Abilify
aripiprazole
aripiprazole
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu ABILIFY u għalxiex jintuża
X’għandek tkun taf qabel ma tieħu ABILIFY
Kif għandek tieħu ABILIFY
Effetti sekondarji possibbli
Kif taħżen ABILIFY
Kontenut tal-pakkett u informazzjoni oħra
ABILIFY fih is-sustanza attiva aripiprazole u jappartjeni għal grupp ta’ mediċini msejħa antipsikotiċi. Huwa jintuża biex jiġu kkurati adulti u adolexxenti li għandhom 15-il sena jew aktar li jbatu minn marda kkaratterizzata minn sintomi bħalma huma smigħ, viżta jew ħass ta’ affarijiet li mhumiex hemm, suspetti, ħsieb ħażin, diskors li ma jinftehimx u mġiba mħawda, u nuqqas ta’ emozzjoni. Nies li jbatu b’din il-kundizzjoni jistgħu wkoll iħossuhom imdejqin, ħatja, anzjużi u b’tensjoni.
ABILIFY jintuża biex jikkura adulti u adolexxenti li għandhom 13-il sena jew aktar li jsofru minn kundizzjoni b’sintomi bħalma huma li wieħed iħossu ewforiku żżejjed, ikollu ammonti eċċessivi ta’ enerġija, jeħtieġ ferm inqas irqad min-normal, jitkellem malajr ħafna b’ideat li jiġu malajr ħafna u xi kultant b’irritabilità severa. Fl-adulti jipprevjeni wkoll din il-kundizzjoni milli terġa’ tiġi lura f’pazjenti li jkunu rrispondew għat-trattament b’ABILIFY.
jekk inti allerġiku għal aripiprazole jew għal xi sustanza oħra ta’ din il-mediċina (imniżżla fis- sezzjoni 6).
Kellem lit-tabib tiegħek qabel tieħu ABILIFY.
Ħsibijiet u mġiba suwiċidali ġew irrappurtati waqt trattament b’aripiprazole. Għarraf lit-tabib tiegħek minnufih jekk qed jiġuk ħsibijiet jew tħoss li trid tweġġa’ lilek innifsek.
Qabel ma tibda t-trattament b’ABILIFY, għid lit-tabib tiegħek jekk tbati minn
livell għoli ta’ zokkor fid-demm (ikkaratterizzat minn sintomi bħal għatx eċċessiv, il- produzzjoni ta’ ammonti kbar ħafna ta’ awrina, żieda fl-aptit u tħossok dgħajjef) jew storja ta’
dijabete fil-familja tiegħek
aċċessjoni (konvulżjoni) peress li t-tabib tiegħek għandu mnejn ikun irid jissorveljak aktar mill- qrib
movimenti irregolari, involontarji tal-muskoli, b’mod speċjali fil-wiċċ
mard kardjovaskulari (mard tal-qalb u taċ-ċirkolazzjoni), storja ta’ mard kardjovaskulari fil- familja, puplesija jew attakk ħafif ta’ puplesija, pressjoni mhux normali
għoqiedi tad-demm, jew storja medika fil-familja ta’ għoqiedi tad-demm, peress li mediċini
antipsikotiċi ġew assoċjati mal-formazzjoni ta’ għoqiedi tad-demm
esperjenza ta’ logħob tal-azzard eċċessiv fil-passat
Jekk tara li qed ittella’ l-piż, tiżviluppa movimenti mhux tas-soltu, ikollok ngħas li jfixkel l-attivitajiet normali ta’ kuljum, xi diffikultà biex tibla’ jew sintomi ta’ allerġija, jekk jogħġbok avża lit-tabib tiegħek.
Jekk inti pazjent anzjan li qed issofri minn dimensja (telf ta’ memorja u ta’ abbiltajiet mentali oħra), inti jew minn jieħu ħsiebek/qarib tiegħek għandkom tgħidu lit-tabib tiegħek jekk qattx kellek puplesija jew puplesija “ħafifa”.
Għid lit-tabib tiegħek minnufih jekk qed jgħaddulek ħsibijiet jew aptit li tweġġa’ lilek innifsek. Ħsibijiet u imġiba ta’ suwiċidju ġew irrapportati matul trattament b’aripiprazole.
