Xeloda
capecitabine
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett (ara sezzjoni 4).
X’inhu Xeloda u għalxiex jintuża
X’għandek tkun taf qabel ma tieħu Xeloda
Kif għandek tieħu Xeloda
Effetti sekondarji possibbli
Kif taħżen Xeloda
Kontenut tal-pakkett u informazzjoni oħra
Xeloda jappartieni għall-grupp ta’ mediċini msejħa “mediċini ċitostatiċi”, li jwaqqfu t-tkabbir taċ- ċelluli tal-kanċer. Xeloda fih capecitabine, li huwa nnifsu mhuwiex mediċina ċitostatika. Huwa biss wara li jiġi assorbit mill-ġisem li jinbidel f’mediċina attiva kontra l-kanċer (aktar f’tessut tat-tumur milli f’tessut normali).
Xeloda jintuża fit-trattament ta’ kanċer tal-kolon, tar-rektum, tal-istonku jew tas-sider.
Barra dan, Xeloda jintuża biex jipprevjeni okkorrenza ġdida ta’ kanċer tal-kolon wara t-tneħħija kollha
tat-tumur permezz ta’ kirurġija.
Xeloda jista’ jintuża waħdu jew flimkien ma’ mediċini oħra.
jekk inti allerġiku għal capecitabine jew għal xi sustanza oħra ta’ din il-mediċina (imniżżla fis- sezzjoni 6). Għandek tgħarraf lit-tabib tiegħek jekk taf li għandek allerġija jew sensittività eċċessiva għal din il-mediċina,
jekk qabel kellek reazzjonijiet severi għal terapija bi fluoropyrimidine (grupp ta’ mediċini
kontra l-kanċer bħal fluorouracil).
jekk inti tqila jew qed tredda’,
jekk għandek livelli baxxi ħafna ta’ ċelluli bojod jew plejtlits fid-demm (lewkopenija,
newtropenija jew tromboċitopenija),
jekk għandek problemi severi tal-fwied jew tal-kliewi,
jekk taf li m’għandek l-ebda attività tal-enzima dihydropyrimidine dehydrogenase (DPD)
(defiċjenza totali ta’ DPD).
jekk qed tiġi ttrattat issa jew kont ittrattat fl-aħħar 4 ġimgħat bi brivudine bħala parti minn terapija għal herpes zoster (ġidri r-riħ jew ħruq ta’ Sant’Antnin).
Kellem lit-tabib jew lill-ispiżjar tiegħek qabel tieħu Xeloda
jekk taf li għandek defiċjenza parzjali fl-attività tal-enzima dihydropyrimidine dehydrogenase (DPD)
jekk għandek membru tal-familja li għandu defiċjenza parzjali jew totali tal-enzima dihydropyrimidine dehydrogenase (DPD)
jekk għandek mard tal-fwied jew tal-kliewi
jekk għandek jew kellek problemi bil-qalb (pereżempju taħbit tal-qalb irregolari jew uġigħ fis- sider, xedaq u dahar li jinħass meta tagħmel sforz fiżiku u kkawżat minn problemi fil-fluss tad- demm lejn il-qalb)
jekk għandek mard tal-moħħ (pereżempju, kanċer li nfirex lejn il-moħħ, jew ħsara fin-nervituri (newropatija)
jekk għandek żbilanċ fil-calcium (osservat fit-testijiet tad-demm)
jekk għandek id-dijabete
jekk ma tistax iżżomm ikel jew ilma f’ġismek minħabba tqalligħ u rimettar sever
jekk għandek dijarea
jekk deidratat jew issir deidratat
jekk għandek żbilanċ tal-joni fid-demm tiegħek (żbilanċ fl-elettroliti, osservat fit-testijiet)
jekk għandek storja ta’ problemi fl-għajnejn għandu mnejn ikollok bżonn aktar monitoraġġ ta’
għajnejk
jekk għandek reazzjoni severa tal-ġilda.
