Rivastigmine 3M Health Care Ltd
rivastigmine
rivastigmine
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew l-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew l-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Rivastigmine 3M Health Care Ltd. u għalxiex jintuża
X’għandek tkun taf qabel ma tuża Rivastigmine 3M Health Care Ltd.
Kif għandek tieħu Rivastigmine 3M Health Care Ltd.
Effetti sekondarji possibbli
Kif taħżen Rivastigmine 3M Health Care Ltd.
Prodott mediċinali li m’għadux awtorizzat
Kontenut tal-pakkett u informazzjoni oħra
Is-sustanza attiva f’ Rivastigmine 3M Health Care Ltd. hija rivastigmine.
Rivastigmine jagħmel parti minn klassi ta’ sustanzi li jissejħu impedituri ta’ cholinesterase. F’pazjenti b’dimenzja ta’ Alzheimer, ċerti ċelluli nervużi jmutu fil-moħħ, u jwassal għal livelli baxxi tan- newrotransmittatur acetylcholine (sustanza li tippermetti liċ-ċelluli nervużi jikkomuknikaw bejniethom). Rivastigmine jaħdem billi jimblokka l-enzimi li jfarrku l-acetylcholine: acetylcholinesterase u butyrylcholinesterase. Billi jimblokka dawn l-enzimi, Rivastigmine 3M Health Care Ltd. jippermetti l-livelli ta’ acetylcholine jiżdiedu fil-moħħ, li jgħin biex jitnaqqsu s-sintomi tal- marda ta’ Alzheimer.
Rivastigmine 3M Health Care Ltd. jintuża għat-trattament ta’ pazjenti adulti b’dimenzja ta’ Alzheimer minn ħafifa sa moderata, disturb progressiv tal-moħħ li bil-mod il-mod jaffettwa l- memorja, l-ħila intellettwali u l-imġiba.
jekk inti allerġiku għal rivastigmine (is-sustanza attiva f’ Rivastigmine 3M Health Care Ltd. ) jew għal xi sustanza oħra ta’ din il-mediċina (elenkati fis-sezzjoni 6).
jekk qatt xi darba kellek reazzjoni allerġika għal xi mediċina simili (derivattivi ta’ carbamate).
jekk għandek reazzjoni fil-ġilda li tinfirex lil hinn mid-daqs tal-garża, jekk hemm reazzjoni lokalizzata aktar qawwija (bħalma huma nfafet, żieda fl-infjammazzjoni tal-ġilda, nefħa) u jekk din ma tmurx għall-aħjar fi żmien 48 siegħa minn xħin titneħħa l-garża li tipprovdi mediċina li tgħaddi minn ġol-ġilda.
Jekk dan jgħodd għalik, għid lit-tabib u tapplikax Rivastigmine 3M Health Care Ltd. garżi li jipprovdu mediċina li tgħaddi minn ġol-ġilda.
Kellem lit-tabib tiegħek qabel tuża Rivastigmine 3M Health Care Ltd. :
jekk għandek, jew qatt xi darba kellek, taħbit tal-qalb irregolari.
jekk għandek, jew qatt xi darba kellek, ulċera attiva fl-istonku.
jekk għandek, jew qatt xi darba kellek, problemi biex tgħaddi l-awrina.
jekk għandek, jew qatt xi darba kellek, aċċessjonijiet.
jekk għandek, jew qatt xi darba kellek, ażżma jew mard serju tan-nifs.
jekk tbati minn tregħid.
jekk għandek piż tal-ġisem baxx.
jekk għandek reazzjonijiet gastrointestinali bħal tħossok imqalla’ (dardir), tħossok ma tiflaħx (rimettar) u dijarrea. Tista’ tispiċċa deidradat (titlef ħafna ilma) jekk ir-rimettar jew id-dijarrea jdumu ħafna għaddejjin.
jekk għandek funzjoni ħażina tal-fwied.
Jekk xi wieħed minn dawn jgħodd għalik, it-tabib tiegħek jista’ jkollu bżonn jimmonitorjak aktar mill- qrib waqt li tkun fuq din il-mediċina.
Jekk ma applikajtx garża għal ħafna jiem, tapplikax il-garża li jmiss qabel ma tkun kellimt lit-tabib tiegħek.
Prodott mediċinali li m’għadux awtorizzat
M’hemmx użu relevanti ta’ Rivastigmine 3M Health Care Ltd. fil-popolazzjoni pedjatrika għat- trattament tal-marda ta’ Alzheimer.
Jekk jogħġbok għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċini oħra.