Avża lit-tabib tiegħek minnufih jekk issofri minn ebusija jew nuqqas ta’ flessibilità tal-muskoli b’deni għoli, għaraq, stat mentali li jinbidel, jew taħbit tal-qalb rapidu ħafna jew irregolari.
Għid lit-tabib tiegħek jekk inti jew il-familja tiegħek/il-persuna li qed tieħu ħsiebek jinnutaw li inti qed tiżviluppa xenqat jew impulsi qawwija li ġġib ruħek b’mod li mhux soltu għalik u ma tkunx tista’ tirreżisti l-impuls, ix-xewqa jew it-tentazzjoni biex twettaq ċerti attivitajiet li jistgħu jkunu ta’ ħsara għalik innifsek jew għall-oħrajn. Dawn jissejħu disturbi fil-kontroll tal-impuls u jistgħu jinkludu
mġiba bħal logħob tal-azzard li jsir vizzju, li tiekol jew tonfoq b’mod eċċessiv, li jkollok aptit sesswali qawwi b’mod mhux normali jew preokkupazzjoni b’żieda fi ħsibijiet jew sensazzjonijiet sesswali.
It-tabib tiegħek jista’ jkollu bżonn li jaġġusta jew iwaqqaf id-doża tiegħek.
Aripiprazole jista’ jikkaġuna ħedla, waqa’ fil-pressjoni tad-demm meta tkun bilwieqfa, sturdament u bidlet fil-ħila tiegħek li tiċċaqlaq u żżomm il-bilanċ, li jistgħu jwasslu għal waqgħat. Kawtela għandha tittieħed, b’mod partikolari jekk inti pazjent anzjan jew għandek xi debilità.
Tużax din il-mediċina fi tfal u adolexxenti li għadhom m’għalqux 13-il sena. Mhux magħruf jekk hix sigura u effettiva f’dawn il-pazjenti.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċini oħra, li jinkludu dawk miksuba mingħajr riċetta tat-tabib.
Mediċini li jbaxxu l-pressjoni tad-demm: ABILIFY jista’ jqawwi l-effett tal-mediċini li jintużaw biex ibaxxu l-pressjoni. Aċċerta ruħek li tgħid lit-tabib jekk inti qiegħed/qegħda tieħu pilloli tal-pressjoni.
Meta tkun qed tieħu ABILIFY ma’ xi mediċini oħra jista’ jfisser li t-tabib ikollu bżonn ibiddel id-doża tiegħek ta’ ABILIFY jew tal-mediċini l-oħra. Huwa importanti b’mod speċjali li ssemmi dawn li ġejjin lit-tabib tiegħek:
mediċini li jikkoreġu r-ritmu tal-qalb (bħal quinidine, amiodarone, flecainide)
antidipressanti jew rimedju magħmul mill-ħxejjex użati biex jittrataw depressjoni u ansjetà (bħal fluoxetine, paroxetine, venlafaxine, St John’s Wort)
mediċini ta’ kontra l-moffa (bħal ketoconazole, itraconazole)
ċerti mediċini biex jittrattaw infezzjoni ta’ HIV (bħal efavirenz, nevirapine, u impedituri ta’ protease eż. indinavir, ritonavir)
antikonvulsanti użati biex jittrattaw l-epilessija (bħal carbamazepine, phenytoin, phenobarbital)
ċerti antibijotiċi użati biex jittrattaw it-tuberkolosi (rifabutin, rifampicin)
Dawn il-mediċini jistgħu jżidu r-riskju ta’ effetti sekondarji jew jibdlu l-effett ta’ ABILIFY; jekk ikollok xi sintomu mhux tas-soltu meta tieħu xi waħda minn dawn il-mediċini flimkien ma’ ABILIFY, għandek tara lit-tabib tiegħek.
