Somavert
pegvisomant
pegvisomant
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew lill-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew lill-infermier tiegħek. Dan
jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu SOMAVERT u għalxiex jintuża
X’għandek tkun taf qabel ma tuża SOMAVERT
Kif għandek tuża SOMAVERT
Effetti sekondarji possibbli
Kif taħżen SOMAVERT
Kontenut tal-pakkett u informazzjoni oħra
SOMAVERT jintuża għat-trattament ta’ l-akromegalija, disturb ormonali li jirriżulta minn żieda fis- sekrezzjoni ta’ l-ormon tat-tkabbir (GH) u IGF-I (fatturi tat-tkabbir li jixbhu lill-insulina), li huwa kkaratterizzat minn tkabbir eċċessiv ta’ l-għadam, tinfiħ tat-tessuti rotob, mard tal-qalb u disturbi relatati.
Is-sustanza attiva f’SOMAVERT, pegvisomant huwa magħruf bħala riċettur antagonista ta’ l-ormon tat-tkabbir. Dawn is-sustanzi jnaqqsu l-effett tal-GH u l-livelli ta’ IGF-I jiċċirkulaw fid-demm.
jekk inti allerġiku għal pegvisomant jew għal xi sustanza oħra ta’ din il-mediċina (imniżżla fis- sezzjoni 6).
Kellem lit-tabib, lill-ispiżjar jew lill-infermier tiegħek qabel tuża SOMAVERT.
Jekk ikollok disturbi fil-vista jew uġigħ ta’ ras inti trid tikkuntattja lit-tabib tiegħek immedjatament.
It-tabib jew in-ners tiegħek se jimmonitorja il-livelli ta’ IGF-I (fatturi tat-tkabbir li jixbhu lill- insulina) jiċċirkolaw fid-demm u jaġġusta d-doża ta’ SOMAVERT jekk ikun hemm bżonn.
It-tabib tiegħek għandu jimmonitorja wkoll l-adenoma tiegħek (tumur benin).
It-tabib tiegħek se jagħmel testijiet tal-funzjoni tal-fwied tiegħek qabel il-bidu u waqt il-kura b’SOMAVERT. Jekk dawn ir-riżultati tat-test ma jkunux normali, it-tabib tiegħek se jiddiskuti miegħek għażliet ta’ kura. Ladarba tinbeda l-kura, it-tabib jew in-ners tiegħek se jimmonitorja l- livell ta’ enzimi tal-fwied fid-demm kull 4-6 ġimgħat għall-ewwel 6 xhur ta’ trattament b’SOMAVERT. L-għoti ta’ SOMAVERT għandu jitwaqqaf jekk is-sinjali ta’ mard tal-fwied jippersistu.
Jekk inti dijabetiku/a, it-tabib tiegħek jista’ jkollu bżonn jaġġusta l-ammont ta’ insulina jew ta’ mediċini oħra li tkun qed tieħu.
Il-fertilità f’pazjenti nisa tista’ tiżdied meta l-marda titjieb. L-użu ta’ din il-mediċina f’nisa tqal mhuwiex rakkomandat u nisa li jistgħu joħorġu tqal għandhom jiġu avżati biex jużaw kontraċezzjoni. Ara wkoll is-sezzjoni dwar it-Tqala hawn isfel.
Trid tgħid lit-tabib tiegħek jekk kont użajt qabel xi mediċini oħra għat-trattament ta’ l-akromegalija jew mediċini għat-trattament tad-dijabete.
Għid lit-tabib jew lill-ispiżjar tiegħek jekk qiegħed tuża, użajt dan l-aħħar jew tista’ tuża xi mediċina oħra.
Bħala parti mill-kura tiegħek inti tista’ tingħata mediċini oħra. Huwa importanti li tkompli tuża l- mediċini tiegħek kollha kif ukoll SOMAVERT sakemm it-tabib, l-ispiżjar jew l-infermier tiegħek ma jgħidulekx mod ieħor.
L-użu ta’ SOMAVERT f’nisa tqal mhuwiex rakkomandat. Jekk inti mara li tista’ toħroġ tqila, għandu jintuża kontraċettiv waqt it-trattament.