Rivastigmine 3M Health Care Ltd. jista’ jinterferixxi ma’ mediċini antikolinerġiċi li wħud minnhom huma mediċini li jintużaw biex itaffu weġgħat fl-istonku jew spażmi (eż. dicyclomine), għal kura tal- marda ta’ Parkinson (e.g. amantadine) jew biex jevitaw it-tqalligħ waqt iċ-ċaqliq (eż. diphenhydramine, scopolamine, jew meclizine).
Jekk ikollok bżonn tagħmel operazzjoni meta tkun qed tuża Rivastigmine 3M Health Care Ltd. garżi li jipprovdu mediċina li tgħaddi minn ġol-ġilda, għid lit-tabib tiegħek li qed tużahom għax jistgħu jeżaġeraw l-effetti ta’ xi rilassanti tal-muskoli li jintużaw waqt il-loppju.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Jekk ħriġt tqila, il-benefiċċji ta’ Rivastigmine 3M Health Care Ltd. għandhom jiġu evalwati kontra l- effetti li jista’ jkun hemm fuq it-tarbija li għadha ma twelditx. Rivastigmine 3M Health Care Ltd. m’għandux jintuża waqt it-tqala sakemm dan ma jkunx neċessarju b’mod ċar.
M’għandekx tredda’ waqt il-kura b’garżi li jipprovdu mediċina li tgħaddi minn ġol-ġilda Rivastigmine 3M Health Care Ltd. .
It-tabib tiegħek sejjer jgħidlek jekk il-marda li għandek tħallikx issuq karozzi u tħaddem magni b’mod sigur. Garżi li jipprovdu mediċina li tgħaddi minn ġol-ġilda Rivastigmine 3M Health Care Ltd. jistgħu
jikkawżaw ħass ħażin jew konfużjoni severa. Jekk tħossok ħażin jew konfuż m’għandekx issuq, tuża magni jew tagħmel affarjiet oħra li jeħtieġu l-attenzjoni tiegħek.
Dejjem għandek tuża l-garżi li jipprovdu mediċina li tgħaddi minn ġol-ġilda Rivastigmine 3M Health Care Ltd. eżatt kif deskritt f’dan il-fuljett u skont il-parir tat-tabib tiegħek. Dejjem għandek taċċerta ruħek mat-tabib, mal-ispiżjar jew mal-infermier tiegħek jekk ikollok xi dubju.
It-tabib tiegħek sejjer jgħidlek liema mill-garżi li jipprovdu mediċina li tgħaddi minn ġol-ġilda Rivastigmine 3M Health Care Ltd. l-aktar li tgħodd għalik.
Il-kura s-soltu tibda b’ Rivastigmine 3M Health Care Ltd. 4.6 mg/24 siegħa.
Id-doża rakkomandata ta’ kuljum is-soltu tkun Rivastigmine 3M Health Care Ltd.
9.5 mg/24 siegħa. Jekk tkun ittollerata sew, it-tabib li qiegħed jikkurak jista’ jqis li jżid id-doża għal 13.3 mg/24 h.
Ilbes garża Rivastigmine 3M Health Care Ltd. waħda biss f’kull ħin u biddel il-garża ma’ oħra
ġdida wara 24 siegħa.
Prodott mediċinali li m’għadux awtorizzat
Waqt il-kura t-tabib tiegħek jista’ jaġġusta d-doża kif ikun jixraq għall-bżonnijiet individwali tiegħek. Jekk ma applikajtx garża għal tlitt ijiem, tapplikax li jmiss qabel ma tkun kellimt lit-tabib tiegħek. It-
trattament bil-garżi li minnhom tgħaddi l-mediċina għal ġol-ġilda jistgħu jerġgħu jinbdew bl-istess
doża jekk it-trattament ma jitwaqqafx għal aktar minn tlitt ijiem. Inkella t-tabib tiegħek jerġa’ jibda t- trattament tiegħek b’ Rivastigmine 3M Health Care Ltd. b’4.6 mg/24 h.
Rivastigmine 3M Health Care Ltd. jista’ jintuża mal-ikel, ix-xorb u l-alkoħol.
Qabel ma tapplika l-garża, aċċerta ruħek li l-ġilda tiegħek tkun nadifa, xotta u mingħajr xagħar
jew suf, ma jkunx fiha trab, żejt, krema idratanti jew lozzjoni li jkunu jistgħu jżommu ’l garża milli teħel sewwa mal-ġilda tiegħek, ma jkunx fiha qatgħat, raxxijiet u/jew irritazzjonijiet.
