Imatinib Actavis
imatinib
imatinib
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew l-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew l-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Imatinib Actavis u għalxiex jintuża
X'għandek tkun taf qabel ma tieħu Imatinib Actavis
Kif għandek tieħu Imatinib Actavis
Effetti sekondarji possibbli
Kif taħżen Imatinib Actavis
Kontenut tal-pakkett u informazzjoni oħra
Prodott mediċinali li m’għadux awtorizzat
Imatinib Actavis huwa mediċina li fih is-sustanza attiva imatinib. Din il-mediċina taħdem billi
tinibixxi t-tkattir ta’ ċelloli anormali fil-mard elenkati hawn taħt. Dawn jinkludu ċertu tipi ta’ kanċer.
F'pazjenti adulti, Imatinib Actavis huwa maħsub għall-użu fil-fażi l-aktar avvanzata tal-marda (blast crisis). Fit-tfal u adolexxenti, Imatinib Actavis jista’ jintuża fil-fażijiet differenti tal-marda (kronika, fażi aċċelerata u blast crisis).
Lewkimja limfoblastika akuta b’kromosoma ta’ Filadelfja (Ph+ ALL). Lewkimja hija kanċer taċ-ċelloli bojod. Dawn iċ-ċelloli bojod normalment jgħinu lill-ġisem jiġġieled l- infezzjonijiet. Lewkimja limfoblastika akuta hija forma ta’ lewkimja fejn ċertu ċelloli bojod anormali (bl-isem lymphoblasts) jibdew jitkattru mingħajr kontroll. Imatinib Actavis jinibixxi t- tkattir ta’ dawn iċ-ċelloli.
Fil-bqija ta’ dan il-fuljett ser nużaw l-abbrevjazzjonijiet meta nitkellmu dwar dawn il-mard.
Jekk għadek xi mistoqsijiet dwar kif jaħdem Imatinib Actavis jew għala din il-mediċina ġiet ordnata
lilek, staqsi lit-tabib tiegħek.
Imatinib Actavis jista’ jiġi ordnat lilek biss minn tabib li għandu esperjenza fil-mediċini għall-kura ta’
tipi ta’ kanċer tad-demm jew tumuri solidi.
Segwi sewwa l-istruzzjonijiet tat-tabib tiegħek anke jekk il-pariri tiegħu jkunu differenti mit-tagħrif ġenerali li hawn f’dan il-fuljett.
jekk inti allerġiku għal imatinib jew għal xi sustanza oħra ta’ din il-mediċina (elenkati fis- sezzjoni 6).
Jekk dan japplika għalik, għid lit-tabib tiegħek mingħajr ma tieħu Imatinib Actavis
Jekk taħseb li int tista’ tkun allerġiku/a iżda m’intix ċert/a, staqsi lit-tabib tiegħek għal parir.
Kellem lit-tabib tiegħek qabel tieħu Imatinib Actavis:
Prodott mediċinali li m’għadux awtorizzat
jekk tbati jew kont xi darba tbati minn problemi fil-fwied, fil-kliewi jew fil-qalb.
jekk qed tieħu l-mediċina b’levothyroxine minħabba li tneħħietlek it-tajrojd.
jekk qatt kellek jew jekk issa jista’ jkun li għandek l-infezzjoni tal-epatite B. Dan minħabba li Imatinib Actavis jista’ jwassal sabiex epatite B jerġa’ jiġi attiv, u f’xi każijiet dan jista’ jkun fatali. Il-pazjenti ser jiġu ċċekjati bir-reqqa mit-tabib tagħhom għal sinjali ta' din l-infezzjoni qabel ma tibda l-kura.
jekk ikollok tbenġil, fsada, deni, għeja u konfużjoni meta tieħu Imatinib Actavis, ikkuntattja lit- tabib tiegħek. Dawn jistgħu jkunu sinjali ta’ ħsara fil-kanali tad-demm magħrufa bħala
mikroanġjopatija trombotika (TMA - thrombotic microangiopathy).
