FULJETT TA’ TAGĦRIF: INFORMAZZJONI GĦAL MIN QED JAGĦMEL UŻU MINNU

Clopidogrel 1A Pharma 75 mg pilloli miksija b’rita

Clopidogrel

Aqra sew dan il-fuljett kollu qabel tibda tieħu din il-mediċina.

Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina giet mogħtija lilek M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sintomi bħal tiegħek.
Jekk xi wieħed mill-effetti sekondarji jiggrava jew jekk tinnota xi effetti sekondarji li m’humiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.

F’dan il-fuljett:
1. X’inhu Clopidogrel 1A Pharma u għalxiex jintuża
2. Qabel ma tieħu Clopidogrel 1A Pharma
3. Kif għandek tieħu Clopidogrel 1A Pharma
4. Effetti sekondarju li jista jkollu
5. Kif taħżen Clopidogrel 1A Pharma
6. Aktar tagħrif
1. X’INHU CLOPIDOGREL 1A PHARMA U GĦALXIEX JINTUŻA
  
  Prodott mediċinali li m’għadux awtorizzat
  Clopidogrel 1A Pharma fih is-sustanza attiva fi Clopidogrel li jifforma parti minn grupp ta’ mediċini msejħa prodotti mediċinali ta’ antiplejtlets. Plejtlets (hekk imsejħa tromboċiti) huma partijiet żgħar ħafna, li jinġemġħu flimkien waqt li jkun qed jagħqad id-demm. Il-prodotti mediċinali ta’ kontra l- plejtlets jilqgħu għal dan u jnaqqsu l-possibbiltajiet li jiffurmaw emboli tad-demm (proċess imsejjaħ trombożi).
  
  Clopidogrel 1A Pharma jittieħed biex inaqqas ir-riskju li emboli tad-demm (trombi) jifformaw fl- arterji mwebbsin (arterji), proċess imsejjaħ aterotrombosi, li jista’ jwassal għal konsegwenzi aterotrombotiċi (bħal puplesija, attakk tal-qalb, jew mewt).
  
  Ingħatajt Clopidogrel 1A Pharma biex inaqqas ir-riskju ta’ emboli tad-demm u l-konsegwenzi severi tagħhom għaliex:
Għandek kundizzjoni fejn l-arterji tiegħek qegħdin jibbiesu (magħrufa wkoll bħala aterosklerożi), u
Kellek attakk tal-qalb, puplesija jew kundizzjoni magħrufa bħala mard periferali arterjali (disturb fil-fluss tad-demm fid-dirgħajn jew riġlejn ikkawżat minn okklużjonijiet vaskulari) jew
Kellek uġigħ sever f’sidrek magħruf bħala anġina mhux stabbli jew infart mijokardijaku (attakk ta’ qalb). Għatt-trattament ta’ din il-kundizzjoni t-tabib tiegħek seta’ poġġa stent fl’ arterja li nstaddet jew li djieqet biex iċ-ċirkolazzjoni effettiva tad-demm tiġi

restawrata. Inti trid tingħata wkoll mit-tabib tiegħek acetylsalicylic acid ( sustanza li

tinsab f’ħafna mediċini u li tintuża biex ittaffi l-uġigħ u tniżżel id-deni kif ukoll biex tippreveni li jifformaw emboli tad-demm).

QABEL MA TIEĦU CLOPIDOGREL 1A PHARMA

Tiħux Clopidogrel 1A Pharma:
Jekk inti allerġiku/a (tbati minn sensittività eċċessiva) għall-Clopidogrel jew sustanzi oħra ta’ Clopidogrel 1A Pharma;
Jekk tbati minn kundizzjoni medika li fil-preżent qiegħda tikkawża fsada, bħal ulċera fl-istonku jew fsada ġewwa l-moħħ;
Jekk tbati minn mard sever tal-fwied.

Jekk taħseb li xi waħda minn dawn tgħodd għalik, jew jekk għandek xi dubju, ħu parir tat-tabib tiegħek qabel tibda tieħu Clopidogrel 1A Pharma.

