Fuljett ta’ tagħrif: Informazzjoni għall-utent

Aripiprazole Zentiva 5 mg pilloli Aripiprazole Zentiva 10 mg pilloli Aripiprazole Zentiva 15 mg pilloli Aripiprazole Zentiva 30 mg pilloli aripiprazole

Aqra sew dan il-fuljett kollu qabel tibda tieħu din il-mediċina peress li fih informazzjoni importanti għalik.

Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett

sekondarju possibbli li mhuwiex elenkat f’dan il-fuljett. Ara sezzjoni 4.

F’dan il-fuljett

X’inhuwa Aripiprazole Zentiva u għalxiex jintuża
X’għandek tkun taf qabel ma tieħu Aripiprazole Zentiva
Kif għandek tieħu Aripiprazole Zentiva
Effetti sekondarji possibbli
Kif taħżen Aripiprazole Zentiva
Kontenut tal-pakkett u informazzjoni oħra

X’inhuwa Aripiprazole Zentiva u għalxiex jintuża

Aripiprazole Zentiva fih is-sustanza attiva aripiprazole u jappartjeni għal grupp ta’ mediċini msejħa antipsikotiċi.
Huwa jintuża biex jiġu kkurati adulti u adolexxenti li għandhom 15-il sena jew aktar li jbatu minn
marda kkaratterizzata minn sintomi bħalma huma smigħ, viżta jew ħass ta’ affarijiet li mhumiex hemm, suspetti, ħsieb ħażin, diskors li ma jiftehimx u mġiba mħawwda u mingħajr emozzjoni. Nies li jbatu b’din il-kundizzjoni jistgħu wkoll iħossuhom imdejqin, ħatja, anzjużi u b’tensjoni.

Aripiprazole Zentiva jintuża biex jikkura adulti u adolexxenti li għandhom 13-il sena jew aktar li jsofru minn kundizzjoni b’sintomi bħalma huma li wieħed iħossu ewforiku żżejjed, ikollu ammonti
eċċessivi ta’ enerġija, jeħtieġ ferm inqas irqad min-normal, jitkellem malajr ħafna b’ideat li jiġu malajr ħafna u xi kultant b’irritabilità severa. F’adulti jipprevjenu wkoll din il-kundizzjoni milli terġa’ tiġi
lura f’pazjenti li jkunu rrispondew għat-trattament b’Aripiprazole Zentiva.
X’għandek tkun taf qabel ma tieħu Aripiprazole Zentiva Tiħux Aripiprazole Zentiva:
- jekk inti allerġiku għal aripiprazole jew għal xi sustanza oħra ta’ din il-mediċina (imniżżla fis- sezzjoni 6).
  
  Twissijiet u prekawzjonijiet
  Kellem lit-tabib tiegħek qabel tieħu Aripiprazole Zentiva:
  Ħsibijiet u mġiba suwiċidali ġew irrappurtati waqt trattament b’aripiprazole. Għarraf lit-tabib tiegħek minnufih jekk qed jiġuk ħsibijiet jew tħoss li trid tweġġa’ lilek innifsek.
  Qabel ma tibda t-trattament b’ Aripiprazole Zentiva, għid lit-tabib tiegħek jekk tbati minn:
- livell għoli ta’ zokkor fid-demm (ikkaratterizzat minn sintomi bħal għatx eċċessiv, produzzjoni ta’ ammonti kbar ħafna ta’ awrina, żieda fl-aptit u tħossok dgħajjef) jew storja ta’ dijabete fil- familja tiegħek
- aċċessjoni (konvulżjoni) peress li t-tabib tiegħek għandu mnejn ikun irid jissorveljak aktar mill-qrib
- movimenti irregolari, involontarji tal-muskoli, b’mod speċjali fil-wiċċ
- mard kardjovaskulari (mard tal-qalb u taċ-ċirkolazzjoni), storja ta’ mard kardjovaskulari fil-familja, puplesija jew attakk ħafif ta’ puplesija, pressjoni mhux normali
- emboli tad-demm, jew storja medika fil-familja ta’ emboli tad-demm, peress li mediċini
  antipsikotiċi ġew assoċjati mal-formazzjoni ta’ emboli tad-demm
- esperjenza ta’ logħob tal-ażżard eċċessiv fil-passat
Jekk tara li qed ittella’ l-piż, tiżviluppa movimenti mhux tas-soltu, ikollok ngħas li jfixkel l-attivitajiet normali ta’ kuljum, xi diffikultà biex tibla’ jew sintomi ta’ allerġija, jekk jogħġbok għid lit-tabib tiegħek.

