Fuljett ta’ tagħrif: Informazzjoni għall-utent

Leflunomide ratiopharm 10 mg pilloli miksija b’rita

leflunomide

Aqra sew dan il-fuljett kollu qabel tibda tieħu din il-mediċina peress li fih informazzjoni

importanti għalik.

• Żomm dan il-fuljett. Jista’ jkollok bżonn terġa’ taqrah.

• Jekk ikollok aktar mistoqsijiet, staqsi lit-tabib, lill-ispiżjar jew lill-infermier tiegħek.

• Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.

• Jekk ikollok xi effett sekondarju kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.

  
  

  F’dan il-fuljett:

  1. X’inhu Leflunomide ratiopharm u għalxiex jintuża

  2. X’għandek tkun taf qabel ma tieħu Leflunomide ratiopharm

  3. Kif għandek tieħu Leflunomide ratiopharm

  4. Effetti sekondarji possibbli

  5. Kif taħżen Leflunomide ratiopharm

  6. Kontenut tal-pakkett u informazzjoni oħra

  
  

  1. X’inhu Leflunomide ratiopharm u għalxiex jintuża

     
     

     Leflunomide ratiopharm fih is-sustanza attiva leflunomide, li tappartjeni għall-grupp ta’ mediċini msejħa antirewmatiċi.

     
     

     Leflunomide ratiopharm huwa wżat biex jittratta pazjenti adulti b’artrite rewmatojde attiva jew b’artrite psorjatika attiva.

     
     

     Is-sintomi ta’ l-artrite rewmatika jinkludu infjammazzjoni tal-ġogi, nefħa, diffikultà fil-movimenti u uġigħ. Sintomi oħra li jistgħu jeffettwaw il-ġisem kollu huma n-nuqqas t’aptit, id-deni, nuqqas ta’ enerġija u anemija (nuqqas ta’ taċ-ċelluli ħomor tad-demm).

     
     

     Is-sintomi ta’ l-artrite psorjatika jinkludu infjamazzjoni tal-ġogi, nefħa, diffikultà fil-movimenti, uġigħ u ġilda bi rqajja’ ħomor u bil-qxur (leżjonijiet tal-ġilda).

     
     

  2. X’għandek tkun taf qabel ma tieħu Leflunomide ratiopharm

     
     

     Tiħux Leflunomide ratiopharm

• jekk qatt kellek xi reazzjoni allerġika għal leflunomide (speċjalment xi reazzjoni serja tal- ġilda, spiss akkompanjata bid-deni, uġigħ fil-ġogi, tbajja’ ħomor tal-ġilda, jew infafet eż. is- sindrome ta’ Stevens-Johnson), għall-karawett jew sojja jew għal xi wieħed mill-ingredjenti l-oħra ta’ din il-mediċina (elenkati fis-sezzjoni 6), jew jekk inti allerġiku/a għal teriflunomide (użat għat-trattament tal-isklerożi multipla).

• jekk għandek xi problemi fil-fwied

• jekk għandek xi problemi fil-kliewi ta’ grad moderat jew sever,

• jekk għandek livelli baxxi ħafna tal-proteini fid-demm (livelli baxxi ħafna tal-proteini fid- demm)

• jekk tbati minn xi problemi li taffettwalek id-difiża ta’ l-immunità tiegħek (e.g. AIDS),

• jekk għandek problema bil-mudullun tiegħek, jew jekk għandek numru baxx ta’ ċelluli ħomor jew bojod fid-demm tiegħek, jew tnaqqis fin-numru ta’ plejtlits fid-demm,

• jekk qiegħed issofri minn xi infezzjoni serja,

• jekk inti tqila, taħseb li tista’ tkun tqila, jew qiegħda tredda’.

  Twissijiet u prekawzjonijiet

  Kellem lit-tabib, lill-ispiżjar jew lill-infermier tiegħek qabel tieħu Leflunomide ratiopharm

  • jekk qatt soffrejt minn infjammazzjoni tal-pulmun (mard interstizjali tal-pulmun).

    jekk qatt kellek it-tuberkulosi jew jekk ġejt f’kuntatt viċin ma xi ħadd li għandu jew kellu t- tuberkulosi. It-tabib tiegħek jista’ jagħmillek xi testijiet biex jara jekk għandekx it-tuberkulosi.

