Bemfola
follitropin alfa
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Bemfola u għalxiex jintuża
X’għandek tkun taf qabel ma tuża Bemfola
Kif għandek tuża Bemfola
4. Effetti sekondarji possibbli
Kif taħżen Bemfola
Kontenut tal-pakkett u informazzjoni oħra
Din il-mediċina fiha s-sustanza attiva follitropin alfa, li hija kważi identika għall-ormon naturali
prodott mill-ġisem tiegħek imsejjaħ “ormon li jistimula l-follikuli” (FSH - follicle-stimulating
hormone). FSH huwa gonadotropin, tip ta’ ormon li għandu rwol importanti fil-fertilità tan-nisa u fir-
riproduzzjoni. Fin-nisa, l-FSH huwa meħtieġ għat-tkabbir u għall-iżvilupp tal-boroż (follikoli) fl- ovarji li fihom iċ-ċelloli tal-bajd. Fl-irġiel, l-FSH huwa meħtieġ għall-produzzjoni tal-isperma.
biex jgħin fir-rilaxx ta’ bajda mill-ovarji (ovulazzjoni) fin-nisa li ma jistgħux jovulaw u li ma kellhomx rispons għall-kura b’mediċina magħrufa bħala ‘clomiphene citrate’.
flimkien ma’ mediċina oħra magħrufa bħala ‘lutropin alfa’ (‘Ormon Luteinising’ jew LH) biex jgħin fir-rilaxx ta’ bajda mill-ovarji (ovulazzjoni) f’nisa li mhumiex jovulaw minħabba li l- ġisem tagħhom jipproduċi ftit li xejn gonadotropins (FSH u LH).
biex jgħin fl-iżvilupp ta’ diversi follikuli (kull waħda fiha bajda) f’nisa li jkunu għaddejjin minn proċeduri ta’ teknoloġija ta’ riproduzzjoni assistita (proċeduri li jistgħu jgħinu lin-nisa joħorġu tqal) bħall-‘fertilizzazzjoni in vitro’, ‘trasferiment tal-gamete fit-tubu fallopjan’ jew ‘trasferiment taż-żigot fit-tubu fallopjan’.
flimkien ma’ mediċina oħra magħrufa bħala ‘Gonadotropin Korjonika umana (hCG)’ biex jgħin
fil-produzzjoni tal-isperma f’irġiel li mhumiex fertili minħabba livell baxx ta’ ċerti ormoni.
Qabel ma tibda l-kura, għandha tiġi evalwata l-fertilità tiegħek u tas-sieħeb tiegħek minn tabib
b’esperjenza fil-kura ta’ disturbi fil-fertilità.
jekk inti allerġiku għall-ormon li jistimula l-follikoli jew għal xi sustanza oħra ta’ din il- mediċina (elenkati fis-sezzjoni 6).
jekk għandek tumur fl-ipotalamu u fil-glandola pitwitarja (it-tnejn huma partijiet mill-moħħ).
jekk inti mara:
b’ovarji kbar jew membrani mimlijin bi fluwidu fl-ovarji (ċisti fl-ovarji) ta’ oriġini mhux magħrufa.
bi ħruġ ta’ demm mill-vaġina li l-kawża tiegħu ma tkunx magħrufa.
b’kanċer fl-ovarji, l-utru jew fis-sider.
b’kundizzjoni li normalment tagħmel tqala normali impossibbli, bħal insuffiċjenza tal-ovarji
(menopawsa bikrija), jew xi difett fiżiku fl-organi riproduttivi.
jekk inti raġel:
– bi ħsara fit-testikoli li ma tistax titfejjaq.
Tużax Bemfola jekk xi waħda minn dawn il-kundizzjonijiet t’hawn fuq tapplika għalik. Jekk m’intix ċert/a , kellem lit-tabib tiegħek qabel tuża din il-mediċina.
Porfirija
Għid lit-tabib tiegħek qabel tibda l-kura, jekk inti jew xi membru tal-familja tiegħek għandkom il- porfirija (marda li tista’ tintiret mill-ġenituri fejn ma tkunx kapaċi tkisser il-porphyrins).
