Temozolomide Sun
temozolomide
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew l-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew l-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Temozolomide SUN u għalxiex jintuża
X’għandek tkun taf qabel ma tieħu Temozolomide SUN
Kif għandek tieħu Temozolomide SUN
Effetti sekondarji possibbli
Kif taħżen Temozolomide SUN
Kontenut tal-pakkett u informazzjoni oħra
Temozolomide SUN fih mediċina msejħa temozolamide. Din il-mediċina hija sustanza. Temozolomide SUN jintuża għall-kura ta’ tipi speċifiċi ta’ tumuri fil-moħħ:
f’adulti bi glijoblastoma multiforme idddijanjostikata għall-ewwel darba. Temozolomide SUN
għall-ewwel jintuża flimkien ma’ radjuterapija (il-fażi tal-kura bl-użu fl-istess ħin) u wara, jintuża waħdu (il-fażi tal-kura b’mediċina waħda).
fi tfal li għandhom minn 3 snin ’il fuq u f’pazjenti adulti bi glijoma malinna, bħal glijoblastoma multiforme jew astroċitoma anaplastika. Temozolomide SUN jintuża f’dawn it-tumuri jekk
jerġgħu jitfaċċaw jew imorru għall-agħar wara kura standard.
jekk inti allerġiku/a għal temozolomide jew għal xi sustanza oħra ta’ din il-mediċina (elenkati fis-sezzjoni 6).
jekk kellek reazzjoni allerġika għal dacarbazine (mediċina kontra l-kanċer xi kultant
imsejħa DTIC). Sinjali ta’ reazzjoni allerġika jinkludu ħakk, qtugħ ta’ nifs jew tħarħir, jew nefħa tal-wiċċ, xufftejn, ilsien jew gerżuma.
jekk in-numri ta’ ċerti tipi ta’ ċelluli tad-demm, bħaċ-ċelluli tad-demm bojod jew il-plejtlits tiegħek jonqsu b’mod sever (kundizzjoni magħrufa bħala majelosoppressjoni). Dawn iċ-ċelluli tad-demm huma importanti biex jiġġieldu kontra l-infezzjonijiet u biex id-demm jagħqad kif
suppost. It-tabib tiegħek ser iċċekkja d-demm tiegħek biex jiżgura li għandek biżżejjed minn dawn iċ-ċelluli qabel ma tibda l-kura.
Kellem lit-tabib, lill-ispiżjar jew l-infermier tiegħek qabel tieħu Temozolomide SUN
ser tiġi osservat mill-qrib għall-iżvilupp ta’ forma serja ta’ pnewmonja msejħa pnewmonja Pneumocystis jirovecii (PCP). Jekk tkun ġejt iddijanjostikat għall-ewwel darba bi glijoblastoma multiforme, hu possibbli li se tirċievi Temozolomide SUN għal 42 jum flimkien ma’ radjuterapija. F’dan il-każ, it-tabib tiegħek ser jagħtik riċetta wkoll għal mediċina biex jgħinek fil-prevenzjoni ta’ dan it-tip ta’ pnewmonja (PCP).
jekk qatt kellek jew jista’ jkun li issa għandek infezzjoni b’epatite B. Dan minħabba li Temozolomide SUN jista’ jikkawża li l-epatite B terġa’ ssir attiva, u f’xi każijiet dan jista’ jkun fatali. Il-pazjenti se jiġu ċċekkjati b’attenzjoni mit-tabib tagħhom għal sinjali ta’ din l-infezzjoni qabel tinbeda l-kura.
jekk ikollok għadd baxx ta’ ċelluli ħomor tad-demm (anemija), ċelluli bojod tad-demm u
plejtlits, jew problemi fit-tagħqid tad-demm qabel il-bidu tal-kura, jew jekk tiżviluppahom matul il-kura. Id-demm tiegħek ser jiġi ttestjat b’mod frekwenti matul il-kura biex isir monitoraġġ tal-effetti sekondarji ta’ Temozolomide SUN fuq iċ-ċelluli tad-demm tiegħek. It- tabib tiegħek jista’ jiddeċiedi li jnaqqas id-doża, jinterrompi, jew jibdel il-kura tiegħek. Jista’ wkoll ikollok bżonn ta’ kuri oħrajn. F’ċerti każijiet, jista’ jkun hemm bżonn li l-kura b’Temozolomide SUN titwaqqaf.
