Vaċċin ikkonjugat (adsorbit) għal difterite, tetnu, pertussi (komponent aċellulari), epatite B (rDNA), poljomelite (inattivat) u Haemophilus influenzae tip b
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew l-infermier tiegħek.
Jekk it-tifel/tifla ikollhom xi effetti sekondarji, kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.
1. X’inhu Hexyon u għalxiex jintuża
2. X’għandek tkun taf qabel mat-tifel/tifla tiegħek jingħata Hexyon
3. Kif għandek tuża Hexyon
Effetti sekondarji possibbli
Kif taħżen Hexyon
6. Kontenut tal-pakkett u informazzjoni oħra
Hexyon (DTaP-IPV-HB-Hib) huwa vaċċin li jintuża biex jipproteġi kontra mard infettiv.
Hexyon jgħin biex jipproteġi kontra d-difterite, it-tetnu, il-pertussi, l-epatite B, il-poljomelite u mard serju kkawżat minn Haemophilus influenzae tip b. Hexyon jingħata lit-tfal minn 6 ġimgħat..
Il-vaċċin jaġixxi billi jġiegħel lill-ġisem jipproduċi protezzjoni għalih innifsu (antikorpi) kontra l-batterja u l-virusis li jikkaġunaw dawn l-infezzjonijiet differenti:
Id-difterite hija marda infettiva li ġeneralment taffettwa l-griżmejn. Fil-griżmejn, l-infezzjoni tikkaġuna uġigħ u nefħa li tista’ twassal għal soffokazzjoni. Il-batterju li jikkaġuna l-marda jagħmel ukoll tossina (velenu) li tista’ tagħmel ħsara l-qalb, il-kliewi u n-nervituri.
Tetnu (xi kultant jissejjaħ xedaq maqful) huwa normalment ikkawżat mill-batterju tat-tetnu li jidħol f’ferita fonda. Il-batterju jagħmel tossina (velenu) li tikkaġuna spażmi muskolari, li jwasslu biex ma tkunx tista’ tieħu nifs sew u bil-possibilità ta’ soffokazzjoni.
Pertussi (ħafna drabi msejħa sogħla konvulsiva) hija marda infettiva ħafna, li taffettwa il-passaġġi tan-nifs. Tikkawza sogħla severa li tista’ twassal għal problemi sabiex tiegħu n-nifs. Is- sogħla ta’ spiss għandha ħoss ta’ “tqaħqiħ”. Is-sogħla tista’ ddum minn xahar għal xahrejn jew izjed. Is-sogħla konvulsiva tista’ anke tikkawza infezzjonijiet fil-widna, infezzjonijiet fis-sider (bronkite) li jistgħu jdumu żmien twil, infezzjonijiet fil-pulmun (pulmonite), konvulzjonijiet, ħsara fil-moħħ u anke mewt.
Epatite B hija kkawżata mill-virus tal-epatite B. Hija ġġiegħel il-fwied jintefaħ (infjammazjoni). Fi ftit nies, il-virus jista’ joqgħod fil-ġisem għal żmien twil, u jista’ eventwalment iwassal għal problemi serji fil-fwied, inkluż il-kanċer tal-fwied.
Poljomelite (spiss imsejħa poljo) hija kkawżata minn virusis li jaffettwaw in-nervituri. Din tista’ twassal għal paraliżi jew dgħufija fil-muskoli ġeneralment l-aktar dawk milquta jkunu tar-riġlejn. Paraliżi tal-muskoli li jikkontrollaw in-nifs u meta tibla’ tista’ tkun fatali.
Infezzjonijiet ta’ Haemophilus influenzae ta’ tip b (ta’ spiss msejħa Hib) huma infezzjonijiet batteriċi serji li jistgħu jikkawżaw meninġite (infjammazzjoni tal-kopertura ta’ fuq barra tal-moħħ), li tista’ twassal għal ħsara fil-moħħ, truxija, epilessija, u għama parzjali. L-infezzjoni tista’ anke tikkawża infjammazzjoni u nefħa tal-griżmejn, li twassal għal diffikultajiet biex tibla’ u tieħu n-nifs. L-infezzjoni tista’ taffettwa partijiet oħra tal-ġisem bħad-demm, pulmuni, ġilda, għadam u l-ġogi.