  • jekk int pazjent raġel u tixtieq li jkollok it-tfal. Minħabba li ma jistax jiġi eskluż li Leflunomide ratiopharm jgħaddi fis-semen, kontraċettiv effettiv għandu jintuża waqt il-kura bl’Leflunomide ratiopharm. Dawk l-irġiel li jixtiequ jkollhom it-tfal għandhom ikellmu lit- tabib tagħhom li għandu mnejn jagħtihom parir biex jwaqqfu l-Leflunomide ratiopharm u jieħdu ċerti mediċini biex ineħħu Leflunomide ratiopharm malajr u biżżejjed minn ġisimhom. Ikollok bżonn ta’ test tad-demm biex tiżgura li l-Leflunomide ratiopharm tneħħa biżżejjed minn ġo ġismek u, wara dan, għandek tistenna għal mhux inqas minn 3 xhur oħra qabel taħseb biex ikollok it-tfal.

  • jekk wasalt biex ikollok test tad-demm speċifiku (livell tal-calcium). Jistgħu jiġu osservati livelli baxxi taʼ calcium foloz.

  
  

  Kultant, l-Leflunomide ratiopharm jista’ jikkawża xi problemi fid-demm, fil-kliewi, fil-pulmun jew

  fin-nervituri tad-dirgħin jew tar-riġlejn. Jista’ ukoll jikkawżaxi reazzjonijiet allergiċi severi (li jinkludu r-Reazzjoni għall-Mediċina b’Eosinofilja u Sintomi Sistemiċi [DRESS]), jew jiżdied iċ-ċans ta xi infezzjoni severa. Għal aktar informazzjoni fuq dawn il-problemi, jekk jogħhġbok aqra sezzjoni 4 (Effetti sekondarji possibbli)

  
  

  Fil-bidu DRESS tagħti sintomi li jixbħu dawk ta’ meta jkollok riħ flimkien ma’ raxx fuq il-wiċċ li mbagħad din testendi fuq partijiet oħra tal-ġisem u jkun hemm deni għoli, żieda fil-livelli tal-enzimi fil-fwied li jidhru fit-testijiet tad-demm u żieda f’tip ta’ ċelluli bojod tad-demm (eosinofilja) u glandoli limfatiċi minfuħin.

  
  

  It-tabib tiegħek sejjer jagħmillek it-testijiet tad-demm f’intervalli regolari, qabel u waqt it-trattament bl-Leflunomide ratiopharm, biex jimmoniterja ċ-ċelluli tad-demm u l-fwied tiegħek. It-tabib tiegħek għandu jiċċekkja ukoll il-pressjoni tad-demm tiegħek regolarment għax Leflunomide ratiopharm tista’ żżid il-pressjoni.

  
  

  Kellem lit-tabib tiegħek jekk ikollok dijarea kronika mhux spjegata. It-tabib tiegħek jista'jwettaq testijiet oħrajn għal dijanjosi differenzjali.

  
  

  Għid lit-tabib tiegħek jekk tiżviluppa ulċeri fil-ġilda waqt it-trattament b’Leflunomide ratiopharm (ara wkoll sezzjoni 4).

  
  

  Tfal u adolexxenti

  Leflunomide ratiopharm mhux irrakkomandat għall-użu fi tfal u adoloxxenti taħt it-18-il sena.

  
  

  Mediċini oħra u Leflunomide ratiopharm

  Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra. Dan jinkludi mediċini li tista’ tieħu mingħajr riċetta.

  
  

  Dan huwa importanti speċjalment jekk qiegħed tieħu:

  • mediċini oħra għall-artrite rewmatika bħal mediċini kontra l-malarja (e.g. chloroquine u hydroxychloroquine), deheb li jingħata sew fil-muskoli kif ukoll mill-ħalq, D-penicillamine, azathioprine u mediċini oħra li jrażżnu l-istat immuni (e.ż. methotrexate), peress li t-teħid ta’ dawn il-prodotti nflimkien mhuwiex irrakkomandat.

