Kineret
anakinra
Anakinra
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju, kellem lit-tabib, jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Kineret u għalxiex jintuża
X’għandek tkun taf qabel ma tuża Kineret
Kif għandek tuża Kineret
Effetti sekondarji possibbli
Kif taħżen Kineret
Kontenut tal-pakkett u informazzjoni oħra
Kineret fih is-sustanza attiva anakinra. Din hija tip ta’ ċitokina (aġent immunosoppressiv) li jintuża għat-trattament ta’:
Artrite Rewmatojde (RA)
COVID-19 f’pazjenti li għandhom pnewmonja, jeħtieġu ossiġnu supplimentari u li huma f’riskju ta’ insuffiċjenza tal-pulmun
Sindromi perjodiċi bid-deni:
Sindromi Perjodiċi Assoċjati ma’ Cryopyrin (CAPS)
Il-Marda ta’ Infjammazzjoni Multisistemika li tibda mit-Twelid (NOMID), magħruf ukoll bħala s-Sindromu Kroniku, Infantili, Newroloġiku, tal-Ġilda u Artikulari (CINCA),
Is-Sindromu ta’ Muckle-Wells (MWS),
Is-Sindromu Awtoinfjammatorju tal-Kesħa Familjali (FCAS)
Deni Familjali tal-Mediterran (FMF - Familial Mediterranean Fever)
Il-marda ta’ Still inklużi Artrite Idjopatika Sistemika fil-minorenni (SJIA - Systemic Juvenile Idiopathic Arthritis) u l-Marda ta’ Still li Toħroġ fl-Adulti (AOSD - Adult-Onset Still’s Disease)
Iċ-ċitokini huma proteini li jagħmilhom ġismek u li jikkoordinaw il-komunikazzjoni bejn iċ-ċelluli u jgħinu fil-kontroll tal-attività taċ-ċelluli. F’RA, CAPS, FMF, il-marda ta’ Still, u f’pnewmonja kkawżata minn COVID-19, ġismek jipproduċi ammont żejjed ta’ ċitokina partikolari li jisimha interleukin-1. Dan jirriżulta f’effetti ħżiena li jwasslu għal infjammazzjoni, li tikkawża s-sintomi tal- marda. Normalment, ġismek jipproduċi proteina li timblokka l-effetti ħżiena ta’ interleukin-1. Is- sustanza attiva ta’ Kineret hija anakinra, din taħdem bl-istess mod bħall-proteina naturali tiegħek li timblokka interleukin-1. Anakinra tiġi magħmula minn teknoloġija tad-DNA bl-użu tal-mikro- organiżmu E. coli.
Għal RA, Kineret jintuża sabiex jittratta s-sinjali u s-sintomi tal-marda fl-adulti (ta’ aktar minn 18-il
sena) flimkien ma’ mediċina oħra li jisimha methotrexate. Kineret għandu jintuża f’pazjenti li
r-rispons tagħhom għal methotrexate mhuwiex tajjeb biżżejjed biex jikkontrolla l-artrite rewmatojde.
Għal COVID-19, Kineret jintuża biex jittratta l-iperinfjammazzjoni (aktar f’saħħitha mill- infjammazzjoni tas-soltu) assoċjata mal-marda fl-adulti (ta’ aktar minn 18-il sena) li għandhom pnewmonja, jeħtieġu ossiġnu supplimentari biex jgħinhom jieħdu n-nifs (ossiġnu bi fluss baxx jew għoli) u huma f’riskju ta’ insuffiċjenza tal-pulmun.
Għal CAPS, Kineret jintuża sabiex jittratta s-sinjali u s-sintomi ta’ infjammazzjoni assoċjata mal- marda bħal raxx, uġigħ fil-ġogi, deni, uġigħ ta’ ras u għeja fl-adulti u t-tfal (ta’ aktar minn 8 xhur).
Għal FMF, Kineret jintuża biex jittratta s-sinjali u s-sintomi ta’ infjammazzjoni assoċjati mal-marda bħal deni rikorrenti, għeja, uġigħ addominali, uġigħ fil-muskoli jew fil-ġogi u raxx. Kineret jista’ jintuża flimkien ma’ colchicine, jekk xieraq.