Għid lit-tabib tiegħek minnufih jekk:
il-ġilda tiegħek issir fraġli u trabbi l-infafet faċilment, b’mod speċjali ġilda li spiss tkun esposta għax-xemx, u/jew
għandek uġigħ fl-istonku, f’dirgħajk jew f’riġlejk.
F’każ li jseħħ xi wieħed minn dawn l-avvenimenti t’hawn fuq, it-tabib tiegħek jista’ jirrakkomanda li
titwaqqaflek il-kura.
Sindrome ta’ Iperstimulazzjoni tal-Ovarji (OHSS)
Jekk int mara, din il-mediċina żżidlek ir-riskju li tiżviluppa OHSS. Dan iseħħ meta l-follikuli jiżviluppaw iżżejjed u jsiru ċisti kbar. Jekk jaqbdek uġigħ fin-naħa t’isfel taż-żaqq, ikollok żieda fil-
piż malajr, tħossok ma tiflaħx jew tirremetti jew jekk tbati biex tieħu n-nifs, kellem lit-tabib tiegħek
minnufih, u dan jista’ jgħidlek biex tieqaf tuża din il-mediċina (ara sezzjoni 4).
F’każ li m’intix tovula u qed issegwi d-doża rakkomandata u l-iskeda tal-għoti, hemm inqas probabbiltà ta’ OHSS. Il-kura b’Bemfola rari tikkawża OHSS sinifikanti, ħlief jekk tingħata l-mediċina li tintuża għall-maturazzjoni follikulari finali (li fiha Gonadotropin Korjonika umana – hCG). Jekk qiegħda tiżviluppa l-OHSS, it-tabib tiegħek jista’ ma jtik l-ebda hCG f’dan iċ-ċiklu ta’ kura u jista’ jgħidlek biex ma tagħmilx attività sesswali jew biex tuża metodu ta’ kontraċezzjoni barrier għal mill-inqas erbat ijiem.
Tqala multipla
Meta tuża Bemfola, għandek riskju akbar li toħroġ tqila b’aktar minn tarbija waħda fl-istess ħin (‘tqala multipla’, l-aktar tewmin), milli f’każ ta’ konċepiment naturali. It-tqala multipla tista’ twassal għal kumplikazzjonijiet mediċi għalik u għat-trabi tiegħek. Tista’ tnaqqas ir-riskju ta’ tqala multipla billi tuża d-doża xierqa ta’ Bemfola fil-ħin xieraq. Meta tkun qiegħda tagħmel użu mit-teknoloġija ta’ riproduzzjoni assistita, ir-riskju ta’ tqala multipla jkun relatat mal-età tiegħek, il-kwalità u l-għadd ta’ bajd fertilizzat jew embrijuni mpoġġija ġo fik.
Korriment
Meta tkun qiegħda tagħmel użu mit-teknoloġija ta’ riproduzzjoni assistita jew ta’ stimulazzjoni tal-
ovarji biex tipproduċi l-bajd, inti iktar probabbli li jkollok korriment minn mara medja.
Problemi ta’ tagħqid tad-demm (avvenimenti tromboemboliċi)
Jekk fil-passat jew dan l-aħħar kellek xi emboli fid-demm f’riġlejk jew fil-pulmun, jew attakk tal-qalb jew puplesija, jew jekk dawn seħħew fil-familja tiegħek, allura inti tista’ tkun f’riskju akbar li dawn il- problemi jseħħu jew jaggravaw bil-kura b’Bemfola.
Irġiel li għandhom FSH żejjed fid-demm tagħhom
Jekk inti raġel, il-fatt li jkollok wisq FSH fid-demm tiegħek jista’ jkun sinjal ta’ ħsara fit-testikoli. Bemfola normalment ma jaħdimx jekk għandek din il-problema. Jekk it-tabib tiegħek jiddeċiedi li
jipprova l-kura b’Bemfola, biex jissorvelja l-kura, jista’ jitolbok tipprovdi sperma għall-analiżi minn 4 sa 6 xhur wara li tibda l-kura.
Tfal u adolexxenti
Bemfola mhuwiex indikat għall-użu fit-tfal u f’adolexxenti li għandhom inqas minn 18-il sena.