Applika garża WAĦDA kuljum fuq WIEĦED BISS mill-postijiet possibli kif jidher fl-istampi li ġejjin:
il-parti ta’ fuq tad-driegħ tax-xellug jew il-parti ta’ fuq tad-driegħ tal-lemin
il-parti ta’ fuq tas-sider tax-xellug jew il-parti ta’ fuq tas-sider tal-lemin (evita s-sider)
il-parti ta’ fuq tad-dahar tax-xellug jew il-parti ta’ fuq tad-dahar
Prodott mediċinali li m’għadux awtorizzat
il-parti ta’ isfel tad-dahar tax-xellug jew il-parti ta’ isfel tad-dahar
Meta tkun qed tibdel il-garża, trid tneħħi l-garża tal-jum ta’ qabel, qabel ma tapplika l-ġdida f’post differenti tal-ġilda kull darba (eż. in-naħa tal-lemin ta’ ġismek f’ġurnata, imbagħad fuq in-naħa tax- xellug fil-ġurnata li jmiss, u fil-parti ta’ fuq ta’ ġismek f’ġurnata, imbagħad fil-parti ta’ isfel fil-ġurnata li jmiss. Tapplikax il-garża l-ġdida fl-istess parti tal-ġilda għal darbtejn fi żmien 14-il jum.
Rivastigmine 3M Health Care Ltd. garżi li jipprovdu mediċina li tgħaddi minn ġol-ġilda huma garżi rqaq, opaki tal-plastik li jeħlu mal-ġilda. Kull garża hija ssiġillata f’qartas li jipproteġiha sakemm tkun lest biex tilbisha. M’għandekx tiftaħ il-qartas jew tneħħi l-garża sakemm ma tkunx ġejt biex tilbisha.
B'attenzjoni neħħi l-impjastru eżistenti qabel it-tqegħid fuq waħda ġdida.
Il-pazjenti li qed jibdew it-trattament għall-ewwel darba u l-pazjenti li qed jerġgħu jibdew Rivastigmine 3M Health Care Ltd. wara li waqqfu t- trattament, jekk jogħġobhom jibdew mit-tieni stampa.
- Kull garża hija ssiġillata f’qartas protettiv tagħha.
Għandek tiftaħ il-qartas biss meta tkun lest biex tapplika l-garża. Aqta’ l-qartas fejn indikat u neħħi l-garża mill-qartas. Il-qartas jista’ jinfetaħ minn żewġ naħat.
Il-parti li teħel tal-garża għandha kisja protettiva.
Aqla’ naħa waħda ta’ din il-kisja u tmissx il-parti li teħel tal-garża bis-swaba.
Prodott mediċinali li m’għadux awtorizzat
- Poġġi l-parti li teħel tal-garża fuq in-naħa ta’ fuq jew ta’ isfel tad- dahar, parti ta’ fuq tad-driegħ jew sider u imbagħad kompli aqla’ t- tieni parti tal-kisja protettiva
Imbagħad agħfas sew il-garża f’postha għal mill-inqas 30 sekonda billi tuża l-pala ta’ idek sabiex taċċerta ruħek li t-truf jeħlu sew.
Jekk jgħinek, tista’ tikteb, ngħidu aħna, il-ġurnata tal-ġimgħa, fuq il-garża b’bajrow b’ponta rqiqa.
Iġbed bil-mod minn tarf wieħed tal-garża sabiex tneħħiha bil-mod mill-ġilda. F’każ li tibqagħlek xi kolla mal-ġilda, qiegħed il-parti affettwata bil-mod f’ilma sħun bi ftit sapun jew uża baby oil biex tneħħiha. M’għandhomx jintużaw alkoħol jew likwidi oħrajn qawwija (eż. likwidu li jneħħi l-kjutiks jew solventi oħrajn).
Dejjem għandek taħsel idejk bis-sapun u l-ilma wara li tneħħi l-garża. F’każ ta’ kuntatt mal-għajnejn jew jekk l-għajnejn jiħmaru wara li tkun missejt il-garża, laħlaħ minnufih b’ħafna ilma u fittex parir mediku jekk is-sintomi ma jgħaddux.
Il-ħasil, għawm jew xawer m’għandhomx jeffettwaw il-garża. Aċċerta ruħek li l-garża ma tinqalax
waqt dawn l-attivitajiet.
M’għandekx tesponi l-garża għal għejjun ta’ sħana esterna (eż. dawl tax-xemx eċċessiv, sawna, solarju) għal perijodi twal ta’ żmien.