Għall-marda ta’ Still, Kineret jintuża biex jittratta s-sinjali u s-sintomi ta’ infjammazzjoni assoċjati
mal-marda bħal raxx, uġigħ fil-ġogi u deni.
jekk inti allerġiku għal anakinra jew għal xi sustanza oħra ta’ din il-mediċina (imniżżla
fis-sezzjoni 6);
jekk inti allerġiku/a għal prodotti oħra li huma magħmula b’teknoloġija tad-DNA bl-użu tal-mikroorganiżmu E. coli;
jekk għandek newtropenja (għadd baxx ta’ ċelluli bojod tad-demm) li tiġi stabbilita wara test
tad-demm.
jekk jitlagħlek raxx ma’ ġismek kollu, ikollok qtugħ ta’ nifs, tħarħir, polz mgħaġġel jew ixoqq l-għaraq għalik wara l-injezzjoni ta’ Kineret. Dawn jistgħu jkunu sinjali li int allerġiku għal Kineret;
jekk qatt żviluppajt raxx atipiku u mifrux jew tqaxxir tal-ġilda wara li tieħu Kineret.
Kellem lit-tabib tiegħek qabel tuża Kineret:
jekk għandek passat ta’ infezzjonijiet rikorrenti, jew jekk tbati mill-ażma. Kineret jista’ jaggrava
dawn il-kundizzjonijiet;
jekk għandek kanċer. It-tabib tiegħek ikollu jiddeċiedi jekk tistax tingħata Kineret xorta waħda;
jekk għandek storja ta’ żieda fil-livelli ta’ enzimi fil-fwied;
jekk teħtieġ tilqim. M’għandekx tingħata tilqim ħaj waqt li qed tiġi ttrattat b’Kineret.
Il-marda ta’ Still
Il-pazjenti bil-marda ta’ Still jistgħu jiżviluppaw kundizzjoni msejħa sindrome ta’ attivazzjoni tal-makrofaġi (MAS - macrophage activation syndrome), li tista’ tkun ta’ periklu għall-ħajja. Ir- riskju li tiżviluppa MAS jiżdied jekk għandek infezzjoni jew jekk is-sintomi tal-marda ta’ Still tiegħek ma jkunux ikkontrollati tajjeb. Is-sintomi ta’ MAS jistgħu jkunu, pereżempju, deni qawwi li jippersisti, nefħa fil-glandoli limfatiċi, u raxx persistenti. Jekk tiżviluppa sinjali ta’ infezzjoni jew aggravar tas-sintomi tal-marda ta’ Still, għandek tikkuntattja lill-fornitur tal-kura tas-saħħa tiegħek malajr kemm jista’ jkun.
F’każijiet rari, pazjenti bil-marda ta’ Still, l-aktar tfal, jistgħu jiżviluppaw mard tal-pulmun, anki waqt it-trattament b’Kineret. Ir-riskju jista’ jiżdied f’pazjenti bis-sindrome ta’ Down
(trisomija 21). Sintomi ta’ mard tal-pulmun jistgħu jkunu eż., qtugħ ta’ nifs waqt eżerċizzju ħafif, sogħla filgħodu, u diffikultajiet biex tieħu n-nifs. Jekk tiżviluppa sinjali ta’ mard tal- pulmun għandek tikkuntattja lill-fornitur tal-kura tas-saħħa tiegħek malajr kemm jista’ jkun.
Ir-reazzjoni serja tal-ġilda, DRESS (reazzjoni għall-mediċina b’esinofilja u sintomi sistemiċi), rarament ġiet irrapportata b’rabta ma’ trattament b’Kineret, b’mod predominanti f’pazjenti b’artrite idjopatika ġuvenili sistemika (SJIA). Fittex attenzjoni medika minnufih jekk tinnota raxx atipiku u mifrux, li jista’ jseħħ flimkien ma’ temperatura għolja tal-ġisem u nodi limfatiċi minfuħin.
RA: L-użu ta’ Kineret fit-tfal u fl-adolexxenti bl-Artrite Rewmatojde ma kienx investigat b’mod
sħiħ, u għalhekk mhuwiex rakkomandat.