Għid lit-tabib tiegħek jekk qed tieħu, ħadt dan l-aħħar jew tista’ tieħu xi mediċini oħra.
Jekk tuża Bemfola ma’ mediċini oħrajn li jgħinu l-ovulazzjoni (bħal hCG jew clomiphene citrate), dan jista’ jżid ir-rispons tal-follikuli tiegħek.
Jekk tuża Bemfola fl-istess ħin ma’ xi agonist jew antagonist ta’ ‘ormon li jerħi gonadotropin’ (GnRH) (dawn il-mediċini jbaxxu l-livelli tal-ormoni sesswali tiegħek u jwaqqfulek l- ovulazzjoni) jista’ jkollok bżonn ta’ doża akbar ta’ Bemfola biex tipproduċi l-follikuli.
Tużax Bemfola jekk inti tqila jew qed tredda’.
Mhux mistenni li din il-mediċina ser taffettwa l-ħila tiegħek biex issuq u tħaddem magni.
Din il-mediċina fiha anqas minn 1 mmol sodium (23 mg) f’kull doża, jiġifieri, essenzjalment ‘ħielsa mis-sodium’.
Dejjem għandek tuża din il-mediċina skont il-parir eżatt tat-tabib tiegħek. Iċċekkja mat-tabib jew mal-
ispiżjar tiegħek jekk ikollok xi dubju.
Bemfola hu maħsub biex jingħata permezz ta’ injezzjoni eżatt taħt il-ġilda (b’mod subkutanju).
Uża kull pinna mimlija għal-lest darba biss, imbagħad dawn għandhom jintremew b’mod sigur. Tagħtix is-soluzzjoni jekk ikun fiha frak jew jekk din ma tkunx ċara.
L-ewwel injezzjoni ta’ Bemfola għandha tingħata taħt is-superviżjoni tat-tabib tiegħek.
It-tabib jew lill-infermier tiegħek juruk kif tinjetta Bemfola qabel ma tinjetta lilek innifsek.
Jekk tagħti Bemfola lilek innifsek, jekk jogħġbok aqra u segwi l-“Istruzzjonijiet għall-Użu”.
Dawn l-istruzzjonijiet jistgħu jinstabu fit-tmiem tal-fuljett ta’ tagħrif.
It-tabib tiegħek ser jiddeċiedi kemm għandek tieħu mediċina u kemm-il darba. Id-dożi deskritti hawn
taħt huma murija f’Unitajiet Internazzjonali (IU) u f’millilitri (mL).
Normalment Bemfola jingħata kuljum.
Jekk għandek mestrwazzjoni irregolari, ibda uża Bemfola fi żmien l-ewwel 7 ijiem taċ-ċiklu mestrwali tiegħek. Jekk m’għandekx mestrwazzjoni tista’ tuża l-mediċina fi kwalunkwe jum li jkun komdu għalik.
Id-doża normali tal-bidu ta’ Bemfola hi ta’ 75 sa 150 IU (0.12 sa 0.24 ml) kuljum.
Id-doża tiegħek ta’ Bemfola tista’ tiżdied kull 7 jew kull 14-il jum b’37.5 sa 75 IU, sakemm
tikseb ir-rispons mixtieq jew it-tabib tiegħek jgħidlek biex tieqaf, ara taħt.
Id-doża massima ta’ kuljum ta’ Bemfola normalment ma tkunx aktar minn 225 IU (0.375 ml).
Meta tikseb ir-rispons mixtieq, tingħata injezzjoni waħda ta’ 250 mikrogramma ta’ ‘hCG rikombinanti’ (r-hCG, hCG magħmul f’laboratorju permezz ta’ teknika speċjali ta’ DNA), jew 5,000 sa 10,000 IU ta’ hCG, 24 sa 48 siegħa wara l-aħħar injezzjoni tiegħek ta’ Bemfola. L- aħjar żmien biex ikollok rapport sesswali hu fil-jum tal-injezzjoni ta’ hCG u l-jum ta’ wara.