Hexyon jgħin biss biex jipprevjeni dawn il-mardiet jekk dawn huma kkawżati mill-batterji jew viruses li għalihom huma mmirati mill-vaċċin. It-tifel/tifla tiegħek tista’ tieħu mard b’sintomi simili jekk dawn huma kkawżati minn batterji oħra jew viruses.
Il-vaċċin ma fihx batterji jew virusis ħajjin u ma jistax jikkawża xi mard infettiv li minnu qed jiġi protett.
Dan il-vaċċin ma jipproteġix kontra infezzjonijiet ikkawżati minn tipi oħra ta’ Haemophilus influenzae u lanqas kontra l-meninġite kkawżati minn mikro-organiżmi oħra.
Hexyon mhux ser jipproteġi kontra l-infezzjoni ta’ epatite kkawżata minn aġenti oħrajn bħal epatite A, epatite Ċ, u l-epatite E.
Minħabba li s-sintomi ta’ epatite B jieħdu zmien twil sabiex jizviluppaw, huwa possibbli għall- infezzjoni b’epatite B li ma ntgħarfitx li tkun preżenti waqt il-ħin tat-tilqim. Il-vaċċin jista’ ma jipprevjenix l-infezzjoni ta’ epatite B f’każijiet bħal dawn.
Bħal kull vaċċin, Hexyon jista' ma jipproteġix 100 % tat -tfal li jirċievu l-vaċċin.
Biex tkun żgur li Hexyon hux adattat għat-tifel/tifla tiegħek, huwa importanti li tkellem lit-tabib jew
l-infermier tiegħek jekk xi wieħed mill-punti hawn taħt japplikaw għat-tarbija tiegħek. Jekk hemm xi ħaġa li ma tifhimx, staqsi lit-tabib, lill-ispiżjar, jew lill-infermier biex jispjegaw.
kellu disturbi respiratorji jew nefħa tal-wiċċ (reazzjoni anafilattiku) wara l-amministrazzjoni ta’
Hexyon.
kellhom reazzjoni allerġika
għas-sustanzi attivi,
għal xi sustanza mhux attiva elenkata f’sezzjoni 6,
għal glutaraldehyde, formaldehyde, neomycin, streptomycin jew polymyxin B peress li dawn is-sustanzi jintuzaw fil-proċess tal-manifattura.
wara amministrazzjoni preċedenti ta’Hexyon jew tilqim oħra li fihom difterja, tetnu, pertussi, poliomieliti, epatite B, jew Hib.
kellhom reazzjoni severa li taffetwa il-moħħ (enċefalopatija) fi żmien 7 ijiem minn doża preċedenti ta’ tilqima għal pertussi (pertussi aċellulari jew ċellula sħiħa).
għandhom kondizzjoni mhix ikkontrollata jew mard sever li jaffettwa l-moħħ (disturb newroloġiku mhux ikkontrollat), jew epilessija mhix ikkontrollata.
Kellem lit-tabib, lill-ispiżjar jew lill-infermier qabel it-tilqima jekk it-tifel/tifla tiegħek:
għandu deni moderat jew għoli jew mard akut (e.ż. deni, uġigħ fil-griżmejn, sogħla, riħ, jew influenza). It-tilqim b’Hexyon għandu mnejn ikun irid jistenna sakemm it-tifel/tifla tiegħek ikunu aħjar.
kellu xi wieħed mill-każijiet li ġejjin wara li ttieħed xi vaccine ta’ pertussi, id-deċiżjoni li jingħataw dożi addizzjonali tal-vaċċin ta’ pertussi għandu jiġi kkunsidrat b’attenzjoni:
deni ta’ 40°C jew aktar fi żmien 48 siegħa mit-tilqima li ma jkunx dovut għal xi ħaġa oħra identifikabbli.
kollass jew stat bħal f’xokk b’episodju ipotoniku-iporisponsiv (tnaqqis fl-enerġija) fi żmien 48 siegħa mit-tilqima.