Jekk inti pazjent anzjan li qed issofri minn dimenzja (telf ta’ memorja u ta’ abbiltajiet mentali oħra), inti jew minn jieħu ħsiebek/qarib tiegħek għandkom tgħidu lit-tabib tiegħek jekk qattx kellek puplesija jew “mini” puplesija.

Għid lit-tabib tiegħek minnufih jekk qed jgħaddulek ħsibijiet jew aptit li tweġġa’ lilek innifsek. Ħsibijiet u imġiba ta’ suwiċidju ġew irrapportati matul trattament b’aripiprazole.

Avża lit-tabib tiegħek minnufih jekk issofri minn ebusija jew nuqqas ta’ flessibilità tal-muskoli b’deni għoli, għaraq, stat mentali li jinbidel, jew taħbit tal-qalb rapidu ħafna jew irregolari.

Għid lit-tabib tiegħek jekk inti jew il-familja tiegħek/il-persuna li qed tieħu ħsiebek jinnutaw li inti qed tiżviluppa xenqat jew impulsi qawwija li ġġib ruħek b’mod li mhux soltu għalik u ma tkunx tista’ tirreżisti l-impuls, ix-xewqa jew it-tentazzjoni biex twettaq ċerti attivitajiet li jistgħu jkunu ta’ ħsara għalik innifsek jew għall-oħrajn. Dawn jissejħu disturbi fil-kontroll tal-impuls u jistgħu jinkludu
mġiba bħal logħob tal-azzard li jsir vizzju, li tiekol jew tonfoq b’mod eċċessiv, li jkollok aptit sesswali qawwi b’mod mhux normali jew preokkupazzjoni b’żieda fi ħsibijiet jew sensazzjonijiet sesswali.
It-tabib tiegħek jista’ jkollu bżonn li jaġġusta jew iwaqqaf id-doża tiegħek.

Aripiprazole jista’ jikkaġuna ħedla, waqgħa fil-pressjoni tad-demm meta tqum bilwieqfa, sturdament u bidlet fil-ħila tiegħek li tiċċaqlaq u żżomm il-bilanċ, li jistgħu jwasslu għal waqgħat. Għandha tittieħed kawtela, b’mod partikolari jekk inti pazjent anzjan jew għandek xi debilità.

Tfal u adolexxenti
Tużax din il-mediċina fi tfal u adolexxenti li għadhom m’għalqux 13-il sena. Mhux magħruf jekk hix sikura u effettiva f’dawn il-pazjenti.

Mediċini oħra u Aripiprazole Zentiva
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra, li jinkludu dawk miksuba mingħajr riċetta tat-tabib.

Mediċini li jbaxxu l-pressjoni tad-demm: Aripiprazole Zentiva jista’ jqawwi l-effett tal-mediċini li jintużaw biex ibaxxu l-pressjoni. Aċċerta ruħek li tgħid lit-tabib jekk inti qiegħed/qegħda tieħu pilloli tal-pressjoni.

Meta tkun qed tieħu Aripiprazole Zentiva ma’ xi mediċini oħra jista’ jfisser li t-tabib ikollu bżonn ibiddel id-doża tiegħek ta’ Aripiprazole Zentiva jew tal-mediċini l-oħra. Huwa importanti b’mod speċjali li ssemmi dawn li ġejjin lit-tabib tiegħek:
- mediċini li jikkoreġu r-ritmu tal-qalb (bħal quinidine, amiodarone, flecainide)
- antidipressanti jew rimedju magħmul mill-ħxejjex użati biex jittrataw depressjoni u ansjetà (bħal fluoxetine, paroxetine, venlafaxine, St John’s Wort)
- mediċini ta’ kontra l-moffa (bħal ketoconazole, itraconazole)
- ċerti mediċini biex jittrattaw infezzjoni ta’ HIV (bħal efavirenz, nevirapine, u impedituri ta’ protease eż. indinavir, ritonavir)
- antikonvulsanti użati biex jittrattaw l-epilessija (bħal carbamazepine, phenytoin, phenobarbital)
- ċerti antibijotiċi użati biex jittrattaw it-tuberkolosi (rifabutin, rifampicin)
  
