.
Jekk ħadt aktar pilloli milli qalulek tieħu, jew jekk xi ħadd ieħor bi żball jieħu l-pilloli tiegħek, mur għand it-tabib tiegħek jew l-isptar mill-ewwel sabiex tieħu parir. Meta tkun qed tfittex li tieħu parir mediku, kun żgur li tieħu miegħek dan il-fuljett u l-pilloli li jkun għad baqgħalek biex turihom lit- tabib. Persuni li jkunu ħadu doża eċċessiva jista’ jkollhom ħalq xott, stitikezza, uġigħ ta’ ras, indiġestjoni u mnifsejn xotti. Doża eċċessiva b’Emselex tista’ twassal għal sintomi qawwija li jeħtieġu kura ta’ emerġenza fl-isptar.
Jekk tinsa tieħu Emselex fil-ħin tas-soltu, ħudha hekk kif tiftakar, sakemm ma jkunx sar il-ħin għad- doża li jmiss. M’għandekx tieħu doża doppja biex tpatti għal kull doża li tkun insejt tieħu.
It-tabib tiegħek ħa jgħidlek it-tul taż-żmien tal-kura tiegħek b’Emselex. Twaqqafx il-kura tiegħek
kmieni għax mhux ser tara` effett malajr. Il-borża tal-awrina tiegħek ħa jkollha bżonn ftit taż-żmien biex taddatta. Lesti l-kors tal-kura kif preskritt mit-tabib tiegħek. Jekk ma tarax l-ebda effett wara dan iż-żmien, iddiskuttiha mat-tabib tiegħek.
Jekk għandek aktar mistoqsijiet dwar l-użu ta’ dan il-prodott, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina jista’ jkollu effetti sekondarji, għalkemm ma jidhrux fuq kulħadd. L-effetti sekondarji kkawżati minn Emselex normalment ikunu ħfief u jgħaddu.
Reazzjonijiet allerġiċi serji jinkludu nefħa, l-aktar fil-wiċċ u fl-għonq (angioedema).
Ħalq xott, stitikezza.
Uġigħ ta’ ras, uġigħ fl-addome, indiġestjoni, tħossok marid, għajnejn xotti, nixfa nasali.
Għeja, korriment aċċidentali, nefħa tal-wiċċ, pressjoni għolja fid-demm, dijarea, gass fl-istonku,
ulċerazzjoni tal-membrana mukuża tal-ħalq, żieda fl-enzimi tal-fwied(dan juri funzzjoni tal-fwied mhux normali), nefħa li jinkludi nefħa tal-idejn, għekkiesi u saqajn, sturdament, nuqqas ta’ rqad, telqa, ħsibijiet anormali, iqattarlek imnieħrek (rinite), sogħla, qtugħ ta’ nifs, ġilda xotta, ħakk, raxx, għaraq, disturbi tal-vista, inkluża vista mċajpra, disturbi fit-togħma, disturbi fis-sistema tal-awrina jew infezzjoni, impotenza, tnixxija jew ħakk tal-vaġina, uġigħ fil-bużżieqa tal-awrina, ma tkunx tista’ tbattal il-bużżieqa tal-awrina.
Burdata depressa/kambjamenti fil-burdata, alluċinazzjoni.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u l-folja. Id-data ta’ meta tiskadi tirreferi għall-aħħar ġurnata ta’ dak ix-xahar.
Żomm il-folji fil-kartuna ta’ barra sabiex tilqa’ mid-dawl.
Tużahx jekk il-pakkett tkun saritlu xi ħsara jew juri sinjali ta’ tbagħbis.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi darifenacin. Kull pillola fiha 7.5 mg darifenacin (bħala hydrobromide).
Is-sustanzi l-oħra huma calcium hydrogen phosphate (anhydrous), hypromellose, magnesium stearate, polyethylene glycol, titanium dioxide (E171) u talc.
Emselex 7.5 mg pilloli li jerħu l-mediċina bil-mod huma tondi, bojod, konvessi, imnaqqxa b’“DF” fuq naħa u “7.5” fuq l-oħra.
Il-pilloli jiġu f’pakketti b’folji li jkun fihom 7, 14, 28, 49, 56 jew 98 pillola jew f’pakketti b’ħafna li jkun fihom 140 (10x14) pillola. Jista’ jkun li ma jiġux il-pakketti tad-daqsijiet kollha f’pajjiiżek.
zr pharma& GmbH Hietzinger Hauptstrasse 37
1130 Wien L-Awstrija
DREHM Pharma GmbH Hietzinger Hauptstrasse 37/2 1130 Wien
L-Awstrija