Paġna ewlenija Paġna ewlenija
AstraZeneca

Arixtra
fondaparinux sodium

Fuljett ta’ tagħrif: Informazzjoni għall-utent


Arixtra 1.5mg/0.3ml soluzzjoni għall-injezzjoni

fondaparinux sodium


Aqra sew dan il-fuljett kollu qabel tibda tuża din il-mediċina peress li fih informazzjoni importanti għalik.


F’dan il-fuljett:

  1. X’inhi Arixtra u għalxiex tintuża

  2. Xgħandek tkun taf qabel ma tuża Arixtra

  3. Kif għandek tuża Arixtra

  4. Effetti sekondarji possibbli

  5. Kif taħżen Arixtra

  6. Kontenut tal-pakkett u informazzjoni oħra


  1. X’inhi Arixtra u għalxiex tintuża


    Arixtra hi mediċina li tgħin biex tipprevjeni l-formazzjoni ta’ għoqiedi tad-demm fil-vini u arterji tad-demm (aġent antitrombotiku).


    Arixtra fiha sustanza sintetika li jisimha fondaparinux sodium. Din twaqqaf fattur tat-tagħqid tad- demm Xa ("għaxra –A") milli jagħmel effett fid-demm, u b’hekk tipprevjeni l-iżvilupp ta’ għoqiedi tad-demm mhux mixtieqa (trombożi) milli jiffurmaw fil-vini u arterji.


    Arixtra tintuża biex:

    • tevita l-formazzjoni ta’ għoqiedi tad-demm fil-vini u arterji tar-riġlejn jew pulmuni wara kirurġija ortopedika (bħal kirurġija fil-ġenb jew fl-irkoppa) jew wara kirurġija fl-addomenu.

    • tevita l-formazzjoni ta’ emboli waqt u ftit wara l-perjodu ta’ mobilita` restritta minħabba mard akut.

    • tikkura tagħqid tad-demm fil-vini li qegħdin qrib il-wiċċ tal-ġilda tar-riġlejn (trombożi fil-vini superfiċjali)


  2. X’għandek tkun taf qabel ma tuża Arixtra Tużax Arixtra:

    • jekk inti allerġiku għal fondaparinux sodium jew għal xi sustanza oħra ta’ din il-mediċina (elenkati fis-sezzjoni 6)jekk int tinfasad b’mod eċċessiv

    • jekk għandek infezzjoni batterika tal-qalb

    • jekk tbati minn xi mard serju ħafna tal-kliewi.

      → Għid lit-tabib tiegħek jekk taħseb li xi waħda minn dawn tapplika għalik. Jekk iva, m’għandekx

      tuża Arixtra.


      Oqgħod attent ħafna b’Arixtra:

      Kellem lit-tabib jew l-ispiżjar tiegħek qabel tieħu Arixtra:

      • jekk qabel kellek komplikazzjonijiet waqt it-trattament bl-eparina jew mediċini bħal eparina li jikkawża tnaqqis fin-numru ta’ plejtlits tad-demm (tromboċitopenija indotta bl-eparina)

    • jekk għandek riskju ta’ ħruġ ta’ demm mhux ikkontrollat (emorraġija), li tinkludi :

      • ulċera fl-istonku

      • disturbi fid-demm

      • ħruġ ta’ demm riċenti fil-moħħ (fsada intrakraniku)

      • kirurġija riċenti fil-moħħ, kolonna vertebrali jew fl-għajnejn

    • jekk tbati minn mard serju fil-fwied;

    • jekk tbati minn mard fil-kliewi;

    • jekk għandek eta` ta’ 75 sena jew iktar;

    • jekk tiżen inqas minn 50 kg

      → Għid lit-tabib tiegħek jekk xi waħda minn dawn tapplika għalik.


      Tfal u adolexxenti

      Arixtra ma ġietx ittestjata fi tfal u addoloxxenti ta’ taħt is-17-il sena.


      Mediċini oħra u Arixtra

      Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra. Dan jinkludi anki mediċini li tkun xtrajt mingħajr riċetta. Ċerti mediċini oħrajn jistgħu

      jaffettwaw il-mod li tagħmel effett Arixtra, jew ikunu affettwati b'Arixtra.


