Avamys
fluticasone furoate
fluticasone furoate
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar jew l-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’
tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar jew l-infermier tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4
X’inhu Avamys u għalxiex jintuża
X’għandek tkun taf qabel ma tuża Avamys
Kif għandek tuża Avamys
Effetti sekondarji possibbli
Kif taħżen Avamys
Kontenut tal-pakkett u informazzjoni oħra
Gwida pass wara pass dwar kif għandek tuża l-isprej għall-imnieħer
Avamys (fluticasone furoate) jagħmel parti minn grupp ta’ mediċini msejħa glucocorticoids. Avamys jaħdem biex inaqqas l-infjammazzjoni kkawżata minn allerġija (rinite) u għalhekk inaqqas is-sintomi ta’ allerġija.
Avamys sprej nażali jintuża fit-trattament ta’ sintomi ta’ rinite allerġika inklużi mnieħer imblukkat jew inixxi, għatis, u għajnejn idemmgħu u ħakk fl-għajnejn fl-adulti u fit-tfal ta’ 6 snin u l-fuq.
Is-sintomi jistgħu jseħħu fi żminijiet speċifiċi matul is-sena u jistgħu ikunu kawżati minn allerġiji minn polline tal-ħaxix jew tas-siġar (hay fever) u jistgħu ukoll iseħħu s-sena kollha kawżati minn allerġiji għal annimali, insetti mikroskopiċi fl-arja jew għal moffa biex jissemmew uħud mill-aktar komuni.
Tużax fi tfal taħt l-età ta’ 6 snin.
It-teħid ta’ Avamys:
jista’ jikkawża d-dewmien fl-iżvilupp tat-tfal meta jittieħdu għal żmien twil . It-tabib se jiċċekkja t-tul tat-tifel/tifla tiegħek regolarment, u jaċċerta ruħu li qed/qegħda tieħu l-inqas doża effettiva possibbli.
jista’ jikkawża mard ta’ l-għajnejn bħal glawkoma (żjieda fil-pressjoni ta’ l-għajn) jew katarretti (meta tittappan il-lenti ta’ l-għajn). Għid lit-tabib tiegħek jekk kellhekk xi mard bħal dan fl- imgħoddi, jew jekk tinnota vista mċajpra jew disturbi fil-vista oħrajn waqt li qed tieħu Avamys.
Għid lit-tabib jew lill-ispiżjar tiegħek jekk qiegħed tieħu, jew ħadt dan l-aħħar, jew tista’ tieħu xi mediċina oħra, inkluż mediċini miksubin mingħajr riċetta ta’ tabib.
Hu speċjalment importanti li tgħid lit-tabib tiegħek jekk tkun qed tieħu jew dan l-aħħar ħadt xi waħda
minn dawn il-mediċini li ġejjin:
sterojdi injettati jew mill-ħalq
sterojdi forma ta’ dlik
mediċini għall-ażma.
ritonavir jew cobicistat, li jintuża għat-trattament ta’ l-HIV
ketoconazole, li jintuża għat-trattament ta' infezzjonijiet fungali
It-tabib tiegħek jara sew jekk għandekx tieħu Avamys flimkien ma’ dawn il-mediċini. It-tabib tiegħek jista’ jkun irid jimmonitorjak b’attenzjoni jekk tkun qed tieħu dawn il-mediċini minħabba li dawn jistgħu jżidu l-effetti sekondarji ta’ Avamys.
Avamys m’għandux jintuża flimkien ma’ sprejs oħra għall-imnieħer li jkun fihom sterojdi.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib tiegħek qabel tieħu din il-mediċina.
Mhuwiex probabbli li Avamys jaffettwa l-ħila għas-sewqan jew għat-tħaddim ta’ magni
Din il-mediċina fiha 8.25 mikrogrammi ta’ benzalkonium chloride f’kull sprejjatura
(27.5 mikrogrammi). Benzalkonium chloride jista’ jikkawża irritazzjoni jew nefħa ġol-imnieħer, speċjalment jekk jintuża għal żmien twil. Għid lit-tabib jew lill-ispiżjar tiegħek jekk tħoss xi skonfort
waqt l-użu ta’ l-isprej.