COVID-19: L-użu ta’ Kineret fit-tfal u fl-adolexxenti bil-COVID-19 ma kienx investigat, u
għalhekk ma jistax jiġi rakkomandat.
CAPS, FMF, u l-marda ta’ Still: Kineret mhuwiex rakkomandat għal tfal iżgħar minn 8 xhur minħabba li ma hemm ebda data f’dan il-grupp ta’ età.
Għid lit-tabib tiegħek jekk qed tieħu, ħadt dan l-aħħar jew tista’ tieħu xi mediċini oħra.
Mediċini msejħin inibituri tal-fattur tan-nekrożi tat-tumur (TNF-α), bħal etanercept, ma għandhomx jintużaw ma’ Kineret minħabba li dan jista’ jżid ir-riskju ta’ infezzjonijiet.
Meta tibda tieħu Kineret l-infjammazzjoni kronika f’ġismek tonqos. Dan jista' jfisser li d-dożi ta’ xi mediċini oħra, eż warfarin jew phenytoin, jista' jkollhom bżonn jiġu aġġustati.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib tiegħek qabel tieħu din il-mediċina.
Kineret ma ġiex ittestjat f’nisa tqal. L-użu ta’ Kineret mhuwiex rakkomandat matul it-tqala u f’nisa li huma f’età li jista’ jkollhom it-tfal li ma jkunux qed jużaw kontraċezzjoni. Huwa importanti li tgħid lit-tabib tiegħek jekk inti tqila, taħseb li tista tkun tqila jew qed tippjana li jkollok tarbija. It-tabib tiegħek se jiddiskuti miegħek ir-riskji potenzjali li tieħu Kineret waqt it-tqala.
Mhuwiex magħruf jekk anakinra jiġix eliminat fil-ħalib tal-bniedem. M’għandek tredda’ jekk qed tuża
Kineret.
Din il-mediċina fiha anqas minn 1 mmol sodium (23 mg) f’kull doża ta’ 100 mg, jiġifieri essenzjalment ‘ħieles mis-sodium’.
Dejjem għandek tuża din il-mediċina skont il-parir eżatt tat-tabib tiegħek. Iċċekkja mat-tabib jew mal- ispiżjar tiegħek jekk ikollok xi dubju. Kineret irid jingħata permezz ta’ injezzjoni taħt il-ġilda darba kuljum. Għandek tipprova tieħu l-injezzjoni fl-istess ħin kuljum.
Id-doża rakkomandata hija jew ta’ 20 sa 90 mg jew ta’ 100 mg. It-tabib tiegħek ser jgħidlek id-doża li għandek bżonn jew jekk għandekx bżonn ta’ doża ogħla minn 100 mg.
COVID-19: Id-doża rakkomandata hija ta’ 100 mg injettati taħt il-ġilda tiegħek kuljum għal 10 ijiem.
It-tabib tiegħek jista’ jiddeċiedi li jkun aktar konvenjenti għalik jekk tinjetta lilek innifsek b’Kineret. It-tabib jew l-infermiera tiegħek ser juruk kif tagħmel dan. Tippruvax tinjetta lilek innifsek jekk ma tkunx ġejt imħarreġ tagħmel hekk.
Għal aktar istruzzjonijiet dwar kif tinjetta lilek innifsek jew lit-tifel/tifla tiegħek b’Kineret, jekk jogħġbok aqra s-sezzjoni “Struzzjonijiet għall-preparazzjoni u l-għoti ta’ injezzjoni ta’ Kinerat” fi tmiem dan il-fuljett ta’ tagħrif.
M’għandux ikollok problemi serji jekk bi żball tieħu aktar Kineret milli għandek bżonn. Madankollu, jekk jiġri dan, għandek tikkuntattja lit-tabib, lill-infermiera jew lill-ispiżjar tiegħek. Jekk tħossok b’xi mod ma tiflaħx, għandek tikkuntattja lill-infermiera jew lit-tabib tiegħek immedjatament.
