Masivet
masitinib mesilate
Id-detentur tal-awtorizzazzjoni għat-tqegħid fis-suq:
AB Science S.A.
3 avenue George V FR-75008 Paris
Franza
Il-manifattur għall-ħruġ tal-lott:
Centre Spécialités Pharmaceutiques Avenue du Midi
63800 Cournon d’Auvergne
Franza
MASIVET 50 mg pilloli miksijin b’rita għall-klieb MASIVET 150 mg pilloli miksijin b’rita għall-klieb
MASIVET hija pillola ta’ lewn oranġjo ċar, tonda, miksija b’rita.
Kull pillola fiha 50 mg jew 150 mg ta’ masitinib, li hija s-sustanza attiva. Kull pillola fiha wkoll Sunset yellow FCF (E 110) aluminium lake u Titanium dioxide (E171) bħala kulurant.
Il-pilloli huma mmarkati bin-numru “50” jew “150” fuq naħa, u bil-lowgo tal-kumpanija fuq in-naħa l- oħra.
Masivet jintuża għat-trattament ta’ klieb li jkollhom tumuri tal-mast cell (Grad 2 jew 3) li ma jistgħux jitneħħew, b’riċettur mibdul ikkonfermat tal-c-KIT tyrosine kinase.
Il-kelb/kelba tiegħek m’għandhomx jingħataw Masivet:
jekk hija tqila jew tredda’ l-ġriewi,
jekk għandhom inqas minn 6 xhur jew jiżnu inqas minn 4 kg,
jekk ibatu minn funzjoni inadegwata tal-fwied jew tal-kliewi,
jekk għandhom anemija jew għadd baxx ta’ newtrofili,
jekk ikollhom reazzjoni allerġika għal masitinib, is-sustanza attiva ta’ Masivet jew xi sustanza mhux attiva użata f’din il-mediċina.
Bħal kull mediċina oħra, Masivet jista’ jikkawża reazzjonijiet avversi. Il-veterinarju tiegħek jista’
jfissirhomlok aħjar. Effetti komuni ħafna:
Reazzjonijiet gastro-intestinali ħfief għal moderati (dijarea u rimettar) li jdumu medja ta’ madwar 21 ġurnata u 9 ijiem, rispettivament.
Twaqqigħ ħafif għal moderat tax-xagħar li jdum medja ta’ madwar 26 ġurnata.
Effetti komuni:
Għandhom jittieħdu miżuri speċifiċi mill-veterinarju tiegħek jekk ikun hemm ir-reazzjonijiet li ġejjin (ara sezzjoni 8):
Jista’ jkun hemm tossiċità renali severa fi klieb li jsofru minn disturbi renali fil-bidu tat- trattament (fosthom livell għoli ta’ kreatinina fid-demm jew proteinurja).
Anemija (aplastika/emolitika) moderata għal severa li ddum medja ta’ madwar 7 ijiem.
Is-sindromu tat-telf ta’ proteina (l-aktar minħabba tnaqqis tal-albumina fis-serum).
Newtropenija ħafifa jew moderata li ddum medja ta’ madwar 24 ġurnata.
Żieda fl-aminotransferase (ALT jew AST) li ddum medja ta’ madwar 29 ġurnata.
Reazzjonijiet avversi oħra osservati b’mod komuni kienu fil-biċċa l-kbira tal-każijiet ħfief jew moderati:
Letarġija u astenja li jdumu medja ta’ madwar 8 u 40 ġurnata, rispettivament
Tnaqqis fl-aptit jew anoressija li jdumu medja ta’ 45 ġurnata u 18-il ġurnata, rispettivament.
Sogħla (dewmien medju 23 ġurnata).
Limfadenopatija (dewmien medju 47 ġurnata).
Edema (id-dewmien medju tal-edema kien ta’ 7 ijiem).
Lipoma (dewmien medju 53 ġurnata).
