Sivextro
tedizolid phosphate
tedizolid phosphate
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Sivextro u għalxiex jintuża
X’għandek tkun taf qabel ma tieħu Sivextro
Kif għandek tieħu Sivextro
Effetti sekondarji possibbli
Kif taħżen Sivextro
Kontenut tal-pakkett u informazzjoni oħra
Sivextro huwa antibijotiku li fih is-sustanza attiva tedizolid phosphate. Huwa jifforma parti minn grupp ta’ mediċini msejħa “oxazolidinones”.
Huwa jintuża biex jittratta adulti u adolexxenti li għandhom 12-il sena u aktar b’infezzjonijiet fil-ġilda u fit-tessuti ta’ taħt il-ġilda.
Huwa aħdem billi jwaqqaf it-tkabbir ta’ ċerti batterji li jistgħu jikkawżaw infezzjonijiet serji.
jekk inti allerġiku għal tedizolid phosphate jew għal xi sustanza oħra ta’ din il-mediċina (imniżżla fis-sezzjoni 6).
It-tabib tiegħek ser ikun iddeċieda jekk Sivextro huwiex xieraq biex jittratta l-infezzjoni tiegħek.
Kellem lit-tabib jew lill-infermier tiegħek qabel tieħu Sivextro jekk xi waħda mill-kundizzjonijiet li ġejjin japplikaw għalik:
qed tbati minn dijarea, jew batejt minn dijarea waqt (jew sa xahrejn wara) li kont qed tieħu antibijotiċi fil-passat.
inti allerġiku/a għal mediċini oħrajn li jagħmlu parti mill-grupp “oxazolidinones” (eż. linezolid, cycloserine).
għandek storja ta’ ħruġ ta’ demm jew titbenġel faċilment (li jistgħu jkunu sinjal ta’ numru baxx
ta’ plejtlits, iċ-ċelluli żgħar involuti fit-tagħqid tad-demm tiegħek).
għandek problemi fil-kliewi.
qed tieħu ċerti mediċini għat-trattament tad-depressjoni, magħrufin bħala triċikliċi, SSRIs (inibituri selettivi tat-teħid mill-ġdid ta’ serotonin) jew MAOIs (inibituri ta’ monoamine oxidase). Ara Mediċini oħra u Sivextro għal eżempji.
qed tieħu ċerti mediċini użati għat-trattament tal-emigranja magħrufin bħala “triptans” Ara
Mediċini oħra u Sivextro għal eżempji.
Staqsi lit-tabib jew lill-ispiżjar tiegħek jekk m’intix ċert jekk intix tieħu xi waħda minn dawn il- mediċini.
Dijarea
Ikkuntattja lit-tabib tiegħek minnufih jekk tbati minn dijarea waqt jew wara t-trattament tiegħek. Tiħux xi mediċini biex tittratta d-dijarea tiegħek mingħajr ma l-ewwel tiċċekkja mat-tabib tiegħek.
Reżistenzagħall-antibijotiċi
Maż-żmien il-batterji jistgħu jsiru reżistenti għat-trattament b’antibijotiċi. Dan huwa meta l-antibijotiċi ma jistgħux iwaqqfu t-tkabbir tal-batterji u jittrattaw l-infezzjoni tiegħek. It-tabib tiegħek se jiddeċiedi jekk għandekx tingħata Sivextro biex tittratta l-infezzjoni tiegħek.
Effetti sekondarji possibbli
Ċerti effetti sekondarji ġew osservati b’Sivextro jew membru ieħor tal-klassi ta’ oxazolidinone meta jingħata fuq perjodu li jaqbeż dak rakkomandat għal Sivextro. Għid lit-tabib tiegħek minnufih jekk tbati minn xi wieħed minn dawn waqt li tkun qed tieħu Sivextro:
għadd baxx ta’ ċelluli tad-demm bojod
anemija (għadd baxx ta’ ċelluli tad-demm ħomor)
joħroġ id-demm jew titbenġel faċilment
telf ta’ sensittività f’idejk jew f’saqajk (bħal titrix, tingiż/tnemnim, jew uġigħ qawwi)
xi problemi fil-vista tiegħek bħal vista mċajpra, tibdil fil-mod kif tara l-kuluri, diffikultà biex tara d-dettall jew jekk il-kamp viżiv tiegħek isir ristrett.