biki persistenti, li ma jistax jiġi kkonslat li jdum għal 3 sigħat jew aktar, li jseħħ fi żmien 48 siegħa mill-vaċċinazzjoni;
aċċessjonijiet (fits) bi jew mingħajr deni, li jseħħu fi żmien 3 ijiem mit-tilqima.
kellhom qabel is-sindromu ta’ Guillain-Barré (infjamazzjoni temporanju tan-nervituri, paraliżi, u diżordni fis-sensitivita) jew newrite brakjali (uġigħ kbir u tnaqqis fil-mobilita tad-driegħ u l-ispalla) wara li ngħata il-vaċċin li ngħata li jkun fih it-tossojdi ta’ tetnu (forma mhux attivat tat-tossina tat- tetnu). F’dan il-każ id-deċiżjoni li jingħata vaċċin ieħor li jkun fih it-tossojdi tat-tetnu għandu jiġi valutat mit-tabib tiegħek.
qegħdin jieħdu trattament li jrażżan id-difiża tas-sistema immuni tagħhom (id-difiża naturali tal- ġisem)jew għandhom xi mard ieħor li jasal għad-djufija tas-sistema immuni. F’dawn il-każijiet ir- rispons immuni għall-vaċċin jista’ jitnaqqas. Huwa is-soltu rakkomandat li wieħed jistenna sal- aħħar tat-trattament jew tal-marda qabel tingħata t-tilqima. Minkejja dan, tfal li għandhom problemi fis-sistema immuni tagħhom bħal infezzjoni ta’ HIV (AIDS) jistgħu xorta jingħataw Hexyon, iżda
il-protezzjoni jista ma jkunx daqs dak li jkun fit-tfal li għandhom sistema immuni b’saħħtu.
ibatu minn marda akuta jew kronika inkluż insuffiċjenza jew falliment tal-kliewi (inabbilita’ tal- kliewi biex jaħdmu sew).
isofru minn marda mhux dijanjonizzata tal-moħħ jew epilessija li mhix ikkontrollata. It-tabib tiegħek ser jevalwa l-benefiċċju potenzjali offrut mit-tilqim.
għandhom xi problema bid-demm li jikkawża tbenġil faċilment jew emorraġija għal żmien twil wara qatgħat żgħar.It-tabib tiegħek ser jagħtik parir jekk it-tifel/tifla tiegħek għandhomx jieħdu Hexyon.
Wieħed jista’ jkollu ħass ħażin wara, kif ukoll qabel, kwalunkwe injezzjoni li tinvolvi labra. Għalhekk, għid lit-tabib jew lin-ners tiegħek li t-tifel/tifla tiegħek kellu/ha ħass ħażin b’injezzjoni preċedenti.
Għid lit-tabib jew infermier tiegħek jekk it-tifel/tifla tiegħek humiex jieħdu, ħadux dan l-aħħar, jew jistgħu jieħu xi mediċini jew vaċċini oħra.
Hexyon jista’ jingħata fl-istess ħin ma’ vaċċini oħra bħal vaċċini pnewmokokkali, vaċċini tal-ħosba,
gattone, rubella, vaċċini ta’ varicella, vaċċini ta’ rotavirus, jew vaċċini meningokokkali. Meta jingħata fl-istess ħin ma’ vaċċini oħra, Hexyon jingħata f’siti differenti .
Hexyon fih 85 mikrogramma phenylalanine f’kull doża ta’ 0.5 ml. Phenylalanine jista’ jagħmel il-ħsara jekk għandek phenylketonuria (PKU), disturb ġenetiku rari fejn ikun hemm akkumulazzjoni ta’ phenylalanine minħabba li l-ġisem ma jkunx jista’ jneħħieh b’mod xieraq.
Hexyon fih inqas minn mmol 1 ta’ potassium (39 mg) u inqas minn mmol 1 ta’ sodium (23 mg) f’kull doża, jiġifieri tista’ tgħid essenzjalment “mingħajr potassium” u “mingħajr sodium”.