peress li inti jista’ jkollok riskju żgħir ta’ tibdil ieħor fiċ-ċelluli tad-demm, li jinkludi lewkimja.
jekk għandek nawseja (tħossok imdardar) u/jew rimettar, li huma effetti sekondarji komuni ħafna ta’ Temozolomide SUN (ara sezzjoni 4), it-tabib tiegħek jista’ jagħtik riċetta għal
mediċina (antiemetika) li tgħin fil-prevenzjoni tar-rimettar.
Jekk tirremetti ta’ spiss qabel u waqt il-kura, staqsi lit-tabib tiegħek dwar meta hu l-aħjar ħin biex tieħu Temozolomide SUN sakemm ir-rimettar jiġi kkontrollat. Jekk tirremetti wara li tkun ħadt id-doża, tiħux it-tieni doża fl-istess jum.
jekk tiżviluppa deni jew sintomi ta’ infezzjoni, ikkuntattja lit-tabib tiegħek immedjatament.
jekk għandek iktar minn 70 sena, tista’ tkun iktar suxxettibbli għal infezzjoni, tbenġil jew ħruġ
ta’ demm.
jekk għandek problemi tal-fwied jew tal-kliewi, id-doża tiegħek ta’ Temozolomide SUN jista’ jkollha bżonn li tiġi aġġustata.
Tagħtix din il-mediċina lil tfal li għandhom inqas minn 3 snin peress li ma ġietx studjata. Hemm informazzjoni limitata f’pazjenti li għandhom ’l fuq minn 3 snin li ħadu Temozolomide SUN.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina
oħra.
Jekk inti tqila, taħseb li tista’ tkun tqila jew qed tippjana li jkollok tarbija, itlob il-parir tat-tabib jew
tal-ispiżjar tiegħek qabel tieħu din il-mediċina. Dan għaliex inti m’għandekx tiġi kkurat
b’Temozolomide SUN matul it-tqala ħlief jekk dan ikun indikat b’mod ċar mit-tabib tiegħek.
Iridu jittieħdu prekawzjonijiet kontraċettivi effettivi mill-pazjenti nisa li jkunu jistgħu joħorġu tqal waqt li jkunu qegħdin jieħdu Temozolomide SUN, u għal mill-anqas 6 xhur wara t-tlestija tat- trattament.
Għandek twaqqaf it-treddigħ waqt li tkun qed tirċievi kura b’Temozolomide SUN.
Temozolomide SUN jista’ jikkawża infertilità permanenti. Pazjenti rġiel għandhom jużaw kontraċezzjoni effettiva u m’għandux ikollhom tfal għal mill-anqas 3 xhur wara li jwaqqfu l-kura. Huwa rrakkomandat li jinkiseb parir dwar il-konservazzjoni tal-isperma qabel il-kura.
Temozolomide SUN jista’ jikkawża li tħossok għajjien jew bi ngħas. F’dan il-każ, issuqx, tużax
għodda jew magni u ssuqx rota sakemm tara kif taffettwak din il-mediċina (ara sezzjoni 4).
Temozolomide SUN fih lactose (tip ta’ zokkor). Jekk it-tabib tiegħek qallek li għandek intolleranza
għal ċerti tipi ta’ zokkor, ikkuntattja lit-tabib tiegħek qabel ma tieħu dan il-mediċina.
Dejjem għandek tieħu din il-mediċina skont il-parir eżatt tat-tabib jew tal-ispiżjar tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
Dożaġġutultal-kura
It-tabib tiegħek ser jikkalkula d-doża tiegħek ta’ Temozolomide SUN. Din tkun ibbażata fuq id-daqs tiegħek (tul u piż) u jekk għandekx tumur rikorrenti u jekk kellekx kura permezz ta’ kimoterapija fil- passat.
Tista’ tingħata mediċini oħra (antiemetiċi) biex teħodhom qabel u/jew wara li tieħu Temozolomide SUN biex tevita jew tikkontrolla n-nawseja u r-rimettar.
