Suboxone
buprenorphine, naloxone
buprenorphine / naloxone
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Suboxone u għalxiex jintuża
X’għandek tkun taf qabel ma tieħu Suboxone
Kif għandek tieħu Suboxone
Effetti sekondarji possibbli
5 Kif taħżen Suboxone
6. Kontenut tal-pakkett u informazzjoni oħra
Suboxone jintuża biex jikkura d-dipendenza fuq mediċini opjojdi (narkotiċi) bħal eroina jew morfina f’persuni dipendenti fuq id-droga li jkunu qablu li jiġu kkurati għall-vizzju tagħhom. Suboxone jintuża f’persuni adulti u adolexxenti li għandhom iktar minn 15-il sena, li jkunu qed jirċievu wkoll appoġġ mediku, soċjali u psikoloġiku.
Jekk inti allerġiku għal buprenorphine, naloxone jew għal xi sustanza oħra ta’ din il-mediċina (imniżżla fis-sezzjoni 6)
jekk għandek problemi respiratorji serji
jekk għandek problemi serji tal-fwied
jekk inti tkun fis-sakra minħabba l-alkoħol jew ikollok ir-rogħda, għaraq, ansjetà, konfużjoni, jew alluċinazzjonijiet ikkawżati mill-alkoħol.
jekk qed tieħu naltrexone jew nalmefene għal-kura ta’ dipendenza fuq l-alkoħol jew l-opjojdi.
ażżma jew problemi oħrajn biex tieħu n-nifs
problemi bil-fwied tiegħek bħall-epatite
pressjoni tad-demm baxxa
dan l-aħħar kellek xi ferita f’rasek jew marda tal-moħħ
disturb urinarju (speċjalment marbut ma’ tkabbir fil-prostata fl-irġiel)
kwalunkwe marda tal-kliewi
problemi tat-tirojde
disturbi adrenokortikali (eż. il-marda ta’ Addison)
depressjoni jew kondizzjonijiet oħra li jiġu ttrattati b’antidepressanti. L-użu ta’ dawn il-mediċini flimkien ma’ Suboxone jista’ jwassal għas-sindromu ta’ serotonin, kondizzjoni li tista’ tkun ta’ periklu għall-ħajja (ara “Mediċini oħra u Suboxone”).
Id-dipartiment tal-emerġenza għandu jiġi kkuntattjat immedjatament f’każ li persuna tibla’ din il-mediċina b’mod aċċidentali jew ikun hemm suspett ta' inġestjoni.
Jista’ jkun li tiġi mmonitorjat aktar mill-qrib mit-tabib tiegħek jekk għandek aktar minn 65 sena.
Din il-mediċina tista’ tkun mira għal persuni li jabbużaw minn mediċini mogħtija b’riċetta, u għandha tinżamm f’post sigur biex tiġi protetta mis-serq (ara sezzjoni 5). Tagħtix din il- mediċina lil ħaddieħor. Tista’ tikkawża l-mewt jew inkella tagħmlilhom il-ħsara.
Xi nies mietu minħabba insuffiċjenza respiratorja (ma tkunx tista’ tieħu n-nifs) minħabba li użaw buprenorphine b’mod ħażin jew ħaduh flimkien ma’ depressanti oħra tas-sistema nervuża ċentrali bħal, alkoħol, benzodiazepines (kalmanti), jew opjojdi oħrajn.
Din il-mediċina tista’ tikkawża tnaqqis sever u possibbilment fatali fit-teħid tan-nifs (ħila mnaqqsa biex tieħu n-nifs) fit-tfal u nies mhux dipendenti li jeħduha aċċidentalment jew apposta.
Suboxone jista’ jikkawża disturbi tan-nifs relatati mal-irqad bħal apnea tal-irqad (pawsi fit-teħid tan-nifs waqt l-irqad) u livell baxx ħafna ta’ ossiġenu fid-demm relatat mal-irqad. Is-sintomi jistgħu jinkludu pawsi fit-teħid tan-nifs waqt l-irqad, qawmien matul il-lejl minħabba qtugħ ta’ nifs, diffikultajiet biex tibqa’ rieqed/rieqda jew ngħas eċċessiv matul il-ġurnata. Jekk inti jew xi persuna oħra tosservaw dawn is-sintomi, ikkuntattja lit-tabib tiegħek. It-tabib tiegħek jista’ jikkunsidra li jnaqqaslek id-doża.
