Alimta
pemetrexed
pemetrexed
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, jekk jogħġbok staqsi lit-tabib jew lill-ispiżjar.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.
F’dan il-fuljett:
X’inhu ALIMTA u għalxiex jintuża
X’għandek tkun taf qabel ma tuża ALIMTA
Kif għandek tuża ALIMTA
Effetti sekondarji possibbli
Kif taħżen ALIMTA
Kontenut tal-pakkett u informazzjoni oħra
ALIMTA hija mediċina li tintuża fit-trattament tal-kanċer.
ALIMTA tingħata flimkien ma’ cisplatin, mediċina oħra kontra l-kanċer, bħala trattament għal mesoteljoma plewrali malinna, tip ta’ kanċer li jaffettwa r-rita tal-pulmun, lil pazjenti li jkunu għadhom ma ngħatawx kimoterapija.
ALIMTA jintuża wkoll, flimkien ma' cisplatin, fit-trattament inizjali ta' pazjenti b'kanċer tal-pulmun f'stadju avanzat.
ALIMTA jista’ jiġi mogħti lilek jekk għandek kanċer tal-pulmun fi stat avanzat, jekk il-marda tiegħek irrispondiet għat-trattament jew jekk ma tantx kien hemm tibdil wara l-ewwel kimoterapija.
ALIMTA jintuża wkoll fit-trattament ta’ pazjenti b'stadju avvanzat tal-kanċer tal-pulmun fejn il-marda nfirxet iżjed wara li tkun intużat kimoterapija inizjali oħra.
jekk inti allerġiku/a (tbati minn sensittività eċċessiva) għal pemetrexed jew għal xi sustanza oħra ta’ din il-mediċina (elenkati f’sezzjoni 6).
jekk qiegħda tredda’, trid twaqqaf it-treddigħ waqt it-trattament b’ALIMTA.
jekk ħadt dan l-aħħar jew dalwaqt ser tieħu tilqima kontra l-yellow fever.
Kellem lit-tabib jew l-ispiżjar tal-isptar qabel ma tirċievi ALIMTA.
Jekk bħalissa għandek jew fil-passat kellek xi problemi fil-kliewi, kellem lit-tabib tiegħek jew lill- ispiżjar fl-isptar għaliex jista’ jkun li ma tkunx tista’ tieħu ALIMTA.
Qabel kull infużjoni ser jitteħdulek kampjuni tad-demm tiegħek biex jiġi evalwat jekk għandekx funzjoni suffiċjenti tal-kliewi u tal-fwied u jekk għandekx biżżejjed ċelluli tad-demm biex tingħata ALIMTA.It-tabib tiegħek jista’ jiddeċiedi li jbiddel id-doża jew jistenna ftit ieħor biex jagħtik it- trattament skont il-kundizzjoni ġenerali tiegħek u jekk l-għadd taċ-ċelluli tad-demm tiegħek ikun baxx wisq. Jekk tkun qed tingħata cisplatin ukoll, it-tabib tiegħek ser jara li tkun idratat sew u li tingħata trattament xieraq kontra r-rimettar qabel u wara li tingħata cisplatin.
Jekk kellek jew se jkollok trattament permezz tar-radjazzjoni, jekk jogħġbok għid lit-tabib tiegħek għax meta tieħu ALIMTA, kmieni jew tard fit-trattament jista’ jkollok reazzjoni għar-radjazzjoni.
Jekk dan l-aħħar ħadt xi tilqim, jekk jogħġbok għid lit-tabib tiegħek għax hemm il-possibbiltà li dan jikkawża xi effetti ħżiena meta tieħu ALIMTA..
Jekk għandek mard tal-qalb jew passat mediku ta’ mard tal-qalb, jekk jogħġbok għid lit-tabib tiegħek.
Jekk għandek akkumulazzjoni ta’ fluwidu madwar il-pulmun tiegħek, it-tabib tiegħek jista’ jiddeċiedi li jneħħilek dak il-fluwidu qabel ma jagħtik ALIMTA.