Pazjenti li ġew iddijanjostikati għall-ewwel darba bi glijoblastoma multiforme
Jekk inti pazjent li ġejt iddijanjostikat għall-ewwel darba, il-kura ser iseħħ f’żewġ fażijiet:
kura flimkien ma’ radjuterapija (il-fażi tal-kura bl-użu fl-istess ħin)
segwita mill-kura b’Temozolomide SUN biss (il-fażi tal-kura b’mediċina waħda).
Matul il-fażi tal-kura bl-użu fl-istess ħin, it-tabib tiegħek ser jibda Temozolomide SUN f’doża ta’ 75 mg/m2 (doża tas-soltu). Inti ser tieħu din id-doża kuljum għal 42 sa 49 jum flimkien ma’ radjuterapija. Id-doża ta’ Temozolomide SUN tista’ tiġi tittardjata jew titwaqqaf, skont l-għadd taċ- ċelluli tad-demm tiegħek u kif tittollera l-mediċina tiegħek matul il-fażi tal-kura bl-użu fl-istess ħin. Ġaladarba r-radjuterapija titlesta, mhux ser tirċievi kura għal 4 ġimgħat. Dan ser jagħti ċans lill- ġismek biex jirkupra.
Imbagħad, ser tibda l-fażi tal-kura b’mediċina waħda.
Waqt il-fażi tal-kura b’mediċina waħda, id-doża u l-mod kif tieħu Temozolomide SUN jista’ jvarja. It- tabib tiegħek ser jikkalkula d-doża eżatta tiegħek.
Jista’ jkun hemm sa 6 perjodi (ċikli) ta’ kura. Kull wieħed idum 28 jum.
L-ewwel doża se tkun ta’ 150 mg/m2. Se tieħu d-doża l-ġdida tiegħek ta’ Temozolomide SUN darba kuljum għall-ewwel 5 ijiem (“jiem ta’ dożaġġ”) ta’ kull ċiklu. Imbagħad se jkollok 23 jum mingħajr
Temozolomide SUN. Dan jagħmel ċiklu ta’ kura ta’ 28 jum.
Wara jum 28, jibda ċ-ċiklu li jmiss. Se tieħu mill-ġdid Temozolomide SUN darba kuljum għal 5 ijiem segwiti minn 23 jum mingħajr Temozolomide SUN.
Id-doża ta’ Temozolomide SUN tista’ tiġi aġġustata, ittardjata jew imwaqqfa, skont l-għadd taċ-ċelluli
tad-demm tiegħek u kif tittollera l-mediċina tiegħek matul kull ċiklu ta’ kura.
Pazjenti b’tumuri li jkunu reġgħu tfaċċaw jew marru għall-agħar (glijoma malinna, bħal glijoblastoma multiforme jew astroċitoma anaplastika) li jkunu qed jieħdu Temozolomide SUN biss
Ċiklu ta’ kura b’Temozolomide SUN idum 28 jum.
Imbagħad ser tieħu Temozolomide SUN biss darba kuljum għall-ewwel 5 ijiem. Din id-doża ta’ kuljum tiddependi fuq jekk tkunx irċivejt kimoterapija fil-passat jew le.
Jekk ma tkunx ġejt ikkurat bil-kimoterapija fil-passat, l-ewwel doża tiegħek ta’ Temozolomide SUN se tkun ta’ 200 mg/m2 darba kuljum għall-ewwel 5 ijiem. Jekk tkun ġejt ikkurat bil-kimoterapija fil-
passat, l-ewwel doża tiegħek ta’ Temozolomide SUN se tkun ta’ 150 mg/m2 darba kuljum għall-ewwel 5 ijiem. Imbagħad, se jkollok 23 jum mingħajr Temozolomide SUN. Dan jagħmel ċiklu ta’ kura ta’ 28 jum.
Wara jum 28, jibda ċ-ċiklu li jmiss. Se tieħu mill-ġdid Temozolomide SUN darba kuljum għal 5 ijiem, segwiti minn 23 jum mingħajr Temozolomide SUN.