Defiċjenza ta’ DPD: defiċjenza ta’ DPD hija kondizzjoni ġenetika li normalment ma tkunx assoċjata ma’ problemi ta’ saħħa jekk ma tiħux ċertu mediċini. Jekk għandek defiċjenza ta’ DPD u tieħu Xeloda, għandek riskju ogħla ta’ effetti sekondarji severi (elenkati taħt sezzjoni 4 Effetti sekondarji possibbli).
Huwa rakkomandat li jsirlek test għal defiċjenza ta’ DPD qabel ma tibda t-trattament. Jekk m’għandek
l-ebda attività tal-enzima, m’għandekx tieħu Xeloda. Jekk għandek attività mnaqqsa tal-enzima (defiċjenza parzjali), it-tabib tiegħek jista’ jagħmillek riċetta għal doża mnaqqsa. Jekk għandek riżultati tat-test għal defiċjenza ta’ DPD negattivi, xorta jista’ jkollok effetti sekondarji severi u ta’ periklu għall-ħajja.
Xeloda mhux indikat fit-tfal u l-adolexxenti. Tagħtix Xeloda lil tfal u adolexxenti.
Qabel il-bidu tat-trattament, għid lit-tabib jew lill-ispiżjar tiegħek jekk qed tieħu, ħadt dan l-aħħar jew
tista’ tieħu xi mediċini oħra. Dan huwa importanti ħafna, għax it-teħid ta’ aktar minn mediċina waħda
fl-istess ħin jista’ jsaħħaħ jew idgħajjef l-effett tal-mediċini.
Barra minn hekk, hemm bżonn li toqgħod attent b’mod speċjali jekk inti qed tieħu xi waħda minn
dawn li ġejjin:
mediċini għall-gotta (allopurinol),
mediċini biex traqqaq id-demm (coumarin, warfarin),
mediċini għall-aċċessjonijiet jew għar-rogħda (phenytoin),
interferon alpha,
radjuterapija u ċertu mediċini użati għat-trattament tal-kanċer (folinic acid, oxaliplatin, bevacizumab, cisplatin, irinotecan),
mediċini użati biex jittrattaw defiċjenza ta’ folic acid.
Għandek tieħu Xeloda mhux aktar tard minn 30 minuta wara l-ikel.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina. M’għandekx tieħu Xeloda jekk inti tqila jew taħseb li tista’ tkun tqila.
M’għandekx tredda’ jekk qed tieħdu Xeloda u għal ġimagħtejn wara l-aħħar doża.
Jekk inti mara li tista’ toħroġ tqila għandek tuża kontraċezzjoni effettiva waqt it-trattament b’XELODA u għal 6 xhur wara l-aħħar doża.
Jekk inti pazjent raġel u s-sieħba tiegħek tista’ toħroġ tqila, għandek tuża kontraċezzjoni effettiva waqt
it-trattament b’XELODA u għal 3 xhur wara l-aħħar doża.
Xeloda jista’ jġiegħlek tħossok sturdut, imqalla’ jew għajjien. Għalhekk huwa possibbli li Xeloda
jista’ jaffettwa l-abilità tiegħek li ssuq karozza jew li tħaddem magni.
Jekk it-tabib qallek li għandek intolleranza għal ċerti tipi ta’ zokkor, ikkuntattja lit-tabib tiegħek qabel
tieħu din il-mediċina.
Xeloda fih anqas minn 1 mmol sodium (23 mg) f’kull pillola, jiġifieri essenzjalment ‘ħieles mis- sodium’.
Dejjem għandek tieħu din il-mediċina skont il-parir eżatt tat-tabib jew l-ispiżjar tiegħek. Iċċekkja mat- tabib jew mal-ispiżjar tiegħek jekk ikollok xi dubju.
Xeloda għandu jiġi preskritt biss minn tabib b’esperjenza fl-użu ta’ mediċini kontra l-kanċer.