Oqgħod attent ħafna b’Clopidogrel 1A Pharma:
Jekk xi sitwazzjoni msemmija hawn taħt tgħodd għalik, ħu parir tat-tabib tiegħek qabel tibda tieħu Clopidogrel 1A Pharma:
jekk tinsab f’riskju ta’ fsada bħal:
- kundizzjoni medika li tpoġġik f’riskju ta’ fsada interna (bħal ulċera fl-istonku)
- mard fid-demm li jwassal għal fsada interna (dmija f’xi tessuti, organi jew ġogi ta’
  ġismek);
- ferita serja riċenti;
- operazzjoni riċenti (anki tas-snien);
- operazzjoni li ser issirlek (anki tas-snien) fis-sebat ijiem li ġejjin.
  
  jekk fl-aħħar sebat ijiem kellek ċappa ta' demm f'arterja f'moħħok (puplesija iskemika) jekk tbati minn mard tal-kliewi jew tal-fwied.
  
  Waqt li qiegħed/qiegħda tieħu Clopidogrel 1A Pharma:
  Prodott mediċinali li m’għadux awtorizzat
  Għandek tgħid lit-tabib tiegħek jekk għandek xi operazzjoni ppjanata (anki tas-snien).
  Għandek ukoll tgħid lit-tabib tiegħek minnufih jekk tiżviluppa kundizzjoni medika (magħrufa wkoll bħala Purpura Trombotika Tromboċitopenika jew TTP) li tinkludi deni u tbenġil taħt il-ġilda li jidher bħal tikek ħomor irqaq, flimkien ma' jew mingħajr għeja kbira mhux spjegata, konfużjoni, sfurija tal-ġilda jew ta' l-għajnejn (suffejra) (ara sezzjoni 4 'EFFETTI SEKONDARJI LI JISTA' JKOLLU').
  Jekk taqta' x'imkien jew tweġġa', id-demm jista' jdum aktar mis-soltu biex jieqaf. Dan minħabba l-mod ta' kif taħdem il-mediċina tiegħek billi ma tħallix li jiffurmaw iċ-ċapep tad-demm. Għal qtugħ u feriti żgħar eż. meta taqta' x'imkien, meta tqaxxar, normalment m'hemmx għax tinkwieta. Madanakollu, jekk id-demm li ħiereġ jinkwetak, għandek tkellem lit-tabib tiegħek minnufih (ara sezzjoni 4 'EFFETTI SEKONDARJI LI JISTA' JKOLLU').
  It-tabib tiegħek jista' jordnalek testijiet tad-demm.
  
  Tfal u adolexxenti
  Clopidogrel 1A Pharma m’għandux jingħata lit-tfal jew lill-adolexxenti.
  
  Meta tieħu mediċini oħra
  Jekk jogħġbok, għid lit-tabib jew lill-ispiżjar tiegħek jekk qiegħed tieħu jew ħadt dan l-aħħar xi mediċini oħra, anki dawk mingħajr riċetta.
  Xi mediċini oħra jistgħu jeffettwaw l-użu ta’ Clopidogrel 1A Pharma u viċe-versa.
  
