Sileo
dexmedetomidine
ORIONCORPORATION
Orionintie 1
FI-02200 Espoo IL-FINLANDJA
Sileo 0.1 mg/ml ġell oromukożali għall-klieb dexmedetomidine hydrochloride
Dexmedetomidine hydrochloride 0.1 mg/ml
(ekwivalenti għal 0.09 mg/ml dexmedetomidine).
Ingredjenti oħra: Brilliant blue (E133) u tartrazine (E102). Sileo hu ġell oromukożali, trasluċidu u aħdar.
Għas-solliev ta' ansjetà akuta u biża' assoċjati mal-ħsejjes fil-klieb.
Il-kelb tiegħek m'għandux jingħata Sileo jekk:
ikollu mard sever tal-fwied, tal-kliewi jew tal-qalb.
ikollu sensittività eċċessiva għas-sustanza attiva jew għal kwalunkwe wieћed mill-eċċipjenti.
ikun bi ngħas minħabba mediċina li jkun ingħata qabel.
Sileo jista' jikkawża r-reazzjonijiet avversi li ġejjin. Reazzjonijiet komuni:
sfurija tal-membrani mukużi fis-sit tal-applikazzjoni
għeja (sedazzjoni)
rimettar
awrina bla kontroll.
Reazzjonijiet mhux komuni:
biża'/ansjetà
nefħa madwar l-għajnejn
ngħas
ippurgar maħlul.
Il-frekwenza ta’ effetti mhux mixtieqa hija definita skont din il-konvenzjoni:
komuni ħafna (iktar minn 1 minn kull 10 annimali ttrattati li juru effett(i) mhux mixtieq(a))
komuni (aktar minn wieħed iżda inqas minn 10 annimali f’100 annimal ittrattat)
mhux komuni (aktar minn wieħed iżda inqas minn10 annimali f’1,000 annimal ittrattat)
rari (aktar minn wieħed iżda inqas minn10 annimali f’10,000 annimal ittrattat)
rari ħafna (inqas minn annimal wieħed f’10,000 annimal ittrattat, inklużi rapporti iżolati).
Jekk tinnota xi effetti serji, anke dawk mhux imsemmija f’dan il-fuljett, jew taħseb li l-mediċina ma
ħadmitx, jekk jogħġbok informa lit-tabib veterinarju tiegħek.
Klieb
Ġell oromukożali.
Sileo jingħata fuq il-mukoża orali bejn ħaddejn il-kelb u l-ħanek.
Is-siringa orali ta' Sileo tforni l-prodott f'inkrementi żgħar (0.25 ml). Kull inkrement hu muri bħala tikka waħda fuq il-planġer. It-tabella tad-dożaġġ tipprovdi n-numru ta' tikek li jridu jingħataw, li jikkorrispondu għall -piż tal-ġisem tal-kelb.
It-tabella tad-dożaġġ li ġejja tipprovdi l-volum tad-doża (f'tikek) li jrid jingħata għall-piż tal-ġisem korrispondenti. Jekk id-doża għall-kelb tkun ta' iktar minn 6 tikek, nofs id-doża għandha tingħata fuq il-mukuża orali fuq naħa waħda tal-ħalq tal-kelb u n-nofs l-ieħor tad-doża fuq in-naħa l-oħra. Taqbiżx id-doża rakkomandata.
Piż tal-ġisem tal-kelb (kg) | Numru ta' tikek | |
2.0–5.5 | 1 | ● |
5.6–12 | 2 | ●● |
12.1–20 | 3 | ●●● |
20.1–29 | 4 | ●●●● |
29.1–39 | 5 | ●●●●● |
39.1–50 | 6 | ●●●●●● |
50.1–62.5 | 7 | ●●●●●●● |
62.6–75.5 | 8 | ●●●●●●●● |
75.6–89 | 9 | ●●●●●●●●● |
89.1–100 | 10 | ●●●●●●●●●● |
Id-dożaġġ għandu jsir minn persuna adulta. Ilbes ingwanti impermeabbli li jintremew wara li jintużaw meta timmaniġġja l-prodott mediċinali veterinarju.