Qabel kull ċiklu ġdid ta’ kura, id-demm tiegħek ser jiġi ttestjat biex it-tabib jara jekk id-doża ta’ Temozolomide SUN għandhiex bżonn tiġi aġġustata. Skont ir-riżultati tat-testijiet tad-demm, it-tabib tiegħek jista’ jaġġusta d-doża tiegħek għaċ-ċiklu li jkun imiss.
KifgħandektieħuTemozolomideSUN
Ħu d-doża tiegħek ta’ Temozolomide SUN li għaliha ngħatajt riċetta darba kuljum, preferibbilment fl- istess ħin kuljum.
Ħu l-kapsuli fuq stonku vojt; pereżempju, mill-inqas siegħa qabel ma tippjana li tieħu l-kolazzjon.
Ibla’ l-kapsula/i sħiħa ma’ tazza ilma. M’għandekx tiftaħ jew tomgħod il-kapsuli. Jekk kapsula tiġrilha
l-ħsara, evita l-kuntatt mal-ġilda, għajnejn jew imnieħer. Jekk inti bi żball idaħħal xi ftit f’għajnejk jew f’imnieħrek, laħlaħ il-parti bl-ilma.
Skont id-doża li għaliha tingħata riċetta, jista’ jkollok bżonn tieħu iktar minn kapsula waħda fl-istess ħin. Jista’ jkollok bżonn tieħu qawwiet differenti biex tasal għad-doża. Il-marki fuq il-kapsula huma differenti għal kull qawwa (ara tabella hawn taħt).
Qawwa | Stampar |
Temozolomide SUN 5 mg kapsuli ibsin | 890 u 5 mg |
Temozolomide SUN 20 mg kapsuli ibsin | 891 u 20 mg |
Temozolomide SUN 100 mg kapsuli ibsin | 892 u 100 mg |
Temozolomide SUN 140 mg kapsuli ibsin | 929 u 140 mg |
Temozolomide SUN 180 mg kapsuli ibsin | 930 u 180 mg |
Temozolomide SUN 250 mg kapsuli ibsin | 893 u 250 mg |
Għandek taċċerta ruħek li tifhem b’mod sħiħ u tiftakar dan li ġej:
- in-numru ta’ kapsuli li għandek bżonn tieħu f’kull jum ta’ dożaġġ. Staqsi lit-tabib jew lill- ispiżjar tiegħek biex jikteb id-doża (inklużi l-marki)
liema jiem huma l-jiem tad-dożaġġ tiegħek.
Evalwa d-doża mat-tabib tiegħek kull darba li tibda ċiklu ġdid, għax tista’ tkun differenti mill-aħħar ċiklu.
Dejjem għandek tieħu Temozolomide SUN skond il-parir eżatt tat-tabib. Hu importanti ħafna li tiċċekkja mat-tabib jew mal-ispiżjar tiegħek jekk ikollok xi dubju. Jekk tieħu żball fil-mod kif tieħu din il-mediċina, dan jista’ jkollu konsegwenzi serji fuq is-saħħa.
Jekk aċċidentalment tieħu aktar kapsuli ta’ Temozolomide SUN milli ingħatajt parir tieħu, ikkuntattja
lit-tabib , lill-ispiżjar jew l-infermier tiegħek immedjatament.
Hu d-doża li tkun insejt tieħu kemm jista’ jkun malajr fl-istess ġurnata. Jekk tkun għaddiet ġurnata
sħiħa, iċċekkja mat-tabib tiegħek. M’għandekx tieħu doża doppja biex tpatti għal kull doża li tkun insejt tieħu, ħlief jekk it-tabib jgħidlek biex tagħmel hekk.
Jekk għandek aktar mistoqsijiet dwar l-użu ta’ din il-mediċina, staqsi lit-tabib, lill-ispiżjar jew l- infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Ikkuntattjalit-tabibtiegħekimmedjatament jekkikollokkwalunkweminndawnliġejjin:
reazzjoni allerġika serja (sensittività eċċessiva) (urtikarja, tħarħir jew diffikultà biex tieħu n- nifs),
ħruġ ta’ demm mhux ikkontrollat,
puplesija (konvulżjonijiet),
deni,
tkexkix ta’ bard,
uġigħ ta’ ras sever li jippersisti.