Din il-mediċina m’għandhiex tintuża fit-tfal u fl-adolexxenti, peress li m’hemmx esperjenza b’din il- mediċina fit-tfal u fl-adolexxenti taħt l-età ta’ 18-il sena..
Jekk jogħġbok għid lit-tabib tiegħek jekk qiegħed tieħu xi mediċini għall-uġigħ jew għall- infjammazzjoni (nefħa), bħal mediċini msejħa “mediċini anti-infjammatorji li mhumiex sterojdi” (NSAIDs), fosthom mediċini li jinxtraw mingħajr riċetta tat-tabib (bħal ibuprofen). Hemm ħafna tipi ta’ NSAIDs b’tul ta’ żmien ta’ attività differenti. It-tabib tiegħek jgħidlek liema mediċini tista’ tieħu u meta tista’ teħodhom skont id-data ta’ meta tkun ippjanata l-infużjoni ta’ ALIMTA u/jew l-istat tal- funzjoni tal-kliewi tiegħek. Jekk għandek xi dubju, staqsi lit-tabib jew lill-ispiżjar tiegħek jekk xi mediċini li għandek humiex NSAIDs.
Jekk jogħġbok għid lit-tabib tiegħek jew lill-ispiżjar tiegħek jekk qiegħed tieħu jew ħadt dan l-aħħar xi mediċini oħra, anki dawk mingħajr riċetta.
Jekk inti tqila, taħseb li tista tkun tqila jew qed tippjana li jkollok tarbija, għid lit-tabib tiegħek. L-użu ta’ ALIMTA għandu jiġi evitat waqt it-tqala. It-tabib tiegħek jiddiskuti miegħek dwar ir-riskju potenzjali li tieħu ALIMTA waqt it-tqala. In-nisa għandhom jużaw kontraċezzjoni effettiva waqt it- trattament b’ALIMTA u għal 6 xhur wara li jkunu rċevew l-aħħar doża.
Jekk qiegħda tredda’, għid lit-tabib tiegħek.
It-treddigħ għandu jitwaqqaf waqt it-trattament b’ALIMTA.
L-irġiel għandhom jingħataw parir biex ma jsirux missirijiet matul u sa 3 xhur wara t-trattament b’ALIMTA u għalhekk għandhom jużaw kontraċezzjoni effettiva waqt it-trattament b’ALIMTA u sa 3 xhur wara. Jekk tixtieq li ssir missier waqt it-trattament jew fit-3 xhur ta’ wara li tkun ħadt it- trattament, ħu parir mingħand it-tabib tiegħek jew l-ispiżjar tiegħek. ALIMTA jista’ jaffettwa l- kapaċità tiegħek li jkollok it-tfal. Kellem lit-tabib tiegħek biex tieħu parir dwar il-ħażna ta’ sperma qabel ma tibda t-terapija tiegħek.
Tista’ tħossok għajjien b’ALIMTA. Ogħqod attent meta ssuq jew tħaddem magni.
Alimta 100 mg trab għal konċentrat għal soluzzjoni għall-infużjoni
ALIMTA 100 mg fih inqas minn mmol 1 (23 mg) ta’ sodium, jiġifieri tista’ tgħid li huwa ‘nieqes mis- sodium’.
Alimta 500 mg trab għal konċentrat għal soluzzjoni għall-infużjoni
ALIMTA 500 mg fih 54 mg ta’ sodium (il-komponent prinċipali f’melħ għat-tisjir/ikel) f’kull kunjett. Dan huwa ekwivalenti għal 2.7 % tat-teħid massimu fid-dieta rrakkomandat ta’ kuljum ta’ sodium għal adult.