L-ewwel doża għandha tingħata hekk kif il-kelb juri l-ewwel sinjali ta' ansjetà, jew meta s-sid josserva stimolu tipiku (eż. ħoss ta' murtali jew ragħad) li jikkawża ansjetà jew biża' fil-kelb rispettiv. Sinjali
tipiċi ta' ansjetà u biża' huma li l-kelb jilheġ, jirtgħod, jimxi (tibdil frekwenti tal-post, jiġri 'l hawn u 'l hemm, ma jkollox kwiet ġo ġismu), ifittex in-nies (jaqbad ma' persuna, jistaħba warajha, imissha b'saqajh, isegwiha), jistaħba (taħt l-għamara, fi kmamar mudlama), jipprova jaħrab, jiffriża (nuqqas ta' movimenti), jirrifjuta li jiekol, jagħmel l-awrina bl-addoċċ u fejn ġie ġie, jipporga bl-addoċċ u fejn ġie ġie, salivazzjoni, eċċ.
Jekk l-avveniment li jikkawża l-biża jkompli u l-kelb juri sinjali ta' ansjetà u biża’ għal darb'oħra, - id- dożaġġ mill-ġdid jista' jsir wara li jgħaddu sagħtejn mid-doża ta' qabel. Il-prodott jista' jingħata sa 5 darbiet matul kull avveniment.
Mhux applikabbli.
Żomm fejn ma jidhirx u ma jintlaħaqx mit-tfal.
Poġġi s-siringa orali f'postha immedjatament fil-kartuna ta’ barra wara kull użu biex tevita periklu għat- tfal kif ukoll sabiex tipproteġi mid-dawl.
L-għatu għandu jitpoġġa f'postu wara l-użu.
Tużax dan il-prodott mediċinali veterinarju wara d-data ta’ skadenza murija fuq it-tikketta tas-siringa orali u l-kartuna ta' barra wara “JIS”. Id-data ta’ skadenza tirreferi għall-aħħar jum tax-xahar.
Iż-żmien kemm idum tajjeb wara li tinfetaħ is-siringa orali għall-ewwel darba: 4 ġimgħat. Żid nota fuq
il-kartuna wara "Ladarba jinfetaħ uża sa..." biex tfakkrek meta jkunu għaddew l-4 ġimgħat.
Prekawzjonijiet speċjali għall-użu fl-annimali:
B'differenza mill-biċċa l-kbira ta' prodotti veterinarji orali oħrajn, dan il-prodott mhuwiex maħsub biex
jinbela'. Minflok, għandu jitpoġġa fuq il-mukuża bejn ħaddejn il-kelb u l-ħanek. Li titma lill-kelb jew tagħtih xi ikel ieħor biex tippremjah, fi żmien 15-il minuta wara l-għoti tal-ġell, għandu jiġi evitat. Jekk il-ġell oromukożali jinbela', dan se jsir inqas effettiv. F'każ li l-ġell jinbela' il-kelb jista' jingħata doża oħra jekk ikun meħtieġ, sagħtejn wara d-doża ta' qabel.
F'annimali estremament nervużi, eċċitati u aġitati, ir-rispons għall-mediċina jista' jitnaqqas.
Is-sigurtà tal-għoti ta' Sileo lil ġriewi li jkollhom inqas minn 16-il ġimgħa, u klieb li jkollhom iktar minn 17-il sena, ma ġietx studjata.
Prekawzjonijiet speċjali li għandhom jittieħdu mill-persuna li tamministra l-prodott mediċinali veterinarju lill-annimali:
F'każ li tibilgħu b’mod aċċidentali jew kuntatt mukożali fit-tul, fittex tabib mal-ewwel u qis li turih il-
fuljett ta' tagħrif jew it-tikketta. M'għandekx issuq, għax jistgħu jseħħu sedazzjoni u tibdil fil-pressjoni tad-demm.
