Viramune
nevirapine
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Viramune u għalxiex jintuża
X’għandek tkun taf qabel ma tieħu Viramune
Kif għandek tieħu Viramune
Effetti sekondarji possibbli
Kif taħżen Viramune
Kontenut tal-pakkett u informazzjoni oħra
Viramune jappartjeni għal grupp ta’ mediċini li jissejħu antiretrovirali, użati fit-trattament ta’ infezzjonijiet ikkaġunati mill-Vajrus ta’ Immunodefiċjenza Umana (HIV-1).
Is-sustanza attiva tal-mediċina tiegħek tissejjaħ nevirapine. Nevirapine jappartjeni għal kategorija ta’ mediċini li jaħdmu kontra l-HIV imsejħa non-nucleoside reverse transcriptase (NNRTIs). Reverse transcriptase hi enzima li l-HIV jeħtieġ biex jimmultiplika. Meta jwaqqaf reverse transcriptase milli jaħdem, Viramune jgħin biex jikkontrolla l-infezzjoni ta’ HIV-1.
Viramune hu indikat għat-trattament ta’ adulti, adolexxenti, u tfal ta’ kull età infettati bl-HIV-1. Inti għandek tieħu Viramune flimkien ma’ mediċini antiretrovirali oħra. It-tabib tiegħek ser jirrakomanda l-aħjar mediċini għalik.
jekk inti allerġiku għal nevirapine jew għal xi sustanza oħra ta’ din il-mediċina (imniżżla fis- sezzjoni 6).
jekk kont tieħu Viramune u kellek twaqqaf it-trattament minħabba li kien ikollok:
raxx tal-ġilda sever
raxx tal-ġilda u sintomi oħra bħal pereżempju
deni
infafet
postumetti
infjammazzjoni tal-għajnejn
nefħa fil-wiċċ
nefħa ġenerali
qtugħ ta’ nifs
uġigħ muskolari jew tal-ġogi
tħoss li ma’ tiflaħx b’mod ġenerali
uġigħ addominali
reazzjonijiet ta’ sensittività eċċessiva (allerġija)
infjammazzjoni tal-fwied (epatite)
jekk għandek marda fil-fwied severa
jekk kellek twaqqaf it-trattament b’Viramune fil-passat minħabba bidliet fil-funzjoni tal-fwied tiegħek
jekk qed tieħu mediċina li fiha s-sustanza mill-ħxejjex ta’ St.John’s Wort (Hypericum perforatum). Din is-sustanza mill-ħxejjex tista’ timpedixxi ’l Viramune milli jaħdem sew.
Il-pazjenti li ġejjin jinsabu f’riskju ogħla li jiżviluppaw problemi tal-fwied:
nisa
persuni infettati b’epatite B jew Ċ
testijiet abnormali ta’ kif qed jaħdem il-fwied
pazjenti li qatt ma rċivew trattament fil-passat b’għadd ogħla ta’ ċelloli CD4 fil-bidu tat-terapija b’Viramune (nisa aktar minn 250 ċellola/mm³, irġiel aktar minn 400 ċellola/mm³)
pazjenti ttrattati fil-passat li jkollhom ammont virali ta’ HIV-1 fil-plażma u għadd ta’ ċelluli
CD4 ogħla fil-bidu tat-terapija b’Viramune (nisa: aktar minn 250 ċellula/mm³, irġiel: aktar minn 400 ċellula/mm³)
F'xi pazjenti li għandhom infezzjoni avvanzata ta' HIV (AIDS) u storja ta' reazzjonijiet opportunistiċi (mard mfisser bħala AIDS), is-sinjali u s-sintomi ta' infjammazzjoni minn infezzjonijiet li kellhom qabel jistgħu jerġgħu jitfaċċaw wara li jinbeda mill-ġdid it-trattament kontra l-HIV. Hu maħsub li dawn is-sintomi huma dovuti għal titjib fis-sistema immunitarja tal-ġisem, li jippermetti lil ġisem jiġġieled l-infezzjonijiet li setgħu kienu preżenti mingħajr sintomi ovvji. Jekk tinnota xi sintomi ta' infezzjoni, jekk jogħġbok għarraf lit-tabib tiegħek minnufih.