Hexyon tingħata lit-tifel/tifla tiegħek minn tabib jew infermier li huma mħarrġa fl-użu ta’ vaċċini u li huma mgħammra biex jittrattaw ma’ kull reazzjoni allerġika severa mhux komuni għall-injezzjoni (ara sezzjoni 4 ‘Effetti sekondarji possibbli).
Hexyon jingħata bħala injezzjoni ġo muskolu (rotta intramuskolari IM) fil-parti ta’ fuq tar-riġel
tat-tifel/tifla tiegħek jew driegħ. Il-vaċċin qatt ma jingħata ġo vina jew arterja jew fi jew taħt il-ġilda. Id-doża rakkomandata hija kif ġej:
L-ewwelkorsta’tilqim(l-ewweltilqima)
It-tifel/ tifla tiegħek se jingħata/tingħata jew żewġ injezzjonijiet mogħtija f'intervall ta ' xahrejn, jew tliet
injezzjonijiet jingħataw f'intervall ta' xahar jew tnejn (mill-inqas erba' ġimgħat bogħod minn xulxin). Dan il-vaċċin għandu jintuża skont il-programm lokali ta’ tilqim.
Injezzjonijietaddizzjonali(buster)
Wara l-ewwel kors ta injezzjonijiet, it-tifel/tifla tiegħek jirċievu doża buster b’mod konformi mar- rakkomandazzjonijiet lokali, tal-anqas 6 xhur wara l-aħħar doża ta l-ewwel kors. It-tabib tiegħek ser
jgħidlek meta din id-doża għandha tingħata.
Jekk it-tifel/tifla tiegħek ma j/tieħux injezzjoni skedata, huwa importanti li titkellem mat-tabib jew infermier tiegħek li ser jiddeċiedu meta jingħata d-doża maqbuża.
Huwa importanti li issegwi l-istruzzjonijiet tat-tabib jew infermier sabiex it-tifel/tifla tiegħek itemmu l-
ewwel kors ta injezzjonijiet. Jekk le, it-tifel/tifla tiegħek għandhom mnejn ma jkunux protetti b’mod sħiħ kontra l-mard.
Jekk għandek aktar mistoqsijiet dwar l-użu ta’ dan il-vaċċin, staqsi lit-tabib, lill-ispiżjar, jew lill-infermier, tiegħek.
Bħal kull mediċina oħra,dan il-vaċċin jista’ jikkawża effetti sekondarji, għalkemm ma jidhrux f’kulħadd.
Jekk xi wieħed minn dawn is-sintomi jseħħu wara li tħalli l-post fejn it-tifel/tifla tiegħek rċevew l-injezzjoni tiegħu jew tagħha, inti għandek tikkonsulta lit-tabib IMMEDJATAMENT:
diffikultà biex tieħu n-nifs
l-ilsien jew ix-xofftejn jsiru blu
raxx
nefħa fil-wiċċ jew fil-griżmejn
Telqa f’daqqa u serja mal waqgħa fil-pressjoni tad-demm li tikawża sturdament u telf tas-sensi, rata tal-qalb mgħaġġla assoċjat ma 'disturbi respiratorji
Meta dawn is-sinjali jew sintomi (sinjali jew sintomi ta ' reazzjoni anafilattika) jseħħu dawn normalment jiżviluppaw malajr wara li tingħata l-injezzjoni u waqt li l-wild ikun għadu fil-klinika jew kirurġija tat- tabib.
Reazzjonijiet allerġiċi serji huma possibiltà rari (jistgħu jaffettwaw minn perusna 1 minn kull 1,000) wara it-teħid ta’ din it tilqima.
Jekk it-tifel/tifla tiegħek tesperjenza xi wieħed mill-effetti sekondarji li ġejjin, jekk jogħġbok għid lit- tabib, lill-infermier, jew lill-ispiżjar.
