Fuljett ta’ tagħrif: Informazzjoni għal pazjent

Vimpat 50 mg pilloli miksija b’rita Vimpat 100 mg pilloli miksija b’rita Vimpat 150 mg pilloli miksija b’rita Vimpat 200 mg pilloli miksija b’rita lacosamide

Aqra sew dan il-fuljett kollu qabel tibda tieħu din il-mediċina peress li fih informazzjoni importanti għalik.

• Żomm dan il-fuljett. Jista’ jkollok bżonn terġa’ taqrah.

• Jekk ikollok aktar mistoqsijiet, staqsi lit-tabib jew lill-ispiżjar tiegħek.

• Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk għandhom l-istess sinjali ta’ mard bħal tiegħek.

• Jekk ikollok xi effett sekondarju kellem lit-tabib,jew lill-ispiżjar jew l-infermier tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.

  
  

  F’dan il-fuljett:

  1. X’inhu Vimpat u għalxiex jintuża

  2. X’għandek tkun taf qabel ma tieħu Vimpat

  3. Kif għandek tieħu Vimpat

  4. Effetti sekondarji possibli

  5. Kif taħżen Vimpat

  6. Kontenut tal-pakkett u informazzjoni oħra

  
  

  1. X’inhu Vimpat u gћalxiex jintuża X’inhu Vimpat

     Vimpat fih lacosamide. Dan jappartjeni għal grupp ta’ mediċini li jissejħu “mediċini kontra l- epilessija”. Dawn il-mediċini jintużaw biex jittrattaw l-epilessija.

• Int ingħatajt din il-mediċina biex tnaqqas in-numru ta’ aċċessjonijiet li għandek.

  
  

  Għalxiex jintuża Vimpat

• Vimpat jintuża:

  • waħdu jew flimkien ma’ mediċini oħrajn kontra l-epilessija fl-adulti, fl-adolexxenti u fit-tfal minn età ta’ sentejn u aktar biex jittratta ċertu tip ta’ epilessija kkaratterizzata bl- okkorrenza ta’ aċċessjonijiet tat-tip feġġa parzjali kemm b’ġeneralizzazzjoni sekondarja

    kif ukoll mingħajr. F’dan it-tip ta’ epilessija, l-aċċessjonijiet l-ewwel ikollhom effett fuq naħa waħda biss ta’ moħħok. Madankollu, dawn jistgħu mbagħad jinfirxu għal partijiet

    akbar fiż-żewġt naħat ta’ moħħok;

  • flimkien ma’ mediċini oħrajn kontra l-epilessija fl-adulti, fl-adolexxenti u fit-tfal ta’ età ta’ 4 snin u aktar biex jittratta aċċessjonijiet tat-tip ‘tonic-clonic’ ġeneralizzati primarji

    (aċċessjonijiet maġġuri, inkluż telf mis-sensi) f’pazjenti b’epilessija idjopatika

    ġeneralizzata (it-tip ta’ epilessija li huwa maħsub li għandu kawża ġenetika).

    
    

    1. X'għandek tkun taf qabel ma tieħu Vimpat Tieħux Vimpat:

• jekk inti allerġiku għal lacosamide jew għal xi sustanzi oħra ta’ din il-mediċina (imniżżla fis- sezzjoni 6). Jekk inti m’intiex ċert jekk intix allerġiku, jekk jogħġbok kellem lit-tabib tiegħek.

• Jekk għandek ċertu tip ta’ problema tat-ritmu tal-qalb li tissejjaħ imblokk AV tat-tieni jew it- tielet grad.

  Tiħux Vimpat jekk xi waħda minn dawn ta’ hawn fuq tapplika għalik. Jekk m’intix ċert, kellem lit- tabib jew lill-ispiżjar tiegħek qabel tieħu din il-mediċina.

  
  

  Twissijiet u prekawzjonijiet

  Kellem lit-tabib tiegħek qabel tieħu Vimpat jekk:

• għandek ħsibijiet li tweġġa’ lilek innifsek jew toqtol lilek innifsek. Numru żgħir ta’ nies ittrattati bi prodotti mediċinali kontra l-epilessija bħal lacosamide kellhom ħsibijiet li jweġġgħu jew joqtlu lilhom infsuhom. Jekk ikollok xi wieħed minn dawn il-ħsibijiet fi kwalunkwe ħin, għid

  lit-tabib tiegħek minnufih.