Jekk tinnota xi effetti serji jew effetti oħra mhux imsemmijin f’dan il-fuljett, jekk jogħġbok informa
lill-veterinarju tiegħek. F’każ ta’ reazzjonijiet avversi, il-veterinarju tiegħek jista’ jiddeċiedi li jnaqqas id-doża jew iwaqqaf it-trattament.
Klieb
Masivet qiegħed għal użu orali fil-klieb u għandu jingħata skont l-istruzzjonijiet tal-veterinarju tiegħek. Il-veterinarju jgħidlek x’ammont huwa tajjeb għall-kelb tiegħek.
Id-doża rakkomandata hija 12.5 mg/kg (b’medda ta’ dożi ta’ 11-14 mg/kg) darba kuljum kif muri fit- tabella hawn taħt. Fi klieb li jiżnu inqas minn 15-il kilogramm, mhuwiex dejjem possibbli dożaġġ preċiż. Dawn il-klieb jistgħu jiġu ttrattati b’50, 100 jew 150 mg, jekk ikun vijabbli sabiex tinkiseb doża fil-mira ta’ 11-14 mg/kilogramm ta’ piż tal-ġisem.
12.5 mg/kg piż tal-ġisem | Numru ta’ pilloli kuljum | ||||
Doża mg/kg | |||||
Piż tal-ġisem tal-kelb f’kg | 50 mg - 150 mg | piż ta’ taħt | piż ta’ fuq | ||
> 15 | 18 | 1 u 1 | 13.7 | 11.1 | |
> 18 | 22 | 2 u 1 | 13.9 | 11.4 | |
> 22 | 26 | - - 2 | 13.6 | 11.5 | |
> 26 | 30 | 1 u 2 | 13.5 | 11.7 | |
> 30 | 34 | 2 u 2 | 13.3 | 11.8 | |
> 34 | 38 | - - 3 | 13.2 | 11.8 | |
> 38 | 42 | 1 u 3 | 13.2 | 11.9 | |
> 42 | 46 | 2 u 3 | 13.1 | 12.0 | |
> 46 | 50 | - - 4 | 13.0 | 12.0 | |
> 50 | 54 | 1 u 4 | 13.0 | 12.0 | |
> 54 | 58 | 2 u 4 | 13.0 | 12.1 | |
> 58 | 62 | - - 5 | 12.9 | 12.1 | |
> 62 | 66 | 1 u 5 | 12.9 | 12.1 | |
> 66 | 70 | 2 u 5 | 12.9 | 12.1 | |
> 70 | 74 | - - 6 | 12.9 | 12.2 | |
> 74 | 78 | 1 u 6 | 12.8 | 12.2 | |
> 78 | - | 2 u 6 | 12.8 | - |
Jekk il-pillola tiġi mtellgħa jew rimettata sa 10 minuti wara l-għoti, it-trattament għandu jiġi ripetut. Jekk il-pillola tiġi mtellgħa jew rimettata iżjed tard minn 10 minuti wara l-għoti, it-trattament m’għandux jiġi ripetut.
Il-pilloli għandhom jingħataw dejjem bl-istess mod, mal-ikel. Il-pilloli għandhom jingħataw sħaħ u m’għandhomx jiġu maqsuma, miksura jew imfarrka. Jekk pillola mkissra tiġi mneħħija mill-kelb wara li jomgħodha, din għandha tintrema.
Jekk tinsa tagħti doża, id-doża skedata li jmiss għandha tingħata kif ordnat. M’għandekx iżżid jew tirdoppja d-doża. Jekk jingħata iżjed mill-ammont preskritt ta’ pilloli, ikkuntattja lill-veterinarju
tiegħek.
It-tul tat-trattament jiddependi fuq ir-rispons osservat. It-trattament għandu jinżamm fil-każ ta’ marda stabbli, jiġifieri rispons statiku, parzjali jew komplet tat-tumur, bil-kundizzjoni li l-prodott ikun
ittollerat b’mod suffiċjentement tajjeb. Fil-każ ta’ progressjoni tat-tumur, l-effikaċja tat-trattament mhijiex probabbli li tirnexxi u t-trattament għandu jiġi rivedut.