Jekk xi punti minn dawn jgħoddu għalik, għid lit-tabib qabel tieħu Imatinib Actavis.
Inti tistactavisabel tieħu ittiv għax-xemx waqt li qed tieħu Imatinib Actavis. Importanti li tgħatti dawk il-partijiet ta’ ġismek li huma esposti għax-xemx u tuża krema għal kontra x-xemx b’fattur għoli ta’ protezzjoni mix-xemx (SPF). Dawn it-twissijijet jgħoddu wkoll għat-tfal.
Waqt li tkun qed tieħu imatinib, it-tabib se jiċċekkja b’mod regolari sabiex jara jekk il-mediċina tkunx qed taħdem. Ser jittiħdulek ukoll testijiet tad-demm u jiżnuk b’mod regolari.
Imatinib Actavis huwa wkoll kura għal tfal b’CML. M’hemmx esperjenza fi tfal taħt is-sentejn li jsofru b’CML. Hemm esperjenza limitata fit-tfal b’Ph+ ALL u esperjenza limitata ħafna fit-tfal b’MDS/MPD, DFSP u HES/CEL.
Xi tfal u żgħażagħ mogħtija Imatinib Actavis jistgħu jikbru aktar bil-mod milli hu normali. It-tabib se josserva r-rata li biha jkunu qed jikbru waqt il-viżti li jsiru b'mod regolari.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra, anki dawk mingħajr riċetta (bħal paracetamol) u inklużi mediċini derivati minn ħxejjex (bħal St John’s Wort). Xi mediċini jistgħu jtellfu l-effett ta’ Imatinib Actavis meta jittieħdu flimkien. Jistgħu iżidu jew inaqqsu l-effett ta’ Imatinib Actavis u jwasslu jew għal żieda fl-effetti sekondarji jew jagħmlu Imatinib Actavis inqas effettiv. Imatinib Actavis jista’ jagħmel l-istess lill-mediċini oħra.
Għid lit-tabib tiegħek jekk qed tuża mediċini li jimpedixxu l-formazzjoni ta' emboli tad-demm.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob
il-parir tat-tabib tiegħek qabel tieħu din il-mediċina.
Imatinib Actavis mhuwiex irrakkomandat għal waqt it-tqala sakemm ma jkunx hemm bżonn ċar minħabba li jista’ jagħmel ħsara lit-tarbija tiegħek. It-tabib tiegħek ser jiddiskuti r-riskji possbbli bl-użu ta’ Imatinib Actavis waqt it-tqala.
Nisa li jistgħu joħorġu tqal għandhom jingħataw parir sabiex jużaw miżuri ta’ kontraċezzjoni effettivi meta jkunu qed jirċievu l-kura u għal 15-il ġurnata wara li jintemm it-trattament.
M’għandekx tredda’ meta tkun qed tieħu Imatinib Actavis u għal 15-il ġurnata wara li jintemm
it-trattament, minħabba li jista’ jagħmel il-ħsara lit-tarbija tiegħek.
Pazjenti mħassba dwar il-fertilità meta qed jingħataw kura bi Imatinib Actavis għandhom
jikkonsultaw mat-tabib tagħhom.
Int jista’ jħossok sturdut/a jew imħeddel/imħeddla jew ikollok vista mċajpra waqt li tkun qed tieħu din
il-mediċina . Jekk jiġri dan, issuqx jew tuża xi għodod jew magni sakemm tħossok aħjar mill-ġdid.
Prodott mediċinali li m’għadux awtorizzat
Din il-mediċina fiha anqas minn 1 mmol sodium (23 mg) f’kull kapsula iebsa, jiġifieri essenzjalment ‘ħieles mis-sodium’.
It-tabib tiegħek ippreskrivielek Imatinib Actavis minħabba li int issofri minn kundizzjoni serja. Imatinib Actavis jista’ jgħinek tiġġieled din il-kundizzjoni.
