Lyxumia
lixisenatide
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew l-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom
il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew l-infermier tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.
X’inhu Lyxumia u għalxiex jintuża
X’għandek tkun taf qabel ma tuża Lyxumia
Kif għandek tuża Lyxumia
Effetti sekondarji possibbli
Kif taħżen Lyxumia
Kontenut tal-pakkett u informazzjoni oħra
Lyxumia fih is-sustanza attiva lixisenatide.
Huwa mediċina f’forma ta’ injezzjoni li jintuża biex jgħin il-ġisem tiegħek jikkontrolla l-livell taz-zokkor fid-demm tiegħek meta dan ikun għoli wisq. Jintuża fl-adulti bid-dijabete tat-tip 2.
Lyxumia jintuża flimkien ma’ mediċini oħra għad-dijabete meta dawn ma jkunux biżżejjed biex
jikkontrollaw il-livelli taz-zokkor fid-demm. Dawn jistgħu jinkludu:
antidijabetiċi li jittieħdu mill-ħalq (bħal metformin, pioglitazone, mediċini tat-tip sulphonylurea) u/ jew,
insulina bażilari, tip ta’ insulina li taħdem il-ġurnata kollha.
jekk inti allerġiku/a għal lixenatide jew għal xi sustanza oħra ta’ din il-mediċina (elenkati fis- sezzjoni 6).
Kellem lit-tabib, l-ispiżjar jew l-infermier tiegħek qabel tuża Lyxumia jekk:
għandek id-dijabete tat-tip 1 jew il-ketoaċidożi dijabetika (kumplikazzjoni tad-dijabete li sseħħ meta l-ġisem ma jkunx jista’ jkisser il-glukosju minħabba li m’hemmx biżżejjed insulina) peress li din il-mediċina mhijiex tajba għalik.
għandek jew darba kellek infjammazzjoni tal-frixa (pankreatite)
għandek problema serja fl-istonku jew fl-imsaren bħal marda fil-muskoli tal-istonku li tissejjaħ “gastropareżi” li jirriżulta f’dewmien fit-tbattil tal-istonku.
għandek mard serju fil-kliewi jew qiegħed/qiegħda fuq id-dijalisi peress li l-użu ta’ din il- mediċina mhijiex se tkun irrakkomandata.
qed/a tieħu wkoll xi sulphonylurea jew xi insulina bażilari. Dan għax jista’ jkollok livell baxx ta’ zokkor fid-demm (ipogliċemija). It-tabib tiegħek jista’ jkun irid jikkontrollalek il-livell taz-zokkor fid-demm u mbagħad jiddeċiedi li jnaqqaslek id-doża tiegħek tal-insulina bażilari jew tas- sulphonylurea.. Lyxumia m’għandux jintuża f’taħlita fejn hemm kemm l-insulina bażilari u sulphonylurea.
qiegħed/qegħda tieħu mediċini oħra, peress li hemm mediċini oħra bħall-antibijotiċi jew kapsuli jew pilloli reżistenti għad-degradazzjoni mill-istonku li m’għandhomx idumu wisq fl-istonku (ara sezzjoni Mediċini oħra u Lyxumia)
tesperjenza nuqqas ta’ fluwidi/deidratazzjoni, eż. f’każ ta’ rimettar, dardir jew dijarrea. Huwa importanti li tevita d-deidratazzjoni billi tixrob ħafna fluwidi, speċjalment fil-bidu tal-kura b’Lyxumia.
tbati minn problemi fil-qalb li jistgħu jikkawża qtugħ ta’ nifs jew nefħa fl-għekiesi peress li l- esperjenza hija limitata f’din il-popolazzjoni.
M’hemm ebda esperjenza ta’ Lyxumia fit-tfal u fl-adolexxenti taħt it-18-il sena u għalhekk l-użu ta’
Lyxumia m’huwiex irrakkomandat f’dan il-grupp ta’ età.
