Docetaxel Teva Pharma
docetaxel
docetaxel
Żomm dan il-fuljett. Jista jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, jew lill-ispiżjar jew l-infermier tiegħek fl-isptar.
Jekk ikollok xi effett sekondarju, kellem lit-tabib, jew lill-ispiżjar jew l-infermier tiegħek fl-isptar.
Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.
X’inhu Docetaxel Teva Pharma u għalxiex jintuża
X’għandek tkun taf qabel tuża Docetaxel Teva Pharma
Kif għandek tuża Docetaxel Teva Pharma
Effetti sekondarji possibbli
Kif taħżen Docetaxel Teva Pharma
Kontenut tal-pakkett u informazzjoni oħra
L-isem ta’ din il-mediċina huwa Docetaxel Teva Pharma. Docetaxel hija sustanza derivata mill-weraq, f’għamla ta’ labar, tas-siġar tat-tassu.
Prodott mediċinali li m’għadux awtorizzat
Docetaxel jappartjeni għall-klassi ta’ mediċini kontra l-kanċer li jissejħu taxoids.
Docetaxel Teva Pharma kien preskritt mit-tabib tiegħek għat-trattament tal-kanċer tas-sider, xi tipi speċjali ta’ kanċer tal-pulmun (dak it-tip ta’ kanċer tal-pulmun li mhux mikroċitoma), kanċer tal- prostata, kanċer tal-istonku jew kanċer tar-ras u tal-għonq:
− Għat-trattament ta’ kanċer avvanżat tas-sider, Docetaxel Teva Pharma jista’ jingħata jew waħdu jew flimkien ma’ doxorubicin jew trastuzumab jew capecitabine.
− Għat-trattament tal-kanċer tal-pulmun, Docetaxel Teva Pharma jista’ jingħata jew waħdu jew flimkien ma cisplatin.
− Għat-trattament ta’ kanċer tal-prostata, Docetaxel Teva Pharma jingħata flimkien ma’ prednisone jew prednisolone.
jekk inti allerġiku/a (tbati minn sensittivita’ eċċessiva) għal docetaxel jew sustanzi oħra ta’ Docetaxel Teva Pharma.
l-għadd taċ-ċelluli bojod fid-demm huwa baxx wisq.
għandek mard serju tal-fwied.
Qabel kull darba li tibda l-kura b’Docetaxel Teva Pharma ikollok tagħmel testijiet tad-demm biex tiċċekja jekk għandekx biżejjed ċelluli fid-demm u funzjoni adegwata tal-fwied biex tkun tista’ tieħu Docetaxel Teva Pharma. Fil-każ li jkun hemm abnormalitajiet fiċ-ċelluli bojod tad-demm, jista’ jkollok id-deni jew infezzjonijiet assoċjati magħhom.
Tkellem mat-tabib, mal-ispiżjar tal-isptar jew mal-infermier tiegħek jekk għandek problemi fil-vista. F’każ ta’ problemi fil-vista, b’mod partikulari vista mċajpra, għandek minnufih tagħmel eżaminazzjoni
tal-għajnejn u tal-vista.
Jekk fil-pulmuni tiegħek jiżviluppaw xi problemi akuti jew dawn imorru għall-agħar (deni, qtugħ ta’ nifs jew sogħla), jekk jogħġbok minnufih għid lit-tabib, lill-ispiżjar tal-isptar jew lill-infermier tiegħek. It-tabib tiegħek jista’ jwaqqaflek il-kura immedjatament.
Ser jgħidulek biex tieħu l-premedikazzjoni li tikkonsisti f’corticosteroid orali bħal dexamethasone, jum qabel tieħu Docetaxel Teva Pharma u trid tkompli hekk għal jum wieħed jew jumejn wara, biex tnaqqas ir-riskju ta’ xi effetti mhux mixtieqa li jista’ jkollok wara l-infużjoni ta’Docetaxel Teva Pharma, speċjalment reazzjonijiet allerġiċi u żamm ta’ fluwidu (nefħa tal-idejn, saqajn, riġlejn jew żieda fil-piż).