Madanakollu, dejjem għandek tieħu din il-mediċina skont il-parir eżatt tat-tabib jew tal-ispiżjar tiegħek. Huwa importanti li int tagħmel dan għal tul ta’ żmien sakemm jgħidlek it-tabib jew l-ispiżjar tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
Tiqafx milli tieħu Imatinib Actavis sakemm it-tabib tiegħek ma jgħidlekx biex tagħmel hekk. Jekk int ma tistax tieħu l-mediċina hekk kif ippreskrivhielek it-tabib jew tħoss li m’għandekx iktar bżonnha, ikkuntattja lit-tabib tiegħek minnufih.
It-tabib għandu jgħidlek eżatt in-numru ta’ kapsuli ta’ Imatinib Actavis li għandek tieħu.
Id-doża tal-bidu tas-soltu hi 600mg li ttieħed bhala 12-il kapsula darba kuljum.
It-tabib tiegħek jista’ jordnalek doża ogħla jew aktar baxxa jiddependi fuq kif inti tirrispondi għall- kura. Jekk id-doża tiegħek ta’ kuljum hija 800 mg (16-il kapsula), għandek tieħu 8 kapsuli filgħodu u 8 kapsuli filgħaxija.
Id-doża tal-bidu hija 600 mg, li għandha tittieħed bħala 12-il kapsula darba kuljum.
Id-doża tal-bidu hija ta’ 400 mg, li għandha tittieħed bħala 8 kapsuli darba kuljum.
Id-doża tal-bidu hija ta’ 100 mg, li għandha tittieħed bħala 2 kapsuli darba kuljum. It-tabib tiegħek jista’ jiddeċiedi li jżid id-doża għal 400 mg, li għandha tittieħed bħala 8 kapsuli darba kuljum, skond kif ikun ir-rispons tiegħek għall-kura.
Id-doża hija 800 mg kuljum (16-il kapsula), li għandha tittieħed bħala 8 kapsuli filgħodu u 8 kapsuli filgħaxija.
It-tabib għandu jgħidlek in-numru ta’ kapsuli ta’ Imatinib Actavis li għandek tagħti lit-tifel jew tifla tiegħek. L-ammont ta’ Imatinib Actavis jiddependi mill-kundizzjoni tat-tifel jew tifla, mill-piż u t-tul ta’ ġismu/ġisimha.
Id-doża totali kuljum fit-tfal ma tistax taqbeż it-800 mg f’kaz ta’ CML u 600 mg b’Ph+ALL. Il-kura tista’ tingħata lit-tifel jew tifla tiegħek f’darba kuljum jew inkella tinqasam f’darbtejn (nofs filgħodu u nofs filgħaxija).
tieħu imatinib.
Prodott mediċinali li m’għadux awtorizzat
Jekk ma tkunx tista’ tibla’ l-kapsuli, inti tista’ tiftagħhom u titfa’ t-trab f’tazza bl-ilma bla gass jew mal-meraq tat-tuffieħ.
Jekk inti mara tqila jew tista’ toħroġ tqila u qed tipprova tiftaħ il-kapsuli, għandek toqgħod attenta biex tevita kuntatt mal-ġilda jew ma’ l-għajnejn u li tiġbdu ġol-pulmun man-nifs. Għandek taħsel idejk mill-ewwel wara li tiftaħ il-kapsuli.
Ibqa’ ħu Imatinib Actavis kuljum sakemm jgħidlek it-tabib biex tieqaf.
Jekk bi żball tieħu aktar kapsuli, għid lit-tabib tiegħek mill-ewwel. Jista’ jkun li jkollok bżonn attenzjoni medika. Ħu l-pakkett mediku miegħek.
Jekk tinsa tieħu doża, ħudha hekk kif tiftakar. Madanakollu, jekk ikun kważi wasal il-ħin għad- doża ta’ wara, aqbeż id-doża li tkun insejt tieħu.
Imbagħad kompli bl-iskeda normali tiegħek.
M’għandekx tieħu doża doppja biex tpatti għal kull doża li tkun insejt tieħu.