• għandek problema tal-qalb li taffettwa r-ritmu ta’ qalbek u spiss ikollok ritmu tal-qalb bil-mod, mgħaġġel jew irregolari (bħal imblokk AV, fibrillazzjoni atrijali u taħbit atrijali rregolari).

• għandek marda tal-qalb severa bħal insuffiċjenza tal-qalb jew kellek attakk tal-qalb.

• spiss tkun sturdut jew taqa’. Vimpat jista’ jistordik - dan jista’ jżid ir-riskju ta’ korriment jew waqgħat. Dan ifisser li għandek toqgħod attent sakemm tidra l-effetti li din il-mediċina jista’ jkollha.

  Jekk xi waħda minn dawn ta’ hawn fuq tapplika għalik (jew m’intix ċert), kellem lit-tabib jew lill- ispiżjar tiegħek qabel tieħu Vimpat.

  Jekk qed tieħu Vimpat, kellem lit-tabib tiegħek jekk tesperjenza xi tip ġdid ta’ aċċessjoni jew aggravar ta’ aċċessjonijiet eżistenti.

  Jekk qed tieħu Vimpat u qed tesperjenza sintomi ta’ taħbit tal-qalb mhux normali (bħal taħbit tal-qalb

  bil-mod, mgħaġġel jew irregolari, palpitazzjonijiet, qtugħ ta’ nifs, tħossok sturdut/a, ħass ħażin) fittex parir mediku immedjatament (ara sezzjoni 4).

  
  

  Tfal

  Vimpat mhux rakkomandat għal tfal taħt l-età ta’ sentejn b’epilessija kkaratterizzata mill-okkorrenza

  ta’ aċċessjoni tat-tip ‘partial-onset’ u mhux rakkomandat għal tfal taħt l-età ta’ 4 snin b’aċċessjonijiet toniċi-kloniċi ġeneralizzati primarji. Dan minħabba li għadna ma nafux jekk huwiex se jaħdem u jekk huwiex sigur għat-tfal f’dan il-grupp t’età.

  
  

  Mediċini oħra u Vimpat

  Għid lit-tabib jew lill-ispiżjar tiegħek jekk qed tieħu jew ħadt dan l-aħħar jew tista’ tieħu xi mediċina oħra.

  
  

  B’mod partikolari, għid lit-tabib jew lill-ispiżjar tiegħek jekk qed tieħu xi waħda mill-mediċini li ġejjin li jaffettwaw il-qalb - dan minħabba li Vimpat jista’ wkoll jaffettwa l-qalb:

• mediċini biex titratta problemi tal-qalb;

• mediċini li jistgħu jżidu l-“intervall PR” fuq skan tal-qalb (ECG jew elektrokardjogramma) bħal mediċini għall-epilessija jew l-uġigħ li jissejħu carbamazepine, lamotrigine jew pregabalin;

• mediċini li jintużaw fi trattament ta’ ċerti tipi ta’ taħbit tal-qalb irregolari jew insuffiċjenza tal- qalb.

  Jekk xi wieħed minn dawn ta’ hawn fuq japplika għalik (jew m’intix ċert), kellem lit-tabib jew lill- ispiżjar tiegħek qabel tieħu Vimpat.

  
  

  Għid ukoll lit-tabib jew lill-ispiżjar tiegħek jekk qed tieħu xi waħda mill-mediċini li ġejjin - dan minħabba li dawn jistgħu jżidu jew inaqqsu l-effett ta’ Vimpat fuq ġismek:

• mediċini għal infezzjonijiet fungali bħal fluconazole, itraconazole jew ketoconazole;

• mediċini għat-trattament tal-HIV bħal ritonavir;

• mediċini użati fit-trattament ta’ infezzjonijiet batterjali bħal clarithromycin jew rifampicin;

• mediċina erbali li tintuża biex tittratta ansjetà u dipressjoni ħafifa li tissejjaħ St John’s wort. Jekk xi waħda minn dawn ta’ hawn fuq tapplika għalik (jew m’intix ċert), kellem lit-tabib jew lill- ispiżjar tiegħek qabel tieħu Vimpat.