It-trattament għandu jiġi rivedut wara 4 sa 6 ġimgħat sabiex jiġi valutat ir-rispons inizjali. It-trattament fit-tul għandu jkun taħt kontroll veterinarju regolari (mill-anqas darba fix-xahar).
Ma jgħoddx f’dan il-każ.
Żommu fejn ma jintlaħaqx u ma jidhirx mit-tfal. Żomm il-flixkun magħluq sew.
Tużax wara d-data ta’ skadenza li tidher fuq it-tikketta wara “JIS”.
Għal kwalunkwe tumur tal-mast cell li jista’ jiġi kkurat b’kirurġija, il-kirurġija għandha tkun it-
trattament tal-ewwel għażla. It-trattament b’Masitinib għandhu jintuża biss fi klieb li jkollhom tumuri tal-mast cell li ma jkunux jistgħu jitneħħew u li jesprimu r-riċettur mibdul ta’ c-kit tyrosine kinase. Il- preżenza ta’ riċettur mibdul ta’ c-kit tyrosine kinase trid tiġi kkonfermata qabel it-trattament..
Il-klieb għandhom jiġu mmonitorjati b’attenzjoni mill-veterinarju tiegħek (mill-anqas kull xahar) u t- trattament jista’ jkollu bżonn jiġi aġġustat jew imwaqqaf, skont il-ħtieġa.
It-trattament għandu jiġi mwaqqaf jekk ikunu osservati xi wħud minn dawn is-sinjali: anemija, newtropenija severa, tossiċità renali severa, tossiċità fil-fwied u/jew dijarea jew rimettar sever li jippersisti wara t-tnaqqis fid-doża.
Il-klieb m’għandhomx jintużaw għat-tgħammir waqt it-trattament. M’għandux jintuża fi klieb tqal jew ireddgħu
Il-kuntatt ripetut tal-ġilda ma’ masitinib jista’ jindebolixxi l-fertilità tal-mara u l-iżvilupp tal-fetu. Is-sustanza attiva ta’ Masivet tista’ tikkawża sensibilizzazzjoni tal-ġilda.
Evita l-kuntatt tal-ġilda mal-ippurgar, l-awrina, u r-rimettar ta’ klieb ittrattati.
Ilbes ingwanti protettivi meta tarmi r-rimettar, l-awrina jew l-ippurgar ta’ klieb ittrattati.
Jekk pilloli mkissrin, rimettar, awrina jew ippurgar ta’ klieb ittrattati jiġu f’kuntatt mal-ġilda, laħlaħ immedjatament b’ħafna ilma.
Is-sustanza attiva ta’ Masivet tista’ tikkawża irritazzjoni severa fl-għajnejn u ħsara serja fl-għajnejn.
Evita l-kuntatt mal-għajnejn.
Ħu ħsieb li ma tmissx għajnejk qabel ma tkun neħħejt u rmejt l-ingwanti u ħsilt idejk sewwa.
Jekk il-prodott jiġi f’kuntatt mal-għajnejn, laħlaħ immedjatament b’ħafna ilma.
Persuni b’sensittività eċċessiva magħrufa m’għandhomx jimmaniġġaw il-prodott.
F’każ ta’ inġestjoni aċċidentali, fittex parir mediku mill-ewwel u uri l-fuljett ta’ tagħrif jew it-tikketta lit-tabib. M’għandux isir ikel, xorb, jew tipjip waqt li jkun qed jiġi ttrattat il-kelb.
It-tfal m’għandux ikollhom kuntatt mill-qrib ma’ klieb trattati, ippurgar jew rimettar ta’ klieb ittrattati.
Jeżistu ċerti mediċini li m’għandekx tagħtihom lill-kelb tiegħek waqt it-trattament għaliex flimkien,
jistgħu jikkawżaw effetti avversi serji.
L-użu simultanju ta’ sustanzi oħra b’livell għoli ta’ twaħħil mal-proteini jista’ jikkompeti mat-twaħħil ta’ masitinib u b’hekk jikkawża effetti avversi.
