Irbesartan/Hydrochlorothiazide Teva
irbesartan, hydrochlorothiazide
irbesartan / hydrochlorothiazide
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara s-sezzjoni 4.
X’inhu Irbesartan/Hydrochlorothiazide Teva u għal xiex jintuża
X’għandek tkun taf qabel ma tieħu Irbesartan/Hydrochlorothiazide Teva
Kif għandek tieħu Irbesartan/Hydrochlorothiazide Teva
4. Effetti sekondarji possibbli
Kif taħżen Irbesartan/Hydrochlorothiazide Teva
Kontenut tal-pakkett u informazzjoni oħra
Irbesartan/Hydrochlorothiazide Teva hu kombinazzjoni ta’ żewġ sustanzi attivi, irbesartan u hydrochlorothiazide. Irbesartan jappartjeni għall-grupp ta’ mediċini magħrufin bħala antagonisti tar- riċetturi angiotensin-II. Angiotensin-II hija sustanza li tiġi prodotta mill-ġisem stess li tingħaqad ma’ riċettaturi fil-vażi tad-demm u ġġalhom jissikkaw. Dan iwassal għal żieda fil-pressjoni tad-demm. Irbesartan ixekkel l-irbit ta’ angiotensin-II ma’ dawn ir-riċettaturi, għalhekk il-vażi tad-demm jirrilassaw u l-pressjoni tad-demm tonqos.
Hydrochlorothiazide hu wieħed minn gruppi ta’ mediċini (li jissejħu dijuretiċi ta’ thiazide) li jikkawżaw żieda fl-awrina u b’hekk tonqos il-pressjoni tad-demm.
Iż-żewġ sustanzi attivi f’Irbesartan/Hydrochlorothiazide Teva jaħdmu flimkien biex ibaxxu l-pressjoni tad-demm aktar milli kieku kellu jaġixxi wieħed minnhom biss.
Jekk inti allerġiku/a għal irbesartan jew għal xi sustanza ta' din il-mediċina (elenkati fis- sezzjoni 6)
Jekk inti allerġiku/a għal hydrochlorothiazide jew mediċini oħra derivati minn sulfonamide
Jekk għandek aktar minn 3 xhur tqala (ikun aħjar jekk tevita Irbesartan/Hydrochlorothiazide Teva fiż-żmien bikri ta’ tqala - ara s-sezzjoni ta’ tqala)
Jekk qed tbati minn problemi severi tal-fwied jew kliewi.
Jekk tbati biex tgħaddi l-awrina.
Jekk it-tabib tiegħek jistabbilixxi li għandek livelli persistenti ta’ kalċju għoli jew livelli baxxi
jekk għandek id-dijabete jew funzjoni tal-kliewi indebolita u qed tiġi kkurat b’mediċina li tbaxxi
l-pressjoni tad-demm li fiha aliskiren.
Kellem lit-tabib tiegħek qabel ma tieħu Irbesartan/Hydrochlorothiazide Teva u jekk xi wieħed minn dawn li ġejjin japplika għalik:
Jekk ikollok dijarea jew remettar eċċessiv
Jekk tbati minn problemi bil-kliewi jew għandek trapjant ta’ kilwa
Jekk tbati minn problemi fil-qalb
Jekk tbati minn problemi tal-fwied
Jekk tbati minn dijabete
Jekk tbati minn lupus erythematosus (magħrufa wkoll bħala lupus jew SLE)
Jekk tbati minn aldosteroniżmu primarju (kundizzjoni relatata ma’ produzzjoni għolja tal- ormon aldosterone, li tikkaġuna ż-żamma ta’ sodju u, allura żieda fil-pressjoni tad-demm)
jekk qed tieħu xi waħda minn dawn il-mediċini li ġejjin li jintużaw għal kura ta’ pressjoni tad- demm għolja:
inibitur ta’ ACE (pereżempju enalapril, lisinopril, ramipril), b’mod partikulari jekk għandek
problemi tal-kliewi relatati mad-dijabete.
aliskiren
Jekk kellek kanċer tal-ġilda jew jekk tiżviluppa leżjoni fil-ġilda mhux mistennija matul it- trattament. It-trattament b’hydrochlorothiazide, b’mod partikolari l-użu fit-tul b’dożi għoljin, jista’ jżid ir-riskju ta’ xi tipi ta’ kanċer tal-ġilda u tax-xoffa (kanċer tal-ġilda mhux melanoma). Ipproteġi l-ġilda tiegħek mill-esponiment għax-xemx u għar-raġġi UV waqt li tkun qed tieħu Irbesartan/Hydrochlorothiazide Teva.