Din il-mediċina ma għandhiex tintuża fi tfal ta’ taħt it-12-il sena minħabba li għadha ma ġietx studjata biżżejjed f’din il-popolazzjoni.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra. Huwa speċjalment importanti li tgħid lit-tabib tiegħek jekk qed tieħu wkoll:
amitriptyline, citalopram, clomipramine, dosulepin, doxepin, fluoxetine, fluvoxamine, imipramine, isocarboxazid, lofepramine, moclobemide, paroxetine, phenelzine, selegiline u sertraline (użati għat-trattament tad-depressjoni)
sumatriptan, zolmitriptan (użati għat-trattament tal-emigranja)
imatinib, lapatinib (jintużaw għat-trattament tal-kanċer)
methotrexate (jintuża għat-trattament tal-kanċer, artrite rewmatojde jew psorjasi)
sulfasalazine (jintuża għat-trattament ta’ mard infjammatorju fil-musrana)
topotecan (jintuża għat-trattament tal-kanċer)
statins bħal pitavastatin, rosuvastatin (jintużaw biex ibaxxu l-kolesterol fid-demm) Sivextro jista’ jinterferixxi mal-effetti ta’ dawn il-mediċini. It-tabib tiegħek se jispjegalek aktar.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Mhux magħruf jekk Sivextro jgħaddix fil-ħalib tas-sider tal-bniedem. Staqsi lit-tabib tiegħek għal parir qabel ma tredda’ lit-tarbija tiegħek.
M’għandekx issuq jew tħaddem magni jekk tħossok stordut/a jew għajjien/a wara li tieħu din il- mediċina.
Dejjem għandek tieħu din il-mediċina skont il-parir eżatt tat-tabib jew l-ispiżjar tiegħek. Iċċekkja mat- tabib jew mal-ispiżjar tiegħek jekk ikollok xi dubju.
Id-doża rakkomandata hija pillola waħda ta’ 200 mg darba kuljum għal 6 ijiem. Il-pilloli jinbelgħu sħaħ u jistgħu jittieħdu kemm mal-ikel jew xorb kif ukoll mingħajr ikel jew xorb.
Kellem tabib jekk ma tħossokx aħjar, jew jekk tmur għall-agħar wara 6 ijiem.
Ikkuntattja lit-tabib, lill-ispiżjar jew lid-dipartiment tal-emerġenza tal-eqreb sptar malajr kemm jista’ jkun jekk tieħu aktar pilloli milli suppost tieħu, u ħu l-mediċina tiegħek miegħek.
Jekk tinsa tieħu l-mediċina tiegħek, ħu d-doża malajr kemm jista’ jkun fi kwalunkwe ħin sa 8 sigħat qabel id-doża skedata li jkun imiss. Jekk ikun fadal inqas minn 8 sigħat qabel id-doża li jmiss, allura
stenna d-doża skedata li jmiss. M’għandekx tieħu doża doppja biex tpatti għal kull doża li tkun insejt
tieħu. Jekk ikollok xi dubju, ikkuntattja lill-ispiżjar għal parir.
Għandek tieħu s-6 pilloli kollha biex ittemm il-kors ta’ trattament tiegħek, anki jekk tkun qbiżt doża.
Jekk tieqaf tieħu Sivextro mingħajr il-parir tat-tabib tiegħek, is-sintomi tiegħek jistgħu jaggravaw. Kellem lit-tabib jew lill-ispiżjar tiegħek qabel tieqaf tieħu l-mediċina tiegħek.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Effetti sekondarji komuni (jistgħu jaffettwaw sa persuna 1 minn kull 10)
Nawsja
Rimettar
Uġigħ ta’ ras
Ħakk madwar il-ġisem kollu
Għeja
Sturdament
Effetti sekondarji mhux komuni (jistgħu jaffettwaw sa persuna 1 minn kull 100)
Infezzjonijiet fungali tal-ġilda, il-ħalq u l-vaġina (traxx orali/vaġinali)
Ħakk (inkluż ħakk minħabba reazzjoni allerġika), telf ta’ xagħar, akne, raxx jew ħorriqija ħamra u/jew bil-ħakk, jew tegħreq b’mod eċċessiv
Tnaqqis jew telf ta’ sensittività tal-ġilda, sensazzjoni ta’ tnemnim/tingiż fil-ġilda
Fwawar ta’ sħana jew ħmura fil-wiċċ, l-għonq jew fil-parti ta’ fuq tas-sider
Axxess (boċċa minfuħa, mimlija bil-materja)
Infezzjoni, infjammazzjoni jew ħakk fil-vaġina
Ansjetà, irritabbiltà, tregħid jew tertir
Infezzjoni fil-passaġġ respiratorju (sinus, griżmejn u sider)
Nixfa fl-imnieħer, konġestjoni fis-sider, sogħla
Ngħas, mod ta’ rqad mhux normali, diffikultà biex torqod, inkubi (ħolm mhux pjaċevoli/tad-
dwejjaq)
Ħalq xott, stitikezza, indiġestjoni, uġigħ/skumdità fiż-żaqq (addome), tqalligħ, skossi mingħajr rimettar, demm aħmar qawwi fl-ippurgar
Marda ta’ rifluss tal-aċidu (ħruq ta’ stonku, uġigħ jew diffikultà biex tibla’), gass
Uġigħ fil-ġogi, spażmi fil-muskoli, uġigħ fid-dahar, uġigħ fl-għonq, uġigħ/skumdità fid- dirgħajn/riġlejn, tnaqqis fil-forza tal-qabda
Vista mċajpra, "floaters" (forom żgħar għaddejjin fil-kamp viżiv)
Nodi limfatiċi minfuħin jew imkabbra
Reazzjoni allerġika
Deidratazzjoni
Kontroll ħażin tad-dijabete
Sens anormali tat-togħma
Taħbit tal-qalb bil-mod
Deni
Nefħa fl-għekiesi u/jew is-saqajn
Awrina li tinxtamm mhux normali, testijiet tad-demm mhux normali
Frekwenza mhux magħrufa (ma tistax tittieħed stima tal-frekwenza mid-data disponibbli)
Ħruġ ta’ demm jew titbenġel faċilment (minħabba numru baxx ta’ plejtlits fid-demm, iċ-ċelluli żgħar involuti fit-tagħqid tad-demm tiegħek)
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq it-tikketta tal-kartuna jew tal-folja wara "JIS". Id-data ta’ meta tiskadi tirreferi għall-aħħar ġurnata ta’ dak ix-xahar.