L-użu simultanju ta’ sustanzi li jiġu metabolizzati minn isoformi CYP450 jista’ jirriżulta f’livelli iżjed
għoljin jew iżjed baxxi fil-plażma ta’ masitinib jew ta’ dawk is-sustanzi.
Għid lill-veterinarju tiegħek dwar il-mediċini kollha, inklużi l-prodotti li tixtrihom mingħajr riċetta, li beħsiebek tagħti lill-kelb tiegħek.
L-effikaċja ta’ Masivet tista’ tkun imnaqqsa fi klieb ittrattati qabel bil-kemjoterapija u/jew bir-
radjuterapija. Ma hija disponibbli l-ebda informazzjoni dwar cross-resistance li jista’ jkun hemm ma’ prodotti ċitostatiċi oħra.
Id-doża ta’ kuljum rakkomandata ta’ 12.5 mg/kilogramm ta’ piż tal-ġisem tikkorrispondi għad-Doża
Massima Tollerata (MTD).
L-organi fil-mira prinċipali tat-tossiċità fil-klieb huma l-apparat gastrointestinali, is-sistema ematopoetika, il-kliewi u l-fwied.
F’każ ta’ episodji avversi wara doża eċċessiva, it-trattament għandu jitwaqqaf sar-riżoluzzjoni, u mbagħad jitkompla fil-livell tad-doża terapewtika rakkomandata. Ikkuntattja lill-veterinarju tiegħek.
Il-mediċini m’għandhomx jintremew mal-ilma tad-dranaġġ jew mal-iskart domestiku. Staqsi lill- veterinarju dwar kif għandek tarmi mediċini li m’għandekx bżonn. Dawn il-miżuri jgħinu għall- protezzjoni tal-ambjent.
Għat-trattament tal-annimali biss.
Il-pilloli huma disponibbli f’pakketti ta’ 30 pillola.
Masivet huwa mediċina bir-riċetta li tintuża għat-trattament ta’ tumuri tal-mast cell fil-klieb. It-tumuri tal-mast cell huma proliferazzjonijiet kanċerużi tal-mast cells. Hija marda eteroġenea li tista’ tkun relattivament innoċenti jew malinna b’mod aggressiv. F’ċerti ċirkustanzi, it-tumuri tal-mast cell jistgħu jkunu ta’ theddida għall-ħajja tal-kelb tiegħek. Masivet jista’ jtawwal iż-żmien qabel ma jimxi t-tumur.
Il-klieb għandhom jiġu mmonitorjati b’attenzjoni u għandu jintuża ġudizzju professjonali biex tiġi stabbilita l-ħtieġa għal tnaqqis fid-doża f’każ li jista’ jkun hemm reazzjonijiet avversi sinifikanti.
Monitoraġġ tal-funzjoni renali
Il-funzjoni renali għandha tiġi mmonitorjata adegwatament kull xahar permezz ta’ testijiet tal-awrina bid-dipstikk.
F’każ ta’ riżultati semikwantitattivi pożittivi bid-dipstikk (proteina > 30 mg/dl), għandha titwettaq analiżi kimika tal-awrina biex jiġi stabbilit il-proporzjon tal-urinary protein creatinine (UPC), u kampjun tad-demm sabiex jitkejlu l-kreatinina, l-albumina u l-blood urea nitrogen (BUN)
Jekk il-proporzjon tal-UPC ikun > 2, jew il-kreatinina tkun > 1.5 il-limitu ta’ fuq tan-normal (ULN), jew l-albumina tkun < 0.75 il-limitu ta’ taħt tan-normal (LLN) jew il-blood urea nitrogen (BUN) > 1.5 ULN, it-trattament għandu jiġi mwaqqaf.
Monitoraġġ tas-sindromu tat-telf ta’ Proteina
Kull xahar għandu jitwettaq test tal-awrina bid-dipstikk. F’każ ta’ riżultati semikwantitattivi pożittivi tad-dipstikk (proteina ≥30 mg/dL), għandha ssir analiżi kimika tal-awrina biex jiġi stabbilit il- proporzjon tal-urinary protein creatinine (UPC).