  Għandek speċifikament tgħid lit-tabib tiegħek jekk qiegħed tieħu
  - sustanzi kontra l-koagulazzjoni tad-demm li jittieħdu mill-ħalq, mediċini li jraqqu d-demm,
  - mediċina li hija anti-infjammatorju li mhux sterojde, normalment użat biex jiġi ittrattat l-uġigħ u/jew kundizzjonijiet infjammatorji tal- muskoli jew tal-ġogi,
  - heparin jew xi mediċina oħra użata biex traqqaq id-demm,
  - inibitur tal-pompa protonika (eż. omeprazole) għat-taqlib tal-istonku
  - fluconazole, voriconazole, ciprofloxacin, jew chloramphenicol, mediċini li jittrattaw infezzjonijiet tal-batterja u tal-fungu,
  - cimetidine, mediċina li tittratta taqlib ta’ l-istonku,
  - fluoxetine, fluvoxamine, jew moclobemide, mediċinii li jittrattaw d-dipressjoni,
  - carbamazepine, jew oxcarbazepine, mediċini li jittrattaw xi tip ta’ epilessija, ticlopidine, sustanzi oħra kontra l-plejtlets.
  Jekk ħassejt uġigħ qawwi f’sidrek (anġina mhux stabbli jew attakk tal-qalb), jista’ jingħatalek Clopidogrel 1A Pharma flimkien ma’ acetylsalicylic acid, sustanza inkorporata f’ħafna mediċini użati biex itaffu l-uġigħ u jnaqqsu d-deni. L-użu ta’ kultant ta’ acetylsalicylic acid (ta’ mhux aktar minn 1,000 mg f’perijodu ta’ 24 siegħa) ġeneralment m’għandux joħloq problema, iżda l-użu fit-tul f’cirkostanzi oħrajn għandu jiġi diskuss mat-tabib tiegħek.
  
  Meta tiehu Clopidogrel 1A Pharma ma’ l-ikel jew ix-xorb
  Clopidogrel 1A Pharma jista’ jittieħed ma’ l-ikel jew mingħajru.
  
  Tqala u treddigħ
  Huwa preferibbli li ma tużax dan il-prodott waqt it-tqala u t-treddigħ.
  
  Qabel ma tibda tieħu Clopidogrel 1A Pharma, tinforma lit-tabib jew lill-ispiżjar/a tiegħek jekk inti tqila jew taħseb li inti tqila. Jekk toħroġ tqila waqt li qiegħda tieħu Clopidogrel 1A Pharma, għarraf minnufih lit-tabib tiegħek billi huwa rrakkomandat li ma tieħux clopidrogrel waqt it-tqala.
  
  Waqt li qiegħed tieħu Clopidogrel 1A Pharma, għandek tikkonsulta mat-tabib tiegħek dwar it-treddigħ tat-tarbija.Itlob il-parir tat-tabib jew ta’ l-ispiżjar tiegħek qabel tieħu xi mediċina.
  
  Sewqan u tħaddim ta’ magni
  Clopidogrel 1A Pharma m’għandux jaffettwa is-sewqan jew it-tħaddim ta’ magni.
  
  Tagħrif importanti dwar xi wħud mis-sustanzi ta’ Clopidogrel 1A Pharma:
  Prodott mediċinali li m’għadux awtorizzat
  Clopidogrel 1A Pharma fih ukoll il-castor oil idroġenat li jista’ jikkawża taqlib ta’ l-istonku jew dijarrea
KIF GĦANDEK TIEĦU CLOPIDOGREL 1A PHARMA

Dejjem għandek tieħu Clopidogrel 1A Pharma skond il-parir tat-tabib. Dejjem għandek taċċerta ruħek mat-tabib jew ma’ l-ispżjar tiegħek jekk ikollok xi dubju.

Jekk kellek uġigħ sever f’sidrek (anġina instabbli jew attakk tal-qalb), it-tabib jista’ jagħtik 300 mg ta’ Clopidogrel 1A Pharma (4 pilloli ta’ 75 mg) darba fil-bidu tal-kura. Wara, id-doża normali hija ta’ pillola waħda ta’ 75 mg Clopidogrel 1A Pharma kuljum li għandha tittieħed mill-ħalq ma’ l-ikel jew fuq stonku vojt u fl-istess ħin kull ġurnata.

Għandek tieħu Clopidogrel 1A Pharma sakemm it-tabib jibqa’ jagħmillek ir-riċetta.

Jekk tieħu Clopidogrel 1A Pharma aktar milli suppost:
Għarraf lit-tabib jew mur fid-dipartiment ta’ l-emerġenza ta’ l-eqreb sptar minħabba r-riskju ogħla ta’ fsada.