Din il-mediċina tista’ tikkawża dipendenza.
Din il-mediċina tista’ tikkawża sintomi ta’ meta wieħed jieqaf jieħu l-opjojdi jekk toħodha malajr wisq wara li tkun ħadt l-opjojdi. Għandek tħalli mill-inqas 6 sigħat wara li tkun użajt opjojd li jaħdem għal żmien qasir (eż. morfina, eroina) jew mill-inqas 24 siegħa wara li tkun użajt opjojd li jaħdem għal żmien twil bħal methadone.
Din il-mediċina tista’ tikkawża wkoll sintomi ta’ meta wieħed jieqaf jieħu l-opjojdi jekk tieqaf toħodha f’daqqa. Ara sezzjoni 3 ‘Kif twaqqaf il-kura’.
Ġiet irrappurtata ħsara fil-fwied wara t-teħid ta’ Suboxone, speċjalment meta l-mediċina tintuża ħażin. Dan jista’ jkun dovut ukoll għal infezzjonijiet virali (eż. epatite Ċ kronika), abbuż tal- alkoħol, anoressja jew l-użu ta’ mediċini oħrajn li kapaċi jagħmlu ħsara lill-fwied tiegħek (ara s- sezzjoni 4). It-tabib tiegħek jista’ jagħmillek testijiet regolari tad-demm biex jimmonitorja l-kundizzjoni tal-fwied tiegħek. Għid lit-tabib tiegħek jekk għandek xi problemi fil-fwied qabel tibda l-kura b’Suboxone.
Din il-mediċina tista’ tikkawża li l-pressjoni tad-demm tiegħek tinżel f’daqqa, u dan iġiegħelek tħossok stordut jekk tqum bilwieqfa f’daqqa wara li tkun bilqiegħeda jew mimdud.
Din il-mediċina tista’ taħbi sintomi ta’ wġigħ li jistgħu jgħinu fid-dijanjosi ta’ xi mard. Għandek tikkonsulta mat-tabib tiegħek qabel ma tieħu din il-mediċina.
il sena, it-tabib tiegħek jista’ jimmonitorjak iktar mill-qrib matul il-kura, minħabba nuqqas ta’ data f’dan il-grupp ta’ età.
Għid lit-tabib tiegħek jekk qed tieħu, ħadt dan l-aħħar jew tista’ tieħu xi mediċini oħra.
Xi mediċini jistgħu jżidu l-effetti sekondarji ta’ Suboxone, u dawn jistgħu jkunu serji. Waqt li tieħu Suboxone, tiħux mediċini oħrajn mingħajr ma tkun kellimt lit-tabib tiegħek l-ewwel, speċjalment:
fl-istess ħin għandhom jiġu limitati mit-tabib tiegħek. Jekk jogħġbok għid lit-tabib tiegħek dwar il-mediċini sedattivi kollha li qed tieħu, u segwi mill-qrib ir-rakkomandazzjoni dwar id-doża tat- tabib tiegħek. Jista’ jkun ta’ benefiċċju jekk tinforma lil sħabek u lill-qraba tiegħek dwar is- sinjali u s-sintomi msemmija hawn fuq sabiex ikunu konxji tagħhom. Ikkuntattja lit-tabib tiegħek meta tesperjenza sintomi bħal dawn.
Mediċini oħrajn li fihom l-opjojdi bħal methadone, ċerti mediċini li jtaffu l-uġigħ, u suppressanti tas-sogħla
Mediċini kontra d-depressjoni (użati biex tiġi ttrattata d-depressjoni) bħal isocarboxazid, phenelzine, selegiline, tranylcypromine u valproate jistgħu jżidu l-effetti ta’ din il- mediċina.
Antagonisti sedattivi tar-riċettur Hı (użati biex jiġu ttrattati reazzjonijiet allerġiċi) bħal diphenhydramine u chlorphenamine.