Jekk it-tabib tiegħek ma jarax rispons mixtieq wara 4 ġimgħat, iċ-ċiklu ta’ kura b’Bemfola għandu jitwaqqaf. Għaċ-ċiklu ta’ kura ta’ wara , it-tabib jagħtik doża tal-bidu ta’ Bemfola ogħla minn ta’ qabel.
Jekk ġismek jirreaġixxi b’mod qawwi żżejjed, il-kura tiegħek ser titwaqqaf u ma tingħata l-ebda hCG (ara sezzjoni 2, OHSS). Għaċ-ċiklu ta’ wara, it-tabib tiegħek jagħtik doża aktar baxxa ta’ Bemfola minn ta’ qabel.
Id-doża tal-bidu normali ta’ Bemfola hi ta’ 75 sa 150 IU (0.12 sa 0.24 mL) flimkien ma’ 75 IU
(0.12 mL) ta’ lutropin alfa.
Għandek tuża dawn iż-żewġ mediċini kuljum sa ħames ġimgħat.
Id-doża tiegħek ta’ Bemfola tista’ tiżdied kull 7 jew kull 14-il jum b’37.5 sa 75 IU, sakemm
tikseb ir-rispons mixtieq.
Meta tikseb ir-rispons mixtieq, tingħata injezzjoni waħda ta’ 250 mikrogramma ta’ ‘hCG rikombinanti’ (r-hCG, hCG magħmul f’laboratorju permezz ta’ teknika speċjali ta’ DNA), jew 5,000 sa 10,000 IU ta’ hCG, 24 sa 48 siegħa wara l-aħħar injezzjonijiet tiegħek ta’Bemfola u lutropin alfa. L-aħjar żmien biex ikollok attività sesswali hu fil-jum tal-injezzjoni tahCG u l- jum ta’ wara. Inkella, tista’ ssir inseminazzjoni fl-utru billi titpoġġa l-isperma fil-ġuf.
Jekk it-tabib tiegħek ma jarax rispons mixtieq wara 5 ġimgħat, iċ-ċiklu ta’ kura b’Bemfola għandu jitwaqqaf. Għaċ-ċiklu ta’ kura ta’ wara, it-tabib jagħtik doża tal-bidu ta’ Bemfola ogħla minn ta’ qabel.
Jekk ġismek jirreaġixxi b’mod qawwi żżejjed, il-kura tiegħek b’Bemfola ser titwaqqaf u ma tingħata l- ebda hCG (ara sezzjoni 2, OHSS). Għaċ-ċiklu ta’ wara, it-tabib tiegħek jagħtik doża aktar baxxa ta’ Bemfola minn ta’ qabel.
Id-doża tal-bidu normali ta’ Bemfola hi ta’ 150 sa 225 IU (0.25 sa 0.37 mL) kuljum, mit-2 jew it-3 jum taċ-ċiklu ta’ kura tiegħek.
Id-doża ta’ Bemfola tista’ tiżdied, skont ir-rispons tiegħek. Id-doża massima ta’ kuljum hi ta’ 450 IU (0.75 mL).
Il-kura titkompla sakemm il-bajd tiegħek ikunu żviluppaw sa punt mixtieq. Dan normalment jieħu madwar 10 ijiem iżda jista’ jieħu bejn 5 u 20 jum. It-tabib tiegħek ser juża testijiet tad- demm u/jew apparat tal-ultrasound biex jiċċekkja meta dan iseħħ.
Meta l-bajd tiegħek ikun lest, tingħata injezzjoni waħda ta’ 250 mikrogramma ta’ ‘hCG rikombinanti’ (r-hCG, hCG magħmul f’laboratorju permezz ta’ teknika speċjali ta’ DNA rikombinanti), jew 5,000 IU sa 10,000 IU ta’ hCG, 24 sa 48 siegħa wara l-aħħar injezzjoni tiegħek ta’ Bemfola. Dan ilesti l-bajd tiegħek għall-ġbir.