  • warfarin u mediċini orali oħra użati biex iraqqu d-demm, għax ikun hemm bżonn ta’ monitoraġġ sabiex jitnaqqas ir-riskju ta’ effetti sekondarji minn din il-mediċina

  • teriflunomide għas-sklerożi multipla

  • repaglinide, pioglitazone, nateglinide, jew rosiglitazone għad-dijabete

  • daunorubicin, doxorubicin, paclitaxel, jew topotecan għal kanċer

  • duloxetine għad-depressjoni, inkontinenza awrinarja jew għall-mard tal-kliewi fid-dijabetiċi

  • alosetron għall-immaniġġar ta’ dijarea severa

  • theophylline għall-ażma

  • tizanidine, rilassant tal-muskoli

  • kontraċettivi orali (li fihom ethinylestradiol u levonorgestrel)

  • cefaclor, benzylpenicillin (penicillin G), ciprofloxacin għall-infezzjonijiet

  • indomethacin, ketoprofen għall-uġigħ jew għall-infjammazzjoni

  • furosemide għall-mard tal-qalb (dijuretiku, pillola tal-ilma)

  • zidovudine għall-infezzjoni bl-HIV

  • rosuvastatin, simvastatin, atorvastatin, pravastatin għall-iperkolesterolimja (kolesterol għoli)

  • sulfasalazine għall-mard infjammatorju tal-imsaren jew artrite rewmatojdeja

  • mediċina msejjaħ colestyramine (użat fil-kura ta’ livelli għolja tax-xaħam fid-demm) u faħam mediċinali attivat billi dawn il-mediċini jistgħu naqqsu l-ammont ta’ Leflunomide ratiopharm li huma assorbiti mill-ġisem.

  
  

  Jekk inti diġa’ qiegħed tieħu l-mediċina mhux sterojdi li jintużaw kontra l-infjammazzjoni (NSAIDs u/jew corticosteroids, dawn jistgħu jitkomplew wara li jinbeda Leflunomide ratiopharm.

  
  

  Tilqim

  Jekk inti għandek bżonn titlaqqam, staqsi lit-tabib tiegħek għal-parir. Ċerta tilqim b’vaċċini m’għandux isir waqt li qed tieħu Leflunomide ratiopharm, u għal xi żmien wara li titwaqqaf l-kura.

  
  

  Leflunomide ratiopharm ma’ ikel, xorb u alkoħol

  Leflunomide ratiopharm jista jittieħed ma’ l-ikel jew mingħajr ikel.

  Mhux irrakkomandat li tixrob l-alkoħol waqt il-kura b’Leflunomide ratiopharm. Jekk tixrob l-alkoħol waqt li qiegħed fuq Leflunomide ratiopharm tista’ iżied iċ-ċans ta’ ħsara fil-fwied.

  
  

  Tqala u treddigħ

  Tiħux l-Leflunomide ratiopharm jekk inti jew taħseb li inti tqila. Jekk inti tqila jew tinqabad tqila waqt li qed tieħu Leflunomide ratiopharm, ir-riskju li jkollhom tarbija b’difetti tat-twelid serji jiżdied. Nisa li jistgħu joħorġu tqal m’għandhomx jieħdu l-Leflunomide ratiopharm mingħajr jintuża mezz ta’ kontraċettiv effettiv.

  
  

  Għid lit-tabib tiegħek jekk qiegħda tippjana li toħroġ tqila wara li twaqqaf Leflunomide ratiopharm, biex tkun żgura li it-traċċi kollha ta’ l-Leflunomide ratiopharm ġew mneħħija minn ġismek qabel tipprova toħroġ tqila. Dan jista’ jieħu żmien sa sentejn. Dan jista’ jitnaqqas għal ftit ġimgħat billi jittieħdu ċerti mediċini li jħaffu t-tneħħija ta’ Leflunomide ratiopharm minn ġismek.