Il-kura b’Temozolomide SUN tista’ tikkawża tnaqqis f’ċerti tipi ta’ ċelluli tad-demm. Dan jista’ jikkawżalek li jkollok żieda fit-tbenġil jew fil-ħruġ ta’ demm, anemija (nuqqas ta’ ċelluli ħomor tad- demm), deni, u tnaqqis fir-reżistenza għall-infezzjonijiet. It-tnaqqis fl-għadd taċ-ċelluli tad-demm normalment ma jdumx ma jgħaddi. F’xi każijiet, jista’ jieħu fit-tul u jista’ jwassal għal forma severa ħafna ta’ anemija (anemija aplastika). It-tabib tiegħek ser jimmonitorja d-demm tiegħek regolarment għal kwalunkwe tibdil, u ser jiddeċiedi jekk kwalunkwe kura speċifika hix meħtieġa. F’xi każijiet, id- doża tiegħek ta’ Temozolomide SUN se titnaqqas jew il-kura titwaqqaf.
Effettisekondarjioħraliġewirrappurtatihumaelenkatihawntaħt:
Effetti sekondarji komuni ħafna (jistgħu jaffettwaw aktar minn persuna 1 minn kull 10 ) huma:
telf t’aptit, diffikultà biex titkellem, uġigħ ta’ ras
rimettar, dardir, dijarea, stitikezza
raxx, telf ta’ xagħar
għeja
Effetti sekondarji komuni (jistgħu jaffettwaw sa persuna 1 minn kull 10 ) huma:
infezzjonijiet, infezzjonijiet fil-ħalq, infezzjonijiet f’ferita
numru mnaqqas ta’ ċellui tad-demm (newtropenija, limfopenija, tromboċitopenija)
reazzjoni allerġika
żieda fiz-zokkor fid-demm
indeboliment fil-memorja, depressjoni, ansjetà, konfużjoni, ma tkunx tista’ torqod jew ma tkunx tista’ tibqa’ rieqed/rieqda
indeboliment fil-koordinazzjoni u l-bilanċ
diffikultà biex tikkonċentra, bidla fl-istat mentali jew fl-attenzjoni, tinsa’
sturdament, sensazzjonijiet indeboliti, sensazzjonijiet ta’ tingiż, rogħda, togħma mhux normali
telf parzjali tal-vista, vista mhux normali, vista doppja, għajnejn xotti jew juġgħu
truxija, żarżir fil-widnejn, uġigħ fil-widna
tagħqid ta’ demm fil-pulmun jew fir-riġlejn, pressjoni għolja
pulmonite, qtugħ ta’ nifs, bronkite, sogħla, infjammazzjoni fis-sinusis
uġigħ fl-istonku jew fl-addome, stonku mqalleb/ħruq ta’ stonku, diffikultà biex tibla’
ġilda xotta, ħakk
ħsara fil-muskoli, dgħufija fil-muskoli, uġigħ u weġgħat fil-muskoli
ġogi juġgħu, uġigħ fid-dahar
tagħmel l-awrina b’mod frekwenti, diffikultà biex iżżomm l-awrina
deni, sintomi bħal tal-influwenza, uġigħ, tħossok ma tiflaħx, riħ jew influwenza
żamma ta’ fluwidu, riġlejn minfuħa
żieda fil-livelli tal-enzimi tal-fwied
telf ta’ piż, żieda fil-piż
korriment ikkawżat minn radjazzjoni
Effetti sekondarji mhux komuni (jistgħu jaffettwaw sa persuna 1 minn kull 100 ) huma:
infezzjonijiet fil-moħħ (meningoenċefalite erpetika) inklużi każijiet fatali
infezzjonijiet ġodda jew attivati mill-ġdid ta’ ċitomegalovirus
infezzjonijiet attivati mill-ġdid tal-virus tal-epatite B
kanċers sekondarji inkluża lewkimja
għadd imnaqqas ta’ ċelluli tad-demm (panċitopenija, anemija, lewkopenija)
dbabar ħomor taħt il-ġilda
dijabete insipidus (sintomi jinkludu żieda fl-għamil tal-awrina u tħossok bil-għatx), livell baxx
ta’ potassium fid-demm
bidliet fil-burdata, alluċinazzjoni
paraliżi parzjali, bidla fis-sens tax-xamm