Jekk garża tinqala’, applika waħda ġdida għal bqija tal-jum, imbagħad ibdilha fl-istess ħin tas-soltu l- jum ta’ wara.
Sabiex tikseb benefiċċju mill-kura għandek tapplika garża ġdida kuljum, l-aħjar fl-istess ħin tal-
jum.
Ilbes garża Rivastigmine 3M Health Care Ltd. waħda biss f’kull ħin u biddel il-garża ma’ oħra
ġdida wara 24 siegħa.
Prodott mediċinali li m’għadux awtorizzat
Jekk bi żball tapplika aktar minn garża waħda, neħħi l-garżi kollha minn mal-ġilda, imbagħad għarraf lit-tabib li bi żball applikajt aktar minn garża waħda. Jista’ jkollok bżonn attenzjoni medika. Xi nies li ħadu bi żball wisq Rivastigmine 3M Health Care Ltd. ħassewhom imqallagħin (dardir), ma jifilħux (irremettew) u kellhom dijarea, pressjoni għolja tad-demm u alluċinazzjonijiet. Taħbit tal-qalb bil-mod u ħass ħażin jistgħu jseħħu wkoll.
Jekk tinduna li nsejt tapplika garża, applika waħda ġdida mill-ewwel. Tista’ tapplika l-garża li jkun imissek fil-ħin tas-soltu l-jum ta’ wara. M’għandekx tapplika żewġ garżi biex tpatti għal kull waħda li tkun insejt.
Għid lit-tabib jew spiżjar tiegħek jekk tieqaf tuża l-garża.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Jista’ jkollok effetti oħra aktar spissi meta tibda l-mediċina jew meta d-doża tiegħek tiżdied. Normalment, l-effetti l-oħra jmorru bil-mod hekk kif ġismek jidra l-mediċina.
Nuqqas ta’ aptit
Tħossok stordut
Tħossok aġitat ħafna jew bin-ngħas
Inkontinenza urinarja (nuqqas ta’ kapaċità li żżomm l-awrina b’mod adegwat)
Problemi fit-taħbit tal-qalb bħal taħbit tal-qalb bil-mod
Tara affarijiet li mhumiex qegħdin hemm (alluċinazzjonijiet)
Ulċera fl-istonku
Deidrazzjoni (titlef ħafna ilma)
Attività eċċessiva (livell għoli ta’ attività, nuqqas ta’ kwiet)
Aggressjoni
Waqgħat
Dirgħajn jew riġlejn jibbiesu
Idjen jirtogħdu
Reazzjoni allerġika fuq il-post ta’ applikazzjoni tal-garża, bħalma huma nfafet jew infjammazzjoni tal-ġilda
Is-sintomi tal-marda ta’ Parkinson jibdew imorru għall-agħar – bħalma huma tregħid, ebusija, mixi b’saqajn ikaxkru
Infjammazzjoni tal-frixa – is-sinjali jinkludu uġigħ sever fin-naħa ta’ fuq tal-istonku,
ħafna drabi bi tqalligħ (dardir) jew tħossok ma tiflaħx (rimettar)
Taħbit tal-qalb mgħaġġel jew irregolari
Pressjoni għolja tad-demm
Aċċessjonijiet
Prodott mediċinali li m’għadux awtorizzat
Disturbi fil-fwied (ġilda safra, l-abjad tal-għajnejn jisfar, awrina skura b’mod mhux normali jew dardir bla ma taf għala, rimettar, għeja u nuqqas ta’ aptit)
Tibdil fit-testijiet li juru kemm qed jaħdem sew il-fwied
Tħossok bla kwiet
Neħħi l-garża u għid lit-tabib tiegħek minnufih, jekk tinnota xi wieħed mill-effetti sekondarji ta’ hawn fuq.
Wisq bżieq
Nuqqas ta’ aptit
Tħossok bla kwiet
Ma tħossokx tajjeb b’mod ġenerali
Tregħid jew tossok imħawwad
Togħroq aktar
Rata tat-taħbit tal-qalb irregolari (eż. qalbek tħabbat b’rata mgħaġġla)
Diffikultà biex torqod
Waqgħat aċċidentali
Aċċessjonijiet
Ulċera fl-imsaren
Uġigħ f’sidrek – dan jista’ jseħħ minħabba spażmi fil-qalb
Pressjoni għolja
Infjammazzjoni tal-frixa – is-sinjali jinkludu uġigħ qawwi fil-parti ta’ fuq tal-istonku, spiss billi tħossok imqalla’ (dardir) jew ma tiflaħx (rimettar)
Demm fil-gotta – jidher bħala demm mal-ippurgar jew meta tirremmetti
Tara affarijiet li mhumiex qegħdin hemm (alluċinazzjonijiet)
Uħud li jħossuhom ma jifilħux ħafna kellhom tiċrita fit-tubu li jgħaqqad il-ħalq mal-istonku tiegħek (esofagu)
Jekk ikollok xi effett sekondarju, kellem lit-tabib, l-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna war JIS/EXP. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen fil-pakkett oriġinali sabiex tilqa’ mid-dawl.