  
  

  Kull każ għandu jkun ikkonfermat b’test tad-demm li Leflunomide ratiopharm tneħħa biżżejjed minn ġismek, u wara għandek tistenna għal mhux anqas minn xahar ieħor qabel ma toħroġ tqila.

  
  

  Għal aktar tagħrif fuq it-testijiet tal-laboratorju, jekk jogħġbok, ikkuntatja lit-tabib tiegħek.

  
  

  Jekk tissuspetta li inti tqila waqt li qiegħda tieħu Leflunomide ratiopharm, jew f’dawk is-sentejn wara tkun waqaft ilkura, għandek tikkuntatja lit-tabib tiegħek minnufih biex tagħmel it-test tat-tqala. Jekk it-test jikkonferma li inti tqila’, it-tabib jista’ jissuġġerixxi kura b’ xi mediċini biex tneħħi Leflunomide ratiopharm malajr u biżżejjed minn ġismek, għax dan jista’ jnaqqas ir-riskju għat-tarbija tiegħek.

  
  

  Tiħux l-Leflunomide ratiopharm waqt li qiegħda tredda’, billi l-leflunomide jista’ jgħaddi fil-ħalib

  tas-sider.

  
  

  Sewqan u tħaddim ta’ magni

  Leflunomide ratiopharm jista’ jikkawżalek sturdament li jistgħu jfixkluk milli tikkonċentra u tirreaġixxi. Jekk jaffettwak, issuqx jew tħaddem magni.

  Leflunomide ratiopharm fih il-lactose

  Jekk it-tabib tiegħek qallek li int intolleranti għal xi tip ta’ zokkor, ikkuntattja lit-tabib tiegħek qabel tieħu din mediċina.

  
  

  Leflunomide ratiopharm fih sodium

  Din il-mediċina fiha anqas minn 1 mmol sodium (23 mg) f’kull pillola miksija b’rita, jiġifieri essenzjalment ‘ħielsa mis-sodium’.

  
  

  Leflunomide ratiopharm fih soya lecithin. Jekk inti allerġiku/a għall-karawett jew sojja, tużax din il-

  mediċina.

  
  

  1. Kif għandek tieħu Leflunomide ratiopharm

     
     

     Dejjem għandek tieħu din il-mediċina skont il-parir eżatt tat-tabib jew l-ispiżjar tiegħek. Iċċekkja

     mat-tabib jew mal-ispiżjar tiegħek jekk ikollok xi dubju.

     
     

     Is-soltu d-doża inizjali ta’Leflunomide ratiopharm tkun ta’ pillola waħda ta’ 100 mg, darba kuljum

     għal l-ewwel tlett ijiem. Wara dan, il-maġġoranza tal-pazjenti jeħtieġu doża ta’:

• Għall-artrite rewmatika: 10 mg jew 20 mg ta’ Leflunomide ratiopharm darba kuljum , skont is-severità tal-marda.

• Għall-artrite psorjatika: 20 mg Leflunomide ratiopharm darba kuljum.

  
  

  Ibla’ l-pillola sħiħa b’ammont suffiċjenti ta’ ilma.

  
  

  Tista’ tieħu madwar 4 ġimgħat jew aktar qabel ma tibda tħossok aħjar. Xi pazjenti jistgħu wkoll ikollhom kambjament għall-aħjar wara 4 sa 6 xhur mill-bidu tal-kura.

  Normalment sejjer tieħu Leflunomide ratiopharm għal perijodi twal.

  
  

  Jekk tieħu Leflunomide ratiopharm aktar milli suppost

  Jekk tieħu l-Leflunomide ratiopharm iżjed milli suppost, ikkuntatja lit-tabib tiegħek jew ħu parir mediku. Jekk huwa possibbli, ħu l-pilloli jew il-kaxxa miegħek biex turihom (turiha) lit-tabib.

  
  

  Jekk tinsa tieħu Leflunomide ratiopharm

  Jekk tinsa tieħu doża, ħudha hekk kif tiftakar, sakemm ma jkunx wasal il-ħin biex tieħu d-doża li tmiss. M’għandekx tieħu doża doppja biex tpatti għal kull doża li tkun insejt.