Jekk tkun insejt tieħu doża ta’ Kineret, kellem lit-tabib tiegħek biex tiddiskutu meta għandek tieħu
d-doża li jmiss.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
L-effetti sekondarji possibbli huma simili irrispettivament jekk tkunx qed tirċievi trattament b’Kineret
għal RA, CAPS, FMF, il-marda ta’ Still jew il-COVID-19.
Jekk xi wieħed minn dawn iseħħ, għid lit-tabib tiegħek immedjatament:
Nefħa tal-wiċċ, ilsien jew gerżuma
Problemi biex tibla’ jew biex tieħu n-nifs
F’daqqa waħda tħoss polz mgħaġġel jew tixxarrab bl-għaraq
Ħakk fil-ġilda jew raxx
Ħmura, nefħa, tbenġil jew ħakk fis-sit tal-injezzjoni. Dawn l-effetti ġeneralment ikunu minn ħfief sa moderati u huma iktar komuni fil-bidu tat-trattament tiegħek.
Uġigħ ta’ ras.
Żieda fil-livelli totali ta’ kolesterol fid-demm.
Newtropenija (għadd baxx ta’ ċelluli bojod tad-demm) li tiġi stabbilita wara test tad-demm. Din tista’ żżid ir-riskju li tieħu xi infezzjoni. Sintomi ta’ infezzjoni jistgħu jinkludu deni jew uġigħ fil-griżmejn.
Infezzjonijiet serji bħal pnewmonja (infezzjoni fis-sider) jew infezzjonijiet tal-ġilda.
Tromboċitopenja (livell baxx ta’ plejtlits fid-demm).
Reazzjonijiet allerġiċi serji li jinkludu nefħa tal- wiċċ, tal-ilsien jew tal-gerżuma, problemi biex tibla’ jew biex tieħu n-nifs, tħoss polz mgħaġġel jew għaraq u ħakk jew raxx tal-ġilda għal għarrieda.
Żidiet fil-livelli ta’ enzimi fil-fwied li jiġu stabbiliti wara test tad-demm
mid-data disponibbli):
Sinjali ta’ disturbi fil-fwied bħal sfurija tal-ġilda u l-għajnejn, dardir, telf ta’ aptit, awrina skura u ippurgar ta’ kulur ċar.
Jekk ikollok xi effett sekondarju, kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq it-tikketta u l-kartuna wara EXP. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen fi friġġ (2 °C sa 8 °C). Tagħmlux fil-friża. Żommu fil-pakkett oriġinali sabiex tilqa’ mid-dawl.
Tużax Kineret jekk taħseb li jkun ġie ffriżat. Ladarba siringa tkun tneħħiet mill-friġġ u tkun laħqet it-temperatura tal-kamra (mhux aktar minn 25 °C) għandha tintuża fi żmien 72 siegħa jew tintrema. Terġax tpoġġiha fil-friġġ jekk tkun inħażnet f’temperatura tal-kamra.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif
għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi anakinra. Kull siringa gradwata mimlija għal-lest fiha 100 mg ta’ anakinra.
Is-sustanzi mhux attivi l-oħra huma aċidu ċitriku anidru, sodium chloride, disodium edetate
dihydrate, polysorbate 80, sodium hydroxide u ilma għall-injezzjonijiet.
Kineret hu soluzzjoni għall-injezzjoni ċara, mingħajr kulur sa bajda, u pprovduta ġo siringa mimlija għal-lest lesta għall-użu. Jista’ jkun fiha xi frak ta’ proteini trasluċidi sa bojod. Il-preżenza ta’ dan
il-frak ma jaffettwax il-kwalità tal-prodott.
Pakketti ta’ siringa waħda, 7 jew 28 siringa (pakkett multiplu li fih 4 pakketti ta’ 7 siringi mimlijin
għal-lest) mimlijin għal-lest.
Jista’ jkun li mhux il-pakketti tad-daqsijiet kollha jkunu fis-suq.
Swedish Orphan Biovitrum AB (publ) SE-112 76 Stockholm
L-Isvezja
--------------------------------------------------------------------------------------------------------------------------
Din il-parti tal-fuljett tinkludi tagħrif dwar kif tagħti injezzjoni b’Kineret lilek innifsek jew lit- tifel/tifla tiegħek. Importanti li ma tippruvax tagħti l-injezzjoni lilek innifsek jew lit-tifel/tifla tiegħek jekk ma tkunx irċevejt taħriġ speċjali minn tabib, infermiera jew ispiżjar. Jekk għandek xi mistoqsijiet dwar kif tinjetta, jekk jogħġbok staqsi lit-tabib, lill-infermiera jew lill-ispiżjar
għall-għajnuna.