  
  

  Vimpat mal-alkoħol

  Bħala prekawzjoni ta’ sigurtà tieħux Vimpat mal-alkoħol.

  Tqala u treddigħ

  In-nisa fertili għandhom jiddiskutu l-użu ta’ kontraċettivi mat-tabib.

  
  

  Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.

  
  

  Mhux rakkomandat li jittieħed Vimpat jekk inti tqila jew qed tredda’, għaliex l-effetti ta’ Vimpat fuq it-tqala u t-tarbija ġol-ġuf jew it-tarbija li tkun għadha kif twieldet mhumiex magħrufin. Ukoll, mhuwiex magħruf jekk Vimpat jgħaddix ġol-ħalib tas-sider. Fittex parir immedjatament mingħand it- tabib tiegħek jekk inti toħroġ tqila jew qed tippjana li toħroġ tqila. Dawn se jgħinuk tiddeċiedi jekk għandekx tieħu Vimpat jew le.

  
  

  Twaqqafx it-trattament mingħajr ma tkellem lit-tabib tiegħek l-ewwel għaliex dan jista’ jżid l- aċċessjonijiet tiegħek. L-iggravar tal-mard tiegħek ukoll jista’ jagħmel ħsara lit-tarbija tiegħek.

  
  

  Sewqan u tħaddim ta’ magni

  Issuqx, tużax rota, tużax xi għodod jew magni sakemm tkun taf kif din il-mediċina taffettwak. Dan

  minħabba li Vimpat jista’ jistordik jew jikkawża vista mċajpra.

  
  

  1. Kif għandek tieħu Vimpat

     
     

     Dejjem għandek tieħu din il-mediċina skont il-parir tat-tabib jew l-ispiżjar tiegħek. Iċċekkja mat-tabib jew ma l-ispiżjar tiegħek jekk ikollok xi dubju. Forma/forom oħra ta’ din il-mediċina tista’/jistgħu tkun/jkunu aktar xierqa għat-tfal; staqsi lit-tabib jew lill-ispiżjar tiegħek.

     
     

     Kif tieħu Vimpat

• Ħu Vimpat darbtejn kuljum - madwar 12-il siegħa minn xulxin.

• Ipprova ħudu bejn wieħed u ieħor fl-istess ħin kuljum.

• Ibla’ l-pillola Vimpat b’tazza ilma.

• Tista’ tieħu Vimpat mal-ikel jew mingħajru.

  
  

  Normalment se tibda billi tieħu doża baxxa kuljum u t-tabib tiegħek se jżidha bil-mod fuq numru ta’ ġimgħat. Meta tilħaq id-doża li taħdem għalik, din tissejjaħ id-“doża ta’ manteniment”, imbagħad tieħu l-istess ammont kuljum. Vimpat jintuża bħala trattament fit-tul. Int għandek tkompli tieħu Vimpat sakemm it-tabib jgħidlek biex tieqaf.

  
  

  Kemm għandek tieħu

  Hawn taħt hawn imniżżlin id-dożi rakkomandati normali ta’ Vimpat għal gruppi ta’ età u piżijiet

  differenti. It-tabib tiegħek jista’ jippreskrivilek doża differenti jekk għandek problemi bil-kliewi jew bil-fwied tiegħek.

  
  

  Adolexxenti u tfal li jiżnu 50 kg jew aktar u adulti

  MetatieħuVimpatwaħdu

  • Id-doża tal-bidu ta’ Vimpat tas-soltu hija ta’ 50 mg darbtejn kuljum.

  • It-tabib tiegħek jista’ wkoll jippreskrivi doża tal-bidu ta’ 100 mg ta’ Vimpat darbtejn kuljum.

  • It-tabib tiegħek jista’ jżid id-doża ta’ darbtejn kuljum tiegħek kull ġimgħa b’50 mg. Dan se jkun sakemm tilħaq id-doża ta’ manteniment bejn 100 mg u 300 mg darbtejn kuljum.

