Ecoporc Shiga
genetically modified Shiga-toxin-2e antigen
Detentur tal-awtorizzazzjoni għat-tqegħid fis-suq:
Ceva Santé Animale 10 av. de La Ballastière 33500 Libourne
Franza
Manifattur responsabbli għall-ħruġ tal-lott:
IDT Biologika GmbH | ||
Am Pharmapark | ||
06861 Dessau-Rosslau | ||
Il-Ġermanja |
Ceva-Phylaxia Veterinary Biologicals Co. Ltd. Szállás u. 5.
1107 Budapest
Ungerija
Ecoporc SHIGA Suspensjoni għall-injezzjoni għal qżieqeż
Kull doża ta’ 1 ml fiha:
Antiġen Stx2e rikombinanti modifikat ġenetikament: ≥ 3.2 x 106 Unitajiet ELISA
Aluminju (bħala idrossidu) massimu 3.5 mg
Thiomersal massimu 0.115 mg
Dehra wara li tħawdu: suspensjoni omoġena minn safranija sa kannella
Tilqima attiva ta’ qżieqeż mill-età ta’ 4 ijiem, biex titnaqqas il-mortalità u sinjali kliniċi ta’ mard tal- edema kkawżat minn tossina Stx2e prodotta minn E. coli (STEC).
Bidu tal-immunità: 21 jum wara l-vaċċin Tul tal-immunità: 105 jum wara l-vaċċin
Tużax f’każijiet ta’ sensittività eċċessiva għall-ingredjent attiv, għas-sustanza mhux attiva jew kwalunkwe ingredjent ieħor.
Reazzjonijiet lokali żgħar ħafna bħal nefħa ħafifa fis-sit tal-injezzjoni (massimu ta’ 5 mm), jistgħu’ jiġu osservata b’mod komuni, iżda dawn ir-reazzjonijiet huma temporanji u jfiqu fi żmien qasir (sa sebat ijiem) u mingħajr ebda kura. B’mod komuni tista’ sseħħ żieda żgħira fit-temperatura tal-ġisem (massimu ta’ 1.7°C) wara l-injezzjoni. Iżda dawn ir-reazzjonijiet jonqsu fi żmien qasir (massimu ta’ jumejn) mingħajr kura. Jistgħu jiġu osservati wkoll sinjali kliniċi oħra bħal disturbi temporanji ħfief fl- imġieba, imma dawn jiġu osservati b’mod inqas komuni wara l-applikazzjoni ta’ Ecoporc SHIGA.
Il-frekwenza ta’ effetti mhux mixtieqa hija definita skont din il-konvenzjoni:
komuni ħafna (aktar minn wieħed f’10 annimali li juru effett(i) mhux mixtieq(a) matul il-perjodu
ta’ kura waħda)
komuni (aktar minn wieħed iżda inqas minn 10 annimali f’100 annimal)
mhux komuni (aktar minn wieħed iżda inqas minn10 annimali f’1,000 annimal)
rari (aktar minn wieħed iżda inqas minn10 annimali f’10,000 annimal)
rari ħafna (inqas minn annimal wieħed f’10,000 annimal, inklużi rapporti iżolati).
Jekk tinnota xi effetti serji anke dawk mhux imsemmija f’dan il-fuljett, jew taħseb li l-mediċina ma ħadmitx, jekk jogħġbok informa lit-tabib veterinarju tiegħek.
Qżieqeż
Qabel l-għoti, ħawwad il-kunjett tal-vaċċin b’attenzjoni.
Injezzjoni waħda ġol-muskoli (1 ml) lil qżieqeż mill-età ta’ 4 ijiem. Is-sit ippreferut tal-applikazzjoni hu l-muskolu tal-għonq wara l-widna.
Hu rakkomandat li tuża labra li tkun adattata għall-età tal-qżieqeż (daqs ippreferut ta’ 21G u tul ta’
16 mm).
Żero jiem
Żomm fejn ma jidhirx u ma jintlaħaqx mit-tfal. Aħżen fil-friġġ (2°C – 8°C).
Tagħmlux fIl-friża. Ipproteġi mid-dawl.
Iż-żmien kemm idum tajjeb wara li jinfetaħ il-kontenitur għall-ewwel darba: 24 siegħa. Bejn il-ġbid tal-
mediċina permezz tas-siringa minn ġol-kunjett, il-vaċċin għandu jinħażen f’temperatura ta’ 2°C – 8°C.
Tużax dan il-prodott mediċinali veterinarju wara d-data ta’ skadenza murija fuq it-tikketta jew il- pakkett.
Prekawzjonijiet speċjali għall-użu fl-annimali:
Laqqam biss annimali li jkunu f’saħħithom.
Prekawzjonijiet speċjali li għandhom jittieħdu mill-persuna li tamministra l-prodott mediċinali
veterinarju lill-annimali:
F’każ li tinjetta b’mod aċċidentali lilek innifsek jew tibilgħu, fittex minnufih parir mediku u qis li turi l-fuljett ta’ informazzjoni tal-pakkett jew it-tikketta lit-tabib.
Tqala u treddigħ:
Is-sigurtà tal-prodott mediċinali veterinarju ma ġietx stabbilita waqt it-tqala u t-treddigħ. L-użu tiegħu
mhux rakkomandat waqt it-tqala jew fit-treddigħ.
Interazzjoni ma’ prodotti mediċinali oħrajn u forom oħra ta’ interazzjoni:
L-ebda informazzjoni mhi disponibbli dwar is-sigurtà u l-effikaċja ta’ dan il-vaċċin meta jintuża ma’
kwalunkwe prodott mediċinali veterinarju ieħor.
Għalhekk, deċiżjoni dwar jekk dan il-vaċċin għandux jintuża qabel jew wara kwalunkwe prodott mediċinali veterinarju ieħor, għandha ssir mit-tabib veterinarju responsabbli każ b’każ.
Inkompatibilitajiet maġġuri:
Tħallatx ma’ ebda prodott mediċinali veterinarju ieħor.
Doża eċċessiva (sintomi, proċeduri ta’ emerġenza, antidoti), jekk ikun hemm bżonn):
Wara l-għoti ta’ doża doppja tal-vaċċin, l-ebda reazzjonijiet avversi ħlief dawk deskritti f’sezzjoni 6 ma ġew osservati.
Staqsi lill-kirurgu veterinarju tiegħek dwar kif l-aħjar li tarmi l-mediċini li ma jkunux aktar meħtieġa.
Dawn il-miżuri għandhom jgħinu sabiex jipproteġu l-ambjent.
{XX/SSSS}
Flixkun PET li jkun fih 50 ml jew 100 ml, magħluq b’tapp tal-lastku tal-bromobutyl u ssiġillat b’għatu
tal-aluminju li jista’ jitqaċċat.
Daqsijiet tal-pakketti:
Kaxxa tal-kartun bi flixkun PET li jkun fih 50 doża (50 ml) jew 100 doża (100 ml)
Mhux id-daqsijiet kollha tal-pakkett jistgħu qegħdin fis-suq.