      Tqala u Treddigħ

      Arixtra m’għandiex tintuża waqt it-tqala jekk m’hemmx bżonn ċar. It-treddigħ mhux rakkomandat waqt trattament b’ Arixtra. Jekk inti tqila jew qed tredda’, taħseb li tista tkun tqila jew qed tippjana li

      jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.Arixtra fih

      sodium

      Kull doża ta’ dan il-prodott mediċinali fiha anqas minn 23 mg ta’ sodium u għalhekk il-prodott huwa essenzjalment mingħajr sodium.


      Is-siringa ta’ Arixtra fiha l-lattiċe


      L-għatu ta’ protezzjoni tal-labra tas-siringa fih il-lattiċe li għandu l-potenzjal jikkawża reazzjonijiet allerġiċi f’individwi sensittivi għall-lattiċe.

      Għid lit-tabib tiegħek jekk inti allerġiku/a għall-lattiċe qabel ma tiġi trattat b’ Arixtra.


  3. Kif għandek tuża Arixtra


    Dejjem għandek tuża din il-mediċina skont il-parir eżatt tat-tabib jew l-ispiżjar tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.


    Id-doża rakkomandata hija ta’ 2.5 mg darba kuljum, injettata bejn wieħed u ieħor fl-istess ħin kuljum


    Jekk tbati minn mard fil-kliewi, tista’ titnaqqas id-doża għal 1.5 mg darba kuljum.


    Kif tingħata Arixtra

    • Arixtra tingħata permezz ta’ injezzjoni taħt il-ġilda (b’mod subkutanju) f’tinja tal-ġilda tal-parti t’isfel ta’ l-istonku. Is-siringi huma mimlija minn qabel bid-doża eżatta li jkollok bżonn. Hemm siringi differenti għad-dożi ta’ 2.5mg u 1.5mg. Għal istruzzjonijiet li juru kollox pass-pass jekk jogħġbok ara l-paġna ta’ wara.

    • Tinjettax Arixtra ġo muskolu (b’mod intramuskolari).


      Kemm għandek iddum tieħu Arixtra

      Għandek tkompli t-trattament Arixtra għaż-żmien kollu li jgħidlek it-tabib peress illi Arixtra tipprevjeni l-iżvilupp ta’ kondizzjoni serja.

      Jekk tinjetta Arixtra aktar milli suppost

      Ikkuntatja lit-tabib jew spiżjar tiegħek għal parir kemm jista’ jkun malajr minhabba riskju ikbar ta’ ħruġ ta’ demm.


      Jekk tinsa tieħu Arixtra

    • Ħu d-doża mill-ewwel kif tiftakar. M’għandekx tinjetta doża doppja biex tpatti għal kull doża li tkun insejt tieħu.

    • Jekk m’intix ċert x’għandek tagħmel, staqsi lit-tabib jew spiżjar tiegħek.


      Tieqafx tuża Arixtra mingħajr ma tieħu parir

      Jekk twaqqaf it-trattament qabel ma jgħidlek it-tabib, inti għandek riskju li tiżviluppa għoqda tad- demm f’vina tar-riġel jew fil-pulmun. Kellem lit-tabib jew spiżjar tiegħek qabel ma twaqqaf.


      Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.


  4. Effetti sekondarji possibbli


    Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.


    Kondizzjonijiet li għandek toqgħod attent għalihom


    Reazzjonijiet allerġiċi severi (anafilassi): Dawn huma rari ħafna fil-persuni (sa 1 minn kull 10,000) li jieħdu Arixtra. Sinjali jinkludu:

    • nefħa, xi kultant fil-wiċċ jew fil-ħalq (anġjoedima), li tikkawża diffikultà biex tibla’

      jew biex tieħu n-nifs

    • kollass.

      Ikkuntattja tabib immedjatament jekk ikollok dawn is-sintomi. Waqqaf it-teħid ta’ Arixtra.


      Effetti sekondarji komuni

      Dawn jistgħu jaffettwaw iżjed minn wieħed kull 100 persuna trattati b’Arixtra

      • ħruġ ta’ demm (per eżempju mis-sit ta’ operazzjoni, ulċera fl-istonku diġa’ eżistenti, fġir l- imnieħer, ħanek)

      • anemija (tnaqqis fin-numru taċ-ċelloli ħomor tad-demm).