Evita kuntatt mal-ġilda, mal-għajnejn jew kuntatt mukożali. Ilbes ingwanti impermeabbli li jintremew wara li jintużaw meta timmaniġġja l-prodott mediċinali veterinarju.
F'każ ta' kuntatt mal-ġilda, aħsel il-ġilda immedjatament b'ammonti kbar ta' ilma u neħħi ħwejjeġ ikkontaminati. F'każ ta' kuntatt mal-għajnejn jew kuntatt oromukożali, laħlaħ b'ammonti kbar ta' ilma nadif. Jekk is-sintomi jseħħu, fittex il-parir ta' tabib.
Nies li huma sensittivi għal dexmedetomidine jew għal kwalunkwe mill-eċċipjenti, għandhom jevitaw li jmissu mal-prodott mediċinali veterinarju.
Nisa tqal għandhom jevitaw kuntatt mal-prodott. Kontrazzjonijiet tal-utru u tnaqqis fil-pressjoni tad- demm tal-fetu jistgħu jseħħu wara esponiment sistemika għal dexmedetomidine.
Pariri lit-tobba:
Dexmedetomidine, l-ingredjent attiv ta' Sileo, hu agonist ta' alpha-2 adrenoceptor. Sintomi wara l- assorbiment jistgħu jinvolvu effetti kliniċi li jinkludu sedazzjoni dipendenti mid-doża, tnaqqis respiratorju, bradikardija, pressjoni baxxa, ħalq xott, u ipergliċemija. Arritmiji ventrikulari ġew irrappurtati wkoll. Billi l-effetti huma dipendenti fuq id-doża, huma aktar notevoli fi tfal żgħar milli fl- adulti. Sintomi respiratorji u emodinamiċi għandhom jiġu kkurati b'mod sintomatiku. L-antagonist ta' alpha-2 adrenoreceptor, atipamezole, li hu approvat għall-użu fl-annimali, intuża fil-bnedmin, iżda b'mod sperimentali biss biex jantagonizza l-effetti indotti minn dexmedetomidine.
Tqala u treddigħ:
Is-sigurtà tal-prodott mediċinali veterinarju ma ġietx stabbilita waqt it-tqala u fit-treddigħ fl-ispeċi li
fuqhom se jintuża l-prodott. Għalhekk, l-użu tal-prodott matul it-tqala u t-treddigħ mhuwiex rakkomandat.
Prodotti mediċinali oħra li ma jaqblux ma’ dan il-prodott u affarijiet oħra li jistgħu jibdlu l-effett farmaċewtiku tal-prodott:
Informa lit-tabib veterinarju tiegħek jekk il-kelb tiegħek ikun qed jieħu mediċini oħrajn.
L-użu ta' depressanti oħrajn tas-sistema nervuża ċentrali hu mistenni li jsaħħaħ l-effetti ta' dexmedetomidine u għalhekk għandu jsir aġġustament xieraq fid-doża mit-tabib veterinarju.
Doża eċċess iva (sint omi, proċeduri ta’ emer ġenza, antidoti):
Doża eċċessiva tista' tikkawża għeja eċċessiva. Jekk dan iseħħ, il-kelb għandu jinżamm sħun. Jekk isseħħ doża eċċessiva, ikkuntattja lil tabib veterinarju kemm jista' jkun malajr.
L-effetti ta' dexmedetomidine jistgħu jiġu eliminati bl-użu antidot speċifiku (mediċina li treġġa' lura).
Informazzjoni għat-tabib veterinarju:
Taqbiżx id-doża rakkomandata. Jistgħu jseħħu sinjali ta' sedazzjoni meta jingħata ammont akbar mid-
doża li suppost. Il-livell u t-tul tas-sedazzjoni jiddependi fuq id-doża. Jekk iseħħ sedazzjoni, il-kelb
għandu jinżamm sħun.