Mediċini li jgħollu l-livell ta’ serotonin jintużaw b’mod tipiku f’kundizzjonijiet li jinkludu depressjoni, disturb ta’ ansjetà ġenerali, disturb ossessiv kompulsiv (OCD – obsessive compulsive disorder) u fobja soċjali kif ukoll emigranja u uġigħ:
triptans, tramadol u tryptophan użati għal kundizzjonijiet li jinkludu depressjoni, disturb ta’ ansjetà ġenerali, disturb ossessiv kompulsiv (OCD) u fobja soċjali kif ukoll emigranja u uġigħ
inibituri selettivi tat-teħid mill-ġdid ta’ serotonin (SSRIs) (bħal paroxetine u fluoxetine) użati għal depressjoni, OCD, paniku u ansjetà
antidipressanti oħra (bħal venlafaxine u trytophan) użati għal depressjoni maġġuri
triċikliċi (bħal clomipramine u amitriptyline) użati għal mard depressiv
St John’s Wort (Hypericum perforatum) użat bħala rimedju magħmul mill-ħxejjex għal depressjoni ħafifa
mediċini li jtaffu l-uġigħ (bħal tramadol u pethidine) użati biex itaffu l-uġigħ
triptans (bħal sumatriptan u zolmitripitan) użati għal trattament ta’ emigranja
Dawn il-mediċini jistgħu jżidu r-riskju ta’ effetti sekondarji; jekk ikollok xi sintomu mhux tas-soltu, meta tieħu xi waħda minn dawn il-mediċini flimkien ma’ ABILIFY, għandek tara lit-tabib tiegħek.
Din il-mediċina tista’ tittieħed mingħajr il-bżonn ta’ ikel. Alkoħol għandu jiġi evitat.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib tiegħek qabel tieħu din il-mediċina.
Is-sintomi li ġejjin jistgħu jseħħu fi trabi tat-twelid, ta’ ommijiet li użaw ABILIFY fl-aħħar trimestru (l-aħħar tliet xhur tat-tqala tagħhom): rogħda, ebusija u/jew dgħjufija tal-muskoli, ħedla, aġitazzjoni, problemi bit-teħid tan-nifs, u diffikultà biex jerdgħu. Jekk it-tarbija tiegħek tiżviluppa xi wieħed minn dawn is-sintomi, jista’ jkollok bżonn tikkuntattja lit-tabib tiegħek.
Jekk qed tieħu ABILIFY, it-tabib tiegħek ser jiddiskuti miegħek jekk għandekx tredda’ meta jitqies il- benefiċċju tat-terapija tiegħek għalik u l-benefiċċju tat-treddigħ għat-tarbija tiegħek. M’għandekx tagħmilhom it-tnejn. Kellem lit-tabib tiegħek dwar l-aħjar mod kif tisqi t-tarbija tiegħek jekk qed tirċievi din il-mediċina.
Problemi ta’ sturdament u vista jistgħu jseħħu waqt it-trattament b’din il-mediċina (ara sezzjoni 4). Dan għandu jiġi kkunsidrat f’każijiet fejn viġilanza sħiħa hija meħtieġa, eż. waqt is-sewqan ta’ vettura
jew tħaddim ta’ magni.
Jekk it-tabib qallek li għandek intolleranza għal ċerti tipi ta’ zokkor, ikkuntattja lit-tabib tiegħek qabel tieħu din il-mediċina.
Dejjem għandek tieħu din il-mediċina skont il-parir eżatt tat-tabib jew l-ispiżjar tiegħek. Iċċekkja mat-
tabib jew mal-ispiżjar tiegħek jekk ikollok xi dubju.
Dan il-prodott mediċinali jista’ jinbeda f’doża baxxa bil-forma ta’ soluzzjoni (likwidu) orali.
Id-doża tista’ tiżdied gradwalment għad-doża rakkomandata għall-adolexxenti ta’ 10 mg darba kuljum. Madankollu, it-tabib tiegħek jista’ jagħtik riċetta għal doża aktar baxxa jew ogħla sa massimu
ta’ 30 mg darba kuljum.
Jekk tħoss li l-effett ta’ ABILIFY huwa qawwi wisq jew dgħajjef wisq għalik, kellem lit-tabib jew spiżjar tiegħek.
Jekk tinduna li ħadt iktar ABILIFY milli qallek it-tabib (jew jekk taħseb li xi ħadd ħadlek xi ABILIFY), kellem lit-tabib tiegħek mill-ewwel. Jekk ma tistax issib lit-tabib, mur l-isptar l-iżjed qrib tiegħek u ħu l-pakkett tal-pilloli miegħek.
Pazjenti li jkunu ħadu wisq aripiprazole ħassew is-sintomi li ġejjin:
taħbit mgħaġġel tal-qalb, aġitazzjoni/aggressività, problemi fit-taħdit.
movimenti mhux tas-soltu (speċjalment tal-wiċċ jew l-ilsien) u livell mnaqqas ta’ koxjenza.