Għid lit-tabib jew lill-ispiżjar tiegħek jekk qiegħed tuża, ħadt dan l-aħħar jew tista’ tuża xi mediċina oħra. L-effett ta’ xi mediċini li tibla’ jistgħu jiġu affettwati b’Lyxumia. Xi mediċini bħall-antibijotiċi jew kapsuli jew pilloli reżistenti għad-degradazzjoni mill-istonku li m’għandhomx idumu wisq fl-istonku jistgħu jkollhom bżonn jittieħdu għallinqas siegħa qabel jew erba’ sigħat wara l-injezzjoni tiegħek ta’ Lyxumia.
Lyxumia m’għandux jintuża fit-tqala. Mhux magħruf jekk Lyxumia jistax jagħmel xi ħsara lit-tarbija li
għada ma twielditx.
Lyxumia m’għandux jintuża jekk qeda tredda’. Mhux magħruf jekk Lyxumia jgħaddix fil-ħalib.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat- tabib jew tal-ispiżjar tiegħek qabel tieħu din il-mediċina.
Jekk tuża Lyxumia ma’ xi sulphonylurea jew xi insulina bażilari, jista’ jkollok livell baxx ta’ zokkor fid- demm (ipogliċemija). Dan jista’ jagħmilha diffiċli biex tikkonċentra u tista’ tħossok sturdut/a jew bi ngħas. Jekk jiġri hekk, issuqx jew tużax għodda jew magni.
Din il-mediċina fiha inqas minn mmol 1 ta’ sodium (23 mg) għal kull doża, i.e. bażikament “mingħajr sodium”.
Din il-mediċina fiha metacresol li jista’ jikkawża reazzjonijiet allergiċi.
Dejjem għandek tuża din il-mediċina skont il-parir eżatt tat-tabib, tal-ispiżjar jew tal-infermier tiegħek.
Dejjem għandek taċċerta ruħek mat-tabib, mal-ispiżjar jew mal-infermier tiegħek jekk ikollok xi dubju.
Fil-bidu, id-doża hija ta’ 10 mikrogrammi darba kuljum għall-ewwel 14-il ġurnata – l-injezzjoni
ssir permezz tal-pinna l-ħadra.
Minn hemm ’il quddiem, id-doża tkun ta’ 20 mikrgramm darba kuljum – bl-użu tal-pinna l-vjola
Għandek tieħu l-injezzjoni ta’ Lyxumia f’dik is-siegħa qabel kwalunkwe ikla tal-ġurnata. Ikun aħjar jekk
injezzjoni ta’ Lyxumia tingħata qabel l-istess ikla kuljum, meta tkun intagħżlet l-ikla l-aktar konvenjenti għall-injezzjoni tiegħek.
Injetta Lyxumia fil-ġilda (b’mod taħt il-gilda) fiż-żona tal-istonku (l-addome), fin-naħa ta’ fuq ta’ riġel (il- koxxa) jew fin-naħa ta’ fuq tad-driegħ.
Qabel ma tuża l-pinen mimlijin għal-lest għall-ewwel darba, it-tabib jew l-infermier se jurik kif tinjetta
Lyxumia.
Hemm iżjed informazzjoni dwar kif tuża il-pinen fl-“Istruzzjonijiet għall-użu”. L-aktar punti importanti
huma:
Dejjem uża labra ġdida għal kull injezzjoni. Għandek tarmi l-labra wara kull injezzjoni, f’kontenitur addattat għall-affarijiet li jaqtgħu, skont ir-rakkomandazzjonijiet lokali. Kellem lit-tabib, lill- infermier jew lill-ispiżjar dwar kif għandek tarmi l-affarijiet li jaqtgħu.
Uża biss labar li huma kompatibbli mal-pinna Lyxumia (ara “Istruzzjonijiet għall-Użu”).
Jekk taħseb li l-pinna tiegħek ta’ Lyxumia għandha l-ħsara, tużahiex. Ġib waħda ġdida. Tippruvax
issewwi l-pinna.