  Dawn il-mediċini jistgħu jżidu r-riskju ta’ effetti sekondarji jew jibdlu l-effett ta’ Aripiprazole Zentiva; jekk ikollok xi sintomu mhux tas-soltu meta tieħu xi waħda minn dawn il-mediċini flimkien ma’ Aripiprazole Zentiva, għandek tara lit-tabib tiegħek.
  
  Mediċini li jgħollu l-livell ta’ serotonin jintużaw b’mod tipiku f’kundizzjonijiet li jinkludu depressjoni, disturb ta’ ansjetà ġenerali, disturb ossessiv kompulsiv (OCD – obsessive compulsive disorder) u fobja soċjali kif ukoll emigranja u uġigħ:
- triptans, tramadol u tryptophan użati għal kundizzjonijiet li jinkludu depressjoni, disturb ta’ ansjetà ġenerali, disturb ossessiv kompulsiv (OCD) u fobja soċjali kif ukoll emigranja u uġigħ
- inibituri selettivi tat-teħid mill-ġdid ta’ serotonin (SSRIs) (bħal paroxetine u fluoxetine) użati għal depressjoni, OCD, paniku u ansjetà
- antidipressanti oħra (bħal venlafaxine u trytophan) użati għal depressjoni maġġuri
- triċikliċi (bħal clomipramine u amitriptyline) użati għal mard depressiv
- St John’s Wort (Hypericum perforatum) użat bħala rimedju magħmul mill-ħxejjex għal depressjoni ħafifa
- mediċini li jtaffu l-uġigħ (bħal tramadol u pethidine) użati biex itaffu l-uġigħ
- triptans (bħal sumatriptan u zolmitripitan) użati għal trattament ta’ emigranja
  
  Dawn il-mediċini jistgħu jżidu r-riskju ta’ effetti sekondarji; jekk ikollok xi sintomu mhux tas-soltu, meta tieħu xi waħda minn dawn il-mediċini flimkien ma’ Aripiprazole Zentiva, għandek tara lit-tabib tiegħek.
  
  Aripiprazole Zentiva ma’ ikel, xorb u alkoħol
  Din il-mediċina tista’ tittieħed mingħajr il-bżonn ta’ ikel. Alkoħol għandu jiġi evitat.
  
  Tqala, treddigħ u fertilità
  Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib tiegħek qabel tieħu din il-mediċina.
  Is-sintomi li ġejjin jistgħu jseħħu fi trabi tat-twelid, ta’ ommijiet li użaw il-pilloli Aripiprazole Zentiva fl-aħħar trimestru (l-aħħar tliet xhur tat-tqala tagħhom): rogħda, ebusija u/jew dgħufija tal-muskoli,
  ngħas, aġitazzjoni, problemi bit-teħid tan-nifs, u diffikultà biex jerdgħu. Jekk it-tarbija tiegħek tiżviluppa xi wieħed minn dawn is-sintomi, jista’ jkollok bżonn tikkuntattja lit-tabib tiegħek.
  Jekk qed tieħu Aripiprazole Zentiva, it-tabib tiegħek ser jiddiskuti miegħek jekk għandekx tredda’
  meta jitqies il-benefiċċju tat-terapija tiegħek għalik u l-benefiċċju tat-treddigħ għat-tarbija tiegħek. M’għandekx tagħmilhom it-tnejn. Kellem lit-tabib tiegħek dwar l-aħjar mod kif tisqi t-tarbija tiegħek jekk qed tirċievi din il-mediċina.
  