Waqt it-trattament, tista’ tingħata xi mediċini oħra biex jinżamm l-għadd taċ-ċelluli tad-demm tiegħek.
Jekk jogħġbok, għid lit-tabib jew lis-spiżjar fl-isptar tiegħek jekk qiegħed tieħu jew ħadt dan l-aħħar xi mediċini oħra, anki dawk mingħajr riċetta. Dan għaliex Docetaxel Teva Pharma jew il-mediċina l-oħra jistgħu ma jaħdmux tajjeb daqs dak mistenni u jista’ jkun aktar probabbli li tiżviluppa xi effetti sekondarji
Staqsi lit-tabib tiegħek dwar pariri qabel ma tingħata xi mediċina.
Docetaxel Teva Pharma M’GĦ ANDUX JITTIEĦED jekk inti tqila sakemm ma jiġix indikat b’mod ċar mit-tabib tiegħek.
Prodott mediċinali li m’għadux awtorizzat
Inti m’għandekx tinqabad tqila waqt it-trattament b’din il-mediċina u għandek tuża metodu effettiv ta’ kontraċezzjoni waqt il-kura peress li Docetaxel Teva Pharma jista’ jkun ta’ ħsara għat-tarbija mhix mwielda. Jekk toħroġ tqila waqt il-kura, għandek tgħid lit-tabib tiegħek immedjatament.
Jekk inti raġel li qed tiġi kkurat b’Docetaxel Teva Pharma, inti avżat biex ma ssirx missier waqt u sa 6 xhur wara t-trattament u sabiex tfittex parir għal konservazzjoni ta' l-isperma qabel it-trattament minħabba minħabba li docetaxel jista' jibdel il-fertilità maskili.
Ma sarux studji dwar l-effetti fuq il-kapaċità biex issuq u li tħaddem magni.
Docetaxel Teva Pharma sejjer jingħatalek minn professjonist fil-qasam tas-saħħa.
Id-doża tiddependi fuq il-piż tiegħek u l-qagħda ġenerali li tinsab fiha. It-tabib tiegħek sejjer jikkalkula l-erja tas-superfiċi ta’ ġismek f’metri kwadri (m2) u b’hekk ser ikun jista’ jikkalkula d-doża li għandek tieħu.
Docetaxel Teva Pharma sejjer jingħatalek permezz t’infużjoni f’waħda mill-vini tiegħek (użu ġol-vina). L-infużjoni iddum madwar siegħa u waqt din il-proċedura inti ser tkun l-isptar.
Għandek normalment tirċievi l-infużjoni tiegħek darba kull 3 ġimgħat.
It-tabib tiegħek jista’ jibdillek id-doża u l-frekwenza tad-dożi skont ir-riżultati tad-demm, il-qagħda ġenerali tiegħek u r-rispons għal Docetaxel Teva Pharma. Partikulament, jekk jogħġbok, għid lit-tabib tiegħek speċjalment jekk tiżviluppa id-dijarea, selħiet fil-ħalq, sensazzjoni ta’ tnemnim jew xi parti imtarrxa tal-ġisem jew deni u għidlu/ghidilha bir-riżultati tat-testijiet tiegħek tad-demm. B’din l- informazzjoni tippermetti lilhu/lilha biex jiddeċiedi/tiddeċiedi jekk id-dożżaġġ għandu jiġi mnaqqas. Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek fl- isptar.
Bħal kull mediċini oħra kontra l-kanċer, din il-mediċina tista’ tikkawża effetti sekondarji, għalkemm ma jidhrux f’kulħadd.
It-tabib tiegħek sejjer jiddiskuti dawn miegħek u jispjegalek ir-riskju u l-benefiċji potenzjali tat-trattament.