Jekk tuża Lyxumia aktar milli suppost, tkellem minnufih mat-tabib tiegħek. Wisq Lyxumia tista’ ġġagħlek tħossok ħażin jew ma tiflaħx.
Jekk titlef doża ta’ Lyxumia, tista’ tinjettaha fis-siegħa ta’ qabel l-ikla li tmiss. M’għandekx tieħu żewġ dożi fl-istess ħin biex tpatti għall-injezzjoni li tkun insejt tieħu.
Tieqafx tuża Lyxumia mingħajr ma tkellem lit-tabib tiegħek. Jekk tieqaf tuża Lyxumia, il-livelli taz- zokkor fid-demm tiegħek jistgħu jogħlew.
Jekk għandek aktar mistoqsijiet dwar l-użu ta’ din il-mediċina, staqsi lit-tabib, lill-infermier jew lill-
ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’ kulħadd.
Xi reazzjonijiet allerġiċi severi (bħall-anafilassi) ġew irrapportati b’mod mhux komuni f’pazjenti li kienu qed jirċievu Lyxumia. Għandek tfittex kura medika minnufih jekk ikollok sintomi bħal nefħa tal-wiċċ, tal- ilsien jew tal-gerżuma li jikkawżaw diffikultà biex tieħu n-nifs.
Waqqaf it-teħid ta’ Lyxumia u kkuntattja minnufih tabib jekk tinduna b’kwalunkwe wieħed minn dawn l- effetti sekondarji serji:
Uġigħ sever u persistenti fl-addome (fin-naħa tal-istonku) li jista’ jwassal sa dahrek, kif ukoll dardir
u rimettar, għax jista’ jkun sinjal ta’ frixa infjammata (pankreatite).
L-aktar effetti sekondarji frekwenti li ġew irrapportati b’Lyxumia u li jistgħu jaffettwaw aktar minn pazjent 1 minn kull 10 (frekwenza komuni ħafna) kienu d-dardir (tħossok ma tiflaħx) u r-rimettar . Il-parti l-kbira ta’ dawn l-effetti sekondarji kienu ħfief u ħafna drabi jmorru maż-żmien.
Effetti sekondarji oħra jinkludu
Effetti sekondarji komuni ħafna: jistgħu jaffettwaw aktar minn persuna 1 minn kull 10
Dijarrea
Uġigħ ta’ ras
Livell baxx ta’ zokkor fid-demm (Ipogliċemija (“ipo”) speċjalment meta Lyxumia jintuża ma’ l- insulina jew xi sulphonylurea.
Is-sinjali ta’ twissija ta’ livell baxx ta’ zokkor fid-demm jistgħu jinkludu għaraq kiesaħ, ġilda pallida u kiesħa, uġigħ ta’ ras, tħossok imħeddel/la, għajjien/a, sturdut/a, konfuż/a jew irritabbli, tħossok bil-ġuħ, il- qalb tħabbat b’ritmu mgħaġġel u tħossok nervuż. It-tabib tiegħek se jgħidlek x’għandek tagħmel jekk ikollok livell baxx ta’ zokkor fid-demm.
Hemm iżjed ċans li dan iseħħ jekk tieħu wkoll xi sulphonylurea jew xi insulina bażilari. It-tabib tiegħek jista’ jnaqqaslek id-doża ta’ dawn il-mediċini qabel ma tibda tuża Lyxumia.
Effetti sekondarji komuni: jistgħu jaffettwaw sa persuna 1 minn kull 10
Influwenza
Riħ (infezzjoni tan-naħa ta’ fuq tal-passaġġ respiratorju)
Tħossok sturdut/a
Indiġestjoni (dispepsja)
Uġigħ fid-dahar
Ċistite
Infezzjoni virali
Livell baxx ta’ zokkor fid-demm (meta Lyxumia jittieħed ma’ metformin)
Ħedla (sonnolenza)
Reazzjonijiet fis-sit tal-injezzjoni (bħal ħakk).
