Cometriq
cabozantinib
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju, kellem lit-tabib tiegħek. Dan jinkludi xi effett sekondarju
possibbli li mhuwiex elenkat f’dan il-fuljett. Ara sezzjoni 4.
X’inhu COMETRIQ u għalxiex jintuża
X’għandek tkun taf qabel ma tieħu COMETRIQ
Kif għandek tieħu COMETRIQ
Effetti sekondarji possibbli
Kif taħżen COMETRIQ
Kontenut tal-pakkett u informazzjoni oħra
COMETRIQ huwa mediċina kontra l-kanċer li fiha s-sustanza attiva cabozantinib (S)-malate.
Dan huwa mediċina li jintuża biex jikkura l-kanċer medullari tat-tirojdi, tip rari ta’ kanċer tat-tirojdi, li ma jistax jitneħħa bil-kirurġija jew li jkun infirexx f’partijiet oħra tal-ġisem.
COMETRIQ jimblokka l-azzjoni ta’ proteini msejħa tyrosine kinases tar-riċetturi (RTKs - receptor
tyrosine kinases), li huma involuti fit-tkabbir taċ-ċelluli u l-iżvilupp ta’ kanali tad-demm ġodda li jfornuhom. Dawn il-proteini jistgħu jkunu preżenti f’ammonti kbar fiċ-ċelluli tal-kanċer, u billi jimblokka l-azzjoni tagħhom COMETRIQ jista’ jnaqqas ir-rata li biha jikber it-tumur u jgħin biex iwaqqaf il-provvista ta’ demm li l-kanċer jeħtieġ.
COMETRIQ jista’ jnaqqas jew iwaqqaf l-iżvilupp tal-kanċer medullari tat-tirojdi. Jista’ jgħin biex
it-tumuri jinxtorbu meta assoċjati ma’ dan it-tip ta’ kanċer.
jekk inti allerġiku għal cabozantinib jew għal xi sustanza oħra ta’ din il-mediċina (elenkati fis- sezzjoni 6).
Kellem lit-tabib jew l-ispiżjar tiegħek qabel ma tieħu COMETRIQ jekk:
għandek pressjoni tad-demm għolja
għandek jew kellek anewriżmu (tkabbir u dgħufija ta’ ħajt ta’ vina) jew tiċrita f’ħajt ta’ vina.
għandek dijarea
għandek storja medika riċenti li d-demm joħroġ mas-sogħla jew emorraġija sinifikanti
kellek intervent mediku fl-aħħar xahar (jew jekk interventi mediċi huma ppjanati) li jinkludu proċeduri dentali
kellek radjoterapija fl-aħħar 3 xhur
kellek mard tal-imsaren infjammatorju (pereżempju mard ta’ Crohn jew kolite ulċerattiva jew divertikulite)
qalulek li għandek kanċer li jkun infirexx fil-passaġġ tal-arja jew fil-griżmejn
għandek storja medika riċenti ta’ emboli ta’ demm fir-riġel, puplesija jew attakk ta’ qalb
qed tieħu mediċini biex tikkontrolla r-ritmu tal-qalb tiegħek, għandek qalbek tħabbat bil-mod, għandek problemi b’qalbek jew għandek problemi bil-livelli ta’ kalċju, potassju jew manjesju
fid-demm tiegħek
għandhom mard tal-fwied jew tal-kliewi.
Għandek ukoll tgħarraf lid-dentst tiegħek li qed tieħu COMETRIQ. Huwa importanti li tippratika kura tajba ta’ ħalqek waqt it-trattament b’COMETRIQ.
COMETRIQ mhux rakkomandat fi tfal jew adolexxenti. L-effetti ta’ COMETRIQ f’persuni li għadhom m’għalqux it-18-il sena mhumiex magħruga.
Għid lit-tabib jew lill-ispiżjar tiegħek jekk qiegħed tieħu jew ħadt dan l-aħħar xi mediċina oħra li jinkludu mediċini miksuba mingħajr riċetta ta’ tabib. Dan minħabba li COMETRIQ jista’ jaffettwa l- mod kif jaħdmu. Ukoll, xi mediċini jista’ jaffettwa l-mod kif COMETRIQ jaħdem. Dan ikun ifisser li t-tabib tiegħek jeħtieġ li jibdel id-doż(a/i) li qed tieħu.