Dan il-prodott mediċinali m’għandux bżonn ħażna speċjali
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi tedizolid phosphate. Kull pillola miksija b’rita fiha 200 mg ta’ tedizolid phosphate.
Is-sustanzi mhux attivi l-oħra huma microcrystalline cellulose, mannitol, povidone, crospovidone u magnesium stearate fi ħdan il-qalba tal-pillola. Il-kisja tar-rita tal-pillola fiha polyvinyl alcohol, titanium dioxide (E171), macrogol, talc u iron isfar (E172).
Sivextro huwa pillola ovali, miksija b’rita safra mmarkata b’‘TZD’ fuq naħa waħda u b’‘200’ fuq in- naħa l-oħra.
Huwa disponibbli bħala 6 pilloli× 1 f’folji mtaqqbin b’dożi waħdiet.
Merck Sharp & Dohme B.V. Waarderweg 39
2031 BN Haarlem
L-Olanda
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
MSD Belgium
Tél/Tel: +32(0)27766211
UAB Merck Sharp & Dohme Tel.: +370 5 278 02 47
Мерк Шарп и Доум България ЕООД Тел.: +359 2 819 3737
MSD Belgium
Tél/Tel: +32(0)27766211
Merck Sharp & Dohme s.r.o. Tel.: +420 233 010 111
MSD Pharma Hungary Kft. Tel.: +361 888 53 00
MSD Danmark ApS Tlf: +45 4482 4000
Merck Sharp & Dohme Cyprus Limited Tel: 8007 4433 (+356 99917558)
MSD Sharp & Dohme GmbH
Tel: 0800 673 673 673 (+49 (0) 89 4561 0)
Merck Sharp & Dohme B.V.
Tel: 0800 9999000 (+31 23 5153153)
Merck Sharp & Dohme OÜ Tel.: +372 6144 200
MSD (Norge) AS Tlf: +47 32 20 73 00
MSD Α.Φ.Β.Ε.Ε.
Τηλ: +30 210 98 97 300
Merck Sharp & Dohme Ges.m.b.H.
Tel: +43 (0) 1 26 044
Merck Sharp & Dohme de España, S.A. Tel: +34 91 321 06 00
MSD Polska Sp.z o.o. Tel.: +48 22 549 51 00
MSD France
Tél: + 33 (0) 1 80 46 40 40
Merck Sharp & Dohme, Lda Tel: +351 21 4465700
Merck Sharp & Dohme d.o.o. Tel: + 385 1 6611 333
Merck Sharp & Dohme Romania S.R.L. Tel: +40 21 529 29 00
Merck Sharp & Dohme Ireland (Human Health) Limited
Tel: +353 (0)1 299 8700
Merck Sharp & Dohme, inovativna zdravila d.o.o.
Tel: + 386 1 5204 201
Vistor hf.
Sími: +354 535 7000
Merck Sharp & Dohme, s. r. o. Tel.: +421 2 58282010
MSD Italia S.r.l.
Tel: +39 06 361911
medicalinformation.it@merck.com
MSD Finland Oy
Puh/Tel: +358 (0) 9 804650
Merck Sharp & Dohme Cyprus Limited Τηλ: 800 00 673 (+357 22866700)
Merck Sharp & Dohme (Sweden) AB Tel: +46 77 5700488
SIA Merck Sharp & Dohme Latvija Tel: +371 67364224
Merck Sharp & Dohme Ireland (Human Health) Limited
Tel: +353 (0)1 2998700