  Sewqan u tħaddim ta’ magni
  Problemi ta’ sturdament u vista jistgħu jseħħu waqt it-trattament b’din il-mediċina (ara sezzjoni 4). Dan għandu jiġi kkunsidrat f’każijiet fejn viġilanza sħiħa hija meħtieġa, eż. waqt is-sewqan ta’ vettura jew ġestjoni t’inġenji.
  
  Aripiprazole Zentiva fih il-lactose
  Jekk it-tabib qallek li għandek intolleranza għal ċerti tipi ta’ zokkor, ikkuntattja lit-tabib tiegħek qabel tieħu dan il-prodott mediċinali.
  
  Aripiprazole Zentiva fih sodium
  Din il-mediċina fiha anqas minn 1 mmol sodium (23 mg) għal kull pillola, jiġifieri essenzjalment ‘ħielsa mis-sodium’.
Kif għandek tieħu Aripiprazole Zentiva

Dejjem għandek tieħu din il-mediċina skont il-parir eżatt tat-tabib jew l-ispiżjar tiegħek. Iċċekkja mat- tabib jew mal-ispiżjar tiegħek jekk ikollok xi dubju.

Id-doża rakkomandata għall-adulti hija 15 mg darba kuljum. Iżda t-tabib tiegħek jista’ jagħtik riċetta għal doża iktar baxxa jew ogħla, sa massimu ta’ 30 mg kuljum.

Użu fit-tfal u fl-adolexxenti
Dan il-prodott mediċinali jista’ jinbeda f’doża baxxa bil-forma ta’ soluzzjoni (likwidu) orali. Id-doża tista’ tiżdied gradwalment għad-doża rakkomandata għall-adolexxenti ta’ 10 mg darba kuljum. Iżda t- tabib tiegħek jista’ jagħtik riċetta għal jordnalek doża iktar baxxa jew ogħla sa massimu ta’ 30 mg darba kuljum.

Jekk tħoss li l-effett ta’ Aripiprazole Zentiva huwa qawwi wisq jew dgħajjef wisq, kellem lit-tabib jew lill-ispiżjar tiegħek.

Ipprova ħu Aripiprazole Zentiva kuljum fl-istess ħin. Ma jimpurtax jekk toħodhomx mal-ikel jew fuq stonku vojt. Dejjem ħu l-pillola mal-ilma u iblagħha sħiħa.

Anke jekk tħossok aħjar, ara li ma tbiddilx id-doża ta’ Aripiprazole Zentiva jew tieqaf milli tieħu l- pilloli Aripiprazole Zentiva qabel ma tieħu parir mit-tabib tiegħek.

Aripiprazole Zentiva 10 mg, 30 mg: Is-sinjal imnaqqax mhuwiex intiż biex tinqasam il-pillola.

Jekk tieħu Aripiprazole Zentiva aktar milli suppost
Jekk tinduna li ħadt iktar Aripiprazole Zentiva milli qallek it-tabib (jew jekk xi ħadd ieħor ħadlek xi pilloli ta’ Aripiprazole Zentiva), ikkuntattja lit-tabib tiegħek mill-ewwel. Jekk ma tistax issib lit-tabib, mur l-isptar l-iżjed qrib tiegħek u ħu l-pakkett tal-pilloli miegħek.
Pazjenti li jkunu ħadu wisq aripiprazole ħassew is-sintomi li ġejjin:
- taħbit mgħaġġel tal-qalb, aġitazzjoni/aggressività, problemi fit-taħdit.
- movimenti mhux tas-soltu (speċjalment tal-wiċċ jew l-ilsien) u livell mnaqqas ta’ koxjenza.
  
  Sintomi oħra jistgħu jinkludu:
- konfużjoni akuta, konvulżjonijiet (epilessija), koma, kombinazzjoni ta’ deni, tieħu n-nifs aktar malajr, tegħreq
- ebusija tal-muskoli, u ħedla jew ngħas, tieħu n-nifs aktar bil-mod, tifga’, pressjoni għolja jew baxxa, ritmi mhux normali tal-qalb.
  Ikkuntattja lit-tabib tiegħek jew l-isptar immedjatament jekk tħoss xi wieħed minn t’hawn fuq.
  