Sintomi oħra jistgħu jinkludu:
konfużjoni akuta, konvulżjonijiet (epilessija), koma, kombinazzjoni ta’ deni, tieħu n-nifs aktar malajr, tegħreq
ebusija tal-muskoli, u ħedla jew ngħas, tieħu n-nifs aktar bil-mod, tifga’, pressjoni għolja jew
baxxa, ritmi mhux normali tal-qalb.
Ikkuntattja lit-tabib tiegħek jew l-isptar immedjatament jekk tħoss xi wieħed minn t’hawn fuq.
Jekk tinsa’ tieħu doża, ħu d-doża li ma ħadtx malli tiftakar iżda m’għandekx tieħu żewġ dożi f’ġurnata waħda.
M’għandekx twaqqaf it-trattament tiegħek għax sempliċiment tħossok aħjar. Huwa importanti li inti tkompli tieħu ABILIFY sakemm it-tabib tiegħek ikun qallek li għandek tkompli teħodhom.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Effetti sekondarji komuni (li jistgħu jaffettwaw sa persuna 1 f’10):
dijabete melittus,
diffikultà biex torqod,
tħossok anzjuż,
tħossok aġitat u mhux kapaċi toqgħod mingħajr ma tiċċaqlaq, diffikultà toqgħod bilqiegħda mingħajr ma tiċċaqlaq,
akatiżja (sensazzjoni skomda ta’ irrikwitezza interna u ħtieġa irreżistibbli ta’ ċaqlieq kostanti,
kontrazzjonijiet, skossi jew movimenti ta’ tkagħwieġ mhux kontrollabbli,
itterter,
uġigħ ta’ ras,
għeja,
ngħas,
sturdament,
ċaqliq u vista mċajpra,
tnaqqis fl-għadd ta’ jew diffikultà biex tipporga,
indiġestjoni,
tħossok ma tiflaħx,
aktar riq fil-ħalq mis-soltu,
remettar,
tħossok għajjien.
Effetti sekondarji mhux komuni (jistgħu jaffettwaw sa persuna 1 minn kull 100 persuna):
livelli mnaqqsa jew ogħla fid-demm tal-ormon prolaktin,
wisq zokkor fid-demm,
depressjoni,
interess mibdul jew ogħla fis-sess,
movimenti mhux ikkontrollati tal-ħalq, l-ilsien u dirgħajn/riġlejn (diskinesja tardiva),
disturb muskolari, li jikkawża movimenti ta’ brim (distonja),
riġlejn irrikweti,
vista doppja,
sensittività tal-għajn għad-dawl,
qalb tħabbat mgħaġġel,
waqgħa fil-pressjoni malli tqum bil-wieqfa li jikkaġuna ħass ħażin, jew sturdament ħafif,
sulluzzu.
L-effetti sekondarji li ġejjin kienu rrappurtati sa minn meta aripiprazole orali tqiegħed fis-suq, iżda l- frekwenza li bihom iseħħu mhijiex magħrufa:
livelli baxxi ta’ ċelluli bojod tad-demm,
livelli baxxi ta’ plejtlits tad-demm,
reazzjoni allerġika (eż. nefħa fil-ħalq, ilsien, wiċċ u gerżuma, ħakk, raxx),
bidu jew aggravar tad-dijabete, ketoaċidożi (ketoni fid-demm u fl-awrina) jew koma,
livell għoli ta’ zokkor fid-demm,
m’hemmx biżżejjed sodju fid-demm,
nuqqas t’aptit,
telf fil-piż,
żieda fil-piż,
tentattiv ta’ suwiċidju, suwiċidju,
tħossok aggressiv,
aġitazzjoni,
nervożiżmu,
kombinazzjoni ta’ deni, ebusija tal-muskoli, teħid tan-nifs aktar mgħaġġel, ħruġ ta’ għaraq, nuqqas ta’ konoxxenza u tibdil f’daqqa fil-pressjoni tad-demm u fir-rata tat-tħabbit tal-qalb,
puplesija,
sindromu ta’ serotonin (reazzjoni li tista’ tikkawża lil persuna tħossha ferħana ħafna, ħedla, guffaġni, irrikwitezza, tħossok qisek fis-sakra, deni, titlef l-għaraq jew ebusija tal-muskoli),