  
  

  Jekk għandek aktar mistoqsijiet dwar l-użu ta’ din il-mediċina, staqsi lit-tabib, lill-ispiżjar jew lill- infermier tiegħek.

  
  

  1. Effetti sekondarji possibbli

     
     

     Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux

     f’kulħadd.

     
     

     Għid lit-tabib tiegħek minnufih u tieqaf tieħu l-Leflunomide ratiopharm:

• jekk jkollok debbulizza, sturdament jew tara kollox idur bik jew għandek diffikulta’ bin-nifs, billi dawn jistgħu jkunu sinjali ta’ reazzjoni allerġika severa,

• jekk tiżviluppa raxx fil-ġilda jew ulċeri f’ħalqek, billi dawn jistgħu jindikaw reazzjonijiet severi u xi kultant fatali (e.ż. is-sindrome ta’ Stevens-Johnson, in-nekrosi tossika u esfoljattiva tal-ġilda, eritema multiforme, Reazzjoni għall-Mediċina b’Eosinofilja u Sintomi Sistemiċi [DRESS]), ara sezzjoni 2.

  
  

  Għid lit-tabib tiegħek minnufih jekk jkollok:

• ġilda pallida, għeja, jew tbenġil, billi dawn jistgħu jindikaw il-preżenza ta’ mard tad-demm ikkawżat minn żbilanċ f’diversi tipi ta’ ċelluli tad-demm,

• għeja, uġigħ addominali, jew suffejra (kulur isfar ta’ l-għajnejn u tal-ġilda), billi dawn jistgħu jindikaw kundizzjonijiet serji bħall-insuffiċjenza tal-fwied, li tista’ tkun fatali,

• xi sintomi ta’ infezzjoni bħal deni, griżmejk juġgħawk jew sola, billi din il-mediċina tista’ iżied iċċans ta’ infezzjoni serja li tista’ tkun fatali,

• sogħla jew problemi fit-teħid tan-nifs peress li dawn jistgħu jindikaw problemi tal-pulmun (mard interstizjali tal-pulmun jew ipertensjoni pulmonari).

• tnemnim mhux tas-soltu, debulizza jew uġigħ f’idejk jew f’saqajk għax dawn jistgħu jindikaw xi

  problemi fin-nervituri tiegħek (newropatija periferika).

  
  

  Effetti sekondarji komuni (tista’ taffettwa sa 1 minn kull 10 persuni)

• tnaqqis żgħir fl-għadd taċ-ċelluli bojod tad-demm (lewkopenja),

• reazzjonijiet allerġiċi ħfief,

• nuqqas t’aptit, telf fil-piż (x’aktarx insinifikanti),

• għeja (astenja),

• uġigħ ta’ ras, sturdament,

• sensazzjonijiet abnormali fil-ġilda bħat-tnemnim (parasteżija),

• żieda ħafifa fil-pressjoni tad-demm,

• kolite,

• dijarrea,

• tqalligħ, rimettar,

• infjammazzjoni tal-ħalq u ulċeri tal-ħalq,

• uġigħ ta’ żaqq,

• żieda fil-livelli ta’ xi testijiet tal-fwied,

• żieda fil-waqgħa tax-xagħar,

• ekżema, ġilda xotta, raxx, ħakk,

• infjammazzjoni ta’ l-għerq (uġigħ ikkawżat minn infjammazzjoni tal-membrana madwar

  lgħerq is-soltu fis-saqajn jew fl’idejn),

• żieda ta’ ċerta enżimi fid-demm (creatine phosphokinase).

• problemi fin-nervituri tad-dirgħin jew tar-riġlejn (newropatija periferika).

  
  

  Effetti sekondarji mhux komuni (tista’ taffettwa sa 1 minn kull 100 persuna)

• tnaqqis fl-għadd taċ-ċelluli ħomor tad-demm (anemija) u tnaqqis fl-għadd tal-plejtlets fid-demm (tromboċitopenja),

• tnaqqis fil-livell tal-potassju fid-demm,

• ansjetà,

• disturbi fit-tegħim,

• urtikarja (nettle rash),

• qtugħ ta’ l-għerq tal-muskolu,

• żieda fil-livelli tax-xaħam fid-demm (il-kolesterol u t-trigliċeridi),

• tnaqqis fil-livell tal-fosfat fid-demm.