Jekk tinsa tieħu Clopidogrel 1A Pharma
Jekk tinsa tieħu xi doża ta’ Clopidogrel 1A Pharma, iżda tiftakar fit-12-il siegħa ta’ wara, ħu l-pillola mill-ewwel, imbagħad ħu l-pillola li jkun imiss fil-ħin tas-soltu. Jekk tinsa tieħu Clopidogrel 1A
Pharma għal aktar minn 12-il siegħa, sempliċiment ħu d-doża waħda li jkun imiss fil-ħin tas-soltu. Tiħux doża doppja biex tagħmel tajjeb għad-doża li tkun insejt tieħu.

Meta tieqaf tieħu Clopidogrel 1A Pharma
Twaqqafx il-kura. Informa lit-tabib jew l-ispizjar tiegħek qabel twaqqaf il-kura.

Jekk għandek aktar mistoqsijiet dwar l-użu ta’ dan il-prodott, staqsi lit-tabib jew lill-ispiżjar tiegħek.
EFFETTI SEKONDARJI LI JISTA’ JKOLLU

Bħal kull mediċina oħra, Clopidogrel 1A Pharma jista’ jkollu effetti sekondarji, għalkemm ma jidhrux fuq kulħadd.

Għarraf lit-tabib tiegħek minnufih jekk:
- jitlagħlek id-deni, ikollok sinjali ta’ infezzjoni jew ħafna għeja. Dawn jista’ jkunu minħabba tnaqqis rari ta’ xi ċelluli tad-demm.
- sinjali ta’ mard tal-fwied bħal sfurija tal-ġilda u/jew ta’ l-għajnejn (suffejra), kemm jekk dan huwa assoċjat jew le ma’ emoraġija li tidher taħt il-ġilda bħala tikek ħomor irqaq u/jew konfużjoni (ara sezzjoni 2 'Oqgħod attent ħafna b'Clopidogrel 1A Pharma').
- nefħa fil-ħalq jew disturbi fil-ġilda bħal raxxijiet u ħakk, infafet fil-ġilda. Dawn jistgħu jkunu sinjali ta' reazzjoni allerġika.
  
  L-iżjed effett komuni (jaffettwa minn 1 sa 10 pazjenti minn kull 100) irrappurtat bi Clopidogrel hija l-fsada. Din tista' sseħħ bħala fsada fl-istonku jew fl-imsaren, tbenġil, ematoma (fsada jew tbenġil
  mhux tas-soltu taħt il-ġilda), tinfaraġ, demm fl-awrina. F’numru żgħir ta’ każijiet oħra ġew irrappurtati fsada fl-għajn, fir-ras, fil-pulmun jew fil-ġogi.
  
  Jekk tbati minn fsada għal perjodu twil waqt li qed tieħu Clopidogrel 1A Pharma. Jekk taqta' x'imkien jew tweġġa', id-demm jista' jdum aktar mis-soltu biex jieqaf. Dan minħabba l-mod ta' kif taħdem il-mediċina tiegħek billi ma tħallix li jiffurmaw iċ-ċapep tad-demm. Għal qtugħ u feriti żgħar eż. meta taqta' x'imkien, meta tqaxxar, normalment m'hemmx għalfejn tinkwieta. Madanakollu, jekk
  id-demm li ħiereġ jinkwetak, għandek tkellem lit-tabib tiegħek minnufih (ara sezzjoni 2 'Oqgħod attent
  ħafna b'Clopidogrel 1A Pharma').
  
  Prodott mediċinali li m’għadux awtorizzat
  L-effetti sekondarji jistgħu jseħħu b'ċerti frekwenzi, li huma definiti kif ġej:
  - komuni ħafna, jaffettwaw iktar minn utent 1 minn kull 10
  - komuni: jaffettwaw minn 1 sa 10 utenti minn kull 100
  - mhux komuni: jaffettwaw minn 1 sa 10 utenti minn kull 1,000
  - rari: jaffettwaw minn 1 sa 10 utenti minn kull 10,000
  - rari ħafna: jaffettwaw inqas minn utent 1 minn kull 10,000
  - mhux magħruf: ma tistax tittieħed stima mid-data disponibbli.
  Effetti oħra li ġew irrappurtati bi Clopidogrel huma:
  -Effetti sekondarji komuni:
  Dijarea, uġigħ addominali, indiġestjoni jew ħruq fl-istonku.
  