Ir-reazzjonijiet avversi l-aktar komunement irrapportati ta’ Docetaxel Teva Pharma waħdu huma: tnaqqis fl-għadd taċ-ċelluli ħomor jew bojod tad-demm, allopeċja, tqalligħ, rimettar, selħiet tal-ħalq, dijarea u għeja.
Is-severità ta’ każijiet avversi ta’ Docetaxel Teva Pharma jistgħu jiżdiedu meta Docetaxel Teva Pharma jingħata flimkien ma’ sustanzi kimoterapewtiċi oħra.
Prodott mediċinali li m’għadux awtorizzat
Waqt l-infużjoni fl-isptar jistgħu jiġru dawn ir-reazzjonijiet allerġiċi (jistgħu jaffettwaw aktar minn persuna waħda minn kull 10):
fwawar, reazzjonijiet fil-ġilda, ħakk,
rass tas-sider, tbatija fin-nifs,
deni jew tkexkix tal-bard,
uġigħ fid-dahar,
pressjoni baxxa
Reazzjonijiet aktar severi jistgħu jiġru.
L-istaff tal-isptar jimmoniterjawlek il-kundizzjoni tiegħek mill-qrib waqt it-trattament. Għidilhom immedjatament jekk tinduna b’waħda minn dawn l-effetti.
Bejn infużjoni u oħra ta’ Docetaxel Teva Pharma jista’ jkollu dawn l-effetti, li l-frekwenza tagħhom tvarja skont it-taħlita ta’ mediċini li qed tieħu:
infezzjonijiet, tnaqqis fl-għadd taċ-ċelluli ħomor tad-demm (anemija), jew dak taċ-ċelluli bojod (li huma importanti fit-taqbida kontra l-infezzjoni) u l-plejtlits
deni: jekk dan jiżviluppalek għandek tgħid lit-tabib tiegħek immedjatament
reazzjonijiet allerġiċi kif deskritti hawn fuq
nuqqas t’aptit (anoreskja)
nuqqas ta’ rqad
sensazzjoni li xi parti imtarrxa ta’ ġismek jew tnemnim, jew uġigh fil-ġogi jew muskoli
uġigħ ta’ ras
tibdil fis-sens tat-tegħim
infjammazzjoni tal-għajn jew tidmigħ tal-għajnejn
nefħa dovuta għal difett fil-funzjoni tas-sistema limfatika
qtugħ ta’ nifs
tnixxija tal-imnieħer; infjammazjoni tal-gerżuma u l-imnieħer; sogħla
tinfaraġ
selħiet fil-ħalq
taqlib tal-istonku inklużi t-tqalligħ, rimettar u d-Dijarea, stitikezza
uġigħ addominali
indiġistjoni
waqgħa tax-xagħar (fil-biċċa l-kbira tal-każijiet ix-xagħar għandu normalent jerġa’ jikber)
ħmura u nefħa tal-pali t’idejk jew il-qigħan ta’saqajk li jistgħu jikkaġunaw li l-ġilda titqaxxar (din tista’ tiġri ukoll fid-dirgħajn, il-wiċċ u l-ġisem)
bidla fil-kulur tad-dwiefer tieghek, li jistgħu jinqalgħu
uġigħ fil-muskoli, uġigħ tad-dahar u uġigħ fl-ghadam
bidla fil-mestrwazzjoni jew in-nuqqas tagħha
nefħa tal-idejn, saqajn u riġlejn
għeja jew tħossok qiesek bl-influwenza
żieda jew tnaqqis fil-piż
kandidijasi orali
deidrazzjoni
sturdament
tnaqqis tas-smigħ
waqgħa tal-pressjoni tad-demm; polz irregolari jew il-qalb tħabbat mgħaġġla
insuffiċjenza tal-qalb
esofaġite
ħalq xott
diffikultà jew ugigħ meta tibla’
emorraġija
Prodott mediċinali li m’għadux awtorizzat
l-enżimi għoljin tal-fwied (għalhekk, meħtieġa t-testijiet regolari tad-demm)
ħass ħażin
fis-sit tal-injezzjoni reazzjonijiet fil-ġilda, flebite (infjammazzjoni tal-vina) few nefħa; infjammazzjoni tal-musrana l-kbira u tal-musrana z-zgħira, perforazzjoni tal-imsaren emboli tad-demm
Jekk ikollok xi wieħed mill-effetti sekondarji, tkellem mat-tabib, mal-ispiżjar tal-isptar jew man-ners tiegħek. Dan jinkludi kull effett sekondarju possibbli mhux imniżżel f’dan il-fuljett.