It-tabib tiegħek jista’ jiċċekkja l-funzjoni tal-kliewi tiegħek, il-pressjoni tad-demm, u l-ammont ta’
elettroliti (eż. potassium) fid-demm tiegħek f’intervalli regolari.
Ara wkoll l-informazzjoni taħt l-intestatura “Tiħux Irbesartan/Hydrochlorothiazide Teva”.
Għandek tgħarraf lit-tabib tiegħek jekk taħseb li (jew jekk tista’) tinqabad tqila. Irbesartan/Hydrochlorothiazide mhux rakkomandat fil-bidu ta’ tqala, u m’għandux jittieħed jekk għandek aktar minn 3 xhur tqala, peress li jista’ jikkawża ħsara serja lit-tarbija tiegħek jekk jintuża f’dak l-istadju (ara s-sezzjoni tat-tqala).
Għandek tgħid lit-tabib tiegħek ukoll:
jekk inti qiegħed fuq dieta ta’ low salt
jekk ikollok sinjali ta’ għatx mhux normali, ħalq xott, dgħufija ġenerali, ħedla, uġigħ fil- muskoli jew bugħawwieġ, tqalligħ, remettar, jew il-qalb tħabbat tgħaġġel aktar malajr b’mod abnormali li jistgħu jindikaw effett eċċessiv ta’ hydrochlorothiazide (li jinsab f’Irbesartan/Hydrochlorothiazide Teva).
Jekk ikollok sensittività ogħla fil-ġilda għax-xemx b’sintomi ta’ ħruq ta’ xemx (bħal ħmura, ħakk, nefħa, nfafet) li jseħħu aktar malajr minn normal.
Jekk ser ikollok intervent kirurġiku (operazzjoni) jew ser tingħata xi loppju.
jekk ikollok tibdil fil-vista jew uġigħ f’waħda mill-għajnejn jew fiż-żewġ għajnejn meta tkun qed tieħu Irbesartan/Hydrochlorothiazide Teva. Dan jista’ jkun sinjal ta’ akkumulazzjoni ta’ fluwidu fis-saff vaskulari tal-għajn (effużjoni korojdali) jew li inti qed tiżviluppa glawkoma, pressjoni miżjuda f’għajn minnhom jew fiż-żewġ għajnejn. Għandek tieqaf tieħu kura b’Irbesartan/Hydrochlorothiazide Teva u għandek tfittex parir mediku minnufih
Il-hydrochlorothiazide li jinsab f’din il-mediċina tista’ tipproduċi riżultat pożittiv f’test ta’ antidoping
Irbesartan/Hydrochlorothiazide Teva m’ghandux jingħata lil tfal u adolexxenti (taħt it-18 il-sena). Jekk tifel/tifla jibla’/tibla’ xi pilloli, kellem lit-tabib tiegħek minnufih.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista' tieħu xi mediċina oħra.
It-tabib tiegħek jista’ jkollu bżonn jibdel id-doża tiegħek u/jew jieħu prekawzjonijiet oħrajn:
Jekk qed tieħu inibitur ta’ ACE jew aliskiren (ara wkoll l-informazzjoni taħt l-intestaturi “Tiħux
Irbesartan/Hydrochlorothiazide Teva” u “Twissijiet u prekawzjonijiet”)
Sustanzi dijuretiċi bħal hydrochlorothiazide li jinsab f’Irbesartan/Hydrochlorothiazide Teva jista’ jkollu effett fuq mediċini oħra. Taħlitiet li jkun fihom il-litju m’għandhomx jittieħdu b’Irbesartan/Hydrochlorothiazide Teva mingħajr superviżjoni mill-qrib mit-tabib tiegħek.