It-tabib tiegħek se jippreskrivilek doża u kors ta’ trattament li huwa adattat għalik. Id-doża ta’ Xeloda hija bbażata fuq l-erja tas-superfiċje tal-ġisem tiegħek. Din hija kkalkulata mit-tul u l-piż tiegħek. Id- doża tas-soltu għall-adulti hija ta’ 1250 mg/m2 ta’ erja tas-superfiċje tal-ġisem meħuda darbtejn kuljum (filgħodu u filgħaxija). Żewġ eżempji huma pprovuti hawnhekk: persuna li għandha piż tal- ġisem ta’ 64 kg u tul ta’ 1.64 m għandha erja tas-superfiċje tal-ġisem ta’ 1.7 m2 u għandha tieħu
4 pilloli ta’ 500 mg u pillola waħda ta’ 150 mg darbtejn kuljum. Persuna li għandha piż tal-ġisem ta’ 80 kg u tul ta’ 1.80 m għandha erja tas-superfiċje tal-ġisem ta’ 2.00 m2 u għandha tieħu 5 pilloli ta’ 500 mg darbtejn kuljum.
It-tabib tiegħek jista’ jagħtik parir biex tieħu taħlita ta’ pilloli ta’ 150 mg u ta’ 500 mg għal kull doża.
Ħu l-pilloli filgħodu u filgħaxija kif preskritt mit-tabib tiegħek.
Ħu l-pilloli fi żmien 30 minuta wara li tispiċċa l-ikel (kolazzjon u ikla ta’ filgħaxija) u iblagħhom sħaħ mal-ilma. Tfarrakx u taqsamx il-pilloli. Jekk ma tistax tibla’ l-pilloli Xeloda sħaħ, għid lill-fornitur tal-kura tas-saħħa tiegħek.
Huwa importanti li tieħu l-mediċina kollha tiegħek kif preskritt mit-tabib tiegħek.
Normalment, pilloli Xeloda jittieħdu għal 14-il ġurnata segwiti minn perjodu ta’ waqfien ta’ sebat
ijiem (fejn ma jitteħdux pilloli). Dan il-perjodu ta’ 21 ġurnata huwa ċiklu wieħed ta’ trattament.
Flimkien ma’ mediċini oħra d-doża tas-soltu għall-aduti tista’ tkun inqas minn 1250 mg/m2 ta’ erja tas- superfiċje tal-ġisem, u jista’ jkollok bżonn tieħu l-pilloli fuq perjodu ta’ ħin differenti (eż. kuljum, mingħajr perjodu ta’ waqfien).
Jekk tieħu aktar Xeloda milli suppost, kellem lit-tabib tiegħek malajr kemm jista’ jkun qabel tieħu d- doża li jmiss.
Jista’ jkollok l-effetti sekondarji li ġejjin jekk tieħu ħafna aktar capecitabine milli suppost: tħossok
imdardar jew tirremetti, dijarea, infjammazzjoni jew ulċerazzjoni tal-musrana jew tal-ħalq, uġigħ jew fsada mill-musrana jew mill-istonku, jew depressjoni tal-mudullun tal-għadam (tnaqqis f’ċertu tipi ta’ ċelluli tad-demm). Għid lit-tabib tiegħek minnufih jekk ikollok xi wieħed minn dawn is-sintomi.
Tiħux id-doża li insejt tieħu. M’għandekx tieħu doża doppja biex tpatti għal kull doża li tkun insejt
tieħu. Minflok, kompli ħu d-dożi regolari tiegħek skont l-iskeda u ħu l-parir tat-tabib tiegħek.
M’hemm l-ebda effetti sekondarji kkawżati minn waqfien tat-trattament b’capecitabine. F’każ li inti
qed tuża sustanzi kontra l-koagulazzjoni tad-demm idderivati minn coumarin (li fihom eż. phenprocoumon), il-waqfien ta’ capecitabine jista’ jirrekjedi li t-tabib tiegħek jaġġusta d-doża tas- sustanza kontra l-koagulazzjoni tad-demm tiegħek.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Dijarea: jekk ikollok żieda ta’ 4 episodji jew aktar ta’ ppurgar meta mqabbel mal-ippurgar
normali tiegħek ta’ kuljum jew kwalunkwe dijarea matul il-lejl.