F rekw enza m hux m agħruf a:
mard interstizjali tal-pulmun (infjammazzjoni fil-pulmuni li tikkawża soghla u diffikultà biex tieħu n-nifs.Infjammazzjoni tal-pulmuni tista’ wkoll tiżviluppa meta t-terapija b’docetaxel tintuża mar-radjuterapija)
pnewmonja (infezzjoni fil-pulmuni)
fibrożi tal-pulmuni (titrabba bħal qoxra u r-rita tal-pulmun tiħxien b’konsegwenza li jkun hemm qtugħ ta’ nifs)
vista mċajpra minħabba nefħa fir-retina tal-għajn (edima makulari taċ-ċistojde) tnaqqis tas-sodju fid-demm tiegħek.
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi xi
effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V*. Billi tirrapporta l-
effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Din il-mediċina m’għandhiex tintuża wara d-data ta’ skadenza li tidher fuq il-kartuna, folja tal-pakkett u l-kunjetti.
Taħżinx f’temperatura ’l fuq minn 25 C Tagħmlux fil-friża.
Aħżen fil-pakkett oriġinali sabiex tilqa’ mid-dawl.
Is-soluzzjoni mħallta bil-lest minn qabel trid tintuża immedjatament wara li tkun ippreparata. Madankollu, l-istabbiltà kimika u fiżika tas-soluzzjoni mħallta bil-lest intweriet li tibqa’ tajba għal 8 sigħat meta tinżamm bejn 2°Ċ u t-8° Ċ jew f’temperatura ambjentali (taħt 25°Ċ).
L-infużjoni mħallta għall-użu trid tintuża fit-temperatura ambjentali fi żmien 4 sigħat (taħt 25°Ċ). Tarmix mediċini mal-ilma tad-dranaġġ . Staqsi lill-ispiżjar tiegħek dwar kif għandek tarmi mediċini li
m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi docetaxel. Kull kunjett ta’ konċentrat ta’ fih 20 mg ta’ docetaxel. Kull ml ta’ konċentrat fih 27.73 mg ta’ docetaxel.
Prodott mediċinali li m’għadux awtorizzat
Is-sustanzi l-oħra huma polysorbate 80 u 25.1% (w/w) ethanol anidru.
Ilma għall-injezzjonijiet
Docetaxel Teva Pharma konċentrat għal soluzzjoni għall-infuzjoni hija soluzzjoni ċara u maqgħuda li tagħti fl-isfar għal fl-isfar u l-kannella.
Kull kartuna fiha:
kunjett tal-ħġieġ ċar ta’ 6 ml b’għatu li jinqala’ bis-saba’ li fih 0.72 ml ta’ konċentrat u
kunjett tal-ħġieġ ċar ta’ 6 ml b’għatu li jinqala’ bis-saba’ li fih 1.28 ml ta’ solvent.
Teva Pharma B.V.