M’għandek tuża l-ebda garża li tkun bil-ħsara jew turi sinjali ta’ tbagħbis.
Prodott mediċinali li m’għadux awtorizzat
Wara li tneħħi l-garża, itwiha fi tnejn bil-partijiet li jeħlu fuq ġewwa u agħfashom flimkien. Qiegħed il-garża lura fil-qartas tagħha u armiha b’tali mod li t-tfal ma jkunux jistgħu jmissiha. Tmissx għajnejk b’subgħajk u aħsel idejk bis-sapun u l-ilma wara li tneħħi l-garża. Jekk fil-lokal tiegħek l-iskart domestiku jinħaraq, tista’ tarmi l-garża mal-iskart domestiku tiegħek. Inkella, ħu lura l-garżi użati għand l-ispiżjar, l-aħjar fil-pakkett oriġinali tagħhom.
M'għandekx tarmi il-mediċini permezz ta’ dranaġġ jew skart domestiku. Staqsi lill-ispiżjar tiegħek dwar kif għandek tarmi il-mediċini li m’għadekx tuża. Dawn il-miżuri jgħinu jipproteġu l-ambjent.
Is-sustanza attiva hija rivastigmine.
Rivastigmine 3M Health Care Ltd. 4.6 mg/24 siegħa garżi li jipprovdu mediċina li tgħaddi minn ġol-ġilda: Kull garża terħi 4.6 mg ta’ rivastigmine kull 24 siegħa, hija 5 cm2 u fiha 9 mg rivastigmine.
Rivastigmine 3M Health Care Ltd. 9.5 mg/24 siegħa garżi li jipprovdu mediċina li tgħaddi minn ġol-ġilda: Kull garża terħi 9.5 mg ta’ rivastigmine kull 24 siegħa, hija 10 cm2 u fiha 18 mg rivastigmine.
Is-sustanzi l-oħra huma polyester, ethyl vinyl acetate, acrylate copolymer adhesive u isopropyl myristate.
Il-garża li jipprovdu mediċina li tgħaddi minn ġol-ġilda huma rettangolari b'kantunieri ttundjati, ta’ qies madwar 2.5 ċm x 1.8 ċm (Rivastigmine 3M Health Care Ltd. 4.6 mg/24 siegħa garża li tipprovdi mediċina li tgħaddi minn ġol-ġilda) jew 3.5 ċm x 2.6 ċm (Rivastigmine 3M Health Care Ltd. 9.5 mg/24 siegħa garża li tipprovdi mediċina li tgħaddi minn ġol-ġilda).
Kull garża li tipprovdi mediċina li tgħaddi minn ġol-ġilda tikkonsisti minn tliet saffi; saff ta’ wara, saff adeżiv li fih il-mediċina u huwa trasparenti, inforra split release. Is-saff ta’ wara hija trasparenti għal trasluċidi u mmarkata b "R5" (Rivastigmine 3M Health Care Ltd. 4.6 mg/24 siegħa garża tipprovdi mediċina li tgħaddi minn ġol-ġilda) jew "R10" (Rivastigmine 3M Health Care Ltd. 9.5 mg/24 siegħa garża tipprovdi mediċina li tgħaddi minn ġol-ġilda).
Garża li tipprovdi mediċina li tgħaddi minn ġol-ġilda waħda tkun issiġillata f’qartas wieħed. Il-garżi jiġu f’pakketti li jkun fihom 7, 30, 60 jew 90 qartas. Jista’ jkun li mhux il-pakketti kollha jkunu is-suq f’pajjiżek.
3M Health Care Limited, 1 Morley Street, Loughborough, Leicestershire,
LE11 1EP
Ir-Renju Unit
3930 Hamont-Achel
Belgium
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
3M Health Care Limited, 1 Morley Street, Loughborough, Leicestershire,
Prodott mediċinali li m’għadux awtorizzat
LE11 1EP
Ir-Renju Unit
Tel: +44 (0)1509 611611
Informazzjoni ddettaljata dwar din il-mediċina tinsab fuq is-sit elettroniku tal-Aġenzija Ewropea għall-