Contacera
meloxicam
Detentur tal-awtorizzazzjoni għat-tqegħid fis-suq:
Zoetis Belgium SA Rue Laid Burniat 1 1348 Louvain-la-Neuve IL-BELĠJU
Manifattur responsabbli għall-ħrug tal-lott:
Chanelle Pharmaceuticals Manufacturing Ltd.
Loughrea
Co. Galway
L-IRLANDA
Contacera 20 mg/ml soluzzjoni għall-injezzjoni għall-baqar, majjali u żwiemel.
meloxicam
Millilitru fih: Meloxicam 20 mg
Ethanol (96%) 159.8 mg
Soluzzjoni safra, ċara.
Għall-użu fi żmien ta’ infezzjoni akuta fis-sistema tan-nifs, flimkien ma’ terapija antibijotika adattata biex
ittaffi s-sintomi kliniċi tal-marda lill-baqar.
Għall-użu fit-trattament ta’ dijarea flimkien ma’ terapija ta’ idratazzjoni orali mill-ġdid, biex jitnaqqsu s- sintomi kliniċi f’għoġġiela li għandhom aktar minn ġimgħa jew baqar ta’ età żgħira.
Għal terapija addizzjonali fit-trattament ta’ mastite akuta, flimkien ma’ terapija antibijotika adattata.
Għas-solliev tal-uġigħ ta’ wara l-operazzjoni wara t-tneħħija tal-qrun fl-għoġġiela.
Għall-użu waqt mard mhux infettiv tal-mixi biex jitnaqqsu s-sintomi ta’ meta l-annimal ikun qed izappap u dawk tal-infjammazzjoni.
Għal terapija addizzjonali fit-trattament ta’ settiċemija puwerperali u tossemija (sindrome mastite-metrite-
agalaktja) flimkien ma’ terapija antibijotika adattata.
Għall-użu sabiex tittaffa l-infjammazzjoni u għas-solliev tal-uġigħ f’mard muskolu-skeletriku li jkun kemm akut kif ukoll kroniku.
Għas-solliev tal-uġigħ marbut ma’ kolika ekwina.
Tużax fuq żwiemel li għandhom inqas minn 6 ġimgħat. Tużax fuq dwieb tqal jew li qed ireddgħu.
Tużax f’annimali li għandhom indeboliment fil-funzjoni tal-fwied, tal-qalb jew tal-kliewi, u mard emorraġiku, jew fejn ikun hemm evidenza ta’ leżjonijiet gastrointestinali ulċeroġeniċi. Tużax f’każ ta’ sensittività eċċessiva għas-sustanza attiva jew għal xi sustanzi mhux attivi.
Għat-trattament tad-dijarea fil-baqar, tużax f’annimali li għandhom inqas minn ġimgħa.
Effetti mhux mixtieqa komuni jinkludu nefħa ħafifa temporanja fis-sit tal-injezzjoni wara għoti taħt il- ġilda fil-baqar u l-majjali. Dan ġie osservat f’inqas minn 10% tal-baqar ikkurati fi studji kliniċi.
Reazzjonijiet avversi mhux komuni jinkludu nefħa temporanja fis-sit tal-injezzjoni fiż-żwiemel, iżda tfiq mingħajr ma jkun hemm l-ebda intervent.
F’każijiet rari ħafna reazzjonijiet anafilattojdi li jistgħu jkunu serji (inkluż fatali) jistgħu jiġru u għandhom jiġu ttrattati b’mod sintomatiku.
Il-frekwenza ta’ effetti mhux mixtieqa hija definita skont din il-konvenzjoni:
komuni ħafna (aktar minn wieħed f’10 annimali kkurati li juru effett(i) mhux mixtieqa)
komuni (aktar minn wieħed iżda inqas minn 10 annimali f’100 annimal ikkurat)
mhux komuni (aktar minn wieħed iżda inqas minn10 annimali f’1,000 annimal ikkurat)
rari (aktar minn wieħed iżda inqas minn10 annimali f’10,000 annimal ikkurat)
rari ħafna (inqas minn annimal wieħed f’10,000 annimal ikkurat, inklużi rapporti iżolati).
Jekk tinnota xi effetti sekondarji serji anke dawk mhux imsemmija f’dan il-fuljett, jew taħseb li l-mediċina ma ħadmitx, jekk jogħġbok informa lit-tabib veterinarju tiegħek.