    
    

    MetatieħuVimpatma’mediċinita’kontral-epilessijaoħra

  • Id-doża tal-bidu ta’ Vimpat li normalment tingħata hija ta’ 50 mg darbtejn kuljum.

  • It-tabib tiegħek jista’ jżid id-doża ta’ darbtejn kuljum tiegħek kull ġimgħa b’50 mg. Dan se jkun sakemm tilħaq id-doża ta’ manteniment ta’ bejn 100 mg u 200 mg darbtejn kuljum.

  • Jekk tiżen 50 kg jew aktar, it-tabib tiegħek jista’ jiddeċiedi li jibda trattament b’Vimpat b’doża

  waħda għolja tal-bidu ta’ 200 mg. Imbagħad int tibda d-doża ta’ manteniment tiegħek li tibqa’ għaddejja 12-il siegħa wara.

  Tfal u adolexxenti li jiżnu inqas minn 50 kg

  • Fit-trattament ta’ aċċessjoni tat-tip ‘partial-onset’: Osserva li Vimpat mhuwiex rakkomandat għal tfal li għandhom inqas minn sentejn.

  • Fit-trattament ta’ aċċessjonijiet toniċi-kloniċi ġeneralizzati primarji: Osserva li Vimpat mhuwiex rakkomandat għal tfal li għandhom inqas minn 4 snin.

    
    

  • Id-doża tiddependi fuq il-piż tal-ġisem tagħhom. Dawn normalment jibdew trattament bil-mistura u jaqilbu biss għall-pilloli jekk ikunu jistgħu jieħdu l-pilloli u jiksbu d-doża korretta bil-qawwiet differenti tal-pillola. It-tabib se jikteb l-formulazzjoni l-aktar addattata għalihom.

  
  

  Jekk tieħu Vimpat aktar milli suppost

  Jekk tieħu Vimpat aktar milli suppost, kellem lit-tabib tiegħek immedjatament. Tippruvax issuq.

  Jista’ jkun li jkollok:

• sturdament;

• tħossok ma tiflaħx (dardir) jew tkun ma tiflaħx (rimettar);

• aċċessjonijiet, problemi bir-ritmu tal-qalb bħal ritmu tal-qalb bil-mod, mgħaġġel jew irregolari, koma jew tinżillek il-pressjoni b’rata ta’ tħabbit tal-qalb għolja u togħroq.

  
  

  Jekk tinsa tieħu Vimpat

• Jekk insejt tieħu doża fl-ewwel 6 sigħat mid-doża skedata, ħu d-doża hekk kif tiftakar.

• Jekk insejt tieħu doża wara l-ewwel 6 sigħat mid-doża skedata, tiħux il-pillola li tkun insejt tieħu. Minflok,, ħu Vimpat id-darba li jmiss meta ssoltu toħodha.

• M’għandekx tieħu doża doppja biex tpatti għal kull doża li tkun insejt tieħu.

  
  

  Jekk tieqaf tieħu Vimpat

• Tiqafx tieħu Vimpat mingħajr ma tkellem lit-tabib tiegħek, għaliex tista’ ’terġa’ toħroġ l- epilessija jew tiggrava.

• Jekk it-tabib tiegħek jiddeċiedi li jwaqqaf it-trattament tiegħek b’Vimpat, dan ser jgħidlek kif pass wara pass tnaqqas id-doża.

  Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.

  
  

  1. Effetti sekondarji possibbli

     
     

     Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.

     
     

     Effetti mhux mixtieqa tas-sistema nervuża bħal sturdament jistgħu jkunu ogħla wara doża waħda għolja “tal-bidu”.

     Kellem lit-tabib jew lill-ispiżjar tiegħek jekk ikollok xi waħda minn dawn li ġejjin: Komuni ħafna: jistgħu jaffettwaw iżjed minn persuna 1 minn 10

• Uġigħ ta’ ras;

• Tħossok sturdut jew ma tiflaħx (dardir) ;

• Vista doppja (diplopja).