Dejjem għandek tuża din il-mediċina skont il-parir eżatt tat-tabib jew l-ispiżjar tiegħek. Tieħux aktar mid-doża rrakkomandata. Iċċekkja mat-tabib jew mal-ispiżjar tiegħek jekk ikollok xi dubju.
Użah darba kuljum
Dejjem użah fl-istess ħin
Dan għandu jikkura s-sintomi bil-lejl u bi nhar.
Xi wħud ma jħossux l-effett sħiħ qabel ma jgħaddu xi ġranet mill-ewwel użu ta’ Avamys. Madankollu, normalment ikun effettiv wara 8 sa 24 siegħa li jkun ġie wżat.
Meta s-sintomi jkunu kontrollati tista’ tnaqqas id-doża għal sprejjatura waħda f’kull minħar, darba kuljum.
Jekk is-sintomi jkunu qawwija ħafna it-tabib tiegħek għandu mnejn iżid id-doża għal żewġ sprejjaturi f’kull minħar darba kuljum sakemm is-sintomi jiġu kontrollati. Imbagħad id-doża tista’ possibilment titnaqqas għal sprejjatura waħda f’kull minħar darba kuljum.
Avamys kważi m’għandu l-ebda togħma jew riħa. Jiġi sprejjat fl-imnieħer bħala sprej fin. Oqgħod attent/a li ma ddaħħalx sprej f’għajnejk. Jekk jiġri dan, laħlaħ għajnejk bl-ilma.
Wara Sezzjoni 6 ta’ dan il-fuljett hemm gwida pass wara pass dwar kif għandek tuża l-isprej għall- imnieħer. Segwi l-gwida b’attenzjoni biex tikseb il-benefiċċju kollu mill-użu ta’ Avamys
Ara Gwida pass wara pass dwar kif għandek tuża l-isprej għall-imnieħer, wara Sezzjoni 6.
Kellem lit-tabib jew lill-ispiżjar tiegħek
Jekk tinsa tuża xi doża, agħmel dan malli tiftakar.
Jekk ikun wasal il-ħin għad-doża li jmiss, stenna sakemm ikun sar il-ħin għad-doza illi jmiss. M’għandekx tieħu doża doppja biex tpatti għal kull doża li tkun insejt tieħu.
Jekk għandek aktar mistoqsijiet dwar l-użu ta’ din il-mediċina, jew jekk tħoss ftit ta’ l-uġigħ bl-użu ta’ l-isprej għall-imnieħer, staqsi lit-tabib jew lill-ispiżjar jew l-infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Reazzjonijiet allerġiċi għal Avamys huma rari u jaffettwaw inqas minn persuna waħda minn kull 1,000. F’numru żgħir ta’ persuni, reazzjonijiet allerġiċi jistgħu jiżviluppaw fi problema aktar serja li jekk ma tiġix ikkurata tista’ tkun ta’ periklu għall-ħajja. Sintomi jinkludu:
jaqbdek ħafna tħarħir, sogħla jew ikollok diffikultà biex tieħu n-nifs
tħossok debboli jew sturdut f’daqqa (li jista’ jwassal għal kollass jew telf ta’ koxxjenza)
nefħa madwar il-wiċċ
raxx jew ħmura fil-ġilda.
F’ħafna każijiet, dawn is-sintomi ikunu sinjali ta’ effetti sekondarji inqas serji. Iżda jeħtieġ tkun taf li hemm potenzjal li dawn ikunu serji — għalhekk, jekk tinnota xi wieħed minn dawn is-sintomi: Ikkunttatja tabib malajr kemm jista’ jkun.
Ħruġ ta’ demm mill-imnieħer (ġeneralment ftit), partikolarment jekk tuża Avamys għal aktar minn 6 ġimgħat kontinwament.
Ulċerazzjoni fl-imnieħer - li tista’ tikkawża rritazzjoni jew skonfort f’imnieħrek. Għandek mnejn tara ħjut ta’ demm meta tissoffja.
Uġigħ ta’ ras.
Qtugħ ta’ nifs
Uġigħ, ħruq, irritazzjoni, uġigħ jew nixfa ġewwa l-imnieħer.
Toqob żgħar (perforazzjonijiet) fil-parti ġewwa l-imnieħer li tissepara l-imnifsejn.
Ittardjar tat-tkabbir fit-tfal.
Vista mċajpra jew bidliet temporanji fil-vista b’użu fit-tul.