Computerweg 10
3542 DR Utrecht l-Olanda
PO Box 552
2003 RN Haarlem L-Olanda
TEVA Pharmaceutical Works Private Limited Company Táncsics Mihály út 82
2100 Gödöllő l-Ungerija
Teva Operations Poland Sp. z.o.o. Sienkiewicza 25
99-300 Kutno Il-Polonja
Teva Czech Industries s.r.o Ostravská 29
Č.p. 305
747 70 Opava-Komárov Ir-Repubblika Ċeka
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Teva Pharma Belgium N.V./S.A./AG
Tel/Tél: +32 3 820 73 73
UAB “Sicor Biotech”
Tel: +370 5 266 02 03
Тева Фармасютикълс България ЕООД
Teл: +359 2 489 95 82
Teva Pharma Belgium N.V./S.A./AG
Tél: +32 3 820 73 73
Teva Pharmaceuticals CR, s.r.o. Tel: +420 251 007 111
Teva Gyógyszergyár Zrt Tel.: +36 1 288 64 00
Prodott mediċinali li m’għadux awtorizzat
Teva Denmark A/S Tlf: +45 44 98 55 11
Drugsales Ltd
Τel: +356 21 419 070/1/2
Teva GmbH
Tel: +49 731 402 08
Teva Nederland B.V.
Tel: +31 800 0228 400
Teva Eesti esindus UAB Sicor Biotech Eesti filiaal
Tel: +372 661 0801
Teva Norway AS Tlf: +47 66 77 55 90
Teva Ελλάς Α.Ε.
Τηλ: +30 210 72 79 099
ratiopharm Arzneimittel Vertriebs-GmbH Tel: +43 1 97007-0
Teva Pharma, S.L.U.
Tél: +34 91 387 32 80
Teva Pharmaceuticals Polska Sp. z o.o.
Tel.: +48 22 345 93 00
Teva Santé
Tél: +33 1 55 91 78 00
Teva Pharma - Produtos Farmacêuticos Lda
Tel: +351 21 476 75 50
Pliva Hrvatska d.o.o Tel: + 385 1 327 20 000
Teva Pharmaceuticals S.R.L Tel: +40 21 230 65 24
Teva Pharmaceuticals Ireland
Pliva Ljubljana d.o.o.
Tel: +353 51 321 740 Tel: +386 1 58 90 390
ratiopharm Oy
Sími: +358 20 180 5900
Teva Pharmaceuticals Slovakia s.r.o.
Tel: +421 2 5726 7911
Teva Italia S.r.l. Tel: +39 028917981
ratiopharm Oy
Puh/Tel: +358 20 180 5900
Teva Ελλάς Α.Ε.
Τηλ: +30 210 72 79 099
Teva Sweden AB
Tel: +46 42 12 11 00
UAB Sicor Biotech filiāle Latvijā
Tel: +371 67 323 666
Teva UK Limited
Tel: +44 1977 628 500
Sorsi oħra t a’ i nf ormazzjoni
Prodott mediċinali li m’għadux awtorizzat
It-tagħrif li jmiss qed jingħata biss għall-professjonisti fil-qasam mediku.
-----------------------------------------------------------------------------------------------------------------------------
--------------
Huwa importanti li taqra l-kontenut sħiħ ta’ din il-gwida qabel ma tipprepara jew is-soluzzjoni inizjali
tal-bidu ta’ Docetaxel Teva Pharma jew l-infużjoni ta’ Docetaxel Teva Pharma.
Docetaxel Teva Pharma 20 mg konċentrat għal soluzzjoni għall-infużjoni, hija taħlita ċara u magħquda, safra jew safra tagħti fil-kannella, u li għandha 27.73 mg/ml ta’ docetaxel (anidru) fil-polysorbate 80. Is- solvent ta’ Docetaxel Teva Pharma huwa ilma għall-injezzjonijiet.
Docetaxel Teva Pharma jiġi bħala kunjett li għandu doża waħda.
Kull kaxxa fiha kunjett wieħed ta’ Docetaxel Teva Pharma (20 mg) u kunjett wieħed ta’ solvent korrispondenti għal Docetaxel Teva Pharma, f’kartuna.