Id-doża ta’ ALIMTA hi 500 milligramma għal kull metru kwadru ta’ l-erja tas-superfiċje tal-ġisem tiegħek. Jitkejjillek it-tul u jitteħidlek il-piż biex tinħadem l-erja tas-superfiċje tal-ġisem tiegħek. It- tabib tiegħek juża din l-erja tas-superfiċje tal-ġisem biex jaħdimlek id-doża korretta. Din id-doża tista’ tiġi aġġustata, jew it-trattament jista’ jiġi ttardjat skont l-għadd taċ-ċelluli tad-demm tiegħek u l- kundizzjoni ġenerali tiegħek. Qabel ma’ jingħatalek, it-trab ta’ ALIMTA jiġi mħallat ma’ soluzzjoni għall-injezzjoni ta’ 9 mg/ml(0.9 %) sodium chloride, mill-ispiżjar ta’ l-isptar, infermier jew tabib.
ALIMTA jingħatalek dejjem b’infużjoni f’waħda mill-vini tiegħek. L-infużjoni ddum madwar 10 minuti.
Meta tuża ALIMTA flimkien ma’ cisplatin:
It-tabib jew spiżjar ta’ l-isptar jaħdem id-doża li għandek bżonn skont it-tul u l-piż tiegħek. Cisplatin ukoll jingħata b’infużjoni f’waħda mill-vini tiegħek, u jingħata madwar 30 minuta wara li tkun spiċċat l-infużjoni ta’ ALIMTA. L-infużjoni ta’ cisplatin tieħu madwar sagħtejn.
Ġeneralment l-infużjoni tingħatalek darba kull 3 ġimgħat. Mediċini oħra:
Kortikosterojdi: it-tabib tiegħek jordnalek pilloli ta’ l-isterojdi (ekwivalenti għal 4 milligrammi ta’
dexamethasone darbtejn kuljum) li jkollok bżonn tieħu l-ġurnata ta’ qabel, dakinhar u l-ġurnata ta’ wara t-trattament b’ALIMTA. Din il-mediċina tingħatalek sabiex titnaqqas il-frekwenza u s-severità ta’ reazzjonijiet fil-ġilda li jista’ jkollok waqt it-trattament tiegħek kontra l-kanċer.
Supplimentazzjoni b’vitamini: it-tabib tiegħek jordnalek folic acid (vitamina) orali jew xi prodott multivitaminiku li fih folic acid (350 sa 1000 microgramma) li trid tieħu darba kuljum waqt it- trattament b’ALIMTA. Trid tieħu mill-inqas 5 dożi matul is-sebat ijiem ta’ qabel l-ewwel doża ta’ ALIMTA. Trid tkompli tieħu folic acid għal 21 ġurnata wara l-aħħar doża ta’ ALIMTA. Tingħatalek ukoll injezzjoni ta’ vitamina B12 (1000 microgramma) fil-ġimgħa ta’ qabel li tingħata ALIMTA u mbagħad madwar kull 9 ġimgħat (li jikkorrispondu għal 3 korsijiet ta’ trattament b’ALIMTA). Il- vitamina B12 u folic acid jingħatawlek sabiex jitnaqqsu l-effetti tossiċi possibbli tat-trattament kontra l- kanċer.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’ kulħadd.
Għandek minnufih tgħid lit-tabib tiegħek jekk tinnota xi ħaġa minn dawn li ġejjin:
Deni jew infezzjoni (rispettivament, komuni jew komuni ħafna): jekk għandek temperatura ta' 38ºC jew aktar, għarqan jew għandek sinjali oħra ta’ infezzjoni (peress li jista’ jkollok ċelluli
bojod tad-demm inqas min-normal, li huwa komuni ħafna). L-infezzjoni (sepsis) tista’ tkun serja u tista’ twassal għall-mewt.
Jekk tibda tħoss uġigħ f'sidrek (komuni) jew ikollok il-qalb tħabbat b'rata mgħaġġla (mhux komuni).
Jekk tħoss uġigħ, ħmura, nefħa jew ġrieħi f'ħalqek (komuni ħafna).