Mediċini li jikkuraw infezzjonijiet tal-moffa, bħal itraconazole, ketoconazole u posaconazole
Mediċini użati biex jikkuraw infezzjonijiet batteriċi (antibijotiċi) bħal erythromycin, clarithromycin u rifampicin
Mediċini tal-allerġija bħal fexofenadine
Mediċini għat-trattament ta’ angina pectoris (uġigħ fis-sider minħabba li ma jkunx hemm biżżejjed provvista ta’ demm lejn il-qalb) bħal ranolazine
Mediċini użati għall-kura ta’ epilessija jew ħmar il-lejl bħal phenytoin, carbamazepine u phenobarbital
Preparazzjonijiet bi ħxejjex li jkun fihom St John’s Wort (Hypericum perforatum), li xi kultant
jintuża biex jikkura d-depressjoni jew kondizzjonijiet marbuta mad-depressjoni bħal ansjetà
Mediċini użati biex iraqqu d-demm, bħal warfarina u dabigatran etexilate
Mediċini użati fil-kura tal-pressjoni għolja tad-demm jew kondizzjonijiet oħra tal-qalb, bħal
aliskiren, ambrisentan, digoxin, talinolol u tolvaptan
Mediċini użati għad-dijabete, bħal saxagliptin u sitagliptin
Mediċini użati għall-kura ta’ gotta, bħal colchicine
Mediċini użati biex jikkuraw HIV jew AIDS, bħal ritonavir, maraviroc u emtricitabine
Mediċini użati għall-kura ta’ infezzjonijiet virali bħal efavirenz
Mediċini użati biex jipprevjenu r-riġetazzjoni ta’ trapjanti (cyclosporine) i programmi ta’ kura bażati fuq cyclosporine f’artrite rewmatika u psorjasi
Kontraċettivi orali
Jekk qed tieħu COMETRIQ waqt li qed tuża kontraċettivi orali, il-kontraċettivi orali jistgħu ma jkunux effettivi. Għandek tuża kontraċettiv tal-barriera (eż. kondoms jew dijaframma) waqt li qed tieħu COMETRIQ u għal tal-anqas 4 xhur wara li t-trattament ikun intemm.
Evita li tikkonsma prodotti li jkun fihom grejpfrut kemm iddum tuża din il-mediċina, peress li dan jista’ jgħolli l-livelli ta’ COMETRIQ fid-demm tiegħek.
Kellem lit-tabib tiegħek jekk inti jew is-sieħba tiegħek tinqabad tqila, jew qed tippjanaw li tinqabad tqila waqt li int qed tiġi kkurata b’COMETRIQ.
Nisa li jkunu qed jieħdu COMETRIQ m’għandhomx ireddgħu waqt it-trattament u għal tal-anqas 4 xhur wara li tkun intemmet il-kura, peress li cabozantinib u/jew il-metaboliti tiegħu jistgħu jiġu eliminati fil-ħalib tas-sider u jkun ta’ ħsara għall-wild tiegħek.
Uża l-kawtela meta ssuq jew tħaddem magni. Żomm f’rasek li t-trattament b’COMETRIQ jista’ jagħmlek tħossok għajjien jew dgħajjef.
Din il-mediċina fiha anqas minn 1 mmol sodium (23 mg) f’kull kapsula, jiġifieri essenzjalment “ħielsa mis-sodium”.
Dejjem għandek tieħu din il-mediċina skont il-parir eżatt tat-tabib jew l-ispiżjar tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
Inti għandek tibqa’ tieħu din il-mediċina sakemm it-tabib tiegħek jgħidlek twaqqaf it-trattament. Jekk tesperjenza effetti sekondarji serji, it-tabib tiegħek jista’ jiddeċiedi li jibdel id-doża tiegħek jew iwaqqaf it-trattament aktar kmieni minn dak maħsub oriġinarjament. It-tabib tiegħek ser jistabilixxi jekk għandekx bżonn li jkollok id-doża tiegħek aġġustata, partikolarment fl-ewwel tmien ġimgħat ta’ terapija b’COMETRIQ.
COMETRIQ għandu jittieħed darba kuljum. Skont id-doża li inti ġejt preskritt, l-għadd ta’ kapsuli li
għandhom jittieħdu huma kif ġejjin.