Effetti sekondarji mhux komuni: jistgħu jaffettwaw sa persuna 1 minn kull 100
Ħorriqija (urtikarja)
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq it-tikketta tal-pinna u fuq il-kartuna wara
JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
Qabel l-ewwel użu
Aħżen fi friġġ (2°C-8°C). Tagħmilhiex fil-friża. Żomm ’il bogħod mill-kompartament tal-friża.
Waqt l-użu tal-pinna
Il-pinna tista’ tintuża għal 14-il ġurnata meta tinħażen f’temperatura taħt 30°C. Tagħmilhiex fil-friża. Taħżinx bil-labra mwaħħla. Meta l-pinna ma tkunx qiegħda tintuża, żommha magħluqa bil-kappa sabiex tilqa’ mid-dawl.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi lixisenatide.
Lyxumia 10 mikrogrammi soluzzjoni għall-injezzjoni: Kull doża fiha 10 mikrogrammi ta’ lixisenatide (50 mikrogramm kull ml).
Lyxumia 20 mikrogramma soluzzjoni għall-injezzjoni: Kull doża fiha 20 mikrogramma ta’ lixisenatide (100 mikrogramma kull ml).
Is-sustanzi l-oħra huma glycerol 85 %, sodium acetate trihydrate, methionine, metacresol, hydrochloric acid (għall-aġġustament tal-pH ), soluzzjoni ta’ sodium hydroxide (għall-aġġustament tal-pH ) u ilma għall-injezzjonijiet.
Lyxumia hija soluzzjoni għall-injezzjoni (injezzjoni) ċara u bla kulur mimlija f’skartoċċ tal-ħġieġ u mdaħħla f’pinna mimlija għal-lest.
Kull pinna ħadra ta’ Lyxumia 10 mikrogrammi soluzzjoni għall-injezzjoni fiha 3 ml ta’ soluzzjoni, li
tagħti 14-il doża ta’ 10 mikrogrammi. Daqs tal-pakkett ta’ pinna 1 mimlija għal-lest.
Kull pinna vjola ta’ Lyxumia 20 mikrogramma soluzzjoni għall-injezzjoni fiha 3 ml ta’ soluzzjoni, li tagħti 14-il doża ta’ 20 mikrogramma. Daqsijiet tal-pakkett ta’ 1, 2 jew 6 pinen mimlijin għal-lest. Jista’ jkun li mhux il-pakketti tad-daqsijiet kollha jkunu disponibbli fil-pajjiż tiegħek.
Huwa disponibbli wkoll pakkett inizjali ta’ kura għall-użu waqt l-ewwel 28 ġurnata ta’ kura. Il-pakkett inizjali ta’ kura fih pinna waħda ħadra ta’ Lyxumia 10 mikrogrammi soluzzjoni għall-injezzjoni u pinna waħda vjola ta’ Lyxumia 20 mikrogramma soluzzjoni għall-injezzjoni.
sanofi-aventis groupe 54, rue La Boétie
F – 75008 Paris Franza
Manifattur
Sanofi Aventis Deutschland GmbH
Industriepark Höchst - 65926 Frankfurt am Main
Il-Ġermanja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-
Awtorizzazzjoni għat-Tqegħid fis-Suq:
Sanofi Belgium
Tél/Tel: +32 (0)2 710 54 00
Swixx Biopharma UAB Tel: +370 5 236 91 40
Swixx Biopharma EOOD Тел.: +359 (0)2 4942 480
Sanofi Belgium
Tél/Tel: +32 (0)2 710 54 00 (Belgique/Belgien)
SANOFI-AVENTIS Zrt. Tel.: +36 1 505 0050
Sanofi A/S
Tlf: +45 45 16 70 00
Sanofi S.r.l.
Tel: +39 02 39394275
Sanofi-Aventis Deutschland GmbH Tel.: 0800 52 52 010
Tel. aus dem Ausland: +49 69 305 21 131
Genzyme Europe B.V.