Mhux magħruf jekk pegvisomant jgħaddix għal ġol-ħalib tas-sider. Inti m’għandekx tredda’ waqt li tkun qed tieħu SOMAVERT sakemm it-tabib ma jkunx iddiskuta dan miegħek.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Ma sarux studji dwar l-effetti fuq il-ħila biex issuq u tħaddem magni.
Din il-mediċina fiha anqas minn 1 mmol sodium (23 mg) f’kull doża, jiġifieri essenzjalment ‘ħieles mis-sodium’.
Dejjem għandek tinjetta din il-mediċina skont il-parir eżatt tat-tabib jew l-ispiżjar tiegħek. Iċċekkja mat-tabib jew mal-ispiżjar tiegħek jekk ikollok xi dubju.
Doża inizjali ta’ 80 mg pegvisomant tingħata taħt il-ġilda (eżatt taħt il-ġilda) mit-tabib tiegħek. Wara din ta’ l-ewwel, id-doża ta’ pegvisomant li s-soltu tingħata hija ta’ 10 mg kuljum mogħtija b’injezzjoni
taħt il-ġilda (eżatt taħt il-ġilda).
Kull erba’ sa sitt ġimgħat it-tabib tiegħek jagħmel aġġustamenti xierqa fid-doża, b’żidiet ta’ 5 mg pegvisomant kuljum, ibbażati fuq l-hekk imsejħa livelli ta’ IGF-I fis-serum tiegħek sabiex jinżamm rispons terapewtiku ottimali.
SOMAVERT huwa injettat taħt il-ġilda. L-injezzjoni tista’ tingħata mill-persuna nnifisha jew minn xi ħadd ieħor, per eżempju t-tabib tiegħek jew l-assistent/a tiegħu. L-istruzzjonijiet dettaljati fuq il- proċedura ta’ l-injezzjoni, li tista’ ssibhom fl-aħħar ta’ dan il-fuljett, iridu jiġu segwiti. Trid tkompli tuża din il-mediċina għaż-żmien kollu li jindikalek it-tabib tiegħek.
Din il-mediċina trid tinħall qabel l-użu. L-injezzjoni ma tridx tiġi mħallta fl-istess siringa jew kunjett ta’ xi mediċina oħra.
Tessut xaħmi jista jinġema fis-sit ta’ l-injezzjoni. Sabiex dan ikun evitat, kull darba uża post ħarira differenti għall-injezzjoni, kif inhu spjegat f’Parti 2 tas-sezzjoni ‘struzzjoniet sabiex tiġi ppreparata u mogħtija injezzjoni ta’ SOMAVERT’ f’dan il-fuljett. Dan jgħati ċans lill-ġilda u t-tessut ta’ taħt il- ġilda biex jirkupra mill-injezzjoni, qabel ma tingħata oħra fl-istess post.
Jekk tħoss li l-effett ta’ din il-mediċina huwa qawwi wisq jew dgħajjef wisq, kellem lit-tabib, lill- spiżjar jew lill-infermier tiegħek.
Jekk aċċidentalment tinjetta Somavert aktar milli qallek it-tabib, mhux probabbli li tkun xi ħaġa serja, iżda għandek tkellem lit-tabib, lill-ispiżjar jew lill-infermier tiegħek immedjatament.
Jekk tinsa tagħti lilek innifsek injezzjoni, inti għandek tinjetta d-doża li jmiss malli tiftakar u mbagħad tkompli tinjetta SOMAVERT kif qallek it-tabib. M’għandekx tieħu doża doppja biex tpatti għal kull doża li tkun insejt tieħu.
Jekk għandek aktar mistoqsijiet dwar l-użu ta’ din il-mediċina, staqsi lit-tabib, lill-ispiżjar jew lill- infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Reazzjonijiet allerġiċi (anafilattiċi) minn ħfief sa serji ġew irrappurtati f’xi pazjenti li kienu qed jieħdu SOMAVERT. Sintomi ta’ reazzjoni allerġika serja jistgħu jinkludu wieħed jew aktar minn dawn li ġejjin: nefħa tal-wiċċ, ilsien, xufftejn, jew gerżuma; tħarħir jew problemi biex tieħu n-nifs (spażmu tal- larinġi); raxx ġeneralizzat tal-ġilda, ħorriqija (urtikarja) jew ħakk; jew sturdament. Ikkuntattja lit-tabib tiegħek immedjatament jekk tiżviluppa kwalunkwe wieħed minn dawn is-sintomi.