140 mg (kapsula oranġjo 1 ta’ 80 mg u 3 kasuli griżi ta’ 20 mg )
100 mg (kapsula oranġjo 1 ta’ 80 mg u kapsula griża 1 ta’ 20 mg)
60 mg (3 kapsuli griżi ta’ 20 mg)
It-tabib tiegħek ser jiddeċiedi liema hija l-aħjar doża għalik.
Il-kapsuli tiegħek ser jiġu f’kartuna b’folja organizzati skont id-doża preskritta. Kull kartuna b’folja għandha biżżejjed kapsuli biex idumu għal sebat ijiem (ġimgħa) ta’ dożi. Il-kapsuli tiegħek huma disponibbli wkoll bħala pakkett ta' 28 jum li fih biżżejjed kapsuli għal 28 jum, f’kartun b’4 folji
b’7 ijiem ta’ kapsuli f’kull kartuna.
Kull jum, ħu l-kapsuli kollha li hemm tul ir-ringiela. Aktar tagħrif dwar il-folji fil-kartuni li jinkludi kemm kapsuli għandek tieħu u kemm hemm kapsuli b’kollox f’kull folja fil-kartuna huma deskritti hawn isfel f’sezzjoni 6. Biex tibqa’ tiftakar id-dożi tiegħek, ikteb id-data ta’ meta ħadt l-ewwel doża fl-ispazju qrib il-kapsuli. Biex tneħħi l-kapsuli għad-doża tiegħek:
Imbotta ’l ġewwa fuq in-nuffata
Qaxxar il-karta ta’ fuq wara
3. Imbotta l-kapsula minn ġol-fojl
COMETRIQ m’għandux jittieħed ma’ ikel. M’għandek tiekol xejn għal tal-anqas sagħtejn qabel ma tieħu COMETRIQ u għal siegħa wara li tieħu l-mediċina. Ibla’ l-kapsuli waħda kul darba mal-ilma. Tiftaħhomx.
Jekk inti ħadt aktar COMETRIQ milli suppost ħadt, kellem tabib jew inkella mur l-isptar bil-kapsuli u l-fuljett minnufih.
Jekk ikun għad fadal 12-il siegħa jew aktar għad-doża li jkun imissek allura ħu d-doża li ma ħadtx hekk kif tiftakar. Ħu d-doża li jkun imissek wara fil-ħin normali.
Jekk ikun għad fadal anqas minn 12-il siegħa għad-doża li jkun imissek allura tieħux id-doża li
ma ħadtx. Ħu d-doża li jkun imissek wara fil-ħin normali.
Jekk twaqqaf it-trattament tiegħek, dan jista’ jwaqqaf l-effett tal-mediċina. Twaqqafx it-trattament b’COMETRIQ sakemm ma tkunx iddiskutejt dan mat-tabib tiegħek. Jekk għandek aktar mistoqsijiet dwar l-użu ta’ din il-mediċina, staqsi lit-tabib tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd. Jekk ikollok effetti sekondarji, it-tabib tiegħek jista’ jgħidlek biex tieħu COMETRIQ f’doża aktar baxxa. It-tabib tiegħek jista’ wkoll jordnalek mediċini oħra sabiex jgħinuk tikkontrolla l-effetti sekondarji.
Is-sintomi jinkludu uġigħ fiż-żaqq, tqalligħ, remettar, stitikezza jew deni. Dawn jistgħu jkunu sinjali ta’ perforazzjoni gastrointestinali, toqba li tiżviluppa fl-istonku tiegħek jew l-imsaren li tista’ tkun ta’ periklu għall-ħajja.
Nefħa, uġigħ fl-idejn u s-saqajn, jew nifsijiet qosra.
Ġerħa li ma tfieqx.
Remettar u s-sogħla bid-demm, li jista’ jkun aħmar ileqq jew jidher bħal kafe mitħun.
Uġigħ fil-ħalq, is-snien u/jew ix-xedaq, nefħa jew ulċeri fil-ħalq, tnemnim jew tħoss ix-xedaq tqil, jew snienek jillaxxkaw. Dawn jistgħu jkunu sinjali ta’ ħsara fix-xedaq (osteonekrosi).