F’każijiet oħrajn, it-tabib tiegħek jista’ l-ewwel iwaqqaflek l-ovulazzjoni billi juża agonist jew antagonist tal-ormon li jerħi gonadotropin (GnRH). Imbagħad Bemfola jinbeda madwar ġimagħtejn wara l-bidu tal-kura bl-agonist. Bemfola u l-agonist tal-GnRH imbagħad jingħatawlek it-tnejn sakemm il-follikuli tiegħek jiżviluppaw kif mixtieq. Pereżempju, wara ġimagħtejn ta’ kura bl-agonist tal-GnRH, jingħatawlek 150 sa 225 IU ta’ Bemfola għal 7 ijiem. Id-doża mbagħad tiġi aġġustata skont ir-rispons tal-ovarji tiegħek. Meta jintuża agonist tal-GnRH, dan jingħata mill-5 jew is-6 jum tal-kura b’Bemfola u jitkompla sakemm tiġi stimulata l-ovulazzjoni.
Id-doża normali ta’ Bemfola hi ta’ 150 IU (0.25 ml) flimkien ma’ hCG.
Għandek tuża dawn iż-żewġ mediċini tliet darbiet fil-ġimgħa għal mill-inqas 4 xhur.
Jekk ma jkollokx rispons għall-kura wara 4 xhur, it-tabib tiegħek jista’ jissuġġerilek li tkompli tuża dawn iż-żewġ mediċini għal mill-inqas 18-il xahar.
L-effetti jekk tieħu aktar Bemfola milli suppost, mhumiex magħrufa. Madankollu wieħed jista’ jistenna li jseħħ is-Sindrome ta’ Iperstimulazzjoni tal-Ovarji (OHSS), li hu deskritt f’sezzjoni 4. Madankollu l- OHSS iseħħ biss jekk jingħata wkoll hCG (ara sezzjoni 2, taħt OHSS).
Jekk tinsa tuża Bemfola, m’għandekx tieħu doża doppja biex tpatti għal kull doża li tkun insejt tieħu. Jekk jogħġbok kellem lit-tabib tiegħek malli tinduna li nsejt tieħu doża.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Uġigħ fin-naħa t’isfel taż-żaqq flimkien ma’ dardir jew rimettar jistgħu jkunu s-sintomi tas- Sindrome ta’ Stimulazzjoni Żejda tal-Ovarji (OHSS). Dan jista’ jindika li l-ovarji kellhom reazzjoni żejda għall-kura u li żviluppaw ċisti ovarji kbar (ara wkoll f’sezzjoni 2“Oqgħod attent ħafna b’Bemfola”). Dan l-effett sekondarju hu komuni (jista’ jaffettwa sa 1 minn kull 10 persuni).
L-OHSS jista’ jsir sever bi tkabbir evidenti tal-ovarji, tnaqqis fil-produzzjoni tal-awrina, żieda fil-piż, diffikultà fit-teħid tan-nifs u/jew akkumulazzjoni possibbli ta’ fluwidu fiż-żaqq jew fis- sider. Dan l-effett sekondarju mhuwiex komuni (jista’ jaffettwa sa 1 minn kull 100 persuna).
Kumplikazzjonijiet tal-OHSS bħal-liwi tal-ovarji jew tagħqid ta’ demm jistgħu jseħħu rarament (jistgħu jaffettwaw sa 1 minn kull 1,000 persuna).
Kumplikazzjonijiet serji ta’ tagħqid ta’ demm (avvenimenti tromboemboliċi) xi kultant indipendenti mill-OHSS huma rari ħafna (jistgħu jaffettwaw sa 1 minn kull 10,000 persuna). Dawn jistgħu jikkawżaw uġigħ fis-sider, qtugħ ta’ nifs, puplesija jew attakk tal-qalb (ara sezzjoni 2 taħt ‘Problemi ta’ tagħqid tad-demm’).
Ir-reazzjonijiet allerġiċi bħal raxx, ġilda ħamra, urtikarja, nefħa ta’ wiċċek b’diffikultà biex tieħu n-nifs xi kultant jistgħu jkunu serji. Dan l-effett sekondarju hu rari ħafna.
Jekk tinnota xi wieħed mill-effetti sekondarji mniżżla hawn fuq għandek tikkuntattja minnufih lit-tabib
tiegħek li jista’ jagħtik parir li tieqaf tuża Bemfola.