Barbiturati (jintużaw biex jikkawżaw l-irqad jew sedazzjoni) bħal phenobarbital, secobarbital.
Kalmanti (jintużaw biex jikkawżaw l-irqad jew sedazzjoni) bħal chloral hydrate.
Clonidine (jintuża biex tiġi ttrattata pressjoni għolja tad-demm) jista’ jtawwal l-effetti ta’ din il- mediċina.
Antiretrovirali (jintużaw biex tiġi ttrattata l-HIV) bħal ritonavir, nelfinavir, indinavir jistgħu jżidu l-effetti ta’ din il-mediċina.
Xi mediċini kontra l-fungus (jintużaw biex jiġu ttrattati l-infezzjonijiet fungali) bħal ketoconazole, itraconazole, ċerti antibijotiċi, jistgħu jtawlu l-effetti ta’ din il-mediċina.
Xi mediċini jistgħu jnaqqsu l-effett ta’ Suboxone. Dawn jinkludu mediċini użati biex jittrattaw l-epilessija (bħal carbamazepine u phenytoin), u mediċini użati biex tiġi ttrattata t-tuberkulożi
(rifampicin).
Naltrexone u nalmefene (mediċini użati biex jittrattaw disturbi ta’ vizzji) jistgħu jimpedixxu l- effetti terapewtiċi ta’ Suboxone. Huma m’għandhomx jittieħdu fl-istess ħin mal-kura b’Suboxone għaliex inti tista’ tesperjenza feġġa f’daqqa ta’ sintomi ta’ meta wieħed jieqaf jieħu l-opjojdi li jkunu qawwija u fit-tul.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib tiegħek qabel tieħu din il-mediċina. Ir-riskji tal-użu ta’ Suboxone f’nisa tqal mhumiex magħrufa. It-tabib tiegħek ser jiddeċiedi jekk il-kura tiegħek għandhiex titkompla b’mediċina alternattiva.
Meta jittieħdu matul it-tqala, speċjalment tard matul it-tqala, mediċini bħal Suboxone jistgħu jikkaġunaw sintomi ta’ meta wieħed jieqaf jieħu l-mediċina, inklużi problemi fit-teħid tan-nifs fit- tarbija li tkun għadha kif titwieled. Dawn jistgħu jidhru diversi jiem wara t-twelid.
Treddax waqt li tkun qed tieħu din il-mediċina, billi buprenorphine jgħaddi fil-ħalib tas-sider.
Din il-mediċina fiha l-lactose. Jekk it-tabib qallek li għandek intolleranza għal ċerti tipi ta’ zokkor, ikkuntattja lit-tabib tiegħek qabel tieħu din il-mediċina.
Din il-mediċina fiha anqas minn 1 mmol sodium (23 mg) f’kull pillola, jiġifieri essenzjalment ‘ħielsa mis-sodium’.
Dejjem għandek tieħu din il-mediċina skont il-parir eżatt tat-tabib jew tal-ispiżjar tiegħek. Iċċekkja mat-tabib jew mal-ispiżjar tiegħek jekk ikollok xi dubju.
Il-kura tiegħek se tingħata b’riċetta u se tiġi mmonitorjata minn tobba b’esperjenza fil-kura ta’ dipendenza fuq id-drogi.
It-tabib tiegħek se jistabbilixxi l-aħjar doża għalik. Waqt il-kura tiegħek, it-tabib jista’ jaġġusta d-doża, skont ir-rispons li jkollok għall-kura.
Id-doża tal-bidu rakkomandata għal persuni adulti u adolexxenti li għandhom iktar minn 15-il sena normalment hi ta’ żewġ pilloli għal taħt l-islien ta’ 2 mg/0.5 mg ta’ Suboxone.
Din id-doża tista’ tiġi repetuta sa darbtejn kuljum f’jum 1 skont il-bżonnijiet tiegħek.
Għandek tkun konxju mis-sinjali ċari ta’ meta wieħed jieqaf jieħu l-opjojdi qabel ma tieħu l-ewwel doża tiegħek ta’ Suboxone. It-tabib tiegħek se jgħidlek meta għandek tieħu l-ewwel doża tiegħek.