  -Effetti sekondarji mhux komuni:
  Uġigħ ta’ ras, ulċera fl-istonku, rimettar, tqalligħ, stitikezza, gass żejjed fl-istonku jew fl-imsaren, raxxijiet, ħakk, sturdament, sensazzjoni ta’ tnemnim u tirżiħ.
  
  -Effetti sekondarji rari: Vertigo.
  
  -Effetti sekondarji rari ħafna:
  suffejra; uġigħ addominali qawwi flimkien ma' jew mingħajr uġigħ fid-dahar; deni, diffikultajiet fin- nifs kultant assoċjati mas-sogħla; reazzjonijiet allerġiċi ġeneralizzati; nefħa fil-ħalq; infafet fil-ġilda; reazzjoni allerġika fil-ġilda; infjammazzjoni tal-ħalq (stomatite); tnaqqis fil-pressjoni tad-demm; konfużjoni; alluċinazzjonijiet; uġigħ fil-ġogi; uġigħ muskolari; tibdiliet fil-mod ta’ kif jintegħmu l- affarijiet.
  
  Barra minn hekk, it-tabib tiegħek jista’ jinduna b’xi tibdil fir-riżultati tat-testijiet tad-demm jew ta’ lawrina tiegħek.
  Jekk xi wieħed mill-effetti sekondarji jiggrava, jew jekk tinnota xi effetti sekondarji li m’humiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
KIF TAĦŻEN CLOPIDOGREL 1A PHARMA

Aħżen fil-folja oriġinali sabiex tilqa' mill-umdità.

Żommu fejn ma jintlaħaqx u ma jidhirx mit-tfal.

Tużax Clopidogrel 1A Pharma wara d-data ta’ skadenza li tidher fuq il-kaxxa few fuq il-folja wara JIS. Id-data ta’ skadenza tirreferi għall-aħħar ġurnata ta’ dak ix-xahar.

Tużax Clopidogrel 1A Pharma jekk tinnota kwalunkwe sinjali viżibbli ta' ħsara fil-folja jew fil-pilloli miksija b’rita.

Il-mediċini m’għandhomx jintremew ma’ l-ilma tad-dranaġġ jew ma’ l-iskart domestiku. Staqsi lillispiżjar dwar kif għandek tarmi mediċini li m’għandekx bżonn. Dawn il-miżuri jgħinu għal protezzjoni ta’ l-ambjent.
AKTAR TAGĦRIF

X’fih Clopidogrel 1A Pharma

Prodott mediċinali li m’għadux awtorizzat

Is-sustanza attiva hi Clopidogrel. Kull pillola fiha 75 mg ta’Clopidogrel (bħala besilate). Is-sustanzi l-oħra huma:

Rita tal-pillola:

Macrogol,

Cellulose, microcrystalline (E460) Crospovidone type A

Castor oil, hydrogenated

Kisja tar-rita: Macrogol 6000 Ethylcellulose (E462)

Titanium dioxide (E 171)

Id-Dehra ta’ Clopidogrel 1A Pharma u l-kontenuti tal-pakkett

Il-pilloli miksija b’rita Clopidogrel 1A Pharma huma bojod sa abjad jagħti fil-griż, qishom irħam u bikonvessi. Huma fornuti f’kaxex tal-kartun li fihom 14, 28, 30, 50, 84, 90 u 100 pillola ġo folji tal- aluminju. Jista’ jkun li mhux il-pakketti tad-daqsijiet kollha jkunu għall-skop kummerċjali.