Tel: +31 20 245 4000
Swixx Biopharma OÜ Tel: +372 640 10 30
sanofi-aventis Norge AS Tlf: +47 67 10 71 00
sanofi-aventis AEBE Τηλ: +30 210 900 16 00
sanofi-aventis GmbH
Tel: +43 1 80 185 – 0
sanofi-aventis, S.A Tel: +34 93 485 94 00
sanofi-aventis Sp. z o.o. Tel.: +48 22 280 00 00
sanofi-aventis France Tél: 0 800 222 555
Appel depuis l’étranger : +33 1 57 63 23 23
Sanofi - Produtos Farmacêuticos, Lda.
Tel: +351 21 35 89 400
Swixx Biopharma d.o.o. Tel: +385 1 2078 500
Sanofi Romania SRL
Tel: +40 (0) 21 317 31 36
sanofi-aventis Ireland Ltd. T/A SANOFI
Tel: +353 (0) 1 403 56 00
Swixx Biopharma d.o.o. Tel: +386 1 235 51 00
Vistor hf.
Sími: +354 535 7000
Sanofi S.r.l.
Tel: 800 13 12 12 (domande di tipo tecnico)
800 536389 (altre domande)
Sanofi Oy
Puh/Tel: +358 (0) 201 200 300
Papaellinas Ltd. Τηλ: +357 22 741741
Sanofi AB
Tel: +46 (0)8 634 50 00
Swixx Biopharma SIA Tel: +371 6 616 47 50
Lixisenatide
ISTRUZZJONIJIET GĦALL-UŻU
Kull pinna mimlija għal-lest fiha 14-il doża, kull doża fiha 10 mikrogrammi f’0.2 ml.
Żomm dan il-fuljett biex terġa’ taqrah jekk ikollok bżonn.
Lyxumia tiġi bħala pinna mimlija għal-lest għall-injezzjoni.
Kull pinna Lyxumia fiha 14-il doża mqassma minn qabel. M’hemmx bżonn toqgħod tkejjel kull doża.
Qabel ma tużaha, tkellem mat-tabib, mal-ispiżjar jew man-ners tiegħek dwar il-mod korrett kif
għandek tagħmel l-injezzjoni.
Jekk ma tistax issegwi l-istruzzjonijiet kollha waħdek, jew m’intix kapaċi timmaniġġja l-pinna (per eżempju, għandek problemi ta’ vista) użaha biss jekk għandek l-għajnuna.
Planġer iswed
Il-planġer se jimxi mal-iskala tad-doża wara kull injezzjoni. Fl-eżempju t’hawn fuq, in-numru tad-doża juri li fadal 13-il injezzjoni oħra.
Din il-pinna hija għal persuna waħda biss. M’għandekx taqsamha ma’ ħaddieħor.
Dejjem iċċekkja t-tikketta biex tiżgura li għandek il-pinna Lyxumia t-tajba. Iċċekkja wkoll li d-data
ta’ skadenza għada tgħodd. Li tuża l-mediċina l-ħażina tista’ tkun ta’ periklu għal saħħtek.
Tippruvax toħroġ xi likwidu mill-iskartoċċ permezz ta’ xi siringa.
Siġill protettiv
Uża biss labar li huma approvati għall- użu ma’ Lyxumia. Mal-pinna Lyxumia tiegħek, uża labar għall-pinen b’gejġ ta’ 29 sa 32 u li
jintremew wara l-ewwel użu. Staqsi lit-tabib, lill-ispiżjar jew lin-ners tiegħek liema tul u gejġ ta’
labra huma l-aħjar għalik.
Jekk xi persuna oħra se tagħti l-injezzjoni, għandhom joqgħodu attenti li ma jweġgħux lil xi ħadd ieħor bil-labra b’mod aċċidentali . Dan jista’ jikkaġuna xi infezzjoni.
Dejjem uża labra ġdida għal kull injezzjoni. Dan jgħin sabiex tippreveni l-kontaminazzjoni ta’ Lyxumia u li tinstadd il-labra.