Kif tibda l-kura b’Suboxone waqt li tkun dipendenti fuq l-eroina
Jekk inti dipendenti fuq l-eroina jew fuq opjojd li jaħdem għal żmien qasir, l-ewwel doża tiegħekgħandha tittieħed meta jidhru sinjali ta’ meta wieħed jieqaf jieħu l-opjojdi, mill-inqas 6 sigħat wara li tkun ħadt l-aħħar l-opjojd.
Kif tibda tieħu l-kura b’Suboxone waqt li tkun dipendenti fuq methadone
Jekk inti qed tieħu l-methadone jew opjojd li jaħdem għal żmien twil, idealment, id-doża ta’ methadone għandha titnaqqas għal inqas minn 30 mg/jum qabel ma tibda t-terapija b’Suboxone.
L-ewwel doża ta’ Suboxone għandha tittieħed meta jidhru s-sinjali ta’ meta wieħed jieqaf jieħu l-opjojdi, u mill-inqas 24 siegħa wara li użajt il-methadone l-aħħar.
Ħu d-doża darba kuljum billi tpoġġi l-pilloli taħt l-ilsien.
Żomm il-pilloli f’posthom taħt l-ilsien sakemm ikunu nħallu kompletament. Dan jista’ jieħu 5-10 minuti.
Tomgħodx u tiblax il-pilloli, għax il-mediċina ma taħdimx u jistgħu jaqbduk sintomi ta’ meta wieħed jieqaf jieħu l-opjojdi.
M’għandek tikkonsma l-ebda ikel jew xorb qabel ma r-rita tkun inħallet kompletament.
1 – Timbuttax il-pillola minn ġol-fojl.
2 – Neħħi biss parti waħda mill-pakkett tal-folji, billi ċċarratha tul il-linja perforata.
3 – Billi tibda mit-tarf fejn is-siġill huwa mbewwaq, iġbed il-fojl minn wara sabiex tneħħi l-pillola.
Jekk issir ħsara lill-folja, armi l-pillola.
Matul il-jiem wara li tibda l-kura, it-tabib tiegħek jista’ jżid id-doża li tieħu ta’ Suboxone skont il- bżonnijiet tiegħek. Jekk tħoss li l-effett ta’ Suboxone hu qawwi jew dgħajjef wisq, kellem lit-tabib jew lill-ispiżjar tiegħek. Id-doża massima ta’ kuljum hi ta’ 24 mg buprenorphine.
Wara żmien ta’ kura b’suċċess, tista’ taqbel mat-tabib tiegħek sabiex tnaqqsu d-doża b’mod gradwali għal doża ta’ manteniment aktar baxxa.
Skont il-kundizzjoni tiegħek, id-doża ta’ Suboxone tista’ tkompli titnaqqas taħt superviżjoni medika b’reqqa, sakemm eventwalment tista’ titwaqqaf.
M’għandekx tibdel il-kura bi kwalunkwe mod jew twaqqaf il-kura mingħajr ftehim mat-tabib li jkun qed jagħtik il-kura.
Jekk int jew xi ħaddieħor tieħdu wisq minn din il-mediċina, tridu tmorru jew tittieħdu minnufih f’ċentru tal-emerġenza jew sptar għall-kura peress li doża eċċessiva ta’ Suboxone tista’ tikkawża problemi tan-nifs serji u li jistgħu jkunu ta’ periklu għall-ħajja.
Sintomi ta’ doża eċċessiva jistgħu jinkludu li tħossok bi ngħas u mingħajr koordinazzjoni flimkien ma’ dewmien fir-riflessi, vista mċajpra, u/jew titkellem b’mod li ma jinftiehemx. Jista’ jkun li ma tkunx tista’ taħseb b’mod ċar, u tista’ tieħu n-nifs ħafna iktar bil-mod minn kif tieħu nifs is-soltu.
Għid lit-tabib tiegħek malajr kemm jista’ jkun jekk taqbeż doża.