Rimettar: jekk tirremetti aktar minn darba f’perjodu ta’ 24 siegħa.
Tqalligħ: jekk titlef l-aptit tiegħek, u l-ammont ta’ ikel li tiekol kuljum huwa ħafna inqas minn
dak tas-soltu.
Stomatite: jekk ikollok uġigħ, ħmura, nefħa jew ulċeri f’ħalqek u/jew fi griżmejk.
Reazzjoni tal-ġilda tal-idejn u tas-saqajn: jekk ikollok uġigħ, nefħa, ħmura jew tingiż fl-idejn u/jew fis-saqajn.
Deni: jekk ikollok temperatura ta’ 38°C jew iżjed.
Infezzjoni: jekk ikollok sinjali ta’ infezzjoni kkawżati minn batterja jew virus, jew organiżmi oħra.
Uġigħ fis-sider: jekk ikollok uġigħ lokalizzat fiċ-ċentru tas-sider, speċjalment jekk dan iseħħ waqt eżerċizzju.
Sindrome ta’ Steven-Johnson: jekk ikollok raxx juġa’ ta’ lewn aħmar jew jagħti fil-vjola li jinfirex u nfafet u/jew leżjonijiet oħra jibdew jidhru fil-membrani mukużi (eż. ħalq u xufftejn), b’mod partikolari jekk qabel kellek sensittività għad-dawl, infezzjonijiet tas-sistema respiratorja (eż. bronkite) u/jew deni.
Anġjoedima: Fittex għajnuna medika minnufih jekk tinnota kwalunkwe wieħed mis-sintomi li ġejjin - jista’ jkollok bżonn trattament mediku urġenti: Nefħa l-aktar tal-wiċċ, tax-xufftejn, tal- ilsien jew tal-griżmejn li tagħmilha diffiċli biex tibla’ jew tieħu n-nifs, ħakk u raxx. Dan jista’ jkun sinjal ta’ anġjoedima.
Jekk tilqagħlhom minn kmieni, dawn l-effetti sekondarji s-soltu jitjiebu fi żmien jumejn sa 3 ijiem wara l-waqfien tat-trattament. Madankollu, jekk dawn l-effetti sekondarji jkomplu, ikkuntattja lit-tabib tiegħek minnufih. It-tabib tiegħek jista’ jagħtik istruzzjonijiet biex terġa’ tibda t-trattament b’doża aktar baxxa.
Jekk ikollok stomatite severa (ulċeri f’ħalqek u/jew fi griżmejk), infjammazzjoni tal-mukuża, dijarea, newtropenija (żieda fir-riskju ta’ infezzjonijiet), jew newrotossiċità severi matul l-ewwel ċiklu tat- trattament, jista’ jkollok defiċjenza ta’ DPD (ara Sezzjoni 2: Twissijiet u prekawzjonijiet).
Reazzjoni tal-ġilda tal-idejn u s-saqajn tista’ twassal għal telf tal-marki tas-swaba’, li jista’ jkollu impatt fuq l-identifikazzjoni tiegħek permezz ta’ skan tal-marki tas-swaba’.
Minbarra t’hawn fuq, meta Xeloda jintuża waħdu, effetti sekondarji komuni ħafna li jistgħu jaffettwaw
aktar minn persuna waħda minn kull 10 huma:
uġigħ addominali
raxx, ġilda xotta jew ħakk tal-ġilda
għeja
telf t’aptit (anoreksja)
Dawn l-effetti sekondarji jistgħu jsiru severi; għalhekk, huwa importanti li dejjem tikkuntattja lit- tabib tiegħek minnufih meta tibda tħoss xi effett sekondarju. It-tabib tiegħek jista’ jagħtik istruzzjonijiet biex tnaqqas id-doża u/jew twaqqaf it-trattament b’Xeloda temporanjament. Dan jgħin biex tnaqqas il-probabbilità li l-effett sekondarju jkompli jew isir sever.