Komuni ħafna (jistgħu jaffetwaw iktar minn persuna 1 minn kull 10)
Uġigħ ta’ ras
Dijarea
Uġigħ fil-ġogi
Komuni: jistgħu jaffettwaw sa 1 minn kull 10 persuni
Qtugħ ta’ nifs
Żieda fil-livelli tas-sustanzi li jkejlu l-funzjoni tal-fwied. Dawn jistgħu jidhru fir-riżultati tat- testijiet tad-demm.
Demm fl-awrina.
Żieda fil-pressjoni tad-demm.
Stitikezza, sensazzjoni ta’ dardir, dardir, sensazzjoni ta’ nefħa, indiġestjoni, gass.
Sturdament, ngħas, rogħda mhux ikkontrollata, tnaqqis fis-sens tal-mess.
Tbenġil, fsada jew uġigħ fil-post ta’ l-injezzjoni, uġigħ u nefħa fil-post ta’ l-injezzjoni, tiġmiħ ta’ xaħam taħt il-ġilda fil-post ta’ l-injezzjoni, nefħa ta’ l-estremitajiet, dgħufija, deni.
Għaraq, ħakk, raxx, tendenza ta’ tbenġil.
Uġigħ fil-muskoli, artrite.
Żieda fil-kolesterol fid-demm, żieda fil-piż, żieda fil-glucose fid-demm, tnaqqis fil-glucose fid-demm.
Mard jixbah lill-influwenza, għeja.
Ħolm abnormali.
Uġigħ fl-għajnejn
Mhux komuni: jistgħu jaffettwaw sa 1 minn kull 100 persuna
Reazzjoni allerġika wara l-għoti (deni, raxx, ħakk u, f’każijiet severi diffikultà biex tieħu nifs, nefħa mgħaġġla tal-ġilda, tkun teħtieġ attenzjoni medika urġenti). Jistgħu jseħħu immedjatament, jew diversi jiem wara l-għoti.
Proteina fl-awrina, żieda fl-awrina, problemi fil-kliewi.
Telf tal-interess, sensazzjoni ta’ konfużjoni, żieda fl-impuls sesswali, attakk ta’ paniku, telf tal- memorja, problemi biex torqod.
Tnaqqis tal-plejtlits fid-demm, żieda jew tnaqqis ta’ ċelloli bojod tad-demm, tendenza ta’ fsada.
Sensazzjoni ta’ anormalità, fejqan imfixkel.
Sforz ta’ l-għajnejn, problemi fil-widna interna.
Nefħa fil-wiċċ, ġilda xotta, għaraq bil-lejl, ħmura fil-ġilda (eritrema), ponot li jqabbdu l-ħakk fuq il-ġilda (urtikarja).
Żieda fis-sustanzi xaħmija fid-demm, żieda fl-aptit.
Ħalq xott, żieda fis-saliva, problemi fis-snien, murliti.
Sens tal-mess, sens abnormali tat-togħma, emigranja.
Mhux magħrufa: il-frekwenza ma tistax tiġi stmata mid-data disponibbli
Rabja
Qtugħ ta’ nifs sever (spażmi tal-larinġi)
Nefħa rapida tal-ġilda u tat-tessut ta’ taħt il-ġilda u tar-rita ta’ ġewwa (mukoża) tal-organi (Anġjoedema).
Madwar 17% tal-pazjenti jiżviluppaw antikorpi għall-ormon tat-tkabbir matul it-trattament. L- antikorpi ma jidhrux li jwaqqfu lil din il-mediċina milli taħdem.
Jekk ikollok xi effett sekondarju, kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kunjett u l-kartuna wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen il-kunjett(i) bit-trab fi friġġ (2C – 8C) fil-kartuna/(iet) tiegħu/tagħhom sabiex tilqa’ mid-dawl. Tagħmlux fil-friża.
Il-kartuna(iet) li fihom SOMAVERT kunjett(i) bit-trab jistgħu jinħażnu f’temperatura tal-kamra li ma
taqbiżx il-25°C għal perjodu wieħed ta’ mhux aktar minn 30 ġurnata. Ikteb id-Data sa meta jrid jintuża fuq il-kartuna, inkluż il-jum/xahar/sena (sa 30 ġurnata mid-data li tneħħa/tneħħew mill-friġġ). Il- kunjett(i) irid(u) jiġu protetti mid-dawl. Terġax tpoġġi din il-mediċina fil-friġġ.