disturbi fid-diskors,
fissazzjoni tal‑ballun tal‑għajn f’pożizzjoni waħda,
mewt għall-għarrieda bla spjegazzjoni,
taħbit tal-qalb irregolari li jista’ jkun ta’ theddida għall-ħajja,
attakk tal-qalb,
il-qalb tħabbat aktar bil-mod,
emboli tad-demm fil-vini, speċjalment fir-riġlejn (is-sintomi jinkludu nefħa, uġigħ u ħmura fir- riġel), li jistgħu jimxu minn ġol-vini/arterji għall-pulmun, u jikkawżaw uġigħ fis-sider u
diffikultà biex tieħu n-nifs (jekk tinnota xi wieħed minn dawn is-sintomi, fittex parir mediku
immedjatament),
pressjoni għolja,
ħass ħażin,
bligħ aċċidentali ta’ ikel b’riskju ta’ pnewmonja (infezzjoni tal-pulmun),
spażmi tal-muskoli madwar il-kaxxa vokali,
infjammazzjoni tal-frixa,
diffikultà biex tibla’,
dijarea,
skumdità addominali,
skumdità fl-istonku,
insuffiċjenza tal-fwied,
infjammazzjoni tal-fwied,
sfurija tal-ġilda u tal-parti bajda tal-għajnejn,
rapporti ta’ valuri anormali ta’ testijiet tal-fwied,
raxx tal-ġilda,
sensittività tal-ġilda għad-dawl,
tfartis,
togħroq iżżejjed,
reazzjonijiet allerġiċi serji bħar- Reazzjoni għall-Mediċina b’Eosinofilja u Sintomi Sistemiċi (DRESS). DRESS tibda b’sintomi bħal tal-influwenza b’raxx fuq il-wiċċ li mbagħad jinfirex, temperatura għolja, glandoli limfatiċi minfuħin, livelli għoljin ta’ enzimi tal-fwied li jidhru fit- testijiet tad-demm u żieda f’tip ta’ ċelloli bojod tad-demm (eosinofilja),
kollass abnormali ta’ muskoli li jista’ jwassal għal problemi fil-kliewi,
uġigħ fil-muskoli,
ebusija,
telf involontarju ta’ awrina,
diffikultà biex tgħaddi l-awrina,
sintomi ta’ rtirar fi trabi li għadhom kif jitwieldu f’każ ta’ esponiment waqt it-tqala,
twebbis mdewwem tal-pene u/jew bl-uġigħ,
diffikultà fil-kontroll tat-temperatura tal-ġisem jew sħana eċċessiva,
uġigħ fis-sider,
nefħa fl-idejn, l-għekiesi jew is-saqajn,
f’testijiet tad-demm: zokkor fid-demm li jvarja, żieda fl-emoglobina glikosilata,
ma tkunx kapaċi tirreżisti l-impuls, ix-xewqa jew it-tentazzjoni li twettaq azzjoni li tista’ tkun ta’ ħsara għalik jew għall-oħrajn, li tista’ tinkludi:
impuls qawwi li tilgħab logħob tal-azzard/tagħmel imħatri b’mod eċċessiv minkejja konsegwenzi serji personali jew għall-familja,
interess sesswali mibdul jew miżjud u mġiba ta’ tħassib sinifikanti għalik jew għall- oħrajn, pereżempju, żieda fl-aptit sesswali,
xiri jew infiq bla kontroll u eċċessiv,
teħid ta’ ikel bla rażan (tiekol ammonti kbar ta’ ikel fi ftit ħin) jew tiekol b’mod kompulsiv (tiekol aktar ikel minn normal u aktar milli jkun hemm bżonn biex tissodisfa l- ġuħ tiegħek),
tendenza li titlaq titlajja.
Għid lit-tabib tiegħek jekk tesperjenza kwalunkwe minn dawn l-imġibiet; hu/hi se jiddiskuti miegħek modi ta’ kif timmaniġġja jew tnaqqas is-sintomi.
F’pazjenti anzjani bid-dimenzja, każijiet aktar fatali ġew irrappurtati waqt it-teħid ta’ aripiprazole. Barra minn hekk, każijiet ta’ puplesija jew puplesija “ħafifa” ġew irrappurtati.