indeboliment fis-smigħ, infezzjoni fil-parti tan-nofs tal-widna
palpitazzjonijiet (meta inti tista’ tħoss qalbek tħabbat), fwawar sħan
stonku minfuħ, diffikultà biex tikkontrolla l-ippurgar, murliti, ħalq xott
epatite u ħsara fil-fwied (inkluża insuffiċjenza fatali tal-fwied), kolestasi, żieda fil-bilirubin
infafet fuq il-ġisem jew fil-ħalq, taqxir tal-ġilda, żbroff fil-ġilda, ġilda tiħmar u tuġgħa, raxx sever b’nefha fil-ġilda (inklużi l-keff tal-id u l-pala tas-sieq)
żieda fis-sensittività għadd-dawl tax-xemx, urtikarja (ħorriqija), żieda fil-ħruġ tal-għaraq, bidla
fil-kulur tal-ġilda
diffikultà biex tagħmel l-awrina
ħruġ ta’ demm mill-vaġina, irritazzjoni fil-vaġina, menstruazzjoni li ma sseħħx jew tkun qawwija, uġigħ fis-sider, impotenza sesswali
rogħda, nefħa fil-wiċċ, bidla fil-kulur tal-ilsien, għatx, disturb fis-snien
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi xi
effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistemata’rappurtarnazzjonali imniżżla f’AppendiċiV. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal, l-aħjar f’armarju maqful. Jekk jibilgħuh b’mod aċċidentali jista’ joqtolhom.
Tużax din il-mediċina wara d-data ta’ meta tiskadi li tidher fuq it-tikketta u l-kartuna. Id-data ta’ meta
tiskadi tirreferi għall-aħħar ġurnata ta’ dak ix-xahar. Taħżinx f’temperatura ’l fuq minn 25°C.
Għid lill-ispiżjar tiegħek jekk tinnota kwalunkwe tibdil fid-dehra tal-kapsuli.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għal protezzjoni ta’ l-ambjent.
Is-sustanza attiva hi temozolomide.
Temozolomide SUN 5 mg kapsuli ibsin: Kull kapsula iebsa fiha 5 mg ta’ temozolomide.
Temozolomide SUN 20 mg kapsuli ibsin: Kull kapsula iebsa fiha 20 mg ta’ temozolomide.
Temozolomide SUN 100 mg kapsuli ibsin: Kull kapsula iebsa fiha 100 mg ta’ temozolomide. Temozolomide SUN 140 mg kapsuli ibsin: Kull kapsula iebsa fiha 140 mg ta’ temozolomide. Temozolomide SUN 180 mg kapsuli ibsin: Kull kapsula iebsa fiha 180 mg ta’ temozolomide. Temozolomide SUN 250 mg kapsuli ibsin: Kull kapsula iebsa fiha 250 mg ta’ temozolomide.
Is-sustanzi l-oħra huma:
kontenut tal-kapsula: lactose, sodium starch glycolate (Tip B), tartaric acid, stearic acid (ara sezzjoni 2 “Temozolomide SUN fih lactose”)
qoxra tal-kapsula: gelatin, titanium dioxide (E171), sodium laurilsulfate
linka tal-istampar:
Temozolomide SUN 5 mg kapsuli ibsin: shellac, propylene glycol, isfar iron oxide (E172), Blue
#1/Brilliant Blue FCF Aluminium Lake (E133).
Temozolomide SUN 20 mg kapsuli ibsin: shellac, propylene glycol, isfar iron oxide (E172).
Temozolomide SUN 100 mg kapsuli ibsin: shellac, propylene glycol, red iron oxide (E172), isfar iron oxide (E172), titanium dioxide (E171).
Temozolomide SUN 140 mg kapsuli ibsin: shellac, propylene glycol, titanium dioxide (E171), Blue #1/Brilliant Blue FCF Aluminium Lake (E133).
Temozolomide SUN 180 mg kapsuli ibsin: shellac, propylene glycol, red iron oxide (E172).
