Exalief
eslicarbazepine acetate
Eslicarbazepine acetate
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sintomi bħal tiegħek.
Jekk xi wieħed mill-effetti sekondarji jiggrava jew jekk tinnota xi effetti sekondarji li m’humiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
X’inhu Exalief u għalxiex jintuża
Qabel ma tieħu Exalief
Kif għandek tieħu Exalief
Effetti sekondarji li jista’ jkollu
Kif taħżen Exalief
Aktar tagħrif
Prodott mediċinali li m’għadux awtorizzat
Exalief jappartjeni għal grupp ta’ mediċini msejħin anti-epilettiċi li jintużaw biex jikkuraw l-epilessija, kundizzjoni fejn xi ħadd ikollu aċċessjonijiet irreppetuti jew puplesija.
Exalief jintuża f’pazjenti adulti li diġà qed jieħdu mediċini anti-epilettiċi oħrajn u għadhom jesperjenzaw aċċessjonijiet li jeffettwaw parti mill-moħħ (aċċessjoni parzjali). Dawn l-aċċessjonijiet jistgħu jew ma jistgħux ikunu segwiti minn aċċessjoni li teffettwa l-moħħ kollu (ġeneralizzazzjoni sekondarja).
Exalief ingħata lilek mit-tabib tiegħek biex inaqqslek in-numru ta’ aċċessjonijiet.
allerġiku/a (tbati minn sensittività eċċessiva) għas-sustanza attiva (eslicarbazepine acetate), għal xi derivattivi carboxamide oħrajn (ngħidu aħna, carbamazepine jew oxcarbazepine, mediċini użati biex jikkuraw l-epilessija) jew għal xi sustanzi oħrajn
issofri minn ċertu tip ta’ disturb fir-rittmu tal-qalb (sadd atrijoventrikolari (AV) tat-tieni jew tat-tielet grad)
Ikkuntattja lit-tabib tiegħek minnufih jekk:
għandek raxx, problemi biex tibla’ jew biex tieħu n-nifs, nefħa fix-xufftejn, fil-wiċċ, gerżuma jew ilsien. Dawn jistgħu jkunu sinjali ta’ reazzjoni allerġika.
inti ssofri minn konfużjoni, aggravar ta’ puplesiji jew tnaqqis fil-konoxxenza li jistgħu jkunu sinjali ta’
livelli baxxi ta’ melħ fid-demm
Jekk jogħġbok għid lit-tabib tiegħek jekk:
għandek problemi fil-kliewi. It-tabib tiegħek jista’ jkollu bżonn jaġġusta d-doża. Exalief mhuwiex rakkomandat f’pazjenti b’mard sever tal-kliewi.
għandek problemi fil-fwied. Exalief mhuwiex rakkomandat f’pazjenti b’mard sever tal-fwied.
qed tieħu xi mediċina li tista’ tikkawża anormalità fuq ECG (elettrokardjogramma) imsejħa intervall PR miżjud. Jekk inti m’intix ċert jekk il-mediċini li qed tieħu jista’ jkollhom dan l-effett, iddiskuti dan mat-tabib tiegħek.
inti ssofri minn mard tal-qalb bħal kollass tal-qalb jew attakk tal-qalb.
issofri minn attakki ta’ puplesija li jibdew b’disċarġ elettriku mifrux li jinvolvi liż-żewġ naħat tal- moħħ
Exalief jista’ jġiegħlek tħossok stordut u/jew imħeddel, partikolarment fil-bidu tal-kura. Oqgħod attent ħafna meta tieħu Exalief biex tevita korriment aċċidentali (waqgħat).
Numru żgħir ta’ nies li qed jiġu kkurati b’anti-epilettiċi kellhom ħsibijiet li jweġgħu jew joqtlu lilhom infushom. Jekk f’xi ħin ikollok dawn il-ħsibijiet, meta tkun qed tieħu Exalief, ikkuntattja lit-tabib tiegħek immedjatament.
Tfal
Exalief ma għandux jingħata lil tfal u adoloxxenti.
Għid lit-tabib tiegħek jekk qed tieħu phenytoin (mediċina użata biex tikkura l-epilessija) peress lid-doża tiegħek tista’ teħtieġ li tkun aġġustata.
Għid lit-tabib tiegħek jekk qed tieħu carbamazepine (mediċina użata għall-kura tal-epilessija) għax id- doża tiegħek jista’ jkollha bżonn li tiġi aġġustata u l-effetti sekondarji li ġejjin ta’ Exalief jistgħu jseħħu bi frekwenza ogħla: tara doppju, koordinament mhux normali u sturdament.
Għid lit-tabib tiegħek jekk qed tieħu simvastatin (mediċina li tintuża biex tbaxxi il-livelli tal-kolesterol), għax id-doża tiegħek jista’ jkollha bżonn li tiġi aġġustata.