Flimkien ma’ infezzjonijiet opportunistiċi, disturbi awtoimmuni (kundizzjoni li sseħħ meta s-sistema immuni tattakka tessut tal-ġisem b’saħħtu) jistgħu jseħħu wkoll wara li tibda tieħu mediċini għat- trattament tal-infezzjoni bl-HIV tiegħek. Disturbi awtoimmuni jistgħu jseħħu ħafna xhur wara l-bidu tat-trattament. Jekk tinnota kwalunkwe sintomi ta’ infezzjoni jew sintomi oħrajn bħal dgħufija fil- muskoli, dgħufija li tibda fl-idejn u fis-saqajn u li timxi ’l fuq sat-tronk tal-ġisem, palpitazzjonijiet, rogħda jew iperattività, jekk jogħġbok informa lit-tabib tiegħek immedjatament biex tfittex it- trattament meħtieġ.
Bidliet fix-xaħam tal-ġisem jistgħu jseħħu f'pazjenti li jkunu fuq terapija antiretrovirali kombinata. Ikkuntattja lit-tabib tiegħek jekk tinduna f'xi bidliet fix-xaħam tal-ġisem tiegħek (ara sezzjoni 4, “Effetti sekondarji possibbli”).
Xi pazjenti li qed jieħdu terapija antiretrovirali kombinata jistgħu jiżviluppaw marda tal-għadam li tissejjaħ osteonekrosi (mewt ta' tessut tal-għadam li tiġi kkaġunata minn nuqqas ta’ ċirkolazzjoni
tad-demm fl-għadam). It-tul tat-terapija antiretrovirali kombinata, l-użu ta' kortikosterojdi, il-konsum ta' alkoħol, debolezza tas-sistema immuni severa u indiċi ogħla fil-piż tal-ġisem, fost oħrajn, jistgħu jkunu xi wħud mill-ħafna fatturi li jippredisponu l-iżvilupp ta' din il-marda. Sinjali ta' osteonekrosi huma ebusija fil-ġogi, uġigħ (speċjalment fil-ġenbejn, l-irkoppa u l-ispallejn) u diffikultà biex tiċċaqlaq. Jekk tinnota xi wieħed minn dawn is-sintomi, jekk jogħġbok informa lit-tabib tiegħek.
Jekk qed tieħu nevirapine u zidovudine fl-istess ħin, jekk jogħġbok informa lit-tabib tiegħek għax jista' jkun li jkollu bżonn jiċċekkja ċ-ċelluli tad-demm bojod tiegħek.
Tiħux Viramune wara li tkun ġejt espost għall-HIV ħlief jekk tkun ġejt iddijanjostikat bl-HIV u
ngħatajt parir biex tagħmel hekk mit-tabib tiegħek. Viramune mhux trattament għall-infezzjoni ta’ HIV. Għalhekk, jista’ jkun li int tkompli tiżviluppa infezzjonijiet jew mard ieħor assoċjat ma’ l- infezzjoni ta’ HIV. Għalhekk inti għandek tibqa’ f’kuntatt regolari mat-tabib tiegħek. Xorta tista’ tgħaddi l-HIV meta tkun qiegħed tieħu din il-mediċina, għalkemm ir-riskju jonqos b’terapija antiretrovirali effettiva. Iddiskuti mat-tabib tiegħek il-prekawzjonijiet meħtieġa biex tipprevjeni li tinfetta persuni oħra.
Prednisone m’għandux jintuża biex jittratta raxx relatat ma’ Viramune.
Jekk qed tieħu kontraċettivi orali (eż. il-“pillola”) jew metodu oħra ta’ kontraċezzjoni ormonali waqt it-trattament b’Viramune, għandek tuża kontraċezzjoni li tostakola (eż. kondom) b’mod addizzjonali, sabiex tevita li toħroġ tqila u biex ma xxerridx aktar l-HIV.
Jekk qed tirċievi terapija bl-ormoni ta’ wara l-menopawsa, staqsi lit-tabib tiegħek għal parir qabel tieħu din il-mediċina.