Jekk għandek aktar mistoqsijiet dwar l-użu ta’ din il-mediċina, staqsi lit-tabib, lill-ispiżjar jew l- infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd. Normalment dawn ikunu ħfief għal moderati.
pazjent wieħed minn kull 10):
Żieda tal-piż f’daqqa. Il-kura b’ Imatinib Actavis tista’ tikkawża lill-ġismek iżomm l-ilma (żamma severa ta’ fluwidi).
Sinjali ta’ infezzjoni bħal deni, tkexkix ta’ bard qawwi, uġigħ fil-griżmejn jew ulċeri fil-ħalq.
Imatinib Actavis jista’ jnaqqaslek in-numru ta’ ċelluli tad-demm bojod għalhekk int jista’ jaqbdek infezzjonijiet iktar faċilment.
Jekk ikollok fsada mhux mistennija jew titbenġel (mingħajr ma tkun weġġajt lilek innifsek qabel).
wieħed minn kull 1,000):
Uġigħ f’sidrek, qalb tħabbat b’mod mhux regolari (sinjali ta’ disturbi fil-qalb).
Sogħla, diffikultà fit-teħid tan-nifs jew tweġġa biex tieħu n-nifs (sinjali ta’disturbi fil-pulmun).
Tħoss rasek ħafifa, sturdut jew tintilef minn sensik (sinjali ta’ pressjoni tad-demm baxxa).
Tħossok ma tiflaħx (nawsja), b’nuqqas ta’ aptit, l-awrina tkun skura, il-ġilda jew għajnejk
jisfaru (sinjal ta’ disturbi fil-fwied).
Raxx, ġilda ħamra bin-nuffati fuq ix-xofftejn, għajnejn, il-ġilda jew il-ħalq, ġilda titqaxxar, deni, dbabar ħomor jew vjola mgħollija fil-ġilda, ħakk, sensazzjoni ta’ ħruq, joħorġu l-ponot (sinjali ta’ disturbi fil-ġilda).
Uġigħ qawwi fl-addome, demm fir-rimettar, fl-ippurgar jew fl-awrina, l-ippurgar ikun iswed (sinjali ta’ disturbi gastrointestinali).
Tnaqqis sever f’kemm tagħmel awrina, iħossok bil-għatx (sinjal ta’ disturbi fil-kliewi).
Prodott mediċinali li m’għadux awtorizzat
Tħossok ma tiflaħx (nawsja) bid-dijarea u bir-rimettar, uġigħ fl-addome jew deni (sinjali ta’ disturbi fl-imsaren).
Uġigħ ta’ ras qawwi, dgħufija jew paraliżi tar-riġlejn u d-dirgħajn jew il-wiċċ, tbati biex titkellem, telf mis-sensi f’salt wieħed (sinjali ta’ disturbi tas-sistema nervuża bħall-fsada jew nefħa fl-għadam tar-ras/fil-moħħ).
Ġilda pallida, tħoss l-għeja u qtugħ ta’ nifs u jkollok awrina skura (sinjali ta’ livelli baxxi ta’ ċelluli ħomor tad-demm).
Uġigħ f’għajnejk, jew il-vista tiegħek tmur lura, fsada fl-għajnejn.
Uġigħ f’ġenbek jew tbati biex timxi.
Swaba ta’ saqajk u ta’ jdejk imnemnim jew kesħin (sinjali tas-sindrome ta’ Raynaud).
Infjammazzjoni f’daqqa tal-ġilda u ħmura (sinjali ta’ infezzjoni fil-ġilda msejħa ċellulite).
Tbatija biex tisma’.
Dgħjufija fil-muskoli u spażmi b’ritmu tal-qalb anormali (sinjali ta’ bidla fl-ammont ta’ potassium fid-demm tiegħek).
Tbenġil.
Uġigħ fl-istonku u jħossok ma tiflaħx (nawsja).
Spażmi fil-muskoli bid-deni, awrina ħamra fil-kannella, uġigħ jew dgħufija fil-muskoli tiegħek
(sinjali ta’ disturb fil-muskoli).