Reazzjoni allerġika: jekk tiżviluppa raxx fil-ġilda (komuni ħafna) / sensazzjoni ta' ħruq jew tingiż (komuni), jew deni (komuni). B’mod rari, ir-reazzjonijiet tal-ġilda jistgħu jkunu serji u jwasslu għall-mewt. Għamel kuntatt mat-tabib tiegħek jekk ikollok raxx sever jew ħakk jew jkollok ħafna nfafet (Is-sindromu ta’ Stevens-Johnson jew Toxic epidermal necrolysis).
Jekk tħossok għajjien, tħossok li ġej xi ħass ħażin, tispiċċa bla nifs faċilment, jew jekk tidher pallidu (peress li jista' jkollok inqas emoglobina min-normal, li huwa komuni ħafna).
Jekk ikollok telf ta’ demm mill-ħanek, mill-imnieħer jew mill-ħalq jew telf ta' demm li ma jistax jieqaf, awrina li għandha kulur ħamrani jew jagħti fir-roża, ikollok tbenġil li mhux mistenni (peress li jista’ jkollok inqas plejtlits fid-demm min-normal, li huwa komuni).
Jekk f’daqqa waħda tħossok qed/a taqta’ nifsek, uġigħ qawwi f’sidrek jew sogħla b’katarru li jkun fih id-demm (mhux komuni) (tista’ tindika xi ċappa demm fis-sistema vaskulari tal-pulmun)
Effetti sekondarji ta’ ALIMTA jistgħu jinkludu:
Komuni ħafna (jistgħu jaffettwaw iżjed minn 1 minn kull 10 persuni) Infezzjoni
Farinġite (ġriżmejn juġgħu)
Ammont baxx ta' granuloċiti newtrofili (tip ta’ ċellula bajda fid-demm) Livell baxx ta’ ċelluli bojod tad-demm
Livell baxx ta' emoglobina
Uġigħ, ħmura, nefħa u ġrieħi f'ħalqek Nuqqas ta’ aptit
Rimettar Dijarea Dardir
Raxx fil-ġilda
Ġilda li twaqqa’ l-qxur
Testijiet tad-demm anormali li juru tnaqqis fil-funzjoni tal-kliewi Telqa (Għeja)
Komuni (jistgħu jaffettwaw sa 1 minn kull 10 persuni) Infezzjoni fid-demm
Deni b’ammont baxx ta' granuloċiti newtrofili (tip ta’ ċellula bajda fid-demm)
Għadd baxx ta' plejtlits Reazzjoni allerġika
Telf ta’ fluwidi mill-ġisem Tibdil fit-togħma
Ħsara fin-nervituri motorji li tista’ tikkawża dgħjufija tal-muskoli u atrofija (tħassir) l-aktar fid-dirgħajn u fir-riġlejn
Ħsara fin-nervituri sensorji li tista’ tikkawża telf ta’ sensazzjoni, uġigħ ta’ ħruq u mixja mxengla Sturdament
Infjammazzjoni jew nefħa tal-konġuntive (il-membrana li tiksi l-kpiepel tal-għajnejn u tgħatti l-abjad
tal-għajn) Għajn xotta
Għajnejn idemmgħu
Xuttaġni tal-konġuntive (il-membrana li tiksi il-kpiepel tal-għajnejn u tgħatti l-abjad tal-għajn) u tal- kornea (il-parti ċara ta’ quddiem l-iris u l-ħabba tal-għajn).