  
  

  Komuni: jistgħu jaffettwaw sa persuna 1 minn 10

• Skossijiet qosra ta’ muskolu jew grupp ta’ muskoli (aċċessjonijiet mijokloniċi);

• Diffikultajiet fil-koordinazzjoni tal-movimenti tiegħek jew fil-mixi;

• Problemi fil-bilanċ tiegħek, rogħda, tingiż (paraesteżija) jew spażmi muskolari, taqa’ malajr u titbenġel;

• Problemi fil-memorja tiegħek, biex taħseb jew issib il-kliem, konfużjoni;

• Movimenti tal-għajnejn mgħaġġla u inkontrollabli (nystagmus), vista mċajpra;

• Sensazzjoni li kollox idur bik (vertigo), tħossok fis-sakra;

• Tkun ma tiflaħx (rimettar), ħalq niexef, stitikezza, indiġestjoni, gass żejjed fl-istonku jew l- insaren, dijarea;

• Tnaqqis fil-ħass jew sensittività, diffikultà biex tlissen il-kliem, disturbi fl-attenzjoni;

• Ħsejjes fil-widna bħal żarżir, ċempil jew tisfir;

• Irritibiltà, tbagħti biex torqod, depressjoni;

• Ngħas, għeja jew debollezza (astenja);

• Ħakk, raxx.

  
  

  Mhux komuni: jistgħu jaffettwaw sa persuna 1 minn 100

• Rata ta’ tħabbit tal-qalb mnaqqsa, palpitazzjonijiet, polz irregolari jew tibdil ieħor fl-attività elettrika ta’ qalbek (disturb tal-konduzzjoni);

• Sensazzjoni ezaġerata ta’ ewforija, tara u/jew tisma’ affarijiet li mhumiex hemm;

• Reazzjoni allerġika għal mediċina, ħorriqijia;

• It-testijiet tad-demm jistgħu juru funzjoni tal-fwied abnormali, ħsara fil-fwied;

• Ħsibijiet li tweġġa’ jew toqol lilek innifsek jew ikollok tentattiv ta’ suwiċidju: għid lit-tabib tiegħek minnufih;

• Tħossok irrabjat jew aġitat;

• Ħsibijiet abnormali jew titlef il-kuntatt mir-realtà;

• Reazzjonijiet allerġiċi serji li jikkawżaw nefħa tal-wiċċ, gerżuma, idejn, saqajn, għekiesi, jew ir- riġlejn l-isfel;

• Ħass ħażin;

• Movimenti involontarji anormali (diskinesja).

  
  

  Mhux magħruf: ma tistax tittieħed stima mid-data disponibbli

• Taħbit tal-qalb mgħaġġel mhux normali (takiarritmija ventrikolari);

• Uġigħ fil-griżmejn, deni għoli u tieħu aktar infezzjonijiet mis-soltu. It-testijiet tad-demm jistgħu juru tnaqqis sever ta’ klassi speċifika ta’ ċelloli bojod tad-demm (agranuloċitożi);

• Reazzjoni fil-ġilda serja li tista’ tinkludi deni għoli u sintomi oħrajn qishom influwenza, raxx fuq il-wiċċ, raxx estiż, glandoli minfuħin (nodi limfatiċi minfuħa). It-testijiet tad-demm jistgħu

  juru żieda fil-livelli tal-enżimi tal-fwied u fit-tip ta’ ċelloli tad-demm bojod (esinofilja);

• Raxx estiż b’bżieżaq u ġilda li titqaxxar, partikolarment madwar il-ħalq, nmieħer, għajnejn u ġenitali (Sindromu ta’ Stevens-Johnson) u forma aktar severa ta’tqaxxir tal-ġilda f’iżjed minn 30% tal-wiċċ tal-ġilda (nekroliżi tossiku epidermali);

• Konvulsjoni

  
  

  Effetti sekondarji addizzjonali fit-tfal

  
  

  L-effetti sekondarji addizzjonali fit-tfal kienu deni, imnieħer inixxi (nażofarinġite); uġigħ fil-griżmejn (farinġite); jieklu inqas mis-soltu (tnaqqis fl-aptit), tibdil fl-imġiba, ma jġibux ruħhom bħas-soltu (imġiba anormali) u b’nuqqas ta’ enerġija (letarġija). Li jħossuhom bi ngħas (ħedla) hu effett sekondarju komuni ħafna fit-tfal u jista’ jaffettwa iktar minn 1 minn kull 10 itfal.