Tagħfis fis-sider li jikkawża diffikultà biex tieħu n-nifs.
Corticosteroids nażali jistgħu jkollhom effett fuq il-produzzjoni normali ta’ ormoni f’ġismek, speċjalment jekk tuża doża għolja għal żmien twil. Fit-tfal, dan l-effett sekondarju jista’ jikkawża dewmien fl-iżvilupp tagħhom.
Jekk ikollok xi effett sekondarju, kellem lit-tabib jew lill-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
L-aħjar mod kif taħżen Avamys sprej għall-imnieħer huwa wieqaf. Żommu dejjem magħluq bl-għatu tiegħu.
Tużax din il-mediċina wara d-data ta’ meta tiskadi li tidher fuq it-tikketta u fuq il-kaxxa. Id-data ta’ meta tiskadi tirreferi għall-aħħar ġurnata ta’ dak ix-xahar. L-isprej għall-imnieħer Avamys għandu jintuża fi żmien xagħrejn wara li jinfetaħ.
Tagħmlux fil-friġġ jew friża
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi fluticasone furoate (27.5 mikrogrammi kull doża).
Is-sustanzi l-oħra huma glucose anhydrous, dispersible cellulose, polysorbate 80, benzalkonium chloride, disodium edetate, ilma purifikat (ara sezzjoni 2).
Il-mediċina hi suspensjoni bajda li tkun fi flixkun tal-ħġieġ ta’ lewn safrani, b’pompa mwaħħla miegħu. Il-flixkun ikun f’kontenitur bajdani tal-plastik b’tapp ikħal ċar u lieva li titħaddem mill- ġenb. Il-kontenitur fih fetħa żgħira biex tkun tista’ tara x’hemm fil-flixkun. Kull doża/sprejjatura
toħroġ madwar 27.5 mikrogrammi ta’ fluticasone furoate. Avamys ikun f’pakketti ta’ 30, 60 u 120 sprejjaturi. Jista’ jkun li mhux il-pakketti tad-daqsijiet kollha jkunu fis-suq.
12 Riverwalk, Citywest Business Campus Dublin 24, L- Irlanda
Glaxo Wellcome S.A. Avenida de Extremadura 3 09400 Aranda de Duero Burgos
Spanja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Tél/Tel: + 32 (0)10 85 52 00
GlaxoSmithKline (Ireland) Limited Teл.: + 359 80018205
GlaxoSmithKline (Ireland) Limited Tel.: + 36 80088309
GlaxoSmithKline (Ireland) Limited Tel: + 356 80065004
GlaxoSmithKline Pharma A/S Tlf: + 45 36 35 91 00
GlaxoSmithKline GmbH & Co. KG Tel.: + 49 (0)89 36044 8701
GlaxoSmithKline (Ireland) Limited Tel: + 372 8002640
GlaxoSmithKline Pharma GmbH Tel: + 43 (0)1 97075 0
GlaxoSmithKline Μονοπρόσωπη A.E.B.E. Τηλ: + 30 210 68 82 100
GSK Services Sp. z o.o. Tel.: + 48 (0)22 576 9000
GlaxoSmithKline – Produtos Farmacêuticos, Lda. Tel: + 351 21 412 95 00
Laboratoire GlaxoSmithKline Tél.: + 33 (0)1 39 17 84 44
GlaxoSmithKline (Ireland) Limited Tel: + 40 800672524
GlaxoSmithKline (Ireland) Limited Tel: + 385 800787089
GlaxoSmithKline (Ireland) Limited Tel: + 386 80688869
GlaxoSmithKline (Ireland) Limited Tel: + 353 (0)1 4955000
Vistor hf.
Tel: +354 535 7000
GlaxoSmithKline S.p.A. Tel: + 39 (0)45 7741 111
GlaxoSmithKline (Ireland) Limited
GlaxoSmithKline (Ireland) Limited
Τηλ: + 357 80070017 Tel: + 44 (0)800 221441
GlaxoSmithKline (Ireland) Limited Tel: + 371 80205045
GlaxoSmithKline (Ireland) Limited Tel: + 370 80000334
L-isprej għall-imnieħer huwa disponibbli fi flixkun tal-ħġieġ lewn l-ambra ġewwa qoxra tal-plastik – ara stampa a. Ser ikun fih 30, 60 jew 120 sprejjatura, skond id-daqs tal-pakkett li ġejt preskritt.
