Urorec
silodosin
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Urorec u għalxiex jintuża
X’għandek tkun taf qabel ma tieħu Urorec
Kif għandek tieħu Urorec
Effetti sekondarji possibbli
Kif taħżen Urorec
Kontenut tal-pakkett u informazzjoni oħra
Urorec jappartieni għal grupp ta’ mediċini msejħa imblokkaturi tal-adrenoriċettur alpha1A. Urorec huwa selettiv għar-riċetturi li jinsabu fil-prostata, fil-bużżieqa tal-awrina u fl-uretra. Billi jimblokka dawn ir-riċetturi, huwa jġiegħel il-muskolu lixx f’dawn it-tessuti sabiex jirrilassa. Dan jagħmilha iżjed faċli għalik biex tgħaddi l-awrina u jtaffi s-sintomi tiegħek.
Urorec jintuża f’irġiel adulti sabiex jittratta sintomi urinarji assoċjati ma’ tkabbir beninn tal-prostata (iperplasija tal-prostata), bħal:
diffikultà biex tibda tgħaddi l-awrina,
sensazzjoni li m’intix tbattal għal kollox il-bużżieqa tal-awrina,
bżonn li tgħaddi l-awrina aktar ta’ spiss, anki billejl.
jekk inti allerġiku għal silodosin jew għal xi sustanza oħra ta’ din il-mediċina (imniżżla fis-sezzjoni 6).
Kellem lit-tabib jew lill-ispiżjar tiegħek qabel tieħu Urorec.
Jekk se tagħmel operazzjoni tal-għajnejn minħabba li l-lenti mtappna (operazzjoni
tal-katarretti), huwa importanti li tinforma minnufih lill-ispeċjalista tal-għajnejn li qiegħed tuża jew użajt Urorec. Dan minħabba li xi pazjenti kkurati b’din it-tip ta’ mediċina kellhom telf
fit-ton tal-muskolu fl-iris (il-parti tonda kulurita tal-għajn) waqt din it-tip ta’ operazzjoni.
L-ispeċjalista jista’ jieħu prekawzjonijiet xierqa fir-rigward tal-mediċina u kif issir l-operazzjoni. Staqsi lit-tabib tiegħek jekk għandekx tipposponi jew għandekx tieqaf tieħu Urorec temporanjament meta tkun se tagħmel operazzjoni tal-katarretti.
Jekk xi darba ħassek ħażin jew ħassejtek tistordi meta qomt bilwieqfa f’daqqa, jekk jogħġbok
informa lit-tabib tiegħek qabel tieħu Urorec.
Jista’ jagħtik sturdament meta tqum bilwieqfa u xi drabi ħass ħażin meta tieħu Urorec,
speċjalment meta tibda l-kura jew jekk tkun qed tieħu mediċini oħrajn li jbaxxu l-pressjoni tad-demm. Jekk dan iseħħ, ara li tpoġġi bilqiegħda jew timtedd mill-ewwel sakemm imorru
s-sintomi u informa lit-tabib tiegħek kemm jista’ jkun malajr (ara wkoll is-sezzjoni “Sewqan u
tħaddim ta’ magni”).
Jekk għandek problemi severi tal-fwied, m’għandekx tieħu Urorec, billi dan ma ġiex ittestjat
f’din il-kundizzjoni.
Jekk għandek problemi tal-kliewi, jekk jogħġbok staqsi lit-tabib tiegħek għal parir.
Jekk għandek problemi moderati tal-kliewi, it-tabib tiegħek jibda Urorec bil-galbu u jista’ jkun
li b’doża aktar baxxa (ara s-sezzjoni 3 “Doża”).
Jekk għandek problemi severi tal-kliewi, m’għandekx tieħu Urorec.
Billi t-tkabbir beninn tal-prostata u kanċer tal-prostata jistgħu jippreżentaw l-istess sintomi, it-tabib tiegħek se jiċċekkja jekk għandekx kanċer tal-prostata qabel tibda l-kura b’Urorec. Urorec ma jikkurax il-kanċer tal-prostata.
Il-kura b’Urorec tista’ twassal għal ħruġ anormali tas-semen (tnaqqis fl-ammont ta’ semen li joħroġ waqt is-sess) xi ħaġa li tista’ taffettwa temporanjament il-fertilità tar-raġel. Dan l-effett ma jibqax wara t-twaqqif ta’ Urorec. Jekk jogħġbok informa lit-tabib tiegħek jekk qed tippjana li jkollok it-tfal.
Sodium
Din il-mediċina fiha anqas minn 1 mmol sodium (23 mg) f’kull kapsula, jiġifieri essenzjalment ‘ħieles
mis-sodium’.
Tagħtix din il-mediċina lil tfal jew adolexxenti taħt it-18-il sena billi m’hemmx indikazzjoni rilevanti minħabba l-eta`.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra.