Supplimenti tal-potassju
Sostituti tal-imluħa li jkun fihom il-potassju.
Mediċini li ma jinkoraġixxux it-tnixxija tal-awrina jew dijuretiċi oħra (pilloli tal-ilma).
Xi porog
Mediċini għat-trattament tal-gotta
Supplimenti tal-vitamina D għal trattament.
Mediċini li jikkontrollaw ir-ritmu tal-qalb.
Mediċini għad-dijabete (sustanzi orali jew insulini).
Carbamazepine (mediċina għall-kura tal-epilessija).
Huwa importanti wkoll li tgħarraf lit-tabib tiegħek jekk qed tieħu mediċini li jnaqqsu l-pressjoni tad- demm tiegħek, kif ukoll sterojdi, mediċini biex tittratta l-kanċer, pilloli li jtaffu l-uġigħ, mediċini kontra l-artrite, jew colestyramine u reżini ta’ colestipol biex tbaxxi l-kolesterol fid-demm.
Minħabba li hemm hydrochlorothiazide f’Irbesartan/Hydrochlorothiazide Teva, jekk tieħu alkoħol waqt li tkun qed fuq trattament b’din il-mediċina, jista’ jkollok aktar sturdamenti meta tqum bilwieqfa,
speċjalment meta tqum minn pożizzjoni bilqegħda. Irbesartan/Hydrochlorothiazide Teva.
Għandek tgħarraf lit-tabib tiegħek jekk taħseb li inti (jew li tista tinqabad) tqila. It-tabib tiegħek ġeneralment ser jirrakomandalek biex tieqaf tieħu Irbesartan/Hydrochlorothiazide Teva qabel ma tinqabad tqila jew kif issir taf li inti tqila, u ser jagħtik parir tieħu mediċina oħra minflok Irbesartan/Hydrochlorothiazide Teva. Irbesartan/Hydrochlorothiazide Teva mhux rakkomandat matul it-tqala, u m’għandux jittieħed wara aktar minn 3 xhur tat-tqala, peress li tista’ tikkawża ħsara serja lit-
tarbija tiegħek jekk jintuża wara it-tielet xahar ta’ tqala.
Għarraf lit-tabib tiegħek jekk qed tredda’ jew beħsiebek tibda tredda. Irbesartan/Hydrochlorothiazide Teva mhux rakkomandat għal ommijiet li qed ireddgħu, u t-tabib
tiegħek għandu mnejn jagħżel trattament ieħor għalik jekk tixtieq tibda tredda’, speċjalment jekk it-
tarbija tiegħek hija tarbija li għadha kif twieldet, jew twieldet qabel.
Irbesartan/Hydrochlorothiazide Teva mhux probabbli li jaffettwa is-sewqan tiegħek jew t-tħaddim ta’ inġeni minnek. Madankollu, jista’ jkun li ikollok xi stordamenti jew tħossok għajjiena waqt it-
trattament bi pressjoni tad-demm għolja. Jekk tħoss hekk, kellem lit-tabib tiegħek qabel tipprova ssuq jew tħaddem inġenji.
Din il-mediċina fiha anqas minn 1 mmol sodium (23 mg) f’kull pillola miksija b’rita, jiġifieri essenzjalment ‘ħieles mis-sodium’.
Dejjem għandek tieħu din il-mediċina skont il-parir eżatt tat-tabib. Dejjem għandek taċċerta ruħek
mat-tabib jew mal-ispiżjar tiegħek jekk ikollok xi dubju.
Id-doża rakkomandata ta’ Irbesartan/Hydrochlorothiazide Teva hi ta’ pillola waħda jew tnejn kuljum. Irbesartan/Hydrochlorothiazide Teva ser jingħata lilek b’riċetta tat-tabib tiegħek meta trattament
preċedenti għal pressjoni għolja tad-demm ma tipprovdix tnaqqis xieraq fil-pressjoni tad-demm. It-
tabib tiegħek ser jagħtik struzzjonijiet sabiex taqleb mit-trattament li kont tieħu għal
Irbesartan/Hydrochlorothiazide Teva.