  
  

  Effetti sekondarji rari (tista’ taffettwa sa 1 minn kull 1000 persuna)

• żieda fl-għadd ta’ tip ta’ ċelluli tad-demm, hekk imsejħa eosinofiliċi (eosinophilia); tnaqqis ħafif fl-għadd taċ-ċelluli bojod tad-demm (lewkopenja); tnaqqis fl-għadd tat-tipi kollha

  taċ-ċelluli taddemm (panċitopenja),

• żieda qawwija fil-pressjoni tad-demm,

• infjammazzjoni tal-pulmun (mard interstizjali tal-pulmun),

• żieda fil-livelli ta’ xi testijiet tal-fwied li jistgħu jiżviluppaw f’kundizzjonijiet serji bħall-epatite u s-suffejra,

• infezzjonijiet qawwija msejħa s-sepsis, li tista’ tkun fatali,

• żieda ta’ ċerta enżimi fid-demm (lactate dehydrogenase).

  
  

  Effetti sekondarji rari ħafna (tista’ taffettwa sa 1 minn kull 10,000 persuna)

• tnaqqis immarkat fl-għadd ta’ xi tipi ta’ ċelluli bojod tad-demm (agranuloċitosi),

• reazzjonijiet allerġiċi severi u potenzjalment serji,

• infjammazzjoni tal-kanali li minnhom jgħaddi d-demm (vaskulite, li tinkludi l-vaskulite

  nekrotika talġilda),

• problemi bin-nervaturi tad-dirgħajn u r-riġlejn (newropatija periferali),

• infjammazzjoni tal-frixa (pankreatite),

• leżjoni severa fil-fwied bħal insuffiċjenzja tal-fwied jew nekrosi li tista’ tkun fatali,

• reazzjonijiet severi, x’imdaqqiet fatali (is-sindrome ta’ Stevens-Johnson, in-nekrosi tossika u esfoljattiva tal-ġilda, eritema multiforme).

  
  

  Effetti sekondarji oħra bħal insuffiċjenza tal-kliewi, tnaqqis fil-livell ta’ l-aċidu uriku fid-demm tiegħek, ipertensjoni pulmonari, infertilita’ maskili (li hija riversibbli ġaladarba t-trattament b’din il- mediċina titwaqqaf), lupus kutanju (ikkaratterizzat minn raxx/eritema fuq dawk il-partijiet tal-ġilda esposti għax-xemx), psorijażi (tal-ewwel darba jew li tmur għall-agħar), DRESS u Ulċera fil-ġilda (Ferita miftuħa u tonda fil-ġilda li minnha jistgħu jidhru t-tessuti li hemm taħt il-ġilda), jistgħu jseħħu wkoll b’frekwenza mhux magħrufa.

  
  

  Rappurtar tal-effetti sekondarji

  

  Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.

  
  

  1. Kif taħżen Leflunomide ratiopharm

     
     

     Żomm din il-mediċina fejn ma tidhirx u ma tintlaħaqx mit-tfal.

     
     

     Tużax din il-mediċina wara d-data ta’ meta tiskadi li tidher fuq il-kartuna ta’ barra u fuq il-flixkun wara EXP. Id-data ta’ meta tiskadi tirreferi għall-aħħar ġurnata ta’ dak ix-xahar.

     
     

     Żomm il-flixkun magħluq sewwa sabiex tilqa’ mill-umdità.

     
     

     Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif

     għandek tarmi mediċini li m’għadekx tuża. Dawn il-miżuri jgħinu għall protezzjoni tal-ambjent.

     
     

  2. Kontenut tal-pakkett u informazzjoni oħra

  
  

  X’fih Leflunomide ratiopharm

  
  

• Is-sustanza attiva hi leflunomide.

  Kull pillola fiha 10 mg ta’ leflunomide.