Kull xahar għandu jsir kejl tal-albumina fid-demm.
Jekk il-proporzjon tal-UPC ikun > 2 jew l-albumina tkun < 0.75 il-limitu ta’ taħt tan-normal (LLN), it-trattament għandu jiġi interrott sakemm il-valuri tal-albumina u tal-UPC ikunu reġgħu lura għall-valur tal-limitu (proporzjon UPC < 2 u albumina > 0.75 LLN), it-trattament imbagħad ikun jista’ jitkompla bl-istess doża.
Jekk xi wieħed minn dawn l-episodji (proporzjon UPC > 2 jew albumina < 0.75 LLN) jseħħ għat-tieni darba, it-trattament għandu jitwaqqaf b’mod permanenti.
Anemija u / jew emolisi
Il-klieb għandhom jiġu mmonitorjati b’attenzjoni għal sinjali ta’ anemija (emolitika). F’każ ta’ sinjali kliniċi ta’ anemija jew emolisi, għandhom jiġu mkejla l-emoglobina, il-bilirubina libera u l-
haptoglobina u għandu jitwettaq għadd taċ-ċelloli tad-demm (inklużi r-retikuloċiti). It-trattament għandu jitwaqqaf fil-każ ta’:
Anemija emolitika, jiġifieri emoglobina < 10 g/dL u emolisi, jiġifieri bilirubina libera > 1.5 ULN u haptoglobina < 0.1 g/dL,
Anemija minħabba nuqqas ta’ riġenerazzjoni, jiġifieri emoglobina < 10 g/dL u retikuloċiti < 80,000/mm3.
Tossiċità tal-fwied (żieda fl-ALT jew fl-AST), newtropenija
Fil-każ ta’ żieda fl-ALT jew fl-AST ta’ > 3 ULN, tnaqqis fl-għadd ta’ newtrofili < 2000/mm3 jew kwalunkwe episodju avvers serju ieħor, it-trattament għandu jiġi modifikat kif ġej:
Mal-ewwel inċidenza, it-trattament għandu jiġi interrott sar-riżoluzzjoni, imbagħad jitkompla bl-istess livell ta’ doża;
Mat-tieni inċidenza tal-istess episodju, it-trattament għandu jiġi interrott sar-riżoluzzjoni; it-trattament
imbagħad għandu jitkompla b’doża mnaqqsa ta’ 9 mg/kilogramm ta’ piż tal-ġisem kuljum;
Mat-tielet inċidenza tal-istess episodju, it-trattament għandu jiġi interrott sar-riżoluzzjoni; it-trattament imbagħad għandu jitkompla b’doża iżjed imnaqqsa għal 6 mg/kg kuljum;
It-trattament għandu jitwaqqaf jekk xorta jkun hemm reazzjonijiet avversi severi bid-doża ta’ 6 mg/kg
kuljum.