Effetti sekondarji komuni ħafna (jistgħu jaffettwaw aktar minn persuna 1 minn kull 10 persuni) huma:
nuqqas t’aptit (anoressja)
biki
ngħas
rimettar
uġigħ fis-sit tal-injezzjoni, ħmura jew nefħa fis-sit tal-injezzjoni
irritabilità
deni (temperatura ta’ 38°C jew ogħla)
Effetti sekondarji komuni (jistgħu jaffettwaw sa persuna 1 minn kull 10) huma:
biki mhux normali (biki fit-tul)
dijarea
ebusija fis-sit tal-injezzjoni (indurazzjoni)
Effetti sekondarji mhux komuni (jistgħu jaffettwaw sa persuna 1 f’100 persuna) huma:
reazzjoni allerġika
għoqda fis-sit tal-injezzjoni,
deni (temperatura ta’ 39.6°C jew ogħla)
Effetti sekondarji rari (jistgħu jaffettwaw sa persuna 1 f’1,000) huma:
raxx
reazzjonijiet kbar fis-sit tal-injezzjoni (akbar minn 5 ċm), li jinkludu nefħa f’parti estensiva mis-sit tal-injezzjoni lil hinn minn ġog wieħed jew tnejn. Dawn ir-reazzjonijiet jibdew fi
żmien 24-72 siegħa wara t-tilqima, jistgħu jkunu assoċjati ma’ ħmura, sħana, tenerezza jew
uġigħ fis-sit ta’ injezzjoni, u jgħaddu għall-aħjar fi żmien 3-5 ijiem mingħajr il-ħtieġa għal trattament.
aċċessjonijiet (konvulżjonijiet) bi jew mingħajr deni.
Effetti sekondarji rari ħafna (jistgħu jaffettwaw sa persuna 1 minn kull 10,000 ruħ) huma:
episodji meta t-tifel jew tifla tiegħek tmur fi stat bħal f’xokk jew isir/issir pallida, tintelaq u ma tirrispondix għal perjodu ta’ żmien (reazzjonijiet ipotoniċi jew episodji ipotoniċi iporesponsivi - HHE hypotonic-hyporesponsive episodes).
Effetti sekondarji oħra mhux elenkati hawn fuq kienu rrappurtati xi drabi b’vaċċini oħra li fihom difterja, tetnu, pertussis, poliomyelitis, epatite B, jew Hib u mhux direttament bi Hexyon :
Infjammazzjoni temorpanju tan-nervituri li jikkawża uġigħ, paraliżi u diżordni tas-sensittività (Is- sindromu ta’ Guillain-Barré), u uġigħ mifrux fid-driegħ u l-ispalla (newrite brakjali) kienu rrappurtati wara l-għoti ta’ vaċċin li fih it-tetnu
Infjammmazzjoni ta’ diversi nervi li jikawżaw disturbi sensorji jew dgħjufija fir-riġlejn (poliradikulonewrite), paraliżi tal-wiċċ, disturbi fil-vista, il-vista titbaxxa jew tmur f’daqqa (newrite ottika), mard infjammattorju tal-moħħ u tas-sinsla (dimijelinazzjoni tas-sistema nervuża ċentrali, sklerożi multipla) kienu rrappurtati wara l-għoti tal-vaċċin li fih l-antiġen ta’ epatite B.
Nefħa jew infjammazzjoni tal-moħħ (enċefalopatija/enċefalite).
Fi trabi mwielda b’mod prematur ħafna (fi jew qabel 28 ġimgħa ta’ tqala) jista’ jkun li n-nifsijiet ikunu ta’ perjodu itwal minn normal u dan iseħħ għal 2 - 3 ijiem wara t-tilqima.
Nefħa ta’ waħda jew żewġ saqajn u r-riġlejn t'isfel li jistgħu jseħħu ma’ kulur blu tal-ġilda (ċjanożi), ħmura, żoni żgħar ta 'fsada taħt il-ġilda (purpura temporanja) u biki sever wara vaċċinazzjoni ma’ vaċċini li fihom Haemophilus influenzae tip b. Jekk iseħħ din ir-reazzjoni, huwa prinċipalment wara l-ewwel injezzjonijiet u fl-ewwel ftit sigħat wara, it-tilqim. Is-sintomi kollha jisparixxu għal kollox fi żmien 24 siegħa mingħajr ħtieġa ta’ kura.