Tibdilx il-kura bi kwalunkwe mod jew twaqqaf il-kura mingħajr il-ftehim mat-tabib li jkun qed jikkurak. Li twaqqaf il-kura f’daqqa jista’ jikkawża sintomi bħal meta wieħed jieqaf jieħu d- drogi.
Jekk għandek aktar mistoqsijiet dwar l-użu ta’ dan il-prodott, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
nefħa fil-wiċċ, fix-xufftejn, fl-ilsien jew fil-griżmejn, li tista’ tikkawża diffikultà biex tibla’ jew biex tieħu n-nifs, urtikarja/ħorriqija severa. Dawn jistgħu jkunu sinjali ta’ reazzjoni allerġika ta’ periklu għall-ħajja.
tħossok bi ngħas u mingħajr koordinazzjoni, ikollok vista mċajpra, titkellem b’mod li ma jinftiehemx, ma tkunx tista’ taħseb sewwa jew b’mod ċar, jew jekk tibda tieħu n-nifs ħafna aktar bil-mod minn dak li hu normali għalik.
għeja severa, ħakk flimkien ma’ sfurija tal-ġilda jew tal-għajnejn. Dawn jistgħu jkunu sintomi ta’ ħsara fil-fwied.
tara jew tisma’ affarijiet li ma jkunux hemm (alluċinazzjonijiet).
Effetti sekondarji komuni ħafna (jistgħu jaffettwaw aktar minn persuna waħda minn kull 10): |
Insomnija (ma tkunx tista’ torqod), stitikezza, dardir, għaraq eċċessiv, uġigħ ta’ ras, sindrome ta’ meta tieqaf tieħu d-drogi |
Effetti sekondarji komuni (jistgħu jaffettwaw sa persuna 1 minn kull 10): |
Telf ta’ piż, nefħa (fl-idejn u fis-saqajn), ngħas, ansjetà, nervożità, tnemnim, depressjoni, tnaqqis fil-ħajra sesswali, żieda fit-tensjoni tal-muskoli, ħsibijiet mhux normali, ħruġ ta’ dmugħ aktar mis-soltu (għajnejn bid-dmugħ) jew disturbi oħrajn fil-produzzjoni tad-dmugħ, vista mċajpra, fwawar, żieda fil-pressjoni tad-demm, emigranji, imnieħer inixxi, uġigħ fil-griżmejn u wġigħ biex tibla’, żieda fis-sogħla, stonku mqalleb jew skumdità oħra fl-istonku, dijarea, funzjoni mhux normali tal-fwied, gass, rimettar, raxx, ħakk, ħorriqija, uġigħ, uġigħ fil-ġogi, uġigħ fil-muskoli, bugħawwieġ fir-riġlejn (spażmu fil-muskoli), diffikultà biex tikseb jew biex iżżomm erezzjoni, awrina mhux normali, uġigħ addominali, uġigħ fid-dahar, dgħufija, infezzjoni, tkexkix ta’ bard, uġigħ fis-sider, deni, sintomi li jixbhu l-influwenza, sensazzjoni ta’ skonfort ġenerali, korriment aċċidentali kkawżat minn telf ta’ prontezza jew koordinazzjoni, ħass ħażin u sturdament,. |
Effetti sekondarji mhux komuni (jistgħu jaffettwaw sa persuna 1 minn kull 100): |
Glandoli minfuħin (glandoli limfatiċi), aġitazzjoni, rogħda, ħolm anormali, attività eċċessiva tal-muskoli, dipersonalizzazzjoni (ma tħossokx li int int), dipendenza fuq il-mediċina, amnesija (disturbi tal-memorja), telf ta’ interess, sensazzjoni esaġerata ta’ benesseri, konvulżjoni (aċċessjonijiet), disturb fid-diskors, daqs żgħir tal-pupilla, diffikultà biex tgħaddi l-awrina, infjammazzjoni jew infezzjoni fl-għajnejn, taħbit tal-qalb mgħaġġel jew bil-mod, pressjoni baxxa tad-demm, palpitazzjonijiet, infart mijokardijaku (attakk tal-qalb), tagħfis fis-sider, qtugħ ta’ nifs, ażżma, titwib, uġigħ u feriti fil-ħalq, telf ta’ kulur