Għid lit-tabib tiegħek jekk qed tieħu l-mediċina warfarin li traqqaq id-demm.
Prodott mediċinali li m’għadux awtorizzat
Għid lit-tabib tiegħek jekk qed tieħu antidepressanti triċikliki ngħidu aħna, amitriptyline.
Għid lit-tabib tiegħek jekk qed tieħu kontraċettivi ormonali/orali. Exalief jista’ jagħmel kontraċettivi ormonali bħal pillola kontraċettiva inqas effettiva. Għaldaqstant huwa rrakkomandat li tuża forom oħrajn ta’ kontraċezzjoni sikura u effettiva meta tieħu Exalief sat-tmiem taċ-ċiklu menstrwali attwali wara li twaqqaf il-kura.
Tiħux oxcarbazepine (mediċina użata biex tikkura l-epilessija) ma’ Exalief, minħabba li mhuwiex magħruf jekk huwiex perikoluż li tieħu dawn il-mediċini flimkien.
Jekk jogħġbok għid lit-tabib jew lill-ispiżjar tiegħek jekk qiegħed tieħu jew ħadt dan l-aħħar xi mediċini oħra, anki dawk mingħajr riċetta. Dan għalli jista’ jkun xi wħud minnhom jinterferixxu ma’ kif jaħdem Exalief jew fil-każ Exalief jinterferixxi mal-effett tagħhom.
Il-pilloli Exalief jistgħu jittieħdu mal-ikel kif ukoll mhux mal-ikel.
Għid lit-tabib tiegħek minnufih jekk inti tqila jew jekk qed tippjana li toħroġ tqila. Waqt tqala, għandek tieħu Exalief biss jekk it-tabib tiegħek jgħidlek biex tagħmel dan.
Ir-riċerka wriet riskju miżjud ta’ difetti mat-twelid fi tfal ta’ nisa li jkunu qegħdin jieħdu mediċini kontra l-epilessija. Min-naħa l-oħra, kura kontra l-epilessija ma għandhiex tiġi interrotta minħabba li l-aggravar tal-marda jagħmel ħsara kemm lill-omm kif ukoll lit-tarbija mhux imwielda.
Treddagħx waqt li qed tieħu Exalief. Mhuwiex magħruf jekk jgħaddix għal ġol-ħalib tas-sider. Ara s-sezzjoni ‘Meta tieħu mediċini oħra’ għal parir dwar il-kontraċeżżjoni.
Itlob il-parir tat-tabib jew ta’ l-ispiżjar tiegħek qabel tieħu xi mediċina.
Exalief jista’ jġiegħlek tħossok sturdut, imħedel u jaffettwalek il-vista, partikolarment fil-bidu tal-kura. Jekk jiġrilek hekk, issuqx u tużax għodda jew magni.
Dejjem għandek tieħu Exalief skond il-parir eżatt tat-tabib. Dejjem għandek taċċerta ruħek mat-tabib jew ma’ l-ispiżjar tiegħek jekk ikollok xi dubju.
Adulti
Hemm żewġ reġimi ta’ iddożar għall-adulti:
Doża meta tibda l-kura
400 mg doża darba kuljum għal ġimgħa jew għal ġimagħtejn, qabel iżżid għad-doża ta’ manteniment. It- tabib tiegħek jiddeċiedi jekk għandekx tingħata din id-doża għal ġimgħa waħda jew għal ġimagħtejn.
Doża ta’ manteniment
Id-doża ta’ manteniment tas-soltu hija 800 mg darba kuljum.
Id-doża tiegħek tista’ tiżdied għal 1200 mg darba kuljum, jiddependi fuq kif inti tirrispondi għal Exalief.
Anzjani (età aktar minn 65 sena)
Jekk inti anzjan it-tabib tiegħek jiddeċiedi d-doża addattata għalik.
Pazjenti bi problemi tal-kliewi
Jekk għandek problemi tal-kliewi ġeneralment tingħata doża iktar baxxa ta’ Exalief. It-tabib tiegħek jaħdimlek id-doża korretta għalik. Exalief mhuwiex rakkomandat jekk inti għandek problemi serji fil-kliewi.
Prodott mediċinali li m’għadux awtorizzat
Pazjenti bi problemi tal-fwied
Id-doża hija l-istess għall-adulti. Madankollu, Exalief mhuwiex rakkomandat jekk għandek problemi serji tal-fwied. Jekk jogħġbok kellem lit-tabib tiegħek jekk m’intiex ċert dwar id-doża li suppost qed tieħu.
Metodu u rotta ta’ mnejn jingħata Ibla’ l-pillola ma’ tazza ilma.