L-attivazzjoni issir biex tkun ċert li l-pinna qiegħda taħdem tajjeb u li doża għall-ewwel injezzjoni
tiegħek hija korretta.
tiegħek.
L-istampi hawn taħt juru kif it-tieqa t’attivazzjoni fuq il-buttuna tal-injezzjoni tal-pinna tiegħek titbiddel
wara l-attivazzjoni.
(tieqa oranġjo)
(tieqa bajda)
Il-pinna hija attivata u lesta għall-injezzjonijiet.It-tieqa tibqa’ bajda wara l-attivazzjoni.
Proċedura 1 Neħħi l-kappa tal-pinna u ċċekkja l-pinna
Iċċekkja li t-tieqa t’attivazzjoni hija oranġjo.
Iċċekkja l-likwidu. Dan għandu jkun ċar, bla kulur u mingħajr frak. Jekk le, tużax din il-pinna.
Għamel kuntatt mat-tabib, mal-ispiżjar jew man- ners.tiegħek.
Proċedura 2 Waħħal labra u neħħi l-kapep tal-labar
Dejjem uża labra ġdida għall-attivazzjoni.
Neħħi s-siġill protettiv mill-għatu ta’ barra tal-labra
Ġib il-labra u l-pinna bi dritt ma’ xulxin. Żomm il-labra dritta waqt li tinvitaha fuq il-pinna.
Żomm
Armi
Oqgħod attent/a li ma tweġġax lilek innifsek waqt li l-labra tkun esposta.
Neħħi l-kapep ta’ barra u ta’ ġewwa tal-labra. Żomm il-kappa ta’ barra tal-labra – se jkollok bżonnha biex tneħħi l-labra aktar tard.
Proċedura 3 Iġbed il-buttuna tal-injezzjoni ’l barra
Issa l-vleġġa se tkun qeda tipponta lejn il-labra.
Proċedura 4 Agħfas u żomm ’l isfel il-buttuna tal-injezzjoni sabiex tneħħi l-likwidu żejjed
Ipponta l-labra lejn kontenitur xieraq (bħal tazza tal-karti jew karta assobenti) biex iżżomm il-likwidu u
tkun tista’ tarmih.
Klikk
Jekk ma joħroġx ebda likwidu ara s-sezzjoni “Mistoqsijiet u tweġibiet” .
Iċċekkja li issa t-tieqa t’attivazzjoni hija bajda. Proċedura 5 Issa l-pinna hija attivata.
Dawwar il-paġna
Proċedura A Neħħi l-kappa tal-pinna u ċċekkja l-pinna
Iċċekkja l-likwidu. Dan għandu jkun ċar, bla kulur u mingħajr frak. Jekk le, tużax din il-pinna. F’każ ta’ bżieżaq tal-arja ara s-sezzjoni “Mistoqsijiet u tweġibiet”.
Iċċekkja n-numru ta’ dożi fil-pinna. Dan jidher skont il-pożizzjoni tal-planġer iswed fl-iskla tad-doża. Iċċekkja li t-tieqa t’attivazzjoni hija bajda. Jekk hija oranġjo mur f’sezzjoni 2.
Iċċekkja t-tikketta fuq il-pinna tiegħek sabiex taċċerta ruħek li għandek il-mediċina t-tajba.
Proċedura B Waħħal labra ġdida u neħħi l-kapep tal-labra
Dejjem uża labra ġdida għal kull injezzjoni.
Neħħi s-siġill protettiv mill-għatu ta’ barra tal-labra
Ġib il-labra u l-pinna bi dritt ma’ xulxin. Żomm il-labra dritta waqt li tinvitaha fuq il-pinna.
Żomm
Armi
Oqgħod attent/a li ma tweġġax lilek innifsek waqt li l-labra tkun esposta.
Neħħi l-kapep ta’ barra u ta’ ġewwa tal-labra. Żomm il-kappa ta’ barra tal-labra – se jkollok bżonnha biex tneħħi l-labra aktar tard.