Jista' jiġi osservat tnaqqis fir-rata ta' taħbit tal-qalb wara l-għoti ta' dożi tal-ġell Sileo li jkunu aktar minn dawk rakkomandati. Il-pressjoni tad-demm tonqos ftit taħt il-livelli normali. Ir-rata ta' respirazzjoni tista' tonqos xi kultant. Dożi tal-ġell Sileo li jkunu ogħla minn dawk rakkomandati jistgħu jinduċu wkoll numru ta' effetti oħrajn medjati minn alpha-2 adrenoreceptor, li jinkludu midrijasi, tnaqqis fil-funzjonijiet tal-moviment u tas-sekrezzjoni tal-passaġġ gastrointestinali , imblokki temporanji tal-AV, dijuresi u ipergliċemija. Tnaqqis żgħir fit-temperatura tal-ġisem tista' tiġi osservata.
L-effetti ta' dexmedetomidine jistgħu jiġu eliminati bl-użu antidot speċifiku, atipamezole (antagonist ta' alpha-2 adrenoceptor) . F'każ ta' doża eċċessiva, id-doża adattata ta' atipamezole ikkalkulata f'mikrogrammi hi ta' 3 darbiet (3X) tad-doża mogħtija ta' dexmedetomidine hydrochloride fil-ġell Sileo. Id-doża ta' atipamezole (fil-konċentrazzjoni ta' 5 mg/ml) f'millilitri hi ta' 1/16 (1/16th) tal-volum tad-doża tal-ġell Sileo.
Staqsi lill-kirurgu veterinarju jew lill-ispiżjar tiegħek dwar kif l-aħjar li tarmi l-mediċini li ma jkunux aktar meħtieġa. Dawn il-miżuri għandhom jgħinu sabiex jipproteġu l-ambjent.
Informazzjoni dettaljata dwar dan il-prodott mediċinali veterinarju tinstab fuq il-websajt tal-Aġenzija Ewropea
Ilbes ingwanti impermeabbli li jintremew wara li jintużaw meta
timmaniġġja l-prodott mediċinali veterinarju u meta timmaniġġja s-siringa orali.
Żomm is-siringa orali b'tali mod li tkun tista' tara l-marki tat- tikek fuq il-planġer tas-siringa orali. Żomm il-planġer b'idek tax-
xellug.
Żomm il-planġer b'idek tax-xellug u iftaħ ir-ring-stop aħdar billi
ddawru lejk sakemm ikun jista' jiżżerżaq liberament.
Ċaqlaq ir-ring-stop lejn in-naħa opposta tal-planġer.
Żomm il-planġer b'idek il-leminija u sakkar ir-ring-stop billi
ddawru lil hinn minnek.
Żomm il-planġer b'idek il-leminija u iftaħ ir-ring-stop billi ddawru
lejk. Tiġbidx il-planġer!
Ċaqlaq ir-ring-stop lejn it-tarf l-ieħor tal-planġer biex tagħżel id-doża korretta skont ir-riċetta tal-veterinarju.
Poġġi r-ring-stop b'tali mod li n-naħa li tkun l-eqreb lejn il-bettija tkun
bi dritt il-marka tal-gradwazzjoni (sinja l iswed), u n-numru meħtieġ ta' tikek jidher bejn ir-ring-stop u l-bettija. Sakkar ir-ring-stop billi ddawru lil hinn minnek. Qabel id-dożaġġ, aċċerta ruħek li r-ring- stop ikun imsakkar.
Iġbed l-għatu bis-saħħa filwaqt li żżomm il-bettija. Nota l-għatu hu
ssikkat ħafna (iġbed, tilwix). Żomm l-għatu fejn issibu ħalli tkun tista' terġa tpoġġih f'postu.
Poġġi t-tarf tas-siringa orali bejn ħaddejn il-kelb u l-ħanek u agħfas il- planġer sakemm ir-ring-stop jikkawża li l-planġer jieqaf.