Adolexxenti li kellhom 13-il sena jew aktar, kellhom effetti sekondarji li kienu simili fil-frekwenza u
fit-tip għal dawk fl-adulti, ħlief li l-irqad, kontrazzjonijiet jew movimenti bl-iskossi li ma setgħux jiġu kkontrollati, ma kellhomx kwiet f’ġisimhom u għeja kienu komuni ħafna (aktar minn 1 f’kull
10 pazjenti) u wġigħ fil-parti ta’ fuq tal-addome, ħalq xott, żieda fir-rata ta’ taħbit tal-qalb, żieda fil-
piż, żieda fl-aptit, kontrazzjonijiet tal-muskoli, movimenti mhux ikkontrollati tad-dirgħajn u tas- saqajn, u sensazzjoni ta’ sturdament, speċjalment meta tqum bilwieqfa meta tkun mimdud/a jew bilqiegħda, kienu komuni (aktar minn 1 f’kull 100 pazjent).
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-folja u l-kaxxa wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen fil-pakkett oriġinali sabiex tilqa’ mill-umdità.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi aripiprazole.
Kull pillola fiha 5 mg ta’ aripiprazole. Kull pillola fiha 10 mg ta’ aripiprazole. Kull pillola fiha 15 mg ta’ aripiprazole. Kull pillola fiha 30 mg ta’ aripiprazole.
Is-sustanzi mhux attivi l-oħra huma lactose monohydrate, maize starch, microcrystalline cellulose, hydroxypropyl cellulose, magnesium stearate.
Kisja tal-pillola
ABILIFY 5 mg pilloli: Indigo carmine aluminium lake (E 132)
ABILIFY 10 mg pilloli: Rediron oxide (E 172)
ABILIFY 15 mg pilloli: Yellow iron oxide (E 172).
ABILIFY 30 mg pilloli: Red iron oxide (E 172)
ABILIFY 5 mg pilloli huma rettangolari u ta’ kulur blu bil-marka ‘A-007’ u ‘5’ fuq naħa waħda.
ABILIFY 10 mg pilloli huma rettangolari u ta’ kulur roża bil-marka ‘A-008’ u ‘10’ fuq naħa waħda. ABILIFY 15 mg pilloli huma tondi u ta’ kulur isfar bil-marka ‘A-009’ u ‘15’ fuq naħa waħda. ABILIFY 30 mg pilloli huma tondi u ta’ kulur roża bil-marka ‘A-011’ u ‘30’ fuq naħa waħda.
ABILIFY hu fornut f’folji ta’ doża unika pperforati ppakkjati f’kartun li fihom 14 × 1, 28 × 1, 49 × 1,
56 × 1, jew 98 × 1 pillola.
Jista’ jkun li mhux il-pakketti tad-daqsijiet kollha jkunu fis-suq.
Otsuka Pharmaceutical Netherlands B.V. Herikerbergweg 292
1101 CT, Amsterdam
L-Olanda
Elaiapharm
2881 Route des Crêtes, Z.I. Les Bouilides-Sophia Antipolis, 06560 Valbonne
Franza
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur
tal-Awtorizzazzjoni għat-Tqegħid fis-Suq:
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharma Scandinavia AB Tlf: +46 (0) 8 545 286 60
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharma GmbH
Tel: +49 (0) 69 1700 860
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharma Scandinavia AB Tlf: +46 (0) 8 545 286 60
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical, S.A.
Tel: +34 93 550 01 00
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical France SAS Tél: +33 (0)1 47 08 00 00
Lundbeck Portugal Lda Tel: +351 (0) 21 00 45 900
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical Netherlands B.V. Tel: +31 (0) 20 85 46 555
Vistor hf.
Sími: +354 (0) 535 7000
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharmaceutical Italy S.r.l. Tel: +39 (0) 2 0063 2710
Otsuka Pharma Scandinavia AB Puh/Tel: +46 (0) 8 545 286 60
Otsuka Pharmaceutical Netherlands B.V. Tel: +31 (0) 20 85 46 555
Otsuka Pharma Scandinavia AB
Tel: +46 (0) 8 545 286 60
Otsuka Pharmaceutical Netherlands B.V. Tel: +31 (0) 20 85 46 555