Attakki pupletiċi, uġigħ ta’ ras, konfużjoni jew isibha diffiċli tikkonċentra. Dawn jistgħu jkunu sinjali ta’ kondizzjoni li tissejjaħ sindromu ta’ enċefalopatija posterjuri riversibbli (PRES – posterior reversible encephalopathy syndrome). PRES mhux komuni (jaffettwa inqas minn persuna 1 f’100).
Dijarea severa li ma tidhirx li qed tbatti.
Stonku mqalla’, li jinkludi dijarea, tqalligħ, remettar, stitikezza, indiġestjoni, u uġigħ
addominali
Diffikultà biex tibla’
Nuffata, uġigħ fl-idejn jew fil-pala tas-sieq, raxx jew ħmura fil-ġilda, ġilda xotta
Tnaqqis fl-aptit, telf fil-piż, togħma mibdula ta’ togħma
Għeja, dgħufija, uġigħ ta’ ras, sturdament
Bidliet fil-kulur tax-xagħar (jiċċara), telf ta’ xagħar
Pressjoni għolja (żieda fil-pressjoni tad-demm)
Ħmura, nefħa jew uġigħ fil-ħalq jew il-griżmejn, diffikultà biex titħaddet, maħnuq/a
Bidliet fil-valuri tat-testijiet tad-demm użati biex jimmonitoraw is-saħħa ġenerali u l-fwied, livelli baxxi ta’ elettroliti, (bħal manjesju, kalċju jew potassju)
Livell baxx ta’ plejtlits
Uġigħ fil-ġogi, spażmi muskolari
Glandoli limfatiċi minfuħa
Uġigħ fid-dirgħajn, idejn, riġlejn, jew saqajn
Ansjetà, depressjoni, stat konfuż
Uġigħ ġeneralizzat, uġigħ fis-sider jew fil-muskolu, uġigħ fil-widnejn, ċenċil fil-widnejn
Dgħufija u sensazzjoni mnaqqsa jew tnemnim tad-dirgħajn jew ir-riġlejn
Sirdat, rogħda
Deidrazzjoni
Infjammazzjoni tal-addome jew il-frixa
Infjammazzjoni tax-xufftejn u l-irkejjen tal-ħalq
Infjammazzjoni fl-għerq ta’ xagħrek, akne, nfafet (f’partijiet ta’ġismek li mhumiex idejk jew riġlejk)
Nefħa fil-wiċċ u f’partijiet oħra tal-ġisem
Nuqqas ta’ togħma jew bidla fit-togħma
Pressjoni baxxa (tnaqqis fil-pressjoni tad-demm)
Fibrilazzjoni atrijali (qalb tħabbat bil-qawwa jew b’mod erratiku)
Ġilda li tiċċara, il-ġilda titqaxxar, ġilda li tisfar b’mod insolitu
Xagħar li jikber mhux normali
Murliti
Pnewmonja (infezzjoni tal-pulmun)
Uġigħ fil-ħalq, is-snien u/jew ix-xedaq, nefħa jew ulċeri ġol-ħalq, tnemnim jew tħoss ix-xedaq tqil, jew xi sinna tillaxka
Attività tat-tirojdi mnaqqsa: sintomi jistgħu jinkludu: għeja, żieda fil-piż, stitikezza, tħossok
kiesaħ u ġilda xotta
Livell baxx ta’ ċelluli bojod tad-demm
Tnaqqis fil-livell ta’ phosphate fid-demm
Tiċrita jew toqba jew emorraġija fl-istonku jew l-imsaren tiegħek, infjammazzjoni jew tiċrita
fl-anus, emorraġija fil-pulmun jew it-trakea, (passaġġ tal-arja)
Konnessjoni anormali tat-tessut fis-sistema diġestiva tiegħek; is-sintomi jistgħu jinkludu
wġigħ fl-istonku sever jew persistenti
Konnessjoni anormali tat-tessut fit-trakea (passaġġ tal-arja), l-esofagu, jew il-pulmun
Axxess (ġabra ta’ materja, b’nefħa u infjammazzjoni) fiż-żaqq jew l-parti tal-ġenbejn jew fi snienek/ħanek
Għoqiedi tad-demm fil-vini u l-arterji tad-demm u fil-pulmun
Puplesija
Infezzjoni tal-moffa li tista’ tkun fil-ġilda, il-ħalq jew fil-parti ġenitali
Ġrieħi li għandhom diffikultà biex ifiequ
Proteina jew demm fl-awrina, ħaġar fil-marrara, tgħaddi l-awrina bl-uġigħ
Vista mċajpra
Żieda fil-livell ta’ bilirubina fid-demm tiegħek (li jista’ jirriżulta f’suffejra/sfurija tal-ġilda/l- għajnejn)
Tnaqqis fil-livelli ta’ proteina fid-demm tiegħek (albumina)
Testijiet mhux normali tal-funzjoni tal-kliewi (żieda fl-ammonti ta’ kreatinina fid-demm tiegħek)
Żieda fil-livell tal-proteina fis-serum magħrufa bħala lipase.