fl-ilsien, akne, għoqod fil-ġilda, jaqa’ x-xagħar, ġilda xotta jew qxur tal-ġilda, infjammazzjoni tal-ġogi, infezzjoni fl-apparat urinarju, testijiet tad-demm b’riżultat mhux normali, demm fl-awrina, ejakulazzjoni mhux normali, problemi mestrwali jew tal-vaġina, ġebel fil-kliewi, proteina fl-awrina tiegħek , awrina bl-uġigħ jew diffiċli, sensittività għas-sħana jew għall-ksieħ, puplesija kkawżata mis-sħana, telf ta’ aptit, sensazzjonijiet ta’ ostilità. |
Mhux magħrufa (il-frekwenza ma tistax tisġi stmata mid-dejta disponibbli): |
Sindrome għal għarrieda ta’ meta wieħed jieqaf jieħu d-drogi meta jittieħed Suboxone malajr wisq wara l-użu ta’ opjojdi illegali, sindrome bħal meta wieħed jieqaf jieħu d-drogi fi trabi tat- twelid. Nifs bil-mod jew diffiċli, ħsara fil-fwied bis-suffejra jew mingħajrha, alluċinazzjonijiet, nefħa tal-wiċċ u tal-gerżuma jew reazzjonijiet allerġiċi ta’ periklu għall-ħajja, tnaqqis fil- pressjoni tad-demm meta tibdel il-pożizzjoni minn bilqiegħda jew mimdud għal bilwieqfa. L-użu ħażin ta’ din il-mediċina billi tinjettaha jista’ jikkawża sintomi ta’ meta wieħed jieqaf jieħu d-drogi, infezzjonijiet, reazzjonijiet oħrajn tal-ġilda u problemi potenzjalment serji tal- fwied (ara Twissijiet u prekawzjonijiet). |
L-użu ħażin ta’ din il-mediċina billi tinjettaha jista’ jikkawża sintomi ta’ meta wieħed jieqaf jieħu l- opjojdi, infezzjonijiet, reazzjonijiet oħrajn tal-ġilda u problemi potenzjalment serji tal-fwied (ara Twissijiet u prekawzjonijiet).
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal u minn membri oħra tal-familja. Tużax din il-mediċina wara d-data ta’ meta tiskadi li tidher fuq il-kartuna. Id-data ta’ meta tiskadi
tirreferi għall-aħħar ġurnata ta’ dak ix-xahar.
Din il-mediċina m’għandhiex bżonn ħażna speċjali. Madankollu, Suboxone jista’ jkun fil-mira ta’ persuni li jabbużaw minn mediċini mogħtija b’riċetta. Żomm din il-mediċina f’post sigur biex tipproteġiha mis-serq.
Aħżen il-folja b’mod sigur.
Qatt m’għandek tiftaħ il-folja minn qabel. Tiħux din il-mediċina quddiem it-tfal.
L-unità ta’ emerġenza għandha tiġi kkuntattjata minnufih fil-każ ta’ inġestjoni aċċidentali jew ta’ suspett ta’ inġestjoni.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanzi attivi huma buprenorphine u naloxone.
Kull pillola għal taħt l-ilsien ta’ 2 mg/0.5 mg fiha 2 mg ta’ buprenorphine (bħala hydrochloride) u 0.5 mg ta’ naloxone (bħala hydrochloride dihydrate).
Kull pillola għal taħt l-ilsien ta’ 8 mg/2 mg fiha 8 mg ta’ buprenorphine (bħala hydrochloride) u 2 mg ta’ naloxone (bħala hydrochloride dihydrate).
Kull pillola għal taħt l-ilsien ta’ 16 mg/4 mg fiha 16 mg ta’ buprenorphine (bħala hydrochloride) u 4 mg ta’ naloxone (bħala hydrochloride dihydrate).
Is-sustanzi mhux attivi l-oħra huma lactose monohydrate, mannitol, maize starch, povidone K 30, citric acid anhydrous, sodium citrate, magnesium stearate, acesulfame potassium u togħma naturali ta’ lumi u lime.