        Effetti sekondarji mhux komuni

        Dawn jistgħu jaffettwaw sa wieħed kull 100 persuna trattati b’Arixtra:

      • tbenġil jew nefħa (edima)

      • tħossok imqalla jew titqalla (dardir jew rimettar)

      • uġigħ fis-sider

      • qtugħ ta’ nifs

      • raxx jew ħakk fil-ġilda

      • tnixxija mill-ferita ta’ l-operazzjoni

      • deni

      • nuqqas jew żieda fin-numru ta’ plejtlets (ċelloli tad-demm neċessarji biex jagħqad id-demm),

      • żieda f’xi kimiċi (enżimi) li jsiru fil-fwied.


        Effetti sekondarji rari

        Dawn jistgħu jaffettwaw sa 1 minn kull 1000 persuna trattati b’Arixtra:

      • reazzjonijiet allerġiċi (inkluż ħakk, nefħa, raxx)

      • ħruġ ta’ demm internament fil-moħħ jew l-addomenu

      • anzjeta` jew konfużjoni

      • uġigħ ta’ ras

      • ħass ħażin jew sturdament, pressjoni baxxa

      • tħeddil jew għajja

      • fwawar

      • sogħla

      • ugigħ fir-riġlejn jew fl-istonku

      • dijareja jew stitikezza

      • indiġestjoni

      • infezzjoni fil-ferita

      • żieda fil-bilirubin (sustanza li ssir fil-fwied) fid-demm

      • tnaqqis ta’ potassium fid-demm tiegħek.


        Rappurtar tal-effetti sekondarji

        Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament

        permezz tas-sistemata’rappurtarnazzjonaliimniżżlaf’AppendiċiV. Billi tirrapporta l-effetti

        sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.


  5. Kif taħżen Arixtra


    • Żomm din il-mediċina fejn ma tidhirx u ma tintlaħaqx mit-tfal

    • Aħżen f’temperatura taħt 25oC. Tiffriżahx

    • Arixtra m’għandux għalfejn jinżamm fil-friġġ.


      Tużax din il-mediċina:

    • wara d-data ta’ meta tiskadi li tidher fuq it-tabella u l-kaxxa

    • jekk tinnota xi frak fis-soluzzjoni jew telf ta’ kulur tas-soluzzjoni

    • jekk tinnota li s-siringa għandha xi ħsara

    • jekk ftaħt siringa u ma tużahix minnufih.


      Rimi ta’ siringi:

      Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.


  6. Kontenut tal-pakkett u informazzjoni oħra X’fiha Arixtra


  1. Oqros bil-mod il-ġilda mnaddfa sabiex tagħmel tinja. Żomm it-tinja bejn is-saba’ l-kbir u l-werrej matul l-injezzjoni kollha (stampa Ċ).


  2. Żomm is-siringa soda mill-manku għas-swaba.

    Daħħal it-tul kollu tal-labra b’mod perpendikulari fit-tinja tal- ġilda (stampa D).


    image

    Stampa B1


    Stampa B2


    image


    image

    Stampa Ċ


  3. Injetta l-kontenut KOLLU tas-siringa billi tagħfas il- planġer ’l isfel sakemm ma jkunx jista’ jinżel aktar(stampa E).


    Sistema awtomatika ta’ siringa


  4. Erħi l-planġer u l-labra awtomatikament toħroġ mill-ġilda u tidħol lura għal ġot-tubu ta’ sigurtà fejn tinqafel b’mod permanenti (stampa F).


Sistema manwali ta’ siringa

Stampa D

image

Stampa E


image

Stampa F


9. Wara l-injezzjoni żomm is-siringa b’id waħda billi taqbad it-tubu ta’ sigurtà, uża l-id l-oħra biex iżżomm il-manku għas-swaba u iġbed lura b’mod sod. B’hekk tħoll it-tubu. Żerżaq it-tubu fuq il-parti prinċipali tas-siringa sakemm tingħalaq f’postha fuq il-labra. Din tidher fi Stampa 3 fil-bidu ta’ dawn l-istruzzjonijiet.


Tarmix is-siringa użata fl-iskart domestiku. Armiha kif qallek it-tabib jew l-ispiżjar tiegħek.