Effetti sekondarji oħra huma:
Effetti sekondarji komuni (jistgħu jaffettwaw sa persuna waħda minn kull 10) jinkludu:
tnaqqis fin-numru ta’ ċelluli bojod tad-demm jew ċelluli ħomor tad-demm (osservati f’testijiet)
deidratazzjoni, telf ta’ piż
nuqqas ta’ rqad (insomnja), depressjoni
uġigħ ta’ ras, ħedla ta’ ngħas, sturdament, sensazzjoni mhux normali fil-ġilda (sensazzjoni ta’
tnemnim jew tingiż), bidliet fit-togħma
irritazzjoni fl-għajnejn, żieda fid-dmugħ, ħmura fl-għajnejn (konġuntivite)
infjammazzjoni fil-vini (tromboflebite)
qtugħ ta’ nifs, fsada mill-imnieħer, sogħla, imnieħer inixxi
ponot tad-deni jew infezzjonijiet oħra kkawżati minn herpes
infezzjonijiet fil-pulmun jew fis-sistema respiratorja (eż. pnewmonja jew bronkite)
fsada mill-musrana, stitikezza, uġigħ fil-parti ta’ fuq tal-addome, indiġestjoni, gass żejjed, ħalq
xott
raxx tal-ġilda, telf ta’ xagħar (alopeċja), ħmura tal-ġilda, ġilda xotta, ħakk (pruritus), bidla fil- kulur tal-ġilda, telf tal-ġilda, infjammazzjoni tal-ġilda, disturb fid-dwiefer
uġigħ fil-ġogi, jew fir-riġlejn u/jew fid-dirgħajn (estremitajiet), fis-sider jew fid-dahar
deni, nefħa fir-riġlejn u/jew dirgħajn, tħossok ma tiflaħx
problemi bil-funzjoni tal-fwied (osservati fit-testijiet tad-demm) u żieda ta’ bilirubin fid-demm (eliminat mill-fwied)
Effetti sekondarji mhux komuni (jistgħu jaffettwaw sa persuna waħda minn kull 100) jinkludu:
infezzjoni fid-demm, infezzjoni fl-apparat tal-awrina, infezzjoni fil-ġilda, infezzjonijiet fl- imnieħer u fil-gerżuma, infezzjonijiet mill-moffa (inkluż dawk tal-ħalq), influwenza, gastroenterite, axxess tas-snien
għoqiedi taħt il-ġilda (lipoma)
tnaqqis fiċ-ċelluli tad-demm inkluż plejtlits, traqqiq tad-demm (osservat fit-testijiet)
allerġija
dijabete, tnaqqis fil-potassium fid-demm, dgħufija kkawżata minn nuqqas ta’ ikel sustanzjuż, żieda ta’ trigliċeridi fid-demm
stat ta’ konfużjoni, attakki ta’ paniku, burdata depressa, tnaqqis fil-libido
diffikultà biex titkellem, indeboliment fil-memorja, telf ta’ koordinazzjoni fil-moviment, disturb fil-bilanċ, ħass ħażin, ħsara fin-nervituri (newropatija) u problemi bis-sensazzjoni
vista mċajpra jew doppja
vertigo, uġigħ fil-widnejn
taħbit tal-qalb irregolari u palpitazzjonijiet (arritmija), uġigħ fis-sider u attakk ta’ qalb (infart)
emboli ta’ demm fil-vini tal-fond, pressjoni għolja jew baxxa, fwawar, riġlejn u dirgħajn kesħin
(estremitajiet), ponot vjola fil-ġilda
emboli tad-demm fil-vini tal-pulmun (emboliżmu pulmonari), kollass tal-pulmun, tisgħol id- demm, ażżma, qtugħ ta’ nifs meta tistrapazza
ostruzzjoni fl-imsaren, ġabra ta’ fluwidu fl-addome, infjammazzjoni tal-musrana ż-żgħira jew il- kbira, tal-istonku jew l-esofagu, uġigħ fil-parti t’isfel tal-addome, skumdità fl-addome, ħruq ta’ stonku (rifluss ta’ ikel mill-istonku), demm fl-ippurgar