Baqar, majjali u żwiemel
Injezzjoni waħda taħt il-ġilda jew ġol-vina, b’dożaġġ ta’ 0.5 mg ta’ meloxicam / kg ta’ piż tal-ġisem (i.e.
2.5 ml / 100 kg ta’ piż tal-ġisem) flimkien ma’ terapija antibijotika, jew ma’ terapija orali ta’ idratazzjoni mill-ġdid, skont kif ikun xieraq.
Injezzjoni waħda fil-muskolu b’dożaġġ ta’ 0.4 mg ta’ meloxicam / kg ta’ piż tal-ġisem (i.e. 2 ml/100 / kg ta’ piż tal-ġisem) flimkien ma’ terapija antibijotika, kif ikun xieraq. Jekk ikun meħtieġ, it-tieni doża ta’ meloxicam tista’ tingħata wara 24 siegħa.
Injezzjoni waħda ġol-vina b’dożaġġ ta’ 0.6 mg ta’ meloxicam / kg ta’ piż tal-ġisem (i.e. 3 ml/ 100 kg ta’ piż tal-ġisem).
Għall-użu sabiex tittaffa l-infjammazzjoni u għas-solliev tal-uġigħ f’mard muskolu-skeletriku li jkun kemm akut kif ukoll kroniku, meloxicam suspensjoni orali jista’ jintuża għat-tkomplija tat-trattament f’dożaġġ ta’ 0.6 mg ta’ meloxicam / kg ta’ piż tal-ġisem, 24 siegħa wara l-għoti tal-injezzjoni.
Evita li tintroduċi xi kontaminazzjoni waqt l-użu.
Numru massimu ta’ fetħiet huwa ta’ 14 għal tappijiet tal-20 ml, 50 ml u 100 ml u 20 għal tapp tal-250 ml.
Mhux awtorizzat li jintuża fuq żwiemel li qed jaħilbu, u li l-ħalib tagħhom qed jintuża għall-konsum min-
nies.
Żomm fejn ma jidhirx u ma jintlaħaqx mit-tfal.
Dan il-prodott mediċinali veterinarju m’għandux bżonn ta’ kundizzjonijiet ta’ ħażna speċjali. Iż-żmien kemm idum tajjeb il-prodott wara li jinfetaħ il-kontenitur għall-ewwel darba: 28 jum
Tużax dan il-prodott mediċinali veterinarju wara d-data ta’ skadenza murija fuq il-kartuna u l-kunjett wara
JIS. Id-data ta’ skadenza tirreferi għall-aħħar jum tax-xahar.
Trattament ta' għoġġiela b'Contacera 20 minuta qabel it-tneħħija tal-qrun tnaqqas l-uġigħ ta’ wara l- operazzjoni. Contacera waħdu mhux se jipprovdi solliev adegwat tal-uġigħ waqt il-proċedura tat-tneħħija tal-qrun. Biex tikseb solliev adegwat tal-uġigħ waqt l-operazzjoni, medikazzjoni fl-istess ħin b’analġesiku adattat hi meħtieġa.
Prekawzjonijiet speċjali għall-użu fl-annimali:
Jekk ikun hemm reazzjonijiet mhux mixtieqa, it-trattament għandu jitwaqqaf u għandu jittieħed il-parir ta’ veterinarju.
Evita l-użu f’annimali li huma deidratati, ipovolemiċi jew ipotensivi severament, li jkunu jeħtieġu
idratazzjoni mill-ġdid permezz ta’ injezzjoni, għax jista’ jkun hemm riskju potenzjali ta’ tossiċità tal- kliewi.
F’każ ta’ solliev mhux adegwat tal-uġigħ meta użat fit-trattament ta’ kolika ekwina, għandha ssir
evalwazzjoni mill-ġdid bl-attenzjoni tad-dijanjosi, għax din tista’ tindika l-ħtieġa ta’ intervent kirurġiku.
Prekawzjonijiet speċjali li għandhom jittieħdu mill-persuna li tamministra l-prodott mediċinali veterinarju
lill-annimali:
Injezzjoni aċċidentali tiegħek innifsek tista’ tikkaġuna wġigħ. Nies li hu magħruf li għandhom sensittività eċċessiva għal Mediċini Mhux Sterojdi Kontra l-Infjammazzjoni (NSAIDs) għandhom jevitaw li jmissu mal-prodott mediċinali veterinarju.