Jekk qed tieħu jew ingħatajt riċetta għal rifampicin biex tittratta t-tuberkulożi, jekk jogħġbok informa lit-tabib tiegħek qabel tieħu din il-mediċina ma’ Viramune.
Il-pilloli Viramune jistgħu jittieħdu minn:
tfal li għandhom 16-il sena jew aktar
tfal taħt is-16-il sena li:
jiżnu 50 kg jew aktar
li għandhom erja superfiċjali ’l fuq minn 1.25 metri kwadri. Għal tfal iżgħar hemm suspensjoni likwida li tittieħed mill-ħalq.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra. Informa t-tabib dwar kull mediċina oħra li tkun qed tieħu qabel ma tibda tieħu Viramune. It-tabib tiegħek għandu mnejn ikun irid jissorvelja jekk il-mediċini l-oħra tiegħek humiex jaħdmu u sabiex jagħmel l-aġġustamenti meħtieġa tad-doża. Aqra sew il-fuljett ta’ tagħrif tal-prodotti mediċinali l-oħra kollha ta’ l-HIV li inti qed tieħu flimkien ma’ Viramune.
Huwa partikolarment importanti li tgħid lit-tabib tiegħek jekk qed tieħu jew ħadt dan l-aħħar:
St. John’s Wort (Hypericum perforatum, mediċina li tittratta d-dipressjoni)
rifampicin (mediċina li tittratta t-tuberkolosi)
rifabutin (mediċina li tittratta t-tuberkolosi)
makrolidi (eż. clarithromycin) (mediċina li tittratta l-infezzjonijiet batteriċi)
fluconazole (mediċina kontra l-infezzjonijiet fungali)
ketoconazole (mediċina li tittratta l-infezzjonijiet fungali)
itraconazole (mediċina li tittratta l-infezzjonijiet fungali)
methadone (mediċina użata biex tittratta ’l persuni viżjati bil-loppji)
warfarin (mediċina li tnaqqas il-formazzjoni ta’ emboli tad-demm)
kontraċettivi ormonali (eż. il-“pill”)
atazanavir (mediċina oħra li tittratta l-infezzjonijiet tal-HIV)
lopinavir/ritonavir (mediċina oħra li tittratta l-infezzjonijiet tal-HIV)
fosamprenavir (mediċina oħra li tittratta l-infezzjonijiet tal-HIV)
efavirenz (mediċina oħra li tittratta l-infezzjonijiet tal-HIV)
etravirine (mediċina oħra li tittratta l-infezzjonijiet tal-HIV)
rilpivirine (mediċina oħra li tittratta l-infezzjonijiet tal-HIV)
zidovudine (mediċina oħra għat-trattament ta’ infezzjoni bl-HIV)
elvitegravir/cobicistat (mediċina oħra li tittratta infezzjoni bl-HIV)
It-tabib tiegħek ser jissorvelja mill-qrib l-effett ta’ Viramune u kwalunkwe wieħed minn dawn il-mediċini jekk qed teħodhom flimkien.
Jekk qed ikollok dijaliżi tal-kliewi, it-tabib tiegħek jista’ jikkonsidra li jaġġusta d-doża ta’ Viramune. Dan peress li Viramune jista’ jiġi eliminat mid-demm tiegħek bid-dijalizi.
M'hemm l-ebda restrizzjoni fuq it-teħid ta' pilloli Viramune ma' l-ikel u x-xorb.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Għandek tieqaf tredda’ jekk qed tieħu l-pilloli Viramune. Hija rakkomandazzjoni ġenerali li m’għandekx tredda’ jekk int infettata b’HIV għax hu possibbli li t-tarbija tiegħek tista’ tiġi infettata b’HIV permezz tal-ħalib tal-omm.
Tista’ tħossok għajjien meta tieħu Viramune. Uża l-kawtela meta tipparteċipa f’attivitajiet bħal sewqan, u l-użu ta’ kwalunkwe għodda jew magni. Jekk tħossok għajjien, għandek tevita xogħol potenzjalment perikoluż bħal sewqan jew li tuża kwalunkwe għodda jew magni.