Il-kunjetti ta’ Docetaxel Teva Pharma m’għandhomx jinżammu f’temperatura ogħla minn 25°C, u għandhom ikunu protetti mid-dawl .
Tużax Docetaxel Teva Pharma wara d-data ta’ skadenza li tidher fuq il-kartuna, u l-kunjetti.
Prodott mediċinali li m’għadux awtorizzat
Il-kunjett ta’ Docetaxel ta’ 20 mg huwa wieħed ta’ 6 ml magħmul minn ħġieġ ċar b’tapp tal-lastku tal-bromobutyl u b’għatu li jinqala’ b’saba’.
Il-kunjett ta’ Docetaxel ta’ 20 mg fih soluzzjoni ta’ docetaxel f’polysorbate 80 b’konċentrazzjoni ta’ 27.73 mg/ml.
Kull kunjett fih 20 mg/0.72 ml ta’ soluzzjoni ta’ docetaxel, b’konċentrazzjoni ta’ 27.73 mg/ml fil- polysorbate 80 (volum attwali: 24.4 mg/0.88 ml ). Dan il-volum sar waqt l-iżvilupp ta’ docetaxel biex ipatti għat-telf ta’ parti mill-likwidu waqt il-preparazzjoni tas-soluzzjoni inizjali (ara sezzjoni
4) minħabba li tifforma r-ragħwa, dak li jibqa’ f’kuntatt mal-ħġieġ tal-kunjett u l-ammont ċkejken li jibqa’ fil-flixkun u li ma jkunx jista’ jittella’. Din iż-żieda fil-volum tiżgura li, wara li
ssir it-taħlita tal-kontenut kollu tal-kunjett tas-solvent mal-kontenut tal-kunjett ta’docetaxel, ikun
hemm ammont minimu li jista’ jittella’ ta’ 2 ml, li għandu 10 mg/ml docetaxel, li jikkorrispondi għall-ammont indikat fuq it-tabella ta’ 20 mg kull fjala.
Is-solvent għal Docetaxel 20 mg huwa f’kunjett tal-ħġieġ ċar ta’ 6 ml u li għandu tapp tal-lastku tal-bromobutyl b’għatu li jinqala’ bis-saba’.
Is-solvent għal Docetaxel huwa ilma għall-injezzjonijiet.
Kull kunjett tas-solvent fih 1.88 ml ta’ ilma għall-injezzjonijiet (volum tal-mili: 1.71 ml). Iż- żjieda tal-kontenut kollu tal-kunjett tas-solvent għall-kontenut fil-kunjett ta’ Docetaxel Teva Pharma għandu jiżgura taħlita lesta minn qabel b’konċentrazzjoni ta’ 10 mg/ml ta’ docetaxel.
Docetaxel Teva Pharma hija sustanza kimika għall-użu kontra t-tumuri u, bħal kull sustanza potenzjalment tossika, trid tkun eżerċitata l-kawtela fl-immaniġġar u fil-preparazzjoni tat-taħlitiet ta’ Docetaxel Teva Pharma. L-użu tal-ingwanti huwa rakkomandat.
Jekk konċentrat ta’Docetaxel Teva Pharma, jew is-soluzzjoni inizjali tal-infużjoni jew l-infużjoni nfisha tiġi f’kuntatt mal-ġilda, aħsel immedjatament u sew bis-sapun u l-ilma. Jekk konċentrat ta’Docetaxel Teva Pharma, jew is-soluzzjoni inizjali tal-infużjoni jew l-infużjoni nfisha tiġi f’kuntatt mal-mukoża, aħsel immedjatament u sew bl-ilma.
Jekk il-kunjetti kienu maħżuna fil-friġġ, ħalli n-numru ta’ kaxex ta’ Docetaxel Teva Pharma li għandek bżonn f’temperatura ambjentali (taħt 25°Ċ) għal 5 minuti.