Jekk aċċidentalment tieħu iktar Exalief milli suppost, għid lit-tabib jew mur fid-dipartiment tal-aċċidenti u emerġenza immedjatament. Ħu il-pakkett tal-mediċina miegħek. Dan sabiex it-tabib ikun jaf x’ħadt.
Jekk tinsa tieħu pillola, ħudha kif tiftakar u kompli bħas-soltu. M’għandekx tieħu doża doppja biex tpatti għal kull pillola li tkun insejt tieħu.
Tieqafx tieħu l-pilloli f’daqqa. Jekk tagħmel hekk, tkun fil-periklu ta’ iktar aċċessjonijiet. It-tabib tiegħek jiddeċiedi għal kemm għandek tieħu Exalief. Jekk it-tabib tiegħek jiddeċiedi li jwaqqaf il-kura tiegħek b’Exalief, normalment, id-doża tiegħek titnaqqas gradwalment. Huwa importanti li l-kura tiegħek titkompla kif avżat mit-tabib tiegħek jew inkella s-sintomi tiegħek jistgħu jmorru għall-agħar.
Jekk għandek aktar mistoqsijiet dwar l-użu ta’ dan il-prodott, staqsi lit-tabib jew lill-ispiżjar tiegħek.
Bħal kull mediċina oħra, Exalief jista’ jkollu effetti sekondarji, għalkemm ma jidhrux fuq kulħadd.
L-effetti sekondarji li ġejjin jistgħu jkunu serji ħafna. Jekk tesperjenzahom waqqaf Exalief u għid tabib jew mur l-isptar immedjatament, peress li tista’ teħtieġ kura medika urġenti:
Raxx, problemi biex tibla’ u bit-teħid tan-nifs, nefħa ta’ xufftejk, wiċċek, gerżumtek jew ilsienek. Dawn jistgħu jkunu sintomi ta’ reazzjoni allerġika
Il-frekwenza ta’ effetti sekondarji possibbli elenkati hawn taħt huwa definit permezz tal-konvenzjoni li ġejja: komuni ħafna (jaffettwa aktar minn utent 1 minn kull 10)
komuni (jaffettwa utent 1 sa 10 minn kull 100)
mhux komuni (jaffettwa utent 1 sa 10 minn kull 1,000) rari (jaffettwa utent 1 sa 10 minn kull 10,000)
rari ħafna (jaffettwa inqas minn utent 1 minn kull 10,000)
Effetti sekondarji komuni ħafna huma:
Tħossok sturdut jew bi ngħas
Effetti sekondarji komuni huma:
Tħossok se taqgħa jew ikollok sensazzjoni ta’ tidwir jew li qed tgħum
Tħossok imdardar jew tirimetti
Uġigħ ta’ ras
Dijarea
Tara doppju jew imċajpar
Diffikultà fil-konċentrazzjoni
Tħossok bla enerġija jew għajjien
Ċaqliq
Guffaġni
Raxx fil-ġilda
Prodott mediċinali li m’għadux awtorizzat
Tirżiħ u tnemmil fl-idejn u s-saqajn
Effetti sekondarji mhux komuni huma:
Sensittività eċċessiva
Taħrix tal-aċċessjonijiet
Glandola tirojde taħdem bil-mod. Sintomi jinkludu intolleranza għall-kesħa, ilsien kbir, dwiefer jew xagħar irqiq u fraġli u temperatura tal-ġisem baxxa.