Il-pilloli Viramune fihom lactose (zokkor tal-ħalib).
Jekk it-tabib tiegħek qallek li għandek intolleranza għal ċerti tipi ta’ zokkor, ikkuntattja lit-tabib tiegħek qabel tieħu dan il-prodott mediċinali.
Il-pilloli Viramune fihom anqas minn 1 mmol sodium (23 mg) f’kull pillola, jiġifieri essenzjalment
‘ħielsa mis-sodium’.
Inti qatt m’għandek tieħu Viramune waħdu. Dejjem għandek tieħdu mill-anqas ma’ żewġ mediċini antiretrovirali oħra. It-tabib tiegħek ser jirrakomanda l-aħjar mediċini għalik.
Dejjem għandek tieħu din il-mediċina skont il-parir eżatt tat-tabib tiegħek. Iċċekkja mat-tabib jew mal-ispiżjar tiegħek jekk ikollok xi dubju.
Doża:
Id-doża li tingħata hija ta’ pillola waħda ta' 200 mg kuljum għall-ewwel 14-il jum ta' trattament (perjodu “inizjali”. Wara 14-il jum, id-doża li ġeneralment tittieħed hi ta’ pillola waħda ta’ 200 mg darbtejn kuljum.
Huwa importanti ħafna li tieħu pillola waħda ta’ Viramune kuljum għall-ewwel 14-il jum (il-perijodu “inizjali”). Jekk ikollok xi raxx f’dan il-perijodu, iżżidx id-doża imma kkonsulta t-tabib tiegħek.
Il-perijodu “inizjali” ta’ 14-il jum intwera li jnaqqas ir-riskju ta’ raxx fuq il-ġilda.
Peress li Viramune għandu dejjem jittieħed ma’ mediċini antiretrovirali oħra tal-HIV, inti għandek issegwi l-istruzzjonijiet għal mediċini l-oħra b’attenzjoni. Dawn huma mogħtija fil-fuljetti ta’ tagħrif għal dawk il-mediċini.
Viramune huwa disponibbli wkoll f'għamla likwida bħala suspensjoni likwida. Dan hu partikolarment adattat jekk:
għandek problemi biex tibla l-pilloli
jew inti tifel/tifla li tiżen anqas minn 50 kg
jew inti tifel/a li għandek erja superfiċjali ta’ inqas minn 1.25 metri kwadri (it-tabib tiegħek ser jara kemm hi l-erja superfiċjali tiegħek).
Għandek tibqa' tieħu l-pilloli Viramune sakemm ikun qallek biex tagħmel it-tabib tiegħek.
Kif spjegat fit-taqsima ‘Twissijiet u prekawzjonijiet’, hawn fuq, it-tabib tiegħek għandu jissorvelja t- testijiet tal-fwied tiegħek jew jara għal xi effetti mhux mixtieqa bħal raxx. Skond ir-riżultati, it-tabib tiegħek jista' jiddeċiedi jekk għandux iwaqqaf it-trattament tiegħek ta’ Viramune. It-tabib tiegħek għandu mnejn jiddeċiedi li jibdik mill-ġdid fuq doża aktar baxxa.
Ħu l-pilloli Viramune mill-ħalq biss. M’għandekx tomgħod il-pilloli tiegħek. Tista’ tieħu Viramune fuq l-ikel jew fuq stonku vojt.
M'għandekx taqbeż id-doża ta’ Viramune li t-tabib tiegħek ikun kitiblek u mfissra f'dan il-fuljett. Attwalment, hemm biss ftit tagħrif fuq l-effetti ta' doża eċċessiva b'Viramune. Ikkonsulta mat-tabib tiegħek jekk tieħu Viramune aktar milli suppost.
Ipprova titlifx milli tieħu doża. Jekk tinduna li ma ħadtx d-doża li suppost ħadt fi żmien 8 sigħat minn meta suppost ħadtha, ħu d-doża li tkun insejt tieħu kemm jista’ jkun malajr. Jekk ikunu għaddew iktar minn 8 sigħat mill-ħin li fih suppost ħadt id-doża, ħu biss id-doża li jmissek tieħu fil-ħin skedat.