  
  

  Rappurtar tal-effetti sekondarji

  Jekk ikollok xi effett sekondarju, kellem lit-tabib jew, lill-ispiżjar tiegħek. Dan jinkludi xi effett

  sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’AppendiċiV. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.

  
  

  1. Kif taħżen Vimpat

     
     

     Żomm din il-mediċina fejn ma tidhirx u ma tintaħaqx mit-tfal.

     
     

     Tużax din il-mediċina Vimpat wara d-data ta’ meta tiskadi li tidher fuq il-kartuna u il-folja wara EXP. Id-data ta’ meta tiskadi tirreferi għal l-aħħar ġurnata ta’ dak ix-xahar.

     Din il-mediċina ma’għandiex ħtieġa ta’ kondizzjonijiet speċjali għal ħażna.

     
     

     Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall- protezzjoni tal-ambjent.

     
     

  2. Kontenut tal-pakkett u informazzjoni oħra X’fih Vimpat:

• Is-sustanza attiva hija lacosamide.

  Pillola waħda ta’ Vimpat 50 mg fiha 50 mg lacosamide. Pillola waħda ta’ Vimpat 100 mg fiha 100 mg lacosamide. Pillola waħda ta’ Vimpat 150 mg fiha 150 mg lacosamide. Pillola waħda ta’ Vimpat 200 mg fiha 200 mg lacosamide.

  
  

• L-ingredjenti l-oħra huma:

  Qalba tal-pilloli: microcrystalline cellulose, hydroxypropylcellulose, hydroxypropylcellulose (low substituted), colloidal anhydrous silica, crospovidone (polyplasdone XL-10 Pharmaceutical Grade), magnesium stearate

  Kisja tar-rita: polyvinyl alcohol, polyethylene glycol, terra, titanium dioxide (E171), sustanzi koloranti*

  * Is-sustanzi koloranti huma:

  Pilloli 50 mg: red iron oxide (E172), black iron oxide (E172), indigo carmine aluminium lake (E132).

  Pilloli 100 mg: yellow iron oxide (E172).

  Pilloli 150 mg: yellow iron oxide (E172), red iron oxide (E172), black iron oxide (E172). Pilloli 200 mg: indigo carmine aluminium lake (E132).

  
  

  Kif jidher Vimpat u l-kontenut tal-pakkett

• Vimpat 50 mg jagħtu fir-roża, pilloli ovali miksija b’rita, b’dimensjonijiet ta’ madwar 10.4 mm x 4.9 mm, b’‘SP’ imnaqqxa fuq naħa waħda u ‘50’ fuq in-naħa l-oħra.

• Vimpat 100 mg huma sofor skuri, pilloli ovali miksija b’rita, b’dimensjonijiet ta’ madwar

  13.2 mm x 6.1 mm b’‘SP’ imnaqqxa fuq naħa waħda u ‘100’ fuq in-naħa l-oħra.

• Vimpat 150 mg huma ta’ kulur is-salamur, pilloli ovali miksija b’rita, b’dimensjonijiet ta’ madwar 15.1 mm x 7.0 mm, b’‘SP’ imnaqqax fuq naħa waħda u ‘150’ fuq in-naħa l-oħra.

• Vimpat 200 mg huma blu, pilloli ovali miksija b’rita b’dimensjonijiet ta’ madwar 16.6 mm x

7.8 mm, b’‘SP’ imnaqqax fuq naħa waħda u ‘200’ fuq in-naħa l-oħra.