Armi l-mediċina jekk tkun għadha ma ntużatx sad-Data l-ġdida sa meta trid tintuża jew sad-data ta’ meta tiskadi li hemm stampata fuq il-kartuna, skont liema tiġi l-ewwel.
Aħżen is-siringa mimlija għal-lest taħt 30C jew aħżen fi friġġ (2ºC - 8ºC). Tiffriżax.
Wara li tipprepara s-soluzzjoni ta’ SOMAVERT, din trid tintuża immedjatament. Tużax din il-mediċina jekk tinnota li s-soluzzjoni tkun imdardra jew fiha l-frak.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi pegvisomant.
SOMAVERT 10 mg: Kunjett wieħed bit-trab fih 10 mg ta’ pegvisomant. Wara r-rikostituzzjoni b’1 ml ta’ solvent, 1 ml tas-soluzzjoni jkun fih 10 mg ta’ pegvisomant.
SOMAVERT 15 mg: Kunjett wieħed bit-trab fih 15 mg ta’ pegvisomant. Wara r-rikostituzzjoni b’1 ml ta’ solvent, 1 ml tas-soluzzjoni jkun fih 15 mg ta’ pegvisomant.
SOMAVERT 20 mg: Kunjett wieħed bit-trab fih 20 mg ta’ pegvisomant. Wara r-rikostituzzjoni b’1 ml ta’ solvent, 1 ml tas-soluzzjoni jkun fih 20 mg ta’ pegvisomant.
SOMAVERT 25 mg: Kunjett wieħed bit-trab fih 25 mg ta’ pegvisomant. Wara r-rikostituzzjoni
b’1 ml ta’ solvent, 1 ml tas-soluzzjoni jkun fih 25 mg ta’ pegvisomant.
SOMAVERT 30 mg: Kunjett wieħed bit-trab fih 30 mg ta’ pegvisomant. Wara r-rikostituzzjoni b’1 ml ta’ solvent, 1 ml tas-soluzzjoni jkun fih 30 mg ta’ pegvisomant.
Is-sustanzi l-oħra huma glycine, mannitol (E421), disodium phosphate anhydrous u sodium dihydrogen phosphate monohydrate (ara sezzjoni 2 “SOMAVERT” fih sodium”).
Is-solvent hu ilma għall-injezzjonijiet.
SOMAVERT huwa ppreżentat bħala trab u solvent għal injezzjoni (10 mg, 15 mg, 20 mg, 25 mg jew 30 mg pegvisomant ġo kunjett u 1 ml ta’ solvent f’siringa mimlija għal-lest). Il-pakketti fihom 1 u/jew
30. Jista’ jkun li mhux il-pakketti tad-daqsijiet kollha jkunu fis-suq.It-trab huwa abjad u s-solvent hu ċar u mingħajr kulur.
Detenturtal-Awtorizzazzjonigħat-Tqegħidfis-Suq:
Pfizer Europe MA EEIG Boulevard de la Plaine 17 1050 Bruxelles
Il-Belġju
Pfizer Manufacturing Belgium NV Rijksweg 12
2870 Puurs Il-Belġju
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq;
Pfizer S.A./N.V. Pfizer S.A.
Tél/Tel: +32 (0)2 554 62 11 Tél/Tel: +32 (0)2 554 62 11
Пфайзер Люксембург САРЛ, Клон България Pfizer Kft.
Тел.: +359 2 970 4333 Tel.: + 36 1 488 37 00
Pfizer, spol. s r.o. Vivian Corporation Ltd.
Tel: +420 283 004 111 Tel: +356 21344610
Pfizer ApS Pfizer bv
Tlf: +45 44 20 11 00 Tel: +31 (0)10 406 43 01
Pfizer Pharma GmbH Pfizer AS
Tel: +49 (0)30 550055 51000 Tlf: +47 67 52 61 00
Pfizer Luxembourg SARL Eesti filiaal Pfizer Corporation Austria Ges.m.b.H. Tel: +372 666 7500 Tel: +43 (0)1 521 15-0
PFIZER ΕΛΛΑΣ Α.Ε. Pfizer Polska Sp. z o.o.