F’każ li tinjetta b’mod aċċidentali lilek innifsek, fittex parir mediku minnifih u uri l-fuljett ta’ informazzjoni jew it-tikketta lit-tabib.
Tqala u treddigħ:
Baqar u qżieqeż: Jista’ jintuża waqt it-tqala u t-treddigħ. Żwiemel: Tużax fuq dwieb tqal jew li qed ireddgħu.
Interazzjonijiet ma’ prodotti mediċinal oħrajn u forom oħrajn ta’ interazzjoni:
M’għandux jingħata flimkien ma’ glukokortikosterojdi, sustanzi anti-infjammatorji oħrajn mhux sterojdi u jew ma’ antikoagulanti.
Doża eċċessiva (sintomi, proċeduri ta’ emerġenza, antidoti): F’każ ta’ doża eċċessiva, għandu jinbeda trattament sintomatiku.
Staqsi lill-kirurgu veterinarju tiegħek dwar kif l-aħjar li tarmi l-mediċini li ma jkunux aktar meħtieġa. Dawn il-miżuri għandhom jgħinu sabiex jipproteġu l-ambjent.
Kaxxa tal-kartun b’kunjett tal-ħġieġ bla kulur wieħed, li jkun fih 20 ml, 50 ml, 100 ml jew 250 ml.
Mhux id-daqsijiet kollha tal-pakkett jistgħu qegħdin fis-suq.
Detentur tal-awtorizzazzjoni għat-tqegħid fis-suq:
Zoetis Belgium SA Rue Laid Burniat 1 1348 Louvain-la-Neuve BELĠJU
Manifattur responsabbli għall-ħrug tal-lott:
Chanelle Pharmaceuticals Manufacturing Ltd.
Loughrea
Co. Galway
L-IRLANDA
Contacera 15 mg/ml suspensjoni orali għaż-żwiemel
meloxicam
Kull ml fih:
Meloxicam 15 mg Sodium benzoate 5 mg
Għas-serħan mill-infjammazzjoni u wġigħ f’mard muskolu-skeletriku li jkun kemm akut kif ukoll kroniku fiż-żwiemel.
Tużax fuq dwieb tqal jew li qed ireddgħu.
Tużax fuq żwiemel li jsofru minn mard gastrointestinali, bħal irritazzjoni jew emorraġija, jew annimali li għandhom indeboliment fil-funzjoni tal-fwied, tal-qalb jew tal-kliewi, u mard emorraġiku.
Tużax f’każ ta’ sensittività eċċessiva għas-sustanza attiva jew għal xi sustanzi mhux attivi.
Tużax fuq żwiemel li għandhom inqas minn 6 ġimgħat.
F’każijiet rari ħafna reazzjonijiet avversi li ġeneralment huma assoċjati ma’ Mediċini Mhux Sterojdi Kontra l-Infjammazzjoni (NSAIDs) kienu osservati fi provi kliniċi (urtikarja ħafifa, dijarea). Is-sintomi kienu riversibbli.
F’każijiet rari ħafna ġew irrappurtati nuqqas ta’ aptit, letarġija, uġigħ addominali u kolite.
F’każijiet rari ħafna reazzjonijiet anafilattojdi li jistgħu jkunu serji (inkluż fatali) jistgħu jiġru u għandhom jiġu ttrattati b’mod sintomatiku.
Jekk ikun hemm reazzjonijiet mhux mixtieqa, it-trattament għandu jitwaqqaf u għandu jittieħed il-parir ta’ veterinarju.
Il-frekwenza ta’ effetti mhux mixtieqa hija definita skont din il-konvenzjoni:
komuni ħafna (aktar minn wieħed f’10 annimali kkurati li juru effett(i) mhux mixtieqa )
komuni (aktar minn wieħed iżda inqas minn 10 annimali f’100 annimal ikkurat)
mhux komuni (aktar minn wieħed iżda inqas minn10 annimali f’1,000 annimal ikkurat)
rari (aktar minn wieħed iżda inqas minn10 annimali f’10,000 annimal ikkurat)
rari ħafna (inqas minn annimal wieħed f’10,000 annimal ikkurat, inklużi rapporti iżolati).