Uġigħ pelviku xi kultant flimkien ma’ nawżea u rimettar bi fsada vaġinali mhux mistennija, sensazzjoni ta’ sturdament jew ħass ħażin minħabba tnaqqis fil-pressjoni tad-demm (sinjali ta’ disturb fl-ovarji jew fil-ġuf tiegħek).
Nawsja, qtugħ ta’ nifs, taħbit tal-qalb irregolari, awrina mċajpra, għeja u/jew skumdità fil-ġogi b’rabta ma’ riżultati tal-laboratorju mhux normali (eż. livelli għoljin ta’ potassju, aċidu uriku u kalċju fid-demm u livelli baxxi ta’ fosfru)
Emboli fil-vini ż-żgħar (mikroanġjopatija trombotika).
Il-kombinazzjoni ta’ raxx qawwi u mifrux, li tħossok ma tiflaħx, deni, livell għoli ta' ċerti ċelloli bojod tad-demm jew ġilda jew għajnejn sofor (sinjali ta’ suffejra) ma' qtugħ ta’ nifs, uġigħ fis- sider / skonfort, tnaqqis sever tal-awrina u tħossok bil-għatx eċċ (sinjali marbuta mal-kura tar- reazzjoni allerġika).
Insuffiċjenza kronika tal-kliewi.
Rikorrenza (riattivazzjoni) tal-infezzjoni tal-epatite B meta kellek l-epatite B fil-passat (infezzjoni fil-fwied).
Jekk ikollok kwalunkwe wieħed minn dawn t’hawn fuq, għid lit-tabib tiegħek minnufih. Effetti sekondarji oħra jistgħu jinkludu:
Uġigħ ta’ ras jew iħossok għajjien/a.
Tqalligħ (nawsja) ,iħossok ma tiflaħx (rimettar), dijarrea jew indiġistjoni.
Raxx.
Bugħawwieġ, uġigħ fil-muskoli, fil-ġogi jew fl-għadam, waqt li qed tieħu t-trattament b’imatinib jew wara li tkun waqaft tieħu imatinib.
Nefħa fl-għajnejn jew fl-għekiesi.
Żieda fil-piż.
Jekk xi wieħed minn dawn l-effetti jkunu severi, għid lit-tabib tiegħek.
Anoressija, nuqqas fil-piż jew tibdil fis-sens tat-togħma.
Tħossok sturdut jew mingħajr saħħa.
Diffikultà biex torqod (insomnja).
Żieda fid-dmugħ bil-ħakk, ħmura u nefħa (konġuntivite), għajnejn idemmgħu jew viżjoni mċajpra.
Tinfaraġ.
Uġigħ jew nefħa fl-addome, gass fl-istonku ħruq ta’ stonku jew stitikezza.
Ħakk.
Prodott mediċinali li m’għadux awtorizzat
Jiħfieflek jew jaqalek xagħrek b’mod mhux tas-soltu.
Tnemnim tal-idejn jew is-saqajn.
Ulċeri fil-ħalq.
Uġigħ u nefħa fil-ġogi.
Ħalq xott, ġilda xotta jew l-għajn tinħass xotta.
Żieda jew tnaqqis fis-sensittività tal-ġilda.
Fwawar tas-sħana, dehxiet jew ħruġ ta’ għaraq matul il-lejl.
Jekk xi wieħed minn dawn l-effetti ikunu severi, għid lit-tabib tiegħek.
Ħmura u/jew nefħa tal-pala tal-idejn u tal-qiegħ tas-saqajn li magħhom jista’ jkollok sensazzjoni ta’ tingiż u uġigħ ta’ ħruq.
Feriti juġgħu u/jew bl-infafet fil-ġilda.
Dewmien fir-rata li biha tfal u żgħażagħ jikbru.
Jekk kwalunkwe minn dawn l-effetti jaffetwak b’mod sever, għid lit-tabib tiegħek minnufih.
Rappurtar tal-effetti sekondarji
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u l-folja wara EXP. Id-data
ta’ skadenza tirreferi għall-aħħar ġurnata ta' dak ix-xahar.