Intwera li jekk tieħu d-dożi kollha fil-ħinijiet xierqa:
tiżdied l-effettività tal-kombinazzjoni ta’ mediċini antiretrovirali tiegħek
tnaqqas iċ-ċansijiet li l-infezzjoni tal-HIV tiegħek ssir reżistenti għal mediċini antiretrovirali.
Huwa importanti li tkompli tieħu Viramune b'mod korrett, kif imfisser hawn fuq, sakemm it-tabib tiegħek ma jagħtikx struzzjonijiet biex tieqaf.
Jekk tieqaf tieħu Viramune għal aktar minn 7 ijiem it-tabib tiegħek għandu jagħtik parir biex tibda bil- perijodu ta' 14-il jum 'tal-bidu' (mfissra hawn fuq) mill-ġdid, qabel tibda bid-doża ta' żewġ pilloli kuljum.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Matul terapija kontra l-HIV jista’ jkun hemm żieda fil-piż u fil-livelli ta’ lipidi u glukożju fid-demm. Dan hu parzjalment marbuta ma’ saħħa li terġa’ lura għan-normal u l-istil tal-ħajja, u fil-każ ta’ lipidi fid-demm, xi kultant mal-mediċini kontra l-HIV infushom. It-tabib tiegħek ser jittestjak għal dawn it- tibdiliet.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Jekk tosserva xi sintomi ta’ raxx, informa lit-tabib tiegħek minnufih.
Meta jiżviluppa r-raxx dan hu normalment minn ħafif sa moderat. Madankollu, f'xi pazjenti raxx, li jidher bħala nfafet fuq il-ġilda jista' jkun serju u ta' periklu għal ħajja (sindromu ta' Stevens-Johnson u nekroliżi epidermali tossika) u kien hemm anke imwiet li ġew irreġistrati. Il-biċċa l-kbira tal-każijiet kemm ta' raxx serju u raxx ħafif/moderat jseħħu fl-ewwel sitt ġimgħat ta' trattament.
Jekk tinnota xi sintomi ta' raxx u tħossok ukoll ma tiflaħx, għandek twaqqaf it-trattament u żżur lit- tabib minnufih.
Reazzjonijiet ta' sensittività eċċessiva (allerġiji) jistgħu jseħħu. Dawn
ir-reazzjonijiet jistgħu jidhru fil-forma ta' anafilassi (forma ta’ reazzjoni allerġika severa) b’sintomi bħal:
raxx
nefħa fil-wiċċ
diffikutà biex tieħu n-nifs (spażmu bronkjali)
xokk anafilattiku
Reazzjonijiet ta’ sensittività eċċessiva jistgħu jseħħu wkoll bħala raxx ma’ effetti sekondarji oħra bħal:
deni
infafet fuq il-ġilda
pustumetti
infjammazzjoni tal-għajnejn
nefħa tal-wiċċ
nefħa ġenerali
qtugħ ta’ nifs
uġigħ fil-muskoli u fil-ġogi
tnaqqis fl-għadd ta' ċelluli bojod tad-demm (granuloċitopenija)
wieħed iħossu marid b'mod ġenerali
problemi serji bil-fwied jew kliewi (insuffiċjenza tal-fwied jew tal-kliewi).
Għarraf lit-tabib tiegħek minnufih jekk ikollok xi raxx jew xi effett kollaterali ieħor ta' reazzjoni ta’ sensittività eċċessiva (allerġija). Reazzjonijiet bħal dawn jistgħu jkunu ta' periklu għal ħajja.
Funzjoni anormali tal-fwied ġiet rrapportata bit-teħid ta' Viramune. Din tinkludi xi każijiet ta' infjammazzjoni tal-fwied (epatite), li tista’ tkun f’daqqa u intensa (epatite fulminanti) u insuffiċjenza tal-fwied li t-tnejn li huma jistgħu jkunu fatali.