  Jekk tinsa tieħu Aripiprazole Zentiva
  Jekk tinsa’ tieħu doża, ħu d-doża li ma ħadtx malli tiftakar iżda m’għandekx tieħu żewġ dożi f’ġurnata waħda.
  
  Jekk tieqaf tieħu Aripiprazole Zentiva
  M’għandekx twaqqaf it-trattament tiegħek għax sempliċiment tħossok aħjar. Huwa importanti li inti tkompli tieħu l-pilloli Aripiprazole Zentiva sakemm it-tabib tiegħek ikun qallek li għandek tkompli
  teħodhom.
  
  Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Effetti sekondarji possibbli

Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Effetti sekondarji komuni (jistgħu jaffettwaw sa persuna 1 minn kull 10):
- dijabete mellitus,
- diffikultà biex torqod,
- tħossok anzjuż,
- tħossok aġitat u mhux kapaċi toqgħod ma tiċċaqlaqx, diffikultà biex toqgħod bilqiegħda u ma tiċċaqlaqx,
- akatiżja (sensazzjoni skomda ta’ irrikwitezza interna u ħtieġa irreżistibbli ta’ ċaqlieq
  kostanti,
- kontrazzjonijiet, skossi jew movimenti ta’ tkagħwieġ mhux kontrollabbli,
- itterter,
- uġigħ ta’ ras,
- għeja,
- ngħas,
- sturdament ,
- vista mċajpra u li mhix iffokata,
- tnaqqis fl-ammont jew diffikultà biex ikun hemm moviment fl-imsaren,
- indiġestjoni,
- tħossok ma tiflaħx,
- aktar bżieq fil-ħalq mis-soltu,
- rimettar,
- tħossok għajjien.
  
  Effetti sekondarji mhux komuni (jistgħu jaffettwaw sa persuna 1 minn kull 100 persuna):
- żieda fil-livelli tal-ormon prolaktin fid-demm,
- wisq zokkor fid-demm,
- depressjoni,
- interess mibdul jew ogħla fis-sess,
- movimenti mhux ikkontrollati tal-ħalq, l-ilsien u dirgħajn/riġlejn (diskinesja tardiva),
- disturb muskolari, li jikkawża movimenti ta’ brim (distonja),
- riġlejn irrikweti,
- vista doppja,
- sensittività tal-għajn għad-dawl,
- qalb tħabbat mgħaġġel,
- waqgħa fil-pressjoni malli tqum bilwieqfa li jikkaġuna sturdament, tħossok li ser tistordi jew ħass ħażin,
- sulluzzu.
  