Irbesartan/Hydrochlorothiazide Teva jittieħed mill-ħalq. Ibla’ l-pilloli b’ammony xieraq ta’ fluwidu (eż. tazza ilma). Tista tieħu Irbesartan/Hydrochlorothiazide bl-ikel jew mingħajru. Ipprova ħu d-doża ta’ kuljum tiegħek fl-istess ħin kuljum. Huwa importanti li tibqa’ tieħu Irbesartan/Hydrochlorothiazide Teva sakemm it-tabib jgħidlek mod ieħor.
L-effett massimu fit-tnaqqis tal-pressjoni għandu jintlaħaq f’6-8 ġimgħat mill-bidu tat-trattament.
Jekk b’bod aċċidentali tieħu aktar pilloli milli suppost, ikkuntattja lit-tabib tiegħek minnufih.
Hekk b’mod aċċidentali tinsa tieħu d-doża tiegħek, ħu d-doża li jmissek tieħu bħas-soltu. M’għandekx tieħu doża doppja biex tpatti għal kull doża li tkun insejt tieħu.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina jista’ jkollha effetti sekondarji, għalkemm ma jidhrux fuq kulħadd. Xi wħud minn dawn l-effetti jistgħu jkunu serji u jeħtieġu attenzjoni medika.
Każijiet rari ta’ reazzjonijiet allerġiċi fuq il-ġilda (raxx, urtikarja), kif ukoll nefħa lokalizzata fuq il- wiċċ, ix-xofftejn u/jew l-ilsien ġew rapportati f’pazjenti li kienu qed jieħdu irbesartan. Jekk ikollok xi wieħed minn dawn is-sintomi jew ikollok qtugħ ta’ nifs, ieqaf milli tieħu Irbesartan/Hydrochlorothiazide u kkuntattja lit-tabib minnufih.
Effetti sekondarji rapportati fi studji kliniċi ttrattati bil-kombinazzjoni ta’ irbesartan u hydrochlorothiazide kienu:
tqalligħ/remettar
tgħaddi l-awrina b’mod anormali
għeja
stordament (li jinkludi meta tqum bilwieqfa meta tkun qed tistrieħ jew bilqegħda)
testijiet tad-demm jistgħu juru żieda f’enzima li tkejjel l-funzjoni tal-muskoli u tal-qalb (creatine kinase) jew livelli ogħla ta’ sustanzi li jkejlu l-funzjoni tal-kliewi (nitroġenu fl-urea, kreatinina fid-demm).
dijarea
pressjoni tad-demm baxxa
ħass ħażin
qalb tħabbat b’mod mgħaġġel
fwawar
nefħa
impotenza sesswali (problemi fil-prestazzjoni sesswali)
testijiet tad-demm li juru livelli mnaqqsa ta’ potassju u sodju fid-demm tiegħek.
Xi effetti mhux mixtieqa ġew rapportati minn meta tqegħdet fis-suq il-kombinazzjoni ta’ irbesartan u hydrochlorothiazide. Effetti mhux mixtieqa fejn il-frekwenza mhijiex magħrufa huma: uġigħ ta’ ras, ċenċil fil-widnejn, sogħla, disturbi fit-togħma, indiġestjoni, uġigħ fil-ġogi u l-muskoli, it-testijiet tal- funzjoni tal-fwied mhux normali u indeboliment tal-funzjoni tal-kliewi, żieda fil-livell ta’ potassju fid- demm tiegħek u reazzjonijiet allerġiċi bħal raxx, ħorrieqija, nefħa fil-wiċċ, ix-xofftejn, il-ħalq, l-ilsien jew il-griżmejn. Każijiet mhux komuni ta’ suffejra (sfurija tal-ġilda u/jew abjad tal-għajnejn) ġew irrapportati wkoll.
Bħal fil-każ tal-kombinazzjoni taż-żewġ sustanzi attivi, effetti sekondarji assoċjati ma’ kull
komponent individwali ma jistax jiġi eskluż.
Minbarra mill-effetti sekondarji elenkati hawn fuq, l-uġigħ fis-sider, reazzjonijiet allerġiċi severi (xokk anafilattiku) u tnaqqis fin-numru ta’ plejtlits (ċellula tad-demm importanti ħafna sabiex id-demm jgħaqqad) ġew rapportati ukoll.