Ser ikollok bżonn tagħti injezzjoni lilek innifsek jew lit-tifel/tifla tiegħek fl-istess ħin kuljum. Kineret jingħata bħala injezzjoni eżatt taħt il-ġilda. Din tissejjaħ injezzjoni subkutaneja.
Protezzjoni mil-labra (għatu) Labra
Bettija tas-siringa
Planġer tal-Virga
Biex tagħti injezzjoni taħt il-ġilda lilek innifsek jew lit-tifel/tifla tiegħek teħtieġ:
siringa mimlija għal-lest b’Kineret
tajjar bl-alkoħol jew oġġett simili u
garża jew karta assorbenti sterili
Oħroġ s-siringa mimlija għal-lest b’Kineret mill-friġġ.
Iċċaqlaqx bil-qawwi s-siringa mimlija għal-lest.
Iċċekkja d-data ta’ skadenza fuq it-tikketta tas-siringa mimlija għal-lest (EXP:). Tużax jekk
id-data tkun qabżet l-aħħar ġurnata tax-xahar muri.
Iċċekkja d-dehra ta’ Kineret. Din għandha tkun likwidu ċar u mingħajr kulur sa abjad. Jista’ jkun hemm xi frak ta’ proteini trasluċidi sa bojod fis-soluzzjoni. Il-preżenza ta’ dan il-frak ma taffettwax il-kwalità tal-prodott. Is-soluzzjoni m’għandhiex tintuża jekk jkollha tibdil fil-kulur jew jekk tkun imċajpra, jew jekk jkun hemm frak li ma jkunx frak transluċidu sa abjad.
Għal injezzjoni aktar komda, ħalliha toqgħod fit-temperatura tal-kamra għal bejn wieħed u ieħor 30 minuta jew żomm is-siringa mimlija għal-lest delikatament f’idejk għal ftit minuti.
Sib post komdu, imdawwal sew, b’wiċċ nadif, u poġġi dak kollu li għandek bżonn fejn tista’ tilħqu.
Kun ċert li taf liema doża ta’ Kineret it-tabib tiegħek ordnalek; 20 sa 90 mg, 100 mg jew ogħla.
Jekk it-tabib tiegħek ordnalek doża ta’ 100 mg għandek tmur għas-sezzjoni “Kif
Jekk it-tabib tiegħek ordnalek doża aktar baxxa għandek tmur għas-sezzjoni “Kif
Kif tipprepara doża ta’ 100 mg?
Qabel ma tinjetta Kineret trid tagħmel dan li ġej:
Żomm il-bettija tas-siringa u ċaqlaq bil-mod l-għatu minn mal-labra mingħajr ma ddawwar. Iġbed dritt kif muri f’Figura A. Tmissx il-labra u timbuttax
il-planġer. Armi l-għatu tal-labra minnufih.
Jista’ jkun li tinnota bużżieqa żgħira tal-arja
ġos-siringa mimlija għal-lest. M’hemmx bżonn tneħħi
l-bużżieqa tal-arja qabel ma tinjetta. Li tinjetta
l-likwidu bil-bużżieqa tal-arja, mhuwiex ta’ ħsara.
Protezzjoni mil-labra (għatu) Labra
Issa tista’ tuża s-siringa mimlija għal-lest kif deskritt fis-sezzjoni “Fejn għandek tagħti
Kif tipprepara doża ta’ 20 sa 90 mg
Qabel ma tinjetta Kineret trid tagħmel dan li ġej:
Żomm il-bettija tas-siringa u neħħi l-għatu bil-mod minn mal-labra mingħajr ma ddawwar. Iġbed dritt kif muri f’Figura A. Tmissx il-labra u timbuttax il-planġer. Armi l- għatu tal-labra minnufih.