• Is-sustanżi mhux attivi l-oħra huma lactose monohydrate, low-substituted hydroxypropyl cellulose, tartaric acid, sodium laurylsulfate u magnesium stearate fil-qalba tal-pillola kif ukoll lecithin (soybeans), poly(vinyl alcohol), talc, titanium dioxide (E171) u xanthan gum fir-rita tal-pillola.

Kif jidher Leflunomide ratiopharm u l-kontenut tal-pakkett

Leflunomide ratiopharm 10 mg pilloli miksija b’rita, huma bojod jew kważi bojod tondi b’dijametru ta’ madwar 6 mm.

Il-pilloli huma ppakkjati fil-fliexken.

Daqsijiet tal-pakkett ta’ 30 jew 100 pillola miksija b’rita f’kull flixkun huma disponibbli. Jista’ jkun li mhux il-pakketti tad-daqsijiet kollha jkunu fis-suq.

Detentur tal-Awtorizzazzjoni għat-Tqegħid fis-Suq

ratiopharm GmbH

Graf-Arco-Straße 3,

89079 Ulm

Il-Ġermanja

Il-Manifattur

Haupt Pharma Münster GmbH Schleebrüggenkamp 15

48159 Münster Il-Ġermanja

Merckle GmbH

Ludwig-Merckle-Straße 3

89143 Blaubeuren Il-Ġermanja

Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:

België/Belgique/Belgien

Teva Pharma Belgium N.V./S.A./AG Tél/Tel: +32 38207373

Lietuva

UAB Teva Baltics Tel: +370 52660203

България

Тева Фарма ЕАД Teл: +359 24899585

Luxembourg/Luxemburg ratiopharm GmbH Allemagne/Deutschland Tél/Tel: +49 73140202

Česká republika

Teva Pharmaceuticals CR, s.r.o. Tel: +420 251007111

Magyarország

Teva Gyógyszergyár Zrt. Tel: +36 12886400

Danmark

Teva Denmark A/S Tlf: +45 44985511

Malta

Teva Pharmaceuticals Ireland L-Irlanda

Tel: +44 2075407117

Deutschland ratiopharm GmbH Tel: +49 73140202

Nederland

Teva Nederland B.V. Tel: +31 8000228400

Eesti

UAB Teva Baltics Eesti filiaal Tel: +372 6610801

Norge

Teva Norway AS Tlf: +47 66775590

Ελλάδα

Specifar A.B.E.E.

Τηλ: +30 2118805000

Österreich

ratiopharm Arzneimittel Vertriebs-GmbH Tel: +43 1970070

España

Teva Pharma, S.L.U. Tél: +34 913873280

Polska

Teva Pharmaceuticals Polska Sp. z o.o. Tel: +48 223459300

France

Teva Santé

Tél: +33 155917800

Portugal

ratiopharm - Comércio e Industria de Produtos Farmacêuticos, Lda.

Tel: +351 214767550

Hrvatska

Pliva Hrvatska d.o.o. Tel: +385 13720000

România

Teva Pharmaceuticals S.R.L. Tel: +40 212306524

Ireland

Teva Pharmaceuticals Ireland Tel: +44 2075407117

Slovenija

Pliva Ljubljana d.o.o. Tel: +386 15890390

Ísland

Teva Pharma Iceland ehf. Sími: +354 5503300

Slovenská republika

TEVA Pharmaceuticals Slovakia s.r.o. Tel: +421 257267911

Italia

Teva Italia S.r.l. Tel: +39 028917981

Suomi/Finland

Teva Finland Oy

Puh/Tel: +358 201805900

Κύπρος

Specifar A.B.E.E.

Ελλάδα

Τηλ: +30 2118805000

Sverige

Teva Sweden AB Tel: +46 42121100

Latvija

UAB Teva Baltics filiāle Latvijā

Tel: +371 67323666

United Kingdom (Northern Ireland)

Teva Pharmaceuticals Ireland Ireland

Tel: +44 2075407117

Dan il-fuljett kien rivedut l-aħħar f’{XX/SSSS}