B’mod partikolari għid lit-tabib tiegħek jekk tieħu:
mediċini li jbaxxu l-pressjoni tad-demm (b’mod partikolari, mediċini msejħa imblokkaturi alpha1, bħal prazosin jew doxazosin) billi jista’ jkun hemm ir-riskju li l-effett ta’ dawn il- mediċini jiżdied waqt li tkun qed tieħu Urorec.
jitnaqqas l-effett ta’ Urorec.
Urorec mhux intenzjonat għall-użu fin-nisa.
Urorec jista’ jnaqqas l-ammont ta’ sperma, u għalhekk jista’ jaffettwa b’mod temporanju l-abilità tiegħek biex tnissel it-tfal. Jekk qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Issuqx jew tħaddem magni jekk tħossok ma tiflaħx, stordut, imħeddel jew b’vista mċajpra.
Dejjem għandek tuża din il-mediċina skont il-parir eżatt tat-tabib jew l-ispiżjar tiegħek. Iċċekkja taċċerta ruħek mat-tabib jew mal-ispiżjar tiegħek jekk ikollok xi dubju.
Id-doża rakkomandata hija kapsula waħda ta’ Urorec 8 mg kuljum li tingħata mill-ħalq.
Dejjem ħu l-kapsula mal-ikel, preferibbilment fl-istess ħin kuljum. Tkissirx jew tomgħodx il-kapsula, iżda iblagħha sħiħa, preferibbilment ma’ tazza ilma.
Pazjenti bi problemi tal-kliewi
Jekk għandek problemi moderati tal-kliewi, it-tabib tiegħek jista’ jordnalek doża differenti. Għal dan
il-għan jeżistu kapsuli ibsin Urorec 4 mg.
Jekk ħadt iżjed minn kapsula waħda, informa lit-tabib tiegħek mill-aktar fis possibbli. Jekk tistordi jew
tħossok dgħajjef, għid lit-tabib tiegħek minnufih.
Tista’ tieħu l-kapsula tiegħek iżjed tard fl-istess ġurnata jekk tkun insejt teħodha aktar kmieni. Jekk ikun kważi wasal il-ħin għad-doża li jmiss, aqbeż id-doża li ma ħadtx. M’għandekx tieħu doża doppja biex tpatti għal kull kapsula li tkun insejt tieħu.
Jekk twaqqaf il-kura, is-sintomi tiegħek jistgħu jerġgħu jitfaċċaw.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux
f’kulħadd.
Ikkuntattja lit-tabib tiegħek immedjatament jekk tinnota kwalunkwe mir-reazzjonijiet allerġiċi li
ġejjin: nefħa fil-wiċċ jew fil-gerżuma, diffikultà biex tieħu nifs, tħossok se jagħtik ħass ħażin, ħakk fil- ġilda jew ħorriqija, billi l-konsegwenzi jistgħu jsiru serji.
L-iżjed effett sekondarju komuni huwa tnaqqis fl-ammont ta’ semen li joħroġ waqt is-sess. Dan l-effett ma jibqax wara t-twaqqif ta’ Urorec. Jekk jogħġbok informa lit-tabib tiegħek jekk qiegħed tippjana sabiex ikollok it-tfal.
Jista’ jkollok sturdament, inkluż sturdament meta tqum bilwieqfa, u kultant ħass ħażin.
Jekk tħossok dgħajjef jew stordut, ara li tpoġġi bilqiegħda jew timtedd mill-ewwel sakemm tħossok aħjar. Jekk jagħtik sturdament meta tqum bilwieqfa jew iħossok ħażin, jekk jogħġbok informa lit-tabib tiegħek mill-aktar fis possibbli.
Urorec jista’ jikkawża kumplikazzjonijiet waqt operazzjoni tal-katarretti (operazzjoni fl-għajnejn minħabba lenti mtappna, ara s-sezzjoni “Twissijiet u prekawzjonijiet”).
Importanti li tinforma minnufih lill-ispeċjalista tal-għajnejn tiegħek jekk qed tuża jew użajt Urorec qabel.