Jekk it-tifel/tifla ikollhom xi effetti sekondarji, kellem lit-tabib, lill-ispiżjar, jew lill-infermier tiegħek. Dan jinkludi xi effetti sekondarji possibbli li m’humiex imsemmijin f’dan il-fuljett. Tista ukoll tirraporta effetti sekondarji direttament billi tuża is-sistema nazzjonali ta’ raportaġġ li tinstab f’ Appendiċi V. Billi tirraporta effetti sekondarji inti tista’ tgħin biex tipprovdi aktar informazzjoni fuq is-sigurta ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax dan il-vaċċin wara d-data ta’ skadenza li tidher fuq il-kartuna u t-tikketta wara JIS. Id-data ta’ skadenza tirreferi għall-aħħar ġurnata ta’ dak ix-xahar.
Aħżen fi friġġ (2°C - 8°C). Tagħmlux fil-friża.
Żomm il-vaċċin fil-kartuna ta’ barra sabiex tilqagħlu mid-dawl.
M’għandekx tarmi kwalunkwe mediċina fl-ilma tad-dranaġġ jew mal-iskart domestiku. Staqsi lill-ispiżjar dwar kif għandek tarmi mediċini li m’għadhomx jintużaw.Dawn il-miżuri ser jgħinu għall-protezzjoni
tal-ambjent.
Doża waħda1 (0.5 ml) fiha:
Tossojdi tad-Difterite mhux inqas minn 20 IU2
Tossojdi tat-Tetnu mhux inqas minn 40 IU2,3
Antiġen ta’ Bordetella pertussis
Tossojdi ta’ Pertussi 25 mikrogramma
Emaglutinin Filamentuż 25 mikrogramma Poljovirus (Inattivat)4
Tip 1 (Mahoney) 40 D unità t’antiġen5
Tip 2 (MEF-1) 8 D unitajiet t’antiġen5
Tip 3 (Saukett) 32 D unità t’antiġen5
Antiġen superfiċjali ta’ Epatite B6 10 mikrogrammi
Haemophilus influenzae polysaccharide tip b 12 il mikrogramma (Polyribosylribitol Phosphate)
konjugat għal proteina tat-Tetnu 22-36 mikrogramma
Assorbit fuq aluminium hydroxide, idrat (0.6 mg Al3+)
Uniti Internazzjonali
Jew attività ewkivalenti determinata minn evalwazzjoni tal-immunoġeniċità
Prodott fuq ċelluli ta’ Vero
Kwantità antiġenika ekwivalenti ġol-vaċċin
Prodott fiċ-ċelluli tal-ħmira Hansenula polymorpha bit-teknoloġija rikombinanti ta’ DNA
Is-sustanzi l-oħra huma:
Disodium hydrogen phosphate, potassium dihydrogen phosphate, trometamol, sakkarosju, aċidi amminiċi essenzjali li jinkludu L-phenylalanine, sodium hydroxide u/jew acetic acid u/jew hydrochloric acid (għall- aġġustament tal-pH), u ilma għall-injezzjonijiet.
Il-vaċċin jista 'jkun fiha traċċi ta' glutaraldehyde, formaldehyde, neomycin, streptomycin, u polymyxin B
Hexyon jiġi bħala suspensjoni għall-injezzjoni f’siringa mimlija bil-lest (0.5 ml).
Hexyon huwa disponibbli f’pakkett li fih 1, 10 jew 50 siringi mimlija lesti mingħajr labra mwaħħla. Hexyon huwa disponibbli f’pakkett li fih 1 jew 10 siringi mimlija lesti b’labra 1 separata.
Hexyon huwa disponibbli f’pakkett li fih 1 jew 10 siringi mimlija lesti b’2 labriet separati.
Hexyon huwa disponibbli fil multiplu b'5 kartuni , kull wieħed ikun fih 10 siringi mimlijin għal-lest mingħajr labra mwaħħla .