MHUX MIBLUGĦ
Erġa' poġġi l-għatu tas-siringa orali f'postu u poġġih lura fil-pakkett
ta' barra, għax il-prodott hu sensittiv għad-dawl. Aċċerta ruħek li l- kartuna tkun magħluqa kif suppost. Żomm il-pakkett fejn ma jidhirx u ma jintlaħaqx mit-tfal il-ħin kollu. Neħħi u armi l-ingwanti.
Daqsijiet tal-pakkett: pakkett wieħed b'1 siringa orali u pakketti multipli ta' 3 (3 pakketti ta' siringa orali waħda). Pakketti multipli ta' 5, 10 u 20 siringa orali huma disponibbli wkoll iżda huma intenzjonati biex jiġi pprovduti biss lil tobba veterinarji.
Mhux id-daqsijiet kollha tal-pakkett jistgħu qegħdin fis-suq.
Għal kull tagħrif dwar dan il-prodott mediċinali veterinarju, jekk jogħġbok ikkuntattja lir- rappreżentant lokali tad-detentur tal-awtorizzazzjoni għat-tqegħid fis-suq.
Orion Pharma AB, Animal Health Golfvägen 2
Box 85
SE-182 11 Danderyd
Tel: +46 8 623 64 40
Orion Pharma AS Animal Health
P.O. Box 4366 Nydalen
N-0402 Oslo
Tlf: +47 40 00 41 90
Orion Pharma Animal Health Ørestads Boulevard 73
DK-2300 København S Tlf: +45 86 14 00 00
ORION PHARMA Eläinlääkkeet PL 425, 20101 Turku
Puh: +358 10 4261
Orion Pharma Poland Sp. z o.o.
ul. Fabryczna 5A 00-446 Warszawa
Tel: +48 22 8333177
Orion Pharma Kft.
1139 Budapest, Pap Károly u. 4-6
Tel.: +36 1 886 3015
Tel: +420 227 027 263
821 08 Bratislava, SR
Tel: +421 250 221 215
Orion Pharma Romania srl
B-dul Tudor Vladimirescu nr 22 , Green Gate Building
Floor 5, office 518, Bucuresti, 050883
Tel: +40 31 845 1646
IRIS d.o.o.
1000 Ljubljana Cesta v Gorice 8
Tel: +386 1 200 66 50
LT-08234 Vilnius Tel: +370 5 276 9499
110 Reykjavík
Sími: 540 8080
Ecuphar bv
Verlengde Poolseweg 16
4818 CL Breda
Tel: +31 (0)88 003 38 00
8020 Oostkamp
Tel: +32 (0)50 31 42 69
Email : animal.health@ecuphar.be
Ecuphar SA
Legeweg 157-i 8020 Oostkamp Belgique
Tel: +32 (0)50 31 42 69
Email : animal.health@ecuphar.be
17489 Greifswald Deutschland
Tel: +49 (0)3834 83 584 0
Ecuphar Veterinaria S.L.U.
Avenida Río de Janeiro, 60-66, planta 13 08016 Barcelona
España
Tel: + 34 93 5955000
Ecuphar Italia S.r.l.
Viale Francesco Restelli, 3/7
20124 Milano Italia
Tel: + 39-0282950604
Sintra Business Park, Nº7, Edifício 1 -
Escritório 2K
Zona Industrial de Abrunheira 2710-089 Sintra
Tel: + 351 308808321
A - 4600 Wels
Tel.: +43 7242 490 0
Zoetis UK Limited
Tel: +44 (0) 845 300 8034
Orion Corporation
Orionintie 1
Espoo, FI-02200, Finland
Tel: + 358 10 4261
TVM France
57 rue des Bardines 63370 LEMPDES
France
Tel: + 33 (0)4 73 61 75 76
Zoetis Belgium S.A.
Tel: +353 (0) 1 256 9800