EN | MT |
FRONT | QUDDIEM |
BACK | WARA |
cap | għatu |
nozzle | żennuna |
mist-release button | buttuna li terħi l-isprej |
window | fetħa |
Il-fetħa fil-qoxra tal-plastik tħallik tara kemm fadal Avamys fil-flixkun. Ser tkun tista’ tara l-livell ta’ likwidu għall-flixkun ta’ sprej ġdid ta’ 30 jew 60, iżda mhux għall-flixkun ta’ sprej ġdid ta’ 120 peress li l-livell ta’ likwidu huwa aktar il-fuq mill-fetħa.
Avamys jiġi fi flixkun tal-ħġieġ lewn l-ambra. Jekk għandek bżonn tiċċekkja kemm fadal żomm l-isprej għall-imnieħer wieqaf kontra dawl qawwi. B’hekk tkun tista’ tara il-livell minn ġol-fetħa.
Meta tuża l-isprej għall-imnieħer għall-ewwel darba ser ikollok bżonn tħawwdu bis-saħħa bl-għatu fuqu għal madwar 10 sekondi. Dan huwa importanti peress li Avamys huwa suspensjoni magħquda li ssir likwida meta tħawwdu sew – ara stampa b. Ser jisprejja biss meta jsir likwidu.
Il-buttuna li terħi l-isprej għandha tingħafas sew sa ġewwa, biex terħi l-isprej minn ġoż- żennuna – ara stampa ċ.
Jekk għandek diffikultà biex tagħfas il-buttuna b’subgħajk il-kbir, tista’ tuża żewġ idejn – ara stampa d
Meta ma tkunx qed tużah, dejjem żomm l-għatu fuq l-isprej għall-imnieħer. L-għatu jżomm it-trab il-barra, iżomm il-pressjoni u jwaqqaf iż-żennuna milli tinstadd. Meta l-għatu jkun f’postu il-buttuna li terħi l-isprej ma tkunx tista’ tingħafas bi żball.
qabel tużah għall-ewwel darba
jekk m’għalaqtux bl-għatu għal 5t’ijiem jew l-apparat ta’ ġol-imnieħer ma ntużax għal 30 ġurnata jew aktar.
Preparazzjoni ta’ l-isprej għall-imnieħer tgħin tiżgura li inti dejjem tieħu d-doża kollha tal-mediċina. Segwi dawn il-passi:
Bl-għatu f’postu, ħawwad l-isprej għall-imnieħer bis-saħħa għal madwar 10 sekondi.
Neħħi l-għatu billi tagħfas sew il-ġnub ta’ l-għatu b’subgħajk il-kbir u s-saba’ l-werrej– ara stampa e.
Żomm l-isprej għall-imnieħer wieqaf, wara mejjel u pponta iż-żennuna l-bogħod minnek.
tajba ta’ mnieħrek.
Neħħi ż-żennuna minn imnifsejk u ħu nifs ’l barra minn ġo ħalqek.
Jekk id-doża tiegħek hija 2 sprejjaturi f’kull imnifsejn irrepeti passi 4 sa 6.
Irrepeti passi 4 sa 7 biex tikkura l-imnifsejn l-ieħor.
1 Imsaħ iż-żennuna u l-parti ta’ ġewwa ta’ l-għatu b’karta assorbenti nadifa u xotta – ara stampi
Tużax ilma biex tnaddfu.
Iċċekkja li baqalek mediċina. Ħares lejn il-livell minn ġol-fetħa. Jekk il-livell huwa baxx ħafna jista’ ma jkunx fadal biżżejjed biex l-isprej għall-imnieħer jaħdem.
Iċċekkja l-isprej għall-imnieħer għall-ħsara
Jekk taħseb li ż-żennuna tista’ tkun imblokkata, tużax labra jew xi ħaġa taqta’ biex tiftaħha.
Ipprova irrisettja billi ssegwi l-istruzzjonijiet taħt ‘Preparazzjoni ta’ l-isprej għall-imnieħer biex tkun tista’ tużah’.
Jekk jibqa’ ma jaħdimx, jew jekk jipproduċi ġett ta’ likwidu, ħu l-isprej għall-imnieħer lura l- ispiżerija għall-parir.