Livelli miżjudin ta’ xaħmijiet jiċċirkolaw fid-demm tiegħek
Diffikultà fl-irqad
Problemi tal-fwied
Pressjoni għolja jew baxxa jew waqgħa fil-pressjoni tad-demm kif tqum bil-wieqfa
Testijiet tad-demm li juru li għandek livelli baxxi ta’ imluħa jew sodju fid-demm tiegħek jew tnaqqis fiċ-
ċelloli ħomor tad-demm
Deidratazzjoni
Bidliet fil-movimenti tal-għajnejn, vista mċajjpra, għajnejn ħomor jew uġigħ fl-għajnejn
Ikollok waqgħat
Memorja debboli jew nisi
Biki, tħossok imdejjaq, nervuż jew konfuż, nuqqas ta’ interess jew emozzjoni
Diffikultà biex titkellem jew tikteb jew tifhem lingwa mitkellma jew miktuba
Aġitazzjoni
Irritabilità
Tibdil fil-burdata jew alluċinazzjonijiet
Diffikultà fid-diskors
Farġa
Uġigħ fis-sider
Telf ta’ piż jew nuqqas ta’ saħħa ġenerali (Kakeksja)
Tħoss xi parti minn ġismek mejta
Sensazzjoni ta’ ħruq
Disturbi fis-sens tax-xamm u/jew tat-togħma
Uġigħ fil-widnejn jew ċempil fil-widnejn
Nefħa f’riġlejk jew dirgħajk
Ħruq ta’ stonku, stonku imqalleb, uġigħ addomianli, nefħa addominali u skonfort jew ħalq xott
Demm fl-ippurgar
Ħniek infjammati, infjammazzjoni tal-ħalq jew uġigħ fis-snien
Uġigħ meta tibla’
Ħruġ ta’ għaraq jew ikollok ġilda xotta
Tibdil fid-dwiefer u fil-ġilda (ngħidu aħna, ġilda ħamra)
Telf ta’ xagħar
Ikollok pirjids irregolari
Żieda fil-produzzjoni tal-awrina matul il-lejl
Infezzjoni fil-passaġġ urinarju
Tħossok ġeneralment ma tiflaħx jew ikollox tkexkix ta’ bard
Żieda jew tnaqqis fl-aptit
Telf ta’ piż jew żieda estrema fil-piż
Uġigħ fil-muskoli
Uġigh fid-dahar jew l-għonq
Riġlejn u dirgħajn kiesħin
Taħbit tal-qalb iktar mgħaġġel, bil-mod jew irregolari
Tħossok bi ngħas
Disturb newroloġiku fil-moviment, fejn il-muskoli jinġibdu u jikkawżaw tgħawwiġ u movimenti ripetittivi jew qagħdiet skomdi. Is-sintomi jinkludu rogħda, uġigħ, bugħawwiġ.
Prodott mediċinali li m’għadux awtorizzat
Sindrome ta’ Musrana Irritabbli (IBS). Sintomi jinkludu bugħawwiġ addominali kroniku u dijarrea jew stitikezza.
Effetti sekondarji rari huma:
Tnaqqis fil-pjastrini tad-demm li jżid ir-riskju ta’ fsada jew tbenġil
Uġigħ sever fid-dahar u fl-istonku
Tnaqqis fiċ-ċelloli bojod tad-demm li jagħmel infezzjonijiet iktar probabbli
L-użu ta’ Exalief huwa assoċjat ma’ anormalità fl-ECG (elettrokardjogramma) imsejħa żieda fl-intervall PR. Jistgħu jseħħu effetti sekondarji assoċjati ma’ din l-anormalità fl-ECG (eż. ħass ħażin u tnaqqis fir-rittmu tat- taħbit tal-qalb).
Jekk xi wieħed mill-effetti sekondarji jiggrava jew jekk tinnota xi effetti sekondarji li mhumiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
Żommu fejn ma jintlaħaqx u ma jidhirx mit-tfal.
Tużax Exalief wara d-data ta’ skadenza li tidher fuq il-pakkett tal-folji u l-kartuna wara JIS. Id-data ta’ skadenza tirreferi għal l-aħħar ġurnata ta’ dak ix-xahar.
Din il-mediċina m’għandhiex bżonn ħażna speċjali.
Il-mediċini m’għandhomx jintremew ma’ l-ilma tad-dranaġġ jew ma’ l-iskart domestiku. Staqsi lill-ispiżjar dwar kif għandek tarmi mediċini li m’għandekx bżonn. Dawn il-miżuri jgħinu għall-protezzjoni ta’
l-ambjent.
Is-sustanza attiva hi eslicarbazepine acetate. Kull pillola fiha 400 mg ta’ eslicarbazepine acetate.
Is-sustanzi attivi l-oħra huma povidone K29/32, croscarmellose sodium u magnesium stearate.
Pilloli Exalief 400 mg huma bojod, tondi u konvessi miż-żewġ naħat. Il-pilloli għandhom ‘ESL 400’ imnaqqxa fuq naħa waħda u huma mnaqqxin b’sinjal fuq in-naħa l-oħra. Is-sinjal imnaqqax qiegħed hemm biss biex tkun tista’ taqsamha sabiex tkun tista’ tiblagħha mingħajr tbatija u mhux biex taqsamha f’dożi indaqs.
Il-pilloli huma ppakkjati f’folji f’kaxxi tal-kartun li fihom 7, 14 jew 28 pilloli. Jista’ jkun li mhux il-pakketti tad-daqsijiet kollha jkunu għal skop kummerċjali. Id-Detentur ta’ l-Awtorizzazzjoni għat-tqegħid fis-Suq u l-Manifattur
BIAL - Portela & Cª , S.A., À Av. da Siderurgia Nacional 4745-457 S. Mamede do Coronado
Il-Portugall
tel: +351 22 986 61 00
fax: +351 22 986 61 99
Għal kull tagħrif dwar din il-mediċina, jekk jogħġbok ikkuntattja lid-Detentur ta’ l-Awtorizzazzjoni għat- tqegħid fis-Suq.
Prodott mediċinali li m’għadux awtorizzat