suffejra (il-ġilda u l-għajnejn jisfaru)
ulċera jew nuffata fil-ġilda, reazzjoni tal-ġilda għad-dawl tax-xemx, il-pali tal-idejn jiħmaru, nefħa jew uġigħ fil-wiċċ
nefħa jew ebusija tal-ġogi, uġigħ fl-għadam, dgħufija jew ebusija fil-muskoli
ġabra ta’ fluwidu fil-kliewi, żieda fil-frekwenza tal-awrina matul il-lejl, inkontinenza, demm fl-
awrina, żieda fil-kreatinina fid-demm (sinjal ta’ disfunzjoni tal-kliewi)
fsada mhux tas-soltu mill-vaġina
nefħa (edima), tkexkix ta’ bard u tertir
Effetti sekondarji rari (jistgħu jaffettwaw sa persuna waħda minn kull 1,000) jinkludu:
tidjiq jew imblukkar tal-kanal tad-dmugħ (stenosi tal-kanal tad-dmugħ)
insuffiċjenza tal-fwied
infjammazzjoni li twassal għal disfunzjoni jew imblukkar fis-sekrezzjoni tal-bili (epatite kolestatika)
bidliet speċifiċi fl-elettrokardjogramma (titwil tal-QT)
ċerti tipi ta’ arritmija (inklużi fibrillazzjoni tal-ventrikolu, torsade de pointes, u bradikardija)
infjammazzjoni fl-għajnejn li tikkawża wġigħ fl-għajnejn u possibbilment problemi fil-vista
infjammazzjoni tal-ġilda li tikkawża rqajja’ ħomor bil-qoxra kkawżata minn marda fis-sistema immuni
nefħa l-aktar tal-wiċċ, tax-xufftejn, tal-ilsien jew tal-gerżuma, ħakk u raxx (anġjoedima)
Effetti sekondarji rari ħafna (jistgħu jaffettwaw sa persuna waħda minn kull 10,000) jinkludu:
reazzjoni severa fil-ġilda bħal raxx fil-ġilda, ulċerazzjoni u nfafet li jistgħu jinvolvu ulċeri fil- ħalq, fl-imnieħer, fil-ġenitali, fl-idejn, fis-saqajn u fl-għajnejn (għajnejn ħomor u minfuħin)
Xi wħud minn dawn l-effetti sekondarji huma aktar komuni meta capecitabine jintuża ma’ mediċini oħra għat-trattament tal-kanċer. Effetti sekondarji oħra osservati f’din is-sitwazzjoni huma dawn li ġejjin:
Effetti sekondarji komuni (jistgħu jaffettwaw sa persuna waħda minn kull 10) jinkludu:
livell imnaqqas ta’ sodium, magnesium jew calcium fid-demm, żieda ta’ zokkor fid-demm
uġigħ fin-nervituri
tisfir jew żarżir fil-widnejn (tinnitus), telf tas-smigħ
infjammazzjoni tal-vini
sulluzzu, bidla fil-vuċi
uġigħ jew sensazzjoni mibdula/mhux normali fil-ħalq, uġigħ fix-xedaq
għaraq, għaraq matul il-lejl
spażmi fil-muskoli
diffikultà biex tgħaddi l-awrina, demm jew proteina fl-awrina
tbenġil jew reazzjoni fis-sit tal-injezzjoni (ikkawżati minn mediċini mogħtija permezz ta’
injezzjoni fl-istess waqt)
Jekk ikollok xi effett sekondarju, kellem lit-tabib, lill-ispiżjar jew lill-infermier tiegħek. Dan jinkludi
xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi
tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Taħżinx f’temperatura ’l fuq minn 30°C, aħżen fil-pakkett oriġinali sabiex tilqa’ mill-umdità.