Nuqqas t’aptit; irritazzjoni tal-istonku; bugħawwieġ; stitikezza, suffejra, li tidher bħala sfurija tal-ġilda
u/jew l-abjad tal-għajnejn; infjammazzjoni tal-frixa kkaraterizzata f’uġigħ sever fuq in-naħa ta’ fuq
tal-istonku; kultant bi tqalligħ u remettar, disturbi fl-irqad; dipressjoni; viżjoni mċajpra; tnaqqis fil- vista jew uġigħ f’għajnejk minħabba pressjoni għolja (sinjali possibbli ta’ akkumulazzjoni ta’ fluwidu fis-saff vaskulari tal-għajn (effużjoni korojdali) jew glawkoma tat-tip angle-closure akuta); nuqqas ta’ ċelluli bojod tad-demm li jista’ jirriżulta f’infezzjonijiet ta’ spiss, deni, tnaqqis fl-għadd ta’ plejtlets (ċellula tad-demm essenzjali biex taqgħad id-demm), għadd imnaqqas ta’ ċelluli tad-demm ħomor (anemija) ikkaraterizzata b’għeja, uġigħ ta’ ras, nifs maqtugħ meta tagħmel l-eżerċizzji, sturdament u tkun tidher pallidu; mard tal-kliewi; problemi li jinkludu pnewmonja jew akkumulazzjoni ta’ fluwidi fil-pulmun; sensittivita ogħla tal-ġilda fix-xemx; infjammazzjoni tal-vażi tad-demm; marda tal-ġilda kkaraterizzata bit-tqaxxir tal-ġilda fuq il-ġisem kollu; eritomatosi lupus kutaneja, li tii identifikata b’raxx li jista’ jidher fuq il-wiċċ, l-għonq u l-qurriegħa. Reazzjonijiet allerġiċi; debolezza u spażmi muskolari; tibdil fir-rata tal-qalb; tnaqqis fil-pressjoni tad-demm wara bidla fil-pożizzjoni tal-ġisem; nefħa fil-glandoli tar-riq; livelli għolja taz-zokkor fid-demm; demm fl-awrina; żieda f’xi tipi ta’ xaħam fid-demm; livelli għolja ta’ aċidu uriku fid-demm, li jistgħu jikkawżaw gotta.
Frekwenza ‘mhux magħrufa’: Kanċer tal-ġilda u tax-xoffa (Kanċer tal-ġilda mhux melanoma)
Mhux magħruf jekk effetti sekondarji assoċjati ma’ hydrochlorothiazide jiżdidux b’dożi ogħla ta’
hydrochlorothiazide.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ skadenza li tidher fuq il-kartuna u fuq il-folja wara EXP. Id-data ta’ skadenza tirreferi għal l-aħħar ġurnata ta’ dak ix-xahar.
Għal Irbesartan/Hydrochlorothiazide Teva ippakkjat f’folji opaki bojod tal-PVC-PVdC - aluminju:
Taħżinx f’temperatura ’l fuq minn 30°C..
Għal Irbesartan/Hydrochlorothiazide Teva ippakkjati fil-folji tal-aluminju-aluminju: Dan il-prodott
mediċinali m’għandux bżonn ħażna speċjali.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar dwar kif għandek tarmi mediċini li m’għandekx tuża. Dawn il-miżuri jgħinu għall- protezzjoni ta’ l-ambjent.
Is-sustanzi attivi huma irbesartan u hydrochlorothiazide.
Kull pillola miksija b’rita ta’ Irbesartan/Hydrochlorothiazide Teva 150 mg/12.5 mg fiha 150 mg irbesartan u 12.5 mg hydrochlorothiazide.
Is-sustanzi l-oħra huma:
Qalba tal-pillola: povidone, pregelatinized starch (qamħirrun), poloxamer 188, microcrystalline
cellulose, croscarmellose sodium, colloidal anhydrous silica u magnesium stearate.