Uża siringa b’labra mwaħħla magħha u tella’ l-kontenut sħiħ tas-solvent ta’Docetaxel Teva Pharma, b’mod asettiku, billi taqleb il-kunjett tas-solvent parzjalment rasu ’l isfel.
Injetta il-kontenut sħiħ tas-siringa fil-kunjett korrispondenti ta’ Docetaxel Teva Pharma.
Neħħi s-siringa u l-labra u ħawwad b’idejk billi ddawwar ripetutament il-kunjett għal mhux anqas minn 45 sekonda. Iċċekċikx il-kunjett.
Prodott mediċinali li m’għadux awtorizzat
Ħalli il-kunjett, li issa fih is-soluzzjoni inizjali, joqgħod għal 5 minuti f’temperatura ambjentali (taħt 25°Ċ) u ara li t-taħlita hija omoġenja u ċara (il-formazzjoni tar-ragħwa hija ħaġa normali u tista’ tibqa’ anke wara 5 minuti minħabba li hemm il-polysorbate 80 fil-formulazzjoni).
Is-soluzzjoni inizjali għandha 10 mg/ml docetaxel u għandha tintuża immedjatament wara li tkun ippreparata. Madankollu, l-istabbiltà kimika u fiżika tas-soluzzjoni inizjali ntweriet li ddum għal 8 sigħat meta tkun maħżuna bejn +2°Ċ jew +8°Ċ jew f’temperatura ambjentali (taħt 25°Ċ).
Jista’ jagħti l-każ li jkollok tuża aktar minn kunjett wieħed għas-soluzzjoni inizjali mħallta biex tilħaq id-doża indikata għall-pazjent. Ibażżat fuq id-doża meħtieġa preċiżament f’milligrami għall-pazjent,, tella’ b’mod asettiku, l-ammont meħtieġ ta’ soluzzjoni inizjali, li fiha 10 mg/ml ta’ docetaxel, minn numru ta’ kunjetti li jkun meħtieġ b’użu ta’ siringi immarkati, bil-labar
f’posthom. Biex nieħdu eżempju, doża ta’ 140 mg ta’ docetaxel tirrikjedi 14 ml ta’ soluzzjoni inizjali ta’ docetaxel.
Injetta l-volum meħtieġ tas-soluzjoni inizjali f’borża jew flixkun tal-infużjoni ta’ 250 ml, li għandha/għandu soluzzjoni ta’ 5% glukożju jew soluzzjoni ta’ 9 mg/ml (0.9%) sodium chloride għall-infużjoni. Jekk hija meħtieġa doża akbar minn 200 mg ta’ docetaxel, uża volum ta’ infużjoni akbar biex tiżgura li l-konċentrazzjoni ma tkunx aktar minn 0.74 mg/ml ta’ docetaxel.
Ħawwad il-borża jew il-flixkun tal-infużjoni b’idejk billi iċċaqlaqha/iċċaqalqu minn naħa għall- oħra.
Is-soluzzjoni għall-infużjoni ta’ Docetaxel Teva Pharma għandha tintuża fi żmien 4 sigħat u għandha tingħata b’mod asettiku bħala infużjoni fuq żmien ta’ siegħa f’temperatura ambjentali (taħt 25°Ċ) u f’dawl normali.
Bħal prodotti parenterali kollha, is-soluzzjoni inizjali ta’qabel ta’ Docetaxel Teva Pharma u l- infużjoni għandhom ikunu eżaminati viżwalment qabel l-użu. Soluzzjonijiet li jkollhom xi preċipitat jew frak żgħir għandhom jintremew.
Il-materjali kollha li ntużaw għas-soluzzjoni u għall-infużjoni għandhom jintremew kif jixraq skont
Prodott mediċinali li m’għadux awtorizzat
il-proċeduri irrakkomandati. Tarmix mediċini mal-ilma tad-dranaġġ . Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.