ĠESTJONI TAT-TOSSIĊITÀ FIL-FWIED (ALT jew AST) | |||
Kontra-indikazzjoni | Interruzzjoni tat- trattament | Tnaqqis fid-doża | Twaqqif tat-trattament |
> 3 ULN | > 3ULN (l-ewwel darba) | > 3 ULN (it-tieni/tielet darba) | > 3ULN (ir-raba’ darba) |
ĠESTJONI TAN-NEWTROPENIJA (għadd ta’ newtrofili) | |||
Kontra-indikazzjoni | Interruzzjoni tat- trattament | Tnaqqis fid-doża | Twaqqif tat-trattament |
< 2000 /mm3 | < 2000 /mm3 (l-ewwel darba) | < 2000 /mm3 (it-tieni/tielet darba) | < 2000 /mm3 (ir-raba’ darba) |
ĠESTJONI TAS-SINDROMU TAT-TELF TA’ PROTEINA (Albuminemija u/jew UPC) | |||
Kontra-indikazzjoni | Interruzzjoni tat- trattament | Tnaqqis fid-doża | Twaqqif tat-trattament |
Albumina < 1 LLN jew UPC > 2 | Albumina < 0.75 LLN jew UPC >2 (l-ewwel darba) | Ma japplikax | Albumina < 0.75 LLN jew UPC > 2 (it-tieni darba) |
ĠESTJONI TAL-ANEMIJA EMOLITIKA U TAL-ANEMIJA MINĦABBA NUQQAS TA’ RIĠENERAZZJONI (emoglobina, bilirubina, haptoglobina, retikuloċiti) | |||
Kontra-indikazzjoni | Interruzzjoni tat- trattament | Tnaqqis fid-doża | Twaqqif tat-trattament |
Emoglobina < 10g/dL | Ma japplikax | Ma japplikax | Emoglobina < 10g/dL u jew bilirubina libera > 1.5 ULN u haptoglobina<0.1g/dl jew retikuloċiti < 80,000/mm3 |
Id-doża ta’ kuljum rakkomandata ta’ 12.5 mg/kg ta’ piż tal-ġisem tikkorrispondi mad-Doża Massima Tollerata (MTD) derivata mill-istudji dwar l-effett tossiku minn dożi ripetuti fi klieb Beagle b’saħħithom. Fil-każ tar-reazzjonijiet avversi, id-dożi jistgħu jitnaqqsu għal dożi darba kuljum ta’
9 mg/kilogramm ta’ piż tal-ġisem (medda 7.5 – 10.5 mg/kg) jew 6 mg/kilogramm ta’ piż tal-ġisem (medda 4.5 – 7.5 mg/kg) skont it-tabelli ta’ hawn isfel.
Numru ta’ pilloli kuljum | Doża mg/kg | |||||
Piż tal-ġisem tal-kelb f’kg | 50 mg | - | 150 mg | piż ta’ taħt | piż ta’ fuq | |
> 15.0 | 19.4 | - | - | 1 | 10.0 | 7.7 |
> 19.4 | 25.0 | 1 | u | 1 | 10.3 | 8.0 |
> 25.0 | 30.6 | 2 | u | 1 | 10.0 | 8.2 |
> 30.6 | 36.1 | - | - | 2 | 9.8 | 8.3 |
> 36.1 | 41.7 | 1 | u | 2 | 9.7 | 8.4 |
> 41.7 | 47.2 | 2 | u | 2 | 9.6 | 8.5 |
> 47.2 | 52.8 | - | - | 3 | 9.5 | 8.5 |
> 52.8 | 58.3 | 1 | u | 3 | 9.5 | 8.6 |
> 58.3 | 63.9 | 2 | u | 3 | 9.4 | 8.6 |
> 63.9 | 69.4 | - | - | 4 | 9.4 | 8.6 |
> 69.4 | 75.0 | 1 | u | 4 | 9.4 | 8.7 |
> 75.0 | 80.6 | 2 | u | 4 | 9.3 | 8.7 |
Numru ta’ pilloli kuljum | Doża mg/kg | |||||
Piż tal-ġisem tal-kelb f’kg | 50 mg | - | 150 mg | piż ta’ taħt | piż ta’ fuq | |
> 15.0 | 20.8 | 2 | - | - | 6.6 | 4.8 |
> 20.8 | 29.2 | - | - | 1 | 7.2 | 5.1 |
> 29.2 | 37.5 | 1 | u | 1 | 6.9 | 5.3 |
> 37.5 | 45.8 | 2 | u | 1 | 6.7 | 5.5 |
> 45.8 | 54.2 | - | - | 2 | 6.5 | 5.5 |
> 54.2 | 62.5 | 1 | u | 2 | 6.5 | 5.6 |
> 62.5 | 70.8 | 2 | u | 2 | 6.4 | 5.6 |
> 70.8 | 79.2 | - | - | 3 | 6.4 | 5.7 |
> 79.2 | - | 1 | u | 3 | 6.3 | - |