Il-pilloli għal taħt l-ilsien ta’ Suboxone ta’ 2 mg/0.5 mg huma pilloli bojod bikonvessi eżagonali ta’
6.5 mm b’“N2” imnaqqxa fuq naħa waħda.
Il-pilloli għal taħt l-ilsien ta’ Suboxone ta’ 8 mg/2 mg huma pilloli bojod bikonvessi eżagonali ta’ 11 mm b’“N8” imnaqqxa fuq naħa waħda.
Il-pilloli għal taħt l-ilsien ta’ Suboxone ta’ 16 mg/4 mg huma pilloli bojod bikonvessi tondi ta’
10.5 mm b’“N16” imnaqqxa fuq naħa waħda.
Ippakkjati f’pakketti ta’ 7 u 28 pillola.
Jista’ jkun li mhux il-pakketti tad-daqsijiet kollha jkunu fis-suq.
Indivior Europe Limited 27 Windsor Place
Dublin 2 D02 DK44
l-Irlanda
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
e-mail: PatientSafetyRow@indivior.com
Indivior Europe Limited Tel: 88003079
e-mail: PatientSafetyRoW@indivior.com
Indivior Europe Limited Teл.: 00800 110 4104
e-mail: PatientSafetyRoW@indivior.com
e-mail: PatientSafetyRow@indivior.com
e-mail: PatientSafetyRoW@indivior.com
Indivior Europe Limited Tel.: 6800 19301
e-mail: PatientSafetyRoW@indivior.com
Indivior Europe Limited Tlf: 80826653
e-mail: PatientSafetyRoW@indivior.com
Indivior Europe Limited Tel: 80062185
e-mail: PatientSafetyRoW@indivior.com
Indivior Europe Limited Tel: 0 800 181 3799
e-mail: PatientSafetyRoW@indivior.com
Indivior Europe Limited Tel: 0800 022 87 83
e-mail: PatientSafetyRow@indivior.com
Indivior Europe Limited Tel: 8000041004
e-mail: PatientSafetyRoW@indivior.com
Indivior Europe Limited Tlf: 80016773
e-mail: PatientSafetyRoW@indivior.com
Indivior Europe Limited Τηλ: 800 206 281 901
e-mail: PatientSafetyRoW@indivior.com
Indivior Europe Limited Tel: 800 296551
e-mail: PatientSafetyRoW@indivior.com
Indivior Europe Limited Tel: 900 994 121
e-mail: PatientSafetyRoW@indivior.com
Indivior Europe Limited Tel.: 0800 4111237
e-mail: PatientSafetyRoW@indivior.com
Indivior Europe Limited
e-mail: PatientSafetyFrance@indivior.com
Indivior Europe Limited Tel: 800 841 042
e-mail: PatientSafetyRoW@indivior.com
Indivior Europe Limited Tel: 0800 222 899
e-mail: PatientSafetyRoW@indivior.com
Indivior Europe Limited Tel: 800 477 029
e-mail: PatientSafetyRoW@indivior.com
Indivior Europe Limited Tel: 1800554156
e-mail: PatientSafetyRoW@indivior.com
Indivior Europe Limited Tel: 080080715
e-mail: PatientSafetyRoW@indivior.com
Indivior Europe Limited Sími: 8009875
Netfang: PatientSafetyRoW@indivior.com
e-mail: PatientSafetyRoW@indivior.com
Indivior Europe Limited Tel: 800 789 822
e-mail: PatientSafetyRoW@indivior.com
Indivior Europe Limited Puh/Tel: 0800417489
e-mail: PatientSafetyRoW@indivior.com
Indivior Europe Limited Τηλ: 80091515
e-mail: PatientSafetyRoW@indivior.com
Indivior Europe Limited Tel: 020791680
e-mail: PatientSafetyRoW@indivior.com
Indivior Europe Limited Tel: 800 05612
e-mail: PatientSafetyRoW@indivior.com
Indivior Europe Limited Tel: 0808 234 9243
e-mail: PatientSafetyRoW@indivior.com