Τηλ.: +30 210 6785800 Tel.: +48 22 335 61 00
Pfizer S.L. Laboratórios Pfizer, Lda.
Tel: +34 91 490 99 00 Tel: +351 21 423 5500
Pfizer Pfizer România S.R.L.
Tél: +33 (0)1 58 07 34 40 Tel: +40 (0)21 207 28 00
Pfizer Croatia d.o.o. Tel: + 385 1 3908 777
Pfizer Luxembourg SARL, Pfizer, podružnica za svetovanje s področja farmacevtske dejavnosti,
Ljubljana
Tel: + 386 (0)1 52 11 400
Pfizer Healthcare Ireland Pfizer Luxembourg SARL, organizačná zložka
Tel: 1 800 633 363 (toll free)
+44 (0)1304 616161
Tel: + 421 2 3355 5500
Icepharma hf Pfizer Oy
Simi: + 354 540 8000 Puh/Tel: +358 (0)9 43 00 40
Pfizer S.r.l. Pfizer AB
Tel: +39 06 33 18 21 Tel: +46 (0)8 55052000
PFIZER ΕΛΛΑΣ Α.Ε. (CYPRUS BRANCH) Pfizer Limited
Τηλ: +357 22 817690 Tel: +44 (0)1304 616161
Pfizer Luxembourg SARL filiāle Latvijā Tel: +371 6 70 35 775
Pfizer Luxembourg SARL filialas Lietuvoje Tel. +3705 2514000
. Hemm ukoll links għal siti elettroniċi oħra dwar mard rari u kura.
Trab ta’ SOMAVERT f’kunjett bis-solvent f’siringa mimlija għal-lest pegvisomant għal injezzjoni
Għal Injezzjoni Minn Taħt il-Ġilda Biss kunjett ta’ doża waħda
SOMAVERT jiġi f’kunjett bħala blokka bajda ta’ trab. Għandek tħallat SOMAVERT ma’ likwidu (dilwent) qabel ma tkun tista’ tużah.
Il-likwidu jiġi f’siringa mimlija għal-lest ittikkettjata ‘Solvent għal SOMAVERT’. Tużax kwalunkwe likwidu ieħor sabiex tħallat ma’ SOMAVERT.
Huwa importanti li ma tipprovax tagħti injezzjoni lilek innifsek jew lil xi ħadd ieħor sakemm ma tkunx irċevejt taħriġ mill-fornitur tal-kura tas-saħħa tiegħek.
Aħżen il-kartuna(iet) tal-kunjetti bit-trab fil-friġġ minn 2°C sa 8°C u ’l bogħod mid-dawl tax-xemx dirett. Il-kartuna(iet) li fihom SOMAVERT kunjett(i) bit-trab jistgħu jinħażnu f’temperatura tal-kamra li ma taqbiżx il-25°C għal perjodu wieħed ta’ mhux aktar minn 30 ġurnata. Ikteb id-Data sa meta jrid jintuża fuq il-kartuna, inkluż il-jum/xahar/sena (sa 30 ġurnata mid-data li tneħħa/tneħħew mill-friġġ). Il-kunjett(i) irid(u) jiġu protetti mid-dawl. Terġax tpoġġi din il-mediċina fil-friġġ.
Armi l-mediċina jekk tkun għadha ma ntużatx sad-Data l-ġdida sa meta trid tintuża jew sad-data ta’ meta tiskadi li hemm stampata fuq il-kartuna, skont liema tiġi l-ewwel.
Is-siringa(i) tas-solvent mimlija minn qabel tista' tinħażen f'temperatura tal-kamra. Żomm fejn ma jintlaħaqx mit-tfal.
Pakkett wieħed SOMAVERT li fih:
Kunjett ta’ trab SOMAVERT.
Siringa mimlija għal-lest bis-solvent.
Labra tas-sigurtà Ser ikollok bżonn ukoll:
Boċċa tat-tajjar.
Swab tal-alkoħol.
Kontenitur għal oġġetti li jaqtgħu.
għatu tal-kunjett
tapp tal-kunjett
(bit-tapp tal-kunjett imneħħi)
data tal-iskadenza
fetħa fit-tapp
kappa tas-siringa għatu ta’ protezzjoni tal-labra
bettija
għatu tal-labra
kullar tas-siringa
qabda
virga tal-planġer
Qabel tibda:
Ħallat SOMAVERT u s-solvent biss meta tkun lest biex tinjetta d-doża.