Nefħa tal-kpiepel tal-għajnejn
Disturbi fl-għajn b’xuttaġni,dmugħ, irritazzjoni u/jew uġigħ
Insuffiċjenza kardijaka (Kondizzjoni li taffettwa kemm jifilħu jippompjaw il-muskoli tal-qalb) Ritmu mhux regolari tal-qalb
Indiġestjoni
Stitikezza
Uġigħ addominali
Fwied: żieda fil-kimiċi fid-demm magħmula mill-fwied Żieda fil-pigmentazzjoni tal-ġilda
Ħakk fil-ġilda
Raxx mal-ġisem fejn kull marka tidher bħal ċirku aħmar Twaqqigħ ta’ xagħar
Urtikarja
Kliewi jieqfu jaħdmu
Tnaqqis fil-funzjoni tal-kliewi Deni
Uġigħ
Fluwidu żejjed fit-tessuti tal-ġisem li jikkawża nefħa Uġigħ fis-sider
Infjammazzjoni u ulċerazzjoni tal-membrana mukoża li tiksi l-passaġġ diġestif
Mhux komuni (jistgħu jaffettwaw sa 1 minn kull 100 persuna) Tnaqqis fin-numru ta’ ċelluli ħomor,bojod tad-demm u tal-plejtlits Attakk ta’ puplesija
Tip ta’ attakk ta’ puplesija fejn tinstadd arterja li tgħaddi għall-moħħ Fsada ġewwa l-kranju
Anġina (Uġigħ tas-sider ikkawżat minn tnaqqis fil-fluss tad-demm lill-qalb) Attakk tal-qalb
Djuqija jew sadd tal-arterji koronarji Żieda fir-ritmu tal-qalb
Tnaqqis fid-distribuzzjoni tad-demm fid-dirgħajn u fir-riġlejn Sadd ta’ waħda mill-arterji pulmonarji fil-pulmuni tiegħek
Infjammazzjoni u formazzjoni ta’ qoxra fil-membrana li tiksi l-pulmuni bi problemi biex tieħu n-nifs Ħruġ ta’ demm aħmar jgħajjat mill-anu
Fsada fil-passaġġ gastrointestinali
Fqigħ tal-musrana
Infjammazzjoni tal-membrana li tiksi l-esofagu
Infjammazzjoni tal-membrana li tiksi l-musrana l-kbira, fejn jista’ jkun hemm ukoll fsada intestinali jew rettali (dehret biss flimkien ma’ cisplatin)
Infjammazzjoni,edima,eritema u ulċerazzjoni tas-superfiċje mukożali tal-esofagu kkawżat minn terapija ta’ radjazzjoni
Infjammazzjoni tal-pulmun ikkawżat minn terapija ta’ radjazzjoni
Rari (jistgħu jaffettwaw sa 1 minn kull 1,000 persuna) Il-qerda taċ-ċelluli ħomor tad-demm
Xokk anafilattiku (reazzjoni allerġika severa) Kondizzjoni infjammatorja tal-fwied
Ħmura fil-ġilda
Raxx fil-ġilda li tiżviluppa f’post fejn preċedentement kien hemm ir-radjazzjoni fuqha
Rari ħafna (jistgħu jaffettwaw sa 1 minn kull 10,000 persuna)
Infezzjonijiet tal-ġilda u tat-tessuti r-rotob
Sindromu ta’ Stevens-Johnson (tip ta’ reazzjoni severa fil-ġilda u fil-membrani mukożi li tista’ tkun ta’ theddida għall-ħajja)
Nekroliżi epidermali tossika (tip ta’ reazzjoni severa fil-ġilda li tista’ tkun ta’ theddida għall-ħajja) Disturb awtoimmuni li jirriżulta f’raxx fil-ġilda u nfafet fuq ir-riġlejn, id-dirgħajn u l-addome Infjammazzjoni tal-ġilda kkaratterizzata mill-presenza ta’ bullae mimlijin b’fluwidu
Fraġilità tal-ġilda, nfafet u ulċerazzjonijiet u l-ġilda trabbi qoxra Ħmura, uġigħ u nefħa l-aktar tar-riġlejn
Infjammazzjoni tal-ġilda u tax-xaħam ta’ taħt il-ġilda (psewdoċellulite) Infjammazzjoni tal-ġilda (dermatite)
Il-ġilda tinfjamma, ikun hemm il-ħakk, tiħmar, tinqasam u tiħrax
Ponot li jħokku b’mod intensiv
Mhux magħruf: il-frekwenza ma tistax tiġi stmata mit-tagħrif disponibbli
Tip ta’ dijabete fejn il-kawża prinċipali tkun patoloġija tal-kliewi
Disturb tal-kliewi li tinvolvi l-mewt taċ-ċelluli epitiljali tat-tubuli li jifformaw it-tubuli renali
Inti jista' jkollok minn dawn is-sintomi u/ jew kundizzjonijiet. Għandek tgħid lit-tabib tiegħek mill-aktar fis possibli malli tibda tinduna b’xi wieħed minn dawn l-effetti sekondarji.