  L-effetti sekondarji li ġejjin kienu rrappurtati sa minn meta aripiprazole orali tqiegħed fis-suq, iżda l- frekwenza li bihom iseħħu mhijiex magħrufa:
- livelli baxxi ta’ ċelluli bojod tad-demm,
- livelli baxxi ta’ plejtlits tad-demm,
- reazzjoni allerġika (eż. nefħa fil-ħalq, ilsien, wiċċ u gerżuma, ħakk, urtikarja),
- bidu jew aggravar tad-dijabete, ketoaċidożi (ketoni fid-demm u fl-awrina) jew koma,
- livell għoli ta’ zokkor fid-demm,
- m’hemmx biżżejjed sodju fid-demm,
- nuqqas t’aptit (anoressija),
- telf fil-piż,
- żieda fil-piż,
- ħsibijiet ta’ suwiċidju, tentattiv ta’ suwiċidju u suwiċidju,
- tħossok aggressiv,
- aġitazzjoni;
- nervożiżmu,
- kombinazzjoni ta’ deni, ebusija tal-muskoli, teħid tan-nifs aktar mgħaġġel, ħruġ ta’ għaraq, nuqqas ta’ konoxxenza u tibdil f’daqqa fil-pressjoni tad-demm u fir-rata tat-tħabbit tal-qalb,
  ħass ħażin (sindromu newrolettiku malinn),
- konvulżjoni,
- sindromu ta’ serotonin (reazzjoni li tista’ tikkawża lil persuna tħossha ferħana ħafna, ħedla, imbarazzat, b’irrikwitezza, tħossok xurban, bid-deni, bl-għaraq jew muskolu riġidi),
- disturbi fid-diskors,
- twaħħil tal-ballun tal‑għajn f’pożizzjoni waħda,
- mewt għall-għarrieda bla spjegazzjoni,
- taħbit tal-qalb irregolari li jista’ jkun ta’ theddida għall-ħajja,
- attakk tal-qalb,
- il-qalb tħabbat aktar bil-mod,
- emboli tad-demm fil-vini, speċjalment fir-riġlejn (is-sintomi jinkludu nefħa, uġigħ u ħmura fir- riġel), li jistgħu jgħaddu minn ġol-vini/arterji għall-pulmun, u jikkawżaw uġigħ fis-sider u diffikultà biex tieħu n-nifs (jekk tinnota xi wieħed minn dawn is-sintomi, fittex parir mediku immedjatament),
- pressjoni għolja,
- ħass ħażin,
- bligħ aċċidentali ta’ ikel b’riskju ta’ pnewmonja (infezzjoni tal-pulmun)
- spażmi tal-muskoli madwar il-kaxxa vokali,
- infjammazzjoni tal-frixa,
- diffikultà biex tibla’,
- dijarea,
- skumdità addominali,
- skumdità fl-istonku,
- insuffiċjenza tal-fwied,
- infjammazzjoni tal-fwied,
- sfurija tal-ġilda u tal-parti l-bajda tal-għajnejn,
- rapporti ta’ valuri anormali ta’ testijiet tal-fwied,
- raxx tal-ġilda,
- sensittività tal-ġilda għad-dawl,
- tfartis,
- tegħreq iżżejjed,
- reazzjonijiet allerġiċi serji bħar-Reazzjoni għall-Mediċina b’Eosinofilja u Sintomi Sistemiċi (DRESS). DRESS tibda b’sintomi bħal tal-influwenza b’raxx fuq il-wiċċ li mbagħad jinfirex,
  temperatura għolja, glandoli limfatiċi minfuħin, livelli għoljin ta’ enzimi tal-fwied li jidhru fit-
  testijiet tad-demm u żieda f’tip ta’ ċelloli bojod tad-demm (eosinofilja),
- kollass mhux normali tal-muskoli li jista’ jwassal għal problemi fil-kliewi,
- uġigħ fil-muskoli,
- ebusija,
- telf involontarju ta’ awrina (inkontinenza),
- diffikultà biex tgħaddi l-awrina,
- sintomi ta’ rtirar fi trabi li għadhom kif jitwieldu f’każ ta’ esponiment waqt it-tqala,
- erezzjoni bl-uġigħ u/jew fit-tul,
- diffikultà fil-kontroll tat-temperatura tal-ġisem jew sħana eċċessiva,
- uġigħ fis-sider,
- nefħa fl-idejn, fl-għekiesi jew fis-saqajn,
- f’testijiet tad-demm: zokkor fid-demm li jitla’ u jinżel, żieda fl-emoglobina glikosillata
- ma tkunx kapaċi tirreżisti l-impuls, ix-xewqa jew it-tentazzjoni li twettaq azzjoni li tista’ tkun ta’ ħsara għalik jew għall-oħrajn, li tista’ tinkludi:
  - impuls qawwi li tilgħab logħob tal-azzard/tagħmel imħatri b’mod eċċessiv minkejja
    konsegwenzi serji personali jew għall-familja,
  - interess sesswali mibdul jew miżjud u mġiba ta’ tħassib sinifikanti għalik jew għall- oħrajn, pereżempju, żieda fl-aptit sesswali,
  - xiri jew infiq bla kontroll u eċċessiv,
  - teħid ta’ ikel bla rażan (tiekol ammonti kbar ta’ ikel fi ftit ħin) jew tiekol b’mod kompulsiv (tiekol aktar ikel minn normal u aktar milli jkun hemm bżonn biex tissodisfa l-
    ġuħ tiegħek),
  - tendenza li titlaq titlajja.
Għid lit-tabib tiegħek jekk tesperjenza kwalunkwe minn dawn l-imġibiet; hu/hi se jiddiskuti miegħek modi ta’ kif timmaniġġja jew tnaqqas is-sintomi.
F’pazjenti anzjani bid-dimenzja, każijiet aktar fatali ġew irrappurtati waqt it-teħid ta’ aripiprazole. Barra minn hekk, każijiet ta’ puplesija jew puplesija “ħafifa” ġew irrappurtati.