Vimpat issibu f’pakketti ta’ 14, 28, 56, 60, 14 x 1 u 56 x 1 pilloli miksija b’rita. Vimpat 50 mg u Vimpat 100 mg issibu f’pakketti ta’ 168 pillola miksija b’rita u Vimpat 150 mg u Vimpat 200 mg issibu f’pakketti multipli li jikkonsistu f’3 kaxxi, kull waħda fiha 56 pillola. Il-pakkett ta’ 14 x 1 u 56 x 1 pilloli miksija b’rita ssibhom f’folji tal PVC/PVDC li jistgħu jinqasmu f’dożi singoli siġillata b’fojl tal-aluminju, il-pakketti ta’ 14, 28, 56 u 168 issibhom f’folji standard tal-PVC/PVDC siġillata b’fojl

tal-aluminju, is-60 pakkett huma disponibbli fi flixkien tal-HDPE b’għatu li ma jinfetaħx mit-tfal. Jista jkun li mhux il-pakketti tad-daqsijiet kollha jkunu għall-skop kummerċjali.

Detentur tal-Awtorizzazzjoni għat-Tqegħid fis-Suq:

UCB Pharma S.A., Allée de la Recherche 60, B-1070 Bruxelles, Il-Belġju.

L-Manifattur :

UCB Pharma S.A., Chemin du Foriest, B-1420 Braine-l’Alleud, Il-Belġju jew

Aesica Pharmaceuticals GmbH, Alfred-Nobel Strasse 10, D-40789 Monheim am Rhein, il-Ġermanja.

Għal kull tagħrif dwar din il- mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:

België/Belgique/Belgien UCB Pharma SA/NV Tél/Tel: + 32 / (0)2 559 92 00

Lietuva

UCB Pharma Oy Finland

Tel: + 358 9 2514 4221 (Suomija)

България

Ю СИ БИ България ЕООД Teл.: + 359 (0) 2 962 30 49

Luxembourg/Luxemburg UCB Pharma SA/NV Tél/Tel: + 32 / (0)2 559 92 00

Česká republika

UCB s.r.o.

Tel: + 420 221 773 411

Magyarország

UCB Magyarország Kft.

Tel.: + 36-(1) 391 0060

Danmark

UCB Nordic A/S

Tlf: + 45 / 32 46 24 00

Malta

Pharmasud Ltd.

Tel: + 356 / 21 37 64 36

Deutschland

UCB Pharma GmbH

Tel: + 49 /(0) 2173 48 4848

Nederland

UCB Pharma B.V.

Tel.: + 31 / (0)76-573 11 40

Eesti

UCB Pharma Oy Finland

Tel: + 358 9 2514 4221 (Soome)

Norge

UCB Nordic A/S

Tlf: + 45 / 32 46 24 00

Ελλάδα

UCB Α.Ε.

Τηλ: + 30 / 2109974000

Österreich

UCB Pharma GmbH

Tel: + 43 (0)1 291 80 00

España

UCB Pharma, S.A.

Tel: + 34 / 91 570 34 44

Polska

UCB Pharma Sp. z o.o. Tel.: + 48 22 696 99 20

France

UCB Pharma S.A.

Tél: + 33 / (0)1 47 29 44 35

Portugal

Bial – Portela & Cª, S.A.

Tel: + 351 22 986 6100

Hrvatska

Medis Adria d.o.o.

Tel: +385 (0) 1 230 34 46

România

UCB Pharma Romania S.R.L. Tel: + 40 21 300 29 04

Ireland

UCB (Pharma) Ireland Ltd.

Tel: + 353 / (0)1-46 37 395

Slovenija

Medis, d.o.o.

Tel: + 386 1 589 69 00

Ísland

Vistor hf.

Simi: + 354 535 7000

Slovenská republika

UCB s.r.o., organizačná zložka

Tel: + 421 (0) 2 5920 2020

Italia

UCB Pharma S.p.A. Tel: + 39 / 02 300 791

Suomi/Finland

UCB Pharma Oy Finland Puh/Tel: + 358 9 2514 4221

Κύπρος

Lifepharma (Z.A.M.) Ltd

Sverige

UCB Nordic A/S

Τηλ: + 357 22 05 63 00 Tel: + 46 / (0) 40 29 49 00

Latvija

UCB Pharma Oy Finland

Tel: + 358 9 2514 4221 (Somija)

United Kingdom (Northern Ireland)

UCB (Pharma) Ireland Ltd Tel: + 353 / (0)1-46 37 395

Dan il-fuljett kien rivedut l-aħħar f’{xahar/SSSS}.

.