Proċedura Ċ Iġbed il-buttuna tal-injezzjoni ’l barra
Issa l-vleġġa se tkun qeda tipponta lejn il-labra.
Proċedura D Agħfas u żomm ’l isfel il-buttuna tal-injezzjoni sabiex tinjetta d-doża
Aqbad biċċa mill-ġilda u daħħal il-labra (ara s-sezzjoni “Postijiet ta’ injezzjoni” dwar fejn għandek tagħmel l-injezzoni).
Proċedura E Neħħi u armi l-labra wara kull injezzjoni.
Poġġi l-kappa ta’ barra tal-labra fuq wiċċ ċatt. Mexxi l-labra għal ġol-kappa ta’ barra tal-labra. Erġa’ qiegħed il-kappa ta’ barra tal-labra lura fuq il-labra.
Agħfas il-kappa ta’ barra tal-labra biex taqbad il-labra u b’hekk tkun tista’ tħoll il-labra mill-pinna.
Staqsi lill-ispiżjar tiegħek dwar kif tarmi l-labra li m’għadekx tuża. Erġa’ qiegħed il-kappa tal-pinna f’posta
Fit-tabella, ikteb id-data ta’ meta attivajt il-pinna u d-data ta’ meta trid tarmiha 14-il ġurnata wara.
Pinna | Data t’Attivazzjoni | Data ta’ meta trid tintrema |
1 |
Żomm il-pinen Lyxumia tiegħek f’post sikur fejn ma jintlaħqux u ma jidhrux mit-tfal.
Ipproteġi l-pinen Lyxumia tiegħek mit-trab u l-ħmieġ.
Erġa’ qiegħed il-kappa tal-pinna f’posta war kull użu sabiex tilqa’ mid-dawl.
Tużax Lyxumia wara d-data ta’ meta tiskadi li tidher fuq it-tikketta u fuq il-kartuna. Id-data ta’ meta
tiskadi tirreferi għall-aħħar ġurnata ta’ dak ix-xahar.
Aħżen il-pinen Lyxumia li m’intix qed tuża fil-friġġ, f’temperatura ta’ 2°C sa 8°C.
Tagħmilx il-pinen Lyxumia fil-friża u tużax Lyxumia jekk tkun ġiet iffriżata.
Qabel ma tużaha, ħalli l-pinna tiegħek tilħaq it-temperatura tal-kamra.
Ladarba ġiet attivata, aħżen il-pinna Lyxumia tiegħek f’temperatura taħt 30°C. Ladarba ġiet attivata, tagħmilx Lyxumia fil-friża.
Taħżinx il-pinna Lyxumia tiegħek bil-labra mwaħħla. Labra mwaħħla tista’ twassal għall- kontaminazzjoni u għall-possibbiltà li tidħol xi arja u taffettwa l-eżattezza tad-doża.
Ladarba l-pinna Lyxumia tiegħek ġiet attivata tista’ tintuża għal 14-il ġurnata. Armi pinna Lyxumia
użata wara 14-il ġurnata. Agħmel hekk anki jekk ikun fadal xi mediċina fil-pinna.
Erġa’ qiegħed il-kappa tal-pinna f’posta qabel ma tarmi l-pinna Lyxumia tiegħek.
Armi l-pinna Lyxumia tiegħek, staqsi lill-ispiżjar tiegħek dwar kif tarmi mediċini li m’għadekx tuża.
Immaniġġja l-pinna Lyxumia tiegħek b’attenzjoni.
Tista’ tnaddaf il-parti ta’ barra tal-pinna Lyxumia tiegħek billi timsaħha b’biċċa niedja.
Ixxarrabx, taħsilx u tqiegħedx xi likwidu (tillubrika) fuq il-pinna Lyxumia tiegħek, dan jista’
jagħmillha l-ħsara.
Jekk taħseb li l-pinna Lyxumia tiegħek għandha l-ħsara, tużahiex. Tipprovax tirranġa l-pinna.