Effetti sekondarji oħra fit-tfal u l-adolexxenti
Adolexxenti li kellhom 13-il sena jew aktar, kellhom effetti sekondarji li kienu simili fil-frekwenza u fit-tip għal dawk fl-adulti, ħlief li l-irqad, kontrazzjonijiet jew movimenti bl-iskossi li ma setgħux jiġu kkontrollati, ma kellhomx kwiet f’ġisimhom u għeja kienu komuni ħafna (aktar minn 1 f’kull 10 pazjenti) u wġigħ fil-parti ta’ fuq tal-addome, ħalq xott, żieda fir-rata ta’ taħbit tal-qalb, żieda fil-piż, żieda fl-aptit, kontrazzjonijiet tal-muskoli, movimenti mhux ikkontrollati tad-dirgħajn u tas-saqajn, u sensazzjoni ta’ sturdament, speċjalment meta tqum bilwieqfa meta tkun mimdud/a jew bilqiegħda, kienu komuni (aktar minn 1 f’kull 100 pazjent).

Rappurtar tal-effetti sekondarji
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament
permezz tas-sistema ta’ rappurtar nazzjonali imniżżla f’Appendiċi V . Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Kif taħżen Aripiprazole Zentiva

Żomm din il-mediċina fejn ma tidhirx u ma tintlaħaqx mit-tfal.

Tużax din il-mediċina wara d-data ta’ meta tiskadi li tidher fuq il-folja u l-kartuna wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.

Din il-mediċina m’għandhiex bżonn ħażna speċjali.

Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Kontenut tal-pakkett u informazzjoni oħra X’fih Aripiprazole Zentiva

Is-sustanza attiva hi aripiprazole. Kull pillola fiha 5 mg/10 mg/15 mg/30 mg ta’ aripiprazole.

Is-sustanzi l-oħra huma lactose monohydrate, microcrystalline cellulose, crospovidone, hydroxypropyl cellulose, silica colloidal anhydrous, croscarmellose sodium, magnesium stearate.

Kif jidher Aripiprazole Zentiva u l-kontenut tal-pakkett

Il-pilloli Aripiprazole Zentiva 5 mg huma pilloli tondi mhux miksija minn bojod sa ofwajt b’xifer ċatt iċċanfrat b’‘5’ imnaqqxa fuq naħa waħda u bla marki fuq in-naħa l-oħra b’dijametru ta’ madwar

6 mm.

Il-pilloli Aripiprazole Zentiva 10 mg huma pilloli tondi mhux miksija minn bojod sa ofwajt b’‘10’ imnaqqxa fuq naħa waħda u b’linja li taqsam il-pillola fuq in-naħa l-oħra b’dijametru ta’ madwar 8 mm.

Il-pilloli Aripiprazole Zentiva 15 mg huma pilloli tondi mhux miksija minn bojod sa ofwajt b’xifer ċatt iċċanfrat b’‘15’ imnaqqxa fuq naħa waħda u bla marki fuq in-naħa l-oħra b’dijametru ta’ madwar

8.8 mm.

Il-pilloli Aripiprazole Zentiva 30 mg huma pilloli mhux miksija forma ta’ kapsula minn bojod sa ofwajt b’‘30’ imnaqqxa fuq naħa waħda u b’linja li taqsam il-pillola fuq in-naħa l-oħra b’qies ta’ madwar 15.5 x 8 mm.

Daqs tal-pakkett: 14, 28, 49, 56, jew 98 pillola

Jista’ jkun li mhux il-pakketti tad-daqsijiet kollha jkunu fis-suq.