Komuni ħafna (jistgħu jaffettwaw aktar minn 1 minn kull 10 persuni):
Membrani mimlijin bi fluwidu fl-ovarji (ċisti fl-ovarji)
Uġigħ ta’ ras
Reazzjonijiet lokali fis-sit tal-injezzjoni, bħal uġigħ, ħmura, tbenġil, nefħa u/jew irritazzjoni
Komuni (jistgħu jaffettwaw sa 1 minn kull 10 persuni):
Uġigħ fiż-żaqq
Tħossok imdardra, rimettar, dijarea, bugħawwieġ u nefħa fiż-żaqq Rari ħafna (jistgħu jaffettwaw sa 1 minn kull 10,000 persuna):
Jistgħu jseħħu reazzjonijiet allerġiċi bħal raxx, ħmura fil-ġilda, urtikarja, nefħa fil-wiċċ b’diffikultà biex tieħu n-nifs. Dawn ir-reazzjonijiet xi kultant jistgħu jkunu serji.
Jekk ikollok l-ażżma din tista’ taggrava.
Komuni ħafna (jistgħu jaffettwaw aktar minn 1 minn kull 10 persuni):
Reazzjonijiet lokali fis-sit tal-injezzjoni, bħal uġigħ, ħmura, tbenġil, nefħa u/jew irritazzjoni
Komuni (jistgħu jaffettwaw sa 1 minn kull 10 persuni):
Nefħa tal-vini fuq u n-naħa ta’ wara tat-testikoli (varikoċele).
Tkabbir tas-sider, akne jew żieda fil-piż.
Rari ħafna (jistgħu jaffettwaw sa 1 minn kull 10,000 persuna):
Jistgħu jseħħu reazzjonijiet allerġiċi bħal raxx, ħmura fil-ġilda, urtikarja, nefħa fil-wiċċ b’diffikultà biex tieħu n-nifs. Dawn ir-reazzjonijiet xi kultant jistgħu jkunu serji.
Jekk ikollok l-ażżma din tista’ taggrava.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji
direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l-
effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq it-tikketta tal-pinna u fuq il-kartuna wara
JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen fi friġġ (2°C - 8°C). Tagħmlux fil-friża. Żommu fil-pakkett oriġinali sabiex tilqa’ mid-dawl.
Sakemm tkun għadha tajba biex tintuża, il-pinna mhix miftuħa tista’ tinħażen f’temperatura ta’ 25°C jew inqas għal massimu ta’ 3 xhur mingħajr ma jkollha għalfejn terġa titpoġġa fi friġġ u għandha tintrema jekk ma tintużax wara 3 xhur.
Tużax din il-mediċina jekk tinnota xi sinjal viżibbli ta’ deterjorazzjoni, jekk il-likwidu jkun fih frak jew ma jkunx ċar.
Ladarba tinfetaħ, din il-mediċina għandha tiġi injettata minnufih.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hija follitropin alfa.
Bemfola 75 IU/0.125 ml: Kull skartoċċ fih 75 IU (ekwivalenti għal 5.5 mikrogrammi) follitropin alfa f’0.125 ml soluzzjoni.
Bemfola 150 IU/0.25 ml: Kull skartoċċ fih 150 IU (ekwivalenti għal 11-il mikrogramma) follitropin alfa f’0.25 ml soluzzjoni.
Bemfola 225 IU/0.375 ml: Kull skartoċċ fih 225 IU (ekwivalenti għal 16.5-il mikrogramma) follitropin alfa f’0.375 ml soluzzjoni.
Bemfola 300 IU/0.50 ml: Kull skartoċċ fih 300 IU (ekwivalenti għal 22 mikrogramma)
follitropin alfa f’0.50 ml soluzzjoni.
Bemfola 450 IU/0.75 ml: Kull skartoċċ fih 450 IU (ekwivalenti għal 33 mikrogramma) follitropin alfa f’0.75 ml soluzzjoni.
Kull ml tas-soluzzjoni fih 600 IU (ekwivalenti għal 44 mikrogramma) follitropin alfa.