Ħu pakkett SOMAVERT wieħed mill-friġġ u ħallih joqgħod għat-temperatura tal-kamra b’mod naturali f’post sikur.
Aħsel idejk bis-sapun u l-ilma, u nixxifhom sew.
Iftaħ il-pakkett tas-siringa u l-labra tas-sigurtà sabiex tagħmilha aktar faċli li tiġbor kull oġġett hekk kif tippreparahom għall-injezzjoni tiegħek.
Tużax is-siringa jew il-kunjett jekk:
għandhom il-ħsara jew huma difettużi;
id-data tal-iskadenza għaddiet;
ġiet iffriżata, anke jekk issa inħallet (siringa biss).
3 Agħżelis-sittal-injezzjoni
Dirgħajn jew naħa ta’ isfel tad-daħar Dahar naħa ta’ fuq tad- dirgħajn.
(Fornitur tal-kura tas- saħħa jew min qiegħed jikkura biss)
Addome:
Żomm mill-anqas 2 pulzieri
(5 ċm) ‘il bogħod miż-
żokra.
Koxox
Agħżel post differenti ġo sit għal kull injezzjoni.
Evita siti bl-għadam jew siti li huma mbenġlin, ħomor, muġugħin jew ibsin, jew żoni li għandhom iċ-ċikatriċi hew kundizzjonijiet tal-ġilda.
Naddaf is-sit tal-injezzjoni bi swab bl-alkoħol kif qallek tagħmel il-fornitur tas-saħħa
tiegħek
Ħalli s-sit tal-injezzjoni jinxef.
4 Neħħi l-għatu tal-kunjett
Neħħi l-għatu mill-kunjett
Armi l-għatu; ma hemmx bżonnu aktar.
snap
Aqsam l-għatu tas-siringa. Jista’ jkun li tagħmel sforz aktar milli tistenna sabiex taqsmu.
Armi l-għatu tas-siringa; mhemmx bżonnu aktar.
Żomm is-siringa ’l fuq sabiex tevita t-tnixxija.
Waħħal il-labra tas-sigurtà
Dawwar il-labra tas-sigurtà sew fuq is-siringa kemm jista’ jkun.
Neħħil-għatutal-labra
Itwi l-għatu ta’ protezzjoni tal-labra biex ma jkunx fin-nofs tal-għatu tal-labra.
Iġbed l-għatu tal-labra b’attenzjoni minnufih.
Armi l-għatu tal-labra; ma hemmx bżonnu aktar.
Daħħal il-labra
Imbotta l-labra minn ġoċ-ċentru tat-tapp tal-kunjett, kif muri.
Żomm is-siringa waqt li l-labra qiegħda fit-tapp tal-kunjett sabiex ma titgħawwiġx il-labra
Żid il-likwidu
Mejjel kemm il-kunjett kif ukoll is-siringa f’angolu, kif muri.
Imbotta l-virga tal-planġer ’l isfel bil-mod sakemm il-likwidu kollu jitbattal fil-kunjett.
Il-mediċina ma tkunx tista’ tintuża bir-ragħwa.
Dawwar il-kunjett
Żomm kemm is-siringa kif ukoll il-kunjett b’id waħda, kif muri.
Dawwar il-likwidu bil-mod, żerżaq il-kunjett inti u ddawwar fuq wiċċ ċatt.
Kompli dawwar il-likwidu sakemm it-trab ikun inħall kollu.
Iċċekkja l-mediċina
Żomm il-labra fil-kunjett, ħares sew lejn il-mediċina. Għandha tkun ċara u ħielsa mill-frak.
Tużax jekk:
il-mediċina hija mċajpra jew imdardra;
il-mediċina għandha xi kulur;
hemm xi frak jew hemm saff ta’ ragħwa fil-kunjett.
Dawwar il-kunjett ħalli tkun tista’ tara l-fetħa fit-tapp, kif muri.
Iġbed il-labra ’l isfel ħalli l-ponta tal-labra tkun fl-aktar punt baxx fil-likwidu. Dan ser jgħinek tiġbed kemm jista’ jkun likwidu.