Taħżinx f’temperatura ’l fuq minn 25°C. Aħżen fil-pakkett oriġinali sabiex tilqa’ mill-umdità. M’għandek tuża pakkett li jkun bil-ħsara jew juri sinjali ta’ tbagħbis.
M'għandekx tarmi xi mediċini permezz ta’ dranaġġ jew skart domestiku. Staqsi lill-ispiżjar tiegħek dwar kif għandek tarmi mediċini li m'għadx għandek tuża. Dawn il-miżuri jgħinu jipproteġu l- ambjent.
Is-sustanza attiva hi imatinib (bħala mesilate). Kull kapsula fiha 50 mg imatinib (bħal mesilate).
Is-sustanzi l-oħra huma: Kontenut tal-kapsula: microcrystalline cellulose, copovidone, crospovidone, sodium stearyl fumarate, silica (colloidal hydrophobe u colloidal anhydrous). Qoxra tal-kapsula: hypromellose, titanium dioxide (E171), yellow iron oxide (E172). Inka ta’ l- istampar: shellac, black iron oxide (E172), propylene glycol, ammonia solution, potassium hydroxide.
Kapsula iebsa b’ għatu isfar ċar u korp isfar ċar immarkat b’ 50 mg bl-inka sewda. Il-kapsula fiha trab isfar ċar.
Qisien tal-pakketti:
Il-kapsuli huma fornuti f'pakketti bil-folji tal-aluminju li fihom 30 jew 90 kapsula. Jista’ jkun li mhux il-pakketti tad-daqsijiet kollha jkunu fis-suq.
Prodott mediċinali li m’għadux awtorizzat
Actavis Group PTC ehf. Reykjavíkurvegur 76-78, Hafnarfjörður
Iceland
S.C. Sindan-Pharma S.R.L. 11 Ion Mihalache Blvd Bucharest
Romania
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq.
Teva Pharma Belgium N.V./S.A./AG Tél/Tel: +32 38207373
UAB Teva Baltics Tel: +370 52660203
Тева Фарма ЕАД Teл: +359 24899585
Teva Pharma Belgium N.V./S.A./AG Belgique/Belgien
Tél/Tel: +32 38207373
Teva Pharmaceuticals CR, s.r.o. Tel: +420 251007111
Teva Gyógyszergyár Zrt. Tel: +36 12886400
Teva Denmark A/S Tlf: +45 44985511
Teva Pharmaceuticals Ireland L-Irlanda
Tel: +44 2075407117
Teva Nederland B.V. Tel: +31 8000228400
UAB Teva Baltics Eesti filiaal Tel: +372 6610801
Teva Norway AS Tlf: +47 66775590
Specifar A.B.E.E.
Τηλ: +30 2118805000
ratiopharm Arzneimittel Vertriebs-GmbH Tel: +43 1970070
Teva Pharma, S.L.U. Tel: +34 913873280
Teva Pharmaceuticals Polska Sp. z o.o. Tel: +48 223459300
Teva Santé
Tél: +33 155917800
Teva Pharma - Produtos Farmacêuticos, Lda. Tel: +351 214767550
Pliva Hrvatska d.o.o. Tel: +385 13720000
Teva Pharmaceuticals S.R.L. Tel: +40 212306524
Teva Pharmaceuticals Ireland Tel: +44 2075407117
Pliva Ljubljana d.o.o. Tel: +386 15890390
Prodott mediċinali li m’għadux awtorizzat
Teva Pharma Iceland ehf. Sími: +354 5503300
TEVA Pharmaceuticals Slovakia s.r.o. Tel: +421 257267911
Teva Italia S.r.l. Tel: +39 028917981
Teva Finland Oy
Puh/Tel: +358 201805900
Specifar A.B.E.E.
Ελλάδα
Τηλ: +30 2118805000
Teva Sweden AB Tel: +46 42121100
UAB Teva Baltics filiāle Latvijā
Tel: +371 67323666
Tel: +353 214619040
Infomazzjoni dettaljata dwar din il-mediċina tinsab fuq is-sit elettroniku tal-Aġenzija Ewropea għall- Mediċini