Temozolomide SUN 250 mg kapsuli ibsin: shellac, propylene glycol, black iron oxide (E172).
5 mg kapsuli ibsin
Temozolomide SUN 5 mg kapsuli ibsin tal-ġelatina, b’għatu u korp opaki bojod, stampati b’linka ħadra. L-għatu hu stampat b’‘890’. Il-korp hu stampat b’‘5 mg’ u żewġ strixxi.
20 mg kapsuli ibsin
Temozolomide SUN 20 mg kapsuli ibsin tal-ġelatina, b’għatu u korp opaki bojod, stampati b’linka safra. L-għatu hu stampat b’‘891’. Il-korp hu stampat b’‘20 mg’ u żewġ strixxi.
100 mg kapsuli ibsin
Temozolomide SUN 100 mg kapsuli ibsin tal-ġelatina, b’għatu u korp opaki bojod, stampati b’linka roża. L-għatu hu stampat b’‘892’. Il-korp hu stampat b’‘100 mg’ u żewġ strixxi.
140 mg kapsuli ibsin
Temozolomide SUN 140 mg kapsuli ibsin tal-ġelatina, b’għatu u korp opaki bojod, stampati b’linka blu. L-għatu hu stampat b’‘929’. Il-korp hu stampat b’‘140 mg’ u żewġ strixxi.
180 mg kapsuli ibsin
Temozolomide SUN 180 mg kapsuli ibsin tal-ġelatina, b’għatu u korp opaki bojod, stampati b’linka ħamra. L-għatu hu stampat b’‘930’. Il-korp hu stampat b’‘180 mg’ u żewġ strixxi.
250 mg kapsuli ibsin
Temozolomide SUN 250 mg kapsuli ibsin tal-ġelatina, b’għatu u korp opaki bojod, stampati b’linka sewda. L-għatu hu stampat b’‘893’. Il-korp hu stampat b’‘250 mg’ u żewġ strixxi.
Il-kapsuli ibsin huma formuti f’pakketti bil-folji li fihom 5 kapsuli. Għall-pakketti ta’ 20 kapsula, 4
folji ta’ 5 kapsuli se jkunu inklużi f’kartuna.
Jista jkun li mhux il-pakketti tad-daqsijiet kollha jkunu fis-suq.
Sun Pharmaceutical Industries Europe B.V. Polarisavenue 87
2132 JH Hoofddorp
L-Olanda
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
2132 JH Hoofddorp
Nederland/Pays-Bas/Niederlande/Нидерландия/Nizozemsko/ Nederlandene/Holland/Ολλανδία/Nizozemska/The Netherlands/Holland/
Ολλανδία/Nīderlande/Nyderlandai/Pays-Bas/Niederlande/Hollandia/
L-Olanda/Nederland/Nederland/Niederlande/Países Baixos/ Nizozemska/Holandsko/Alankomaat/Nederländerna/Nederländerna
Tel./тел./tlf./τηλ./Sími/τηλ./Tlf./Puh./
+31 (0)23 568 5501
Sun Pharmaceuticals Germany GmbH Hemmelrather Weg 201
51377 Leverkusen
Deutschland
tel. +49 214 403 990
Sun Pharma Laboratorios, S.L. Rambla de Catalunya 53-55 08007 Barcelona
España
tel. +34 93 342 78 90
Sun Pharma France
11-15, Quai de Dion Bouton 92800 Puteaux
France
Tel. +33 1 41 44 44 50
Sun Pharma Italia Srl
Viale Giulio Richard, 1 20143 Milano
Italia
tel. +39 02 33 49 07 93
Ranbaxy (Poland) Sp. Z o. o.
ul. Kubickiego 11
02-954 Warszawa
Polska
Tel. +48 22 642 07 75
Terapia S.A.
Str. Fabricii nr 124
Cluj-Napoca, Judeţul Cluj România
Tel. +40 (264) 501 500
Ranbaxy UK Ltd
a Sun Pharma Company Millington Road 11 Hyde Park, Hayes 3
5th Floor
UB3 4AZ HAYES
United Kingdom
Tel. +44 (0) 208 848 8688