Id-Detentur ta’ l-Awtorizzazzjoni għat-Tqegħid fis-Suq

Acino Pharma GmbH Am Windfeld 35

83714 Miesbach Il-Ġermanja

Manifattur

Acino AG

Am Windfeld 35

83714 Miesbach Il-Ġermanja

Salutas Pharma GmbH Otto-von-Guericke-Allee 1

39179 Barleben Il-Ġermanja

Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur ta’ l-Awtorizzazzjoni għat-tqegħid fis-Suq:

België/Belgique/Belgien 1 A Pharma GmbH Keltenring 1 + 3

D-82041 Oberhaching Allemagne/Duitsland Tél/Tel: + 49 89 6138825 – 0

Luxembourg/Luxemburg 1 A Pharma GmbH Keltenring 1 + 3

D-82041 Oberhaching Allemagne/Deutschland Tél/Tel: + 49 89 6138825 - 0

България

1 A Pharma GmbH Keltenring 1 + 3

D-82041 Oberhaching

Германия

Prodott mediċinali li m’għadux awtorizzat

Teл.: + 49 89 6138825 – 0

Magyarország

1 A Pharma GmbH Keltenring 1 + 3

D-82041 Oberhaching

Németország

Tel.: + 49 89 6138825 - 0

Česká republika 1 A Pharma GmbH Keltenring 1 + 3

D-82041 Oberhaching Německo

Tel: + 49 89 6138825 – 0

Malta

1 A Pharma GmbH Keltenring 1 + 3

D-82041 Oberhaching Il-Ġermanja

Tel: + 49 89 6138825 - 0

Danmark

Sandoz A/S

Edvard Thomsens Vej 14 DK-2300 København S info.sandoz-dk@sandoz.com

Nederland

1 A Pharma GmbH Keltenring 1 + 3

D-82041 Oberhaching Duitsland

Tel: + 49 89 6138825 – 0

Deutschland

1 A Pharma GmbH Keltenring 1 + 3

D-82041 Oberhaching Tel: + 49 89 6138825 - 0

medwiss@1apharma.com

Norge

1 A Pharma GmbH Keltenring 1 + 3

D-82041 Oberhaching Tyskland

Tlf: + 49 89 6138825 - 0

Eesti

1 A Pharma GmbH Keltenring 1 + 3

D-82041 Oberhaching Saksamaa

Tel: + 49 89 6138825 – 0

Österreich

1A Pharma GmbH

Eduard-Kittenberger-Gasse 56 A-1235 Wien

Tel: + 43 (0)1 480 56 03

Ελλάδα

1 A Pharma GmbH Keltenring 1 + 3

D-82041 Oberhaching

Γερμανία

Τηλ: + 49 89 6138825 – 0

Polska

1A Pharma GmbH Sp. Z.o.o. ul. Grojecka 22/24 lok. 49/50

02-021 Warszawa

Tel: + 48 22 213 11 45

España

ACOST Comercial Generic Pharma, S.L C/ Ferraz 10, 1º izdq

E-28008 Madrid

Tel.: + 34 91 548 84 04

Portugal

1Apharma – Produtos Farmacêuticos S.A Alameda da Beloura

Edifício 1, 2º andar - Escritório 15 P-2710-693 Sintra

Tel: + 351 21 924 19 19

France

1 A Pharma GmbH Keltenring 1 + 3

D-82041 Oberhaching Allemagne

Tél: + 49 89 6138825 - 0

România

1 A Pharma GmbH Keltenring 1 + 3

D-82041 Oberhaching Germania

Tel: + 49 89 6138825 – 0

Ireland

1 A Pharma GmbH Keltenring 1 + 3

D-82041 Oberhaching Germany

Tel: + 49 89 6138825 - 0

Slovenija

1 A Pharma GmbH Keltenring 1 + 3

D-82041 Oberhaching Nemčija

Tel: + 49 89 6138825 – 0

Ísland

Prodott mediċinali li m’għadux awtorizzat

1 A Pharma GmbH Keltenring 1 + 3