Għarraf lit-tabib tiegħek jekk tħoss xi wieħed mis-sintomi kliniċi li ġejjin jindikaw xi ħsara fil-fwied:
nuqqas t’aptit
tħossok ma tiflaħx (tqalligħ)
rimettar
ġilda safra (suffejra)
uġigħ addominali
L-effetti sekondarji deskritti hawn taħt inħassu minn pazjenti li ngħataw Viramune: Komuniħafna(jistgħujaffettwawaktarminn1minnkull10persuni):
raxx
Komuni(jistgħujaffettwawsa1minnkull10persuni):
tnaqqis fl-għadd ta’ ċelloli bojod (granuloċitopenija)
reazzjonijiet allerġiċi (sensittività eċċessiva)
uġigħ ta’ ras
tħossok ma tiflaħx (nawsea)
remettar
uġigħ addominali
ippurgar artab (dijarea)
infjammazzjoni tal-fwied (epatite)
tħossok għajjien(għeja kbira)
deni
testijiet tal-funzjoni tal-fwied mhux normali
Mhuxkomuni(jistgħujaffettwawsa1minnkull100persuna):
reazzjoni allerġika kkaratterizzata minn raxx, nefħa tal-wiċċ, diffikultà biex tieħu n-nifs (spażmi tal-bronki) jew xokk anafilattiku
tnaqqis fl-għadd ta’ ċelloli ħomor tad-demm (anemija)
ġilda safranija (suffejra)
raxxijiet severi u li jistgħu jkunu ta’ periklu għal ħajja (is-sindromu ta’ Stevens Johnson/nekrolisi epidermali tossika)
ħorriqija (urtikarja)
fluwidu taħt il-ġilda (anġjoedema)
uġigħ fil-ġogi (artralġja)
uġigħ fil-muskoli (mijalġja)
tnaqqis tal-phosphorus fid-demm
żieda fil-pressjoni tad-demm
Rari(jistgħujaffettwawsa1minnkull1000persuna):
infjammazzjoni tal-fwied f’daqqa u intensa (epatite fulminanti)
reazzjoni minħabba l-mediċina b’sintomi sistemiċi (reazzjoni minħabba l-mediċina b’eosinofilija u sintomi sistemiċi)
Il-każijiet li ġejjin ġew rapportati wkoll meta Viramune ġie użat f'kombinazzjoni ma' mediċini antiretrovirali oħrajn:
tnaqqis fl-għadd ta’ ċelloli l-ħomor tad-demm jew plejtlets
infjammazzjoni tal-frixa
tnaqqis jew sensazzjonijiet abnoramli tal-ġilda.
Dawn il-każijiet huma assoċjati b’mod komuni ma’ mediċini anti-retrovirali oħrajn u jista' jkun li jseħħu meta Viramune jiġi użat flimkien ma' mediċini oħra; madankollu huwa x'aktarx improbabbli li dawn il-każijiet iseħħu minħabba trattament b’Viramune.
Jista’ jkun hemm tnaqqis fl-għadd ta’ ċelloli bojod tad-demm (granuloċitopenija), li hu aktar komuni fit-tfal. Tnaqqis fl-għadd ta’ ċelloli ħomor tad-demm (anemija) li jista’ jkun relatat ma’ trattament ta’ nevirapine, huwa wkoll osservat aktar komunament fit-tfal. Bħal fil-każ ta’ sintomi tar-raxx, jekk jogħġbok informa lit-tabib tiegħek minnufih ta’ xi effetti sekondarji.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u fuq il-folja wara “JIS”. Id- data ta’ meta tiskadi tirreferi għall-aħħar ġurnata ta’ dak ix-xahar.
Dan il-prodott mediċinali m’għandux bżonn ħażna speċjali.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi nevirapine. Kull pillola fiha 200 mg nevirapine.
Is-sustanzi mhux attivi l-oħra huma:
microcrystalline cellulose,
lactose (bħala monohydrate),
povidone K25,
sodium starch glycolate,
colloidal silicon dioxide u
magnesium stearate.