Infjammazzjoni tal-esofagu, sintomi li jistgħu jinkludu ħruq ta’ stonku, uġigħ fis-sider, tħossok ma tiflaħx, bidla fit-togħma, nefħa, tfewwieq u indiġestjoni
Infezzjoni u infjammazzjoni tal-pulmun; il-pulmun jikkolassa
Ulċeri tal-ġilda, ċisti, dbabar ħomor fil-wiċċ jew il-koxox
Uġigħ fil-wiċċ
Bidliet fil-valuri ta’ riżultati ta’ testijiet li jkejlu t-taqgħid tad-demm jew ta’ ċelluli tad-demm
Nuqqas ta’ koordinazzjoni fil-muskoli tiegħek, ħsara lil muskoli skeletriċi
Nuqqas t’attenzjoni, nuqqas ta’ koxjenza, tibdil fid-diskors, delirju, ħolm mhux normali
Uġigħ fis-sider minħabba sadda fl-arterji, qalb tħabbat b’mod mgħaġġel
Ħsara fil-fwied, falliment kardijaku
Smigħ indebolit
Infjammazzjoni tal-għajnejn, kataretti
Waqfien tal-menstruazzjoni, emorraġija vaġinali
Kundizzjoni li tissejjaħ sindromu ta’ enċefalopatija riversibbli posterjuri (PRES - posterior reversible encephalopathy syndrome) li għandha sintomi bħal attakki ta’ puplesija, uġigħ ta’ ras, konfużjoni, jew issibha diffiċli biex tikkonċentra.
Żieda severa fil-pressjoni tad-demm (kriżi ipertensiva)
Attakk tal-qalb
Tkabbir u dgħufija ta’ ħajt ta’ vina jew tiċrita f’ħajt ta’ vina (anewriżmi u dissezzjonijiet tal- arterji).
Jekk ikollok xi effett sekondarju, kellem lit-tabib, lill-ispiżjar jew l-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistemata’rappurtarnazzjonali imniżżlaf’AppendiċiV. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-folja tal-kartuna wara EXP. Id-data ta’ meta tiskadi tirreferi għall-aħħar ġurnata ta’ dak ix-xahar.
Taħżinx f’temperatura ’l fuq minn 25ºC. Aħżen fil-pakkett oriġinali sabiex tipproteġi mill-umdità.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi cabozantinib (S)-malate.
Il-kapsuli ibsin f’COMETRIQ 20 mg fihom cabozantinab (S)-malate ekwivalenti għal 20 mg cabozantinib.
Il-kapsuli ibsin f’COMETRIQ 80 mg fihom cabozantinab (S)-malate ekwivalenti għal 80 mg ta’ cabozantinib.
Is-sustanzi l-oħra huma:
Il-kapsuli ta’ 20 mg fihom ukoll black iron oxide (E172)
Il-kapsuli ta’ 80 mg fihom ukoll red iron oxide (E172)
Il-kapsuli ibsin ta’ COMETRIQ 20 mg huma griżi u għandhom "XL184 20mg" stampat fuq naħa
minnhom.
Il-kapsuli ibsin ta’ COMETRIQ 80 mg huma oranġjo u għandhom "XL184 80mg" stampat fuq naħa
minnhom.
Il-kapsuli ibsin COMETRIQ huma ppakkettati f’folji fil-kartuni organizzati bid-doża preskritta. Kull folja fil-kartuna fiha biżżejjed mediċina għal 7 ijiem. F’kull ringiela tal-folja fil-kartuna hemm id-doża ta’ kuljum.