Jekk tinnota xi effetti sekondarji serji anke dawk mhux imsemmija f’dan il-fuljett, jew taħseb li l-mediċina ma ħadmitx, jekk jogħġbok informa lit-tabib veterinarju tiegħek.
Żwiemel
Suspensjoni orali biex tingħata f’dożaġġ ta’ 0.6 mg / kg ta’ piż tal-ġisem, darba kuljum, sa 14-il jum. Dan huwa ekwivalenti għal 1 ml ta’ Contacera għal kull 25 kg ta’ piż tal-ġisem taż-żwiemel. Per eżempju, żiemel li jiżen 400 kg se jirċievi 16 ml ta’ Contacera, żiemel li jiżen 500 kg se jirċievi 20 ml ta’ Contacera, u żiemel li jiżen 600 kg se jirċievi 24 ml ta’ Contacera.
Ħawwad tajjeb qabel l-użu. Biex jingħata jew imħallat ma’ kwantità żgħira tal-ikel, qabel l-għalf, jew
direttamemt fil-ħalq.
Is-suspensjoni għandha tingħata permezz tas-siringa tal-kejl ipprovduta fil-pakkett. Is-siringa teħel fuq il- flixkun u għandha skala ta’ 2ml.
Wara li tagħti l-mediċina, agħlaq il-flixkun billi terġa’ tpoġġi t-tapp f’postu, aħsel is-siringa tal-kejl b’ilma sħun u ħalliha tinxef.
Evita li tintroduċi xi kontaminazzjoni waqt l-użu.
Laħam u ġewwieni tal-annimali: 3 ijiem.
Mhux awtorizzat li jintuża fi żwiemel li jipproduċu l-ħalib għall-konsum min-nies
Żomm fejn ma jidhirx u ma jintlaħaqx mit-tfal. Tagħmlux fil-friża.
Tużax dan il-prodott mediċinali veterinarju wara d-data (EXP) ta’ skadenza murija fuq il-pakkett u l- flixkun wara JIS. Id-data ta’ skadenza tirreferi għall-aħħar jum tax-xahar.
Iż-żmien kemm idum tajjeb il-prodott wara li jinfetaħ il-kontenitur għall-ewwel darba: 3 xhur
Prekawzjonijiet speċjali għall-użu fl-annimali:
Evita l-użu fi kwalunkwe annimal li jkun deidratat, ipovolemiku jew ipotensiv, għax hemm riskju potenzjali ta’ tossiċità tal-kliewi.
Prekawzjonijiet speċjali li għandhom jittieħdu mill-persuna li tamministra l-prodott mediċinali veterinarju
lill-annimali:
Nies li hu magħruf li huma sensittivi għal Mediċini Mhux Sterojdi Kontra l-Infjammazzjoni (NSAIDs) għandhom jevitaw li jmissu mal-prodott mediċinali veterinarju.
F’każ li tibilgħu, fittex parir mediku immedjatament u qis li turi l-fuljett ta’ informazzjoni jew it-tikketta
lit-tabib.
Tqala u treddigħ:
Tużax fuq dwieb tqal jew li qed ireddgħu.
Interazzjoni ma’ prodotti mediċinal oħrajn u forom oħrajn ta’ interazzjoni:
Tagħtix flimkien ma’ glukokortikosterojdi, sustanzi anti-infjammatorji oħrajn mhux sterojdi jew ma’ antikoagulanti.
Doża eċċessiva (sintomi, proċeduri ta’ emerġenza, antidoti): F’każ ta’ doża eċċessiva, għandu jinbeda trattament sintomatiku.
Staqsi lill-kirurgu veterinarju tiegħek dwar kif l-aħjar li tarmi l-mediċini li ma jkunux aktar meħtieġa. Dawn il-miżuri għandhom jgħinu sabiex jipproteġu l-ambjent.
Informazzjoni dettaljata dwar dan il-prodott mediċinali veterinarju tinstab fuq il-websajt tal-Aġenzija Ewropea għall-Mediċini ().
Kaxxa tal-kartun fiha flixkun HDPE wieħed ta’ 100 jew 250 ml u tapp li jirreżisti tbagħbis u l-ftuħ mit-tfal żgħar u siringa tal-kejl tal-polypropylene.
Mhux id-daqsijiet kollha tal-pakkett jistgħu qegħdin fis-suq.