Pilloli bojod, ovali u mżaqqa. Naħa waħda hi mmarkata bil-kodiċi “54 193”, b’sinjal wieħed li jissepara n-numri “54” u “193”. In-naħa l-oħra tal-pillola hija mmarkata bl-arma tal-kumpanija. Is- sinjal imnaqqax mhuwiex intiż biex tinqasam il-pillola.
Il-pilloli Viramune jiġu f’folji, b’14, 60 jew 120 pillola f’kull kartuna. Jista’ jkun li mhux il-pakketti tad-daqsijiet kollha jkunu fis-suq.
Viramune jiġi wkoll bħala suspensjoni orali.
Boehringer Ingelheim International GmbH Binger Strasse 173
55216 Ingelheim am Rhein Il-Ġermanja
Boehringer Ingelheim Pharma GmbH & Co. KG Binger Strasse 173
55216 Ingelheim am Rhein
Il-Ġermanja
jew
Boehringer Ingelheim Hellas Single Member S.A. 5th km Paiania – Markopoulo
Koropi Attiki, 19441 Il-Greċja
jew
Boehringer Ingelheim France 100-104 avenue de France 75013 Paris
Franza
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq.
SCS Boehringer Ingelheim Comm.V Tél/Tel: +32 2 773 33 11
Бьорингер Ингелхайм РЦВ ГмбХ и Ко КГ - клон България
Тел: +359 2 958 79 98
Boehringer Ingelheim RCV GmbH & Co KG Lietuvos filialas
Tel.: +370 5 2595942
SCS Boehringer Ingelheim Comm.V
Tél/Tel: +32 2 773 33 11
Boehringer Ingelheim spol. s r.o. Tel: +420 234 655 111
Boehringer Ingelheim RCV GmbH & Co KG Magyarországi Fióktelepe
Tel.: +36 1 299 8900
Boehringer Ingelheim Danmark A/S Tlf: +45 39 15 88 88
Boehringer Ingelheim Ireland Ltd. Tel: +35 31 295 9620
Boehringer Ingelheim Pharma GmbH & Co. KG Tel: +49 (0) 800 77 90 900
Boehringer Ingelheim b.v. Tel: +31 (0) 800 22 55 889
Boehringer Ingelheim RCV GmbH & Co KG Eesti filiaal
Tel: +372 612 8000
Boehringer Ingelheim Norway KS Tlf: +47 66 76 13 00
Boehringer Ingelheim Ελλάς Μονοπρόσωπη Α.Ε. Tηλ: +30 2 10 89 06 300
Boehringer Ingelheim RCV GmbH & Co KG Tel: +43 1 80 105-7870
Boehringer Ingelheim España, S.A. Tel: +34 93 404 51 00
Boehringer Ingelheim Sp. z o.o. Tel.: +48 22 699 0 699
Boehringer Ingelheim France S.A.S. Tél: +33 3 26 50 45 33
Boehringer Ingelheim Portugal, Lda. Tel: +351 21 313 53 00
Boehringer Ingelheim Zagreb d.o.o. Tel: +385 1 2444 600
Boehringer Ingelheim RCV GmbH & Co KG Viena - Sucursala Bucuresti
Tel: +40 21 302 2800
Boehringer Ingelheim Ireland Ltd. Tel: +353 1 295 9620
Boehringer Ingelheim RCV GmbH & Co KG Podružnica Ljubljana
Tel: +386 1 586 40 00
Vistor hf.
Tel: +354 535 7000
Boehringer Ingelheim RCV GmbH & Co KG organizačná zložka
Tel: +421 2 5810 1211
Boehringer Ingelheim Italia S.p.A. Tel: +39 02 5355 1
Boehringer Ingelheim Finland Ky Puh/Tel: +358 10 3102 800
Boehringer Ingelheim Ελλάς Μονοπρόσωπη Α.Ε. Tηλ: +30 2 10 89 06 300
Boehringer Ingelheim AB Tel: +46 8 721 21 00
Boehringer Ingelheim RCV GmbH & Co KG Latvijas filiāle
Tel: +371 67 240 011
Boehringer Ingelheim Ireland Ltd. Tel: +353 1 295 9620