Is-sustanzi l-oħrajn huma poloxamer 188, sucrose, methionine, disodium phosphate dihydrate, sodium dihydrogen phosphate dihydrate, phosphoric acid u ilma għall-injezzjonijiet.
Bemfola huwa ppreżentat bħala likwidu ċar u bla kulur għal injezzjoni f’pinna mimlija għal-lest (injezzjoni).
Bemfola hu disponibbli f’pakketti li jkun fihom 1, 5 jew 10 pinen, 1, 5 jew 10 labar u 1, 5 jew 10 swabs bl-alkoħol. Jista’ jkun li mhux il-pakketti tad-daqsijiet kollha jkunu għal skop kummerċjali.
Gedeon Richter Plc. Gyömrői út 19-21.
1103 Budapest
L-Ungerija
---------------------------------------------------------------------------------------------------------------------------
Qabel tibda tuża l-pinen mimlija għal-lest tiegħek, aqra l-Istruzzjonijiet dwar l-użu kollha u l- fuljett ta’ tagħrif bir-reqqa.
Kull pinna mimlija għal-lest hija għall-użu ta’ darba minnek biss – tħallix lil ħaddieħor jużaha.
In-numri fuq id-displej tad-doża tal-pinen mimlija għal-lest huma mkejlin f’Unitajiet Internazzjonali jew IU. It-tabib tiegħek ikun qallek kemm għandek tinjetta IU kuljum.
Injetta lilek innifsek kuljum madwar l-istess ħin.
Oħroġ waħda mill-pinen mill-friġġ bejn 5 u 10 minuti qabel ma tużaha.
Jekk il-mediċina hija ffriżata, jekk jogħġbok tużahiex.
Aħsel idejk bis-sapun u bl-ilma sħun, u nixxifhom.
Hu importanti li idejk u l-affarijiet li tuża biex tipprepara l-pinna tiegħek ikunu nodfa kemm
jista’ jkun.
Post tajjeb hu mejda nadifa jew wiċċ nadif.
Agħti l-injezzjoni kuljum madwar l-istess ħin. Oħroġ il-pinna mill-friġġ 5 sa 10 minuti qabel tużaha.
Nota: Jekk jogħġbok ara li l-mediċina ma tkunx iffriżata.
Ħu labra ġdida – uża biss il-labar għall-użu ta’ darba biss fornuti fil-pakkett. Żomm l-
għatu ta’ barra tal-labra sew.
Iċċekkja f’kull każ li s-siġill li jitqaxxar fuq
l-għatu ta’ barra tal-labra mhuwiex bil-
ħsara jew maħlul.
Neħħi s-siġill li jitqaxxar mil-labra tal- injezzjoni.
Attenzjoni: Jekk is-siġill li jitqaxxar ikun bil-ħsara jew maħlul, tużax il-labra. Armiha f’kontenitur għar-rimi ta’ oġġetti bil-ponta u li jaqtgħu. Ħu labra ġdida.
Qabbad il-labra.
Żomm il-pinna bil-ġnub tagħha u żomm il-labra allinjata magħha filwaqt li tqabbad il-labra u waħħal il-labra b’mod sod mal-parti ta’ fuq tal-pinna. Żgura li l- labra tkun imqabbda sew mal-pinna f’pożizzjoni dritta.
Attenzjoni:
Minkejja l-fatt li hemm kamin f’tarf il- pinna, qatt tipprova ddawwar il-labra
mal-pinna, għax dan jista’ jwassal għal
pożizzjonar żbaljat tal-labra.
Timbuttax il-pum tad-dożaġġ waqt li qed twaħħal il-labra.
Neħħi l-kappa ta’ barra tal-labra (G). Żommha għal aktar tard. Ser ikollok bżonnha wara l-injezzjoni biex tarmi l- pinna.
Neħħi l-kappa ta’ ġewwa tal-labra (F).
Pożizzjoni korretta tal-labra
Pożizzjoni ħażina tal-labra
Żgura li l-labra tkun fil-pożizzjoni korretta.