D-82041 Oberhaching Þýskaland

Sími: + 49 89 6138825 - 0

Slovenská republika 1 A Pharma GmbH Keltenring 1 + 3

D-82041 Oberhaching Nemecko

Tel: + 49 89 6138825 – 0

Italia

1 A Pharma GmbH Keltenring 1 + 3

D-82041 Oberhaching Germania

Tel: + 49 89 6138825 - 0

Suomi/Finland

1 A Pharma GmbH Keltenring 1 + 3

D-82041 Oberhaching Saksa

Puh/Tel: + 49 89 6138825 – 0

Κύπρος

1 A Pharma GmbH Keltenring 1 + 3

D-82041 Oberhaching

Γερμανία

Τηλ: + 49 89 6138825 - 0

Sverige

1 A Pharma GmbH Keltenring 1 + 3

D-82041 Oberhaching Tyskland

Tel: + 49 89 6138825 – 0

Latvija

1 A Pharma GmbH Keltenring 1 + 3

D-82041 Oberhaching

Vācija

Tel: + 49 89 6138825 - 0

United Kingdom 1 A Pharma GmbH Keltenring 1 + 3

D-82041 Oberhaching Germany

Tel: + 49 89 6138825 – 0

Lietuva

1 A Pharma GmbH Keltenring 1 + 3

D-82041 Oberhaching

Vokietija

Tel: + 49 89 6138825 - 0

Dan il-fuljett kien approvat l-aħħar f’

Prodott mediċinali li m’għadux awtorizzat

FULJETT TA’ TAGĦRIF: INFORMAZZJONI GĦAL MIN QED JAGĦMEL UŻU MINNU

Clopidogrel 1A Pharma 75 mg pilloli miksija b’rita

Aqra sew dan il-fuljett kollu qabel tibda tieħu din il-mediċina.

F’dan il-fuljett:

X’INHU CLOPIDOGREL 1A PHARMA U GĦALXIEX JINTUŻA

QABEL MA TIEĦU CLOPIDOGREL 1A PHARMA

Tiħux Clopidogrel 1A Pharma:

Oqgħod attent ħafna b’Clopidogrel 1A Pharma:

Tfal u adolexxenti

Meta tieħu mediċini oħra

Meta tiehu Clopidogrel 1A Pharma ma’ l-ikel jew ix-xorb

Tqala u treddigħ

Sewqan u tħaddim ta’ magni

Tagħrif importanti dwar xi wħud mis-sustanzi ta’ Clopidogrel 1A Pharma:

KIF GĦANDEK TIEĦU CLOPIDOGREL 1A PHARMA

Jekk tieħu Clopidogrel 1A Pharma aktar milli suppost:

Jekk tinsa tieħu Clopidogrel 1A Pharma

Meta tieqaf tieħu Clopidogrel 1A Pharma

EFFETTI SEKONDARJI LI JISTA’ JKOLLU

Għarraf lit-tabib tiegħek minnufih jekk:

Effetti oħra li ġew irrappurtati bi Clopidogrel huma:

KIF TAĦŻEN CLOPIDOGREL 1A PHARMA

AKTAR TAGĦRIF

X’fih Clopidogrel 1A Pharma

Id-Dehra ta’ Clopidogrel 1A Pharma u l-kontenuti tal-pakkett

Id-Detentur ta’ l-Awtorizzazzjoni għat-Tqegħid fis-Suq

Manifattur

België/Belgique/Belgien 1 A Pharma GmbH Keltenring 1 + 3

Luxembourg/Luxemburg 1 A Pharma GmbH Keltenring 1 + 3

България

Magyarország

Česká republika 1 A Pharma GmbH Keltenring 1 + 3

Malta

Danmark

Nederland

Deutschland

Norge

Eesti

Österreich

Ελλάδα

Polska

España

Portugal

France

România

Ireland

Slovenija

Ísland

Slovenská republika 1 A Pharma GmbH Keltenring 1 + 3

Italia

Suomi/Finland

Κύπρος

Sverige

Latvija

United Kingdom 1 A Pharma GmbH Keltenring 1 + 3

Lietuva

Dan il-fuljett kien approvat l-aħħar f’