Għandek tippożizzjona s-siringa f'id waħda bil-labra tipponta dritt ’il fuq kif muri fil-Figura B. Poġġi sebgħek il-kbir fuq il-planġer u mbotta bil-mod sakemm tara qatra żgħira ta’ likwidu fil-ponta tal-labra.
Dawwar is-siringa sabiex issa l-labra tkun qed tipponta ’l isfel. Poġġi garża jew karta assorbenti sterili fuq wiċċ ċatt u żomm is-siringa fuqha bil-labra tipponta lejn il- garża jew il-karta assorbenti, kif muri fil-Figura C. Kun ċert li l-labra ma tmissx il-garża jew il-karta assorbenti.
Poġġi sebgħek il-kbir fuq il-planġer u mbotta bil-mod sakemm il-parti ta’ quddiem tal-planġer tkun laħqet il- marka tal-iskala tad-doża tiegħek ta’ Kineret. (It-tabib tiegħek se jkun qallek liema doża għandek bżonn tuża.) Il-likwidu li joħroġ se jiġi assorbit mill-garża jew mill- karta assorbenti kif muri fil-Figura C.
Jekk ma tkunx tista' tissettja d-doża korretta, armi s-siringa u uża waħda ġdida.
Issa tista’ tuża s-siringa mimlija għal-lest kif deskritt fis-sezzjoni “Fejn għandek tagħti
Fejn għandek tagħti l-injezzjoni lilek innifsek?
L-aħjar postijiet fejn tinjetta lilek innifsek jew lit-tifel/tifla tiegħek huma (Ara Figura D):
l-addome (minbarra l-parti ta’ madwar iż-żokkra)
in-naħa ta’ fuq tal-koxox
il-partijiet tan-naħa ta’ fuq ta’ barra tal-warrani; u
il-parti ta’ barra ta’ dirgħajk
Biddel il-post tal-injezzjoni kull darba sabiex ma jkollokx uġigħ fil-post tal-injezzjoni. Jekk xi ħadd ieħor ikun qed jinjettak, jista’ wkoll juża n-naħa ta’ wara tad-driegħ.
Kif tagħti l-injezzjoni?
Iddisinfetta l-ġilda billi tuża l-biċċa bl-alkoħol u oqros il-ġilda bejn sebgħek il-kbir u sebgħek
il-werrej, mingħajr ma tagħfas.
Daħħal il-labra għal kollox fil-ġilda kif urewk l-infermiera jew it-tabib tiegħek.
Injetta l-likwidu bil-mod u bl-istess ritmu, filwaqt li dejjem iżżomm il-ġilda maqrusa bħal fil-
Figura E
Wara li tinjetta l-likwidu, neħħi l-labra u itlaq il-ġilda.
Kwalunkwe mediċina li ma tintużax għandha tintrema. Uża kull siringa għal injezzjoni waħda biss. Terġax tuża siringa peress li dan jista' tikkawża injezzjoni.
Jekk għandek xi problemi, jekk jogħġbok tibżax issaqsi lit-tabib jew lill-infermiera tiegħek għal għajnuna jew parir.
Rimi ta’ siringi użati u provvisti
Terġax tqiegħed l-għatu fuq labar użati.
Żomm siringi użati ’l bogħod fejn ma jistgħux jintlaħqu jew jidhru mit-tfal.
Qatt tqiegħed is-siringi mimlija għal-lest li tkun użajt flimkien mal-iskart domestiku tiegħek.
Jekk kellek doża aktar baxxa minn 100 mg se tkun ingħatajt parir biex toħroġ il-likwidu minn ġos-siringa għal fuq garża jew karta assorbenti. Wara l-injezzjoni tiegħek armi l-garża jew il- karta assorbenti mxarrba flimkien mas-siringa tiegħek u naddaf is-superfiċje b’karta assorbenti ġdida.
Is-siringa mimlija għal-lest użata u xi garżi jew karti assorbenti bis-soluzzjoni ta’ Kineret għandhom jintremew kif jitolbu l-liġijiet lokali. Staqsi lill-ispiżjar dwar kif għandek tarmi mediċini li m’għandekx bżonn. Dawn il-miżuri jgħinu għal protezzjoni ta’ l-ambjent.