L-ewwel, żomm il-pinna sabiex il-labra
tkun tħares ’il fuq. Biex tneħħi l-bżieżaq
tal-arja mis-sistema, taptap il-ġenb tal-pinna bil-mod b’sebgħek biex b’hekk il-bżieżaq tal-arja li hemm jitilgħu’ ’il fuq.
Waqt li tkun għadek iżżomm il-pinna’il fuq, imbotta l-pum tad-dożaġġ ’il ġewwa sakemm l-iżbarra t’attivazzjoni bil-vleġġa ż-żgħira tisparixxi. Għandek tisma’ ukoll klikk u xi likwidu se jtir (dan hu normali).
Il-pinna issa hija lesta biex tiġi ssettjata d- doża.
Attenzjoni:
Jekk l-ebda likwidu ma jtir, jew it-tnixxija tal-likwidu tkun fil-punt fejn jiltaqgħu l-
labra u l-pinna, il-pinna ma għandhiex
tintuża. Għid lit-tabib jew lill-ispiżjar tiegħek jekk tinnota xi problemi.
Dawwar bil-mod il-pum tad-dożaġġ sakemm l-iżbarra tad-doża preskritta lilek tkun allinjata ma’ nofs l-inċiż fuq il-pinna.
Nota: Għal Bemfola 75 IU/0.125 mL pinna mimlija għal-lest, il-pum tad- dożaġġ ma jistax idur kompletament, iżda xorta jista’ jiddawwar lura.
Il-pinna issa hija lesta għall-injezzjoni.
Attenzjoni:
Timbuttax il-pum tad-dożaġġ aktar ’il ġewwa, f’dan l-istadju.
Naddaf il-ġilda fejn tkun se tingħata l-injezzjoni billi timsaħha b’movimenti ċirkulari bi swab bl-alkoħol disponibbli fil-pakkett.
Stenna ftit sekondi sakemm
l-alkoħol jevapora mill-ġilda u tkun xotta qabel ma tinjetta.
Erġa’ ċċekkja li qed tintwera d-doża korretta fuq il-pinna. Oqros ftit il-ġilda fejn ser tingħata l-injezzjoni. Żomm il-pinna f’angolu kemm jista’ jkun rett (angolu ta’ 900) u daħħal il-labra kollha fil- ġilda tiegħek b’moviment konsistenti wieħed.
Attenzjoni: Timbuttax il-pum tad-dożaġġ waqt li ddaħħal
il-labra u tibdilx id-
direzzjoni tal-labra hi u dieħla.
Ladarba l-labra tkun daħlet kompletament fis-sit tal- injezzjoni, imbotta l-pum
tad-dożaġġ bil-mod u b’mod konsistenti sakemm jieqaf, u
l-iżbarra tad-doża ssettjata
tkun sparixxiet.
Tneħħix il-labra minnufih,
stenna mill-inqas 5 sekondi qabel tiġbidha ’l barra biex tiżgura li tajt id-doża sħiħa.
Wara li tiġbed il-labra ’barra: naddaf il-ġilda bi swab tal- alkoħol billi tuża moviment ċirkolari fis-sit tal-injezzjoni.
Attenzjoni: Jekk tara tnixxija tal-likwidu fil-post fejn jiltaqgħu l-labra u l-pinna waqt l-injezzjoni, kellem lit- tabib jew lill-ispiżjar tiegħek.
Erġa’ poġġi l-għatu tal-labra lura fuq il-labra b’attenzjoni.
Tista’ tuża l-pinna mimlija għal-lest għall- injezzjoni tiegħek darba biss u trid tarmi l-pinna anki jekk jifdal xi likwidu fil-pinna wara l- injezzjoni.
Armi l-kaxxa tal-ippakkjar, il-kappa tal-labra ta’ ġewwa, il-qoxra, l-iswob tal-alkoħol u l- Istruzzjonijiet għall-użu fl-iskart domestiku normali. Tarmix mediċini fis-sink, it-tojlit jew mal-iskart domestiku tiegħek. Il-pinna użata għandha tintrema fir-reċiġjent tax-xfafar u għandu jingħata lura lill-ispiżerija għal rimi korrett. Staqsi l-ispiżjar tiegħek dwar kif għandek tarmi mediċini li m’għadekx tuża.