Kellem lit-tabib tiegħek jekk xi wieħed minn dawn l-effetti sekondarji qegħdin jinkwetawk.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal. Tużax wara d-data ta’ skadenza li tidher fuq it-tikketta u l-kartuna. Din il-mediċina m’għandiex bżonn ħażna speċjali.
Soluzzjonijiet Rikostitwiti u ta' Infużjoni : Il-prodott għandu jintuża immedjatament. Meta ppreparati kif suppost, l-istabbilità kimika u fiżika ta’ waqt l-użu, tas-soluzzjonijiet rikostitwiti u ta’ infużjoni ta’ pemetrexed, ġiet ippruvata għal 24 siegħa f’temperatura ta’ friġġ.
Din il-mediċina għandha tintuża darba biss: kull fdal ta’ soluzzjoni li ma jkunx intuża għandu jintrema kif jitolbu l-liġijiet lokali.
Is-sustanza attiva hi pemetrexed.
ALIMTA 100 mg: Kull kunjett fih 100 milligramm ta' pemetrexed (bħala pemetrexed disodium)
ALIMTA 500 mg: Kull kunjett fih 500 milligramm ta’ pemetrexed (bħala pemetrexed disodium)
Wara r-rikostituzzjoni, is-soluzzjoni jkun fiha 25 mg/ml ta' pemetrexed.,Qabel ma tingħata, ikun hemm bżonn ta’ iżjed dilwizzjoni mill-persuna inkarigata li tipprovdi l-kura.
Is-sustanzi l-oħra huma mannitol, hydrochloric acid u sodium hydroxide.
ALIMTA huwa trab għal konċentrat għal soluzzjoni għall-infużjoni ġo kunjett. Huwa trab lajofilizzat bejn abjad u isfar ċar jew isfar ħadrani.
Huwa disponibbli f’pakketti ta’ kunjett 1.
Jista’ jkun li mhux il-pakketti tad-daqsijiet kollha jkunu għal skop kummerċjali.
Eli Lilly Nederland B.V. Papendorpseweg 83, 3528 BJ Utrecht L-Olanda
Lilly France S.A.S. Rue du Colonel Lilly F-67640
Fegersheim Franza
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad- Detentur tal-Awtorizzazzjoni għat-Tqegħid fis-suq:
Eli Lilly Benelux S.A/N.V. Tél/Tel: + 32-(0)2 548 84 84
ТП "Ели Лили Недерланд" Б.В. - България тел. + 359 2 491 41 40
ELI LILLY ČR, s.r.o. Tel: + 420 234 664 111
Eli Lilly Danmark A/S Tlf: +45 45 26 60 00
Lilly Deutschland GmbH Tel. + 49-(0) 6172 273 2222
Eli Lilly Nederland B.V. Tel: +372 6 817 280
ΦΑΡΜΑΣΕΡΒ-ΛΙΛΛΥ Α.Ε.Β.Ε. Τηλ: +30 210 629 4600
Lilly S.A.
Tel: + 34-91-663 50 00
Lilly France
Tél: +33-(0) 1 55 49 34 34
Eli Lilly Hrvatska d.o.o. Tel: +385 1 2350 999
Eli Lilly and Company (Ireland) Limited Tel: + 353-(0) 1 661 4377
Icepharma hf.