Il-folja fil-kartuna bid-doża ta’ 60 mg fiha wieħed u għoxrin kapsula ta’ 20 mg bħala 7 dożi ta’ kuljum b’kollox. Kull doża ta’ kuljum tingħata f’ringiela waħda u fiha 3 kapsuli ta’ 20 mg.
= 60 mg
tliet kapsuli griżi ta’ 20 mg
Il-folja fil-kartuna bid-doża ta’ 100 mg fiha seba’ kapsuli ta’ 80 mg u seba’ kapsuli ta’ 20 mg bħala 7 dożi ta’ kuljum b’kollox. Kull doża ta’ kuljum hija provduta f’ringiela waħda u fiha kapsula waħda ta’ 80 mg u kapsula waħda ta’ 20 mg.
= 100 mg
kapsula oranġjo ta’ 80 mg + kapsula griża ta’ 20 mg
Il-folja fil-kartuna bid-doża ta’ 140 mg fiha seba’ kapsuli ta’ 80 mg u wieħed u għoxrin kapsula ta’ 20 mg bħala 7 dożi ta’ kuljum b’kollox. Kull doża ta’ kuljum hija provduta ringiela waħda u fiha kapsula waħda ta’ 80 mg u tliet kapsuli ta’ 20 mg.
kapsula oranġjo ta’ 80 mg + tliet kapsuli griża ta’ 20 mg Il-kapsuli ibsin COMETRIQ jiġu wkoll f'pakketti ta' 28 jum:
84 kapsula (kartun b’4 folji ta’: 21 x 20 mg) (doża ta’ 60 mg/jum)
56 kapsula (kartun b’4 folji ta’: 7 x 20 u 7 x 80 mg) (doża ta’ 100 mg/jum)
112-il kapsula (kartun b’4 folji ta’: 21 x 20 mg u 7 x 80 mg) (doża ta’ 140 mg/jum) Kull pakkett ta' 28 jum fih biżżejjed mediċina għal 28 jum.
Ipsen Pharma
65 quai Georges Gorse 92100 Boulogne-Billancourt
Franza
Catalent Germany Schorndorf GmbH Steinbeisstr. 1 und 2
73614 Schorndorf
Il-Ġermanja
Tjoapack Netherlands B.V. Nieuwe Donk 9
4879 AC Etten-Leur
In-Netherlands
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur
tal-Awtorizzazzjoni għat-Tqegħid fis-Suq:
Ipsen NV Ipsen SpA
België /Belgique/Belgien Tel: + 39 02 39 22 41
Tél/Tel: + 32 9 243 96 00
Ipsen Pharma Франция/France/Francuska/Francija Tél: + 33 1 58 33 50 00
Ipsen Pharma representative office Tel: +371 67622233
Ipsen Pharma, s.r.o. Ipsen Pharma SAS Lietuvos filialas
Tel: + 420 242 481 821 Tel. + 370 700 33305
Institut Produits Synthèse (IPSEN) AB IPSEN Pharma Hungary Kft.
Sverige/Ruotsi/Svíþjóð Tel.: +361 555 5930
Tlf/Puh/Tel/Sími: +46 8 451 60 00
Ipsen Pharma GmbH Ipsen Farmaceutica B.V.
Deutschland Tel: + 31 (0) 23 554 1600
Tel.: +49 89 2620 432 89
Centralpharma Communications OÜ Ipsen Poland Sp. z o.o.
Tel: +372 60 15 540 Tel.: + 48 (0) 22 653 68 00
Ipsen Μονοπρόσωπη EΠΕ Ipsen Portugal - Produtos Farmacêuticos S.A.
Ελλάδα/Greece Tel: + 351 21 412 3550
Τηλ: + 30 210 984 3324
Ipsen Pharma, S.A. Ipsen Pharma România SRL
Tel: + 34 936 858 100 Tel: + 40 21 231 27 20
Ipsen Pharmaceuticals Limited Ipsen Pharma
Tel: + 44 (0)1753 62 77 77 Tel: +420 242 481 821
Informazzjoni dettaljata dwar dan il-prodott mediċinali tinsab fuq is-sit elettroniku tal-Aġenzija Ewropea għall-Mediċini /