Iċċekkja li l-virga tal-planġer ma ċċaqalqitx – jekk iva, imbuttaha kollha kemm hi ġos- siringa. Dan jiżgura li l-arja kollha titneħħa mis-siringa qabel tiġbed id-doża.
Iġbed id-doża
Iġbed il-planġer lura bil-mod sabiex tiġbed kemm tista’ mediċina mill-kunjett.
Iġbed il-labra ’l barra mill-kunjett.
Daħħal il-labra
Oqros bil-mod il-ġilda fis-sit tal-injezzjoni.
Daħħal il-labra kollha fil-ġilda maqrusa.
Injetta l-mediċina
Imbotta l-virga tal-planġer ’l isfel bil-mod sakemm il-bettija tkun vojta.
Erħi l-ġilda maqrusa u iġbed il-labra dritt ’il barra.
Żomm il-labra sikura
Itwi l-għatu ta’ protezzjoni tal-labra fuq il-labra.
Agħmel pressjoni bil-mod bl-użu ta’ wiċċ iebes sabiex twaħħal l-għatu ta’ protezzjoni tal- labra f’postu.
Armi
Is-siringa u l-labra ma għandhom QATT jerġgħu jintużaw. Armi l-labra u s-siringa kif jgħidlek it-tabib, l-infermier jew l-ispiżjar tiegħek u skont il-liġijiet lokali u tas-saħħa u s- sigurtà.
Wara l-injezzjoni
Jekk hu meħtieġ, uża boċċa tat-tajjar nadifa u agħfas bil-mod fuq is-sit tal-injezzjoni.
Naddaf it-tapp tal-kunjett b’mesħa friska tal-alkoħol, u ħalliha tinxef kompletament. Jekk ma tistax tnaddaf it-tapp, tużax il-kunjett.
Tużahiex – anke jekk tidher tajba. Armi s-siringa bl-istess mod bħal siringa użata. Ser ikollok bżonn siringa ta’ sostituzzjoni.
Darba biss. Il-ġbid u d-dħul drastikament iżid ir-riskju ta’ ħsara lil-labra, u jxellef il-labra. Dan jista’ jikkawża skumdità u jżid ir-riskju ta’ ħsara lill-ġilda u infezzjoni. Hemm ukoll ir-riskju li tista’ titlef xi ftit mill-mediċina.
Le – qatt tħawwad il-kunjett. Meta tħawwad tista’ teqred il-mediċina u toħloq ir-ragħwa. It- trab jista’ jieħu ftit minuti sakemm jinħall kollu, allura kompli dawwar il-kunjett bil-ħlewwa sakemm il-likwidu huwa kompletament ċar.
Ir-ragħwa tidher bħal massa ta’ bżieżaq żgħar li jkunu fil-wiċċ bħala saff fil-wiċċ tal-likwidu.
Tinjettax SOMAVERT jekk ikun hemm ir-ragħwa.
Bżieżaq żgħar tal-arja huma aċċettabbli
Saff ta’ ragħwa mhuwiex aċċettabbli
Agħfas il-planġer bil-mod ħafna sabiex il-likwidu jinżel fuq ġewwa tal-kunjett bil-mod.
Tisprejjax il-likwidu direttament fuq it-trab, minħabba li dan joħloq ir-ragħwa. Din it-teknika tnaqqas ukoll il-ħin tat-tidwir u tippermetti li tinġibed aktar mediċina.
Bżieżaq żgħar tal-arja fil-likwidu huma normali u huma sikuri li jiġu injettati. Madankollu, huwa possibbli li bi żball tiġbed l-arja fis-siringa, li għandha titneħħa qabel l-injezzjoni. Bżieżaq jew arja maqbuda li jitilgħu fil-wiċċ tal-likwidu għandhom jiġu mbuttati ’l barra fil- kunjett.
Il-forma tal-kunjett tfisser li ammont żgħir ħafna tal-mediċina ser jibqa’ ġol-kunjett. Dan huma normali. Sabiex tiżgura li tibqa’ biss traċċa tal-mediċina, kun żgur li l-ponta tal-labra tkun kemm jista’ jkun ’l isfel fil-kunjett meta tiġbed id-doża tiegħek.
Il-mistoqsijiet kollha għandhom jiġu indirizzati minn tabib, infermer jew spiżjar li jkun familjari ma’ SOMAVERT.