Sími + 354 540 8000
Eli Lilly Italia S.p.A. Tel: + 39- 055 42571
Phadisco Ltd
Τηλ: +357 22 715000
Eli Lilly Lietuva
Tel. +370 (5) 2649600
Lilly Hungária Kft. Tel: + 36 1 328 5100
Charles de Giorgio Ltd. Tel: + 356 25600 500
Eli Lilly Nederland B.V. Tel: + 31-(0) 30 60 25 800
Eli Lilly Norge A.S. Tlf: + 47 22 88 18 00
Eli Lilly Ges.m.b.H. Tel: + 43-(0) 1 711 780
Eli Lilly Polska Sp. z o.o. Tel.: +48 22 440 33 00
Lilly Portugal Produtos Farmacêuticos, Lda Tel: + 351-21-4126600
Eli Lilly România S.R.L. Tel: + 40 21 4023000
Eli Lilly farmacevtska družba, d.o.o. Tel: +386 (0)1 580 00 10
Oy Eli Lilly Finland Ab Puh/Tel: + 358-(0) 9 85 45 250
Eli Lilly Sweden AB Tel: + 46-(0) 8 7378800
Eli Lilly (Suisse) S.A Pārstāvniecība Latvijā Tel: +371 6 7364000
<------------------------------------------------------------------------------------------------------------
It-tagħrif li jmiss qed jingħata biss għall-professjonisti fil-qasam mediku:
Istruzzjonijiet għall-użu, l-immaniġġar u rimi
Uża teknika asettika matul ir-rikostituzzjoni u għal iżjed dilwizzjoni ta’ pemetrexed għall-għoti ta’
l-infużjoni fil-vini.
Ikkalkula d-doża u n-numru ta' kunjetti ta' ALIMTA li hemm bżonn. Kull kunjett fih ammont żejjed ta' pemetrexed sabiex jiffaċilita l-għoti ta' l-ammont miktub fuq it-tikketta.
ALIMTA 100 mg
Irrikostitwixxi kull kunjett ta' 100mg b'4.2 ml ta' soluzzjoni għall-injezzjoni ta' 9mg/ml (0.9%) sodium chloride, mingħajr preservattiv, li jirriżulta f'soluzzjoni li jkollha 25 mg/ml pemetrexed.
ALIMTA 500 mg
Irrikostitwixxi kull kunjett ta' 500mg b'20 ml ta' soluzzjoni għall-injezzjoni ta' 9mg/ml (0.9%) sodium chloride, mingħajr preservattiv, li jirriżulta f'soluzzjoni li jkollha 25 mg/ml pemetrexed.
Dawwar bil-mod kull kunjett sakemm it-trab ikun inħall kompletament. Is-soluzzjoni li tirriżulta hija ċara u tvarja minn bla kulur sa kulur safrani jew safrani fl-aħdar mingħajr ma tiġi affettwata b’mod negattiv il-kwalità tal-prodott. Il-pH tas-soluzzjoni rikostitwita hi bejn 6.6 u 7.8. Ikun meħtieġ iżjed dilwizzjoni
Il-volum xieraq tas-soluzzjoni rikostitwita ta’ pemetrexed irid jerġa’ jiġi dilwit sa 100ml b’ soluzzjoni għall-injezzjoni ta’ 9mg/ml(0.9%)sodium chloride, mingħajr preservattiv, u jingħata bħala infużjoni fil-vini għal 10 minuti.
Soluzzjonijiet ta' infużjoni ta’ pemetrexed ippreparati kif indikat hawn fuq huma kompatibbli ma' settijiet għall-għoti u boroż ta’ l-infużjoni miksija bil-polyvinyl chloride u polyolefin. Pemetrexed mhuwiex kompatibbli ma’ diljuwenti li fihom il-kalċju, inklużi l-injezzjoni ta’ lactated Ringer u l- injezzjoni ta’ Ringer.
Qabel ma jingħataw, prodotti mediċinali mgħotija permezz ta’ injezzjoni għandhom jiġu eżaminati viżwalment għal preżenza ta’ xi frak u telf ta’ kulur. Tinjettax jekk jiġi osservat xi frak.
Soluzzjonijiet ta’ pemetrexed għandhom jintużaw darba biss. Kull fdal tal-prodott li ma jkunx intuża jew skart li jibqa’ wara l-użu tal-prodott għandu jintrema kif jitolbu l-liġijiet lokali