Il-kisi tal-pillola ta’ qawwa ta’ 150 mg/12.5 mg: hypromellose, titanium dioxide, polyethylene glycol 6000 (macrogol), polyethylene glycol 400 (macrogol), iron oxide red, iron oxide yellow u iron oxide black.
Il-pilloli miksija b’rita ta’ Irbesartan/Hydrochlorothiazide Teva 150 mg/12.5 mg huma roża ċari għal roża, miksija b’rita, pilloli f’għamla ta’ kapsula. Naħa waħda tal-pillola hija intaljata bil-kodiċi "93" u n-naħa l-oħra tal-pillola hi intaljata bil-kodiċi "7238".
Il-pilloli miksija b’rita ta’ Irbesartan/Hydrochlorothiazide Teva jiġu f’pakketti ta’ daqsijiet ta’ 7 pilloli, 14-il pillola, 15-il pillola, 20, 28, 30, 56, 84, 60, 90, 98 u 100 pillola miksija b’rita ġo folji mhux ipperforati; daqs tal-pakkett ta’ 50 x 1 pillola miksija b’rita f’folji ta’ doża unika u
daqs ta’ pakkett ta’ 28 pillola miksija b’rita f’folji ta’ xahar mhux ipperforati.
Jista’ jkun li mhux il-pakketti tad-daqsijiet kollha jkunu għall-skop kummerċjali.
Teva B.V. Swensweg 5 2031GA Haarlem The Netherlands
Teva Operations Poland Sp.z.o.o ul. Mogilska 80
31-546 Kraków
Il-Polonja
Teva Pharmaceutical Works Private Limited Company
Pallagi út 13 Debrecen H-4042 L-Ungerija
Pharmachemie B.V.
Swensweg 5
2031 GA Haarlem
L-Olanda
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur ta’ l-Awtorizzazzjoni għat-tqegħid fis-Suq:
Teva Pharma Belgium N.V./S.A./AG
Tél/Tel: +32 38207373
UAB Teva Baltics
Tel: +370 52660203
Тева Фарма ЕАД Teл: +359 24899585
Teva Pharma Belgium N.V./S.A./AG
Tél/Tel: +32 38207373
Teva Pharmaceuticals CR, s.r.o. Tel: +420 251007111
Teva Gyógyszergyár Zrt. Tel: +36 12886400
Teva Denmark A/S Tlf: +45 44985511
Teva Pharmaceuticals Ireland L-Irlanda
Τel: +44 2075407117
Teva GmbH
Tel: +49 73140208
Teva Nederland B.V. Tel: +31 8000228400
UAB Teva Baltics Eesti filiaal
Tel: +372 6610801
Teva Norway AS Tlf: +47 66775590
Specifar A.B.E.E.
Τηλ: +30 2118805000
ratiopharm Arzneimittel Vertriebs-GmbH
Tel: +43 1970070
Teva Pharma, S.L.U.
Tel: +34 913873280
Teva Pharmaceuticals Polska Sp. z o.o.
Tel: +48 223459300
Teva Santé
Tél: +33 155917800
Teva Pharma - Produtos Farmacêuticos, Lda
Tel: +351 214767550
Pliva Hrvatska d.o.o Tel: + 385 13720000
Teva Pharmaceuticals S.R.L Tel: +40 212306524
Teva Pharmaceuticals Ireland
Tel: +44 2075407117
Pliva Ljubljana d.o.o. Tel: +386 15890390
Teva Finland Oy
Finnland
Puh/Tel: +358 201805900
Teva Pharmaceuticals Slovakia s.r.o.
Tel: +421 257267911
Teva Italia S.r.l.
Teva Finland Oy
Tel: +39 028917981 Puh/Tel: +358 201805900
Specifar A.B.E.E. Ελλάδα
Τηλ: +30 2118805000
Teva Sweden AB
Tel: +46 42121100
UAB Teva Baltics filiāle Latvijā
Tel: +371 67323666
Teva Pharmaceuticals Ireland Ireland
Tel: +44 2075407117
Informazzjoni dettaljata dwar din il-mediċina tinsab fuq is-sit elettroniku tal-Aġenzija Ewropea għall- Mediċini (EMA): https://www.ema.europa.eu/