Tużax din il-mediċina wara d-data ta’ meta tiskadi li tidher fuq il-kartuna ta’ barra u l-folja wara EXP. Id-data ta’ meta tiskadi tirreferi għall-aħħar ġurnata ta’ dak ix-xahar.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi capecitabine.
Xeloda 150 mg pilloli miksija b’rita Kull pillola fiha 150 mg capecitabine
Xeloda 500 mg pilloli miksija b’rita Kull pillola fiha 500 mg capecitabine
Is-sustanzi mhux attivi l-oħra huma:
Qalba tal-pillola: anhydrous lactose, croscarmellose sodium, hypromellose (3 mPa.s), microcrystalline cellulose, magnesium stearate (ara sezzjoni 2 “Xeloda fih anhydrous lactose u sodium”).
Kisja tal-pillola: hypromellose, titanium dioxide, iron oxide isfar, iron oxide aħmar u talc.
Xeloda 150 mg pilloli miksija b’rita
Pillola miksija b’rita ta’ lewn aħmar fl-isfar ċar, ibbuzzati fuq iż-żewġ naħat, ta’ forma oblung bil- marka ‘150’ fuq naħa waħda u ‘Xeloda’ fuq in-naħa l-oħra.
Kull pakkett fih 60 pillola miksija b’rita (6 folji ta’ 10 pilloli). Xeloda 500 mg pilloli miksija b’rita
Pillola miksija b’rita ta’ lewn aħmar fl-isfar, ibbuzzata fuq iż-żewġ naħat, ta’ forma oblung bil-marka
‘500’ fuq naħa waħda u ‘Xeloda’ fuq in-naħa l-oħra.
Kull pakkett fih 120 pillola miksija b’rita (12-il folja ta’ 10 pilloli). Detentur tal-Awtorizzazzjoni għat-Tqegħid fis-Suq
Roche Registration GmbH Emil-Barell-Strasse 1
79639 Grenzach-Wyhlen
Il-Ġermanja
D-79639 Grenzach-Wyhlen Il-Ġermanja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
N.V. Roche S.A.
Tél/Tel: +32 (0) 2 525 82 11
UAB “Roche Lietuva” Tel: +370 5 2546799
Рош България ЕООД
Тел: +359 2 818 44 44
(Voir/siehe Belgique/Belgien)
Roche s. r. o.
Tel: +420 - 2 20382111
Roche (Magyarország) Kft. Tel: +36 1 279 4500
Roche a/s
Tlf: +45 - 36 39 99 99
(See Ireland)
Roche Pharma AG
Tel: +49 (0) 7624 140
Roche Nederland B.V.
Tel: +31 (0) 348 438050
Roche Eesti OÜ
Tel: + 372 - 6 177 380
Roche Norge AS
Tlf: +47 - 22 78 90 00
Roche (Hellas) A.E.
Τηλ: +30 210 61 66 100
Roche Austria GmbH
Tel: +43 (0) 1 27739
Roche Farma S.A.
Tel: +34 - 91 324 81 00
Roche Polska Sp.z o.o.
Tel: +48 - 22 345 18 88
Roche
Tél: +33 (0)1 47 61 40 00
Roche Farmacêutica Química, Lda Tel: +351 - 21 425 70 00
Roche d.o.o.
Tel: + 385 1 47 22 333
Roche România S.R.L.
Tel: +40 21 206 47 01
Roche Products (Ireland) Ltd. Tel: +353 (0) 1 469 0700
Roche farmacevtska družba d.o.o. Tel: +386 - 1 360 26 00
Roche a/s
c/o Icepharma hf Sími: +354 540 8000
Roche S.p.A.
Tel: +39 - 039 2471
Roche Oy
Puh/Tel: +358 (0) 10 554 500
Γ.Α.Σταμάτης & Σια Λτδ. Τηλ: +357 - 22 76 62 76
Roche AB
Tel: +46 (0) 8 726 1200
Roche Latvija SIA
Tel: +371 - 6 7039831
Roche Products Ltd.
Tel: +44 (0) 1707 366000