L-effetti sekondarji possibbli huma elenkati hawn isfel:
Effetti sekondarji komuni ħafna (jistgħu jaffettwaw iżjed minn persuna 1 f’kull 10)
Ħruġ anormali tas-semen (inqas jew ebda semen osservabbli li joħroġ waqt is-sess, ara s- sezzjoni “Twissijiet u prekawzjonijiet”)
Effetti sekondarji komuni (jistgħu jaffettwaw sa persuna 1 f’kull 10 persuni)
Sturdament, inkluż sturdament meta tqum bilwieqfa (ara wkoll aktar ’il fuq, f’din is-sezzjoni)
Imnieħer inixxi jew imblukkat
Dijarea
Effetti sekondarji mhux komuni (jistgħu jaffettwaw sa persuna 1 f’kull 100 persuni)
Tnaqqis fl-aptit sesswali
Dardir
Ħalq xott
Diffikultajiet biex tintlaħaq jew biex tinżamm erezzjoni
Rata aktar mgħaġġla ta’ taħbit tal-qalb
Sintomi ta’ reazzjoni allerġika li jaffettwaw il-ġilda bħal raxx, ħakk, ħorriqija u raxx ikkawżat minn mediċina
Riżultati mhux normali għal testijiet tal-funzjoni ta’ fwied
Pressjoni baxxa tad-demm
Effetti sekondarji rari (jistgħu jaffettwaw sa persuna 1 f’kull 1,000 persuni)
Taħbit mgħaġġel jew irregolari tal-qalb (li jissejjaħ palpitazzjonijiet)
Ħass ħażin/Tintilef minn sensik
Effetti sekondarji rari ħafna (jistgħu jaffettwaw sa persuna 1 f’kull 10,000 persuna)
Reazzjonijiet allerġiċi oħra b’nefħa fil-wiċċ jew fil-gerżuma
Mhux magħruf (ma tistax tittieħed stima tal-frekwenza mid-dejta disponibbli)
Pupilla mitluqa waqt operazzjoni tal-katarretti (ara wkoll aktar ’il fuq, f’din is-sezzjoni)
Jekk tħoss li l-ħajja sesswali tiegħek hija affettwata, jekk jogħġbok għid lit-tabib tiegħek.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji possibbli direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u fuq il-folja wara EXP. Id- data ta’ meta tiskadi tirreferi għall-aħħar ġurnata ta’ dak ix-xahar.
Taħżinx f’temperatura ’l fuq minn 30 °C.
Aħżen fil-pakkett oriġinali sabiex tilqa’ mid-dawl u mill-umdita’.
Tużax din il-mediċina jekk tinnota li l-pakkett ikollu xi ħsara jew juri sinjali ta’ tbagħbis.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif
għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Urorec 8 mg
Is-sustanza attiva hija silodosin. Kull kapsula fiha 8 mg ta’ silodosin.
Is-sustanzi mhux attivi l-oħra huma pregelatinised maize starch, mannitol (E421), magnesium stearate, sodium laurilsulfate, ġelatina, titanium dioxide (E171).
Urorec 4 mg
Is-sustanza attiva hija silodosin. Kull kapsula fiha 4 mg ta’ silodosin.
Is-sustanzi mhux attivi l-oħra huma pregelatinised maize starch, mannitol (E421), magnesium stearate, sodium laurilsulfate, ġelatina, titanium dioxide (E171), yellow iron oxide (E172).
Urorec 8 mg huma kapsuli ibsin tal-ġelatina, bojod, opaki, daqs 0 (madwar 21.7 x 7.6 mm). Urorec 4 mg huma kapsuli ibsin tal-ġelatina, sofor, opaki, daqs 3 (madwar 15.9 x 5.8 mm).
Urorec jiġi f’pakketti ta’ 5, 10, 20, 30, 50, 90, 100 kapsula. Jista’ jkun li mhux il-pakketti tad-daqsijiet kollha jkunu fis-suq.
Recordati Ireland Ltd. Raheens East Ringaskiddy Co. Cork L-Irlanda
Recordati Industria Chimica e Farmaceutica S.p.A. Via Matteo Civitali 1
20148 Milan
L-Italja
Laboratoires Bouchara-Recordati Parc Mécatronic
03410 Saint Victor
Franza
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Recordati Polska sp. z o.o. Tel: +48 22 206 84 50
Recordati Bulgaria Ltd.
Тел.: + 359 2 829 39 37
Recordati Ireland Ltd. Tlf: + 353 21 4379400
Focused Pharma Ltd. Tel: + 356 79426930
Recordati Pharma GmbH Tel: + 49 731 70470
Recordati Ireland Ltd. Tel: + 353 21 4379400
Recordati Polska sp. z o.o. Tel: +48 22 206 84 50
Recordati Ireland Ltd. Tlf: + 353 21 4379400
Recordati Hellas Pharmaceuticals A.E.
Τηλ: + 30 210-6773822
Recordati Austria GmbH Tel: + 43 676 353 0 262
Casen Recordati, S.L. Tel: + 34 91 659 15 50
Recordati Polska sp. z o.o. Tel: + 48 22 206 84 50
Laboratoires Bouchara-Recordati Tél: + 33 1 45 19 10 00
Jaba Recordati, S.A. Tel: + 351 21 432 95 00
Recordati România S.R.L. Tel: + 40 21 667 17 41
Recordati Ireland Ltd. Tel: + 353 21 4379400
Recordati Ireland Ltd. Tel: + 353 21 4379400
Recordati Ireland Ltd. Sími: + 353 21 4379400
Recordati Industria Chimica e Farmaceutica S.p.A. Tel: + 39 02 487871
SwanMedica Oy
Puh/Tel: +358 17 3690033
G.C. Papaloisou Ltd.
Τηλ: + 357 22 49 03 05
Recordati Ireland Ltd. Tel: + 353 21 4379400
Recordati Polska sp. z o.o. Tel: +48 22 206 84 50
Recordati Ireland Ltd. Tel: + 353 21 4379400
Informazzjoni ddettaljata dwar din il-mediċina tinsab fuq is-sit elettroniku tal-Aġenzija Ewropea għall-Mediċini .