Jista’ jkun li mhux il-pakketti tad-daqsijiet kollha jkunu għal skop kummerċjali. Wara li tħawwad, l-apparenza normali tal-vaċċin hu suspensjoni bajdanija imdardra. Detentur tal-Awtorizzazzjoni għat-Tqegħid fis-Suq u l-Manifattur
Detenturtal-Awtorizzazzjoni:
Sanofi Pasteur Europe, 14 Espace Henry Vallée, 69007 Lyon, Franza
Manifattur:
Sanofi Pasteur SA, 1541 avenue Marcel Mérieux, 69280 Marcy l’Etoile, Franza
Sanofi Pasteur SA, Parc Industriel d’Incarville, 27100 Val de Reuil, Franza
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur għat-Tqegħid fis-Suq
België/ Belgique /Belgien Sanofi Belgium Tel: +32 2 710.54.00 | Lietuva Swixx Biopharma UAB Tel: +370 5 236 91 40 |
България Swixx Biopharma EOOD Teл.: +359 (0)2 4942 480 | Luxembourg/Luxemburg Sanofi Belgium Tel: +32 2 710.54.00 |
Česká republika sanofi-aventis, s.r.o. Tel: +420 233 086 111 | Magyarország SANOFI-AVENTIS Zrt Tel: +36 1 505 0055 |
Danmark Sanofi A/S Tel: +45 4516 7000 | Malta Sanofi S.r.l. Tel: +39 02 39394 983 |
Deutschland Sanofi-Aventis Deutschland GmbH Tel: 0800 54 54 010 Tel. aus dem Ausland: +49 69 305 21 130 | Nederland Genzyme Europe B.V. Tel: +31 20 245 4000 |
Eesti Swixx Biopharma OÜ Tel: +372 640 10 30 | Norge Sanofi-aventis Norge AS Tel: + 47 67 10 71 00 |
Ελλάδα ΒΙΑΝΕΞ Α.Ε. Τηλ: +30.210.8009111 | Österreich Sanofi-Aventis GmbH Tel: +43 (1) 80185-0 |
España sanofi-aventis, S.A. Tel: +34 93 485 94 00 | Polska Sanofi Pasteur Sp. z o. o. Tel: +48 22 280 00 00 |
France Sanofi Pasteur Europe Tel: 0800 42 43 46 Appel depuis l’étranger : +33 1 57 63 67 97 | Portugal Sanofi – Produtos Farmacêuticos, Lda. Tel: + 351 21 35 89 400 |
Hrvatska Swixx Biopharma d.o.o. Tel: +385 1 2078 500 | România Sanofi Romania SRL Tel: +40 21 317 31 36 |
Ireland sanofi-aventis Ireland T/A SANOFI Tel: + 353 (0) 1 4035 600 | Slovenija Swixx Biopharma d.o.o Tel: +386 235 51 00 |
Ísland Vistor Tel: +354 535 7000 | Slovenská republika Swixx Biopharma s.r.o. Tel: +421 2 208 33 600 |
Italia Sanofi S.r.l. Tel: 800536389 Tel dall'estero: +39 02 39394983 | Suomi/Finland Sanofi Oy Tel: +358 (0) 201 200 300 |
Κύπρος C.A. Papaellinas Ltd. Τηλ.: +357 22 741741 | Sverige Sanofi AB Tel: +46 8-634 50 00 |
Latvija Swixx Biopharma SIA Tel: +371 6 6164 750 | United Kingdom (Northern Ireland) sanofi-aventis Ireland Ltd. T/A SANOFI Tel: +44 (0) 800 035 2525 |
-----------------------------------------------------------------------------------------------------------------------------
Għal siringi mingħajr labar mehmuża, il-labra għandha titwaħħal sew mas-siringa, billi ddawarha tidwira ta’ kwart.
Ħawwad is-siringa mimlija għal-lest biex il-kontenut isir omoġenju.
Hexyon m’għandux jitħallat ma’ prodotti mediċinali oħrajn.
Hexyon għandu jingħata ġol-muskoli. Is-siti ta’ injezzjoni rrakkomandati huma l-aspett antero- laterali tal-koxxa ta’ fuq (is-sit ippreferit) jew il-muskoli tad-deltojde fi tfal akbar. (possibilment minn 15-xhur)
Ir-rotot intradermali jew ġol-vini m’għandhomx jintużaw. Tagħtix bħala injezzjoni intravaskulari: kun ċert li l-labra ma tippenetrax vina jew arterja.